مشاهدة النسخة كاملة : :: أحبــــك ..عدد ما قالــوا العشاق كلمة أحبك ::
بهجة الروح
23-05-06 ||, 12:01 AM
الســــلام عليــــكم ورحمــــة الله وبركــــاته ،،
هـــذ القصه اللي قلت بحطلكم اياها ،،
القصه كامله ،،
وكل يوم ان شـــاء الله بحطلكـــم جــزء بس ابغي ردود ..:fa35:
" الجزء الأول"
أول شي خلوني أعرفكم على عايله بو سعيد،،
الأب : بوسعيد ( بجره كان سعيد وتوفى يوم عمره سنه ويعتبر أخو شمه وندى من نفس الأب والأم)
الأم : أم مطر،، ( الزوجه الثانيه لبوسعيد )
أم سعيد متوفاه وعندها بنتين ( شمه و ندى) شمه عمرها 22 سنه تدرس في كلية التقنيه
وندى عمرها 19 تدرس في جامعة الشارجه
وأم مطر مربتنهن من هن يهال وتحبهم وتعزهم شرات عيالها،،
بوسعيد عنده من أم مطر : شيخه اللي عمرها 14 ، مطر اللي عمره 12 سنه ، وفطيم اللي عمرها 10 ومحمد اللي عمره 6 سنوات،،
هذي هي العايله الرئيسيه،
العايله اللي لها دور ثاني بعد في القصه،،
عايلة مبارك أخو بوسعيد...
الأب : بو مبارك
الأم : أم مبارك،،
الأبناء : مبارك عمره 28 سنه متزوج وعنده ولد وبنت،، يشتغل ويا أبوه وعمه بو سعيد في شركة المقاولات
حمد عمره 26 سنه وهو محامي ومتزوج وبعده ما ياب عيال
أحمد عمره 25 ملازم أول في الشرطه،،
مايد عمره 24 سنه متخرج من الجامعة الأمريكيه..ويشتغل في دائرة الكهرباء مهندس
موزه عمرها 23 سنه متخرجه من كلية التقنيه ويالسه في البيت
مريم في جامعة الشارجه ويا ندى بنت عمها وعمرها 19
وهدى عمرها 13 سنه
عادل عمره 10 سنوات
ندخل في القصه،،،
فليل الساعه 1ونص ،،
في بيت بو سعيد بالتحديد في غرفة شمه وندى،،
شمه كانت على سريرها وهي ترمس مع حبيبها ،، لكن هالوضع ما كان يعجب ندى،،
ندى ما تعيبها هالسوالف،، وكانت دايماً تتذمر من شمه،،
ندى كانت راقده وأنتبهت على ضحكات أختها شمه الخافته...
شمه: هههه...تصدق من زمان ما ضحكت جيه،،
ندى ( تقول في خاطرها): أعوذ بالله هاي كل يوم على هالحاله ما تصدق اميه وأبويه يرقدون إلا أرضعت التلفون،، عيب اللي تسويه والله...
شمه: واشحالك بعد؟؟ وشو مسوي؟؟؟
( الي كان يكلمها اسمه يوسف... )
يوسف: الحمدلله بعد عمري...
أنا ما أصدق متى أيي الليل عشان أسولف مع حبيبة قلبي،،
شمه: ليش بس فليل تترياني؟؟؟
يوسف: أدري أرمسج الصبح،، بس هب على راحتي ..تدرين في الدوام وما آخذ راحتي،،
شمه: وحليلك...
تدري اليوم شو سويت في المس،،؟؟
يوسف: شو سويتي حبيبي؟؟
شمه: طفريتبها تطفير...خليتها على أعصابها...
ندى في هالحزه متغايضه بالقوو من شمه اللي هب مراعية شعور أختها ولا مقدره أن ندى راقده وعندها دوام،،
وتخوز ندى اللحاف وتنش،،
ندى: بسالج بالله يا شموووه...صدق انج ما تستحين،،،
تتحسبين هاللي ترمسينه بياخذج الحين،، إلا يقص عليج،، ويلعب بعقلج
وتقطع رمسة شمه ويا يوسف...
شمه: أووووف...أنتي شو يخصج،،...يقص عليه ولا يلعب،، أنا واثقه فيه وهو يحبني...
ندى: يحبج اونه...طل فعينج أنتي وهو...جان يحبج
حشمي أهلج عالأقل،، صدق انج ما تستحين ولا تنتخين،،
شمه: أوووف...هاي شو يسكتها الحين..
يوسف: بلاها أختج شابه ضووو..
شمه: ما أدري بلاها عين وما صلت عالنبي،،
أنتي شو بلاج أدريبج غيرانه...محد يحبج،، ( وهي تضحك عليها)
ندى: صدق انج ....أعوذ بالله من كلمةٍ كنت بقولها،،
بس الله يسامحج،،
أنا مالي قعده وياج في الغرفه...بروح أرقد عند شويخ أبركلي من مجابل ويهج،، ( وهي شاله لحافها وموسدتها)
وتقوم ألها شمه...شمه: تعالي تعالي ...أنتي وين رايحه،،
ندى: أنا بطلع عشان أوقفج عند حدج،،، ويا سوالفج هالماصخه،،
شمه ( وهي ترمس يوسف): أقول تصبح على خير...باي
يوسف: باي
شمه: والله ما تظهرين من الحجره ...وهذي حلفه...
ندى: محد قالج تحلفين...وأنا طالعه وأغراضي باجر بشلهن من الحجره،،
شمه: ندوي فديتج ما تخبرين حد...قوليلهم انج بس جيه طالعه،،
ندى: شكلج مستانسه اني بطلع..عشان تاخذين راحتج أكثر،،
شمه: لا هب جيه...بس ما تخبرين حد...
ندى: اذا كان هالشي فمصلحتي ومصلحتج بخبر...
شمه: ندووووي حرام عليج،، بيذبحني ابوي،،
ندى: خليه يذبحج....ولا انج تشوهين سمعته...
شمه: لهالدرجه تكرهيني...
ندى: شمه،، أنا ما أكرهج،، بس عيب عليج اللي تسويه،،
شمه: يا ندى يا حبيبتي،، هذا يوسف اللي ارمسه يحبني وأنا أحبه...وبيزوجني،،
ندى: والله ما أتوقع واحد يرمس وحده ويفكر انه ياخذها...
تصبحين على خير،،
وتطلع ندى عنها...وراحت ترقد في حجرة شويخ وفطيم،،
عالساعه 2 في بيت ابو مبارك ،،
في غرفة مايد،،
مايد كان منسدح على السرير وحاط اللاب توب على اريوله وكان يرمس حصه اربيعته،، اللي وياه عالمسن،،
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
حصه شو تسوين؟؟
&*&*& ( هذي حياتي وأنت حر بحياتك ) &*&*& : (حصه)
ما شي، يالسه أقرا قصه،،
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
زين، أنا بسير أرقد ،، عن أتأخر في النشه باجر،،
&*&*& ( هذي حياتي وأنت حر بحياتك ) &*&*& : (حصه)
أوكيك
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
تصبحين على خير
&*&*& ( هذي حياتي وأنت حر بحياتك ) &*&*& : (حصه)
وأنت من أهل الخير
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
باي
ويطلع مايد من المسن،، ويبند الكمبيوتر ويحطه على الطاوله ويغط في نوم عميق،،
اليوم الثاني،،،
في كلية التقنيه،،
شمه كانت يالسه تتريق في الكافتيريا،، وهي ترمس يوسف،،
شمه: صباح الورد والفل والياسمين...
يوسف ( وهو يتثاوب ) : صباحج سكر يا عمري
شمه: شو توك ناش،، أشوفك تتثاوب،،
يوسف: لا فالدوام أنا...بس بعده الفراش ما يابلي التركش كوفي عشان أتنشط،،
شمه: وحليلك..
يوسف: صح طمنيني...شو استوا البارحه؟؟
شمه: ماشي أتفاتنت ويايه وعقب راحت ترقد عند خواتي،
يوسف: أيوه...
شمه: والله يالسه أتنازعني اللي يشوفها يقول هي الأكبر وأنا الأصغر،،
بس خايفه تخبر قوم أميه،،
يوسف: هههه....تصدقين فكرت بشي
شمه: بشو فكرت،،
يوسف: فكرت بشي عسب ما تخبر قوم أمج اذا صار وأتضاربتوا
شمه: كيف يعني.....ما فهمت؟؟
يوسف: يعني....لو شو ما صار بينج وبينها ما تروح وترمس قوم أمج وأتقولهم انج ترمسيني...
شمه: أيووووه...أنزين كيف؟؟
يوسف: شورايج نخلي أخوي عيسى أييب راسها؟
شمه: أييب راسها؟؟
يوسف: بلاج مستغربه،، قصدي شورايج نخليه بطريقته يخليها تحبه وتعشقه وبهالطريقه هي بتتعلق فيه وبترمسه،، وبتكون شراتج،، يعني ما تقدر تخبر عليج لانج تعرفين عنها وبس
شمه: أمممم....ما أدري...بس هاي راسها يابس...ما أظني بيروم عليها،،
يوسف: لا لا تخافين عواس يايب راس البنات كلهم،، خبير في هالسوالف،،
شمه: هزرك جيه،،
يوسف: هيه...عيل تبينها تخبر عليج؟؟
شمه: لا لا...كله ولا تخبر أميه وأبويه
الحين كيف بنت ترضا على أختها انه أحد يخدعها،، أي مشاعر أخويه كانت شمه تحمل لأختها،،،؟؟
ملاحظه: ترا الفرق بين شمه وندى شاسع،، شمه بنت عاديه وايد في كل شي،، أطلع قصتها وتضحك بصوت عالي،،
ما كان يهمها شي،، وتطلع وتروح وأهلها يتحسبونها تروح عند اربيعتها واتذاكر معاها..امناك هي تطلع وتتحوط في السناتر،، ومن النوع اللي يحط مكياج ويتكشخ ويتعطر ويدخن حق الطلعه،،
أما ندى،،
فهي بنت مؤدبه وخلوقه،، وما تعيبها تصرفات شمه،، صح ترقد وياها في نفس الحجره بس مجبوره على هالشي،، وهي محافظه على صلواتها وذكر ربها على عكس شمه، محترمه في كل شي وهاديه والكل يحبها وهي بعد تدخل القلب ابسرعه،، ما شاء الله عليها وايد حلوه ملامحها طبيعيه بدون صبغ ومكياج،،
اللي يشوفها يقول هذي ورده من شفافيتها وعذوبتها...وعيونها عسليه على عكس شمه اللي عيونها مثل ظلام الليل الحالك،،
نتابع الأحداث،،
الساعه 3 مايد كان راجع من الدوام ،، وتوه داخل الفريج وهو حاط على هالأغنيه ويتمشى عالراحات
( أحبك،، عدد ما قالوا العشاق..أحبك...عدد ما سطرت الأوراق... كلمة أحبك)
وكان يقول في خاطره: وايد اللي تعرفت عليهن ،، لكن ولا وحده حسيت اني أقولها أحبج وأنا مرتاح ومن خاطري،،
وفجأه يرن موبايله،،
والا أخو مبارك متصل،،
مايد: مرحبا،،
مبارك: هلا بوسلطان،، اشحالك؟؟
مايد: تمام،،
مبارك: الغالي أنته وين؟؟
مايد: أنا توني داخل الفريج،، ليش بغيت شي؟؟؟
مبارك: بغيتك تمر عليه البيت،، بعطيك أوراق عميه سعيد...وأبغيك العصر توديهن له،،
مايد ( وهو متغصص) : أنا من زمان ما رحت له،،
مبارك: ما ودي آمر عليك يا مايد،، بس مشغول ويا الأهل العصر،،
مايد: هب مشكله ، بوديهن أنا،،
مبارك: يالله مر عليه أترياك،،
مايد: ان شاء الله...
في بيت بو سعيد ،، في نفس الوقت،،
كانوا كلهم مخلصين غدا،، وطبعاً شمه ما تغدت وياهم كالعاده لانها تتغدا في الكليه،،
بوسعيد: بلاها شميم ما تيلس ويانا،،
أم مطر: تراها ترد تعبانه وتحط راسها وترتاح،،
بوسعيد: وحليلها،، ربي يوفقها فدراستها،،
ندى كانت ساكته واتقول في خاطرها: صدق انكم منغشين في هالبنيه،،
بوسعيد: ندى حبيبتي..
ندى: هلا ابويه...
بوسعيد: قومي صبيلي جاي
ندى: ان شاء الله,,,
وتدخل عليهم شيخه،،
شيخه: رحت اونه برقد بس ماياني الرقاد،،
ندى: خلاص لا ترقدين ذاكري عسب ترقدين من وقت،،
أم مطر: عدل كلام أختج،، أن رقدتي الحين بتسهرين،،
شيخه: بس متعوده أرقد الظهر وأرقد من وقت فليل...
ندى: انزين يلسي وياي لا ترقدين...
شيخه: ههه...عسب جيه اتقولين لي لا ترقدين ، الحين فهمت
ندى: فطيم وينها؟؟
شيخه: فطوم تتسبح...
بوسعيد ( وهو يزقر على محمد اللي كان منسدح عالغنفه ويطالع spacetoon ) : ايه حموووود،،
بلاك امرقد ما وراك دراسه،،
محمد: انزين ابويه شويه وبروح،،
بوسعيد: عندك نص ساعه واتقوم اتذاكر
محمد: انزين...
عند باب بيت مبارك،،
وقف مايد سيارته ( نيسان بترول لونها أسود مخفيه بالكامل )...وهرن حق اخوه ،، وظهر له مبارك على طول،،
ونزل مايد،،
وتوايه ويا مبارك بالخشوم،،
مبارك: اقرب اقرب،،
مايد: وين أقرب الله يخليك ابروحي عايف نفسي وابغي اتسبح،،
مبارك: هههه...انزين خذ هالأوراق،،
مايد: انزين وشو أقوله...
مبارك: لا تقوله شي ،، سلم عليه وعطه الأوراق ،، وهو بيعرف،،
مايد: اوكيه،، بس فشيله أدخل بيتهم الحين،،
مبارك: ليش؟؟
مايد: ترا ما أشوف عميه إلا فالمناسبات ومن زمان ما دشيت بيتهم،،
مبارك: أكسر هالحاجز وروح اليوم بيتهم،،
مايد: أوكيه،، يالله فمان الله،،
مبارك: الله يحفظك،،
ويروح مايد البيت ويتسبح ويتغدا وعقب ما خلص،،
فتح المسن،،
ولقى اللسته مليانه كلهم أون لاين.....
وقال في خاطره: شتتتت...الحين بيلعوزوني،، خلني أظهر أحسن،،
وطلع من المسن وحط راسه عالمخده ورقد،،
العصر الساعه 5 ونص في بيت بوسعيد،،
ندى كانت يالسه في الصاله ،، وأمها محد طالعه وماخذه وياها شيخه وفطيم ومحمد ،،
أما مطر كان يلعب ويا الأولاد في الفريج،، وبو سعيد في غرفته
وتدخل شمه على ندى،،
شمه ( وهي مبتسمه ) : السلام عليكم،،
ندى ( صدت صوبها وردت عليها السلام ) : وعليكم السلام،،
شمه: بعدج زعلانه مني،،
ندى ( وهي تتطالعها من ورا خاطرها) : لا هب زعلانه،،
شمه: عيل ليش ما يلستي أتذاكرين في الحجره؟؟؟
ندى: بس عشان ما أضيق عليج...
شمه: ندى...أنا آسفه
ندى: وليش تتأسفين أنتي شو سويتي؟؟
شمه: بعد
ندى: أنتي المفروض تتأسفين لأمج وأبوج...لانهم واثقين فيج...ويحبونج وأنتي تخونين ثقتهم
شمه: بس سكتي عن يسمعونج،،
ندى: خليني أذاكر،،
شمه: لا تزعلين مني أوكيه؟؟
ندى: أوكيه ،، روحي...
ويرن جرس الباب،،
شمه : ليش منو ياي الحين؟؟
ندى: ما أدري بزقر البشكاره،،
وراحت ندى تزقر البشكاره بس ما لقتها في غرفتها،،
وقالت في خاطرها،،: ياربي هذي وين أنفدت الحين؟؟
ورجعت ودخلت الصاله وما لقت حد شمه انخشت في حجرتها،، وراحت تتطالع أبوها ولقته في الحمامــ
وقالت في خاطرها: أوف شوهالحاله لازم ابروحي أروح أفتح الباب،،
وراحت ولبست شيلتها وطلعت،،
في هالحزه مايد كان واقف عند الباب ويتريا حد يفتح له الباب،،
مايد وهو يقول في خاطره: أوف ما أداني أوقف جيه،،
( مايد كان متعصم ولابس نظاره عاكسه وشكله فنان طالع ،، وهو ملامحه ملامح حلوووه،، كل شي فيه اكتمل والكامل الله...)
انتظروا الأحداث في الجزء الثاني ....
يا ترى شو راح يصير بين ندى ومايد؟؟؟
الاسطوري
23-05-06 ||, 12:47 AM
وعليكم السلام ..
ماشاءالله قصه حلوه وعاد الله يهدي البنات اللي مثل شمه (تصلح الغلط
بغلط وتضر أقرب الناس لها بعدما تضر عمرها وهي ماتدري)
لا تتأخرين علينا ننتظر منج التكمله عشان
نعرف شو بيصير بين مايد
وندى
:bye0:
الاســـطـــوري
أخوكم
شوق الصحارى
23-05-06 ||, 09:37 PM
حلو...
بانتظار الجزء الثاني...
لا طولين علينا...
بهجة الروح
23-05-06 ||, 10:04 PM
" بوزايـــد "
تسلم أخويه عالمشاركه
وذوقــك الأروع
" الأسطــوري "
تسلم أخويـــه والتكمله بالطريج
" شمــه"
انتي الأحلى
" شوق الصحارى "
انتي أحلى
ما بطول عليـــكم
بهجة الروح
23-05-06 ||, 10:06 PM
" الجزء الثاني"
ندى راحت تفتح الباب،، ومايد كان واقف ويتريا حد يفتح له الباب،،
وفتحت ندى الباب،، ومايد كان متساند عالسياره،، ومن حس بالباب يتبطل وقف
ومن شاف هالنور اللي ياي صوبه من الباب شل النظاره
مايد من شاف ندى...تم يطالعها وهو منبهر ...شويه ورمس
مايد ( وهو مبتسم) : السلام عليكم
ندى ( وهي مستحيه) : وعليكم السلام،،
مايد: عميه أهنه...؟؟
ندى ( وهي مستغربه ...هذا الريال أول مره أتشوفه وكيف يسألها عن عمه) : أنت من بغيت؟؟
مايد: أوه ليكون أنا مغلط ولا شي،، ( وهو يرجع على ورا ويشوف رقم البيت)
لا صح رقم البيت 21...بيت عمي بوسعيد
ندى ( وهي متلومه ومستحيه منه وقلبها يدق) : لحظه شويه...
وراحت ندى اتشوف أبوها....
بوسعيد كان في الحمام،،
وهي أدق عليه الباب ،،
ندى: أبويه ،، واحد من عيال عمي يباك عند الباب،،
بوسعيد: دخليه دخليه الميلس وأنا ياي...
ندى ( وهي معقده حياتها ) : انزين..
وهي تقول فخاطرها: يا ربي أنا أشليه بهالبلشه،،
والحين بعد قومي ودخليه...
وراحت ندى عند الباب،،
ندى ( وهي تتنافض) : تفضل،،
مايد: وين؟؟
ندى ( وهي تفتح له الباب ) : أدخل داخل،،
مايد: ترا أنا من زمان ما ييت بيتكم،،
ندى ( وهي تتطالعه وتبتسم) : صح،،
مايد: أظني ما تعرفيني..
ندى: لا...
( ندى وهي تقول في خاطرها : يا ربي ما أداني أمشي وحد يمشي ورايه،،
مايد كان ساكت وايقول في خاطره: ما أحيد ان عميه عنده بنت حلووه جيه ورشيقه جان كل يوم أنا مطيح عنده في البيت،، أظني هاي شمه،،)
ندى: تفضل أدخل،،
ويدخل مايد الميلس،،
مايد : عيل عميه وين؟؟
ندى ( وهي واقفه عند باب الميلس ): دقايق..وبيي
مايد ( وهو ييلس عالغنفه ) : أنتي شمه؟؟
ندى ( وهي منقهره انه قال شمه) : لا
مايد: أنا أصلا شمه هب شايفنها بس أسمع الوالده دوم تطريها اتقول بنت مزيونه،، عشان جيه تحسبتج أنتي شمه،،
ندى ( وهي مبتسمه) : زين ( وهي تقول في خاطرها : وايد يهذرب)
ندى: بروح أزقرلك أبويه..
مايد: لحظه..
ندى: نعم؟؟
مايد: ما قلتيلي شسمج؟؟
ندى ( وهي مستحيه ) : ندى
مايد ( وهو مبتسم ) : عاشت الأسامي...
وراحت ندى تزقر أبوها...
ودخلت على أبوها وهو في الحجره،،
ندى: ابويه دخلته الميلس،،
بوسعيد: منوه مبارك ياي؟؟
ندى: لا هب مبارك اللي ياي
هذا أول مره أشوفه....
بوسعيد: يمكن حمد..ولا أحمد..
ندى: لا لا...ما أدري ...
بوسعيد: بروح له الحين أنا...
بوسعيد ( وهو يمشي في الصاله ) : اميه قولي حق البشكاره اتسوي عصير،،
ندى: ابويه البشكاره محد...
بوسعيد: عيل انتي سوي وهاتيه الميلس...
ندى ( وهي متغصصه ) : ان شاء الله...
ويطلع بوسعيد ويروح الميلس عند مايد، وتي شمه عند ندى،،
شمه : ليش منوه اللي ياي؟؟
ندى:واحد من عيال عميه بس ما أعرفه..
شمه: أيوه...
وراحت ندى اتسوي العصير...
في الميلس،،
في هاللحظه،، مايد كان يالس في الميلس وهو يفكر بندى،،
وكان يقول في خاطره: ياربي محلاها،، جيه تدخل الخاطر ابسرعه،، ورده من زينها وناعمه،،
لو سموها ناعمه جان زين،،
ويدخل عليه بوسعيد
بوسعيد: هلا هلا..توه نور بيتنا،،
مايد ( وهو مبتسم ) : أهلين عميه...منور بوجودكم الغالي...
بوسعيد: اشحالك مايد؟؟؟ عاش من شافك
مايد ( وهو مستحي) : عايشين في هالدنيا ...وتدري لاهين بالدوام
بوسعيد: الله يوفقكم ان شاء الله...
ويلس بوسعيد يسولف ويا مايد،،
في هالحزه ،،
ندى في المطبخ ويالسه تعصر العصير وتفكر في مايد،،
وكانت اتقول في خاطرها : ياربي منوه هذا...أول مره أشوفه،، ما أحيد عميه عنده ولد حليو ويطير العقل جذه،،
ياربي وايد يفشل هالولد..وايد يرمس ،، يا ربي عليه...الله يحفظه ويحميه من عيون الحساد،،
وعصرت ندى العصير...
وصبته في جلاصات،،
وشلته في الصينيه،، وراحت أدخله الميلس،،
وهي داخله الميلس،،
ندى: السلام عليكم،،
بوسعيد: وعليكم السلام
مايد كان يطالعها من راسها لين اريولها ويتأملها....
وندى يابت العصير وحطته عالطاوله،،
بوسعيد: ناولي مايد العصير...
واترد ندى مره ثانيه واتشل الصينيه واتوديها صوب مايد،،
ندى: تفضل،،
مايد ( وهو يطالعها ) : دام فضلج
ندى كانت تتنافض ومستحيه،،
وناولت ابوها العصير وطلعت ابسرعه من الميلس،،
وكملوا سوالف مايد وبوسعيد،، بس أبد ما غابت ندى عن بال مايد،،
ندى رجعت ويلست في الصاله وفاتحه كتابها واتذاكر وكان قلبها ينبض ابسرعه وهي تتذكر مايد وتتذكر حركاته....
عالساعه 10 ونص،،
في بيت يوسف حبيب شمه،،،
أخوه عيسى كان في غرفته وقافل الباب ويالس ايغازل وحده مرقمنها قبل 3 ساعات،،
عيسى: تدرين...أنا من شفتج اتخزبقت...ما أدري شو استوابي...
نسيت ربعي ..نسيت اللي وياي...ونسيت نفسي حتى،،
ريم ( وهو مستحيه ) : والله؟؟
عيسى: هيه...ليش هب مصدقه،، أنتي أصلاً ما حسيتي باللي ينبض داخلي يوم شافج،،
ولا جان صدقتي...
ريم : مصدقتنك،،
عيسى: أااااااخ،، انتي بس لو يسمونج أريام بيسوون خير
ريم: ليش مب عايبنك أسمي؟؟
عيسى: لا هب عايبني...أصلاً إهانه لج،،
ريم ( وهي مستغربه) : إهانه لي؟؟ ليش؟؟
عيسى: هيه إهانه،، أنتي لو يسمونج أريام ولا قايدة الغزلان،،، أنتي أحلى من الريم ذاته،،
ريم: كلك ذوووق...ثانكيوووو...
واتقاطعه دقات الباب،،
عيسى: لحظه لحظه،،
ريم: أنزين..
عيسى ( وهو يصارخ) : منوووووه عند الباب
يوسف: أفتح الباب ...أنا..
ويقوم عيسى ويفتح الباب،،
عيسى وهو يكلم ريم : برمسج بعدين..باي
عيسى: هاااه؟؟ خير بلاك؟؟
يوسف: الخير بويهك،،
ياينك بخدمه أبغيك تسويها،
عيسى: وشو هي الخدمه؟؟
يوسف: شوف،، أخت حبيبتي شمه مأذتنها...وأخاف تخبر على شمه واتقول حق أهلها انها ترمسني...
عيسى: انزين..خلهم تخبر عليكم وأنا أشلي...
يوسف: هيه شو خلها تخبر...تباني أروح فيها...
عيسى: هههه...انزين وشو المطلوب مني...
يوسف : هذا رقم أختها ( وايناوله رقم ندى) وأبغيك تيبلنا راسها،،
عيسى ( وهو يطالع الرقم) : كيف ما فهمت،،
يوسف: الله يسلمك ويسلم غاليك،، نباك تخليها تحبك وتعشقك وتتعلق فيك...عاساس تبدأ اترمسك...وبعدين ما بتقدر أتخبر على أختها لانها هي بعد ترمس فالتلفون...
عيسى: ومنو اللي عطاك الرقم؟؟
يوسف: شمه
عيسى: حسبي الله عليكم ..تبون اتخربون البنيه...
يوسف: أوووهووه هاللي بيساعدنا الحين،،
عيسى: لا عادي بييبلكم راسها،، وبذوبها ما عليك أنت بس،، أخوك أنا...
يوسف: يالله عيل راونا همتك،،
وحليلها ندى ما كانت تعرف شو اللي ينتظرها من مصير مخزي وبائس...
كانت نايمه على سريرها،، وشمه كانت واعيه عدالها وهي يالسه على سريرها " شمه"
وصلها مسج من يوسف:
شمامي... ياينها الدور أختج...
قرت شمه المسج وهي تبتسم وتتطالع ندى اللي كانت نايمه...
اليوم الثاني،،
في جامعة الشارجه ،، بالتحديد في كلاس الMATH
وفي بريك العشر دقايق،،
ندى كانت يالسه عدال بنت عمها مريم،، اللي دوم وياها،، وكانن يسولفن مع بعض،،
ندى: تدرين البارحه يانا مايد،، أول مره أشوفه..
مريم: ميود ياكم... ؟؟
ندى: هيه...ما عرفته...أول مره أشوفه...
مريم: اونه عاااد ..أول مره تشوفينه...قولي كبر وما شفناه باللحيه..
ندى: ههه...ويا ويهج...
مريم ( وهي تضحك وتتخقق) : انزين؟؟ وشورايج باخويه؟؟ هب حلوو شراتي؟؟
ندى: تبين الصراحه؟؟
مريم: أكيد...
ندى: أخوج أحلى...
مريم: أفااا..الحين استوا الولد أحلى عن البنيه...
ندى: هيه عندج مانع،،
مريم : لا حبيبتي ما عندي،، بس جنه سنارة ميود أعلقت في السمجه..
ندى ( وهي تتطالعها ومستحيه ) : جنه...
وشويه ويدخل عليهم الأستاذ ...
في هاللحظه ،،
رن موبايل ندى،، بس هي حاطتنه عالسايلنت،، وحاطه الموبايل عدالها عالطاوله...
مريم ( وهي تصاصر ندى) : منوه متصل بج الحينه؟؟
ندى: أشدراني ،، أول مره أشوف هالرقم؟؟
عالطرف الثاني كان عيسى ينتظر ندى تشل التلفون،،
بس هي ما شلته ....
تقريباً عالساعه 2 الظهر من نفس اليوم....
عيسى اتصل بيوسف،،
يوسف: هلا عواس...
عيسى: أوووف...شو هالبنيه اللي تبوني اييب راسها،،
يوسف: ليش شو استوا؟؟؟
عيسى: أتصلت أكثر من 7 مرات..وما شلته..وعقب خلت ابوها يتصلبي...
وقالي مره ثانيه لا تتصل...وهزبني...قلتله أنا مغلط...بس شيبه تدري ماشي تفاهم،،
يوسف: هههه...وحليلك،،
عيسى: هيه أضحك ،، هب انه اللي يايتنك هالرمسه من الشيبه،،
يوسف: ما عليه بندورلك طريقة ثانيه...
عيسى: لا أدورلي ولا شي،،
دوروا غيري يتبرعلكم بهالسالفه،،
ولا شورايك أنشر الرقم؟؟
يوسف: لأ...كله ولا تنشر الرقم ومحد غيرك بييب راسها،،
عيسى: أوووف...
يوسف: أنته طول بالك بس...
عيسى: أوكي أوكي هب مشكله بس الحين راسي يعورني وبرقد،،
يوسف: أوكيه...
عيسى: باي
يوسف: باي
وصكر عيسى عن يوسف،، وراح يرقد،،
في هالوقت،، مايد كان راد البيت ويتمشى في الفريج،، واتذكر ندى ،،
وقال في خاطره : فديتها من ورده،،
واتصل بأخوه مبارك،،
مايد: السلام عليكم،،
مبارك: وعليكم السلام والرحمه،، هلا مايد أشحالك؟؟
مايد: تمام..وأنت أحوالك؟؟
مبارك: الحمدلله لا باس...
مايد: ما عندك شي اليوم أوديه بيت عميه...
مبارك( وهو مستغرب ويضحك) : ههههه...البارحه ما تبا اتسير واليوم تسألني اذا في شي توديه ولا لا
مايد: شو نسوي بعد...عيبتني سوالف عميه...
مبارك: هههه...لا ما عندي شي اليوم...وان كان عندي شي بوديه ابروحي...
مايد: لاااااااا
مبارك: بسم الله بلاك...ههه
مايد: لا ما تودي شي...أنت ارتاح وأنا بودي اللي تبغيه...
مبارك: غريبه شو اللي غيرك،،
مايد: ماشي شرات ما قلت لك،،
مبارك : تعلق قلبي بريمٍ من المزاييني ،، قطع قليبي ذكراها وطرواها،،
مايد ( وهو مستحي) : شوووه
مبارك : ما شي يالس أغازل مرتي
مايد: هههههه...تحريت بعد
مبارك: تحريت شووو...لا أنا ما أدري باللي فقلبك ترا
مايد: هههه..خلاص عيل بخليك،،
الحين وصلت البيت،،
مبارك: ربي يحفظك،،
ونزل مايد من السياره ودخل البيت،،
أم مبارك كانت يالسه تترياه في الصاله،، ووياها مريم وموزه
شوه تتوقعون يصير في الجزء الثالث ؟؟
الاسطوري
24-05-06 ||, 03:26 AM
تسلسل حلو في الجزء هذا وحركات
ندى بحضور ولد عمها
تصير وايد
:harhar1:
يالله نتريا الجزء الثالث وأنا أتوقع أن يوسف بيتعدى
حدوده وبيحصل له درس من مايد
ينسيه إسمه
brgll:
حلم الطفوله
24-05-06 ||, 03:22 PM
السلام عليكم
مثل ما عودتينا دووووم ...تبهرينا بأسلوبج بالسرد:fa35:
ننتظرج مثل ما وعدتينا:yes:
عفاريتووو
24-05-06 ||, 04:33 PM
قصة حلوة ,, متابعين :yes:
بهجة الروح
24-05-06 ||, 06:01 PM
تسلمووون كلكم عالردود والمشاركه
وفالكم طيب بنزل الجزء الثالث الحينه
بهجة الروح
24-05-06 ||, 06:04 PM
" الجزء الثالث"
في هالحزه شمه كانت راده البيت مع الدريول وهي ترمس ويا يوسف،،
شمه: وعيل هذا اللي استوا،، عواس هزبه ابويه ههههههه...
يوسف: اضحكي...هذا كله نسويه ترا عشانج
شمه: هههههه..أحس ما بيروملها،،
يوسف: اذا بتساعديني بيروم وبيكسر قلبها
شمه: ان شاء الله....
يوسف: انتي ساعديني بس
شمه: أوكيه
يوسف: أنا فكرت بشي،،
شمه: بشووو...
يوسف: شورايج نخليه ايشوفها؟؟
شمه: ايشوفها؟؟ صعبه شوي...بس ليش ما نخليه يطرشلها مسج،،
يوسف: لا ما ينفع،، كيف يطرشلها مسج وهو ما يعرفها ولا شافها ولا حتى سمع صوتها،،
شمه: انزين كيف نخليه يشوفها،،
يوسف: هي يوم بتطلع ولا بتروح مكان عطيني خبر عسب أخليه يشوفها،،
شمه: بس هي ما تطلع وايد...
يوسف: أنتي أنتهزي أي فرصه وعطيني خبر
شمه: أوكيه،،
مايد كان توه داخل الصاله،،
مايد ( وهو موخي على أمه ويبوسها) : اشحالج الغاليه؟؟
أم مبارك: الحمدلله...يا بعد روحي،،
مايد: شو مسوين غدا،،
أم مبارك : مسوين برياني دياي..
مايد: هاك الزين...بروح أتسبح وبرد...
أم مبارك: ابويه لو تتغدى قبل احسن وعقب روح اتسبح...
مايد: ان شاء الله،،
بروح أغسل ايدي وبرجع،،
وراح مايد غسل ايده ورجع،، ويلس يتغدا،،
وبينما هو يتغدا،، مريم كانت يالسه عدال أمها وموزه عدالهم، وتتطالع مايد ..
مريم: اليوم في ناس طروك
مايد ( وهو مستغرب) : شوووه؟؟؟ منو يطريني؟؟
موزه: شوقتيني منو اللي يطريه؟؟؟ وليش مايد بالذات؟؟
مريم: ليش هو بالذات؟؟ لانه هو يعرف شو مسوي البارحه،،
مايد ( وهو ينزل اللقمه من ايده ) : اوووه...مريوم بتقولين الحين منوه اللي يطريني ولا لا
مريم: ههههه
أم مبارك: غربلات العدو،، حتى نزل اللقمه من ايده،، خلي أخوج يتغدا
مريم ( وهي تضحك عليهم) : انزين ما قلتله لا يتغدا أنا،،
موزه: مريوم عن المصاخه وقولي عااد
مريم: ههه..انزين انزين...زيغتوني بنظراتكم
موزه: قولي
مريم: امممم...وحده كانت تطريك
مايد ( وهو مستحي ومحمر حس انه يمكن تكون ندى) : منوووه
أم مبارك: منوه اللي طرت أخوج..
مريم: ندايه بنت عميه...
أم مبارك: هيييه...أكيد قالتلج أخوج يانا البيت..
مريم: صح هي قالت جيه...بس قالت شي غير بعد
مايد : أففففف...ما أعرف اتغدا جيه أنا...
وأنا على أعصابي
مريم: هههههه...والله والله بقول...عن تضربني..
موزه: قولي وخلصينا،،
مريم: قالت أول مره أشوفه...وقالت بعد انه غير عنكم،، وأحلى عني أنا بعد
مايد ( وهو مستحي وقلبه يدق) : والله؟؟
أم مبارك: هيه فديته وليدي قمر ما شاء الله عليه،،
مريم: هههه..وليش أحنا هب عيالج،،
أم مبارك: كلكم فديتكم عيالي وأحبكم،،
مايد من سمع رمسة أخته مريم ،، كان مستانس وايد ،، أول مره بحياته يحس بهالشعور اتجاه وحده،،،
في هالحزه ندى كانت يالسه ويا شيخه وفطيم في حجرتهن،،
شيخه: أنزين ندايه ما كملتي السالفه البارحه؟؟
ندى: أي سالفه؟؟
شيخه: عن ولد عميه ..مايد اللي يانا البارحه؟؟؟
فطيم: هيه صح...اميه دخلت علينا وما كملتي...
ندى ( وهي مبتسمه) : هييييه...
شيخه: انزين كملي؟؟
ندى: شو اكمل نسيت...
فطيم: لا قولي....كنتي اتقولين انج كنتي وايد مستحيه...
ندى: هيه ترا كنت رايحه أفتح الباب وما كنت متوقعه اني راح أشوف شاب بويهي..
وانصدمت يوم شفته....
شيخه: انزين كيف كان شكله...
ندى ( وهي مستحيه ومحمره ) : ابصراحه حليوووو...وما كنت أتوقع انه حد من عيال عميه جيه،،
شيخه: أووف لهالدرجه،، انزين مب خسفين عيال عمي..
ندى: أدري بس هو غير...يا ربي وايد يرمس...
شيخه: شو قالج...؟؟
ندى: تم يرمس انا من زمان ما ييتكم وعقب قالي انتي شمه...جان اقوله لا..قالي اتحسبتج شمه لانه اميه دوم اتقول عنها مزيونه ...
شيخه: أونه ....هههه
فطيم : ما قلتيله انج ندى؟؟
ندى: لا ...كنت شويه وبروح..جان ايقولي شسمج؟؟ وقلتله..
شيخه: هههه..ياليت لو كنت في البيت
وعقب ما خبرتهم ندى عن مايد ،، سرحت في طيف مايد ،،
ومرت الأيام وحب مايد لندى يكبر وينتفض قلبه كل ما سمع اسمها او سمع حد يطريها....
في يوم من الأيـــام ،،
مايد كان طالع ويا اربيعه ياسر ،، وكانوا يتمشون في صحاري،،
ياسر : أنا خاطري أرقم ،،
مايد : ما عندك سالفه ...
ياسر: ليش ما عندي سالفه ...أنا أبغي أتسلى وأعيش بحب وهيام وعذاب..
مايد: يالله يالله...هذا كله تبى تسويه ...
ياسر: هيه والله حاس بفراغ داخلي...
مايد: هههه...الله يعينك ،،
ياسر: تعال ..خلنا نيلس في الكوفي ،،
مايد: هيه انته من شفت السوده في الكوفي قلت خلنا نيلس..
ياسر: ههههه...
ويلسوا مايد وياسر في الكوفي ،، ياسر...كان يبغي يرقم البنات اللي كانن يالسات في الكوفي ،، ويضحكن ويسون حركات ،،
مايد ( وهو يرمس بصوت عالي ) : ما شاء الله ست ...أنته أي وحده تبغي ترقمها؟؟؟
ياسر: أصصص...قصر حسك فضحتنا،،
مايد: ههه...تصدق حلوات...عليك ذوووق يجنن...
والبنات سمعنه ويلسن يضحكن...
ياسر : هيه هيه..أنته ارمس عشان يطالعنك..
مايد: هههه...لا أنا ما بى...
ياسر: شوف هذيج اللي شعرها أحمر...وايد حلوووه..
مايد:أخخخ... كلهن غش..
ياسر: شووه...هههه
مايد: هيه بعد شوووه...كلهن مصبغات تصبيغ
ياسر: هههههه..غريبه هب على عوايدك..أحيدك من تشوف البنات تستانس..
مايد: لا ما استانس الحين...
ياسر: أفاا...لتكون؟؟
مايد: هيه..سكن قلبي حب سرمدي أبد ما أزيله...
ياسر: الله يعينك...خاطري أعيش قصة حب...
مايد: عيش حد ميودنك..
البنات في الجهه الثانيه كانن يطالعونهم ويضحكن..
هنتين كانن مركزات على مايد...
وحده اسمها مهره والثانيه خلود...
مهره: ياربي وايد حليووو...طفولي وايد
خلود: هيه غاوي...بس مب عاطي حد ويه..
مهره: خقاق شكله...
خلود: من حقه يخق ..دام الحسن والجمال فيه...
خلود وايد كانت تتطالعه عيبها وايد
ياسر: أففف...كيف أرقمهن...
مايد: تسألني أنا ...أنا عمري ما رقمت حد في الستي...ولا في أي مكان حتى..
ياسر: أونه أونه ...ما جد مره رقمت...
مايد: صدق انزين عمري ما رقمت...
ياسر: واللي كنت ترمسهن..؟؟
مايد: هن اللي كانن يتصلن وهن اللي مرقماتني..( وهو يتخقق عليه ويطنز)
ياسر: علينا هالرمسه...
مايد: صدق انزين..ما تصدقني...أتكلم جد أنا...
ياسر: زين زين...أكن بنتين نشن بيتمشن...
مايد : برايهن..
ياسر: شو برايهن بعد...قم قم وراهن...أنا بعلمك جان ما تعرف ترقم...
مايد: ههههه...
وتمن البنات يتمشن ومايد وياسر وراهن...
والبنات كانن يسون حركات وهن يتمشن ...فجأه وقفن عند محل سوع ووقفن يطالعن السوع،،
في هالحزه تتوقعون ياسر شو سوا،،،
مشى صوبهن وطبعاً مايد كان بعيد عنه خلى ياسر ايسير ابروحه،،
ووقف ياسر عدال مهره...
مهره: بسم الله ...زيغتني...
ياسر ( وهو يبتسم ) : أختي ...نتقبل التبرعات على هذا الرقم ... ( وعطاها الرقم وروح)
وتمت مهره تضحك عالحركه وخلود بعد...
مهره: هههه...أونه تبرعات...
خلود: ههه...حركات أرعا...
مهره: زيغني وقف عدالي،،
خلود: ههههه
مايد ( وهو يضحك) : أنته شو سويت؟؟
ياسر: ههههه...ابروحي ميت من الضحك...أيي فجي عورني...
مايد: ههه..
ياسر: عطيتها الرقم قلتلها نتقبل التبرعات على هذا الرقم
مايد: ههههه...حليلك تباها تتبرع لك بقلب
في الجهه الثانيه ،، شمه وحبيبها يوسف كانوا بعدهم يخططون لندى،،
وتقريباً عالمغرب عالساعه 7 ،،
دخلت ندى الغرفه وكانت شمه يالسه تذاكر،،
ندى دخلت الغرفه وكانت يالسه تلبس عباتها عشان بتطلع،،
وشمه كانت اتشوفها..
شمه: ما شاء الله وين رايحه؟؟
ندى: بسير ويا شويخ المكتبه؟؟
شمه: هييييه...زين
....لحظة صمت....
شمه: أي مكتبه بتسيرون؟؟
ندى: مكتبة ورون..
شمه: هيه زين ....أبغيج تاخذيلي ملف من الملفات الغلاظ اللي عندهم
ندى: ان شاء الله...اي لون؟؟
شمه: اممم...بنفسجي ولا وردي
ندى: ان شاء الله...
ولبست ندى شيلتها وراحت ....
في هالحزه استغلت شمه الفرصه واتصلت بيوسف،،
شمه: هلا حبيبي...
يوسف: أهلين حياتي،،
شمه: أقولك..الحين ندى بتروح مكتبة ورون...جان يبغي عيسى يشوفها...
يوسف: والله؟؟ الحين هي رايحه؟؟
شمه: هيه...
يوسف: الحين بخبره...
شمه: أوكيه باي..
يوسف: باي
يا ترى شو اللي راح يصير؟؟؟
وهل بالفعل عيسى راح يشوف ندى؟؟
الاسطوري
24-05-06 ||, 06:32 PM
بسرعه مايد وندى تعلقوا فبعض ،، أتوقع عيسى
بيروح المكتبه بس يمكن ما يلحق
على ندى هناك
:kkk:
بإنتظار التكمله منج
أختي
:yes:
حبوبه دبي
24-05-06 ||, 08:38 PM
مـاشالله عليــج
:fa35:
اسلــوبج بالســرد كشخــه :yes:
نتــرقب الجزء اليــاي ،،
متــابعيـــن
:daleel:
صدقه الاسطوري..
حب من اول نظره..بسرعه انزين ..
ان شاء الله ما يشوفها عيسى في المكتبــه و ان شاء الله يطيح في زحمــة السير .. لوووول وايد مندمجـــه..
حبوبه دبي
24-05-06 ||, 11:30 PM
لــووول
الجمــاعه مندمجيـــن اهنــه ^_^"
يالله نتــرقبهـااا احم ..
بهجة الروح
25-05-06 ||, 04:31 PM
مـــا شـــاء الله ،، شكــلكم وايـــد مندمجيـــن
أشكــركم ،،
كيف تقولون حبوا بعض ابسرعه ، ترا في وقت وبينت هالشي بالقصه السالفه مب سالفة حب سالفه اعجاب وان ارتبط هالشي بحد من الاهل يتقرر المصير اتمنى فهمتوا اللي ابغي اوصله
جان تبون اطول القصه وافصلها اكثر حاضريـــــــن
تبون الجزء الرابع ولا لا؟؟:kkk:
اليوم بحطلكم جزئين لانه احتمال باجر ما ادخل..
بهجة الروح
25-05-06 ||, 04:40 PM
" الجزء الرابع"
ندى كانت رايحه المكتبه ويا شيخه والدريول مودنهن،، وما كانت تدري شو اللي ينتظرها من مصير اهناك...
يوسف اتصل بعيسى،،
عيسى: مرحبا الساع
يوسف: مرحبتين...اخويه البنيه اللي نباك تيب راسها بتسير المكتبه الحين
عيسى: انزين شو اسويلها
يوسف: اوووف....نبغيك تروح وتشوفها اهناك،،
عيسى : ياربي...الحين انا عند دوار الساعه...
يوسف: هاك الزين...هي بتروح مكتبه ورون...
عيسى: والله؟؟ قريبه عيل...بس كيف بعرفها...
يوسف: الدريول بييبهم وسيارتها رقمها ****
عيسى: خلاص انا الحين ببركن وبترياهم
يوسف: شوفها والباقي عليك..
عيسى : من عيوني الثنتين...بس هي ابروحها يايه؟؟؟...
يوسف: أظني أختها وياها...
عيسى: كيف بعرفها هي..؟؟
يوسف: هيه أكبر وما تظهر شعرها شرات شمه...وأختها صغيره..
عيسى: أوكيه ..أوكيه...
وببركن عيسى سيارته ويلست يتريا شويه وهو مطول على المسجل وحاط اغنيه عيضه أهمه...
وشويه وتوصل سيارة قوم ندى،، ويبركن الدريول عدال عيسى،،
عيسى شافهم،،
وشاف ندى وعرفها وشاف شيخه،،
ودخلن البنات المكتبه وشويه ونزل هو من السياره،،
نزل عيسى وتم يتمشى في المكتبه ويطالع ندى،،
وهو كان منبهر فيها ما كان متوقع انها بهالجمال،،
وتم وراها بس من بعيد يشوفها،، وعقب اتقرب منها وهي كانت صوب الملفات،،
وسلم عليها،،
عيسى ( بصوت واطي ) : السلام عليكم
ندى سمعته بس سوت عمرها ما تسمع شي،، وكانت زايغه،،
راح عنها ورد ورجع صوبها،،
عيسى ( بصوت واطي) : عبرونا انزين ،، صدوا صوبنا شوي،،
اهنيه ندى ماتت من الخوف،، ما صدت حتى صوبه ،،
حطت أغراضها عالكونتر وحاسبة وابسرعه سحبت شيخه وطلعوا،،
عيسى طلع وراهم،، ما كان يبغي يشتري شي،،
بس عيبته ندى،،
وركب سيارته الاستيشن،،
واتصل بيوسف،،
عيسى: هلاااا
يوسف: هاااه شو استوا...
عيسى: شو استوا؟؟ أنا رحت فيها؟؟
يوسف: شوووه؟؟
عيسى: البنيه وااااااايد حلووه...تاخذ العقل ،، ما توقعتها جيه،،
يوسف: انزين وشو سويت...
عيسى: ولا شي...ما قدرت اسوي شي
يوسف: وايد عليك
عيسى: يا خويه البنيه ما تعبر حد...
ييت صوبها وسلمت وما ردت عليه...وعقب رمستها جان تشرد
يوسف: هههههه
عيسى: شو اسوي الحين حبيتها من أول نظره
يوسف: ههههه...أنته كل ما تشوف وحده اتقول جيه..
عيسى: هيه صح وانت الصادق
في سيارة الدريول،،
ندى: قلبي يدق،،
شيخه: ليش شو سوا الريال...
ندى: اشدراني...أنتي اتشوفيني شكل وحده تبا حد يرقمها ؟؟ ولا وحده مال هالسوالف؟؟...
شيخه: لا حشى
ندى: يا عدالي وسلم...وطنشته،، وعقب رجع وقال عبرونا..اهنيه انا خفت عشان جيه قلتلج يالله بنروح
شيخه: مره ثانيه بنيب مطر ويانا...
ندى: هيه احسن
اليوم اللي بعده ،، عالساعه 10 ونص كانت شمه مخلصه من محاضرتها ،،
وكانت تتكلم ويا يوسف،،
شمه: اشحالك حبيبي؟؟؟
يوسف: الحمدلله ابخير دامج بخير...
شمه: انا بخير يوم اسمع حسك،،
يوسف: صعبه اختج ما بنقدر نيب راسها،،
شمه: أويه ،، عيل شو نسوي،،
أخاف تخبر عليه..
يوسف: خلها تخبر عليج...
شمه ( وهي مستغربه) : هااااااه؟؟؟
يوسف: ههههه...زغتي...
شمه: ليش تبغيها تخبر عليه عشان أروح فيها...
يوسف: برايه...انا بعد بروح فيها وياج...
شمه: هههه...تبا يذبحونك أهلي،،
يوسف: ابرايه..مب يبوني أتزوجج...أنا مستعد وجاهز
شمه: ههههه...
يوسف: عواس متخبل على أختج،،...
ما يعرف شو بيسوي...
شمه: وحليله...أظني راح فيها..
يوسف: أفاااا...حركات هو بعد...صبري لين ما أييب راسها،،
شوفي.... يوم هي بتكون عدالج طرشيلي مسج عسب عواس يبغي يطرشلها شي ...
شمه: أخاف عقب تخبر ابويه عليه...
يوسف: أويه...لا ما عليج انتي طرشيلي...
شمه: أوكيه...
انا الحين بصكر عنك لاني بروح اسوي البروجكت ويا البنات،،
يوسف: انزين برايج،، برمسج بعدين،،
شمه: باي
يوسف: باي
مرت الأيام ومايد ابد ما لاحت عن عينه صورة ندى،،، وكان يبغي ينتهز أي فرصه عشان يشوفها،،
في يوم من الأيام،،،
مايد كان طالع من بيتهم وطلع وراح عند مبارك أخوه في الشركه العصر،،
مايد ( وهو داخل مكتب أخوه) : السلام عليكم
مبارك: هلا هلا...وعليكم السلام...توه المكتب نور
مايد: منور بأهله،،،
مبارك: خير ابويه ما من شر،، اشوفك مسولنا زياره...
مايد: بس قلت من زمان ما ييت الشركه،، قلت أشوفكم وأظهر
مبارك: زين ييت والله يابك،،
مايد ( وهو مستانس) : خير...
مبارك: الخير بويهك...أبغيك تودي هالمناقصه حق عميه خله يوقع لي عليها وهاتها...
مايد: الحينه؟؟
مبارك: هيه الحين ودها وييبها...
مايد: ان شاء الله.. ما طلبت...
مبارك ( وهو مبتسم) : يالله توكل على الله...
مايد ( وهو مبتسم) : فمان الله...
وراح مايد لبيت عمه وكل همه انه يشوف ندى ويسلم عليها،،
يا ترى هل راح يشوف ندى ويملي ناظره من شوفتها ولا لا...؟؟؟
في بيت بوسعيد،،
ندى: ابويه فديت روحك،، أبغي حد يوديني بيت عميه ...عشان بذاكر ويا مريم..
بوسعيد: وليش ما تعرفين تذاكرين ابروحج..؟
ندى: أعرف ابويه بس هي بتشرحلي الدروس اللي كنت غايبه فيهن...
بوسعيد: هييييه...
ندى: وشويخ بتروح ويايه عشان من زمان ما شافت هدى،،
بوسعيد: انتوا عاطينهم خبر انكم بتونهم..
ندى: هيه ابويه...ومريم هي اللي لزمت عليه أييها...
بوسعيد: زين زين..توكلن على الله...
ندى ( وهي مبتسمه) : بس ابويه الدريول ساير بوظبي...
بوسعيد: هيييه صح...منو بيوديكن عيل..
ندى: فديتك يا بويه انته ما بتقصر،،
بوسعيد: وأرد اييبكم بعد...ارويلاتي يعورني يا اميه..
ندى: عيل نروح مشي..؟؟؟
بوسعيد: لا لا... بوديكم...
وفجأه يرن جرس البابـ،،
بوسعيد: انقفضن بروح أطالع من عند الباب وبسخن السياره...
ندى: ان شاء الله ابويه...
وراح بوسعيد يفتح الباب،،،
وراحت ندى تزقر شيخه ويتجهزن حق الطلعه،،
بوسعيد ( وهو يفتح الباب ) : هلا هلا بوسلطان...
مايد ( وهو مبتسم) : اهلين عميه...اشحالك..
بوسعيد: الحمدلله..يسرك الحال ،، يايبلي شي اشوفك،،
مايد: هيه هذي مناقصه مبارك يباك توقع عليها ...
بوسعيد: خير ان شاء الله...
تعال تعال ايلس ...
( وييلسون عالكراسي اللي فالحوي ...وقرا بوسعيد المناقصه و وقع عليها )
بوسعيد: وهذا التوقيع ...
مايد ( وهو مبتسم) : ما شاء الله تواقيع الشواب أحلى عن تواقيعنا...
بوسعيد: هههه...تشرب شي؟؟ جاي اقهوه ولا عصير؟؟
مايد: لا لا دام فضلك عميه...أنا هب غريب،،
بوسعيد: ابويه بتسوي فيه خير؟؟؟،،
مايد: خير عميه آمر،،
بوسعيد: بناتي يبن يسيرن عند خواتك،، والدريول محد فبوظبي،، وأنا رويلاتي يعورني...
مايد ( وهو مستانس ) : أنا بوديهم ولا تشيل هم،،
بوسعيد: أنته ودهن وفي الرده انا بييبهن...
مايد: لا تكلف على عمرك،، أنا بوديهن وبييبهن
بوسعيد: ترا هن شرات خواتك...هالله هالله فيهن
مايد: وأكثر عن خواتي بعد..
بوسعيد: فيك الخير يابويه...بقوم أزقرهن...
ودخل بوسعيد الصاله ولقى البنات جاهزات،،
بوسعيد : يالله بناتي...هذا مايد خاري بيوصلكن...
ندى ( وهي مستغربه وقلبها يدق من طرا ابوها مايد) : شووووه؟؟؟ منوه بيودينا؟؟
بوسعيد: بلاج بلاج زايغه؟؟ ولد عمج بيوصلكم في دربه...ما أروم أنا أسوق أريولي تعورني..
ندى: لا بويه استحي ..هب سايره،،
بوسعيد: وليش تستحين مايد هب غريب...يالله يالله الريال يترياكم،،
ندى: بس ابويه..
شيخه : يالله عادي خلنا نروح..
ندى ( وهي تتطالع شيخه) : شويخ؟؟
شيخه: صدق عادي ما بياكلنا هو
بوسعيد: يالله أنا بوصلكن لين الباب
مايد كان يترياهم عند باب البيت من داخل،،
وكان مستانس وقلبه يدق ،، وكان وده يشوف ندى،،،
وشويه ويشوف بوسعيد فاتح باب الصاله والبنات وراه،،
بوسعيد: ابويه هالله هالله فالبنات،،
مايد: ههههه...ان شاء الله...الا البيت هاذوه ما بوديهم صحم انا
بوسعيد ( وهو مبتسم) : مستحيات البنات
ندى كان ويهها محمر ومستحيه،،
واتجدمهم مايد وركب السياره ،،
وفتحت ندى باب السياره وركبت
ندى : السلام عليكم
مايد ( وهو يطالعها من المنظره) : وعليكم السلام
و ركبت ندى ورا مايد وشيخه عدالها عالجهه الثانيه،،
مايد: اشحالكم؟؟؟
( اهنيه شيخه اطالعت ندى )
ندى ( وهي مستحيه وموخيه) : الحمدلله...
مايد: ندى وعرفناج واللي وياج منوه؟؟
ندى ( وقلبها يدق ابسرعه لانه نطق باسمها) : وياي شيخه
مايد: والنعم عاشت الأسامي...اشحالج شيخه؟؟
شيخه: الحمدلله ابخير
مايد: عيل شمه ما يت وياكم؟؟؟
ندى: ما تبا تي
مايد: ليش زعلانه ؟؟
ندى: لا...بس عندها امتحان
مايد: هيييه...الله يوفقها
( هالحزه ندى انقهرت انه سأل عن شمه مع انه ما شافها ولا شي)
مايد: انتي ويا مريم في الجامعه؟
ندى: هيه
مايد: شو تدرسين؟؟
ندى ( وهي محمره) : أدرس إدراة أعمال
مايد: زين ما شاء الله...بس لو درستي هندسة حاسوب هب أحسن
ندى: هو أحسن بس صعب شويه..
مايد: حلاة الصعب ...أنا درست هندسة حاسوب...
ندى: زين...
وفي هالوقت وصل مايد عند باب بيتهم،،
مايد: أوصلكم لين داخل ولا ما يحتاي
ندى: لا مافي داعي
مايد: اسمحولنا عااد عالمغثه،،
ندى: لا عادي...
مايد ( وهو مبتسم) : لو عادي ما شفت الويوه محمره
وتوها ندى بتفتح الباب...
مايد: لأ...لحظه
ونزل مايد من السياره وراح وفتحلها الباب،،
وراح صوب شيخه وفتحلها الباب بعد
اهنه ندى كانت مستحيه واااااااااااايد...
وعقب ما فتحلهم الباب ..وقف عند باب بيتهم ،، يترياهم يدخلون...
وهو واقف مرت ندى صوبه وهي خاطفه صوبه،، كان مايد يطالعها،،
مايد: ندى؟؟
ووقفت ندى مكانها وشافته،،
تم هو يطالعها وهي تتطالعه وعقب وخت،،
مايد: تامرين بشي...
ندى ( وهي مستحيه) : ما يامر عليك عدو...
وراحت داخل ابسرعه كانت ميته خوف مستحى،،
ودخلن البنات بيت عمهن،،
بينما مايد،، كان شارد الفكر والعقل والروح،،وكل شي فيه يحس بندى،،
كانت ماخذه عقله،،
حس بهالشعور وحس انه يبغيها تكون له الحبيبه والعشيقه والصديقه والأخت والأم والزوجه وكل شي،،
وركب سيارته وهو هايم بهواها،،
وهي نفس الشي،، كانت تحبه حب جنوني
دخلن البنات بيت عمهن وسلمن على أم مبارك والبنات،،
وراحت ندى عند مريم،، بينما شيخه راحت عند هدى،،
في هالحزه،،،
ياسر اتصل بمايد،،
ياسر: مرحبا..
مايد: مرحبتين...هلا والله...
ياسر: أهلين أنته وين؟؟
مايد: أنا اهنه،،
ياسر: انزين حجزت تذاكر حق السينما،،
مايد: حجزت تذاكر؟؟
ياسر: هيه..
مايد: انزين انا ما ابغي اسير,,
ياسر: ميووودي حبيبي عشان خاطري،،
مايد: اوكيه اوكيه...
بس بودي أوراق الشركه وبمر عليك..
ياسر: لا أنا بيي بسيارتي...
مايد: شوووه؟؟؟ ليش بسيارتك؟؟ بتمر عليه؟؟
ياسر: لا لا ..انته تعال بسيارتك وانا بسيارتي..
مايد: ليش شو عندك؟؟
ياسر: ماشي ماشي...بس اتلاقا وياك اهناك..يوم بتخلص اتصل بي
مايد ( وهو مستغرب) : ان شاء الله...
وصكر عنه مايد وكمل دربه للشركه...
يا ترى شو اللي مخطط له ياسر؟؟؟
وشو اللي راح يصير بعدين؟؟؟
بهجة الروح
25-05-06 ||, 04:42 PM
" الجزء الخامس"
تقريبا بعد نص ساعه ندى كانت في غرفة مريم ويالسه أتذاكر وياها ،،
مريم ( وهي مبتسمه) : وعيل جيه قلتي ،، مايد وصلكم ، هههه
ندى ( وهي مستحيه ومبتسمه) : بلاج تضحكين؟؟
مريم: بس أضحك على ميود...
ندى: أظني هو أكبر عنج ،، ما يستوي تزقرينه ميوود..
مريم: ههههههه...أطالعوا انتوا منو يالسه أدافع عنه...هههه
ندى: بس عاااد...خلينا نذاكر،،
مريم ( وهي مبتسمه ) : ان شاء الله بنذاكر بس عقب ما أعرف اللغز اللي ورا مايد...
كل يوم والثاني مار عليكم
ندى: ما في أي لغز،،
مريم: انتي اللغز بحد ذاته،،
ندى ( وهي مسويه عمرها ما تعرف شي) : أنا ؟؟ وأنا شو يخصني؟؟
مريم ( وهي تتطالعها وتغمزلها بعينها) : وأنا شو يخصني؟؟؟ أونه عاااد أنا ما أعرف شي،،
لا أميه ...ما في شي يخفي عليه أنا ،،
ندى: مريم...بس عاااد..خلينا أنذاكر...
مريم: هههه..استحت أونها...
تحبينه؟؟
ندى: مريم؟؟؟؟
مريم: خلاص خلاص..فهمت...تعديت حدودي وايد..
ندى: لا هب جيه...بس ليش هالإحراج،،
مريم: هههههه...يعني صح اللي فبالي,,,
ندى ( وهي تتطالع مريم وتبتسم ) : هيه صح ..ارتحتي...
مريم: هههههه...الحين ارتحت،،
والحين بنذاكر...
في هاللحظه مايد وصل عند سينما الماسه ودخل يدور ياسر،،
شافه من بعيد مدخل بنتين صالة العرض،،
وقال في خاطره: هذا شو مسوي؟؟
ياسر دخل البنات وشاف مايد...
ياسر: هلا مايد...
مايد: أنته شو مسوي...
ياسر ( وهو يضحك ) : ما سويت شي،،
مايد: لا والله ...ومنوه هالبنات اللي دخليتهن؟؟
ياسر ( وهو مبتسم) : هذيلا اللي رقمتهن أمسات ،،
مايد : لا والله؟؟ وتباني أدخل وياك؟؟
ياسر: انزين ما فيها شي،،
مايد: لا انا بروح...
ياسر: ما يستوي عاد..أنا أبا ايلس ويا البنيه والثانيه بتم ابروحها عرض جيه...ما يستوي،،
مايد: لا والله وتباني أنا أسلي الثانيه...
ياسر: بوسلطان فديتك ،، لا تردني....
مايد: ما عندي مشكله،، بس هاي أول مره وآخر مره أسويها...فاهم،،
ياسر: انزين ..انزين...
ودشوا مايد وياسر
وطبعاً البنتين ما كانن يالسات عدال بعض،،
مهره كانت على جهة اليسار والكرسي اللي عدالها بييلس عليه ياسر،،
والثانيه خلود يالسه على جهة اليمين وعدالها بييلس مايد...
مايد وياسر وهو داشين صالة العرض،،
مايد: أنا بيلس ورا...
ياسر: ههه...وحليلها خلود منو بييلس عدالها..
مايد ( وهو يطالعه ومبتسم ) : وانا لازم أيلس عدالها ...
ياسر: هيه فيك الخير..
مايد: وين بشوف الخير دام انته اربيعي...
ياسر: هههه..ويا ويهك،،
وراح ياسر ويلس عدال مهره،،
أما مايد راح صوب خلود ،، وخلى كرسي بينه وبينها،،
وخلود ميته من الضحك،،
مايد: السلام عليكم،،
خلود ( وهي تتطالعه ومبتسمه) : وعليكم السلام،،
ويلس مايد عالكرسي،،
وحط ريل على ريل،،
وكان يرمس خلود وهو يشوف جدامه،، ويطالعها من طرف عينه...
خلود: احمممم
مايد: تتحنحنين...يعني ..عبرونا...
خلود: هههه...
مايد: اشحالج؟؟
خلود: تمام..وأنت اشحالك؟؟
مايد( وهو يطالع ساعته) : الحمدلله عايشين،،
أوووف شو ها يسور مدخلنا قبل العرض،،
خلود: عشان يسولف ويا مهره...
مايد: هييييه...مهره..أختج؟؟
خلود: هيه...
خلود ( وهي تضحك) : ليش يالس جيه وترمسني؟؟ مب عايبتنك؟؟
مايد: وانا اشلي تعيبيني ولا لا...
خلود: أفااا...
تدري..انا ما كنت أبغي أيي ويا مهره...بس يوم عرفت أنك بتي أتشجعت..وقلت بيي اشوفك،،
مايد: تدرين؟؟
خلود: هلا...
مايد: أنا لو كنت أدري انكم اهنيه ..جان ما ييت...
خلود: ههه..بسألك ،، أنت ليش جيه خقاق وايد...صدق وايد تقهر
مايد ( وهو مبتسم) : كلهم يقولون عني خقاق بس أنا هب خقاق ولا شي،،
خلود: منو كلهم؟؟؟
مايد ( يبغي يقهرها) : كل البنات..
خلود: أنته تعرف حد...
مايد: وااااايد...
خلود: ههههه...ما ظني..
مايد: لا تظنين ...عادي..المهم اني مرتاح..
خلود: انزين صد اشويه صوبي...ولا حرام أشوف ويهك كامل،، مخلني أشوف نص،،
مايد ( وهو صاد صوبها) : لا هب حرام
خلود: هيه جيه...
...لحظه صمت...
خلود: تصدق...أنت أجمل أنسان شفته في هالوجود...
مايد: تسلمين ..كلج ذوووق...
خلود: أحس اني ما لي حظ وياك،،
مايد: هههه...ليش شو تبين فيني...
خلود: أبغيك كلك...كلك على بعضك حلووو...
مايد: أوكي ما عندي خلاف...بس هاتيلي المهر والسياره واشتريلي فله...
خلود: ههههه
وشويه وبدا العرض،،
وقبل ما يخلص الفلم ،،
خلود سحبت تلفون مايد،،
مايد: شو تسوين؟؟
خلود: بشوف الفضايح...
ودقت على تلفونها رنه وعطته التلفون...
مايد: تسرقين رقمي؟؟
خلود: ههه...لا بس أحفظ رقمك في موبايلي...
وعقب خلص الفلم ،، وكل واحد منهم راح في طريجه،،
عالساعه 11 ونص فليل ،،
ندى كانت منسدحه على سريرها وهي فاله الشعر،،
قرتلها كم آيه قرآن وأدعت ببعض الأدعيه...وعقب تمت أتفكر بمايد وتدعيله بالخير،،
ورقدت وهي تفكر باللي سلبها العقل والروح،،
اليوم اللي بعده عالساعه 2 ونص الظهر،،
عيسى كان رايح أييب خواته من الجامعه ومن جهه ثانيه رايح يشوف البنات،،
وكان واصل قبل الوقت بربع ساعه وموقف عالطرف،،
وهو يشوف البنات،،
شاف سيارة قوم ندى،، يت ووقفت جدامه،، فز قلبه وحسن انه ندى راح تمر جدامه الحين،،
شويه ويدخلن خواته السياره،،
آمنه: السلام عليكم
عيسى: وعليكم السلام
وركبت أخته السياره وهو سارح يتريا ندى تمر صوبه...شويه وتنزل ندى من عالدري وتخطف جدامه وتركب سيارتهم ،،
وهو يطالعها وقلبه يدق ابسرعه،،
آمنه: أيه عواااس...بلاك سرحان في البنيه...
عيسى: ما شاء الله عليها...
آمنه: هيه ما شاء الله وايد حلووه...قمر
عيسى: عسل..
آمنه: بس عاااد خلنا نروح،،
وحرك عيسى السياره وجدامه سيارة قوم ندى،،
قوم ندى كانوا رايحين في نفس الدرب،،فما كان من عيسى الا انه يتبع سيارتهم،،
عيسى: تعرفين هالبنيه...
آمنه: ما أعرفها عدل،،
بس أظني أسمها ندى،،
خلوقه ما شاء الله عليها وهاديه ومؤدبه،،
عيسى: ما شاء الله عليها،،
آمنه: بلاك سرحان فيها،،
جنه اول مره تشوف في حياتك ابنيه...
عيسى: لا مب جيه...صح اني شفت وايدات،، بس أحس انها غير...
آمنه: مب بس انته ...اللي فالجامعه ...
عيسى( وهو مستغرب) : منو اللي فالجامعه؟؟
آمنه: البنات قصدي...تعيبهم ندى
عيسى: هييييه...
وفكر عيسى بطريقه يوصل فيها لندى،، ماشي غير عن طريق الإيميل....
لانه ان اتصل فيها ما بترد ،، وان طرشلها مسج يمكن تخبر أبوها عليه،،
فماشي غير انه ايييب ايميلها ،،
اليوم الثاني،،،
شمه كانت تسولف ويا يوسف،،،
شمه: اشحالك يوسف؟؟
يوسف: غريبه ما قلتيلي اشحالك حبيبي؟؟
شمه: بس مضايقه شوي،،
يوسف: أفاا ما من شر،، شوفيج حبيبي،،
شمه: ما فيني شي،، بس هب حاله اللي أنا وانت فيها،،
يوسف: ما فهمت،،
شمه: لين متى بنتم نتكلم بالدس واحنا خايفين
يوسف: لين ما ربج يفرجها،،
شمه: وأنت هب ناوي تخطبني...
يوسف: هيه ناوي،، بس صبري لين ما أضبط أموري،،
شمه: ومتى بضبط أمورك،،
أنت تحبني وأنا أحبك،، فليش التأخير،، الحين لو حد يتقدملي ..شو بسوي...
يوسف: شمه حبيبتي...اللي الله كاتبنه بيصير..ومحد بياخذ غير نصيبه في هالدنيا وجان لي وياج نصيب باخذج..لا تحاتين...
شمه: أوووف...مليت أنا،،
يوسف: شمامي ..تتأففين مني..وأنا حبيبج...
شمه: لا أنا أتأفف من نفسي ومن الوقت...
متى يمر الوقت وأشوف عمري وياك في مكان واحد،،
يوسف: لا تحاتين حبيبي كل شي بوقته حلووو...
( لاحظوا ان يوسف كان يهديها ويصبرها ،، لانه اصلا هب مفكر ياخذها...مجرد يسلي نفسه بهالحب)
يوسف: شميم حبيبي...عواس يبغي ايميل أختج...
شمه: ايميلها ليش؟؟
يوسف: ايقول لوازم المهمه...
شمه: هههه...
يوسف: فديت هالضحكه...عسى الله لا يحرمني منها،،
شمه: بس هي ما تدخل المسن وايد..
يوسف: هب مشكله...انتي يوم بتشوفينها داخله النت..عطيني خبر وبخليه يدش...
شمه: أوكيك...( وعطته ايميل ندى)
عالساعه 5 ونص العصر،،،
ندى خذت اللاب توب من الحجره وراحت حجره شيخه وفطيم،،
ويلست اهناك وفتحت النت اهناك،،
في هاللحظه شمه حست ان ندى راح تفتح النت،، فطرشت حق يوسف مسج انها راح تدخل،،
وندى من فتره ما فتحت مسنجرها،،
ويوم فتحت المسن لقت إضافه،،
( أحبك حب ما له حدود أنت حياتي والغلا كله وأنت منبعي وذاتي )
استغربت ندى يوم شافت الإضافه،،
سوت اكسبت،، وقالت بشوف من ضايفني...
بعد 5 دقايق تقريباً،،
تم تسجيل دخول
" أحبك حب ما له حدود أنت حياتي
والغلا كله وأنت منبعي وذاتي"
قالت في خاطرها: خلني اشوف منوه هاي؟؟؟
انتظروني فالجزء السادس
حلم الطفوله
25-05-06 ||, 10:38 PM
متابعين متابعين متابعين:yes:
بهوجه مشكوره عالجزئين ...إنتي كريمه ونحن نستاهل:ttmasha:
الاسطوري
26-05-06 ||, 02:43 AM
قريت الجزء الرابع اون لاين والخامس تحت الهوا وبصراحه من
المتابعين بشدة للقصة وعيسى وايد يحلم
ومايخاف على أخته من
اللي يسويه
أنه يرد فيها ! وننتظر منج الأجزاء على راحتج دامج
مشغوله هالفترة بس مب معناته
إنج تتاخرين علينا
وايد
:vampire:
بهجة الروح
27-05-06 ||, 04:58 PM
أشكـــر كل الي ردوا عالأجزاء
ردودكم تطربنـــي :fa35:
بهجة الروح
27-05-06 ||, 05:02 PM
" الجزء السادس "
ندى تمت ساكته واللي ضايفنها ما رمس...
شويه و توصلها مسج ،،
(((أحبك حب ما له حدود أنت حياتي والغلا كله وأنت منبعي وذاتي))) ( أكيد تعرفون من اللي ضايفنها " عيسى" بس شوفوا شوراح يسوي )
مرحبا
( 00000من عيونك تشتكي عيني 00000) : ( ندى)
مرحبتين ؟؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
أنتي ما تعرفيني؟؟
( 00000من عيونك تشتكي عيني 00000) : ( ندى)
أكيد
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
ابصراحه استحي اقولج أخاف تزعلين لاني خذت ايميلج بدون استئذان
( 00000من عيونك تشتكي عيني 00000) : ( ندى)
لا عادي
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
أنا وحده وياج في الجامعه،، ومن زمان ودي أكون ربيعتج ،، بس أنا استحي وايد
( 00000من عيونك تشتكي عيني 00000) : ( ندى)
ما في داعي تستحين ..أنا بنت وأنتي بنت شراتي
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
( 00000من عيونك تشتكي عيني 00000) : ( ندى)
انتي في كليتنا..
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
هيه...
فجأه فطيم تيلس عدال ندى،،
فطيم : منوه هذي؟؟
ندى: هذي وحده اتقول انها من زمان تبى تتعرف عليه بس مستحيه وخذ ايميلي وخافت اني ازعل عشان ما اسئذنت قبل لا تضيفني...
فطيم: هيه...
ورجعت ندى تكمل ويا هالبنت اللي ما كانت تدري انها واحد ولا جان ما رمسته ،،
( 00000من عيونك تشتكي عيني 00000) : ( ندى)
أنزين ما قلتيلي ..شسمج؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
اسمي عليا
( 00000من عيونك تشتكي عيني 00000) : ( ندى)
يا سلام ..وايد يعيبني اسم عليا...كان ودي يكون اسمي...
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
لا انتي اسمج أحلى،، أنتي لو سموج ورده بعد ما بيوفونج حقج...
( 00000من عيونك تشتكي عيني 00000) : ( ندى)
لوووول....جيه ورده الجزائريه
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
لول
( 00000من عيونك تشتكي عيني 00000) : ( ندى)
أحس اني أعرفج...ذكريني انتي في أي كلاس وياي...
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
امممم...ما بقولج
( 00000من عيونك تشتكي عيني 00000) : ( ندى)
افاا...ليش؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
بس استحي...أنا ما صدقت ارمسج عالمسن...تقوليلي بتشوفيني...
( 00000من عيونك تشتكي عيني 00000) : ( ندى)
خلاص مابا اشوفج...بروحي بعرفج...
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
بنشوف...
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
ممكن سؤال؟؟
( 00000من عيونك تشتكي عيني 00000) : ( ندى)
تفضلي؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
أنتي فحياتج حد؟؟
( 00000من عيونك تشتكي عيني 00000) : ( ندى)
غريب سؤالج؟؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
عيل ليش حاطه " من عيونك تشتكي عيني " ؟؟؟
( 00000من عيونك تشتكي عيني 00000) : ( ندى)
أشوفج إلا تغارين؟؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
لا ..بس فضول
( 00000من عيونك تشتكي عيني 00000) : ( ندى)
لا ...انا بس حاطه هالنك جيه...مجرد كلام
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
أيوه
...لحظه صمت...
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
ندى؟؟
( 00000من عيونك تشتكي عيني 00000) : ( ندى)
هلا؟؟
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
أنا بظهر الحين ..تامريني بشي؟؟
( 00000من عيونك تشتكي عيني 00000) : ( ندى)
ما يامر عليج عدو
(((أحبك حب ما له حدود أنت حياتي والغلا كله وأنت منبعي وذاتي))) ( عيسى)
السموحه يالغلا ...باي
( 00000من عيونك تشتكي عيني 00000) : ( ندى)
باي...
وطلعت عنها عليا اللي ما تدري عن سرها ندى،،،
ومرت الأيام،،
وما كان يمر على ندى يوم ما تشوف فيه عليا اللي هي " عيسى"
كان دايماً ييلس عالنت،، بس عشان يكلم ندى،،
ووحليلها ندى ما كانت تدري بشي،،،
ومرن أسبوعين على هالحاله،،،
يوم الخميس،،،
في بيت بومبارك،،،
مريم: مويز،، ما باقي عن عرسج شـي...وبعدج ترقدين لين الساعه 2،،
ام مبارك: خليها يا اميه ترتاح أختج عروس،،
مريم: عروس بس هب جيه،، تسهر لين الفجر ويا عبود وترقد الصبح،،
موزه ( وهي حاطه ايدها على خصرها) : لو سمحتي هب اسمه عبود...اسمه حبيبي عبدالله...
مريم: حبيبي اونه...حبته اليراده...
موزه: اميه تشوفينها شو تقول...
ام مبارك: ايه انتي العيوز...ما يخصج فبنتي...
مريم: وحليلي الحين أنا استويت العيوز ..وهاي اللي بتسير عنج بنتج؟؟...
موزه: اطاعوا انتوا هاي كيف ترمس عني...جيه هب ماليه عينج أنا...
مريم: لا يا اميه...طافحه عيني من شوفتج،، بس هذا عبود بيحرمنا منج..
موزه: اسمه عبدالله...
مريم: عبدالله..عبود ..المهم اني ما أدانيه...
ام مبارك: عجب ما تستحين...ريل أختج هذا
مريم: ما أحبه ..ما أحبه...بياخذ مويز عني...منو بيتم وياي ويسولف وياي...
( وشويه وتغرغر عيونها)
موزه: فديتج يا مريوم...
أم مبارك: يالله...لازم تبن اتصيحني وياكن،،
ودخل عليهن مايد...
مايد: بسم الله ...شو مستوي...بلاكم اتصيحون...
أم مبارك: نصيح أختك اللي بتروح عنا...
مايد: ههههههه....هههههه....صدق ما عندكم سالفه،،
يوم بتصيحون أحسن شي لا تيوزونها،،
موزه: لاااا
مايد: هههههه..اطاعوا انتوا تبا تعرس البنيه...
موزه ( وهي تشوف مايد وتبتسم ) : عقبالك،،
مايد : آمييين ..من بؤك لباب السما
أم مبارك: ان شاء الله افرح فيك أنت وفواغي،،
مايد ( وهو معقد حياته) : فواغي..؟؟ اميه اسمها هب حلووو...ما بقدر أعيش وياها...
أم مبارك: بلاه اسمها بنت خالوتك...ألف من يتمنى هالأسم..
مايد: بس أنا هب من هالألف...ان خذتها بغير اسمها
مريم: ههههه...قول أنك ما تباها وفك عمرك
أم مبارك: سكتي سكتي أم لسانين...
مايد: ويييييه سكتوها..
مريم: ها يزايه واقفه صوبك،،
مايد: لا تخافين عليه...اللي أباه بيستوي..( وهو يغمزلها)...
( مريم كانت تعرف انه مايد يبغي ندى وتدري بعد ان ندى تحب مايد ...)
في الجهه الثانيـــه،،
مريم كانت عازمه شيخه وفطيم وندى عندهم في البيت...طبعاً ندى ومريم بييلسن أرواحهن ،،أما هدى بتيلس ويا فطيم وشيخه،،
وكانت ندى تتزهب حق العصر وتتطالع الدريول اذا بيوديهم ولا لا...
شيخه: اتصلتي فيه؟؟
ندى: هيه...قال بيودينا..
شيخه: زين...
متى بنروح؟؟
ندى: عالساعه 5 جيه..
شيخه: أوكيه عسب أخبر فطيم،،
في نفس الوقت ،،،
مايد كان في غرفته وفجأه رن موبايله،،،
وشل الموبايل بايده وشاف رقم غريب،،
ورد عليه...
يا ترى من اللي متصل فيه؟؟؟
مايد: مرحبا،،
( وكانت خلود اللي متصله بس مايد ما عرفها)
خلود: مراحب...
مايد: خير؟؟
خلود: الخير بويهك...حد يرد عالتلفون جيه؟؟
مايد: منوه انتي؟؟
خلود: أفاا...نسيتني...لازم من كثرهن اللي عندك بتنساني...
مايد: عفواً...
خلود: احممم...
أنا خلود...
مايد: هلا هلا...اشحالج خلود..؟؟
خلود: الحمدلله ابخير..وأنت كيفك؟؟
مايد: يسرج الحال،،
خلود: وليش هالقطاعه..من أسبوعين وأنا انتظرك تتصل ولا اتصلت،،
مايد: ما في شي امبينا عشان اتصل...
خلود: يمكن
مايد: ليش يمكن...ما بيني وبينج شي
خلود: بس انا بيني وبين قلبك شي..
مايد: ما ادريبج...بس خلود ..أنتي بنت ناس...وما أبغي ألعوزج...
خلود: تدري اني كل يوم أشوفك في منامي...
ومحد غيرك سكن خيالي...
مايد: خلود...خلي هالرمسه حق حد غيري...بس أنا هب مال هالسوالف...
خلود: توك اتقول...وايدات اللي تعرفهن...
مايد: اسولف معاج ..كنت ابغي اقهرج بس...
خلود: انزين...
مايد: شو انزين...؟؟
خلود: ماشي..
مايد: اتحملي على عمرج حبوبه...والدرب اللي انتي ماشيه فيه أبعدي عنه...
خلود: شو قصدك؟؟
مايد: مثل ما قلتلج...
واتحملي على عمرج...
خلود:.... ( خلود كانت مقهوره وساكته)
مايد: يالله الله يحفظج..
( وبند التلفون في ويهها)
وصكر مايد عن خلود التلفون ،، وفتح لاب توبه...ويلس...
وفتح المسن ...
وشاف حصه موجوده،،
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
مرحبا
&*&*& ( هذي حياتي وأنت حر بحياتك ) &*&*& : (حصه)
مرحبتين...
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
اشحالج؟؟؟
&*&*& ( هذي حياتي وأنت حر بحياتك ) &*&*& : (حصه)
بخير..وأنت اشحالك؟؟
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
بخير ربي يعافيج
&*&*& ( هذي حياتي وأنت حر بحياتك ) &*&*& : (حصه)
وينك غاط ما نشوفك
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
أنتي اللي وينج؟؟
&*&*& ( هذي حياتي وأنت حر بحياتك ) &*&*& : (حصه)
أنا موجوده،، بس يوم أدخل ما ألاقيك
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
أنا بعد يوم أدخل ما أشوف حد
&*&*& ( هذي حياتي وأنت حر بحياتك ) &*&*& : (حصه)
يمكن مسولي بلوك
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
افااا...ما أسوي أنا حق حص حص بلوك
&*&*& ( هذي حياتي وأنت حر بحياتك ) &*&*& : (حصه)
لول...جيه حد يدلع
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
حصيص...شورايج؟؟
&*&*& ( هذي حياتي وأنت حر بحياتك ) &*&*& : (حصه)
حصه وبس..أحسن
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
أوكيه حصووه
&*&*& ( هذي حياتي وأنت حر بحياتك ) &*&*& : (حصه)
سير لااااه...شوجيه...قلت حصه وبس
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
أوكيه حصه...جيه زين
&*&*& ( هذي حياتي وأنت حر بحياتك ) &*&*& : (حصه)
هيه حلووو
......لحظة صمت........
&*&*& ( هذي حياتي وأنت حر بحياتك ) &*&*& : (حصه)
مايد؟؟؟
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
عونج؟؟؟
&*&*& ( هذي حياتي وأنت حر بحياتك ) &*&*& : (حصه)
أمممم...بقولك شي
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
تفضلي؟؟
&*&*& ( هذي حياتي وأنت حر بحياتك ) &*&*& : (حصه)
أنا ترا يمكن بعدين ما راح أدخل المسن ولا حتى النت
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
ليييش؟؟
&*&*& ( هذي حياتي وأنت حر بحياتك ) &*&*& : (حصه)
تراني أنخطبت
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
والله؟؟؟
&*&*& ( هذي حياتي وأنت حر بحياتك ) &*&*& : (حصه)
والله
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
مبرووووك..مبرووووك...والله تستاهلين كل خير
&*&*& ( هذي حياتي وأنت حر بحياتك ) &*&*& : (حصه)
الله يبارك في حياتك...على بالي بتزعل
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
ليش أزعل...دام انج بتفرحين..
&*&*& ( هذي حياتي وأنت حر بحياتك ) &*&*& : (حصه)
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
الله يوفقج ان شاء الله يا حصه
بنفتقد وجودج...بس كل شي عشان سعادتج يهون
&*&*& ( هذي حياتي وأنت حر بحياتك ) &*&*& : (حصه)
أنا بعد
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
هالله هالله بالريال...
&*&*& ( هذي حياتي وأنت حر بحياتك ) &*&*& : (حصه)
ان شاء الله
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
وهالله هالله بعمرج
&*&*& ( هذي حياتي وأنت حر بحياتك ) &*&*& : (حصه)
ان شاء الله...
+_+_+_+_+ ( غيب وأنا أغيب وان شوف من هو اللي تأثر) +_+_+_+_+ : ( مايد)
الله يباركلج فكل شي
&*&*& ( هذي حياتي وأنت حر بحياتك ) &*&*& : (حصه)
آمين
وتم يسولف مايد ويا حصه شويه وعقب ظهر من النت وراح يرقد...
في هالحزه ،،، في الجهه الثانيه،،
بيت قوم يوسف،، اللي أخوه عيسى،،
يوسف دخل على عيسى الحجره ،، ولقى عيسى يالس عالنت،،
يوسف: هلا عواس...أشوفك هالأيام مجابل النت...
عيسى: شو اسوي بعد...اتريا حبيبة القلب تدخل،،
يوسف: منوه؟؟؟ ندى؟؟
عيسى: منوه غيرها اللي مذوبتني في الغرام...
يوسف: صدق ما عندك سالفه...قردنها ورمسها على طول بالموبايل...
عيسى: يا اخويه انته اصلا ما تدري بشي،،
هي ما تدري اني أنا ولد،، داخل وياها على اساس اني بنيه...
يوسف: ههههههههه...لهالدرجه الحب لاعب دور...
عيسى: وأكثر بعد...
صدقني كنت أبغي اللعب عليها...بس والله حبيتها..
يوسف: زين زين...عقب بتمل منها...
عيسى: لا تنطنز عليه..عمري ما بمل منها...والله أحبها...
صرت كل يوم أشوفها...وأكره يومين في حياتي الخميس والجمعه،، لاني ما اشوفها..
يوسف: وين تشوفها؟؟
عيسى: فالجامعه ..يوم اروح اييب خواتك...
يوسف: أيوووه...
.....
لحظة صمت...
يوسف: أنا خلاص فكرت أخطب...
عيسى: تخطب شمه؟؟
يوسف: تخسي الا هي...
عيسى ( وهو مستغرب) : تخسي؟؟
يوسف: هيه ...ام عيالي ما اباها جيه...اليوم رمست وياي..ما يندرا من وراي منو ترمس...
عيسى: بس هي تحبك
يوسف: وانا بعد أحبها...بس مب هي شريكة الحياه...
عيسى: أنا شكلي بتخبل...
يوسف: ليش؟؟
عيسى: البارحه ندى ما دخلت ولا اليوم ..عيزت وأنا اتريا...
يوسف ( وهو طالع من غرفته) : الله يعينك...الله يعينك..
وعقب ما طلع يوسف،، تم عيسى يفكر وهو سارح في طيف ندى...
وتم يقول في خاطره: والله اني أحبها وبموت ان صار فيها شي،،
ودي أخطبها بس العين بصيره واليد قصيره...
وتم يتريا ندى لين ما لاعت جبده وعقب طلع من النت،،
عالساعه 5 ونص العصر،،
في بيت بومبارك،،
مايد كان نازل من غرفته،، وكان لابس ومتكشخ وبيظهر،،...
وهو نازل سمع رمسه وصوت بنات في الصاله...
مشى شويه والا يشوف اخته موزه طالعه من حجرتها،،
موزه: هاااه؟؟ وين ساير؟؟؟
مايد: بظهر شويه...
منو عندكم؟؟
موزه: بنات عميه..
مايد ( وهو يطالع عمره في المنظره) : هيييه...عيل بسلم عليهم،،
موزه: لحظه لحظه وين رايح...؟؟ عيب بنات ويستحن تبى ادش عليهن عرض...
مايد: يا مويز هذيلا بنات عميه...عادي...( ويروح عنها)
موزه: أطاعوا انتوا...
بانتظار بقية الأحداث في الجزء السابع...
حبوبه دبي
27-05-06 ||, 06:14 PM
:ice:
متــابعيـــن للقصــه الغـاويه
الاسطوري
27-05-06 ||, 06:56 PM
نتريا الأجزاء اليايه وعاد نبى نهاية حلوه ولا
ياويلج من بو زايد تراه عصبي
أنا مايخصني
:ice:
انزين ..
ليش جي يوسف.. احس تفكيره اممممم.. او هو ..امممم..
خل ايولي ما بعلق..
المهم نتريا التكملـــه..
حلم الطفوله
27-05-06 ||, 11:20 PM
الأحدااااااااااااااث خطييييييييييييييره :fa39:
تراني حبيت ندى واااايد يوزيها مااايد ولا تلعوزينها ما تستاهل:doh:
متابعين بهوجه ....
الدمعة الحزينه
28-05-06 ||, 09:15 AM
قصه يديده وبعدني ما قريتها افففففف من الامتحانات اخلص الامتحانات وارد اقراها بس اباها كامله عشان ايلس عليها يوم كامل واخلصها
هههههههbrgll:
والسمووحه:fa35:
عفاريتووو
28-05-06 ||, 10:14 AM
متابعين :yes:
بهجة الروح
28-05-06 ||, 05:15 PM
ثانكــــــــــس لك اللي ردوا عالجزء
أسعدتـــونــــــــي ،،،
بهجة الروح
28-05-06 ||, 05:17 PM
" الجزء السابع"
مايد ما اهتم لكلام موزه على طول راح ودق باب الصاله ودخل،،،
ندى من شافته استحت وعدلت شيلتها وهي موخيه،،
مايد ( وهو يطالع ندى) : السلام عليكم..
ندى( بصوت واطي وهي مستحيه) : وعليكم السلام...
أم مبارك: وعليك السلام ابويه...تفضل تفضل محد غريب عندنا..بنات عمك بس
مايد: ادري اميه انه محد غريب ولا جان ما دخلت،،
مايد ( وهو يطالع ندى): اشحالج ندى؟؟
ندى( وهي مستحيه ومحمره وقلبها يدق) : الحمدلله...
ويلس مايد عالغنفه المجابله ندى وشيخه وأخته مريم...
ويلس يطالع ندى اللي كانت محمره ومستحيه وهو مبتسم
مريم: ما شاء الله يلست أشوفك؟؟
مايد ( وهو حاط ريل على ريل) : ليش عندج مانع ...يالس ويا بنات عميه انا
مريم: اهااا..دامك قلت بنات عمك...يعني بنات..والبنات يستحن...
مايد ( وهو يطالع ندى) : ما يهمني رايج..ندى؟؟
ندى ( وهي مرتبكه) : نعم...
مايد ( وهو مبتسم) : نعم الله عليج...أنتي مستحيه مني ..أطلع يعني؟؟
ندى( وهي مستحيه وموخيه) : لا عادي...
مريم: اطاعوا انتوا...يابويه البنيه احمرت احرجتها..
( شيخه اهنيه كانت ميته من الضحك ...)
شيخه: ههههه...
مريم: شويخ؟؟ هههه..
ام مبارك: بلاج أنتي جيه...خليه يالس..ابويه اصب لك اقهوه..
مايد: هيه اميه...فديتج ( وهو يطالع ندى)
ام مبارك : اندوك ابويه...
مايد ( وهو ميود فنيان القهوه ومبتسم ) : اشحالج شيخه؟؟ بلاج تضحكين؟؟
شيخه ( وهي مستحيه) : ماشي
مايد: يالله ارمسوا بلاكم ساكتين؟؟
أم مبارك: يا بويه رمست البنات غير عن رمست الشباب..
مايد: صح اميه..ما عليه بشرب اقهوتي وبظهر...احس اني ثقيل عليكم..( اهنيه كان يطالع ندى ومن قال آخر جمله ندى رفعت راسها وشافته عين بعين وردت واستحت)
وشرب مايد اقهوته ونش من مكانه،،
مايد: عيل برايكم انا ظاهر،،
ام مبارك: الله يحفظك ابويه...وين بتسير؟؟
مايد: بروح اتمشى شويه ويا الشباب...
أم مبارك: اتحمل يا بويه على عمرك...وعن السوالف الماصخه...
مايد: أي سوالف ماصخه اميه الله يهديج...
أم مبارك: بعد شوووه غير المغازل والبنات...جيه ما اعرفك انا...
مايد: اميه بس بس عن الفضايح...
يالله فمان الله..
وطلع مايد وهو معصب انه امه احرجته جدام ندى حبيبة قلبه..
ندى تمت تفكر ومتغصصه انه مايد يغازل،، وكانت حاطه في خاطرها ،،
بعد ساعه تقريباً،،
ندى كانت يالسه ويا مريم في غرفتها،،
مريم: شفتي ميود؟؟ بالعماله دش اونه بيسلم
ندى ( وهي موخيه) : هييه...
مريم: بلاج اشوفج مضايقه؟؟
ندى( وهي مبتسمه ) : لا عادي هب مضايقه ،،
مريم: ترا كل الشباب جيه ...حركات ويا البنات...فلا تهتمين لهالشي
ندى( وهي مسويه عمرها ما تعرف شي) : ليش شو السالفه؟؟
مريم: أخاف حطيتي فخاطرج من مايد ولا شي جيه..
ندى : لا عادي...
أصلاً ندى كانت حاطه في خاطرها ما كانت متوقعه ان مايد يغازل ولا يرمس بنات وانصدمت يوم سمعت كلام ام مبارك ،، وحست انه حلمها بدا يتلاشى ويمكن يكون مايد يلعب عليها ،،
شويه ويرن موبايل مريم،،
مريم : مايد متصل ( وهي مستغربه)
اهنيه فز قلب ندى ،، وتمت ساكته وقلبها يدق،،
وشلت مريم الموبايل..
مريم: هلا مايد...
مايد: هلا اختيه....شفتي اميه شو سوت...
مريم: هيه..
مايد: والله احرجتني...خربت كل شي اميه...الحين بطيح من عين ندى..
مريم: لا ..ما ادري..
مايد: شو لا وعقب ما تدرين...
مريم: ما شي..
مايد: ندى عدالج..
مريم ( وهي تتطالع ندى) : هيه...
مايد: حاس اني مضايق ،، حتى ما بروح عند الشباب...
مريم: ليش عاااد...هب لهالدرجه انته تفكر بالرمسه...وأميه ما قالت شي الا تسولف...
مايد: اتسولف...بس هب جدام ندى..أنتي ما تدرين ندى شو بالنسبه لي ...
أدري انج حاسه بكل شي
مريم: هيه...بس ما ادري ليش انته مكبر السالفه ( وهي تتطالع ندى) عادي ندى هب مضايقه ولا شي،،
( اهنيه ندى اطالعتها)
مايد: ابغي ارمسها؟؟
مريم: لحظه ( واتناول ندى التلفون)
ندى ( وهي مستغربه) : شوووه؟؟
مريم: مايد يبا ايقولج شي..
ندى ( وهي مستغربه ) : .....
مريم: يودي...
( ندى كانت متردده وخايفه وهب عارفه شو تسوي ،، وبكل عفويه خذت التلفون عن مريم ،،)
ندى( بصوت واطي) : ألوو
مايد: هلا ندى...
ندى( وهي مرتبكه ) : أهلين..
مايد : اشحالج؟
ندى: الحمدلله..
مايد: ندى،، أدري سمعتي رمسة أميه عني، صح اني كنت ارمس بنات ، بس هذا قبل ما أشوفج
بس من عقب ما شفتج كل شي تغير...
صرت ما أبغي اشوف أو أكلم حد غيرج..
( ندى كانت ساكته وهب متوقعه اللي يالسه تسمعه وكان قلبها يخفق بشده)
مايد: ألووو..
ندى( بعد ما كانت سرحانه) : هلا
مايد: ندى...أنا أبغيج...تبيني؟؟
ندى( استحت وما عرفت شو بتقول) : ....هذي مريم ( وناولت مريم التلفون)
مريم: شو قلتلها....اشوف البنيه محمره؟؟
مايد : ليش عطتج التلفون...بعدني ما خلصت
مريم : ههههههه...الظاهر انها استحت
مايد ( وهو مبتسم) : والله...انزين سأليها قوليلها شو ردها؟؟
مريم: ردها عالشوو؟؟
مايد: قوليلها تبين مايد؟؟؟
مريم :ههه..اويه...هذا سؤال الحين
مريم: ندوي ...مايد يبغي يعرف ردج...
ندى( وهي مستحيه) : ...( تمت تتطالع مريم وهي مبتسمه)
مريم: تباك البنيه...
ندى: اويه مريوم...عااد هب جيه...
مايد ( مايد سمعها واستانس وايد) : هههههه
مريم: ارتحت الحين...
مايد: هيه الحمدلله يزاج الله خير ما قصرتي
مريم: الله يخليك
مايد: يالله فمان الله...
وصكر مايد عن مريم وهو مستانس...ما باقي الا يخبر امه انه يبغي ندى
وندى كانت مستانسه وما خبرت حد عن السالفه بس محتفظه بغلاة مايد في قلبها...
بعد يومين تقريباً،،
شمه كانت طالعه عند اربيعتها ،، ورايحات الستي وبالتحديد يالسات في الكوفي شوب
مها: اشحالج ويا يوسف؟؟
شمه: الحمدلله ..نتريا الفرج..
مها: الفرج من شوووه؟؟
شمه: الفرج عشان يتقدملي..
مها: انتي من صدقج بيتقدملج..
شمه( وهي مستغربه) : هيه ..هو يحبني وانا احبه..
مها: سيري لااااه...
شمه ( وهي مستغربه من كلام مها) : مهاوي ارمسج جد أنا..
مها: هههه..اتضحكيني...
شمه: لييييش؟؟؟
مها: سألي يوسف حبيبج...
شمه: مها أنتي تعرفين شي ما أعرفه...عندج شي؟؟؟
مها: هههه ..ابصراحه هيه...يسوف حبيبج يالس يتخطب...ايدور له حرمه..
شمه ( وهي مصدومه ) : شووووووه؟؟؟ انتي صدق ترمسين...
مها: هي صدق ارمسج...سأليه..
شمه ( وهي مشوشة الفكر ومرتبكه) : الحين بتصل فيه ( وتشل تلفونها وتتصل على يوسف)
شمه ( وهي خايفه) : الووو..
يوسف: هلا حبي...
شمه: أي حبي أي خرابيط...
يوسف( وهو مستغرب منها) : ليش شو فيج؟؟
شمه: شو فيني؟؟ أنا قربت اتخبل...
يوسف: بسم الله ...ليش؟؟
شمه: سمعت انك ادور على حرمه...
يوسف: هههههه...
شمه: يا سلام ..وتضحك بعد...
يوسف: شو تبيني اسوي؟؟
شمه: لا والله...صدق الكلام اللي سمعته
يوسف: أمممم...يمكن الوالده ابروحها يالسه ادور...
شمه: لا والله تتطنز حضرتك...
يوسف: يا شمه يا حبيبتي...خليني افهمج شي،، الريال له ثنتين...وحده تكون حبيبته والثانيه زوجته
وأنتي حبيبتي...
شمه ( وهي شويه وبتصيح) : وليش ما تكون حبيبته هي زوجته؟؟
يوسف: لا ...القلب له ثنتين...أوكيه حبيبتي..وهذي فلسفتي في الحياه
شمه ( وهي تصيح ) : وين حبك لي ؟؟ و وين الوعود؟؟
يوسف: أوهوووه..لا تيلسين اتصيحين...أنا والله أحبج...بس شو بقول حق هلي ان بغيت اخطبج..
شمه: في ألف عذر وسبب تقنع فيه أهلك...بس أنته ما تبغيني...
يوسف: شمه...لا تصيحين ..جان لي خاطر عندج...
شمه : عديم احساس...بدون مشاعر...أكرهك أكرهك أكرهك ...( وهي تقولها واتصيح وبندت التلفون في ويهه)
ويلست اتصيح عالطاوله...ومها يلست أتواسيها...
مها: بس شمه لا تصيحين...على واحد ما يستاهل...
شمه: خسيس ...حقير...شفتي هذي نهاية الحب اللي بينا...
مها: كلهم جيه...
شمه: أكرهه..أكرهه...
وتمت شمه اتصيح...
في نفس اليوم فليل...
ندى كانت في غرفة شيخه وفاتحه النت...ومن فتره ما دخلت المسن،، وقررت تدخل...الحين
فتحت مسنجرها ولقت
(( خافي الوجــــــــــــدان ينبض باســــم خــلــــــــي )) ( عليا) اللي هو عيسى
(( خافي الوجــــــــــــدان ينبض باســــم خــلــــــــي )) : ( عيسى)
هلا والله...أنتي وينج...
(( silent feeling)) : ( ندى)
أهلين انا موجوده
(( خافي الوجــــــــــــدان ينبض باســــم خــلــــــــي )) : ( عيسى)
وين ؟؟ ما شفتج من فتره؟؟
(( خافي الوجــــــــــــدان ينبض باســــم خــلــــــــي )) : ( عيسى)
ولهت عليج
( ندى استغربت من طريق كلام البنيه)
(( silent feeling)) : ( ندى)
ولهت عليج العافيه...تسلمين والله
(( خافي الوجــــــــــــدان ينبض باســــم خــلــــــــي )) : ( عيسى)
اشحالج؟؟ ما شفتج اليوم؟؟
(( silent feeling)) : ( ندى)
لوووول ..هاللي مزعلنج
(( خافي الوجــــــــــــدان ينبض باســــم خــلــــــــي )) : ( عيسى)
أنا تعبت تعبت من كثر ما اترياج
(( silent feeling)) : ( ندى)
والله...ليش تترييني هالكثر
(( خافي الوجــــــــــــدان ينبض باســــم خــلــــــــي )) : ( عيسى)
ما أقدر يمر عليه يوم ولا أشوفج..
(( silent feeling)) : ( ندى)
؟؟؟
تصرفاتج غريبه
(( خافي الوجــــــــــــدان ينبض باســــم خــلــــــــي )) : ( عيسى)
هيه غريبه لانج مب حاسه باللي فيني
( ندى كانت وايد زايغه منها " عليا " حست ان هالبنت هب طبيعيه )
(( silent feeling)) : ( ندى)
عليا؟؟
(( خافي الوجــــــــــــدان ينبض باســــم خــلــــــــي )) : ( عيسى)
؟؟؟
(( silent feeling)) : ( ندى)
أشوف معاملتج لي هب معامله صديقه لصديقتها
(( خافي الوجــــــــــــدان ينبض باســــم خــلــــــــي )) : ( عيسى)
أدري لاني أحبج
(( silent feeling)) : ( ندى)
هاااااه؟؟؟ أنتي اتخبلتي؟؟
(( خافي الوجــــــــــــدان ينبض باســــم خــلــــــــي )) : ( عيسى)
لا...بس أحبج
(( silent feeling)) : ( ندى)
أسمحيلي ما تعيبني هالسوالف...وسوالف الحب بين البنات...
(( خافي الوجــــــــــــدان ينبض باســــم خــلــــــــي )) : ( عيسى)
بس أنا مب بنت
(( silent feeling)) : ( ندى)
شوووووووووووووه؟؟؟ أنتي شو يالسه اتقولين؟؟
(( خافي الوجــــــــــــدان ينبض باســــم خــلــــــــي )) : ( عيسى)
والله اني مب بنت أنا ولد واسمي عيسى
( اهنيه ندى انصدمت وحطت ايدها على حلجها وكانت خايفه وتمت مده ساكته )
(( خافي الوجــــــــــــدان ينبض باســــم خــلــــــــي )) : ( عيسى)
ندى لا تفهميني غلط ،، أنا كنت ياينج لشر بس بعدين حبيتج وتركت كل شي عشانج ..
(( خافي الوجــــــــــــدان ينبض باســــم خــلــــــــي )) : ( عيسى)
ندى ادري انج مضايقه وودج اتسويلي بلوك ودليت...
بس حرام ترا اللي بتسوينه في حقي،،
لا تحرميني من شوفتج
(( silent feeling)) : ( ندى)
آسفه ...صدمتني...مع السلامه
(( خافي الوجــــــــــــدان ينبض باســــم خــلــــــــي )) : ( عيسى)
لحظه لحظه
(( خافي الوجــــــــــــدان ينبض باســــم خــلــــــــي )) : ( عيسى)
بقولج شي
(( خافي الوجــــــــــــدان ينبض باســــم خــلــــــــي )) : ( عيسى)
ندى انا احبج وانا كل يوم أشوفج بس انتي ما تدرين بشي...
والله ما تدرين بشي والله...
والله ما تدرين بالدمع اللي ينهمل من عيني الحين...
ما أقدر على بعدج والله..
والله والله..
....لحظه صمت....
(( silent feeling)) : ( ندى)
خلصت كلامك؟؟؟
(( خافي الوجــــــــــــدان ينبض باســــم خــلــــــــي )) : ( عيسى)
بكل سهوله تقولينها لانج مب حاسه بشي...
(( silent feeling)) : ( ندى)
آسفه اني سببت لك هالعنا كله...
مع السلامه
وهذي كانت آخر مكالمه بين ندى وعيسى...وسوت له ندى بلوك ودليت...
ندى طلعت من النت وهي تفكر وأدور في بالها تساؤلات كيف عرف ايميلها وكيف قدر يجذب عليها على اساس انه بنت وكيف حبها ومتى شافها وتساؤلات كثيره...
بس ما كانت تدري بالعذاب اللي كان عايش فيه عيسى في نفس اللحظه
كان حاس بعذاب ماله نهايه...حاس بان الدنيا ضايقه فيه ،، كان وده ينتحر يذبح عمره بس كان يبا يخلص نفسه من هالعذاب..
كان يقول في خاطره ليش قلتلها اني ولد لو سكت جان احسن ولا اني اخسرها...
الحين كيف برمسها ولا كيف بعرف اخبارها...
وكان يقول في خاطره ياليت لواني اشتغل شرات الناس جان رحت وخطبتها...
بس كان جدام عيسى اميه حاجز وحاجر
كان في هالوقت عيسى منسدح على سريره ويفكره وعيونه محمره شرات قطعة الدم،،
ويدخل عليه يوسف،،
يوسف: السلام عليكم..
عيسى ( وهو ماله نفس يرمس ) : وعليكم السلام..
يوسف: بسم الله ..بلاها عيونك محمره.
عيسى ( وهو موخي) : ماشي...
يوسف: قطعت علاقتي بشمه اليوم...
عيسى ( وهو يطالعه ) : ليش؟؟
يوسف: عرفت اني بخطب ويلست تتحرطم واتصيح...وفهمتها
عيسى ( والغبنه في حلجه ) : كله منكم ...حسبي الله عليكم
يوسف( وهو مستغرب) : شو السالفه؟؟؟
عيسى: تسوي عمرك ما تعرف السالفه
يوسف: اووه لتكون حبيت ندى من صدقك انته...
عيسى: هيه حبيتها...وأبغي اخطبها
يوسف( وهو مستغرب ومعصب) : هاااه؟؟؟ عاااد كله ولا تخطبها؟؟؟ تبغي تسويلي انته مشاكل؟؟؟
عندك البنات اشكثرهن ما بغيت تحب الا ندى...
تخسي تاخذها
عيسى: يوسف البنيه ما عليها كلام،، ومؤدبه مب شرات شمه اللي انته تعرفها...
يوسف: أدري بهالشي...بس انا الحين بخطب وما أبغي مشاكل..وأنت ان خطبت ندى بتسويلي مشاكل
وشمووه ما بتخليني بحالي...
عيسى: ما أدري انتوا كيف تبنون سعادتكم على تعاسة غيركم
يوسف: بلاك انته ترمس شرات الأفلام...ايييه...صحصح شويه...
ندى ما تنفعك ولا تناسبك...
عيسى ( ودمعته نازله على خده) : أنا أحبها...
يوسف ( وهو مستغرب من أخوه ) : بس لا تسويها..وبعدين من وين لك عسب تخطب
عيسى ( وهو رايح ياخذ سويجه) : ترا هالي مضيجني أكثر...بس ليتكم تحسون باللي فيني..
وشويه وطلع عيسى وهو حاس انه مخنوق،،
ركب سيارته الاستيشن وتم يتمشى ...
عالساعه 12 وربع ،،
اتصل عيسى على موبايل ندى هب عشان يكلمها بس عشان يعرف اذا موبايلها مغلق ولا مفتوح،،
دق رنه ومن بعده طرش هالمسج،،
" ندى ان صار فيني شي أعلمي شي واحد أني كنت أحبج "
ندى استلمت المسج ،، وقرت المسج وهي مستغربه وكانت ادور في بالها من هالشخص اللي مطرشلها
وعقب عرفت انه من عيسى ،
وطنشته ،،
لانها تحب مايد وما وده تخونه بأي طريقه من الطرق،،
وكانت تفكر كيف عرف رقمها
في هالحزه شمه كانت طالعه من الحمام وهي تمسح دموعها وعيونها محمره واتصيح ،،
وشويه ويرن تلفون شمه ،،
يا ترى من اللي متصل فيها؟؟؟
تدرين احسن شي حطي الاجزاء كلــها ..
والله ما فيني اتريا ..
او اقطعي الجزء في موقف عادي ..مب ان حد متصل او شي ..لان يجيسني فضووول و اتم افكر..
غمضتنــي شمــه ,,, و غمضني عيســــى..
بهجة الروح
28-05-06 ||, 07:01 PM
:ice: تبــون الأجزاء كلها اليوم ما عنـــدي خلاف
بــس كم تدفعـــون :kkk:
شوق الصحارى
28-05-06 ||, 07:01 PM
وانا راي من راي شمه..!!!
نتريا التكمله........
حبوبه دبي
28-05-06 ||, 09:11 PM
يالله نـتريــاا ^_^
قرموشة
28-05-06 ||, 10:13 PM
نتررررررررررررررررياااااا ااااااااااااااااااااااااا ااااااااااااااااااااااااا ..
<<< مندمجـــه ...
الاسطوري
28-05-06 ||, 10:27 PM
هالجزء فيه أشياء حلوه بس مب كلها وبصراحه الأحداث حاميه والأوضاع
بدت تتأزم وايد وعلى طاري الدفع أنا مستعد أدفع لج درهمين
عشان تاخين لج بـ (درهم كرك ودرهم براتا) وإذا
بتنزلينه باجر تسوين خير أكون خلصت
إمتحاناتي وتفرغت للقصة
زين مازين
:bye2:
بهجة الروح
28-05-06 ||, 10:34 PM
الاسطـــوري
خلاص اتفقنـــــــا
باجر عيل بنزل الاجزاء الباقيـــه ،،
لانك بتكون متفرغ اكثر والحين ما بنزل شي عسب تهتم بالمذاكره
>>>>> شفت كيف انا طيبه :fa35: <<<<<<
الاسطوري
28-05-06 ||, 10:54 PM
عيل خلاص ماشي درهمين
وفرتـي علي
:fa34:
بهجة الروح
28-05-06 ||, 11:29 PM
بوزايـــد
كم تدفع !!! :fa39:
ترا شغل النذاله شغلي
حبوبه دبي
29-05-06 ||, 12:38 AM
بــسكم ســوالف :boxed:
نــزليهــاا يالله ،،
بدفــع ربيتيــن ونــص !!
هــاا شــو قلتــي !!
:harhar1:
خيال الروح
29-05-06 ||, 12:55 AM
أخبــركــم شو الى بيستوي
brgll: brgll: brgll:
:
حبوبه دبي
29-05-06 ||, 01:15 AM
هـا هــااا
ع نــاس ونــاااس !!
:boxed:
الاسطوري
29-05-06 ||, 02:56 AM
احم احم ..
جني شميت ريحة خيانة هني وقلت لازم ايي وأتأكد وأشوفكم طابخين
الأكلة ومجهزين كل شي ،، ماشي قلنا باجر يعني باجر وانا
عناااااااد بتم سهران اليوم أحرس هالموضوع
ومحد بيقرى الجـــزء قبلي
إذا أنطرح الحين
:3:
عيني أربع أربع اليوم
:bash:
خيال الروح
29-05-06 ||, 03:13 AM
ومحد بيقرى الجـــزء قبلي
قـريــة القــصه كـلها ,,
brgll:
:
قرموشة
29-05-06 ||, 03:14 AM
.. ما يخصني انا بعـد أبا أقراااااااااااااااااااااا اااهـا
خيال الروح
29-05-06 ||, 03:25 AM
قرمـوشـة
بــاجـر يـوم بتنزل بهجه الروح الجــزء اقريهـا ,,
شوق الصحارى
29-05-06 ||, 10:28 AM
وين الجزء....؟؟؟
حلم الطفوله
29-05-06 ||, 02:56 PM
السلام عليكم
بهوووووجه ! مب زين جيه أعصابنا ما تتحمل :nono:
نتريااااج ...وراضين بالجزء وأمرنا لله:yes:
خيال الروح .... :sad4:
بهجة الروح
29-05-06 ||, 05:32 PM
خيال الروح وبو زايد
يزاكم الله خيــــر
خيال الروح و بو زايد..
حراام عليكم كنتوا اتخلونها اتحط الاجزاء الواحد كان يستمتنع...
(بس زين بقراها الحين)..
خيال الروح
29-05-06 ||, 05:46 PM
بــهجــه الـروح
ســوري مــا كـان قـصدي :sadwalk:
:
الاسطوري
29-05-06 ||, 05:55 PM
حــــرام عليـــكم تسوون جيه ،، أنا مابقرا
الأجزاء إلا يوم بهجة الروح
بتحطها
:sad4:
ع بالي القصــه كامله الا هم جزئيــــــــن
بهوجتـه فديتج ما عليج منهم كمليها ..
عفاريتووو
29-05-06 ||, 06:20 PM
بهوووجة حتى انا ما بقرا القصة الا لما انتي تحطينها.. نترياج ^_^
خيال الروح
29-05-06 ||, 06:26 PM
بوزايد
هالقــصـه بـهجه الروح كـاتبتنـها مب منـقـولـه ..
:
ولد الحكومة
29-05-06 ||, 06:40 PM
الله يعطيج العافيه اختي بهجة الروووح والصراحه جهد تشكرين عليه واااايد
الاسطوري
29-05-06 ||, 07:27 PM
أنا راد اليوم وعلى أمل إني
اقرا القصــة
:waa:
بهجة الروح
29-05-06 ||, 07:57 PM
بو زايد
مب انا اللي انقل مواضيع ،،
ويكون في علمك اني حطيت القصه في كذا منتدى بهالنكات اللي كنت استخدمها " اوتار الروح " وبعد
" ونات خفوق "،
ومافي داعي اشرح اكثر انا عارفه نفسي وعارفه شوه كاتبه مافي داعي حد يقولي نقلتي ولا ما نقلتي
اذا حصلت القصه مكان ثاني فاعرف انها منقوله وطبعا ما بقول شي لاني حافظه حقوق اغلب قصصي في دائرة الاعلام فما اخاف من اي شي
انزين بهوجــه لا اتخربون القصــــه
يالله كمليهـــــا...
كلنا نترياج..
اعذريهم من فضولهم قاموا يدورون ع القصه في google شقتي هذا دليل نجاح القصـــه
حلم الطفوله
29-05-06 ||, 10:39 PM
السلام عليكم
بهوجه ترانا بعدنا نتريا تكملة القصه منج ...طلبناج ولا تردينا عاااد:fa39:
وبو زايد من كثر ما كان مندمج بالقصه دور عليها ...شفتي كيف قصتج أثرت فينا واااايد
كمليها بهجتنا:yes: ...
حبوبه دبي
29-05-06 ||, 10:53 PM
وانــا بعد مــابقــراهــااا لــين مـاتنــزلينهـم انتــي
:yes:
يالله نتــريــاج
شوق الصحارى
29-05-06 ||, 11:42 PM
حتى انا اتريا...
الاسطوري
29-05-06 ||, 11:55 PM
نحن فالانتظار وخلاص قررت أدفع الدرهمين
عشان ماتشلين فخاطرج
على حد
:bye2:
بهجة الروح
30-05-06 ||, 01:09 AM
" الجزء الثامـــن "
شافت شمه موبايلها وعرفت ان الرقم رقم عيسى ...ترددت قبل ترد عليه ولا لا
وعقب ردت عليه...
شمه: ألوووو
عيسى: هلا شمه...
شمه: خير شو بغيت؟؟
عيسى: شمه أنا نفذت اللي أنتي ويوسف اتفقتوا عليه...
شمه: وياليتنا ما أتفقنا على شي...
( اهنيه ندى كانت تسمع شمه وهي ترمس)
عيسى: هيه ياليتكم...لانكم ورطتوني...
شمه: ما ورطت حد أنا...
عيسى: شمه أنا ما يخصني باللي بينج وبين يوسف،، أنا عرفت ندى وحبيتها وأعترفت لها اليوم
اني أحبها واني ولد مب بنيه مثل ما كانت تدري...
شمه: أوووف...
عيسى: لا تتأففين والله انتي مب حاسه بشي...
شمه: أنا أصلاً ما أصدقك،، اقرب الناس لي صدقته ووثقت فيه وخدعني...
تبغيني أصدقك أنت أكبر مغازلجي...روح لاااه...
عيسى: شمه...
شمه: أنته شو تبغي الحين؟؟
عيسى: ما أبغي شي والله...بس بغيت أخطب ندى...
شمه: حبيبي ندى مخطوبه لولد عمها
عيسى( انصعق عيسى يوم سمع هالخبر) :.......
( وما قدر يقول شي)
وصكرت شمه في ويهه....
عيسى كان همه يكون ويا ندى لانه تعلق فيها وايد...كان يفكر لو عنده شي عشان يخطبها انه يروح ويرمس ولد عمها ويقوله عن كل شي ويقوله انه يباها،، بس ياليت لو ندى كانت تبغيه....
وعدت ليالي العنا والعذاب والتعب على خيــــــــــر،،
واتجدد اللقـــاء يوم الأثنين...
يوم الأثنين العصر عالساعه تقريباً 6 إلا ربع ،، أبو سعيد اللي هو أبو شمه وندى كان رايح شيشة البترول اللي عالشارع عشان يصب بترول،،
وهو يبركن السياره عسب يفولها ،، شاف سيارة الدريول عند السوبرماركت،،
استغرب قال يمكن حد من البنات ،،
وقف سيارته ورمس الهندي عشان يصب فيها بترول ونزل وراح داخل السوبر ماركت،،
ويوم وصل انصدم من اللي شافه ،،
تعرفون شو شاف،،
شاف شمه يالسه ترمس وتضحك ويا واحد وهو ماسك ايدها ،،
اعتسف ابو سعيد يوم شاف هالموقف ،،
وما وعى الا انه راح عند شمه وقبضها من جتفها و قال: شمووووه؟؟؟
وصفعها كف على ويها..
والريال اللي كان وياها شرد وابو سعيد سحبها وركبها سيارته ...
بوسعيد: صدق انج ما تستحين...يلعن اليوم اللي يبتج فيه؟؟
لو لا خوفي من الله جان نحرتج وقطعتج اقطع وفريتج للجلاب...
وتم يتحرطم وشمه كانت اتصيح وخايف،،
في بيت بوسعيد،،
ندى كانت ويا امها في الحوي ،، وكانت امها تسقي الزرع واتشوف اللي زارعينه وندى كانت وياها
ام مطر: مطر طلع ويا ربعه؟؟
ندى: هيه من أذان العصر هو طالع..
بس الا حموود رقد عالغنفه وهو يشوف سبيس تون
أم مطر: هيه فديته بقوم أوعيه عن يسهرني فليل...
شويه ويسمعون زعيج بو سعيد ويشوفونه وهو داخل من باب الحوي وساحب شمه وياه من كشتها ،،
ام مطر( وهي حاطه ايدها على صدرها وقلبها يدق) : بسم الله بلاهم
ندى كانت تتطالع ابوها وشمه وهي خايفه ...
ام مطر( وهي تربع عند بوسعيد) : ليش شو مستوي ؟؟؟ وبلاها شمه اتصيح؟؟
بوسعيد: بلاها اتصيح؟؟ سأليها ،،
( وهو يتناول الحبل من عند الباب)
أم مطر: بوسعيد...صل عالنبي...
بوسعيد: خليني انتي بعد ...ولا والله لضربج وياها...
( وياخذ بوسعيد الحبل وتم يضرب ويضرب ويضرب في شمه وهي تصيح ..ندى ما اتحملت الموقف ويلست اتصيح ...بعدها بلحظات هدا بوسعيد ويلس عالدجه وهو يناهي...)
بوسعيد : أعوذ بالله من الشيطان الرجيم...حسبي الله ونعم الوكيل عليج يا شموووه...حسبي الله عليج
( ندى كانت عداله واتصيح )
بوسعيد: أبا أعرف انتي بعد شو يصيحج...خبريني...
( حزتها شمه كانت طايحه عالارض وهي اتصيح ...وشويه ويت عند ابوها وهي تصيح)
شمه ( وهي تصيح ويالسه عند اريول ابوها) : ابويه انا آسفه..
بوسعيد: خوزي عني ولا لرفسج بريولي...
ولا تقوليلي ابويه..
ما يشرفني اكون ابوج..
ام مطر: بو سعيد...هد أعصابك وكل شي ينحل بالتفاهم والبنت اشوفها نالت جزاها وأكثر...
بوسعيد ( وهو يطالع ام مطر) : ليش انتي تدرين شو هي مسويه؟؟؟
ام مطر: حشى عليه ما ادريبها...
بوسعيد: اونها مترخصه العصر بتروح عند اربيعتها،، حصلتها في شيشة البترول ويا واحد وقابض ايدها وتضحك وياه...
شمه ( وهي اتصيح ) : ابويه ما بكررها بس ترضى عليه..والله ما اعيدها ..اتوبه
بوسعيد: جب ولا كلمه ولا تقولين ابويه على اللسانج مره ثانيه...
قومي دخلي حجرتج ولا تخليني اشوفج...
شمه( وهي تصيح واتناشق) : ابويه ما بروح الا يوم بتسامحني...
بوسعيد: خوزي خوزي بنتج عني ولا والله لتشوف شي ما شافته...
أم مطر: شمه روحي غرفتج ...ندى روحي وياها...
بوسعيد: لااااا...ندى ما تروح وياها ومن اليوم تاخذين اغراضج من حجرتها وترقدين ويا خواتج...
شمه ( وهي اتصيح) : ابويه ابوس ريلك...
بوسعيد: لا حول ولا قوة الا بالله...
أم مطر: شمه شمه ...قومي دخلي وياي...
وخذت أم مطر شمه ودخلتها الحجره...
شمه كانت منهاره من كثر الضرب...وكانت اتصيح ...
حتى ياها هبوط وداخت ،،،
وعصورولها عصير ليمون ،،
وتمت هاليومين شمه تعبانه من كثر الضرب اللي ضربها ابوها ومن كثر التفكير،، كانت متحسفه على كل لحظه مرت بحياتها...وكانت ندمانه على كل شي ..كان همها الوحيد ان ابوها يرضى عليها..ما كانت تاكل شي الا بالغصب...
وأبوها كان يتجنب ايشوفها بأي حال من الأحوال،،
ما كان يداني يسمع باسمها ...وشمه ما راحت الكليةهاليومين وغابت يوم الثلاثاء والاربعاء...
الأربعاء فليل وقت صلاة العشا،،
صلى بوسعيد في المسيد وكان قلبه ناغزنه على بنته اللي من يومين ما طاح بطنها شي غير الشربـ،،
فصلى العشى ورجع البيت،،
ورجع البيت وعلى طول راح على غرفة شمه ،،
ولقى شمه اتصلي فرجع ويلس في الصاله ،،
يلس شويه وبعدين رجع ودخل غرفة شمه ،،
ودخل وانصدم من اللي شافه شاف شمه وهي لابسه اوقاية الصلاه وطايحه عالأرض،،
وركض صوبها ...
بوسعيد ( وهو يزاعج ) : شمه ...شمه...
( بس شمه ما ترد)
وتم بو سعيد يزاعج ويزقر ام مطر والبنات ،، وهو يتحسسها ،،
حس بنبض في عروقها،،
حس ان الروح ردت له ودمعت عينه...
حس في لحظه انه راح يخسر شمه....
وكلهم اتجمعوا عنده
،،
ام مطر: بسم الله بلاها بنتيه...
بوسعيد: اشوفها طايحه اللحقي عليه...
وشلوا شمه وودوها المستشفى،،،
وطلع عندها هبوط و فقر دم،،
ونوموها عندهم،،
في غرفة شمه في المستشفى،،
أم مطر كانت موجوده ،،
وأبو سعيد..وندى،،
أم مطر: انتوا روحوا الحين وأنا ببات وياها؟؟
بوسعيد: خير ان شاء الله...
ندى: ببات وياج اميه...
أم مطر: لا انتي روحي ..اخوانج في البيت..
ندى : ان شاء الله...
وباتت هالليله شمه في المستشفى على اساس باجر الصبح يظهرونها ،،
وتمت وياها أم مطر،،
في نفس هاليوم ،،
مايد كان يتمشى بسيارته عالبحر ،، وشاف سيارة اربيعه اللي من زمان ما شافه ...
وبركن وراها ،، عسب يروح يشوفه...
ونزل مايد من سيارته وراح صوب استيشن اربيعه ،،
ولقى اربيعه سرحان وهو يسمع المسجل ويدق عليه الجامه ،
تعرفون من هو اربيعه اللي ما شافه من زمان...
عيسى اللي حب ندى...
عيسى: هلااااا...بوسلطان...أنته وين من زمان..
مايد: انت اللي وينك ما تنشاف ...حتى ما قمت تتصل..
وينزل عيسى من سيارته ويوقف ويا مايد عالكورنيش...
عيسى : خبرني عن أحوالك وين دنياك وشو تسوي...
مايد: ماشي...اشتغل الحين عقب ما درسنا في الامريكيه...
وأنته شو بعدك في الجيش..
عيسى: لا لا .. من زمان أنا ظاهر من الجيش...
مايد: أفااا...ليش ...
عيسى: من زمان امودرنهم تقريبا يمكن من 98 ...
مايد: أوووف... يعني من دخلت انا الجامعه
عيسى: تقريبا...
مايد: وما اشتغلت مكان ثاني...؟؟
عيسى: امبلى اشتغلت بس كل ما اشتغل مكان اظهر عنهم ما ارتاح لين ما استويت بطالي ..
مايد: الله يهديك انته لو كملت الدراسه ويانا جان ابرك...
عيسى: شو اسوي هذا نصيبنا...
(و تم مايد يسولف وياه ويرمسون عن قبل وسوالفهم وشطانتهم ورجعوا الذكريات الأوليه..مايد قبل كان يتشاوف ويا عيسى بس من بعيد لين بعيد,,, مجرد سلام)
مايد: عواااس؟؟ أشوفك والله انك؟؟
عيسى ( وتنهيده من الخاطر) : آاااااااه...
مايد: أفاا...هاي الآه من وين طالعه وأكيد شي وراها..
عيسى : وراها حب سرمدي..
مايد: ههههه...بعدكم على سوالفكم...أنا ودرت هالسوالف,,
عيسى: مب سوالف يا مايد ..صدقني مب سوالف...
والله العظيم اني أحبها...وأحب أخلاقها...
بنت مؤدبه حشيمه وستير...بس صدمتها وانصدمت ابروحي بعدين..
مايد: اذا ما عندك مانع خبرني بكل شي..
عيسى: بخبرك...أنا أول شي ييت اني بلعب عليها لانه محد قدر يلعب بعقلها قلت انا اللي بييب راسها..
وبعدين حاولت وياها وما قدرت ..وشفتها وصرت كل يوم اشوفها وانا اوصل خواتي الكليه..
وعقب حصلت ايميلها وقمت ارمسها على اساس اني بنت مب ولد
مايد: والله.؟؟؟
عيسى: هيه والله...وأنا الي خربت على عمري من خوفي عليها اعترفت بحبي لها وعقب خبرتها اني ولد..
فحذفتني من ايميلها...
حاولت اكلمها بعدين بس عقب عرفت انها مخطوبه لولد عمها...
والله محتار مب عارف شو اسوي...
مايد: انساها يا عيسى ولا تعور قلبك...صدقني لا تتضايق..
عيسى: مايد يمكن انته مب حاس باللي انا حاس فيه ...أنا أحبها وأبغيها...
بموت ان شفتها مع واحد غيري
مايد: عيسى هب كل شي نبغيه نحصله..
عيسى: أدري..
مايد: ودر عنك هالكآبه...ولا تشيل هم
عيسى: الله يعين...
عيسى فضفض عن اللي بخاطر لمايد وما كان يدري ان مايد هو اللي خاطب ندى وهو ولد عمها
شوفوا الصدف شقايل؟؟
وعدت هالليله على خير ،،
ندى كانت راقده على سريرها وهي تدعي لشمه وتدعي لحبيب قلبها مايد
اليوم اللي بعده ،، اللي هو يوم الخميس يوم زفاف موزه بنت عم ندى...
ندى وأبوها وشيخه ...
كانوا في المستشفى عند شمه وأمها ،،
شمه أول ما شافت ابوها استانست وايد ونشت من سريرها ولوت عليه وباسته،،
شمه : ابويه خلاص انا خذت درس وتبت واللي تبغيني اسويه بسويه بس عشان ترضى عليه...
بوسعيد: الله يهديج يا بنتي...
أم مطر: بوسعيد...نحن زاهبين
بوسعيد: الدكتور عطاكم أذن الخروج...
أم مطر: هيه عطانا...
بوسعيد: شمه تحسين انج بخير..
شمه: هيه ابويه,, أنا بخير يوم شفتك..
بوسعيد: يالله عيل أللبسي عباتج...
وطلعوا شمه من المستشفى ،،
بهجة الروح
30-05-06 ||, 01:16 AM
" الجزء التاسع والأخير"
عالساعه 1 ونص الظهر في بيت بومبارك،،
مايد: ايه مويز انتي متى بتسيرين الفندق؟؟
موزه: شويه وبنروح...
مايد: يالله زهبي شنطتج..
موزه: شنطتي زاهبه...
مايد: مستعيله اشوفج...مستعيله على عبود
موزه: لو سمحت اسمه عبدالله هب عبود
مايد: ههه..عن تاكلينا...
موزه: مريوم وين؟؟
مايد: شو تبيبا؟؟
موزه: ترا بتروح وياي؟؟
مايد: ومنوه بعد ؟؟( يقول في خاطره يمكن ندى بتروح وياهم)
موزه: هدى ...
مايد: هييييه...
موزه: لا يا حبيبي محد من اللي فبالك بيي...
مايد: ههههه...
موزه: ما أدري بنات خالوه أي صالون بيروحون...
مايد: منوه؟؟
موزه: قوم فواغي بعد منوه
مايد: ما أدريبهم
في نفس اللحظه في بيت بوسعيد،،
بوسعيد: بتسيرون عرس موزه
أم مطر: هيه يالغالي ما يستوي ما نسير..
بوسعيد: زين خذوا شمه وياكم ..ظهروها خلوها تغير جو..
( شمه كانت يالسه عدالهم)
شمه: لا يا بويه ما فيه شده اروح وياهم
بوسعيد: عشان خاطري انزين...
شمه ( وهي تتطالع ابوها ومبتسمه) : عشان خاطرك بسوي أي شي...
بوسعيد: تبوني اوديكم الصالون بوديكم...
شمه( وهي تتطالع ندى) : ما في داعي ابوي..
ندى: لا انا ابا اروح الصالون ..عالاقل بلفلف شعري
بوسعيد: متى تبون اتسيرون...
ندى: من الحين ابويه ..عن تستوي زحمه عقب،،
بوسعيد: زين انقفضن وبوديكن
ندى: ان شاء الله
وراحن البنات الصالون وبوسعيد وداهن ،،
عالساعه 7 موزه كانت في الفندق ويا خواتها ومال الصالون وياهن ...
ويالسين يعدلون العروس...
موزه: مريووم...خايفه...
مريم: انتي الحين لا ترمسين خليها تحط لج المكياج..
موزه: قلبي يدق...
مريم: لازم من لهفة الشوق..
موزه: سيري لاااه...
مريم: هالكثر عبود مسوي فيج...الله يعينج...
موزه ( وهي مبتسمه ) : لا تقولين عبود..
مريم: ههههه...
أونه فواغي بتي اشوفها ما يت...
موزه: بعده وقت..
مريم: هيه بس هي بتيني اهنيه..
موزه: أيوه...وبنات عمي ما بيون..
مريم: ندوي عالساعه 6 اتصلت فيها وكانت في الصالون...
في الجهه الثانيه ،،
في بيت أهل عيسى،،
عيسى كان يالس في الصاله ويا ابوه ،، ودار في باله فكرة السفر والدراسه برع ...عاساس ينسى حبه أو بالأحرى يتناساه...
عيسى: ابويه؟؟
ابو يوسف: خير يا عيسى...
عيسى: أبغي أكمل دراستي برع...
ابويوسف ( وهو مستغرب) : شووووه.؟؟
عيسى: أفكر اني أدرس برع...
ابويوسف: وليش تدرس برع ...اشكثر الجامعات اهنه..
عيسى: لا يا بويه..ما ابغي اهنيه...
ابو يوسف: على راحتك...بس؟؟
عيسى: بدون بس ابويه ابغي اتغرب وانسى همومي اللي اهنيه
ابويوسف: همومك؟؟ أي هموم يا بويه...أنا أبوك وبحل لك أي مشكله انت خبرني بس..
عيسى: ما في داعي يا بويه...
ابو يوسف: اللي يريحك...أنا بشوفلك حد عسب يظهر لك بعثه ...
عيسى ( وهو مبتسم ) : الله يخليك لي يا بويه...
فكر عيسى يتغرب ويبتعد عن بلاده عشان يرجع وهو ناسي كل همومه،،
بس يا ترا هل الغربه قادره انها تنسي وهل هو بالفعل راح يتحمل البعد ويدرس برع؟؟
عالساعه 8 ،، اتصل مريم بندى،،
مريم: ندوي انتي وينج من الصبح اترياج؟؟
ندى: شو اسوي تأخرنا في الصالون،، الحين رايحين البيت وبناخذ قوم اميه وبنيكم..
مريم: انزين اول ما توصلين الفندق دقيلي...
ندى: ان شاء الله....
وبندت مريم عند ندى،،
موزه: مريوووم...
مريم: هاااه؟؟
موزه: حد يدق الباب روحي شوفي منوه؟
مريم: انزين...
وراح مريم تفتح الباب والا بنات خالها يايات...
مريم: هلا هلا...اشحالكم
فواغي: أهلين مريومه ،، الحمدلله
ويلست تتوايه ويا بنات خالها فواغي ونوره وغريسه،،
فواغي: وينها وينها العروس ،، ( وهي تتمشى في الجناح رايحه صوب غرفة موزه)
مريم: هيه يعدلونها في الحجره ،،
ودخلتهن مريم على موزه،،
ويلسن يسولفن وياهن ،،
في الجهه الثانيـــه ،،
مايد كان في بيتهم ويتريا امه وخواته يخلصن عشان يوديهم الفندق
مايد: ما خلصتوا..
أم مبارك: وانته بلاك مستعيل،، بعدني ما أدخنت ولا شي،،
مايد: يا اميه تراكم بتشلون المدخن والعود...
أم مبارك: هيه حق الناس ولا تباني ادخن جدام الناس...
مايد: يالله انزين خلصوا ( وهو يالس يعدل سفرته)
شويه وركبوا في السياره وراحوا،،
عالساعه 8 ونص وصلتوا قوم ندى الفنـــدق ،،
ودخلوا القاعه ،،
وكانت القاعه في أحلى ما يكون ،،، الكوشه غاويه ولا حد سوا شراتها قبل والكراسي والطاولات عليهن شراشف ذهبيه...كل شي كان مسواي على تصميم ملكي...
ويلسوا قوم ندى عالطاوله اللي صوب الكوشه بعد ما سلموا على أهل المعرس ،، لانهم أهل موزه بعدهم ما وصلوا...
وشويه ويدخلون أم مبارك وهدى والخدامات ...
شمه: أكم قوم خالوه وصلوا
أم مطر: هيه اشوفهم...
ندى: قوموا نسلم عليهم...
وراحوا يسلمون عليهم...
وبعد ما سلموا عليهم...
اتصلت ندى بمريم،،،
ندى: ألووو
مريم: هلا توه الناس,,,
يايه من وقت..
ندى: انزين صح ...محد فيها القاعه..
مريم: ويا ويهج انا اترياج من العصر..
المهم طلعيلي فوق...
ندى: انزين ما اندل...
مريم: أوكي اوكي...انتي روحي عند أخر الممر..وأنا بيي اهناك لاني ما ابغي اروح القاعه من الحين..
لا تخافين الطريج كل مأمن ماشي رياييل...
ندى: أوكي عيل...أشوفج
وراحت ندى تمشي صوب الممر..
ومريم كانت بتطلع من الغرفه ،، وتوها فاتحه الباب ولا تشوف مايد في ويهها وزاغت،،
مريم : بسم الله..
مايد: بلاج أنتي ؟؟
مريم: زيغتني اتحسبتك ريال
مايد: لا والله ...عيل انا شو هب ريال..
مريم: ههههه...لا قصدي حد غيرك...على بالي ريال ما اعرفه..
مايد: ويا ويهج...( وهو يدز الباب وبيدخل الغرفه)
مريم: وين وين رايح؟؟
مايد: بروح أشوف اختي...
مريم: بنات خالوه اهناك...
مايد : هوووووووود..
مريم: هههه...اطاعوا انتوا...
ومن الصوب الثاني...
فواغي ردت عليه ( هو دوم وياها سوالف وماخذ عليها وايد)
فواغي : هداا...
مايد: بدخل ..خوزي عني...
مريم: بس ايلس اهنه ..عشان مال الصالون اهناك..
مايد: انزين...
ويلس مايد عالغنفات ،،
ويت فواغي ويلست مجابلتنه ،،
وتم مايد ايسولف ويهرب وياها،،
مايد: ما شاء الله مستويه عروس..
فواغي( وهي مستحيه) : من ذوقك عيوني
في هذي الأثناء مريم كانت نازله عند ندى وشاله وياها بطاقه الباب مال الجناح،
وقفت عند الممر يوم شافت ندى يايه تمشى،،،
مريم: ألالالاه...مستويه قمر غناتي
ندى ( وهي مبتسمه ويايه من بعيد) : والله هب انا..أنتي اللي محلوه..
مريم: شورايج بتسريحتي؟؟
ندى: رووعه وحتى مكياجج وايد حلووو
مريم: انتي بعد..لايق عليج الشعر الملفلف
ندى: من ذوقج...
مريم: يالله نروح فوق...زين يوم يايبه عباتج وياج..
ندى: تدريبي خوافه..اخاف اشوف حد..
مريم: هيه لانه مايد فوق...
ندى: اويه عيل ما بروح...
مريم: لا والله منزلتني من فوق واتقولين ما بروح...
الحين مايد بيطلع..
ندى: اوكيه...
في هاللحظه مايد كان يالس عدال فواغي وفواغي دوم تعق الشيله يوم تيلس وياه عادي عندها،،
لا حيا ولا مستحى،، اونها عاد ماخذه عليه،، المهم ،،
كانوا يالسين عالغنفه اللي مجابله الباب،،
فواغي: ميودي حبيبي...صكرلي الاسويره..
مايد: وانا اشعرفني اصكرلج...
فواغي: ما يخصني عاااد...
مايد: يا ربيي..خواتج اهناك..
فواغي: انزين بس هب عداليه..يالله عاااد صكرها
مايد: أوكيه...
( وفي هاللحظه تفتح مريم الباب بالبطاقه وتدخل هي وندى،، وتشوف ندى ما لم يكن بالحسبان ،،
شافت مايد وهو ماسك ايد فواغي وفواغي يالسه تضحك ومايد مبتسم )
ندى انصدمت من اللي شافته هاللي يحبها يسوي جيه في غيابها...
وكانت الغيره ما كله قلبها ،،
مايد من شاف ندى هد ايد فواغي ووقف،،
مريم: ما شاء الله شو تسوون؟؟؟
مايد ( وهو منحرج ) : ماشي
فواغي ( وهي تضحك) : يالس يلبسني الشبكه ...
مريم ( وهي منقهره على كلام فواغي) : لا والله...
مايد ( وهو معصب) : شو أللبسج الشبكه أنتي بعد...أنتي شرات أختي...
فواغي: أنا شرات أختك؟؟
مايد: هيه ..رابيه وياي وأسراري وسوالفي كلها عندج...يعني أختي..
فواغي: بس أنته هب شرات أخويه...
مايد: أنا طالع تامرون بشي...
( وهو معصب ومسوي عمره ما يشوف ندى )
ندى على طول دخلت غرفة موزه ولا عبرتهم كانت معصبه ومقهوره...
ندى( وهي مبتسمه) : اشحالج العروس...؟؟
موزه: الحمدلله تمام...
( موزه كانت تتصور)
ندى: يالله عااد اتفنني بالحركات...
موزه: أفااا عليج...هب بس بتفنن ببدع،،
ندى: ههه..يالله عيل نشوفج تحت،،
( وتدخل عليهم مريم)
مريم: وين تحت،،
ندى: بنزل تحت،، عند قوم اميه..
مريم: توه الناس...
ندى: بس كفايه شفت العروس...
مريم: أباج اتمين ويايه...
ندى: نزلي تحت بسج مندسه فوق
مريم: هههه...خلاص مويز بنزل ويا ندى تحت وبنات خالوه في الصاله ترا..
موزه: أوكي برايكن
واتعدل ابسرعه مريم جدام المنظره اللي صوب الباب...
وطلعت ويا ندى،،،
مريم: شو ناس وايد تحت؟؟
ندى: اممم...يوم كنا اهناك ...هب وايد..
وهن يتمشن ...
حصلوا مايد صوب اللفت بالعماله واقف يرمس اونه،،
من شافهم بند التلفون...
ندى من شافته ارتبكت ووخت...
مايد: وين سايرين؟؟
مريم: بننزل تحت عند قوم اميه
( ندى كان قلبها يدق)
مايد: انزين انتي نزلي وخليلي ندى
ندى( وهي قلبها يدق ومستغربه ) : شوووه؟؟
مريم: بلاك انته..
مايد ( وهو مبتسم) : أبغي ارمس ويا ندى...عندج مانع...
ندى ( وبكل جرأة وبعد اللي شافته) : أنا عندي مانع...روح أرمس مع اللي كنت وياها توه...
مايد ( وهو منصدم ) : هااه؟؟
ومشن مريم وندى...
وندى ماشيه ما وعت إلا بالايد اللي تقبضها من ايدها وتسحبها...
مايد: ممكن تعيدين اللي قلتيه...
مريم: مايد هد البنيه...
مايد ( وهو يهد ايد ندى) : أبغي أعرف شو قالت...
ندى ( ندى كانت خايفه وقلبها يدق وغبنتها فحلجها ..ندى وايد حساسه وعلى أقل شي تتأثر) : اللي سمعته ( وهي تتطالع مايد )
مايد ( وهو مستغرب انه يشوف الدموع في عيونها) : ندى؟؟ شو فيج؟؟
ندى ( اهنيه ندى ما قدرت اتقول شي وتركت المجال لدموعها تعبر وانهملت ادموعها لا إرادياً) :.....
مريم ( وهي مستغربه من ردة فعل ندى) : ندى شو فيج؟؟؟
( صوب اللفت عالجهه الثانيه في غنفات )
مريم: تعالي تعالي نيلس...
مايد...لو سمحت لو تخلينا ابروحنا احسن...
ندى: ما ابغي ايلس خلينا ننزل تحت...
مايد: ما بتنزلين تحت...
ندى( وهي تتطالع مايد) : ليش؟؟
مريم: تعالي يلسي..
ويلسوا عالغنفات،،
مايد: ندى ليش صحتي؟؟
ندى( وهي تبلع ريجها وتمسح دموعها) : ماشي...
مريم: زين جيه خربتي مكياجج...
مايد ( وهو يطالع مريم) : وانتي هب هامنج الا المكياج..
مريم: يا ربي ...مايد لو تكرمنا بسكوتك أفضل...
مايد: لا هب ساكت...
ندى أنتي صحتي عشان قبضتج من ايدج؟؟
بس أنا ما ضربتج....
تعرفين أنتي شو سويتي...أنتي جرحتيني بكلامج...
ندى( وهي تتطالعه) : أنا ما يبت شي من عندي...
مايد: أنتي شفتيني كنت ماسك ايد فواغي لاني كنت أللبسها الأسويره..
ندى ( وهي موخيه) : وليش محد غيرك بالغرفه يلبسها؟؟
مايد: هي أللحت عليه ...وتدرين عادي عندها حتى تعق الشيله وأنا يالس...
ندى: عيب اصلا...
مايد: بس هي عادي عندها ...لانها تعودت عليه...
ندى:....
مايد: ندى فواغي ما تشكل لي أي أهميه في حياتي...
ندى: بس هي تحبك..( وهي موخيه)
مايد: أعتبرها شرات أختيه هيه...لكن شرات حبيبتي لا...أصلا ما تسوا ظفر حبيبتي...
ندى( وهي مستحيه وساكته):...
مريم: بروح اتصل حق اميه وبيي... ( بالعماله تتحجج عشان تخليهم ابروحهم)
مايد : انزين...
ندى...أنتي بنت عمي...وأنا أولى فيج من أي حد...
ندى أنتي ما تدرين بغلاتج عندي...
وأنا ما تبرضت حق هلي اليوم ولا ييت عند موزه الحين الا عشان أشوفج...
قلبي كان حاس اني بشوفج ..عشان جيه ييت...
ندى ( وهي مبتسمه) : شكراً
مايد: هاي شكراً وين أصرفها انا..
( ندى وخت وهي مستحيه)
مايد: ندى أنتي قبل يمكن كنتي تسمعين باسمي بس ما شفتيني...
لكن ما لاحظتي من اول مره شفتج فيها اني اغتنم أي فرصه عسب اشوفج...
هذا كله عشان شوو ...عشان اتسلى مثلاً...
ندى أنا ما عندي شي ثاني أقولج إياه الا اني أحبج...
ندى( وهي محمره وساكته) : .....
مايد: لا تسكتين؟؟ قولي لي أي شي...؟؟ بردي افادي بكلمه...
ندى ( وهي محمره ومبتسمه) : شو أقول؟؟
مايد: قوليلي كلمه من أربع أحرف..
ندى : ماشي...
مايد: ههههه...ما اتمصخر والله ...خاطري أتأكد من حبج لي...
ترا ما تفصلنا عن بعض الا شعره...
قوليها ومن باجر تحصليني عند أبوج...
والله باجر لسويها وأيي عند عمي وأطلبج...
أنتي بس قوليها...
ندى ( وهي مبتسمه ومستحيه ) : ما يستوي...
مايد: ترا في الحب ما في شي اسمه ما يستوي...
وعن المذله؟؟
ندى ( وهي مبتسمه) : أحبك..
مايد ( وهو يزاعج ) : اللـــــــــــه....محلاها من شفاتج...والله أنا أموت فيج...
وتيهم مريم...
مريم: مايد حشرت المكان..
مايد: ما يخصج...انا مستانس الحين...
خلاص من الحين ندى خطيبتي..
مريم: والله ...ما شاء الله خطبتها الحين...
مايد: تأكدت من حبها لي وهذا يكفيني...
ندى( وهي مستحيه) :...
مريم: يالله ندوي ننزل تحت ...
ندى: يالله..
...
مايد: بتروحين؟؟
ندى: هيه..
مايد: أبا أشوفج قبل ما تروحين البيت...
ندى: ما بقدر...
مايد: أنزين...بقولج شي...
ندى: تفضل؟؟
مايد( وهو يصاصرها) : أحبج...
ندى ( وهي مستحيه) : وانا بعد...
ونزلوا تحت البنــــــــات،،
وأهم شي صار...
توثق هالحب بالقبول...وتأكد مايد من حب ندى له...
وتأكدت ندى من حب مايد لها....
أتمنى ان القصه عيبتكم...
عفاريتووو
30-05-06 ||, 09:08 AM
واييييييد حلوة القصة :fa35: ,, تسلمين بهوووجة
شوق الصحارى
30-05-06 ||, 09:28 AM
تسلمين بهووووجه على القصة الحلووووووووووووووووووووه ـ ...:fa35: :fa34:
عاشقة الريم
30-05-06 ||, 12:58 PM
السلام عليكم ورحمة الله وبركاته
الصراحة أنا قريت القصة اليوم كاملة
واااااااااااااااااااااااا اااااااااااااااااايد عجبتني
مشكورة بهوجة على القصة الرائعة
قمرهم كلهم
30-05-06 ||, 01:29 PM
القصـه وايـد حلـوه و شـدتني وايد ..
وشـوقتيني أعرف النهايه ..
بس عندي شوية مـلاحظـات أتمنى انج تتقبلينهـا ..
شافت شمه موبايلها وعرفت ان الرقم رقم عيسى ...ترددت قبل ترد عليه ولا لا
وعقب ردت عليه...
شمه: ألوووو
عيسى: هلا شمه...
شمه: خير شو بغيت؟؟
عيسى: شمه أنا نفذت اللي أنتي ويوسف اتفقتوا عليه...
شمه: وياليتنا ما أتفقنا على شي...
( اهنيه ندى كانت تسمع شمه وهي ترمس)
انزين .. اهنه ذكرتي هالنقطـه بس ماكملتيهـا ..
يعنـي اهني تخليـن اللي يقرى يتـوقع ان مثلا ندى بتعرف أو شي مثير راح يصير
هممم ماعرف كيف اشرح لج الي اقصده ..
بـس كنتي ممكن تستغلين هالنقطه لصـالحج وتخلينها تجذب القاري أكثر ..
بأكثر من طريقه .. يعني ممكن ندى بتعرف شو صار بينها وبين يوسف
أو بتعرف سالفة تآمرهم عليها وبتزعل صح بس بتسامحها لان شمه وعت من غفلتها
.. الخ
فهمتي علي ؟ ولا ماعرف أشرح :kkk: brgll:
.
.
بالنسبـه للنهايه
انتي صح بينتي ان شمه هدت يوسف وتعرفت ع غيره وعقب جكها ابوها وتغيرت خلاااص ..
.
[QUOTE][فكر عيسى يتغرب ويبتعد عن بلاده عشان يرجع وهو ناسي كل همومه،،
بس يا ترا هل الغربه قادره انها تنسي وهل هو بالفعل راح يتحمل البعد ويدرس برع؟؟/QUOTE]
.
وبينتي ان عيسى اغترب عسب ينسى .. بس هممم عطيتي تسـاؤلااات فـ البدايه
مثل : هل بيقدر ينسى .. هل بيصبر على الغربه .. ؟ ..
صح ممكن تخلينهـا مفتـووحه .. بس بنفس الوقت انتي بينتي ان مايد ربيع عيسى
ونفس الشي .. ما كملتي هالنقطـه .. يعني بيعرف ولا لأ .. بتقولين خليتيها مفتوحه للقاري ..
بـس ذكر هالنقطه أو عدمـ ذكرها .. ما يأثر فـ كان من الممكن تتعمقين فيها حبتين أزيَـد ..:kkk:
يعني احس أكثر شي حكرتي النهايه بين مايد وندى ..
هممم يمكن أقـدر أقول انج ماعطيتي كل شخصيه حقهـا بـ قدر ماعطيتيه حق الثانيه ؟
.
.
.
هـا رايي ويمكن لـج نظرج فـ القصه وانا مافهمتـه ..
وعقب ماتردين علي .. توضح لي الصوره اكثر..
انتي كتبتي القصـه وانتي أدرى بتفاصيلهـا ..
أتمنى اني ماكون ثجلــت عليج بـ ملاحظـاتي ..وانج تكونين تقبلتيهـا..
فـ النهايه .. القصه وااايـد غاويه ..
ونتـريا اللي عقبها .. شدي الهمه :smartass:
.
.
* أنـا مش راعية النـك :kcl: بس داخله بـ نكها وهي تعرف :kcl: *
الاسطوري
30-05-06 ||, 06:45 PM
السلام عليكم ..
بصراحه التكملة حلوه بس في أشياء أتوقع صعب انها تصير فالواقع مثل
ان مايد يرمس ندى فموضوع الحب قبل حتى ما تكون بينهم
علاقة رسميه وعندي لج اقتراح ،، شو
رايج تبدين قصه يديده
من هالقصه
يعني عندج البطلين هم مايد وندى تبدينها من بداية الخطوبة والمشاكل
اللي تواجههم مثل ماتواجه اي اثنين في بداية حياتهم من
اختلاف في الأراء وغيره وعقب الملجه بعد
كيف بيكونون وبعد الزواج
وجيه ،، انا
احس انه عندج قدرة على الكتابة وربط الأحداث بشكل حلو ومتناسق
وأتمنى لو تمشين وتتعمقين أكثر في هالشي دام عندج
وقت واتوقع القصه تلاقي إقبال كبير من
الجمهور ولج الراي الأول
والأخير
مشكوره على هالمجهود
الطيب ونتريا
يديدج
:yes:
الاســـطـــوري
أخوكم
دمعة شوق
31-05-06 ||, 05:58 AM
الله الله شو هالقصه الغاويه
تسلميين فديتج على هالقصه الغاويه
’’
وعنديه كمن اقتراح لج وللقصه
وأتمنى تتقبليهن بصدر رحـب ..
اممم ماتعمقتي في التفاصيل أكـثـر
وبعد أوافق على رأي مزيونة العـرب
:fa35:
’’’
وسمحيليه الغاليه جانيه ثجلت عليج
وماعليج زوود خويتي
:kcl:
شـكــرا ً على القصه الحلـوة
السموحـه
حبوبه دبي
31-05-06 ||, 06:50 PM
حلــوووه القصــــــه
:fa35:
يالله نتــرقــب كــل يديــد منــج
:yes:
جنون امرأة
31-05-06 ||, 11:19 PM
واااايد حلوة القصة ..
و هالله هالله باليديد
ترانا نتريا ..
بهجة الروح
01-06-06 ||, 01:09 AM
عفاريتووو
تسلمين اختي وذوقج الاحلى
شوق الصحارى
تسلمين وانتي الاحلى
عاشقه الريم
:fa35: تسلمين وهذا كله من ذوقج الحلووو
قمرهم كلهم
ثانكس اختي عالرد الحلوو والملاحظات الاحلى
بالنسبه للملاحظه الاولى
ما بغيت اتعمق اكثر وما بغيت شمه تعرف شو اللي كان يصير من وراها
لانه يصير مرات ناس تستويلهم اشياء بس هم ما يعرفون عنها شي ولما يتقدم بهم العمر حد يخبرهم
ويقولهم ترا جيه استوا وجيه حصل لك
هالي بغيت ابرزه ، ما ادري جان فهمتي قصدي ولا لا
بالنسبه لعيسى حبيت اخلي القارىء هو اللي يتوقع وهو اللي يقرر شوه راح يصير
وتسلمين عالملاحظات اللي سرتني
واذا فيه اي ملاحظات ثانيه ان شاء الله ولا يهمج راح ارد عليها :fa35:
الاسطوري
ثانكس اخويه عالرد والتواصل معايه ،، ووينه بوزايد شكله زعل الريال :boxed:
المهم فكرتك حلوه ان شاء الله بفكر اسويها بعدين لاني حالياً على ويه سفر
هالقصه انا ما تعمقت فيها وايد بالتفاصيل لكن في قصص عطيتها حقها يمكن لانه هذي من اوائل القصص اللي كتبتهن
دمعة شوق
تسلمين عالرد الحلوووه
وصح انا ما تعمقت اكثر فالتفاصيل
وان شاء الله راح تقرون قصص انا متعمقه فيهن اكثر
وثانكس
حبوبه دبي
تسلمين الغاليه عالمتابعه
وذوقج الاحلى
جنون امرأة
ثانكس الغاليه وهـــذا من ذوقج
شو خلصـــت؟!!!
انا ما قريت انه مكتوب الجزء الاخيـــر.. و من متى اتريا التكمله الا توني انتبهـــت,,,
بسرعه خلصـــت..!!!!!!
بهوجـــــــــــــــــــــ ه نبى قصــه ثانيـــه..
بهجة الروح
01-06-06 ||, 05:01 PM
أوكيـــــــه ،،
طير الحب
11-06-06 ||, 11:53 PM
وااااااااااو...وايد حلوة...ذكرتني بمواقف حلوة.
المزيوونه
14-06-06 ||, 12:13 PM
تسلمين اختيه ع مجهودج .. ونستي الاعضاء بقصصج .. بعدي ما قريت شي
الحين الاجازه يت وتفضينا للقصص ..
:) ..
مجموعة إنسان
18-07-06 ||, 11:50 PM
القصة وايد وايد حلوه
شكرا بهجة الروح على هذي القصة الجد حلوه
وننتظر قصص يديده