مشاهدة النسخة كاملة : هل تقبل (للشباب فقط )00
عهد الوداع
21-05-06 ||, 04:49 PM
السلام عليكم والرحمه ...
كتبت هالموضوع لاني صادفت مواقف وايده بخصوص هالسالفه ..والبارحه وانا يالسه اسولف ويا الوالده ..قالتلي بنت الجيران محد راضي ياخذها مع انها ما شاء الله عليها اخلاق وجمال وحسب ونسب :kcl: وبعد وايدين بنات والسبب نفسه ؟؟ انا الصراحه سألت نفسي ليش ما اخذ رايكم بهالموضوع ونعرف منكم ؟؟
تفضلوا اقروااااااااا السبب ؟؟
هل تقبل الزواج من فتاة عسكرية ( أي تعمل في المجال العسكري مثل وزارة الداخلية او وزارة الدفاع )؟ يعني تشتغل في مدرسة خولة بنت الأزور أو ما شابه ذلك .. مع ذكر السبب ..
إذا كانت الإجابة بنعم ... ليش؟؟ وإذا كانت بلا ... ليش؟؟
وأتمنى من الكل يشارك .. ولو يحبون الأخوات يبدون آرائهم عادي أنا ما عندي مانع .. واللي ما عندها شي تقوله بعد ع راحتكم ..
انا عن نفسي ما حب هالشغله لانها ما تصلح اصلا حق البنات ...:doh:
:fa35:
والسموحه ...
الملهم
21-05-06 ||, 05:21 PM
وعليكم السلام ورحمة الله وبركاته
برأيي انا ان هذيلا عادي يشتغلون ومافيها شيء ..
ولكن بعض الشباب يفضلون البنت العاطفية المليئة بالحنان ..
فيظنوا ان الفتيات اللاتي يشتغلن في المجال العسكري اشداء وليس لديهن اي حنان ..
ولكن الشيء المميز لديهن ان نسبة تربيتهن لاولادهن تربية صحيحة 98% ..
اشكركِ اختي على الطرح ^__^
إسهر معي ليله
21-05-06 ||, 05:26 PM
رايي باختصار ،،،
يمكن يكون هـ التخصص مب اوكيه للبنــــــــــــات
ويمكن اغلب اللي يدخلن هـ المدرسه دفشــــــــات
ويمكن فيه بنات من المدرسة سمعتهن مب اوكيه
ويمكن نسمع عن البنات اللي يشتغلن فالجيـــــش
والبلاوي اللي تصير :kkk:
لكن هذا كله مب معناه اني اخلي نظرتي لأي وحده
هناك سلبيه،، الزين والشين في كل مكان،، وأنــا
يوم بخطب وحده لازم بسأل عنها وبعرف عنها كل
شي،، فـ بغض النظر عن المكان اللي هيه درست
فيه.. لأنها يمكن تكون من الفئة الزينه اللي هناك :yes:
فـ الأخير.. اعتقد شغل الحريم فالجيش داخلي،، يعني
فـ مكاتب،، وما في أحلى من راتب الجيش brgll: << طماع
والله يرزق كل بنات المسلمين زوج صالح شراتي brgll:
الله يحفظكم :fa35:
دموع قلم
21-05-06 ||, 07:24 PM
وعليـكم السـلام ورحمـة الله وبركـاته
الموضـوع يخـص الشبـاب,
ولكـني أحببـت أن أشـارك بـرأيي البسيـط.. !!
جمــال الفتـاة يكمـن في طبيعتهـا الناعمـة الخجـولـة, وبـرأيي معظـم الرجـال يفضلـون هـذه الفئـة من
الفتـاة الخشنــة بـطبيـعتهـا ومعـاملتـهــا مــع الآخــرين, لـذا نــرى نــدرة إقبــال الرجــال للــزواج مـن
الفتيـات اللواتـي يعملـن في ذلك المجــال..
أشكـركِ أختـي عهـد الوداع على الموضوع
وربـي يعـطيـكِ العـافيـة..
:)
عهد الوداع
21-05-06 ||, 08:38 PM
وعليكم السلام ورحمة الله وبركاته
برأيي انا ان هذيلا عادي يشتغلون ومافيها شيء ..
ولكن بعض الشباب يفضلون البنت العاطفية المليئة بالحنان ..
فيظنوا ان الفتيات اللاتي يشتغلن في المجال العسكري اشداء وليس لديهن اي حنان ..
ولكن الشيء المميز لديهن ان نسبة تربيتهن لاولادهن تربية صحيحة 98% ..
اشكركِ اختي على الطرح ^__^
عندي سؤال ليش يعني قلت ( الشيء المميز لديهن ان نسبة تربيتهن لاولادهن تربية صحيحة 98%) :kkk:
والعفو اخوي ومشكور على المشاركه ...
عهد الوداع
21-05-06 ||, 08:41 PM
رايي باختصار ،،،
يمكن يكون هـ التخصص مب اوكيه للبنــــــــــــات
ويمكن اغلب اللي يدخلن هـ المدرسه دفشــــــــات
ويمكن فيه بنات من المدرسة سمعتهن مب اوكيه
ويمكن نسمع عن البنات اللي يشتغلن فالجيـــــش
والبلاوي اللي تصير :kkk:
لكن هذا كله مب معناه اني اخلي نظرتي لأي وحده
هناك سلبيه،، الزين والشين في كل مكان،، وأنــا
يوم بخطب وحده لازم بسأل عنها وبعرف عنها كل
شي،، فـ بغض النظر عن المكان اللي هيه درست
فيه.. لأنها يمكن تكون من الفئة الزينه اللي هناك :yes:
فـ الأخير.. اعتقد شغل الحريم فالجيش داخلي،، يعني
فـ مكاتب،، وما في أحلى من راتب الجيش brgll: << طماع
والله يرزق كل بنات المسلمين زوج صالح شراتي brgll:
الله يحفظكم :fa35:
كلامك صح 100% وانا بعد احس انه البنت الي تشتغل هناك ما فيها شي من الانوثه :fa36:
الله يرزقك امين brgll:
ومشكور على المشاركه الحلوه اخوي اسهر ...
عهد الوداع
21-05-06 ||, 08:46 PM
عادي اختي وانا قلت ما عندي مانع اذا البنات يحبون يبدون رايهم ...
اشكرج اختي دموع على الطرح الحلو ,, ونفس ما قلتي لازم الريايل يفضلون البنت الناعمه والخجوله وما اعتقد في ريال يحب ياخذ وحده خشنه باسلوبها ...
ولا شو خلواااااااا حق الرياييل ...
وتسلمين ...
الملهم
21-05-06 ||, 08:48 PM
يمكن ما فهمت منج اختي ..
بس اللي انا اعرف ان اللي يدرسون اول شيء الادب والشريعة ..
فالبنات اللي يتخرجن بيكونون متعلمين كيفية التربية ..
انا ما ادري بس يمكن اعتقادي ورايي انا ^__^
عهد الوداع
21-05-06 ||, 08:53 PM
لا اخوي الملهم اي وحده تقدر تدخل خوله بنت الازور بالتحديد ..وفي وايديييييييين من البنات يطلعون من الدراسه ,,طبعا ما يكملون دراستهم لحد الثانويه ,, والي في الاعداديه ...
ومشكور على المشاركه ...
أمواج
21-05-06 ||, 09:13 PM
:mar7aba:
.
.
نفــس الحــاله ويا وحــده من فريــجنا . .
ماشالله رتبـتهــا عاليــة . وماعليــها كلام . .
خواتها اللي أصغـر عنها عرســن وهيــه ماعرســت . . والسبب إنها تشتغــل في مجـال عســكري . وويـا ريــاييل . . والسبب الثــاني إنه دوامها في بوظبي و ما إتي البيت إلا في الـ weeK enD
فــ معضم الريـاييل شـالين عينهـم عنها عشــان هالسبب . . . وفي الاخيــر قدمــت إستـقالتهـا . . .
. . . . . .
أحس صعبـة إنه واحد ياخذ وحــده تشتغل في مجــال عســكري . . هالشــغله تناسب الريااييل
اما البنات يقعــدون على مكاتب ويدلعوون P=
.
.
بنشــوف ردوود الشبــاب
.
.
:bye2:
تحياتي
امواج
عهد الوداع
21-05-06 ||, 10:04 PM
انا من رايج اختي امواج واشكرج على المشاركه الحلوه ...
واحس انه هالشغله الريايل اصلا ما يستسيغها حق البنت ...وهالشغله ما فيها نوع من الانوثه موووووووووووووووووووول ...ولا بعد لبسهم ما يختلف عن الرياييل لووووووول ...
ونفس ما قالت اختي امواج ايسلن على المكاتب وادلعن ...
ويسلموووووووو
طير الحب
21-05-06 ||, 11:02 PM
الملهم...
لكل قاعدة شواذ...يعني ممكن الأم العادية الي ما اشتغلت في المدارس العسكرية تربي عيالها تربية زينة ... أنا اتوقعت من ردك انها بتربية على الالتزام الأوامر العسكرية وليست الدينية..
على العموم...
التربية تنبع من داخل الفرد يوم الله بيرزقك عيال بتحس بهالشيء تباهم أحسن ناس من ناحية الأخلاق والدين مش من النواحي المادية...وراح تراعي انه السلبيات في شخصيتك وما تعلمها لعيالك..وأي شيء سلبي تربيت عليه من وجهه نظرك ...ما بتحب عيالك يتربون عليه...وهذا فعلا الي أشعر فيه...خاطري الله يرزق طفلي الهداية والصلاح.
عهد الوداع...قضية رائعة تلك التي أثرتيها...واسمحيلنا على التواجد:)
الرحيل
22-05-06 ||, 02:58 AM
لايوجد رد
راعي الزعـامه
22-05-06 ||, 03:36 AM
ما بضيف شي على اخواني اللي ردوا قبلي
لكن عن نفسي انا ماباخذ بنت تشتغل في المجال العسكري ..
الريال يدور في البنت عن انوثتها وطبعها اللي يخليه يحس انه متزوج من بنت
واللي نعرفه ان معظم بنات العسكرية يفتقدن هالشي بحكم طبيعة العمل هناك ..
أما عن التربية فهذا أمر راجع للام والاب نفسهم .. ماله دخل أبدا في الموضوع ..
والله يوفق الجميع ان شاء الله ..
عهد الوداع
22-05-06 ||, 05:23 PM
الملهم...
لكل قاعدة شواذ...يعني ممكن الأم العادية الي ما اشتغلت في المدارس العسكرية تربي عيالها تربية زينة ... أنا اتوقعت من ردك انها بتربية على الالتزام الأوامر العسكرية وليست الدينية..
على العموم...
التربية تنبع من داخل الفرد يوم الله بيرزقك عيال بتحس بهالشيء تباهم أحسن ناس من ناحية الأخلاق والدين مش من النواحي المادية...وراح تراعي انه السلبيات في شخصيتك وما تعلمها لعيالك..وأي شيء سلبي تربيت عليه من وجهه نظرك ...ما بتحب عيالك يتربون عليه...وهذا فعلا الي أشعر فيه...خاطري الله يرزق طفلي الهدياة والصلاح.
عهد الوداع...قضية رائعة تلك التي أثرتيها...واسمحيلنا على التواجد:)
ما شاء الله عليج اختي اوفيتي بالرد الصراحه وما عندي شي اضيفه تسلمين والله يعيطج العافيه ...:yes:
عهد الوداع
22-05-06 ||, 05:25 PM
على راحتك اخوي الرحيل ...وتسلم على الطله الحلوه ..
عهد الوداع
22-05-06 ||, 05:26 PM
اخوي عاشق القلم كلامك معقول 100% ...
ومشكور على المشاركه الحلوه ...
الثعلب الرمادي
23-05-06 ||, 01:04 AM
لا ... لاني ما اريد اكمل حياتي تحت يد نقيب او رائد في الجيش.
خيال الروح
23-05-06 ||, 01:12 AM
السـلام عليـكم
بمـا انـه السـؤال مـوجـه للاعـضـاء
فـاكتفي بالقـراءه
:14:
:
عهد الوداع
23-05-06 ||, 04:31 PM
اخوي بوزايد مشكور على المشاركه ,,,وكلامك منطقي الصراحه ونفس ما قلت مب كلهم الاغلبيه بس ..يمكن يتصرفون جي لانهم لابسين لبس عسكري ويحسبون عادي عندهم حالهم حال الرياييل ...
ما ادري ها راي ...
والله يسلمك اخوي ...
عهد الوداع
23-05-06 ||, 04:33 PM
اخوي الثعلب الرمادي ..يعني تقصد اذا هي كانت نقيب ولاشي ...
ما فهمت قصدك ..
عهد الوداع
23-05-06 ||, 04:33 PM
اختي خيال الروح اذا تحبين تبدين رايج عادي ...
الحساس
23-05-06 ||, 09:38 PM
اقبل ..
بس هي مب بـ الاولويه عندي
الماتادور
24-05-06 ||, 12:46 AM
عني انا ماقبل
الصراحه و بدون زعل
مايصلحن
و لاتأخذوني على كلامي
لان اكثر عن النص ....... مب زينات في الاخلاق
و هالشي معرووووووووف
انا قلت اكثر عن النص بس مب كلهن
و السموحه
عهد الوداع
24-05-06 ||, 06:18 PM
اخوي الحساس ؟؟شو تقصد ما فهمت ..
عهد الوداع
24-05-06 ||, 06:21 PM
اخوي الماتادور تسلم على الرد الصريح ,,,عادي انا احترم رايك وطبعا هالكلام الي صج نسمعه من ها المكان ...
ونفس ما قلت مب الكل ...
ومسموح ...