المساعد الشخصي الرقمي

مشاهدة النسخة كاملة : .. خبراء الســوني أركســـون ..


شوق القلوب
22-05-06 ||, 11:27 AM
السلام عليكم..





انا عندي سوني اركسون W810i .. كل شي فيه حلو و عايبني.. بس لما اتكلم فيه أحس انه صوت زنـــة الموجات صوتها عالي.. ومب مريح..!!

من غير.. مرات الصور اللي تطلع ( مثل يوم اطرش مسج.. وصورة القفل.. ) هالصور اللي الموبايل بروحه يطلعها.. اتكون موشوشه عندي خاصه اذا البطاريه جريب بتفضي..

فشــو حل هالمشاكل..؟؟ هل ارجعلهم الموبايل..؟؟ او اسويله فورمات.. او انه هالشي من مشــاكل السوني اركسون نفسها..

بس صدق اللي مزعجني... هو صوت الموجات يوم اتكلم.. النوكيا ابد ما كنت هالصوت فيه !!

.
.
بحر الموده
22-05-06 ||, 01:33 PM
وعليكم السلام والرحمه

شوق القلوب

المشكله انا عندى بعد فى تردد فى الموجاااات وهذا شىء طبيعى فى السونى وانا تعوديت عليه
خاصه معى K750I ولف له كم سنه لووول وفنان
وبخصوص المشكله الثانيه انا ماعندى عنها خلفيه ان شاء الله يفيدونج للى عندهم علم عن هذا العطل
والسمووحه
شرجاوي
22-05-06 ||, 03:15 PM
غريبه .. تلفوني ما فيه هالصوت ... اختي شوق .. تلفونج طاح عنج ؟؟؟
شوق القلوب
22-05-06 ||, 05:47 PM
صح في شي ثاني بعد مب امريحني..

المسجات.. حدها 90 مسج واااايد شوي قبل في النوكيا.. اشكثر كنت اول

ويقهرني.. كل شوي لازم امسح مسجات..

حاولت ادور طريقه اغير الـ settings واغير مكان التخزين.. بس ما حصلت !

..

بحــر الموده..

ممم.. يعني هالمشكله عامه .!!
شكرا ع مرورك الطيب.. :)


..


شرجــاوي

والله طاح عني.. في اول يومين اشتريته..
على ما اذكر طاح مرتين !!
:no0:
شرجاوي
22-05-06 ||, 07:11 PM
اختي ودي التلفون للوكيل و قولي لهم مشكلتج .. و عن المسجات هالمشكله مالها حل .. لان السوني اركسون خس الله ابليسهم حددوا ذاكره معينه للمسجات
بحر الموده
22-05-06 ||, 09:21 PM
العفو ولاشكر على واجب
وبخصوص المسجات بعد عندى سيم سيم لازم امسح شىء منهن
ولد الشحوح
25-05-06 ||, 01:37 PM
نفسة العلة المسجات ...
شرجاوي
26-05-06 ||, 12:18 AM
ههههههههههه ..الحمدلله عندي p910i .... الحين موصل 1358 مسج .. و الثاني محد يطرش عليه مسجات ... الله يعينكم
عيماني وكلي فخر
12-06-06 ||, 08:22 PM
هلا وغلا

ماشاء الله اعضاء المنتدى شغالين

بالــ سوني اريكسون

يعطيكم العافية
شوق القلوب
12-06-06 ||, 09:06 PM
شرجـــاوي..

1358 مســـج :puppyeyes:

آآآخ يا قلبـــي... :doh: .. الله يهنيـــك فيهم..!

الله يهديكم... يوم سويتــولنا دعايا ع الســوني اركســـون ما خبرتــونا عن هالمشكله اللي فيه..

ليـــن ما اشتريناه.. و اتوهقنــا فيه..

صدق.. بديت أكرهه و السبه المسجات .. :boxed:

لو كنت ادري جان ما اشتريته .. :no0:
ولد الشحوح
13-06-06 ||, 02:09 AM
أنااااا خذيت نوكيا للمسجات و السوني بعده عندي ... هخهخهخه