مشاهدة النسخة كاملة : معترف بخطاي
المزوحي
15-05-06 ||, 11:01 PM
يوم يصير شي .. يوم يصير شي بينك وبين الطرف الثاني .. يوم تغلط بحقه .. أو حتى هو خذ منك موقف
حلو إنك تعتذر له ومب كل شخص يمتلك هالشجاعة أو حد يشوووف هالشي تقليل من شأنه ..
بس أنا اعتذرت 3 مرات وعقب طنشت الموضوع .. لأنه مب حلوة في حقي إني اعتذر أكثر من جيه .. بالرغم إنه نيتي كانت صافية ولي عذري .. إلا إني بادرت بالاعتراف بالخطأ ...
وما انتظر لحد باااجر ... واللي كان يذبح الصمت .. نعم .. يوم أنا اتصل ومافي حوار غير الصمت
كنت أبغي الأمان .. وتكرار الاتصال ... وعنادك وزعلك تعبني وماياني يكفيني وش بقى فيني ..!
حلم الطفوله
15-05-06 ||, 11:14 PM
السلام عليكم
اخوي دامك اعتذرت وسويت إلي عليك .... ما يهمك شيء دامك واثق بنفسك وواثق إنك ما غلطت
الاعتذار يكون من الشخص المخطئ .... ولكنك اعتذرت ..فاحتسب الاجر عند الله تعالى
ولو بعد ها كله تم شال بخاطره منك ....طنشه ...لانه الحقران يقطع المصران :doh:
سبحان الله بهالدنيا محد يعرف شو بقلوب الناس ... ابتعد عنه عشان ما تتعذب بقربك منه
ومسيره بيوم بيحس بغلطه وبيرجع دام إنه إلي كان بينكم كبير
المزوحي
15-05-06 ||, 11:17 PM
حلم الطفوله ....
الأيام علمته من أنا ... لأنه هالشي جديم .. لكن أنا من تذكرت اللي استوى .. ومب قضية إني أفتح أمور جديمة .. ولكن " فضفضة "
بس فعلا
ماقبل الاعتذار في البداية ...
حلم الطفوله
15-05-06 ||, 11:26 PM
صدقني يا خوي ...الأيام مسيرها بتعلمه أكثر.... وبروحه بيعتذر منك ...
دام معزته للحين بقلبك وحاط بخاطرك لأنه ما قبل اعتذارك بالبدايه ...صدقني بتتحسن الأمور
وكل امرك لله
المزوحي
15-05-06 ||, 11:30 PM
صح ...
من التصرفات
بهجة الروح
16-05-06 ||, 12:16 AM
حــلو ان الواحــد يعتـــذر مره ،،
وان ما قبــل الشخص الاخر الاعتـــذار مافي داعــي يذل عمره عليـــه مره ثانـــيه
اصلا لو قدره عنــد الشخص الاخر عــالي كان بيبين من أول إعتــــذار
لكن دام انه ما قبل لا اول ولا ثاني ولا ثالث اعتــــذار فهذا دليل واضح بان الشخص الاخر مالك قدر عنده
فأحسن شي اكتفي بالاعتــــذار مره وحده ، ومحد يستاهل تعتذر له أكثر من مره
أمواج
16-05-06 ||, 01:17 AM
:mar7aba:
.
.
المــزوحي :
هالشــخص لو يهمــك مب بس بتعتذر لـه مره ولا مرتيــن . .؟! يستـاهل تعتذر له إن شاء الله لو 10 مرات . . لاتقول انا إعتذرت وخلاص . . لا ، هنيــه الغـلط و الغــلط الاكــبر إنك تطــنش الموضـوع من الاسـاس . . .
مب معنـاته إنه الشخص الثـاني مب قابل إعتذارك يعنــي إنه زعلان عليــك أو حاط في خــاطره منك . . يمــكن هالصــمت اللي داير إمبيــنكم عشــان ينبهــك ماتغـلط مرة ثانيـه . . . عشــان تحاسب على كل شي بتســويه ، عشان ماتزعل الطــرف الثـاني مره ثانيــه . .
الغــلط إنه نقــول أو نفكــر بإنه نحن إعتذرنا و سوينا اللي عليــنا وخلاص نطنش الموضووع . . .
لازم تحـاول مره مرتين ، قد ماتقدر . . دام الشخص غـالي عليــك لاتحصـر أفعــالك في دايرة وحــده . حاول ترجعــه لك .
.
نصيــحه مني . . رد إعتذر مره ثانيه .
.
:bye2:
عذبة الروح
16-05-06 ||, 09:29 AM
السلام عليكم والرحمه
بـ قول ردي .. بـ النسبه لـ راي الشخصي
يعني لا تاخذ بـ خاطرك علينا
اعتذرت 3 مرات .... ؟!
هني نوقف ونقول: ليش ...؟
اعتذارك المتكرر لـ غلط صدر منك في حق الشخص الثاني
يدل على انه الغلط قوي .. وكبير
هل فكرت انه 3 اعتذارات تكفي انه اللي كان من بينكم يرجع
والمياه تعود لـ مجاريها
فـ اعتقادي ... واسمحلي اقول
اني اقول ردي .. اللي يعتمد على إحساسي
احساسي يقول غلطت غلطه كبيره
وصعب انه الاعتذار يرد اللي كان
الا لو كان في محاولات .. صادقه
واقصد هني ...
انه الاعتذار ما يكفي :no0:
لازم اتحط لـ الطرف الثاني
دليل .. وتثبت له انك ما بتغلط بـ حقه مره ثانيه
ولو صار .. تتحمل كل اللي اييك
او ممكن تقوله .. اعتذارك
وانك مواقف على اي شروط .. يحطها لك الطرف الثانيه
][ لو كان في شروط طبعاً ][
السموحه منك اخويه
وانا حبيت احط رايي
ولو انه السالفه بـ النسبه لي شخصيه شوي :fa36:
الله يوفقك اخويه
وان شا الله .. ترد الاحوال من بينكم مثل قبل واكثر
اختك
عـذ الـروح بـة
انا اشوف يعتمد علي غلطك :kkk:
خنفروش
16-05-06 ||, 01:48 PM
أنا أقول
تكمل له الأغنية بصوتك الحلو
و أتقول له
أحكم على ما تشتهي
و آمر الأمر بيدك
بيدك سيدي والراي
أو تقول له سامحني خطيت
خانني التعبير سامحني والغلطة
بعد ماتصير
عاتبني بالعتاب ارتاح
عاتبني ريحني سامحني عالتقصير
أهم شي تلحقه قبل مايقول
روح أفطريج وأنا فطريج
و خلني على جرحي العتيج
خلاص عافك الخاطر خلاص
وإذا حبيت ترى خنفروش جاهز
يتوسط لك عنده
هذا حبيبك قلبه طيب
المزوحي
16-05-06 ||, 03:20 PM
بهجة الروح .. تختلف درجة تقبل الانسان الخطأ من شخص لآخر ... بداية الاعتـــذار ... تم ساكت
يمكن بعده مب مستوعب ..
المزوحي
16-05-06 ||, 03:22 PM
أمواج .. همم قلبج كبير .. الصراحة أنا اعتـــذرت .. مره ومرتين .. مادري إن كان سبب صمته مثل ماقلتي عسب ما ازعله مره ثانيه ..
المزوحي
16-05-06 ||, 03:24 PM
عـذبة الروح ... بعد الاعتـــذار .. وعلى ماهو يقبل .. ماشي دليل واثبات عسب يرضى ..
إلا إنه الأيام تثبت له " السبب " حتى لو أنا بررت موقفي ..
المزوحي
16-05-06 ||, 03:25 PM
وعد .. يعتمد على الغلط نعم .. لكن أحيانا إنه صدر موقف مني أنا وصدر من شخص ثاني ونفسه بالضبط
في حقج .. ممكن مني أنا تنجرحين أكثر من الشخص الثاني ( وهنيه لأسباب شخصية تعود لج ) ..
المزوحي
16-05-06 ||, 03:25 PM
خنفروش المشكلة إنه صوتي مب غاوي ويمكن جيه أطينها ... بالمسج أحسن ...
أمواج
16-05-06 ||, 03:38 PM
همم قلبج كبير ..
.
.
قــلبي كبيــر . .؟!!
يــاليت والله . .
عــلى فكــره يا المزوحي . انا الاعتـذار عندي شي كبيــر و بصعــوبه تطلع منــي كــلمة " آسفــه " حتى لو كــنت غــلطانه . .
في ردي اللي فــوق كتبت لك إنه لازم تعتــذر كذا مره عشـان ترجع الطرف الثاني لك . . وهذا هو الصــح . . وأنا كتبت هالكــلام عشان أقتنع فيه أنــا بعد . . بالعنــاد بتكبـر الســالفـة . . مثـل ما أعـاند أنا و اطيح في مشــاكل أكبــر . . . فالواحد أقــل شي ممكن يســويه إنه يعتذر . .
.
.
:bye2:
المزوحي
16-05-06 ||, 03:43 PM
أمواج .. مافيها شي اللي يعتــذر .. وكلامج صحيح