عيال برج الدلو

[وعد]

ملاحظه صغيرونه
انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته , قد ينطبق كلامي علي الشخصية بنسبة 2% ولكن تبقي نسبه كبيره بعيني ...........................................




هلا فيكم ومسائكم اللله بالخير والسرور
اليوم بنتكلم عن برج هوائي والي اهو برج الدلو
بس قبل كل شئ خلونا نعرف من من اعضاء المنتدي المنتدي ينتمي لهذا البرج
الي عرفته لحد الحين هما اثنين : ولد الشحوح و شوق القلوب
وبنشوف بعد مين من الاعضاء ينتمون لهذا البرج من خلال الردود
يلا بسم الله نبتدئ

اولا شئ مواليد هالبرج هم الناس الي تاريخ ميلادهم يكون بين 23 يناير و 19 فبراير
هالبرج يقع تحت تاثير كوكب زحل(اورانوس) وطبيعة هذا الكوكب تعطي اصحاب
هالبرج حب الاستقلاليه وحب الحريه
مثل ما قلت هالبرج يحب انه يكون مستقل بذاته غير تابع لاحد,اذا عطاك كلمة يوفي حتي لو ضغط علي نفسه المهم يكون قد الشئ الي وعداك فيه, عشان جذي هو ما يوعدك الا بالشئ الي هو قادر فعلا يسوية

اصحاب هالبرج يحبون الضحك وماشاء الله عليهم نشيطين ولهم شخصية حلوة فعلا لكن عاد هذي الشخصيه ما تطلع لكل الناس لا لا, بس تطلع للناس الي هم يعرفونهم عدل ويرتاحون لهم
واذا ناس ما يعرفونهم نشوف اصحاب هالبرج يمليون للخجل اكثر وتطلع شخصية ثانية نقيض لشخصيتهم الصجيه

, اذا تعرفون حد من الدلو لا تنتقدونه علي قرار خذه لانه الصراحه وايد عنيد فالنقاش معاه ضايع اذا حاولت انك تقنعنه انه يغير رايه
يمكن ساعات تناخذ عليه نقطه انه يكون بارد شوي في التعامل معاك
في الاوقات الي المفروض ما يكون فيها جذي, بس هالشئ لانه هوائي فالمزاج يتحكم فيه
عندهم ميزة تعجبني و متفردين فيها تحسهم يقدرون يهدؤن الناس المعصبين جدامهم مع انهم عصبين , يعني قصدي يقدرون يمتصون غضبهم وفيهم ثبات بالشخصية وبعد عندهم توازن عاطفي
, مع انهم ثابتين بشخصيتهم ومتزنين بس ساعات يلطعون بطلعات غريبه ما تتوقعها منهم وتحسهم شوي ميانين هههههههههه
يمكن هالشئ لانه يبقي جزء من شخصيتهم غامض حتي عن اجرب الناس لهم

فيهم فضول, نعم فضول بس مو الفضول مال الحشريه الزايده لا بالعكس
فضولهم ينبع من اهتمامهم بالشخص هذا وحبهم له ,بس ساعات هالشئ يضيق الي حوليهم

عيال برج الدلو فيهم شغله انهم ياخذون وقت نوعا ما طويل عشان يثقون بالي جدامهم لانه طبعهم شوي شكاكين بس اذا فعلا حبوك ووثقو فيك خلاص لازم تعرف انه مولود هالبرج راح يكون مخلص لك وماراح يقدر حد بسهولة يخرب علاقته فيك او يقلبه عليك لانهم كونوا فكره وصوره لك بعد تفكير طويل وتحليل اطول موسهل حد يخربها

اه تعبت وانا اكنب :no0:

في النهاية ناس حبوبين و شخصيه حلوة بس لازم يعرفونك عدل ويرتاحون لك عشان تشوفهم جذي

الابراج الي تناسبهم: الحمل الجوزاء الميزان الاسد

شرايكم

[تحفه]

cool انا ربعي ثلاثترباعهم دلو .. إنسميه برج الرقاد لول XP

اذا ممكن طلب : جدمي لنا برج العقرب اذا مافي مانع

ومشكوره

[ولد الشحوح]

فيهم فضول, نعم فضول بس مو الفضول مال الحشريه الزايده لا بالعكس
فضولهم ينبع من اهتمامهم بالشخص هذا وحبهم له ,بس ساعات هالشئ يضيق الي حوليهم

معظم الكلام ينطبق علي مشكوووووووووورة إختي

[وعد]

cool انا ربعي ثلاثترباعهم دلو .. إنسميه برج الرقاد لول XP

اذا ممكن طلب : جدمي لنا برج العقرب اذا مافي مانع

ومشكوره

هلا بوظبي
المشكله برج العقرب بعيد وايد لانه بشهر عشر واحدش واحنا نمشي علي الترتيب الميلادي

لا تزعلين مني يا البي ان شاء الله اجدم الابراج بسرعه عان خاطرج :fa35:

[وعد]

فيهم فضول, نعم فضول بس مو الفضول مال الحشريه الزايده لا بالعكس
فضولهم ينبع من اهتمامهم بالشخص هذا وحبهم له ,بس ساعات هالشئ يضيق الي حوليهم

معظم الكلام ينطبق علي مشكوووووووووورة إختي

هلا اخوي ولد الشحوح, شلونك؟
زين والله يعني تنطبق الشخصية :fa35:
طيب عزيزي بخبرك بشئ ثاني اذا كنت مولود بالايام العشرة الاولي من برج الدلو راح تكون فيك صفات شوي من برج الجدي واذا كنت مولود بالعشرة الايام الوسطية ما في اي برج ثاني يتدخل فيك صفاتك لانك بتكون دلو بحت ام اذا كنت مولود بالعشرة الايام الاخيره من برج الدلو فراح يكون فيك شوي من صفات الحوت

تسلم علي مرورك

[أمواج]

:mar7aba:
.
.
متى بيي دورنا . .؟!
أقصــد برج العقــرب . .؟!
.
:bye2:

[وعد]

:mar7aba:
.
.
متى بيي دورنا . .؟!
أقصــد برج العقــرب . .؟!
.
:bye2:

ان شاء الله جريب حبيبتي :fa35:
بس ما قلتي لنا تعرفين حد من برج الدلو؟

[أمواج]

:mar7aba:
.
.
وعــد
للأسف ماعرف حد
.
:bye2:

[صريح]

شو كلنـا
برج العقــرب
:ice:

تسلميـن
وعد ع الموضوع
:)

[وعد]

شو كلنـا
برج العقــرب
:ice:

تسلميـن
وعد ع الموضوع
:)

هلا اخوي الصريح
وانت صاج شكل منتدي واحات بن دبي كله من برج العقرب :kkk:

[تحفه]

شو كلنـا
برج العقــرب
:ice:

تسلميـن
وعد ع الموضوع
:)

ماتجوف محد يستقر في الواحات .. مواليد برج العقرب مستولين علمكان .. محد يستحملنا غير الاغبيـ** قوم برج الثور ههه :harhar1:

[الاسطوري]

شو كلنـا

برج العقــرب
:ice:




هيه شو كلنا برج العرب !

قصدي العقرب
:harhar1:

[المزوحي]

شكرا هااااا برجي ...

[العنكبوته]

انااااا برج الدلوووووو


ومشكوره اختي على الموضوع الحلووووووووو




ويعطيج الف عافيه

[جنون امرأة]

ثااااانكس .. برجي الدلو

[وعد]

هيه شو كلنا برج العرب !

قصدي العقرب
:harhar1:
[/CENTER]

ايه والله يا الاسطوري كلكم برج العقرب,,,,,,,,,,,ما اقول الا الله يعينك يوم حلقة برج العقرب :fa39:

[وعد]

شكرا هااااا برجي ...

هلا اخوي المزوحي الصراحه انا من خلال متابعتي لمواضيعك بواحة فضفضة توقعتك يا برج الدلو يا الحمل:yes:

بس ما قلت هالتنطبق عليك الصفات الي ذكرتها؟

[وعد]

انااااا برج الدلوووووو


ومشكوره اختي على الموضوع الحلووووووووو




ويعطيج الف عافيه

الله يعافيج غناتي:fa35:
تدرين عنكبوته اخوي برج الدلو ووايد يمشي معاي لانه برجي الحمل:yes:
بس ما قلت لي انتي مع الي انذكر من صفات والا لا ؟

[وعد]

ثااااانكس .. برجي الدلو
يو يولكم
هلا عزيزتي
بس ما قلت لي اشكثر هالكلام ينطبق عليج؟:ttmasha:
وانتي اي يوم بالظبط من شهر 2 او 1:fa35:

[وحي القلم]

و انا أتحرى عمري من مواليد الميزان :ice: !!

(( مشكوره يا وعد ))

أغلب الى قلتيه صح :yes:

..

[الشوق]

وعد اخوي من هالبرج
وكل الصفات اللي ذكرتيه فيه ...
.
.
بس فيه صفة المزاجيه أحيانا ...
وهاي الصفه اللي ما ذكرتيها ..
.
.
(( نسيت اخبرج تراني من برج السوسو = السرطان ))

[حلم الطفوله]

الله عليج يا وعد الكل ينتظر برجه .... حتى انا:smartass:

تراني مثل الشوق من برج السوسوbrgll:

[وعد]

و انا أتحرى عمري من مواليد الميزان :ice: !!

(( مشكوره يا وعد ))

أغلب الى قلتيه صح :yes:

..
حياك الله اخوي وحي القلم ولا شكر علي واجب
من غير مجاملة برج الميزان من افضل الابراج بس مشكلتكم انه كل الناس يعيشون معاكم سعيدين بس انتو مع مين تحصلون سعادتكم
اذا انت مو متزوج اخوي وحي القلم للحين, اتمني زوجتك تكون من برج الحمل لانه البرج الانسب لكم يا ميزان :yes:

[حلم الطفوله]

إختييه وعد وحي القلم بنت!

[وعد]

وعد اخوي من هالبرج
وكل الصفات اللي ذكرتيه فيه ...
.
.
بس فيه صفة المزاجيه أحيانا ...
وهاي الصفه اللي ما ذكرتيها ..
.
.
(( نسيت اخبرج تراني من برج السوسو = السرطان ))

حيا الله السرطان ,قصدي الشوق:kcl:
شخبار غناتي,,,,عيل اخوج برج الدلو زين والله,بس انا ذكرت صفة المزاجيه يوم قلت لهم طلعات غريبه ما نتوقعها منهم

ان شاء الله بشوفج يو حلقة برج السوسو ,,,,,وعجبني الاسم :ttmasha:

[سبيجة]

السلام عليكم



أهم صفة حسيت وشفت ولمستها.....المزاجيه...:kkk: وأكيد هالشيء لأنه برج هوائي

ويحب الجدال بطريقة كبيرة...واكيد يحب يكون دايماً وابداً صح....فيه عصبية...بس بعد بمزاج ...يعني ما ترافقة في كل وقت ..واحياناً تصرفات ممكن تضايجه في وقت معين ...وفي وقت ثاني ...يستانس عليها... :nono:

وهالمولود وايد دقيق الملاحظة...



تسلمين يا وعد.. واسمحيلي على ملاحظاتي على هالبرج...اللي نادر ما اتفق معاه... :fa39:


السموحه

[وعد]

إختييه وعد وحي القلم بنت!
اسفه يا وحي القلم وعكسي الكلام علي انج بنت

مشكور حبيبيتي حلم الطفولة علي التنبيه وان شاء الله بشوفج بحلقة برج السوسو

[وعد]

السلام عليكم



أهم صفة حسيت وشفت ولمستها.....المزاجيه...:kkk: وأكيد هالشيء لأنه برج هوائي

ويحب الجدال بطريقة كبيرة...واكيد يحب يكون دايماً وابداً صح....فيه عصبية...بس بعد بمزاج ...يعني ما ترافقة في كل وقت ..واحياناً تصرفات ممكن تضايجه في وقت معين ...وفي وقت ثاني ...يستانس عليها... :nono:

وهالمولود وايد دقيق الملاحظة...

تسلمين يا وعد.. واسمحيلي على ملاحظاتي على هالبرج...اللي نادر ما اتفق معاه... :fa39:

السموحه
هلا سبيجه شخبارج
لا عزيزتي ملاحظتج علي العين والراس
بس انا ذكرت المزاجيه ,,,يوم قلت لهم طلعات غريبه ما نتوقعها منهم
بعدين تعالي ليش ما تتفقين معاه انتي شو برجج القوس؟؟؟؟؟؟؟

[وحي القلم]

حلم الطفوله

شفتي !! مادري ليش كلهم ايرمسوني على اني ريّال !!:negab:

وعد

مسموحه اختيه :yes:

أنا من مواليد الدلو ( و في الأيام الوسطيه بعد ) بس كنت أتحرى عمري من الميزان brgll:

..

[طير الغرام]

http://upload.bindubai.com/download/6eer_aam/6eer-salam-oasis.gif

فديتنـــــــي أنا من الدلو :fa34: >> أغايض قوم برج العرب
أقصد العقرب brgll:

.
.

بس طبعاً مب كل شي صح ^_^

http://upload.bindubai.com/download/6eer_aam/6eer-line-oasis.gif

[وعد]

http://upload.bindubai.com/download/6eer_aam/6eer-salam-oasis.gif

فديتنـــــــي أنا من الدلو :fa34: >> أغايض قوم برج العرب
أقصد العقرب brgll:

.
.

بس طبعاً مب كل شي صح ^_^

http://upload.bindubai.com/download/6eer_aam/6eer-line-oasis.gif

هلا طير الغرام
وين الي مب صح في برجج؟
او علي الاقل قول لي اليوم والشهر يعني بشهر واحد والا اثنين واي يوم

[طير الغرام]

http://upload.bindubai.com/download/6eer_aam/6eer-line-oasis.gif

أهلين

انا من مواليد شهر واحد 26

امممم مب فضوليه
انطوائيه درجه أولى

هاللي في بالي الحينه ^_^

http://upload.bindubai.com/download/6eer_aam/6eer-line-oasis.gif

[وحي القلم]

نظاميين.. مب صح ؟

[وعد]

http://upload.bindubai.com/download/6eer_aam/6eer-line-oasis.gif

أهلين

انا من مواليد شهر واحد 26

امممم مب فضوليه
انطوائيه درجه أولى

هاللي في بالي الحينه ^_^

http://upload.bindubai.com/download/6eer_aam/6eer-line-oasis.gif

اوكيه معناته انتي بالعشرة الايام الاولي من برج الدلو وهذا معناه فيج الكثير من صفات برج الجدي وهو البرج الي يسبق برج الدلو

[وعد]

نظاميين.. مب صح ؟

نعم نظاميين لكن لكم طلعات ساعات :waa:

[شوق القلوب]

هلا فيكم ومسائكم اللله بالخير والسرور



اليوم بنتكلم عن برج هوائي والي اهو برج الدلو

بس قبل كل شئ خلونا نعرف من من اعضاء المنتدي المنتدي ينتمي لهذا البرج
الي عرفته لحد الحين هما اثنين : ولد الشحوح و شوق القلوب



:kcl:







اولا شئ مواليد هالبرج هم الناس الي تاريخ ميلادهم يكون بين 23 يناير و 19 فبراير



هالبرج يقع تحت تاثير كوكب زحل(اورانوس) وطبيعة هذا الكوكب تعطي اصحاب

هالبرج حب الاستقلاليه وحب الحريه



انا مواليد 04/ 02 ... يعني دلـــو أصيـــــــل :ice: .. وزين اتعرفنا على كوكبنااا :bow:
وانا وياج.. أحب الحريه و اكره اني اكون مقيـــده بشي معين.. صدق أحس كأني محبوسه... ومااا اطيق..







مثل ما قلت هالبرج يحب انه يكون مستقل بذاته غير تابع لاحد,اذا عطاك كلمة يوفي حتي لو ضغط علي نفسه المهم يكون قد الشئ الي وعداك فيه, عشان جذي هو ما يوعدك الا بالشئ الي هو قادر فعلا يسوية

:fa35:






اصحاب هالبرج يحبون الضحك وماشاء الله عليهم نشيطين ولهم شخصية حلوة فعلا لكن عاد هذي الشخصيه ما تطلع لكل الناس لا لا, بس تطلع للناس الي هم يعرفونهم عدل ويرتاحون لهم
واذا ناس ما يعرفونهم نشوف اصحاب هالبرج يمليون للخجل اكثر وتطلع شخصية ثانية نقيض لشخصيتهم الصجيه


عاد هالصفه.. وااااايد فيني.. ، وياما ناس عرفوني وقالوا انهم ماكانوا يتوقعون انه شخصيتي بهالصوره قبل لا تتوثق علاقتهم بي..





, اذا تعرفون حد من الدلو لا تنتقدونه علي قرار خذه لانه الصراحه وايد عنيد فالنقاش معاه ضايع اذا حاولت انك تقنعنه انه يغير رايه

ممم... بالعكس.. أحس نفسي مستعده للنقاش و تقبل الاراء الثانيه.. أبداً ما عندي مشكله.. المهم يكون الشخص ثقه... اما اذا كان اي حد.. يمكن اوافقه ظاهرياً ( ما اكسر خاطره ) بس مستحيل اغير رايي !!






يمكن ساعات تناخذ عليه نقطه انه يكون بارد شوي في التعامل معاك



في الاوقات الي المفروض ما يكون فيها جذي, بس هالشئ لانه هوائي فالمزاج يتحكم فيه



بارد !! ممم.. بس مزاجي صح..
لما يكون لي بارض.. ماشي أحسن عني.. بس ما احب حد يدخل فيني لما مايون لي مزاج !!






عندهم ميزة تعجبني و متفردين فيها تحسهم يقدرون يهدؤن الناس المعصبين جدامهم مع انهم عصبين , يعني قصدي يقدرون يمتصون غضبهم وفيهم ثبات بالشخصية وبعد عندهم توازن عاطفي

ممم... والله يستويلي هالشي مرات..
تمتص الغضب بشكل انا استغرب منه.. و هالشي يكون شوي متعب..






, مع انهم ثابتين بشخصيتهم ومتزنين بس ساعات يلطعون بطلعات غريبه ما تتوقعها منهم وتحسهم شوي ميانين هههههههههه



يمكن هالشئ لانه يبقي جزء من شخصيتهم غامض حتي عن اجرب الناس لهم



ههههه.. عاد هالصفه... داااايما ً ربيعتي اتقولي اياها.. مرات الخراشه توصل حـــــــــــــــدها.. خبال و عباطه وكل شي تتوقعينه.. :doh:







فيهم فضول, نعم فضول بس مو الفضول مال الحشريه الزايده لا بالعكس

فضولهم ينبع من اهتمامهم بالشخص هذا وحبهم له ,بس ساعات هالشئ يضيق الي حوليهم


للأسف.. مرات اللي حوالينا ما يفهمون هالشي.. و يعتبرونه حشــريه مثل ما اتفضلتي..!!
لكن .. صدق تراه نابع من الحرص.. :)








عيال برج الدلو فيهم شغله انهم ياخذون وقت نوعا ما طويل عشان يثقون بالي جدامهم لانه طبعهم شوي شكاكين بس اذا فعلا حبوك ووثقو فيك خلاص لازم تعرف انه مولود هالبرج راح يكون مخلص لك وماراح يقدر حد بسهولة يخرب علاقته فيك او يقلبه عليك لانهم كونوا فكره وصوره لك بعد تفكير طويل وتحليل اطول موسهل حد يخربها


ويــــــــــــــن عاد اللي يقـــدّر هالمشـــاعر.. :sadwalk:
بس فديـــتنا.. اذا حبينا صدق انحب باخلاص :yes:








في النهاية ناس حبوبين و شخصيه حلوة بس لازم يعرفونك عدل ويرتاحون لك عشان تشوفهم جذي





ان شـــاء الله يكونون متفهمـــن لطبايعنا و طبيعتنا .. :smartass:



الابراج الي تناسبهم: الحمل الجوزاء الميزان الاسد

ممم.. يعني في أي شهر يكونون.. عشان انعرف منووو يناسبنا :fa35:






شرايكم



بصـــراحه مااااااااا قصـــرتي و الله .. كان تحليـــل حلو ماشاء الله عليـــج..
يسلمو الانــــــــــاااااامل..
:)

[وعد]

هلا شوق القلوب
وانا اقول وينها تاخرت بالرد,,بس دامج رديت هالرد المطول الحلو خلاص مسموحه:fa35:
بالنسبه للابراج الي تناسبكم

الحمل 21- 3 الين 21 -4

الجوزاء 21-5 الين 21 -6

الميزان 24 -9 الين 23 -10

الاسد 24 -7 الين 23-8

انا الي حسيته انه كلامي ينطبق علي شخصيتج تقريبا 95%

[شوق القلوب]

بصـــراحه... خليـــتيني أحــب الجـــوزاااء.. :fa35:

بس الميزان.. خلاااااااص.. اتعقدت منهم.. ما أقدر على غيرتهم الفضيـــعه...!!! :no0: ( ذكرتيني باللي كانت ربيعتي )

الحمـــل... ممممم.. يعتمد على مدى تقبلـــهم لهالشخص.. :yes:

الأسد حبوبيـــن.. بس ما يعرفون حد حزة العصبيه !! :boxed:

[عافك الخاطر]

ما اعرف حد من الدلو..او يمكن اعرف و ما اسال:kkk: > اشدراني :boxed:
زين وشو عن الجوزاء:doh:

[وعد]

ما اعرف حد من الدلو..او يمكن اعرف و ما اسال:kkk: > اشدراني :boxed:
زين وشو عن الجوزاء:doh:

عافك الخاطر انته جوزاء؟
بتكون حلقتنا يمكن السابعه عن برج الجوزاء اتمني اشوفك فيه عشان تعطني رايك بالي بينقال:fa35:

[وحي القلم]

, اذا تعرفون حد من الدلو لا تنتقدونه علي قرار خذه لانه الصراحه وايد عنيد فالنقاش معاه ضايع اذا حاولت انك تقنعنه انه يغير رايه

أنا ويا شوق.. ماظني أنهم يوصلون لهالحاله

إلا إذا كان الى ايناقشهم اسلوبه استفزازي

ولا ايكونون مب مرتاحين له

لانهم أصلا ما بيعطون عمارهم مجال عشان ايفكرون فكلامه إذا كان هذا حاله

يعني يرمس ولا يسكت كله واحد :harhar1:

[شوق القلوب]

تعجبيـــني يا وحـــــي :fa35:

خلاص..استوينا ربع دامنا متفاهميــــن :12:

[وحي القلم]

يا ويلي من حلم الطفوله :negab:

brgll:

[شوق القلوب]

حلمي الجميـــل.. مكانتها أبد ما تتغير.. :kcl:

ولا هي بتغار.. اللي بينا أكبر من هالكلام :ice:

..

ها صديقتي.. شو رايج الحين ؟؟ :yes:

[وحي القلم]

:yes:

[ناصر الخالدي]

انا بس ودي اعرف خصائص برج الحمام .........

[وعد]

انا بس ودي اعرف خصائص برج الحمام .........

ما في برج اسمه برج الحمام

[وحي القلم]

هذا برج ناصر الخالدي بس يا وعد :harhar1:

[وعد]

هذا برج ناصر الخالدي بس يا وعد :harhar1:

ههههههههه يمكن والله
بس هو برج الميزان هذا الي عرفته:ice:

[دخون]

مساؤكم سكر ..

وعــد .. اسم حلو وااايد ..:fa35:

برج الدلو .. برجي .. احبه وايد وا شوف انه ينطبق علي بنسبة 85% ..

لا أؤمن بالابراج .. ولكن أؤمن بعلم الفلك ..

ربيعاتي .. يقولون عن برجي .. برج السطل ..:kcl:

مودتي .... دخــون :mar7aba:

[وعد]

مساؤكم سكر ..

وعــد .. اسم حلو وااايد ..:fa35:

برج الدلو .. برجي .. احبه وايد وا شوف انه ينطبق علي بنسبة 85% ..

لا أؤمن بالابراج .. ولكن أؤمن بعلم الفلك ..

ربيعاتي .. يقولون عن برجي .. برج السطل ..:kcl:

مودتي .... دخــون :mar7aba:

انتي الاحلي يا دخون واسمج بعد وايد حلو عاجبني
انا مثلج ما اومن بالتنجيم والي يعرفون الغيب لانه هالشئ عند رب العالمين
بس تحليل الشخصيات علي تاريخ الميلاد علم حلو

دمتي بخير:fa35:

[فنجان قهوة]

هههههههه
معلومات حلوه

[مريوومه]

تسلمين اختي ..

احسه ينطبـق علي ..

[وعد]

تسلمين اختي ..

احسه ينطبـق علي ..


حياج الله خيتو:a070:

[خيال الروح]

من متى وانا اتريا برج الجوزاء

وبنتظارج وعــد

:14:

[شوق القلوب]

جان استرجع ذكريـــاتي الجميـــله.. ^_^

[حنين دبي]

السلام عليكم شحالكم انشالله بألف خير وعلى فكره انا ربيعتي من هالبرج وتنطبق عليها نفس المواصفات الي قلتيها وتسلمين عالموضوع

[جنون امرأة]

برجي الدلو ! ! !

و كل الكلام تقريبا صح و وايد صح والله

[تحفه]

انا زعلاااااااااانه

استوا شهر 11 متى بتحطين برج العقرب :frown:

[وحي القلم]

نتريا الباقي :laugh:

.
.

وعد

ما شا الله كلامج منطقي و ينفهم

مب شرات الموضوع اللى كنت قرايتنه

أونه مواليد الدلو يحبون اللون الأزرق الكهربائي :birgits_giggle: ..!

عيزت و أنا أبغي أعرف شو هاللون بس بدون فايده :4:

[مــهــابه]

بــرج صـديقـــتي الصـدوقـه

أكثر شي حسيـته فيهــا :


عندهم ميزة تعجبني و متفردين فيها تحسهم يقدرون يهدؤن الناس المعصبين جدامهم مع انهم عصبين

[الاسطوري]

بإنتظار برج العرب قصدي العقرب << مرت
سنين وماوصل الدور
:d010:

[الا انا]

انا اي برج ..
"
"
والله اني نسيت ..
شهر12 .. يني ...؟؟؟
امممم
مادري

[الجنيه]

ويه فديتني والله *_* الصراحه بالنسبه لموضوع العناد هذا يسوي وايد مشاكل يعني احس لو ما ابي اعاند مجرد اني احس حد ينتقدني شيطاني الدنيا تلبسني واعاند لو كنت على خطأ بس فديتني قلبي طيب وحبوبه

[ناصر الخالدي]

لا حول ولا قوة إلا بالله .............

من يعلم الغيب إلا الله تعالى من بيده الخير والشر ؟ إلا الله تعالى

هذه الأبراج لا تصح ولا تيقبل عليها مؤمن لأن فيها شرك والعياذ بالله والنبي صلى الله عليه وآله وسلم حذر من المنجمين والعرافين (( كذب المنجمون ولو صدقوا )) وكما هو معروف فإنه من أتي عرافـًا فسأله فصدقه فقد كفر وأما إن سأله مجرد سؤال فلم تقبل له صلاة أربعين يوم .

من هنا نعرف خطورة هذه الأبراج التي تجعل القلب يتحرك وينشغل ويتعلق بغير الله تبارك وتعالى فتجد من الأخوة والأخوات من يصدق كل حرف ويخاف من الغد أو يتفاءل منه بسبب هذا الكلام الفارغ كلام الذين انشغلوا في الأبراج وما بها من خرافات والألى على الإنسان المسلم أن ينشغل بحفظ ما ينفعه بعد الموت وينجيه من عذاب وضمة القبر مثل حفظ القرآن الكريم والسنة النبوية الشريفة .

ولاشك بأن المسلم يؤمن بالقضاء كله خيره وشره فيحمد الله عز وجل على كل مصيبة ويشكره على كل نعمة .

أخيرًا رسالة خاصة جدًا إلى صاحبة الموضوع أن تتوقف عن كتابة مثل هذه المواضيع لأن في كتابتها شر وخطر عظيمان الأثر . ونصيحة إلى إدارة الموقع أن توقف وتمسح مثل هذه المشاركات بأسرع وقت لأنهم يتحملون الأثم وتقع عليهم المسئولية الكبيرة لذا نرجوا التدخل العاجل بأسرع وقت ولهم الأجر بإذن الله تعالى .

كتب ذلك بمسئولية كاملة عن كل حرف : الفقير إلى عطف ربه / ناصر الخالدي

[وحي القلم]

من هنا نعرف خطورة هذه الأبراج التي تجعل القلب يتحرك وينشغل ويتعلق بغير الله تبارك وتعالى فتجد من الأخوة والأخوات من يصدق كل حرف ويخاف من الغد أو يتفاءل منه بسبب هذا الكلام الفارغ كلام الذين انشغلوا في الأبراج وما بها من خرافات

اخويه كاتبة الموضوع ما تتنبأ بالمستقبل و لا خلتنا نتفاءل ولا نخاف منه

هي حللت شخصيات مواليد كل برج

يعني الكلام اللى كتبته ما له علاقه بالتنجيم

.
.

و قالت بعد



انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته , قد ينطبق كلامي علي الشخصية بنسبة 2% ولكن تبقي نسبه كبيره بعيني ...........................................

[ناصر الخالدي]

وحي القلم / شكرًا على التعليق بس للأسف أنا أتكلم في وادي والتعليق في واد آخر بإختصار شديد .


الأبراج ماذا تعني ؟

على ماذا يتم تحليل شخصياتنا ؟

أتمنى سؤال أهل العلم والفتوى حتى نتأكد من كل هذه الإشكالات وللعلم فإن مجرد إعادة قراءات المشاركات المكتوبة يتأكد للقارئ (( المنصف )) صحة ما أقول والله من وراء القصد

[شوق القلوب]

السلام عليكم...

هلا استاذي ناصر..


اسعدني حضورك في هالموضوع .. و حبيت نقاشك فيه..

وبما اني الحمد الله مب من محبي متابعه أخبار الابراج و توقعاتها.. لكن شدني هالموضوع اللي يتكلم عن شخصيه الانســان.. صح انه مسماه ابراج.. لكن الابراج عباره عن شو.. هي فتره زمنيه من هالشهر الى هالشهر .. والمقصود انه مواليد هالفتره لهم صفات مشتركه اتخليهم معروفين فيها..

و بحياتنا العاديه.. يمكن اتصادف شخص مولود في نفس الفتره معاك و اتحس صدق انه لكم نفس الميول " الخفيه ".. و تتشابهون بها مع انه الظاهر انه ما يخصكم في بعض..

اقدر اشبهه الموضوع.. مثل سالفه انه كل وحده اسمها فاطمه : شخصيتها قويه و عنيده..

و سبحان الله .. مرات اتلاحظ هالشي اذا اتشابهت الاسامي..

انا ما اقول دايماً.. بس جي تقدر اتقول فئه كبيره..

..

في هالموضوع انا مب يالسه ابرأ الابراج.. لكن احاول اشرحلك ليش احنا اتفاعلنا .. :yes:

..


كل تقديري لك استاذي.. :)

[وعد]

[CENTER]

اخويه كاتبة الموضوع ما تتنبأ بالمستقبل و لا خلتنا نتفاءل ولا نخاف منه

هي حللت شخصيات مواليد كل برج

يعني الكلام اللى كتبته ما له علاقه بالتنجيم

.
.

و قالت بعد


شكرا وحي القلم اختصرت الكلام الي كنت بقوله

[وعد]

لا حول ولا قوة إلا بالله .............

من يعلم الغيب إلا الله تعالى من بيده الخير والشر ؟ إلا الله تعالى

هذه الأبراج لا تصح ولا تيقبل عليها مؤمن لأن فيها شرك والعياذ بالله والنبي صلى الله عليه وآله وسلم حذر من المنجمين والعرافين (( كذب المنجمون ولو صدقوا )) وكما هو معروف فإنه من أتي عرافـًا فسأله فصدقه فقد كفر وأما إن سأله مجرد سؤال فلم تقبل له صلاة أربعين يوم .

من هنا نعرف خطورة هذه الأبراج التي تجعل القلب يتحرك وينشغل ويتعلق بغير الله تبارك وتعالى فتجد من الأخوة والأخوات من يصدق كل حرف ويخاف من الغد أو يتفاءل منه بسبب هذا الكلام الفارغ كلام الذين انشغلوا في الأبراج وما بها من خرافات والألى على الإنسان المسلم أن ينشغل بحفظ ما ينفعه بعد الموت وينجيه من عذاب وضمة القبر مثل حفظ القرآن الكريم والسنة النبوية الشريفة .

ولاشك بأن المسلم يؤمن بالقضاء كله خيره وشره فيحمد الله عز وجل على كل مصيبة ويشكره على كل نعمة .

أخيرًا رسالة خاصة جدًا إلى صاحبة الموضوع أن تتوقف عن كتابة مثل هذه المواضيع لأن في كتابتها شر وخطر عظيمان الأثر . ونصيحة إلى إدارة الموقع أن توقف وتمسح مثل هذه المشاركات بأسرع وقت لأنهم يتحملون الأثم وتقع عليهم المسئولية الكبيرة لذا نرجوا التدخل العاجل بأسرع وقت ولهم الأجر بإذن الله تعالى .

كتب ذلك بمسئولية كاملة عن كل حرف : الفقير إلى عطف ربه / ناصر الخالدي

اخي الكريم انا ما قلت ولا في اي حلقه من سلسة الابراج الي طرحتها
ايش الي راح يصير في المستقبل عشان تقول تنجيم
ولا تكلمت عن الموت والحياه
ولا تكلمت عن القضاء والقدر
ولا عن كيف راح يصير يومك بعد ساعه من الان
هذي الامور كلها بيد رب العالمين وحده لا شريك له ولا انا ولا غيري نقدر نتكلم فيها لان هذا شرك

انا اتكلم عن شخصيات وطبائع انسانية لا غير من خلال تاريخ الميلاد
حتي ممكن نفهم البشر الي من حولنا و نغفر لبعض الاشخاص تصرفاتهم

وما اظن هالشئ راح يشغل حد عن طاعة الخالق ولا راح يخلي الاعضاء يبتعدون عن الايمان بالقضاء و القدر

ويا اخي الكريم مثل قال وحي القلم , انا ببداية كل موضع اكتب هالفقره

(انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته , قد ينطبق كلامي علي الشخصية بنسبة 2% ولكن تبقي نسبه كبيره بعيني ...........................................)

فبالتالي ما اظن اني اسنحق بعد كل هذا انه مواضيع تنلغي

وشكرا.

[ياليل]

واااو

اكثر الصفات اللي قتليها تنطبق عليي :fa42:

بس بلييز ابي اعرف عن برج الميزان :fa36:

ماي جيرل فرند من برج الميزان وابي اعرف عنه :love2:

[عنــود المهـا]

اصحاب هالبرج يحبون الضحك وماشاء الله عليهم نشيطين ولهم شخصية حلوة فعلا
اصحاب هالبرج يمليون للخجل اكثر وتطلع شخصية ثانية نقيض لشخصيتهم الصجيه



^^ والله صدق




تحسهم يقدرون يهدؤن الناس المعصبين جدامهم مع انهم عصبين , يعني قصدي يقدرون يمتصون غضبهم وفيهم ثبات بالشخصية وبعد عندهم توازن عاطفي


^^ فديتنيه


مع انهم ثابتين بشخصيتهم ومتزنين بس ساعات يلطعون بطلعات غريبه ما تتوقعها منهم وتحسهم شوي ميانين
يمكن هالشئ لانه يبقي جزء من شخصيتهم << و محد امحسسنيه بينوني غير ابويه :a100: فديته لأن ينوني ما يظهر الا عليه والوحيد اللي يتحمل هـ الينون ~ الله يخليه لي يارب


فيهم فضول, نعم فضول بس مو الفضول مال الحشريه الزايده لا بالعكس
فضولهم ينبع من اهتمامهم بالشخص:thumbup1:

::

ثانكس ختيه عهد ع الوضوع { ما تقصرين

[الدلووووعة]

الصرااحة اغلب اللي نقال عن ها البرج صح
انا من عيال برج الدلووو وصدق الرمسه ^_^

تسلميين اختيه عالمووضووع

^_^

عاد العنااد انا ها الشي اللي هب عايبني في نفسي احس الكل يعاني منبي بسبت ها الشي
اهليه واربيعاتي والكل ^_^