المساعد الشخصي الرقمي

مشاهدة النسخة كاملة : وين رايح !!


عفاريتووو
22-05-06 ||, 06:12 PM
السلام عليكم

http://upload.bindubai.com/download/3afaretooo1/bar7all1.jpg

ضاقت وساع الفيافي والوعد متن السفينه
للطريق اللي دعاني بعد امان الله وامانه
لااتناديني وصوني قلبك الله لايهينه
لا يراهن في رجوعي لاجل مايخسر رهانه
ليه ماارحل عن غرامك بعد ماذقت الغبينه
اذكري لي شي واحد يستحق اقعد عشانه

http://upload.bindubai.com/download/3afaretooo1/bar7all2.jpg

وين رايح؟ لاي درب مايرجع للمدينه
ليه رايح؟ لان قلبك ماترك قلبي وشانه
كيف ابا انسى؟ ربي اللي ملهم القلب السكينه
مثل ماعانه بقربك لا نوى فرقاك عانه

...

من زماان خاطري اصور قطرات ماي
وها اللي طلع وياي ( ماعرف واييد للــ مايكرو :fa36: )

http://upload.bindubai.com/download/3afaretooo1/leaf.jpg

http://upload.bindubai.com/download/3afaretooo1/leaf1.jpg

...

لا تحرمونا من رايكم وانتقاداتكم عشان نتعلم منها :yes:
لمّــاح
22-05-06 ||, 06:50 PM
الــســلام عــليكم ..

ماشاءالله عيني عليج بارده .. !!

شوفي .. بكون صريح وياج في كل شي، لمصلحتج طبعاً :)

الصــورة الاولى ..

هممم الي اشوفه ان الصورة حلوة .. أعطيها 10-10 في اختيار المكان و الزاوية ..
هناك لمسة أو قــاعدة فنية في تصوير المواد يقال عنها نضرية الثلاث أثلاث أو التثليث (( بيكون هناك شرح عنها في موضوع مستقل ان شاءالله في ورش العمل .. لكن صبرو عليه شويه وايد مضغوط اسبوعين و بتخرج:smartass: لازم اشد حيلي :pullhair: )) .. طبعا مب شرط انج تستخدمينها .. اشوف صورتج حلوه بهالطريقة بعد ..
لكن في نقطة مهمة تتبع التصوير .. الا و هي تصميم الصورة ..
تصميم الصورة يعني .. تصغير الصورة + ازالة العيوب + اللمسة الفنية (يعتمد على الصورة) ..
و حطي في بالج .. كثرة التعديل في الصورة مايعني ان الصورة ناجحة أو بتنجح .. يمكن تعديل بسيط او حتى ماتعدلين فيها يمكن ينجحها و يخليها احلى عن الصورة المعدلة ..:14:

الملاحظات في تعديل الصورة كالتالي:
1- Blur زيادة عن اللزوم ..
2- احس هالنوع من الصور ( لأنها صورة مستطيلة ) احلى بتكون لو كان حجمها أكبر ..

الصــورة الثانية ..

10-10 بعد من ناحية الزوايا و المكان و الفكرة ..

ملاحظاتي كالتالي:

1- Blur زيادة عن اللزوم في الصورة :pullhair: ..
2- احس بتكون فكرة حلوة لو انج خليتيها بالابيض و الاسود بحكم انها في البر + اتشلين الالوان من كل الاجزاء ماعدا البنطلون الوردي اتخلين الوانه .. بيعطي حركة في الصورة احس .. :kkk:

الصورة الثالثة ..

هاي أقدر اعتبرها آبستراكت اكثر من ماهي ماكرو:afaker: .. يعني تجريد للمادة بحيث ان الواحد يوم يشوفها مايعرف شو انتي مصورة و ييلس يفكر .. :kkk:

أنـا عن عمري اول ماشفت الصورة اتحريتج مصورة يناح حشره :fa46:


الصــورة الرابعة ..

على قولة هاي مال دورة التصوير .. هالصورة فوتو جونييك ( ترطم علينا بالفرنسي ماعرف شو يعني :fa44: ) ..

هيه .. هاذي اعطيها 10-10 في كل شي ..

وفقتي في الماكرو .. مب ضبابية و زاوية أخذ الصورة حلوة ..

---

اختيه .. عندج موهبة حلوة في التصوير .. مع الممارسة و العمل بالملاحظات الي فوق بيتحسن تصويرج ان شاءالله .. لاتعتبرين الانتقاد علامة من علامات الفشل !!

السموحه طولنا عليكم .. :rr:
قرموشة
22-05-06 ||, 06:57 PM
:mar7aba:

هـ الصــورة ...
http://upload.bindubai.com/download/3afaretooo1/leaf.jpg

حــبيتــها :inlove:

ما شاء الله عليــج ..
تصويرج غاوي ..
تسلمين عفااريتووو


بنت قريميش
:bye2:
حلم الطفوله
22-05-06 ||, 06:57 PM
السلام عليكم

وااااااااااااااو ...الصور كلها جونيك :yes: ( اسإلي لماح عن معنى الكلمه)

بصراحه وبدون مجامله تصويرج واااايد حلو .... واستفيدي من ملاحظات لماح :yes:

اعتبريني من متابعينج الدايمين عفاريتوووو:smartass:
لمّــاح
22-05-06 ||, 07:22 PM
ختيه عفاريتووو .. جان صورتي شيرة الصبار و الموز حق بعض النـــاس :harhar1:

يالله .. مشكلة الي يقلدون .. ! :fa44:
منــاوي
22-05-06 ||, 07:40 PM
ما شاء الله روووووعه الصور ...

ووايد عيبتني الصوره الاولى ..

تسلم يدج عفاريتوو ع الصور ..ولا تحرمينا يديدج :)
إسهر معي ليله
22-05-06 ||, 07:42 PM
موضوع غاوي وصور احلى،،

تسلم ايدج
خيال الروح
22-05-06 ||, 07:48 PM
السـلام عليـكم

ما شـاء الله ,,
الصـور وايـد حلـو خاصـه 1و2

ولمـاح ما قصـر في الملاحـظات ,,

:fa35:

:
همس الشفايف
22-05-06 ||, 07:51 PM
http://upload.bindubai.com/download/3afaretooo1/bar7all2.jpg

عيبتني هالصوره واايد
----
تسلم يمينج على هالتصوير الغاوي
و بانتظار جديدج
:kcl:
الاسطوري
22-05-06 ||, 08:03 PM
السلام عليكم ..

ماشاء الله صور حلوه بشكل عام مثل
ماعودتينا ووننتظر منج
المزيد

يثبت الموضوع

الاســـطـــوري
أخوكم
حبوبه دبي
22-05-06 ||, 11:36 PM
يا سلااااااااااام

:fa35:

مـاشالله عليــج تصـــويــرج رووعــه ،،

حبيــتهم كلــهم

:yes:

نتــرقب كــل يديــد منــج ،،

خذي ع ملاحظـات لمـٌاح وان شالله تستفيـديــن

والسمــوحه
مجموعة إنسان
22-05-06 ||, 11:45 PM
صووور جدا جمبلة
بدايو موفقة .. بس سؤال ..
شو نوع الكامره ؟؟

وتسلميين اختي
أمواج
22-05-06 ||, 11:53 PM
:mar7aba:
.
.
عفــاريتوو
ماشالله الصـوره كــلهن حــلوت
بس
الصــوره الاولــى وااااااااااااااايد عيبتني .
.
لاتحرمينا من تصــويرج
.
.
:bye2:
عفاريتووو
23-05-06 ||, 01:59 PM
لماح

هيه هاي الملاحظات اللي اترياها :yes:,, واشكرك عليها واييييد ,, لانه صدق خاطري اتعلم التصوير

الــ Blur في الصور اتعمد اسويه بالفوتوشوب عشان يعطي الصورة لمعة
بقلل منه ان شالله المرة الياية ,, لا تقطع شعرك :pullhair: لول

عيبتني فكرة الابيض والاسود

http://upload.bindubai.com/download/3afaretooo1/bar7all22.jpg


و ان شالله باخذ بملاحظاتك المرة الياية ,, ونتريا دروسك بعد التخرج :smartass: ,, الله يوفقك اخوي


لول خلاص من اجوف شيرة صبار و موز بصورهم حق حلم :harhar1:
عذبة الروح
23-05-06 ||, 02:40 PM
وعليكم السلام والرحمه

واخيرا طلتي علينا هني
اول شي ...
ما بقول رايي فـ اول صورتين
لانج تعرفينه :yes:
ثاني شي ...
رايي في آخر صورتين
الاولى .. حلوه وعيبتني
بس ما احس انه الفوكس ضابط على القطرات
اما في الثانيه .. فـ عدلتيها ... وحبيتها وااااايد

تسلم يمناج الغلا عـ الصور الفنتكيه
ودام عندج هـ الموهبه .. ليش تبخلين علينا بها
ربي عيطج العافيه .. ولا يحرمنا من ابداعج يا الغلا
ونترياج
يسلمووونيشن عفريتتنا

اختج
عـذ الـروح بـة


.: لمّــاح :.
عن نفسي .. عيبتني وايد ملاحظاتك
واحب اشكرك عليها
وعلى فكره ترى (سيفت هـ الرد عندي وحفظته)
لاني وان شا الله احس انه بيفيدني وايد
لا عدمناك
ويسلمووونيشن لماحنا

اختك
عـذ الـروح بـة
صدى جوفي
23-05-06 ||, 02:49 PM
شــو هالــزين

صــور روعــة .. ما شــاء اللــه عليج عفـــاريتوو..)

http://upload.bindubai.com/download/3afaretooo1/bar7all1.jpg
^
^
^
أكــثر شــ :fa35: ـــي حبيــتهــا

(:. بنتــظــار يديدج :bow:
صـدى
ذنـيـنـي
24-05-06 ||, 12:19 PM
ما شاء الله الصور اكثر من رائعه

و مع ملاحظات لماح،، الـ blur شوي خففي منه
الاسطوري
26-05-06 ||, 10:00 PM
ينزل من التثبيت
عفاريتووو
27-05-06 ||, 05:59 PM
قرموووشة

:kcl:
حضورج وطلتج الغاوية
تسلمين عــ الرد المشجع :yes:

..

حلم الطفولة

عليكم السلام والرحمة
:kcl:
تسلميين وجودج هني هو الاحلى و الجونيك
وان شالله بناخذ بلاحظات لماح
يشرفني هــ الشي
تسلميين حلم :yes:
عفاريتووو
01-06-06 ||, 02:56 PM
مناوي
تسلمين ,, ذوقج الاروع
حمدالله انها عيبتكم
تسلم اناملج اللي اسعدتني بــ الرد :yes:

..

اسهر معي ليلة
من ذوقك ياخوي ,, ربي يسلمك
و مشكوور عــ الرد :yes:
طير الغرام
01-06-06 ||, 10:22 PM
http://upload.bindubai.com/download/6eer_aam/6eer-salam-oasis.gif

تصوير جميــــــــــــــل ماشاءالله

.
.

وإلى الأمام دووم إن شاءالله ^_^


http://upload.bindubai.com/download/6eer_aam/6eer-line-oasis.gif
عفاريتووو
13-06-06 ||, 10:35 AM
خيال الروح

من ذوقج الاحلى
تسلميين عــ الرد المسجع :kcl:

..

همس الشفايف

وجودج هني هو الغاوي
اسعتديني بــ ردج :kcl:

..

الاسطوري

تسلم ياخوي
من ذوقك :yes:
عفاريتووو
25-06-06 ||, 12:12 PM
حبوبة دبي
تسلمييين ,, من ذوقج الاروع :kcl:
مشكوورة عــ تشجيعج الدايم لي

..

هواجيس مشتاق
تسلم اخوي من ذوقك :)
امم عن الكاميرا هي كاسيو اكسيلم
بس صارت جديمة الحين ,, شي كاميرات احسن ومطورة اكثر :yes:
شكراا عــ الرد
نويّر
25-06-06 ||, 01:33 PM
عليكم السلام

ماشالله روووعة
كل صورة احلى عن الثانية
نتريا يديدج

نويّـــر
بنت الدلع
07-07-06 ||, 12:53 AM
ماشالله صوورج وااايد حلوة
وعيبتني وااايد

استفيدي من ملاحظات لماح
المزيوونه
07-07-06 ||, 06:55 PM
ماشاء الله ..حلو التصوير ..
موفجه دوم ..
^.^