الاجازه الاسبوعيه .. الجمعه والسبت

[نجمة دبي]

السلام عليكم

اليوم تم اعلان من قبل مجلس الوزراء بتعديل الاجازه الاسبوعيه من

الخميس والجمعه

الى

الجمعه والسبت :narr:

ملحوظة: تمت إذاعة الخبر في الأخبار على قناة الشارقة الساعة التاسعة و النصف بتوقيت الإمارات .


الصراحه بالنسبه لي انا .. القرار هذا مووووول مب شي ..

ولي عوده بعد ما اشوف راي الاخوات والاخوه ..




نجـــــــــــ دبي ـــــــــــــمة

[حلم الطفوله]

هالسالفه مب طايعه ادش براسي:nono:

شو الفرق بين الخميس والسبت ؟ ترى امبينهم الجمعه:doh:

[شوق القلوب]

السلام عليكم..


طبعاً.. اللي حطوا هالقرار.. كانوا يراعون مصالحهم الخارجيه.. ع اساس انه الخميس عدنا اجازه و برع يعتبر يوم عمل عادي.. و طبعا هم يخسروووون ملاااااايين بسبة هاليوم..!

و غالباً ما يكون السبت يوم خمول لانه برع هذي اجازتهم.. و اللي يشتغل في البنوك عارف هالموضوع.. يكون السبت يوم بدون شغل !

الخوف من باجر.. يخلون السبت و الاحد الاجازه.. تبعاً للمصالح !

كل حد مب راضي ع القرار.. !!
:no0:

[راعي الزعـامه]

مب حلو

حلاته الخميس اجازة
مادري احسه مب حلوه السبت اجازة
السبت معروف اول يوم في الدوام والناس كلهم مكتئبين وكارهين حياتهم
حرام تتغير مثل هالاشياء الحلوه اللي اتعودنا عليها

يالله شو انسوي بعد لازم نسمع كلام ولاة امورنا

[ألم ترى]

بسم الله الرحمن الرحيم ..

مع الايام بنتعود ع الوضع ! ..

الله يستر من باجر ..

[صريح]

http://upload.bindubai.com/download/e7saas/mrhf_hearts.gif


نجمة دبي

تسلميـــن ع الخبــر
:)

:
:

اختي حلم الطفوله

الفرق انه الامارات الحين تتعامل ويا كل اسواق العالم ( شركات عالميه و مصارف و اسهم .. الخ )
و في اغلب دول العالم الاجازه السبت و الاحد .. و احنا الخميس و الجمعه .. فاشغال الناس و الشركات واايد تتأثر ...
يمكن احنا ما نحس بالفرق لانه ندرس و تشتغل في اماكن حكوميه فـ باقي العالم ما يهمنا ..

بس بنسبه حق الناس اللي تعاملاتها عالميه .. بتفرق وياهم واايد
:yes:

و السموحه


http://upload.bindubai.com/download/e7saas/mrhf_hearts.gif

[لمّــاح]

مرحبا ..

هالقرار من زمان قالو بيطبقونه و اليوم سمعت انهم اعلنوا و بيتطبق ابتداء من اول سبتمبر ..

و أصلا وايد ناس عادي عندهم لأن اجازاتهم اصلا الجمعة و السبت ( مثل دوبال و بعض البنوك و الدواير المحلية ) ..

و المصالح الخارجية مثل ماهي مهمة للدولة تراها مهمة لنا نحن ( الشعب ) و الدولة تخسر ملايين الملايين بسبب الاجازة .. نحن اجازتنا الخميس و الجمعة و هناك اجازتهم السبت و الاحد .. ف 4 ايام من الاسبوع بدون شغل و الضغط كله يكون في هال 3 ايام ( الاثنين و الثلاثا و الاربعا ) ..
لازم نرتقي و نكون الأحسن في كل شي .. امر و انفرض علينا و هذا هو الوضع في كل دول العالم .. ف يا اننا نتم على مانحن عليه او نمشي وياهم عشان نوصل لمواصيلهم و نسبقهم .. !

[أمواج]

:mar7aba:
.
.
شو هالقــرارات اللي تطــلع . . ؟!
ليــش نحن وين عايشــين . .؟! لايـكون في بــلاد برع ونحن ماندري . . .
وع ماتخيــل أنزل البيــت يوم الخمــيس . . وأرد العين يوم السبــت . .
أووووووف متى بتخرج . .
صدق قـرارات تقـهر وتييب الضغــط . .
.
:bye2:

[منــاوي]

هيه والله ما اعرف كيف الاجازه بالسبت

والمعروووف انه السبت يوم كئيب وممل :(

الله يعينا بس على هالقرارات اللي ما اتخلص ...

[قلوب دبي]

عليكم السلام ور حمه الله ..

القرار اشوفه عادي جدا ..
احنا اهم يوم عندنا كمسلمين هو يوم الجمعه و ها اليوم عيد بالنسبه لنا ..
سواء الاجازه كانت الخميس و الجمعه او الجمعه و السبت كله واحد ..
ترى قبل يوم كنا نحن في المدارس كانت اجازتنا بس يوم الجمعه و طول الاسبوع دوام ..
و اتغير الحال عقب ما خلصنا الخميس و الجمعه و حاليا ان شاء الله بيصير السبت ..

و نفس ما ذكرتوا انه مصالح الدوله و خاصه قطاع الاسواق الماليه و شركات
التأمين و البنوك و ارتباطاتهم الخارجيه ، فها اللي يجعل انه نلحق ع يوم الخميس
و نفس ما ذكر لماح ايصير الفرق 3 ايام بدل 4 ..

اول الايام بنحس فيها غيريبه ولكن مع الايام بنتعود ..

[حبوبه دبي]

:sadwalk:

..

.

مــا باليـد حيلــه ,,

[قرموشة]

:mar7aba:


مــاادري لــيش .. :fa36:


بس أحــس انه عادي .. المهم يوميــن في الاسبوع .. :ice:


:bye2:

[الرحيل]

لايوجد رد

[تحفه]

أحسن .. وايد حلو القرار

[فركوشه]

ما اتخيل اني بداوم يوم الخميس..):

[ولد الحكومة]

سلام عليكم
والله انا اشوووق هالقرار سليم جداً وعادي وما فيه اي تحفظ :fa36:
.. يعني مصلحة الدولة فوووق كل شيء ، و الدولة تخسر ملايين الملايين بسبب الاجازة الخميس والجمعه .. في دولة قطر القرار هذا مطبق عندهم من سنتين تقريباً.

الواحد يتأمل خير دايماً ... :fa34:

شكرا اختي ع هالخبر وابنتظار المزيد

تحياتي :
اخوكم/ قايد الريم
وولد الحكومة سابقاً

[نجمة دبي]

تسلمون عالمرور والاراء المختلفه ..
لكن صدق .. ما باليد حيله ..

ومثل ما قال محب الشيخين .. بنتعود ..

شرات كل شي تغير وتعودنا عليه ..




نجـــــــــ دبي ــــــــمة

[صدى جوفي]

ضــد هالـقـرار .. عسـاه يخلـون اليمعـة بس اجــازة ولا السـبت..

[شوق الصحارى]

ما احس انه فيه فرق.. لانا كنا نداوم الخميس والاجازة كانت بس الجمعه....

والمهم انه الاجازة يومين مب يوم...

مع الوقت بنتعود... ومصلحة البلد فوق كل شي....

تسلمين اختي على الخبر..

[طير الحب]

الشيء الحلو في القرار أنه اجازات القطاع الخاص والحكومي الأسبوعيه تساوت...ومن هالمنطلق نساء وايد يشتغلون في القطاع الخاص ويداومون وأزواجهم بالبيت وعيالهم هذا بالنسبة ليوم الخميس...ومع الوقت بنتعود وأنا أشوف القرار حلو بالنسبة لي لأنه يوم الجمعه كان يوم متعب لي ما يوحيلنا نتغدا الا ردينا بوظبي...الحين نقدر نستمتع بيوم الجمعه.

[بحر الموده]

وعليكم السلام
القرار واييييييد حلو اشوفه

مشكوره نجمه على الخبر ...

[إسهر معي ليله]

صحيح انه شي غريب علينا

بس مثل ما قالوا الإخوان قبلي،، وما بزيد عليهم

احنا مأجزين الخميس والجمعة والعالم السبت والأحد،، بالتالي ما نتعامل وياهم الا 3 ايام فالإسبوع

اهم شي فالموضوع انه الجمعه اجازة،، وهيه اجازة المسلمين
والمهم انه ما نسمع عقب كم سنة يخلون الجمعة دوامات!!..

عـ العموم هذي قرارات ولاة الأمور،، وبما انها ما تعارض الدين فـ ما نعترض عليها

ومع الأيام بنتعود

مشكورة عـ الموضوع

[نجمة دبي]

تسلمون عالمرور .. ويعطيكم العافيه ..

شكلي من الحين بديت اتقبل الفكره ..




نجـــــــــــ دبي ــــــــــمة

[المزوحي]

أكيد بيتأقلمون عقب فترة .. لكن هم ينظرون للمصالح الاقتصادية وأمورهم اللي مرتبطة برع البلاد
وعالميا ... شكلهم عقب بيخلون الإجازة السبت والاحد

[أكسجين]

اليوم لمّا كنا نمتحن ,,
دخلت علينا المديره القاعه كـ العاده بجولتها التفقديه اليوميه وخبرتنا !
الخبر صعقنا أول شي ,, ويمكن يكون عادي ما شي فرق بين السبت و الخميس ..
.
.
بس الاكيد الاكيد ان هـ القرار هو مجرد بداية لتطبيقهم قرار اجازة السبت والاحد !
لان لكل شي مقدمات ,, وهـ القرار اتوقع انه انحط عشان الحين محد بيعترض عادي ,,
فـ القرار الياي بيكون اجازة السبت والاحد ,, و ذاك الوقت محد يقدر يعترض ..
.
.
ان شاء الله مع الايام بنتعود ,, واتمنى ان هـ القرار ما يكون مقدمة لاجازة السبت والاحد ,,
اللي هي طبعاً اجازة اليهود والغرب ,,

| نجمة دبي |

تسلمين ع نقل الخبر

[ذنـيـنـي]

ما اشوف انه الموضوع بيسبب ازمه

بالعكس,, الموضوع جدا عادي و يوم بتدخلون المجال الوظيفي بتحسون بقيمة هذا القرار الي بيريحكم من ضغوط العمل و بيوزع شغل 3 ايام على اربع ايام

و في نفس الوقت نظرة الناس بتتغير ليوم الجمعة الي يعتبرونه اغلب الناس يوم كئيب, مع انه المفروض يكون يوم سعيد لنا كمسلمين

[كـلـكـلـووش]

خبرنا مستنا ان الجمعه و السبت اجازه

جان تقول دبي لازم تطور و تخلي السبت و الاحـد بعــد و تقــتدي بالــدور الاوربيــه !

من الحيــن طــلعت الاصــوات مطالبه بيــوم الاحــد . . الله المسـتــعــان

[كـلـكـلـووش]

يــا جــمـــاعه . . الــموضــوع الحــين جــدا عــادي . .
بــس صــدقــوني هــذا تــمهيــد لــ اجــازة الــســبت و الاحــد

[نجمة دبي]

ليش يمهدون الاجازه للسبت والاحد ..
يبغون يسلون الناس عن صلاة الجمعه ؟؟؟؟؟؟؟؟؟؟




نجـــــــــ دبي ـــــــــــــمة

[قرموشة]

بــس صــدقــوني هــذا تــمهيــد لــ اجــازة الــســبت و الاحــد

اذا الســالفه جذه عيل رافضين الفكــره .. حدهــم السبت وخلاص .. :nono:

[وحي القلم]

الله ايكون فالعون ،،

مشكوره نجمة دبي

[عهد الوداع]

لا مب شي الصراحه ...

[صدى جوفي]

يبغون يسلون الناس عن صلاة الجمعه ؟؟؟؟؟؟؟؟؟؟


مـنـظورهم تـجـاري وغـربي بحـت .. وأغـلـب القـرارات الـيديدة تنـبني على هـالأسـاس...!.

[نجمة دبي]

الله يعينّا على باجر ..

يعطيكم العافيه ..



نجـــــــــــ دبي ـــــــــمة

[لمّــاح]

مرحبا ..

ما اتوقع الاجازة يخلونها السبت و الاحد .. محد بيرضى ..
و أصلا حتى لو طبقو القرار غصبا عنا .. نسبة قليلة جدا من الناس بداوم دوام كامل يوم الجمعة .. اغلب الناس على الساعة 12 بيطلعون من دواماتهم عسب الصلاة .. فهذا يعني تقريبا 3 ايام اجازة لأن الجمعة مابيعتبر يوم دوام كامل .. !

[شرجاوي]

مرحبا ..

ما اتوقع الاجازة يخلونها السبت و الاحد .. محد بيرضى ..
و أصلا حتى لو طبقو القرار غصبا عنا .. نسبة قليلة جدا من الناس بداوم دوام كامل يوم الجمعة .. اغلب الناس على الساعة 12 بيطلعون من دواماتهم عسب الصلاة .. فهذا يعني تقريبا 3 ايام اجازة لأن الجمعة مابيعتبر يوم دوام كامل .. !

يا اخي ردودك تعيبني :fa35:

[لمّــاح]

شــرجاوي .. هذا الي اتوقعه يسـتوي !! :harhar1:

و أصلا حتى لو قررو ان الاجازة تكون السبت و الاحد .. مستحيل يمنعونك من انك اتصلي صلاة الجمعة و اتوقع أول إمارة ترفض هالشي هي إمارة الشارجة .. دايما امارة الشارجه سباقة في اعمال الخير و المجالات الدينية و الثقافية :)

[بنوته صغيرونه]

بالنسبه لي الخميس و الا السبت ماتفرق
المهم الجمعه اتم اجازه و ماتتغير بعد عشان مصالحهم ،، بس ماعتقد انهم يسوونها

[الشوق]

القرار عادي وحلاته
اخيرا بيعطونا اجازات اسبوعيه مثل الخلق والناس ..
نحن في البنوك وساعات انداوم بالخميس ..
يعني ما فيها شي حتى دوامنا بالخميس يكون نص دوام ..
المساله مساله تعود وانتوا راح تتعودون اب سهوله
وهالشي حلو للكل ان الرؤووس اتساوت
يعني لا حكومه احسن عن الخاص ولا خاص احسن عن الحكومه
يلسة الاهل والاصدقاء بتكون وحده ويا بعض واللمه راح اتكون جميله بيومي الجمعه والسبت
شو تبون احلى من هالشي
وسلامتكم /
اختكم/ الشوق

[نجمة دبي]

تسلمون والله ويعطيكم العافيه ..

من الحين تعودنا عالفكره ..



نجـــــــــ دبي ــــــــــمة

[الجديدة]

الصراحه الإجازة مش في مصلحه الجميع
خاصه الموظفين و اللي يشتغلوا في ابوظبي
يرجعون الاربعاء و يوم الخميس يقدروا يقضوا أمورهم سواء تسويقية
أو زيارات أو حتى مراجعه في مستشفى خاص
بس الحين ما يقدروا
لما يرجعوا الخميس ما راح يلاقوا وقت
الجمعه الناس في بيوتها و صلاة و خير و كل شي مغلق
و السبت بس نص يوم لهم يعني ما راح يطلعوا اي مكان

بس مصلحة البلاد فوق اي مصلحة

[شمعة أمل]

في رايي احسن
لانه اولريدي ابويه الويك اند ماله جمعه + سبت ف لو البيت كله جي احسن نروم نسوي شي في الويك اند كعايله ومب خميس طلعه ويوم الجمعه يوم واجبات ^_^

وبعدين احسن للشركات على قل بيحصلون فلوس اكثر = بيوظفون موظفين زياده ..الخ كلحد ينفع من هالشي

[دانة حتا]

القرار مب شي طووووووووووووووول:narr:
شو ها احنا مب اجانب ولا يهود عشان ناخذ السبت اجازة:narr:
على اي اساس طلعوا هالقرار :narr:
ومن خلقنا واحنا نعرف الخميس والجمعه للدول العربية والمسلمة:kkk:
والحين صرنا نقلد حتى في الاجازة
هذا احتلال انا ما اباااااااااااااااااااااا:f a43: :fa43: :fa43:

[نجمة دبي]

ان شاء الله نحن بعد نستفيد شي من ورا هالقرار ..




نجـــــــ دبي ـــــــــمة

[طير الغرام]

http://upload.bindubai.com/download/6eer_aam/6eer-salam-oasis.gif

يبالنا فتره عشان نتقبل هالتغيير
.
.

http://upload.bindubai.com/download/6eer_aam/6eer-line-oasis.gif

[لبن مثلج]

ممكن نتقبل الاجازة اليديدة ..

لكن السبت والاحد :narr:

والله اخاف باجر اشوف الناس طالعة من الكنيسة يوم الاحد :doh:

[نجمة دبي]

دام انهم خلوا الاجازه الجمعه والسبت فهذا اونه عسب مصالح الدوله ..

لكن اذا صدق خلوا الاجازه السبت والاحد .. فهذا اللي مستحيل نتقبله ..

وبنسوي اكبر مظاهرات بعد ..



شكرا لكم ..



نجـــــــــــــ دبي ــــــــــمة

[طير الحب]

مستحيل تكون الجمعه دوام...والصلاة....زيعني الفلوس اهم من الدين...منو هذا الي بيتحل وزر المسلمين بهالقرار...أشفق عليه:(

[لمّــاح]

السلام عليكم ..

للعلم فقط .. تتجه بعض دول الخليج الى تغيير أيام اجازاتها مثل الامارات و قطر .. و كان هناك استفتاء حول هالموضوع في السعودية و بعض الي شملهم الاستفتاء وافقوا و طالبوا بالاسراع في تنفيذ القرار و السبب هو انهم يتمنون يصلون الجمعة في الحرم لكن العائق الوحيد الي كان موجود هو ان يوم السبت يوم دوام ف الي ساكنين في المناطق البعيدة مايقدرون يطلعون من مدنهم .. اما اذا القرار طبقوه فبإمكانهم انهم يصلون الجمعة و يباتون هناك ليلة وحدة و يردون بالسبت ..

ثانياً .. يوم الجمعة كان يضيع معظمه في التجهيز لليوم الي بعده من نواحي كثيرة مثلا الطلاب يدرسون و المدرسين يحضرون لدروس باجر و الموظفين حالتهم النفسية غير لأن باجر دوام و أدى هالشي الى جعل يوم الجمعة يوم كــئيب جداً !! فكانت تضيع قدسية هذا اليوم العظيم ومانحس بطعم العبادة و حلاوة يوم الجمعة ..

ثــالثــاً .. حتى في التاريخ و الشرع لم يرد ان يوم الجمعة يوم إجازة و من خلال بحثي حبيت انقل هالجملة (( وأما في شرع الأسلام فالجمعة يوم عمل وليست إجازة - " إستناداً على الحديث ....إذا نودي للصلاة من يوم الجمعة فذروا البيع ))


سامحوني عالمداخلة البسيطة :)

[الحساس]

قرار وصدر ومانروم نقول شي.
اما الي متخوف ان احتمال بالمستقبل ان الاجازه تكون السبت والاحد.. شي هب مستبعد...

واول الدول العربيه هي مورتانيا الي اعلنت ان ايام اجازتها الاسبوعيه هي السبت والاحد بدلا من الجمعه والسبت ... وصارت مضاهره واحتجاجات بس محدن راام يغير شي.

بغض النظر ان مافي دليل شرعي ان الجمعه اجازه لكن كل الدول العربيه اتجهت الي الاخذ بالجمعه كاجازه ووقتها محد تفرعن وقال انا غير عنكم..

الحين بدت الاصوات الي تنادي بغير عن ها الشي..

بعد 100 سنه اظن والله اعلم مابيكون في فرق بين بريطانيا وبلادنا بشي غير ان بلادنا اسمها الامارات وهايج اسمها بريطانيا

[لمّــاح]

هلا اخويه الحساس ..
في ناس توقعوا ان يكون هذا تمهيد لتحول الاجازة الى السبت و الاحد ..
لكن بصراحة انا متفائل خير بشيوخنا .. و الحمدلله المسؤولين مب لهالدرجة يعني ماينضرون لمصلحة الشعب بالعكس الي يستوي كله من مصلحتنا و حتى هالمشاريع .. اذا خلص البترول مابيكون عندنا مصدر دخل غير هالمشاريع و بنحمد الله انهم بنو هالمشاريع ..
الشيخ راشد بنا اكبر مينا في العالم ( على ايامه ) و محد كان يتوقع كل هذا يستوي ..
عموماً .. انا شخصياً ما اتوقع هالتغيير .. و ان صار و طبقوا هالقرار أرجع و اقول هم ما خالفوا الشريعة (( يعني محد يقدر يعصيهم بحجة ان ولي الامر امرهم بمعصية الخالق )) لكن وايد اشيا بتتغير من النواحي الاجتماعية و بصراحه اتمنى انهم مايغيرون الاجازة بعد مره..

[دانة حتا]

اخوي لماح اعتقد حتى اسم البلاد بيغيرونه عاااادي



لا تعليـــــــــــــــــــــ ــــــق الصراحه انا مقهوووووووره

[لمّــاح]

بصراحه اقولها ..

اعرف شباب كانو يفكرون بجديه انهم يهاجرون و عيزت من كثر ما اقنعهم لكن لاحياة لمن تنادي .. !

مب عشان تغيير الاجازة .. اسباب كثيره ماتنعد !!

[نجمة دبي]

مثل ما قال اخويه الحساس
( قرار وصدر ومانروم نقول شي.)

الله يعينا .. والحمدلله على كل حال ..

شكرا اخويه لماح عالمداخله الطيبه ..



نجـــــــ دبي ـــــــــمة

[الـيـاه]

خيبه !! :boxed:

شو تقليد الغرب ما تقليد الغرب شو هالأفكار الغلط < مايخصه اصلن >.<
هالقرار 100% يخدمنا نحن ويخدم المصلحه العامة واقتصاد الدولة وها كله يصب لجلنا

بعد ها يزاهم ..


ومأيده القرار بشدة

وحتى لو .. اقول ( لو ) ستوى وكانت الإجازة السبت والأحد , هو اكيد مابيوافقون
لكن حتى لو وافقو :yes: .. بيمنعون الناس من الصلاة مثلا ً ( ليش في افغانستان نحن ) ؟


الحمدالله بعدنا عايشين في خير ونعمه :fa35:


.
.
.

[تنينه]

الـ ( لـو) من الشيطان

[الـيـاه]

Duuuuuh

[تنينه]

its not a big deal

[العجيبة]

حلـو القـرار .. يمدحـونـه التغييـر :fa34:

وأصلا لو رجعتـوا لتسميـة الأيـام بتشوفون إنـه

الجمعـة = اجتمـاع المسلمين في صلاة الجمعة

السبـت = من السبـت وهو النوم والكـسـل ..
انتوا ما تشوفون أشكالكم يوم تداومون يوم السبت خخخ ؟ :nono:

الأحــد = أول أيـام الاسبـوع = واحـــد

الاثنين = ثاني الايام

والثلاثاء والاربعاء والخميس = ثالث ورابع وخامس أيـام الاسبـوع

والحيــاة حلووووة لونهـاا بمبــه :ttmasha:

[نجمة دبي]

شكرا لكم خواتي .. :)

وان شاء الله خير ..




نجــــــــــــ دبي ــــــــــمة

[لمّــاح]

العــجيبة ..


حلـو القـرار .. يمدحـونـه التغييـر

وأصلا لو رجعتـوا لتسميـة الأيـام بتشوفون إنـه

الجمعـة = اجتمـاع المسلمين في صلاة الجمعة

السبـت = من السبـت وهو النوم والكـسـل ..
انتوا ما تشوفون أشكالكم يوم تداومون يوم السبت خخخ ؟

الأحــد = أول أيـام الاسبـوع = واحـــد

الاثنين = ثاني الايام

والثلاثاء والاربعاء والخميس = ثالث ورابع وخامس أيـام الاسبـوع

والحيــاة حلووووة لونهـاا بمبــه
__
ردج عــجيب لوول :harhar1: