++ .. البرقــع !!! .. ++

[قرموشة]

:mar7aba:


مرحـــــــــــبا الســـاع ..


http://www.dubaidoors.com/t7meeel/uploading/ber2.gif


يقــول الشــاعــر ..


يا لبــيض ســون ســـوات مطـــير .. حــطن بريـــقع وســـروالي
ولـــو اهـــني بالهــــني الـــطيـــر .. مـا راح بالقـــيض حــــوالي


ويقــولــون ..
يــاسعــد لو تــشوفــه شيب مــاني بشـايب ... لابســات البراقــع ياســعد شيــبنــي brgll:



اممممم .. شو ســالفه هـ البراقــع .. ومن وين يت بالأســـاس؟!


تقــولكــم القـصــة ..


كــان يا مكـــان في قديم الزمــان .. ( مب من زمــان يعني تقريبــا عــلى 1870)


بنت مطــيريــه .. وكــان أبــوهــا يبا يوزهــا لشخــص غريب نــاظــرهــا في البيت ..
واكــيد هـي رافــَضــه هـ الزواج بس ماتــقــدر تعصــي أبوهــا .. :no0:
فلمــا يت أم الريــال الغريب تشــوف البنت عسب تخــطبهــا .. شو سوت ..
تعــمــدت المكــر .. وشوهـت نفسهــا ..


كــــــيف ؟!


ســارت ويابت خلقــه سوده وحطــتهــا عـلى ويهـهـا :negab: .. وخــلت العــيون تنبان بطــريقــه تخــوف الناظــرين ..:boxed:
ولفت حول ريولهــا قطــعه بيضـــه من تحــت .. !! ولمــا شافتــها أم الريــال الغريب تظــاهــرت بالبلاهــه .. وشردتهــم .. :vampire:
ولمــا اكــشف الأبــو فعــايل بنتــه .. حلــفهــا ان لبســها بيكون البرقــع والسروال دامهــا حــيه .. !!!


نــهــايــه القــصة


:bye2:


وبالتالــي أقــدر أقــول إن البراقع ابتــدت مع قبيله مطــيــر وبعــدهــا انتقلت للقبايل الثانيــه ..


امممم ..


في المعجــم .. عندكم بعــض التراكــيب لكلمــه برقــع ..
مثل المبرقــعه : غره الفرس أو الشــاه البيضاء الرأس



وانــواع البرقـــع ثلاث ..


البرقــع الاحمــر : وهــذا النوع أغلى البراقــع وأرقاهــا ..
البرقــع الاصــفر:جودتــه أقــل من البرقــع الاحمــر..
البرقــع الخــضر : قليل الجــوده ..


:
:
:
وهـــاي الســالفه وما فيــها .. :fa38:



هييه صححح .. يالله بنــات .. استعــدن .. بنوزع عليكن براقــع .. بالدوووور .. :qor9anah:




:fa35:
كــل الود ..
قرموشــــة
4:40 pm

[أمواج]

:mar7aba:
.
.
قــرموشتــي
يعــني كل شي لـه قصــة . .
حرجــات إنتي .
بس خاطري أعرف أشكــال أنواع البــراقع . .
.
.
اممم انا مابغي برقع . .
عندي واحد في صورتي الشخصــيه الجديمه
.
.
مشــكوره قرمووشتي على هالقصــه الفنتــك .
.
:bye2:

[تنينه]

عــلى قولة أمواج حـرجات أنتي ,,

ثانكس قرموشتنا المقرمشه ع القصه الفنتك ^^ ,,

نتريا قصص بقية الكلمات لووول ,,

تنينه ^^

[قرموشة]

حرجــات .. :daleel:


امممم ..
حــصلت لج هـ الصــورة ..
للبرقــع الاحمــر ..


http://www.dubaidoors.com/t7meeel/uploading/ber7.gif


وتسلمــين غنــاتيــه > أمــواجــ <


تنــينــه ..
العــفو حــبوبــه ..
والكلــمــات الباجــيه في الطريـــج
لووووول




قرموشــة
:bye2:

[تنينه]

http://upload.bindubai.com/download/maroko/14232375_518b6ed66a.jpg


هــاي صوره للبرقع الأصفر على ما أعتقد :kkk:



تنينه :ice:

[صريح]

http://upload.bindubai.com/download/e7saas/mrhf_hearts.gif


قرموشووه

من بعد السوبرا طلعتي تبيعين براقع بعد .. ههههه
:harhar1:

جاان بتنضمين حق يدووه و حريم الفريج بسويلج واسطه ..
دوم اشوفهن عقب صلاة العصر يتقهون و جدامهن جييس فيه براقع و كل وحده تختار كم برقع ( حااس انه عنهن شركه براقع عالميه من ورانا خخخ :negab: )
و البرزه دووم فالحوي و انا اراقبهن من فوق البيت ابا احل لغز البراقع ( حشى كونان هههه ) ...

و يسلموو ع الطرح
الجميـــل
:)

و مثل ما يقول بو نوره:
ما هقيت ان البراقع يفتنني .. لين شفت ظبا الخليج مبرقعاتي ( اهــداء خاص حق يدووه brgll: )
:inlove:


و السموحه


http://upload.bindubai.com/download/e7saas/mrhf_hearts.gif

[صدى جوفي]

الـسـلام علـيكم ..

الـبرقع .. موضوع وااايد حلو .. تصدقــين قرمــوشة أني بخــاطري صدق صدق ألــبس الــبرقع :kcl: بس للأسف ما أقدر ألـبسه :sadwalk: .. عمــومــاً وااايد أميل للســوالف الجــديمة سواء بلبــس أو غــيره ..


يقول الشــاعر فالبرقع ..

البرقع اللي يستر العين هاتيه......... كم بــرقع ســوى لقـلبي لــهايب

يا حر قلبي من هموم توديه.......... خلت جروحي كل ابــوهن عطـايب

الزين زينه برقع الستر غاطيه.........واصبح جماله ما يعرف الهبايب

محشومتن واللبس للزين يزهيه.........بيـضا وممشوقه تثير الـغرايـب

مملوحة خشمه كما السيف قاديه.......منقوشة الحنا وشقراء الذوايب

وثوبن طويل يستر الجسم مرخيه...... ماهي من اللي معقلات الركايب

وكحله طبيعي واسود الكحل يشريه......واحمر شفاه الزين بالخد ذايب

سبحان رب خالق الزين معطيه.......مسحة جمال وبرقع الستر صايب

لــمعاند سراب

أحســنت الاختــيار قــرموشــة .. موفقة فطرحــج :fa35:

كان بالنية أنزل موضوع عن البرقع :negab: .. لكن ما لنا فيه نصيب.. خلاص من الحينة بقولكم بحط موضوع عن الكدو :mar7aba: ها ما تحطونه قبلي :qor9anah:

[أمواج]

:mar7aba:
.
.
اصــلا البراقع مب للســتر . .
شو الفايده يغطــون بس الشفــايف وكــل شـي ظــاهر . .

في الاعيــاد يوم أســلم على الحريـم الكبار لازم يطبع عخــشمـي "بقــم " البرقــع
عاد انا عقب ماسـلم لازم احط ايدي على خشمــي اوني عاد بس جيه حركه بس انا أمسح الــ " بقـم "
بصــراحه البراقع الصغــيره واااااااايد تعيبني . . . أحس عجيــبه في اللبس و إزقــرت .
.
.
:bye2:

[حبوبه دبي]

يا سلاااااااااااام

:fa34:

شــو هالمــوضــوع الحلــوو قــراميشــــووو ،،


:: مـن حبكــم قمــت ألبــس الثــوب مقلــوب وأنشــد عــن البــرقع وهــو فــوق راســي ::

:fa35:

انــا استــانس على البــراقع الضعــاف ،،

وســاعــات البـــس :yes:

تسلميــــــــن ع المــوضــوع الحلــوو

ونتــرقب منج كــل يديـــد

والسمــوحه

[منــاوي]

تسلميـــن قرموشتنـا على هالقصص العجيييييبه ..

بانتظــار يديدج ...:)

[فركوشه]

يسلموووووووووو بنت قريميش..

صدق لكل سالفه.. سالفه..(:

[لمّــاح]

السلام عليكم .. !

شو هالمواضيع الحلوة .. حركات انتي بعد :harhar1:

هممم .. ثره شي انواع للبراقع .. توني أدري .. ! :kkk:


وانــواع البرقـــع ثلاث ..


البرقــع الاحمــر : وهــذا النوع أغلى البراقــع وأرقاهــا ..
البرقــع الاصــفر:جودتــه أقــل من البرقــع الاحمــر..
البرقــع الخــضر : قليل الجــوده ..

انزين السؤال الأول .. كيف اقدر افرق بين الاحمر و الاصفر و الخضر ؟؟ بصراحه ماعندي خبره في البراقع و كل الي يتبرقعن احس براقعهن نفس اللون :boxed:




يطبع عخــشمـي "بقــم " البرقــع

ثــاني ســؤال .. البقم شو فايدته ؟؟ من زمان في خاطري اسأل هالسؤال لكن انسى اسأل الي عندنا .. :boxed:


و على ما اضن .. انواع البراقع تختلف في كل امارة والثانيه .. و حتى كل عايله و الثانيه .. مثلا حريم بوظبي غير عن حريم دبي .. و حريم دبي و بوظبي غير عن حريم الشارجه و جذه .. فهل اختلاف البراقع يرمز لشي معين ولا بس حركات يعني كل امارة تبا برقعها يكون مميز و غير عن الامارات الثانية ؟؟

انزين و آخــر ســؤال .. من شو مصنوع البرقع ؟؟

---

ادري وايد ســألت لكن من متى هالاسئلة في بالي (( من سنــــين )) بس مافكرت اسأل يداتي او حد من هلي هالاسئلة .. ماعرف ليش :puppyeyes:
و يمكن اتكون الاسئلة سخيفة و غبيه لكن صدق ماعرف و ثانيا هاي سوالف حريم و انا ما ادّخل في سوالف الحريم .. !

السموحه منكم :)

[أمواج]

:mar7aba:
.
.
لمــّّّّـاح
لا مب كــل البــراقع نفــس الشــي
إنت تقـول كلهن نفـس الشي لانك ماتدقق . .
بس لو تصــف الانواع الثــلاث حذال بعــض . . بتلاحظ إختــلاف في الالــوان . .
في نــوع بتـلقى لوونه مايــل للأصفــر . . و الثـاني على ما اعتقد مايل للأزرق أو النيـلي . . والاحمر بتــلقى فيه حمــره شويه . . .
وبعـدين أول مايتســوى البرقع يــكون أول شي يــلق " يديد" وينعرف إنه يديد . . بس مع كثــرة الاسـتخدام طبــعا يجــدم و يستــوي لوونه موول مب حــلو . . .

أما عن الـ "بقــم"
فـ فايدته شرات العايدين إذا تعرفـه . . . يعني ينحط على اليرووح . . جيه انا سمعــت والله أعــلم

أما من شووع مصــنووع البرقع عــلمي عــلمك .
.
.
:bye2:

[لمّــاح]

هــلا اختي امواج ..

دققت بس بعد ماشي فرق .. ولا يمكن الفرق موجود لكن انا لأني ماعرف في البراقع ما أفرق :nono:

و عن البقم .. هيه اعرفه الايديين و شي منه نوعين بعد الحار و البارد :harhar1: مال أول .. بس ليش يحطون البقم في البرقع ؟؟ مع انه يسوي ريحه و يطبع عالوية ولونه مايساعد ( أزرق على بنفسجي مادري كيف ) ..

[أمواج]

:mar7aba:
.
.
لمــّـاح
والله ياخوي ماعرف ليــش يحــطون الـ "بقم " في المـادة اللي يصنعون منها البــراقع
بعـدين أول مره ادري إنه الـ"بقـم" لـه ريــحه . . . والـ "بقـم " مايــطلع إلا إذا لــحقه ماي . .
.
.
:bye2:

[لمّــاح]

قمت اخورها :boxed:

اختيه سامحيني اذا معلوماتي غلط ترا ماعرف وايد في هالسوالف .. !

يمكن صدق ماله ريحه .. انا متلخبط :puppyeyes:

[أمواج]

:mar7aba:
.
.
لــمّّـاح
أخر مره تغــلط في هالســوالف .
brgll: .. brgll: .. brgll:
يبــالنـا والله نتخــبر ا لعيـايز عن البــراقع . . . هن يعرفن أكثر عنّـا
.
.
:bye2:

[حلم الطفوله]

صدق إنه قرموشتنا حرجااااااااااااات:yes:

هالقصص الحلوه من وين إتيبينها ؟ يعطيج العافيه إختييييه ...

لمااااااااااااااح خلك على سدرة الصبار ....لا تفتي بسوالف البراقع وريحة البقمbrgll:

[أمواج]

:mar7aba:
.
.
.

حرجااااااااااااات:yes:

حقــوق النشـر محفوظه للمتفيزره عالعرقووب سابقـا
وأمـواج حاليـا

وهييه وحليــلها قــرمووشتي فنــانه
.
:bye2:

[خيال الروح]

تســلمين قرمـوشـه على الموضوع

ما كـنت ادري انه البراقـع انـواع ,, ( لانـه البراقـع الى اشـوفها كلها نفس اللون :boxed: )



حلم الطفوله ...

لمااااااااااااااح خلك على سدرة الصبار ....لا تفتي بسوالف البراقع وريحة البقم


brgll: brgll:

:

[لمّــاح]

امواج ..

ان شاءالله عمّـــوه :harhar1:

حلم الطفولة ..

خلج انتي راعية الموز :harhar1:

خــيال الــروح ..


ما كـنت ادري انه البراقـع انـواع ,, ( لانـه البراقـع الى اشـوفها كلها نفس اللون )

انتي كده :fa42:

انتي مثلي .. انا حتى اشوف البراقع نفس الشي كلها نفس اللون ..

عاد عيايزنا الحين غير قامن يتشرطن و يمشن ورا الموضه .. الا يلبسن براقع اديداس حق الرياضة ولا ماركة و عليهن كرستال سوارفزكي حق الرسميات :fa56:

[شوق القلوب]

السلام عليكم..



عاد عيايزنا الحين غير قامن يتشرطن و يمشن ورا الموضه .. الا يلبسن براقع اديداس حق الرياضة ولا ماركة و عليهن كرستال سوارفزكي حق الرسميات :fa56:


هههههه.. دلني عليهم يا لماح..!

العمر يمضي و باجر بنستوي في اعمارهم.. عاد ما نبا انكون متخلفين.. و مب امتابعين اخر صيحات البراقع brgll:

[حلم الطفوله]

المشكله يا لمااااح إنه هالعيايز إلي ترمس عنهن الحين ما سمعنك:qor9anah:

والله ساعتها ؟؟ ما أقدر أتخيل شو بيسون بك:narr:

وبعدين من راعية الموز ؟؟ يا راعي سدرة الصبار والموز وريحة البقم :ice:

[أمواج]

:mar7aba:
.
.
ماتخيــل بــرقع مفصص حق الاعراس .
:nono: .. :nono: .. :nono:
صــح سوو براقع بس كــله إكسسوارات وللأعراس
بس الصــراحه رووعه هالبــراقع .
.
:bye2:

[خيال الروح]

من اشوف يدوتي
بسـالها عن البـراقــع ,, وشـو فــايدته البـقم ..

بس استعجب من الحريم الى يلبسن البرقع الى يكـون رفيـــــــــع ,, بصراحه شكله مب حلو

وما يـستر الويـه مثـل البـرقع العــادي ..



عاد عيايزنا الحين غير قامن يتشرطن و يمشن ورا الموضه .. الا يلبسن براقع اديداس حق الرياضة ولا ماركة و عليهن كرستال سوارفزكي حق الرسميات

ليــش بس انتـو الى تمـشون على المـوضـه brgll: brgll: brgll:

:

[أمواج]

:mar7aba:
.
.
ليــش شو فيــه البرقع الرفيــع . . ؟!
والله إنه حــلو وإزقــرت . . .
طبعـا مب يلبـس لأي حــد . . . معظــهم يــلبسوون هالبــراقع حق الاعــراس .
.
خلاص بفــصل لي من هالبـراقع P=
.
.
:bye2:

[لمّــاح]

وبعدين من راعية الموز ؟؟ يا راعي سدرة الصبار والموز وريحة البقم

لــحول ولا قوة الا بالله .. هالبنات ماينسون .. مادري شو من سستم في مخهم .. !
انا بعدني ماوصلني التطور .. استخدم " صخر " مال أول :harhar1:


المشكله يا لمااااح إنه هالعيايز إلي ترمس عنهن الحين ما سمعنك

والله ساعتها ؟؟ ما أقدر أتخيل شو بيسون بك

اووه .. اسكتي عن حد يسمع :nono:

شـوق القلوب ..

موجودين :harhar1:

[شوق القلوب]

ســـؤال بــــــــــريء

..

صدق في بنيات يلبسون هالبراقع هالايام..؟؟
:puppyeyes:

[أمواج]

ســـؤال بــــــــــريء

..

صدق في بنيات يلبسون هالبراقع هالايام..؟؟
:puppyeyes:
هــيه 2 من ربعــي يلبســون براقع بس للأعراس و مال دلــع
بس والله إزقــرت عليــهن

[شوق القلوب]

أوننننه..!

معلومه قيمه.. زين زين

:bow:

[خيال الروح]

ليــش شو فيــه البرقع الرفيــع . . ؟!
والله إنه حــلو وإزقــرت . . .


على البـنات حــلو
بس قصـدي عن الحريم الكبـار في السن ..

:

[أمواج]

على البـنات حــلو
بس قصـدي عن الحريم الكبـار في السن ..

:
لا بس حريــم حلو يطــلع عليـهم . .
انا اعرف وحده كلــه تلبس براقع رفــاع بس والله عجيـــب عليها . .

[حلم الطفوله]

عقبال ما تلبسينه يا شوق القلوب بالقريب العاجل

[شوق القلوب]

:kcl:

..

بلبسه ان شاء الله يوم بشوفج لابستنه

:mar7aba:

[قرموشة]

:mar7aba:


وييـــــه وييــه .. ثرهم العــرب متفيزريــن هنــه ..
يا مرررحــبا الســـــــــــــاع ..

اممم .. معلوومــات يديده والله ..

بس خــفوا من السوالف طشونــه ..

والا بيغلقونــه .. :bye2:


وسواااااااااالمـ ..

[صدى جوفي]

الـسـلام عليـكم ..

أما عن خــام البرقع فهو مصنوع من قماش غليظ لامع - يسمى بالمصطلح الشعبي (خرجة نيل)- بلون بني غامق أو أسود وذي لمعان ذهبي أصفر أو ذهبي أحمر ، ويجلب هذا القماش من الهند وتقوم المرأة بتفصيله وخياطته، والمشهور بين أهالي المنطقة أن أهل لنجة وبندر عباس هم المعروفون بعمل البرقع.
أما قماش البرقع فهو من الشيت الخام وهو قماش قطني خشن مصبوغ بمادة النيلة، وهي مادة معدنية تستخدم في ألوان الباعة النيلية لذلك تترك صبغته بنفسجية على الوجه.

<< منـقول طبـعـاً

>>> وشي بــرقع ألــماس من دامــاس بس مــا قــدرت أطــلع صــور عنه .. جــاري البــحث :cop:

[قرموشة]

>>> وشي بــرقع ألــماس من دامــاس بس مــا قــدرت أطــلع صــور عنه .. جــاري البــحث :cop:




أبــــاه ... :puppyeyes:

:
:


وعــن المــاده اللي يصــنعــون منهــا البرقــع ..

الشيل .. وهــو القمــاش الاصــلي .. وييبونــه من الهــند ..

.. السيف ..وهــوه العــود اللي يكون على الانف .. وينصــف البرقع .. ..


.. الشبق .. عباره عـن الخيــط .. اللي لونــه أحــمر ويكون من الصوف .. وهوه اللي يربطــون به البرقع ..



.. قماش البطانة .. و يستخدم في صنعه نــوع مـعـين من الاقمــشــة .. لامتصاص العرق وللحفاظ الرونق ..


.. النجوم و الحلق أو المشاخص .. لتزيين البراقع ..



وســوااالم ..


:bye2:

[قرموشة]

صريييحــكوووو ..

بعــد ربــك . . :daleel:
ياخـي دلنــي عليــهن .. انا بعـد أبا أتجــار بالبراقع اللي عنديــه ههههـ .. :negab:
وسبحـان الله أكشف اللغـز .. لوول
تسلم عـ التواجــد خيووو :)

صــدى جــوفي ..
تسلمـتين عـ المرور .. حــتى انا تعيبنــي هـ السوالف ..
ويالله نتريــا سالفه القدو .. :mar7aba:

حــبووبــه دبي ..
سلم من قال .. :)
وحـتتى انــا تعيبنــي البراقع الرفيــعه .. صدق زقرررت .. شرات ما قالت > أمواجــي <

مــناوي ..
سلم من قال .. حبوبــه .. :)


فركوووشــة ..
ولكــم .. :)


لمــاح ..

حرجــــات انـــا ..:harhar1:


حلم الطــفولــه ..
خيال الروح ..
شوق القلوب ..
أمواجــي ..

أشكــركم عـ التواجــد .. :)
وزين انكم استانستوووا في الموضوع .. ومشكورين عـ المعلومــات .. :yes:

[طير الغرام]

http://upload.bindubai.com/download/6eer_aam/6eer-salam-oasis.gif

تسلمين ع هالموضوع الحلوو ^_^

http://upload.bindubai.com/download/6eer_aam/6eer-line-oasis.gif

[خيال الروح]

من الاشـياء الى يستعمـلونـها في البـرقـع

الخشبه الى في الايس كريم

لانـي اذكـر يوم كنـا صـغار ويشوفـنا نـاكل ايس كريم

كـانت يدوتي اتقـوللنـا لا تـعقون الخشبه الى في الايس كريم

لانه يستعملونها في وسط البرقع ,,

:14:

:

[اللوتس]

الـسـلام عليكم ..

تـسـلمين عالمــوضوع والـطـرح الرائع .. قــرموشــة:fa35:

خـيال الروح .. حتى أحنــة كنــا نيمع خشب الآيس كريم لــبراقع أمــاية .. وشي بــراقع سيفهــا

عريض ..أظني يستخــدمون الخشب اللي عند الطبيب شرات خشب الآيس كريم بس أعــرض - بس

أخمــن brgll:

تحيـــاتي .. اللـــوتس

[خيال الروح]

وشي بــراقع سيفهــا

عريض ..أظني يستخــدمون الخشب اللي عند الطبيب شرات خشب الآيس كريم بس أعــرض

لالا مــا اعتــقــد brgll: brgll:

وبالنـسبـه للبـقم سمـعت انـه يسـتخدمـون لتـلميـع البـرقع ,, ( هـذا الى سمـعت :special2: )

:

[قرموشة]

وبالنـسبـه للبـقم سمـعت انـه يسـتخدمـون لتـلميـع البـرقع ,, ( هـذا الى سمـعت :special2: )



:


هـيه .. وانا أقــول ليش البرررااقع تصالق !! .. فيهــا لمــعه خــضرا ذهــبيه على بنفسجي .. :negab:

[دانة حتا]

:fa34: الله حلـــــــــــــــــــــــ ــــــــــــو قرموووشتي تسلمين الغلا:fa34: :fa34:
والله حركه حلوه ومعلومات احلى واسلوووب احلى واحلى:ice: :ice:
وانتي الاحلى وانا الحلى من الاحلى:ice:
اوووه سوريbrgll:

مشكوووره الغاليه ع القصه العجيبه:fa35:


معلومات جميله الصراحه ويديد وااايد بعد

[شوق الصحارى]

تسلمين قرموشتنا على الطرح.....

[قرموشة]

دانه حـتــا

شكرا عـ التواجد حبوبه ..

شوق الصحارى ..
سلم من قال :)