مشاهدة النسخة كاملة : هل تتزوجين (تتزوج)واحد(وحده) امه غير مواطنه ؟؟؟؟
عهد الوداع
14-05-06 ||, 04:37 PM
السلام عليكم والرحمه .. ..
عفوا اذا كان الموضوع ممكن يجرح البعض .. ولكن انا احتاج اعرف اراء الاعضاء في قضيه كانت احدى الاسباب في العنوسه اللي يعانونها بعض البنات ... واحباط الكثير من الشباب ...
انا اشوف انه في مجتمعنا مثلا اللي امه غير مواطنه ماياخذ الا وحده امها كذلك غير مواطنه .. هذا على الاغلب ... هذي القضيه وايد اشوفها جدامي في كثير من البيوت .. يهدمووون سعاده البنت اذا ياها واحد عيبه الوحيد انه امه غير مواطنه ... او البنت تعنس لانه امها غير مواطنه ..
اخواني الاعضاء ... رايكم في الموضوع ؟؟؟:yes:
المزوحي
14-05-06 ||, 05:15 PM
هممم ..
المشكلة في المشكلة ..
مثلا فلان والدته ( هندية ) والعائلة طيبه .. ناس محترمين .. الأب له سمعه .. يوم يتقدم الشاب يرفضونه .. لأنه أمه هنديه ... والعكس .. لو كانت البنت أمها هندية .. والولد يبغي يخطبها ويحس إنه هالبنت تكون زوجته .. هله يحلفون عليه إنه بيقطعونه لو فكر إنه يخطبها .. ويوم يسأل سبب الرفض يقولون اخطب اي وحده إلا هاااي .. زين شو السالفة فيها شي البنت .. لا .. أمها هندية ..
ياناس ياعالم خلنا نكون أرقى من جيه .. هذا مثال ... والشاب اللي تزوج فلبينية .. مغربية .. مصرية
وحتى الحين يتزوجون من الصين وروسيا ... باجر تشوفون عيالهم أمهاتهم أجانب ...
وتكون نظرة المجتمع ... أوووه لاااا ..
اللي عيبني في واحد من الربع اعترف إنه أمه هندية وهل هالشي يباله اعتراف ؟؟
ولكن ليش يتهرب من واقع يعيشه ...
السؤال هل تتزوج ... وجوابي ليش لا ...
ريم العين
14-05-06 ||, 05:32 PM
انا بالسنبه لي شي عادي اعرس واحد امه هنديه او غير مواطنه لاهو حرام ولا مكروه^__^
في من ربيعاتي امهم هنديه بس اعتبرهم شرات الكل ^__^ حتى لو تضاربنا ما بروح بقولها يا بنت الهنديه
في بنات يوم يضاربون يسبون ويقولون ويجرحون البنات فالاخير يتسامحو بس البنت فيها قلب وبتاخذ فخااطرها >>> استوت ويا ربيعاتي والاداره قالت انا السبب ههه
ادري خرجت عن الموضوع شوي ^__^
ترا كلن له قلب ويحس ^__^
بهجة الروح
14-05-06 ||, 05:35 PM
" عهــد الوداع "
تسلمين على هالموضوع،،
وســواء كانت الأم مواطنه ولا غير مواطنه ترا كلنـــا بشر،،
وحلاته اذا كان في عرق من برع في المواطنه ولا المواطن يعطيه نوع من التميز :ice: جني وايد تفلسفت بس قصدي انه مافيها شي لو واحد خذ وحده امها غير مواطنه ولا وحده خذت واحد امه غير مواطنه هي بتتزوجه هو ولا امه :bow:
وبالنهايه ليش نوجد المشاكل والحزازيات من اشياء ما تسوى
وبالنسبه لي عادي لو اخذ واحد امه فرنسيه حتى brgll:
أسيرة الصمت
14-05-06 ||, 05:54 PM
السلام عليكم
الولد سواءا كان امه مب مواطنه او غيره .. اهم شي الدين والأخلاق ..
يعني لو هومحافظ على دينه وصلاته واخلاقه .. شو المانع؟؟!!!!
وفي شباب امهاتهم مب مواطنات .. بس ماشاء الله عليهم .. بكل شي لهم انجازات .. وفي مواقف يكونون افضل من الشباب اللي امهاتهم مواطنات ..
يعني السالفة مب سالفة الام مواطنة او لا ..
اهم شي الريال شو صفاته ..؟؟!!
الريال بشخصيته مب بامه ولا بابوه
الريال بذاته..
الريال بكياته ..
واحنا بعصر ما ياخذ بمقادير الام شوو او الاب شوو .. اهم شي شو مكانة هالريال بهالمجتمع !!
هذا رايي
والسموحة
عهد الوداع
14-05-06 ||, 06:20 PM
اخوي بوزايد انت تقول جي بس والله الاكثريه يرفضون هالشي ما ادري ليش ...
ومشكور على المشاركه الحلوه ..
والله يسلمك ...
عهد الوداع
14-05-06 ||, 06:23 PM
اخوي المزوحي كلامك صح 100% وكبر مثال اعطيكم انه اربيعتي اتقدم الها واحد وامه هنديه وطبعا الاهل رفضوااااااااااا واخر شي طلع اخوها انه مزوج صينيه بعد ...
والله استغرب ليش؟!
ونفس ما قلت هالشي اصلا ما يبالع اعتراف ..ليش هم مسوين جريمه ...
ومشكور على المشاركه الحلوه ...
أمواج
14-05-06 ||, 06:23 PM
:mar7aba:
.
.
وعليــكم الســلام والرحمــة . . .
اممم بيني وبين هالمواضيــع حســاسية . . . اممم . . . انا عن نفســي لو تقدم لي ريــال وأمه مش مواطنــه وأقصد بالـ مب مواطــنه ( مب من دول الخــليج ) إحتمــال الموافقــه عليـه *15%* أو يمكــن أقل بعــد . . . يمــكن يكـون الريــال مافيــه شي وأخلاق وجيــه . . بس الخـلل فيني أنا . . . انا ماتستهـويني هالزيــجات . . .
أحس في شي غلــط . . . إنه تــكون إمه مب خليـجيه . . صح الريــال ماله ذنــب إنه إمه جيـه . . . بس الواحد لازم يحــاسب بعد . . . يقــولون العرج دســاس وأنا مابغي عقب أندم على زواجي من هالريــال . . .
فالافضــل أكــون بعيــده عنــهم . . .
ورايي مجرد راي . .
وإختلاف الراي لايفسد للود قضيــة
.
.
تســلمين عزيزتي على هذا الطرح
وموفقــة
.
.
:bye2:
عهد الوداع
14-05-06 ||, 06:25 PM
اختي ريم العين والله انا بعد اقول نفس كلامج ما فيها شي اصلا هي شو ذنبها يعني كلنا من طينه وحده ...بس الناس ما ادري ليش يفكرون هالتفكير ولا بعد اونهم مظاهر ..جي الحين المظاهر خلوها حق الاصل بعد ..
ومشكوره حبيبتي على المشاركه الحلوه ...
عهد الوداع
14-05-06 ||, 06:28 PM
" عهــد الوداع "
تسلمين على هالموضوع،،
وســواء كانت الأم مواطنه ولا غير مواطنه ترا كلنـــا بشر،،
وحلاته اذا كان في عرق من برع في المواطنه ولا المواطن يعطيه نوع من التميز :ice: جني وايد تفلسفت بس قصدي انه مافيها شي لو واحد خذ وحده امها غير مواطنه ولا وحده خذت واحد امه غير مواطنه هي بتتزوجه هو ولا امه :bow:
وبالنهايه ليش نوجد المشاكل والحزازيات من اشياء ما تسوى
وبالنسبه لي عادي لو اخذ واحد امه فرنسيه حتى brgll:
اختي بهجة الروح ,,,بس في ناس وايد يحبون التمييز ..هاي مواطنه ولاهاي هنديه واسمعي عاد انتي اخر التعليقات اذا طلعت امه هنديه او شي ثاني ...:doh:
والله يسلمج اختي ومشكوره على المشاركه الحلوه .,,,
عهد الوداع
14-05-06 ||, 06:33 PM
هلا والله اختي اسيرة الصمت ما شاء الله عليج جوابج حلو ..بس الاغلبيه اختي ما يفكرون هالتفكير وخصوصا في مجتمعنا ...
عاد لازم تكون امها ولا امه مواطنه عشان ما يتفشل جدام الناس ..!! وليش يتفشل ما دري ..حتى لو عاداتهم غير عنا ..اهم شي هي انسانه مثلنا مسلمه ..ما فيها عيب ...
عهد الوداع
14-05-06 ||, 06:39 PM
:mar7aba:
.
.
وعليــكم الســلام والرحمــة . . .
اممم بيني وبين هالمواضيــع حســاسية . . . اممم . . . انا عن نفســي لو تقدم لي ريــال وأمه مش مواطنــه وأقصد بالـ مب مواطــنه ( مب من دول الخــليج ) إحتمــال الموافقــه عليـه *15%* أو يمكــن أقل بعــد . . . يمــكن يكـون الريــال مافيــه شي وأخلاق وجيــه . . بس الخـلل فيني أنا . . . انا ماتستهـويني هالزيــجات . . .
أحس في شي غلــط . . . إنه تــكون إمه مب خليـجيه . . صح الريــال ماله ذنــب إنه إمه جيـه . . . بس الواحد لازم يحــاسب بعد . . . يقــولون العرج دســاس وأنا مابغي عقب أندم على زواجي من هالريــال . . .
فالافضــل أكــون بعيــده عنــهم . . .
ورايي مجرد راي . .
وإختلاف الراي لايفسد للود قضيــة
.
.
تســلمين عزيزتي على هذا الطرح
وموفقــة
.
.
:bye2:
هلا اختي امواج ...وعلى قولتج العرج دساس ...انتي يمكن تقصدين من ناحية العادات ..اذا عيالج مثلا بيتربون عندج وعلى عاداتج انتي وثقافتج وتقدرين تربينهم على عاداتج انتي مب عادات امه ..وبعدين المسلمين عاداتهم ما تختلف الا اذا كانت مب مسلمه ها شي ثاني وما اعتقد اي وحده بترضى تاخذ واحد امه غير مسلمه ...
:yes:
ومشكوره حبيبتي على رايج ...والناس ارااااااااء
والله يسلمج ..
أمواج
14-05-06 ||, 06:43 PM
:mar7aba:
.
أختي عهد الوداع
انا ماقصد العادات .
إن كان الموضووع على العادات ترا مقدوور عليـه . . .
بس اللي أقصــده * الشكــل *
العرج دســاس . . تخيلي ويااي أول ياهل عادي شكــله و الثاني عادي و الثــالث عاد مخـالف عن خوانه . . طالع على يدته ( أم أبووه ) وعاد الله يعــلم بالمــلامح . .
انا مابغي عيالي يتعقدوون p:
.
.
:bye2:
ألم ترى
14-05-06 ||, 06:47 PM
بسم الله الرحمن الرحيم ..
واحد منى احس هالشيء عادي ومايخصه اصلآ اذا الأم مش مواطنه ..
اعرف واحد امه هندية وهو متزوج من الأسره الحاكمه ! ..
شكرآ ع الطرح وعذرآ لـ ردي المتواضع ..
عهد الوداع
14-05-06 ||, 06:49 PM
ههههههههههههههه فديتج والله تحاتيين عيالج ...
انزين عادي واحد يطلع غير عنهم اسبيشل ...وبعدين احلى كل واحد غير عن الثاني .,..كوكتيل ...((الصراحه مب شرط يطلع واحد غير بالنادر ما يطلع واحد غير عن اخوانه عاد موووووووليه ما يشبهم ها الي اقصده ..))
تسلمين اختي امواج على المشاركه ...
عهد الوداع
14-05-06 ||, 06:50 PM
العفواخوي محب الشيخين ...
ومشكور على المشاركه ...
بالنسبه لي اذا امه عربية وتتكلم عربي خلاص مو مهم مصرية سوريه الي هو بس انها عربيه
اكيييييييييييد ماراح يكون عندي مانع ولا عندي هلي:waa:
بس اذا امه من اصل غير عربي مثل فلبنيه او هندية برفض وكذلك هلي
,لانه صعب اتفاهم معها وجية :no0:
مع احترامي لكل الجنسات:bye2:
دانة حتا
15-05-06 ||, 10:58 AM
حلو الموضوع
وانا عندي بعد عاادي انا بتزوج الرياال والا امه؟؟؟
الواحد ينظر للاخلاق والشخصية مب لامه وابوه
وبس..
ولد الحكومة
15-05-06 ||, 11:55 AM
وعليكم السلام ورحمة الله وبركاااته
... الصراحه االموضوع وايد مهم .. وحاصل في واقعنا الحالي
والله انا عن نفسي أفضل ان اتكووون الأم مواطنه !!
والسمووحه :nono:
لمّــاح
15-05-06 ||, 01:55 PM
السلام عليكم ..
انا عن نفسي افضل ان الام تكون مواطنه ..
اختلاف جنسية الام مب معناته عدم صلاح البنت ، بالعكس يمكن بنتها تكون احسن عن وايد غيرها من بنات المواطنات .. لكن انا شخصيا هذا رايي ..
يمكن تصير مشاكل، مثلا الام تحن لبلادها و ترجع .. أو مثلا الابو يموت و الام ترد بلادها .. ف بتكون البنت مشتته و دايما بتحن لأمها و بتزورها في بلادها .. هذا من ناحية و من ناحية اخرى اهل البنت خوالها بيكونون اجانب و احس هالشي بيأثر بشكل سلبي على تربية الاولاد ..
وايد اسباب .. يمكن تكون هناك اسباب مقنعه و غير مقنعه لكم لكن في النهاية هذا مجرد رأيي الشخصي :)
السموحه و مشكورين عالموضوع ..
ريم العين
15-05-06 ||, 02:14 PM
لماح مب كل اللي امهاتهم اجنبيات اوهنديات يعني اولاد خوالهم اجنبيات او غير مواطنات اعرف ناس امهم هنديه بس اكتشفت انه
خالاتهم ماخذات امارتيين بس خوالهم ما عرف عنهم استحي اسالهم لانه بينقص من قيمتهم ^__^
قرموشة
15-05-06 ||, 02:18 PM
مــع احــترامــي لجمــيع الجنــسيات ..
حــتى لو أنــا رضيت .. ما أعتقــد أهــلي بيرضــون ..
مب من شي .. بس مثل ما قالت أمــواج .. " العرج دساس " ...
والسموحــه ..
لمّــاح
15-05-06 ||, 03:31 PM
اختي ريم العين ..
انا تكلمت بشكل عام، و طبعا هناك وايد تفاصيل و أمثلة من هالأمثلة مثل ماتفظلتي :)
مثال آخر، وايد انشوف و انعرف ناس مثلا امهاتهم من الفلبين أو اندونيسيا او الصين ولا اليابان ( شي من هالدول ) .. ف الولد أو البنت ياخذون نسبة كبيرة من شكل الام و خصوصا شكل العيون .. و هالشي بيأثر على اولادي اذا امهم كانت بهالشكل ..
هذا من جهة، من جهة ثانية ..
الناس مب مثل بعض، عندج المحترم و عندج الي لسانه متبري منه و مايحشم حد .. انا ادري ان مثل مافي ناس يحطون على خلقة الله و على الانسان نفسه ( يقوله ياولد الهنديه او الفلبينيه ) يمكن ايي يوم و ولدي يطيح في هالموقف و يعيبون عليه الخلق ..
صح ان هو ماسوا شي غلط و عيب ،، لكن الواحد يتجنب قد مايقدر كلام الناس .. و لاتنسين، حتى لو رام يتجنب كلام الناس بيتم حاز في خاطره هالشي و يمكن يتعقد !!
هاذي كلها مجرد احتمالات وارده و في نفس الوقت يمكن ماتستوي .. الواحد يحط كل الايجابيات و السلبيات عشان يكون في السليم ..
أمواج
15-05-06 ||, 04:00 PM
:mar7aba:
.
.
لمــّّــاح
أول مره اتفق ويااك في شي
:fa34: .. :fa34:
.
:bye2:
عهد الوداع
15-05-06 ||, 04:32 PM
بالنسبه لي اذا امه عربية وتتكلم عربي خلاص مو مهم مصرية سوريه الي هو بس انها عربيه
اكيييييييييييد ماراح يكون عندي مانع ولا عندي هلي:waa:
بس اذا امه من اصل غير عربي مثل فلبنيه او هندية برفض وكذلك هلي
,لانه صعب اتفاهم معها وجية :no0:
مع احترامي لكل الجنسات:bye2:
هلا والله اختي وعد ,,,حبيت اقولج حتى الهنديه عادي تتكلم عربي لانها اكيد بتكون عايشه فتره طويله في الامارات ...
ومشكوره على المشاركه الحلوه ...
عهد الوداع
15-05-06 ||, 04:35 PM
صح السانج اختي دانه حتا ...
ومشكوره على المشاركه الحلوه ...
عهد الوداع
15-05-06 ||, 04:38 PM
وعليكم السلام ورحمة الله وبركاااته
... الصراحه االموضوع وايد مهم .. وحاصل في واقعنا الحالي
والله انا عن نفسي أفضل ان اتكووون الأم مواطنه !!
والسمووحه :nono:
اخوي ولد الحكومه انزين ليش شو الاسباب الي تخليك ترفض هالشي هل من اصلها ولا عادتها ...؟؟
عهد الوداع
15-05-06 ||, 04:50 PM
ذ
السلام عليكم ..
انا عن نفسي افضل ان الام تكون مواطنه ..
اختلاف جنسية الام مب معناته عدم صلاح البنت ، بالعكس يمكن بنتها تكون احسن عن وايد غيرها من بنات المواطنات .. لكن انا شخصيا هذا رايي ..
يمكن تصير مشاكل، مثلا الام تحن لبلادها و ترجع .. أو مثلا الابو يموت و الام ترد بلادها .. ف بتكون البنت مشتته و دايما بتحن لأمها و بتزورها في بلادها .. هذا من ناحية و من ناحية اخرى اهل البنت خوالها بيكونون اجانب و احس هالشي بيأثر بشكل سلبي على تربية الاولاد ..
وايد اسباب .. يمكن تكون هناك اسباب مقنعه و غير مقنعه لكم لكن في النهاية هذا مجرد رأيي الشخصي :)
السموحه و مشكورين عالموضوع ..
مب شرط اخوي لماح في وايد ناس عايشين بدون مشاكل بس غالبا ما تكون مشاكل مب بينهم هو صح كلامك بس مب شرط يكون هالسبب يعني ..
وايد بنات معنسين والسبب اصل الام ...اوكي ليش البنت شو ذنبها يمكن هي واعيه ومتعلمه وما يخصها باصل امها عادي ما فيها شي ...:yes:
والعفو ...
وتسلم على المشاركه ,,,
عهد الوداع
15-05-06 ||, 04:54 PM
مــع احــترامــي لجمــيع الجنــسيات ..
حــتى لو أنــا رضيت .. ما أعتقــد أهــلي بيرضــون ..
مب من شي .. بس مثل ما قالت أمــواج .. " العرج دساس " ...
والسموحــه ..
في وايد اهالي ما يرضون ومن بنيهم اهلي ...عشان جي حبيت اطرح هالموضوع :doh:
نفس ما قلتي يقولون العرج دساس ...:no0: ,,,,احس ما فيها شي عادي ,,,
ومشكوره اختي قرموشه على المشاركه الحلوه ومسموحه ...:yes:
ولد الحكومة
16-05-06 ||, 01:39 PM
اخوي ولد الحكومه انزين ليش شو الاسباب الي تخليك ترفض هالشي هل من اصلها ولا عادتها ...؟؟
الصراحه عدنااا عادات وتقاليد تمنعنا من هالشيء ؟؟؟ يعني انا لو اقووول حق الوالده انهااا تخطبلي وحدة اكييد بدور على وحده امهااا وابوهااا مواطنيين.
عهد الوداع
16-05-06 ||, 04:09 PM
صح انزين في ناس يمشون ورا العادات والتقاليد ...
تسلم اخوي على المشاركه ...
شمعة أمل
16-05-06 ||, 09:30 PM
عــادي ^_^
عهد الوداع
16-05-06 ||, 09:52 PM
موضوع حساس بعض الشي ..والحقيقة ان الانسان عند اختياره للزوجة لازم يفكر
في الانسانة الصالحة وصاحبة الاخلاق الرفيعة والسمعة الطيبة الاصل الطيب ..
فهذه الامور هي الأهم والرسول عليه الصلاة والسلام يوصينا بقوله
(فأظفر بذات الدين تربت يداك ) ..
لكن الملاحظ ان أبناء وبنات غير المواطنات يتزوجون غالباً من نفس جنسية الام ..
وعن نفسي مستعد اتزوج وحدة أمها مب مواطنة:negab: بس على شرط موافقة أم مها خخخخخخ:fa35:
عهد الوداع واللقاء ..لك خالص التقدير على الطرح المهم ..:mar7aba:
وابوووك يا الابو الحين بخبر ام مها ...brgll:
صح السانك اخوي الفارس والله كلامك في محله الصراحه والله يعيطك العافيه ...:yes:
عهد الوداع
16-05-06 ||, 09:53 PM
مشكوره الغاليه شمعة امل على المشاركه ...