شي يرفع لي ضغطي

[الحساس]

:

:


:

[إسهر معي ليله]

مرحبتين

ليش تظلمها ياخوي،، الشيله حرير وشعرها وايد ناعم
فـ غصباً عنها بتطيح الشيله :harhar1:

وبعدين ليش تثبت شيلتها،، جيه شعرها بيخترب ومــا
بيدقه الهوا brgll:

اخوي هيه نشت الصبح وغسلت شعرها ونشفتــــه و
سوت تسريحه ،، الخ.. لازم بتعق الشيلة،،، عيل منو
بيشوف هالزين كله :kkk:

::
::

هاي الأسباب يمكن تكون مقنعه ولا شو رايك؟ خخخخ
بصراحه،، مستخفات وما عندهم سالفه.. واحين ويــــا
الشيل الملونه،، يتحجبن ويتسترن بس الشيلة تلفـــــت
أكثر من الشعر.. :boxed:

ما أقول غير الله يهدي بنات المسلمين،، ويستر عليهن
ومشكووووووووووووووووور عالموضوع الغــــــاوي

ننتظر آراء البقية،، الله يحفظك

[عهد الوداع]

شيله عن شيله تفرق مب كل شيله من الراس تنزل ...brgll:

بصراحه بقولكم اكيد هاي لابسه وقايه ساري خفيفه مثل الحرير او نوعيه ثانيه بس تكون ناعمه وهاي الشيل طبعا ما تصلح حق جامعات او كليان ..هاي تصلح حق المناسبات وانا هالشي اشوفه في كل مكان ...

ما ادري عاد اذا هي كانت تتعمد هالشي ولا لا ...:doh:

الحمد الله في شيل ما طيح من على الراس موووووووول لو شو تسوي البنت ...انا بس يوم اطلع مكان مثل المراكز اذا بعدل الغشوه ما يخليني اخوي لازم اسير مكان منعزل او يقولي سيري اعدليها بالحمام brgll: brgll: يوم قتله ليش ؟؟ قالي عيل ليش تتغشين بيشوفونج بهاي الدقايق الي تعدلين فيها شيلتج ..انا وايد امر بهاي المواقف ...


والله البنت وضميرها ..ها الي اقدر اقوله ...

وتسلم على الطرح ...:yes:

[حلم الطفوله]

السلام عليكم

حرااام عليك يا الحساس لا تظلم البنت ....عدها امتحان طب ...أكيد متوتره وترد توترها على شيلتها :doh:

لا تركز وااايد وبترتاح .... الله يهديهن يارب :fa36:

[دموع قلم]

مـرحبتيـن أخـوي الحسـاس..

الشيلـة عنـد بعض الفئـة من البنـات مو لستـر العـورة أو لأن هالشـيء فـرض وواجب عليهـا,
ولكـــن الشيلــة عــنـدهـن مجـرد عــادة يـتبعـونهـا, وهــذه العــادة تتطــور وتتــغيــر أشكـالهــا,
لجـذب الانتبـاه ولفـت الأنظـار.. !!

الـرد على سـؤالك.. يـوم البنـت اتـم تعـدل الشيلـة, تلقـاهـا إمـا حاسـة مثـلا أنهـا معـوايـة
أو مو مرتبـة على راسهـا أو شيء من هالقبيـل, فـاتـم تشـك في عمرهـا وتيلـس تعـدلهــا
كل شـوي, ويستمـر هالشي ليـن ما تعـودت نفسهـا على هـذه الحركـة, وهي طبعـا عــــادة
خاطئـة.. !!!

:yes:


والسمـــــــــوحـــة..

[وعد]

مرحبا

طال اعمارك في شي استغرب منه هل هي موضه ولا شو مالها تفسير الصراحه..

الشي هذا هو:

ان البنت الي لابسه الشيله او اي شي فوق راسه كل ثانيه تفصخ الشيله وترد تلسها او تعدلها بالاصح..
يعني اذا الواحد يلس يطال في بنت 5 دقايق هب اقل عن 5 مرات بهالفتره البنت تعدل او تفصخ الشيله وترد تحطها على راسها!!

ابغي اعرف السبب!!!!!

الواحد يطالع في بنت 5 دقايق :kkk: ؟
المهم يمكن لانها مرتبكه من الامتحان ,يوم الامتحان صدقني الانسان يسوي تصرفات لا اردايه واخر شئ في باله لفت الانتباه له

[أمواج]

:mar7aba:
.
.
هههههه
والله ذكــرتني بدكتووري يالحســاس
لمــا كان دووري فـ الشرح قبل ما اشرح قال لي الدكتوور : أول شي عدلي شيلتج وثبتيـها لانج كل ماتعدلينها تنرفزيني . .
وحليــله الدكتوور .
بصــراحه انا لا إرادي أعدل شيلتي . . إيدي تاكلــني والله . . كل شوي أعدل الشيـله لين ما احس إنها ثابتــه خلاص . . وأوكيه علي
بس حرام في بنــات مايكوونن قاصدات إنه يطــلعن شعــرهن وهن يعدلن الشيـله . . .
.
.
:bye2:

[لبن مثلج]

د. حساس

قمت اتراقب البنات ;) ،، شغله حلوه ،، في اي قاعة ... التعليم المستمر :puppyeyes:

بعدين ليش تظلم البنت ،، تراها متوتره لانها يالسه تمتحن وهذا طبيعي ،،،
كل واحد منا عنده اسلوب معين في التعبير عن القلق والتوتر .. الي يهز ريله والي يدقدق باصابعه على الطاوله :narr: (اتنرفزني وايد) والي يقطع في شفايفه والي يحج راسه ووووووووووو

غير جي ان بنت لابسه الشيله كاامله صح ولا شعره تظهر منها لكن يوم اتي وتعدل شيلتها كل شي يظهر!! يعني ماسوينها شي!!!

وانا وياك في هالسالفه لان البنت لازم اتحاسب ان مايظهر منها شي ....

والله يعينك ،، فعلا انت حساس وعصبي :ice:

[ألم ترى]

بسم الله الرحمن الرحيم ..

هلا دكتورنا ..

شكلك كاتب الموضوع ع السريع صح لاااه ! ..

بخصوص الشيله ففي بنات يحسون بأنها مش ثابته او تبي تعديل ومن جي كل شوي يتمون يعدلونها بس المفروض يحاسبون ع الشعر انه مايضهر ..

ومع كل تعديل احسب يوميآ كم مره تعدلها بنقول فرضآ 50 مره فيعني شيء اسمه ( عاده او متعوده ) تكون هي لها النصيب الاكبر ! ..

انا بعد يوم ألبس عصامه اسوي نفس الشيء وتقريبآ من 9 سنوات مالبست عصامه والسبب اللي فوق ! ..

بحفظ الله ..

[المزوحي]

مب كل وحده تكون قاصده .. لو قاصده بتخلي الشيلة تنزل بالعمد ومابتعدلها ... لكن لأنه الشيلة تزل
فكل شويه تعدلها أو مرات تخاااف إنها تزل فترد تفتح الشيلة وتلفها ..

[قرموشة]

صــح انا مع المــزوحــي .. وفي بنات متعــودات على هـ الشي .. يلفن الشيله كل شوي . .
يمكن تكون قاصــده ويمكن لا! ..

:)

[الغاليه]

أولا وقبل كل شي ... يبالك دورة كاملة في الإملاء العربي والجمل الصحيحة !!!

انا اللي ارتفع ضغط وانا اقرا :narr: ... شكلك كتبته وانت راقد

اكثر موضوووع منقع في الكلمات اشووفه افحياتي :hist: ....




اسفه .. ... ليكوون بتطردوني عشان عبرت عن شعوري :harhar1: .. قلت اسفه :ice:


انيي للموضووع ... البنت اللي تعدل شيلتها اكثر من مرة ... برايي يا يكوون لانها متوترة من شي ومب منتبهه للي تسويه ..

أو لأنها هي تبا تلفت نظر حد بهاي الحركة .. أو يمكن اتحس انها بتصير حلوة اكثر وبنت اكثر ( لزووم الدلع ) ..

وبعضهن يعتبرن هالشي من البرستيج والتشييك الدائم والمستمر لجمالهن في كل لحظة وكل سكنة ! وانه التسريحة بعدها في وضعها الطبيعي وماختربت ..

يعني هالحركة تختلف باختلاف طبيعة البنت وتفكيرها .. بس مايشفعلها ابدا انها بهالحركة اظهر شعرها جدام ريال ..

دام انها اتعرف انها بهالحركة شعرها بيظهر المفرووض تتجنبها .. واللي يبا الصلاة ماتفوته ..

فيعني .. هالبنت شعرها يظهر ولا مايظهر جدام الرياييل هاشي ثاتوي بالنسبة لها ...

ووايدين لمعلوماتكم .. يتحروون شعر القصة حلال :doh: .. والشعر الحرام هو بس اللي ورا

والخلاصة تقريبا .. انه جهل او تجاهل وعدم وعي ..أو عدم اهتمام من البنات نفسهن وحركة اعتيادية في نفس الوقت ...


وعلى فكرة .. لانه هالحركة منتشرة عند اغلب البنات .. البنت اللي تعدل شيلتها اكثر عن مره في البرزنتيشن.. ينقصوونها واايد .. لانهم يعتبرونه توتر وعدم ثقة ..

شكرا عالموضووع ..

والسموحه

[الحساس]

اسمحولي!! كتبت الموضوع بدون تعديل ورقدت من التعب!! ان شالله بصلح الغلط يوم برد من الدوام..
..

معظمكن قال ان البنت هب قصدها تشل شيلتها ...الخ

انا مااقصد الي تشل شيلتها بالعمد لان هاي خالصين منها بمواضيع كثيره انكتب عنهن..

ارمس عن البنت الي تظهر من البيت بكامل حشمتها والي يشوفها يقول هاي لابسه شيلتها بالطريقه الصحيحه.. لكن هي نفس البنت الي كل شوي تعدل شيلتها ...
وماارمس بس الي شفته بالامتحان (كان مجرد مثال) كل مكان نشوف ها الشي!! (ومن زمان كان خاطري اصلا انزل هالموضوع)

اما الي يقول ليش اطالع البنات ولازم اصد الصوب الثاني بالامتحان!! والله انا بنفس الغرفه الي البنت يالسه وتمتحن فيها والدكاتره موجودين يسالونها وين تبغوني اطالع يعني السقف؟؟

ماعليه يالغاليه ... البنات رفعولي ضغطي وانا رفعتلج ضغط وشوفيلج حد ترفعين ضغطه.. الحياة مستمره طال عمرج..

[صدى جوفي]

بـــكل بــساطــة الأخت متــوتــرة .. تــصير وايد عنــدنا بالبرزينتيشنــات ..)

[الـيـاه]

هيه صح !!

حرام يمكن لأن المكان يخلّي الواحد يتوتر فـ مسكينه مب عارفه شو تسوي :doh: ؟

يعني أنا من النوع اللي يوم أتوتر بشكل لا إرادي ألجأ لـ حركة معينه ( اسوي عمري أعدل حوايبي لول :harhar1: + مرات ألعب بـ أظافري + مرات أنقع صبوعي ) فـ يمكن هاي لبنيه تسوي هالشي لانها متوتره وماتكون متعمده ..

بس إذا متعمده هني كلام ثانـي , وبعد يعتمد على خامة الشيله ..


حتى انا في شي يرفع ضغطي فـ الشباب يوم يتسفـّرون :m7tar: < طاع الويه ههه
أنه يوم يصد لازم يلف جسمه كله عسب يصد بس أهم شي ما تخترب السّفره وكل شوي يعدلها
ويعدل لعقال , وألا قد مايقدر يحافظ على لياقته عسب ما تتجسف الكندوره !! شفت مب بس البنات يقهرن لوول

والسموحـــه ..

[شوق القلوب]

الســـلام عليـــكم...

حيالله دكتــورنا :)


مـــلاحظتك في مكــانها ، وايد بنـــات يكونون متحجبيـــن و مرتبيـــن.. بس سبحان الله.. اللشيله لازم تفج شوي.. ولازم الوحده اترد اتعدلها عشان لا يطلع شعرها.. و في بنات ما يفتكرون.. انه يوم ترجع اتفج الشيله شعرها يطلع و رقبتها اتبيـــن..

أذكر في دكتــور عدنا - الله يرحمه - كان يقولنا يوم بتلفون شيلتكم صدوا ع ينب و عدلوها.. لانه نحركم يبين.. يحليله والله.. كان مثل الابــو..

..

المهم.. انه البنت لازم تتخيـــر المكان.. و تستر عمرها و اتلف شيلتها..
وفي شي بعد... البنات يوم يفجون اللفه يطلع شعرهم من ورا و هم مب حاسين فيه.. فيبالهم ينتبهون..

..


شكـــراً دكتور على هالموضوع.. و على غيرتــك الطيبــة ..
:)