أفلام شاهدتها... [الأرشيف] - -:: واحات بن دبي ::-

لمّــاح

09-05-06 ||, 11:54 PM

مرحبا ..

Scary movie 4 (( حلو و غبي في نفس الوقت ))

Inside man .. من احسن الافلام الي شفتها، اذكيا الي في الفلم ..

FINAL DESTINATION 3 .. حلو بعد

WHEN A STRANGER CALLS .. يمدحونه لكن ماشفته بس اتوقع حلو من دعايته ..

MI3 .. من سلسلة مشن امبوسبل .. حلو ، صح خريط بزياده لكن يتم حلو ..

Mr. and Mrs. Smith .. اتعرفينه اكيد ..

و بما انج اتنزلين من النت، شي وايد مسلسلات حلوة ..

prision break ، أحلى مسلسل عندي .. تشويق + دراما + اكشن .. عن واحد يدش السجن عشان يساعد اخوه و يشرده من السجن .. واااايد حلو ..

Lost ، ثـــاني احلى مسلسل عندي .. عن طيارة طاحت في جزيرة مجهولة و تبتدي الاحداث هناك ..

Joey .. جوي تريبياااااني، وايد يعيبني هالمسلسل كوميدي و عجيب .. نفس فكرة فرندز و ممثل واحد من فرندز يمثل فيه ..

The O.C .. مسلسل جديييم لين الحين يعرضونه و ينزلون حلقات يديده منه، امم دراما على حياة اجتماعية .. قصص شبابيه يعني .. حلو بعد و اتابعه

Lasvegas .. زوين، مشكلته الوحيدة ان في الحلقات الي عقب كل الاحداث نفسها تتكرر لكن بسيناريوهات مختلفه .. ف استوى ممل ..

و عندج واحد اسمه Russel Peters .. هذا برنامج يضهر فيه هالريال عبارة عن Comedy Show .. نفس هالبرنامج:
original kings of comedy - steve harvey

هذا الي عندي الحين .. و ان شاءالله اذا حصلت شي حلو بعد بخبرج :)

السموحه ..

خيال الحب

10-05-06 ||, 12:02 AM

Mr. and Mrs. Smith .. اتعرفينه اكيد ..

هالفللللللللم مافي مثله

الصرااااااااحه شي عجييييييييييييييييييييب

طير الحب

10-05-06 ||, 12:09 AM

لماح في مسلسل خاطري أشوفه اسمه بالعربي ربات بيوت يائسات سمعت عنه...

لمّــاح

10-05-06 ||, 12:19 AM

دورت عليه في النت، ممثلة امريكية اتمثل فيه ؟؟ !

عالعموم انا ماجد سمعت عنه، و اصلا ما اتابع مسلسلات عربية، بس في رمضان و مب كل المسلسلات حتى .. مادري ليش احس كل المسلسلات العربية نفس الشي .. الاخو يتعاطى و الابو امطلق حرمته و البنت اتحب و ولدهم الصغير جالب الدنيا ..

طير الحب

10-05-06 ||, 01:02 AM

لا مسلسل أجنبي مب عربي بس ابا ترجمته...وبعد في مسلسل sex in the city مال ساره جيسكار باركر يمكن مسوي ضجه عاد الفضول نزلت كم حلقه

شوق القلوب

10-05-06 ||, 01:22 AM

السلام عليكم..

أم عبااادي.. من اي برنامج اتنزلينهم؟؟

طير الحب

10-05-06 ||, 01:33 AM

شوق القلوب

limewire

هذا ريلي معلمني عليه وكنا انزل من برنامج ثاني بس صار مب فري اذا عندج برنامج احسن خبريني لانه هذا الافلام اليديدة ما القاها دوووم

ولد الحكومة

10-05-06 ||, 12:51 PM

مرحباااا

1. عندج هالفليم وايد حلووو واسمه COLLATERAL بطولة توووم كروووز TOM CRUISE

2. عندج فليم عربي وااايد حلووو واسمه حرب إيطاليا بطولة أحمد السقا http://www.megaupload.com/il/?d=0HMQVTWO
والسمووووحه أختي :puppyeyes:

انامل

20-05-06 ||, 08:11 PM

king kong
i guess all of you have seen that movie
its nice with the speacial effects
all the co stars acted very well
speacially the actor and the actess

The jacket
i watched that movie coz some one advised me
and it was really fantastic plot and story too

Red Eye
again nice story thriller
both of lead actor acted very well

mm
if u like indian movie there is new release called
fanaa
i have seen some clips of it
i guess its nice romantic movie and the coming back for the Aamir Khan with Kajool i hope u know them

also there is anew movie seems good too
called
Davinchi code
it will be released soon

am a good fan for english movie and it is anice way to read about films
thanks love bird
may god bless your married life

yours
Anaamil

لمّــاح

21-05-06 ||, 12:11 AM

خيال الروح

21-05-06 ||, 12:36 AM

شو لينـك المـوقع الى تنزلـون منـه المسلسلات
؟؟

:14:

:

صريح

21-05-06 ||, 01:04 AM

http://www.mininova.org

هالموقع بتلقـون فيه كـــل المسلسلات الامريكيه اللي تبغونهــا ...

http://www.torrentspy.com

و هالموقع تقدرون تنزلون منه افلام و مسلسلات و العاب و برامج ...

و هالموقعين يحتاجون هالبرنامج Bitcomet او اي برنامج لـفايلات الــ torrent ..

http://www.easynews.com

و هذا بعد موقع تقدرون تنزلون منه كل شي .. افلام و مسلسلات و اغاني عن طريق الــ Direct Download
يعني الــ Download وايد سريع اذا عنكم شامل بـس الموقع بفلوس ..

و السمـوحـه

خيال الروح

21-05-06 ||, 12:47 PM

مشـكور أخـوي صـريـح على الموقـع ,,

:

شمعة أمل

21-05-06 ||, 03:07 PM

مرحبا ..

اختي طير الحب .. انا غرشوب امسات قال لي عن مسلسل اسمه Desperate house wives و شفت اول حلقة منه اليوم .. شكله حلو و بتابعه ..
اتوقع هو نفسه الي تطرينه انتي .. حلو شكله ..

اختي انامل ..

اليوم واحد يكلمني قال لي بيمنعون هالفلم ( اذا ما خاب ضني لأني احيد الاسم فيه دافنشي ) .. فيه اشيا غلط عن سيدنا عيسى و تشويه لصورة الاسلام و اونه سيدنى عيسى عرس ... الخ استغفر الله .. !
اذا الاشيا الي كتبتها فوق ماتنطبق على الفلم الي كتبتيه .. ها يعني اني متلخبط و اتكلم عن فلم ثاني .. !

مابيمنعونه في الامارات .. بس في دول منعته

افلام ثانيه
just friends
cheaper by the dozen 2
MI3
are we there yet?

هالمسلسلات .. تسوين داونلود لمسلسلات احلى عن افلام .. بس يقولون يوم تسون داونلود من النت يخرب الكمبيوتر ..

GREY's ANATOMY< AMZINGGGGGGGGGGGGG
ONE TREE HILL< RAW3AAA
THE OC< season 1 7lo season 2 a333333
desperate house wives < 3abee6
CSI < cool
LAS VAGAS< 7lo

قرموشة

21-05-06 ||, 04:22 PM

cheaper by the dozen 2

هـ الفلم شفـته .. فنان .. عائلي ..

+ فلم .. she is the man >> فضييييع خباااااااال .. عــن وحده تسوي عمرها ولد .. وتسير مدرسه أخوهـا التوم .. فن × فن .. ما أدري جان نزل عدنــا في السينمــا ..

لمّــاح

21-05-06 ||, 05:55 PM

هلا اختي شمعة أمل ..

دافنشي كود .. انا على حسب ماسمعته من الشخص المسؤول عن الرقابة و تقطيع الافلام ان الفلم هذا فيه وايد اشيا غلط و تشويه لسيدنا عيسى و الإسلام ..
مثلا ، بعض اللوحات الفنية الي في طلعت في الفلم فيها رموز تثير حفيظة المسيحين ..
وشي اغلاط في سردهم لحياة سيدنى عيسى ..
و الفلم صارت عليه مشاكل في الفاتيكان ..
و على حد علمي القرار الي تخذوه عندنا في الرقابة هو منع الفلم .. لين الحين ما قال لي اذا غيرو قرارهم .. آخر شي قال لي اياه هو انهم منعوه ..

و شي فلم بعد منعوه ماحيد اسمه .. يتكلم عن يهوديين اتحولو لنازيين و معروف ان النازيين ضد اليهود في كل شي و تكلمو عن المحرقة ... الخ !! و الممثل الي مثل فيه مشهور لكن ماحيد اسمه مثل في فلم نزل في السينما عندنا .. اسم الفلم فيه كلمة " Note " لكن ماحيد شو الاسم كامل .. بسأل و برد عليج ..

شمعة أمل

21-05-06 ||, 07:26 PM

غريبه لاني احيد قاريه في الجريده انه بينزلونه عندنا :s

بس اذا منعو هذا ليش مامنعو passion of the christ??

لمّــاح

22-05-06 ||, 12:31 AM

والله ياختيه ماعرف ..

لكن على كلام الريال قال لي وايد مشاكل صارت و الفاتيكان محتجين و من هالرمسة ..

و على فكرة .. ترا شي كتاب بعد مب بس فلم .. !

شمعة أمل

22-05-06 ||, 02:37 PM

بصراحه انا اجوف انه المفروض يعرضون الفلم .. لانه يوم نزلو الكتاب محد سوا فوضى كلحد تم يمدحه .. بس يوم نزل الفلم فجأه بدت الفوضى .. مثل مايراقبون الافلام المفروض يراقبون الكتب

لمّــاح

22-05-06 ||, 05:09 PM

هلا ..

اليوم كنت اقرا جريدة ال seven days و كانت هناك مقالة كاتبين فيها عن هالفلم انه فيه مغالطات و اشيا غلط عن سيرة سيدنا عيسى و انه عرس و عنده ولد و وايد اشيا ثانية ..

لكن كتبو في نهاية المقالة انهم بيعرضون الفلم تاريخ 31 .. !

و إيرادات الفلم ( في امريكا ) كانت اكثر عن ايرادات فلم Mission imposible 3 في أول اسبوع ..

بتأكد بعد مره من الريال يمكن غيرو رايهم ..

انامل

22-05-06 ||, 10:13 PM

لماح
وينك يا اخ العرب:kcl: اشتقنا تواجدكم وابداعك اخي
بصراحة
انا احب تمثيل توم هانكس
من قريب كنت اتصفح النت
فشفت لقطات من الفيلم
وفي التلفزون مسوي ضجة
من الاعلانات وغيره
صحيح انه يمس ما تفضلت به
وان منع
بيسون مثل الفيلم
passion of the christ
وبعدين بيعرضونه
اذا لم يمنع وانعرض في البلاد فواجب منا كمسلمين نميز الحق من الباطل
على فكره
الفيلم اصلا مأخوذ عن كتاب
واعتذر عن الغلطة المطبعيه في اسم الفيلم
كل الشكر اخي

لمّــاح

23-05-06 ||, 12:15 AM

أنــــامــل .. :fa35:

موجودين .. انتي الي مختفيه مالج شوف :kcl:

بخصوص الفلم .. نسيت اسأل اربيعي .. ضاري اشوفه كل يوم لكن اليوم ماشفت حد كانت عندي أشــغال ثانية ..

والله ماعرف اذا غيرو رايهم .. باجر الصبح اكيد بشوفه فبسأله و برد عليكم خبر .. و مثل ماتفظلتي، شي كتاب بعد ..

و احيد نزلو فلم قبل فترة بعد عن سيدنى عيسى .. لكن ماكانت فيه اشيا غلط كثر هذا فما شفنا نفس هالضجة الي مستويه الحين ..

ولد الحكومة

23-05-06 ||, 10:13 AM

طير الحب

23-05-06 ||, 06:24 PM

لماح: هي يا اخوي هو نفسه وايد حلو شكلي بشتريه مترجم...انت من وين يبته...؟

طير الحب

23-05-06 ||, 06:34 PM

خيال الحب...مب وايد احب أفلام الأكشن شفت لقطات من هالفيلم بس ما حبيته وايد...أحب أفلام جاك شان والممثلين الأمريكان السمر أحب تمثيل الخوال في الكوميدي والأكشن

شمعة امل ...ممكن تكتبين summary عن المسلسلات التي ذكرتيها...؟

لمّــاح

23-05-06 ||, 11:43 PM

شمــعة أمــل ..

كلمت الريال اليوم و قال لي يتهم توصية بعدم منع الفلم ..

خصوصا و انه قد تم عرضه في امريكا (يعني مامنعوه في الدول المسيحية) و إيرادات أول اسبوع من عرضه وصلت لل 77 مليون دولار !!
يعني اكثر حتى عن إيرادات فلم Mission imposible الي كانت 48 مليون دولار .. !!

المشكلة كانت في الفاتيكان لأنهم احتجوا و وجهو انتقادات ..

قــايد الريم ..

ما اتوقع انه يهودي .. بس اتوقع ان منتج الفلم الي نتكلم عنه يهودي ( او فيه شركاء يهود ) ..
و الممثل هذا مشهور و فاز بجائزة الاوسكار ..

طيـــر الحــب ..

مم مادري اذا يبيعون مترجم .. انا عن عمري يبته من عند واحد فلبيني ينزل افلام و مسلسلات .. اذا بغيتي بسأله من وين ينزلهن ..

طير الحب

24-05-06 ||, 01:45 AM

أوكي أساله...؟

الثعلب الرمادي

26-05-06 ||, 09:19 PM

لماح في مسلسل خاطري أشوفه اسمه بالعربي ربات بيوت يائسات سمعت عنه...

اختي اذا كنتي تقصدين المسلسل الاجنبي اللي يحمل هذا الاسم فهو يعرض على شبكة الشوتايم في الامارت لكنه مسلسل قذر هذا اذا كانوا بعض اناس يشوفونه مسلي و ما انصحج تشوفينه لانه فعلا اكثر من سيء

لمّــاح

26-05-06 ||, 11:33 PM

السلام عليكم ..

اخويه الثعلب الرمادي اسمه بالانجليزي Desperate house wives

شفت أول حلقه منه و من عقبها ماكملته لأني وايد مشغول .. مادري لكن اول حلقة كانت جيده .. يمكن اذا كملت باجي الحلقات بكتشف العكس !!

شمعة أمل

26-05-06 ||, 11:52 PM

لماح
يقولوووووون الفلم مب شي .. اتوقع حصل هالمبلغ الكبير لانه الناس سايرين يشوفونه لانه الكتاب يقولون روعه ف يتوقعون الفلم روعه .. بس الى سمعته انه يقولون الفلم dissapointing :kkk: لكن خاطري اجوفه

الثعلب الرمادي
انا جفت كمن حلقه منه هالمسلسل وits not that bad .. يمكن لاني مب متابعتنه وماجفت كل حلقه بس so far عادي ومرات احس به ممل .. بس كلحد يمدحه وايد

لمّــاح

27-05-06 ||, 12:19 AM

شمعة امل .. الفلم بينزل الاسبوع الياي .. بنحكم عليه عقب مانشوفه ..

و بخصوص المسلسلات .. امم شي مسلسلين اتوقع هم احسن ثنينه ..
prission break .. و هالمسلسل ماكان يتوقع انه يلاقي كل هذا النجاح لكن حسب مقالة قريتها في الجريدة من فتره ان فوق ال 8 ملايين شخص يتابعونه .. !

Lost .. ايضا من احسن المسلسلات و اكثرها شعبيه ..

و عندكم ال اورانج كاونتي .. The O.C .. اتعرفينه اكيد ..
احس بدا يستوي ملل مادري ليش .. !

شمعة أمل

27-05-06 ||, 09:29 AM

prison break جفت حلقتين بس على شو تايم للحين ماشتريت الدي في دي بس بنات صفي مدمنين عليه في كل فريي يشلون لابتوبهم ويجوفونه

لوست .. عندنا في البيت بس بعدي ماجفته ماعندي وقت واحس انه يزيغ=s

ذا او سي .. سيزن ون عجيب .. سيزن 2 خايس وملل

من احلى الاشيا الى جفتهم one tree hill سيزن 1 و 2 روووووووووووعه ^_^

لمّــاح

27-05-06 ||, 10:36 AM

شمعة أمل .. Prision break لازم اتشوفينه ... و الاسبوع الي فات كانت آخر حلقة في سيزن ون ..

لوست حلو .. مايزيغ تقدرين تقولين انه Adventure اكثر من ماهو رعب .. بس فيه كل شي، ضحك على مغامرات على حزن ...الخ

One tree hill ماشفته .. زين ولا ؟

صريح

27-05-06 ||, 10:51 AM

http://upload.bindubai.com/download/e7saas/mrhf_hearts.gif

انا واحد شفت كل المسلسلات تقريبا
فلا تنصدمون ههههه
:hist:

برتب المسلسلات في مجموعات و في اي Season كل مسلسل الحيـن

1 - Action / Adveture او الاكشن و المغامرة

- Prison Break خلص الــ Season الاولـى تاريخ 15 - 5 -2006 ..

- 24 في الـ Season الخـــامس ..

- Alias بعد في الـ Season الخـــامس ..

- NCIS الحيــن في الــ Season الثـالث ..

2 - Drama أو الدرامـا

- House في الــ Season الثـاني ..

- Lost انتهـى الــ Season الثـاني قبل كم يوم 24 - 5 و اول حلقه من الـ Season الثـالث بتنعرض تـاريخ 21 - 9 - 2006 ..

- Smallville في الـ Season الخـامس ..

- The O.C في الـ Season الثالث ..

- Grey's Anatomy في الـ Season الثانــي

- One Tree Hill انتهـى الــ Season الثـالث من كم اسبوع .. و اول حلقه من الـ Season الرابع بنتعرض تاريخ 1 - 9 - 2006 ..

- Numb3rs في الــ Season الثـاني ..

- Las Vegas في الـ Season الثالث ..

- Veronica Mars في الـ Season الثـاني ..

- و اخر شي فالدراما المسلسل البوليسي الاشهر في حل القضايا الجنائيه
CSI فــي الـ Season السادس ..
ملاحظه بجانب هذا المسلسل شي عدة مسلسلات لـ نفس هذا المسلسل بس الاختلاف في الاماكن
مثل CSI Miami و CSI New York و CSI Las Vegas ..

3 - Comdey او الكوميديــا

- Friends اللي مثل ما هو معروف وقفوا تصويره بانتهاء الـ Season العـاشر

- Will & Grace بعد وقفوا تصويره بانتهاء الـ Season الثامن ..

- Scrubs في الـ Season الخامس ..

- That '70s Show في الــ Season الثـامن ..

- Joey في الـ Season الثانـي ..

- Frasier وقفوا تصويره بانتهاء الــ Season الحادي عشر ..

- How I Met Your Mother مسلسل يديد و عجيب في الـ Season الاول ..

المسلسلات اللي بالون الاسود ممتازه
و اللي بالاحمر المسلسلات الطرر اللي لازم اتابعونهم
طبعا الناس اذواق و يمكن اللي يعيبني ما يعيبكم
:sad4:

حااس انه لماحكوو >>>> :nono: ههههه

بس تعبت من كثر ما اكتب
:shock:

و السمــوحه
:14:

http://upload.bindubai.com/download/e7saas/mrhf_hearts.gif

لمّــاح

27-05-06 ||, 11:43 AM

صريحكو .. ماشاءالله عليك انسان فاضي ماعندك شغل ماتم مسلسل ماتابعته :harhar1:

بخصوص Joey استوا ملل !! و انا مادري اذا صح الخبر الي سمعته ولا لأ .. لكني سمعت انهم وقفوه لأنه مانجح .. تم فترة معلق على حلقة رقم 14 مادري 15 .. يمكن شهر و شي الا من اسبوعين ردو نزلو حلقتين ..

شمعة أمل

27-05-06 ||, 12:43 PM

^
صح الخبر .. وصدق حسيت به ملل>_< مع اني بس جفت يمكن حلقتين
وعن ون تريي هل واايد حلو .. عن الصداقه وكرة سله وجي

صريح
مادري كيف عيبك scrubs and fraiser حسيتبهم عبيطين وااايد
وcis اللللللللللله وايد حلووووووو عنا رف كامل في البيت واظني كل السيزنس .. من العادي ل مايمي ل نيو يورك *اظني نيو يورك بس سيزن واحد عنا*

قرييز اناتمي < عجيب

لاس فيقاس< حلووو

هاوس بعد حلو بس ما اتابعه اتابعه لاني ماعرف الساعه كم يحطونه .. بالحظ اجوفه

الغاليه

29-05-06 ||, 11:12 PM

Prison Break , Lost .. وااايد حلويـــــــــــن :yes: .. بس للاسف انهم موقفينهم مع اجازة الصيف :doh: ..

مشكوور يا صريح وماقصرت في اللسته الغاوية .. و تقسيماتك مرتبة وواضحة ..

وببتدي بالحمر عقب بالسوود

... بسويها مرجع للمسلسلات الحلوة :thumbup1: ...

الثعلب الرمادي

01-06-06 ||, 04:51 PM

Desperate house wives

How I Met Your Mother

هذي المسلسلات اللي يحبون يشوفونها الشباب:laugh:

شفت وايد افلام لكن المسلسلات احب اشوف الكوميدي منها وبس لكن ساعات احس المسلسل كريه و ممل على العموم ميزانية المعدة لاي مسسل منخفضة فالاداء تافه

انامل

01-06-06 ||, 06:37 PM

مساء المودة يا احباب
قايد الريم
والله بالنسبة ل توم هانكس انا ايضا يعجبني تمثيلة وايد
اما بالنسبة كونه يهودي بصراحة مدري لكن اتوقع ميل جبسون يهودي وهذا ايضا تمثيلة جدا يعجبني

بتصفح النت وبنزل الميلس بشوف شو من الافلام موجوده واخوي جايبها وبرد عليكم خبر
بما انه نهاية الاسبوع يمكن اسهر على فيلم :doh: brgll:
صح نسيت اقول
في مسلسل لا باس فيه اسمه
Less Than Perfect
and
The third Rock
حاصل على جوايز ايما
يبث في ام بي سي 4
كل عصر

اتمنى السعادة للجميع
لماح

ما المحك وين انت يا اخ العرب:kcl:

لمّــاح

02-06-06 ||, 02:30 AM

الثعلب الرمادي :puppyeyes:

Desperate house wives

How I Met Your Mother

هذي المسلسلات اللي يحبون يشوفونها الشباب

المسلسل الاول ماشفت منه غير الحلقة الاولى والثانيه و لين يومك ماكملته :boxed:

المسلسل الثاني ماعرف عنه شي ..

انا الي ملاحظنه ان معظم الشباب يتابعون Lost ، prision break ، las vegas ، The O.C .. و في بعض المسلسلات الثانيه لكن هاييلا الأكثر شعبية ..

----

أنامل .. :kcl:

----

و بخصوص دافنشي كود .. اليوم شفته في السينما ..

هممم بصراحه وايد حلو كان .. و اول مره اشوف زحمه بهالطريقة في السينما ..

الناس قبل العرض بإسبوع شارين التذاكر .. نحن حظنا حلو خذنا كراسي كانت محجوزة و اتكنسل حجزهم :boxed:

فيه اشيا غلط كثيره .. وايد يعني حتى المسيحيين لاحظو هالشي ..

بس عموما هو وايد حلو و عيبني ..

السموحه منكم :)

عافك الخاطر

02-06-06 ||, 04:00 AM

السلام عليكم
اممم شي وايد افلام شفتها وعيبتني .. The legend of 1900 ه1ا الفلم لا يُمل ..على كثر ما اشوفه ما امل .. لانه فلم يخاطب الاحساس مثل ما يقولون ..
و The last samurai
the downfull
american history x
و غيرهم وغيرهم ..

واليوم شفت فلم The Davinci Code
بصراحة فلم رااائع .. اعطيه تقدير ممتاز..
الفلم في الأصل هو رواية للكاتب دان بروان وهو - مسيحي- له روايات مشهورة وناجحة في الغرب
والرواية سوت ضجة كبيرة قبل الفلم لا ينزل .. في من عارض الرواية وفي منهم ايدها..
للأسف ما قريت الرواية لكن تصفحت موقع الكاتب و قريت التقارير اللي انكتبت في المجلات ..
ومن خلال اللي قريته .. الكاتب هدفه كان انه يعرض حقائق وخفايا حول حقيقة النصرانية ويكشف سر لوحة دافنشي " موناليزا" و سر دافنشي نفسه .. والغموض اللي كان يدور في لوحاته واللي شغل بال الكثير من الرسامين والخبراء.. ووايد اشياء يمكن يفهمونها المسيحيين اكثر ..
ومن نظرتي الشخصية .. الفلم صح فيه اخطاء شنيعة - بالنسبة لنا احنا كمسلمين - لكن ه1ا ما يمنع انا احنا نطلع - مجرد اطلاع بدون تاثر او ايمان باللي يُقال ويُكتب ، لان احنا والحمدلله عارفين حقيقة الامور وهاي الاخطاء اللي في الفلم يقدر اي انسان مسلم ينفيها لانها من المُسَلمات -..وع فكرة الكاتب نوه في احدى اللقاءات على قراءة الرواية قبل مشاهدة الفلم ،لانه في وايد امور ما راح يستوعبها المشاهد في الفلم الا ا1ا كان قاري الرواية ..

:boxed: وايد متاثرة ادري
وفعلاً الزحمة كانت مب طبيعية على هالفلم.. بالعادة ما اتشوفين الناس داخلة قبل الفلم ..خاصة انه اول شي دعاياات وجي..بس هالمرة:boxed: ماشي خلق الله قاعدين قبل الوقت بنص ساعة يمكن..واحنا المساكين قعدونا جدام ..

وبس خلصت :puppyeyes:

لمّــاح

02-06-06 ||, 04:25 AM

هلا اختيه عافك الخاطر ..

انا اربيعي قاري الكتاب و عيبته القصة بس مشكلته مايا ويانا اليوم عشان ناخذ رايه ..:boxed:

همم .. الفلم تكلم عن وايد اشيا خلتنا نفكر و نتسائل و نتأمل فيها ابسط مثال سالفة رسمة العشاء الاخير و الكأس .. و التابوت الي فيه مريم العذراء، تحت الهرم الزجاجي في متحف اللوفر و على فكرة انا زرت المتحف هذا و شفت الموناليزا و باجي الرسومات فيه ..
و اكتشفنا ايضا ان هناك فئة من المسيحين يلومون عمارهم على الي استوا في المسيح (( مثل بو جلابيه الي يضرب عمره في الفلم )) ..

و عن الهيكل المزعوم .. قالو في الفلم بأنه مجرد تمويه لأهداف ثانية و اصلا الهيكل ماله وجود نهائيا ..

و المنظمات الصهيونية و اهدافها .. النجمة الخماسية و نجمة اليهود السداسية ..

وعن تحريف الانجيل و خوف الفاتيكان من ان ينفضح امرهم !!

يمكن هالفلم يكون سبب في انتباه بعض المسييحيين للأخطاء الي تستوي عندهم في ديانتهم .. و مثل ماتفظلتي صح ان الفلم قصته غلط و فيه اخطاء شنيعه لكن بالمقابل الواحد حلو يوم يقرا و يتعرف على ثقافات و ديانات الغير .. عالأقل مايكون جاهل باللي يدور حواليه و يحمد الله على نعمة الاسلام .. و أيضا تكون عنده خلفيه عن الديانات الاخرى ..

ماعرف .. الفلم يخلي الواحد يفكر وايد :boxed:

وفعلاً الزحمة كانت مب طبيعية على هالفلم.. بالعادة ما اتشوفين الناس داخلة قبل الفلم ..خاصة انه اول شي دعاياات وجي..بس هالمرة ماشي خلق الله قاعدين قبل الوقت بنص ساعة يمكن..واحنا المساكين قعدونا جدام ..

لاتتخبرين عن الزحمه !!! نحن سرنا عرض الساعة 7:30 السينما اتفووور .. و اخس شي يوم طلعنا .. مهنده في كــــــــــــــــــــــــ ـــــــــــــــــــــــــ ـــــــل مكان و أقصد بكلمة "كل مكان" يعني "كل مكان" :puppyeyes: حتى يوم طلعت من السينما جيّكت في مخبايه عن لايكون حد منخش فيه :harhar1:
اضني منزلين فلم هندي عشان جيه زحمه المكان ... بس يالله يالريحة انا فيه حساسيه من هالريحة اعاطس منها .. اضني عطرهم هذا من الناريل المفوّر يسوونه :boxed:

عافك الخاطر

02-06-06 ||, 04:56 AM

هلا خيو..لماح..

صح الفلم خلاني افكر وايد .. وعشرين طعش علامة استفهام كانت اتعشعش في راسي يوم شفته:kkk: ..حتى اني ا1يت اللي وياي ..طول الدرب واحنا رادين اسالهم ..زين كيف جي...ليش جي ..؟ ها منو ..؟ وه1اك شو مشكلته ..:nono: بس ما حصلت جواب شافي منهم( افتر راسهم من الاسئلة:doh: )
وعشان جي اقتنعت بكلام الكاتب يوم قال اقروا الرواية قبل..:boxed:
بس الحمدلله يعني دورت في النت وحصلت الاجوبة ..بس مب كلها..
وه1ا المقال http://www.wedd-web.com/index.php?categoryid=12&p2_articleid=1277 يقولك السالفة من طقأ طقأ لسلام عليكو :yes:
وان شاء الله نحصل فرصة نقرا فيها الرواية..

حتى انا سرت عرض الـ 7:30 ..بس لاحظت اكثر اللي كانوا يشوفون هم الاجانب..
وهيه صح عن الهنود..استغربت الصراحة وسالت اختي اقولها اليوم مب يومهم .. باجر المفروض يتيمعون:kkk: .. شو يابهم اليوم :boxed: ما يا على بالي انه شي فلم هنديbrgll: ..
اول مرة اعرف انه العطر يسوونه من النارييل :boxed: > معلومة يديدة

شو مسحت ها :ice:

لمّــاح

02-06-06 ||, 02:50 PM

عــافك الخــاطر ..

http://puffin.creighton.edu/fapa/aikin/Web-files/criticism/all%20articles/2002%20art%20hist%20humanties%20for%20web/1LEONARDOLASTSUPPER.JPG

هالرسمة يوم كنت اشوفها قبل كنت احسبها عاديه .. لكن الحين غير :boxed:

ولا الموناليزا بعد سالفتها سالفه .. بس على فكرة هالرسمه الي يشوفها عالطبيعه لا إرادياً يوقف و يتأملها .. :puppyeyes:

http://www.robertochicco.com/italy/images/monaliza.jpg

اسالهم ..زين كيف جي...ليش جي ..؟ ها منو ..؟ وه1اك شو مشكلته .. بس ما حصلت جواب شافي منهم( افتر راسهم من الاسئلة )
وعشان جي اقتنعت بكلام الكاتب يوم قال اقروا الرواية قبل..

همممم انا حتى ... انا و اربيعي من النوع الي وايد انفكر .. اسمينا يلسنا انفكر حتى فليل يوم حدر المسن يلس يدور الرسومات و يحلل بروحه الأخ :nono:

و عن عرض الساعه 7:30 .. يوم الاربعا كانت السينما كلها محجوزه و البارحه بزور و قوة حصلنا التذاكر .. و صح كلامج معظمهم اجانب الا شويه مواطنين .. محد ضحكني غير شلة يلست جدام مررره جدام الشاشه قلت الله يعينهم هاذيلا شقايل بيتابعون الفلم :harhar1:
وايد اتأثرو المسيحين الي عدالنا .. اسميهم تخبلو !

نصيحتي للي ماشافه .. شوفوه ترا يستاهل ..

شو مسحت ها

دام انج سألتي، اكيد اتعرفين شو كتبت :harhar1:

تحفه

02-06-06 ||, 03:28 PM

اكثر الافلام الي كنت بقولها انطرت و انخبزت .. ماقصرو وياج ..

عني انا افلامي المفضله هيّ

great expectoration
sex and the city
swept from the sea
walk in the clouds
chris noth
hugh jackman
E.T
sarah jassica parker
ووايد افلام .. بكتبها برد ثاني .. مستعيله ربعي يو

تحفه

02-06-06 ||, 03:32 PM

شو في sweet november بتنفجرين من الصياح

انامل

03-06-06 ||, 05:18 PM

السلام عليكم جميعا
عساكم طيبين
ممم بس حبيت اقول معلومه واذا مش صحيحه اتمنى تصححوا لي يا جماعة الخير
الموناليزا
ولها اسم اخر
الجيوكانده
احيد مره قريت انه ليوناردو دافنشي بغيت اكتب ديكابريوةbrgll:
انه دافنشي رسمها ودخل في ملامح هذه المراه التي كان يعشقها ملامح وجهه
ويقال اذا وقفت امام هذه الصوره من اي زاويه ف بتحس انه عيونها تناظرك
وعلى فكرة حاول الكثير من الرسامين تقليد هذي الرسمة
ولكن الأصل يبقى الأصل
:doh: اممم انا اشوفها بورتريه عادي مدري شو الجذاب فيها

وين فنان الواحة المحاق المشتعل يمكن يحلل لنا بعض رموز الصورة:yes:
يبقى الفن فن اخواني
الله العالم
وبالنسبىة للفلم اللي شاهدت مقاطع منه وما تحملت اشوفه كاملا اسمة
Saw
سلسلة من الأفلام تضمنت جزئين لحد الان وحسب علمي
يتكلم عن شخصية غريبه يحتجز مجموعه من الناس في مكان ملئ بالالغاز
الخروج منه محال
والمغامرات فيه تؤدي الى الموت
اساليب لا تخطر على بال
شفت مقاطع باجبار من اخوي حسيت راسي صار بارشوت
ما اتحمل اشوف ها المناظر
نص الفيلم وانا حاطه يدي على عيوني واشوف من بين اناملي
بصراحة فيلم مثير رهيب للي يحبون الاثاره والرعب
انصحكم تشوفونه
وانبه ضعاف القلوب
ممنوع الاقتراب
لماح شفت ها الفيلم؟
:kcl:
كلي ود يا اخوان
مساكم روعه كتواجدكم

شمعة أمل

03-06-06 ||, 05:26 PM

جوفي shes the man فلم بنوتي يضحكP:

ذا دفنجي بعدي ماسرتله يمكن اسيرله اليوم بس يقولون فنان ..

لمّــاح

03-06-06 ||, 06:27 PM

الســلام عليكم اختي انامل ..

نعم الجيوكنده اسم ثاني للموناليزا .. و كل المعلومات الي قلتيها صحيحه و سامعبها لكن سالفة دمج الويهين اول مره بصراحه :puppyeyes:

و في كتاب عن تاريخ التصوير قريت مرة ان ليوناردو دافنشي في عام 1490 اعاد تجارب التصوير بإستخدام الغرفة المظلمة المسماه ب Camera Obsecura و هي عبارة عن صندوق مظلم بأحد جوانبه ثقب صـغــيـــــر ضيق يعكس النور و الضل و يسهل عملية رسم الاشخاص .. لهذا السبب كانت رسوماته من اكثر الرسومات دقة على ايامهم و رسمة الموناليزا على ما اعتقد خذ فيها شهور لين ما خلصها :nono:

وبخصوص فلم SAW امم الاسم مب غريب عليه يمكن شايفنه بس ناسي :boxed: و على ما اضن بينزلون الجزء الثاني SAW 2 مثل ما قريت في الموقع توني ..

حبوبه دبي

03-06-06 ||, 09:06 PM

يبــالنــا انشــوفه عيـــل :ice:

احـم احــم

بــس يمدحــونه الفلـم الهندي Fanna

عيبــني الفلــم :fa35:

خيال الحب

03-06-06 ||, 11:09 PM

اخوي لماااح

saw2

نزل من زماااااااااااان..

الصراحه فلم عجيـــــــب.. وكله الغازز بس يلووع الجبد من الدم الي فيه..

اانا اكثر لقطه صدق خلت شعري يوقف.. يوم طاحت البنت بحفرة كلهااا ابــــــــــر .. اففففففففففف

والابر بكل مكان بجسمهاااا وتميت تصيح وتصاررررررخ..

انصحــك تشووفه ^__* فلم على مستوي

شوف الجزء الاول والثاني

انا بانتظار الجزء الثالث
ولمحبــي الافلام الهنديـــه>>انااا مب لين هناك ويا الافلام الهنديه..

شوفو فلم كيســـنااا.. قصه حب حلووه والحااااااااااااانهم غاويه الصراحه..

هالفلم نزل الصيف الي طاف..

ووايد افلام بس ماتحضرني حاليااا

شمعة أمل

05-06-06 ||, 12:27 AM

ذا دافنجي كود
سرت جفته اليوم ويا الباباااا ورايي في الفلم
هو وايد طويل ... لكن واايد فيه الغاز وحلو ..
في نظري وايدين قالو عنه ملل لانه مايفهمون شو يالس يستوي
انا الى افهم كل كلمه يقولونها يله يله لحقت عيل الى مايفهم انجيليزي ويقرا الترجمه شو؟؟؟

وزيغني هاذاك الابيض امييييه كله ولا يوم يظرب نفسه =s والشيبه ذكرني في مس في مدرستنا O_o

صدى جوفي

08-06-06 ||, 12:58 PM

قايد الريم .. تقدر تحط لنك حرب ايطاليا مرة ثانية،،،

والسموحة ..)

طير الحب

12-06-06 ||, 03:10 PM

بوظبي...شايفتنه هالفيلم اكثر من مرة وانقهرت من النهاية

طير الحب

12-06-06 ||, 03:12 PM

shes the man ريلي شافه..واليوم الثاني قالي بنسير نشوفه بس توهقنا بعبود ...بغينا نحطه في الحضانة الي بالمووول قالوا لازم حد يتم معاه وراح علي الفيلم ومب طايع يخبرني قصته اونه ما يبا يحرق علي الحداث..:)

حبوبه دبي

14-06-06 ||, 01:16 AM

هيه والله من شكــله حلــو الفلــم .. احسبــه يضحــك :yes:

خلاااص ان شالله اتشــوفينــه جريــب قبــل لا يخلص العـرض ،،

انــا ســرت The Omen هممم يعنـــي لا بــاس بــس القصــه عيبتنــي ،، رعــب اونــه :boxed:

وشفــت تقليــد تـايتنــك 2 :harhar1: يعنــي نص نــص بـس حلــو

لمّــاح

14-06-06 ||, 01:29 AM

حبوبة دبي ..

اسميهم هالفلمين الي ذكرتيهم .. الله ياخذ ابليس شكله وايد اشتغل وتعب هاك اليوم :harhar1:

الـيـاه

14-06-06 ||, 08:18 PM

saw بارت ون و تو كله أرف
رعب بس مايزيغ مول كثر ماهو يلوع بالجبد .. مول مول مب حلوووو , لاحد يضيع وقته ويشوف

حبوبه دبي

14-06-06 ||, 11:01 PM

لمــّــاح ،،

هههههه ســوالف والله .. شــوفــوه حلـــوو تــرى .. نذااله بعينها

Saw مووول مــب شــي .. مــاشفتــه بــس قصــته اصلا مــب شـي :kkk:

لمّــاح

22-06-06 ||, 01:16 AM

desperate house wifes
بديت اشوفه .. عيبني !!

قرموشة

24-06-06 ||, 10:38 PM

امممم .. فلم the breakup

كـومــيدي.. ودرامـا .. وروومانــس .. شفت الدعايـه وحـبيت الفلــم ..
بس من شفت الفلم كـرهــته .. ما عيبنــي .. شفت منه أول ربـع ساعه .. والباقي لقطـات ..
واللي يمثلون فيه .. ( جينيفر أنيستون , وو الممثل ما اعرف شو اسمـه Vince Vaughn (http://www.imdb.com/name/nm0000681/) شي جييه )

والنـهايـه تقــهررر .. يعنـي أحـس ما له مـغزى .. BTW حسييته تراجييدي مب كوومييدي
ووووبس

لمّــاح

30-06-06 ||, 03:17 PM

مرحبا ..

فلم يديد نازل في السينما اسمه United 93 ..

http://www.grandcinemas.com/media/posters/United-93.jpg

بصراحه الفلم عيبني ، يتكلم عن احداث سبتمبر ..

بس الي ماعيبني فيه تشويه لسمعة العرب ..

بس أسميه الفلم كان عجيب .. أول ماضربوا برج التجارة في امريكا الاجانب الي يصيح و الي مندمج و نحن انصفق .. :harhar1:

يبالكم اتشوفونه ..:yes:

قرموشة

01-08-06 ||, 10:06 PM

شفـت فلــم طـوكـيو دررررفت :daleel:
أسميني تخـبـــلت .. وخـاصـه على آخـر الفللللللم يووم يظـهر فاان ديييزل هـ الممثـل أتخـبل عليييه :kcl:
كـان الفـلم * شي* وحـلو .. أنـصحكـم تشـوفـونـه
بس اللي يـتأثر بالريس ويسير يطـبق عملـي خـله يالس مكـانه واااااااايد أحـسن:harhar1:

مجموعة إنسان

01-08-06 ||, 10:16 PM

أمس شفت فلم عجيييب
بس قدييم
ذا جود فاذر( بارت 1 و 2 )
بصراااحه احلى فلم لين الحيين شايفنه
وبيطلعوونه على الشوتايم تارييخ 11
نصيييحه شوفوا الفلم وما بتندموون

بنت الدلع

02-08-06 ||, 12:00 AM

the fast & the furious tokyo drift

فلم عجيــــــــــــــب ورووعـــــه

يوم تظهر من الفلم تحس تبا تسوق شراتهم

دمعة شوق

02-08-06 ||, 06:49 PM

بنـت الـدلع

:fa43: :fa43:
اسميـنـي احتشـرت على هالفلم ابا اشـوفـه
بـس ربج ماكتـب نصـيب
؛
وخاطريه اشـوفـه
بس مااظنـيـه يعرضونه للحيـن ؛ ولأ ؟!!
:kkk:

راعي الزعـامه

02-08-06 ||, 07:19 PM

دمعه بعدهم عارضينه
والحين ابا اطالع فلم رعب منزلينه وفلم القطو جارفيلد .. صح مال يهال بس يستاهل

دمعة شوق

02-08-06 ||, 07:49 PM

عـاشــق

اممم حلـو ؛ بـس ظنـك ايتـم ليـن 18 من هالشـهــر
اممم يـومـي في دبــي
لووول

بنت الدلع

03-08-06 ||, 03:47 AM

دمعتي

يحليلج

خلاص مره ثانيه يوم بسير بشلج وياي

دمعة شوق

03-08-06 ||, 04:05 AM

لووول خلاص يوم بتسيرين مره ثانيه
خبرينيه قبل بوقت عسب ارتب عمريه والسلطات العليـا لوول

مجرد إحساس

16-08-06 ||, 11:38 PM

FINAL DESTINATION 3

house of wax

see no evel

fanaa (( هندي )) ولا اروع من الأحلام ...

وااااااااايد افلام ...

بس هذا اللي تذكرته ..

لمّــاح

12-09-06 ||, 05:11 PM

مرحبا ..

prision break .. نزلو سيسن 2 :ice:

و desperet house wifes خلصت سيسن توو .. وايد حلو و عيبني :puppyeyes:

قرموشة

12-09-06 ||, 06:50 PM

أبا أشووف فرييندز سييزن 10

ووشفت the divel wears prada
الفـلم فناااااااااان وحـلووو .. عن وحده تحـقق حلمـها وتصـل للي تبااه في مجـال الشغل لكـن في المـقاابـل تفقـد ربعــها . .. بس في النهـاايــه ترد لصـوااابهـا اونـه .. وتهـد الشغل ..
أني ويييز حبيت الفـلم .. حسيته فنان .. وخـاصـه سوااف الفاشن هاي تعيبني لوول

قــبقــوبـه

12-09-06 ||, 09:57 PM

:mar7aba:

انا بعـــددد وااييـــد حبيــت the devil wears prada
لو انـــه قصتــه هب اليييــن هنـــااك بس سوااالف الفـــاااشن تعيبنــــي :ice: ..

شفـــت فيــلم pirates of the carriabean, dead's man chest,
جونـــي ديب ضبــط الدور فهالفييييـــلم .. وااايد يعيبــني تمثيـــله
بس قهرررتنــي النهـــااايه لاني مااعـــرفت شو بيستـــويبه ولازم اتريا الجزء اليــــاااي :nono:

انصــحكم بمشـــااهدته ..
....
...
..
.
:kcl:

طير الحب

13-11-06 ||, 04:30 PM

Desperate house wives أخيرا بيحطوننه في ONE TV جان استانس

شمعة أمل

13-11-06 ||, 08:03 PM

:mar7aba:

انا بعـــددد وااييـــد حبيــت the devil wears prada
لو انـــه قصتــه هب اليييــن هنـــااك بس سوااالف الفـــاااشن تعيبنــــي :ice: ..

انصــحكم بمشـــااهدته ..
....
...
..
.
:kcl:

ديفل ويرس براداااااااا
احلى شي الثياااااااب والاكسيسوورييييييز
كانت لابسه حزام شانيل ك عقد وصدق شكلــــه روعـه:heart: انا اباااااااااا:fa46:
هي احلى شي كان عليها يوم تلبس ابيض ويا اسود:thumbup1:

الهيثــم

14-11-06 ||, 10:25 PM

Snakes on the Plane

فلم حلو وشفته قبل اسبوع وعيبني الصرااحة ..
ومن زمان فـ خاطري اشوف مثل هالأفلام .. بس للأسف ما حالفني الحظ

احب افلام الـ FBI وشغل المجرمين والمباحث والعصابات
وهالفلم صدق عجييب .. وانصحكم انكم تشوفونه ...

بس عااد اتحملوا على اعماركم ما انصحكم تاكلون شي وانتوا تشوفونه ... ^__^

بنت الدلع

15-11-06 ||, 07:25 AM

the devil wears prada

حبيته وااايـــد .. كله عن الفاشن والــ brands

ستايل البنت وايد حلو ^_^

يباله سيرنا يسريله رمسته كله عن الـــ brands , fashion and best quality

انتو بس قولو الله يعينا عليه p:

عافك الخاطر

16-11-06 ||, 02:56 AM

SNAKES ON PLANE
كشخة الفلم .. صدق زياغ .. !! احلى شي الخوال :icecream: > نكهة الأفلام الامريكية الصراحة .. ضحكني هاك الدب يوم تم يرمس عن البلي ستيشن > الفلم آخره دعاية حق البلي ستيشن 2 :a033:
وعيبتني جملة الخبير > time is a tissue:thumbup1:

بس عااد اتحملوا على اعماركم ما انصحكم تاكلون شي وانتوا تشوفونه ... ^__^

بالعكس ..
أنا كنت شارية ناجوز و بوب كورن > medium و بيبسي > med .. وخلصتهم كلهم :Oo:
اصلاً من الاندماج ما حسيت بعمري .. حتى اني صارخت صرخة .. اتصفعت بعدها :fa46: > الحمدلله ما كانوا وايدين ف السينما والا جان ضميري انبني ..

يا خوفي باجر يسوونها و يحطون ثعابين ف الطياير صج :Oo: > ترى دوم خيالهم ينجلب عليهم ..
المهم ..
اعطيه 7.5 من 10 > لانه شي لقطات غبية!.. وشي شوية اخطاء فنية ع قولتهم .. بس هو ممتع بشكل عاام ..
و الممثلين اللي عيبتني ادوارهم > samuel jackson الخال ..
وبس
..

عافك الخاطر

09-01-07 ||, 11:55 AM

شفـت
first season Grey's anatomy
وتمت آخر حلقة ما نزلت :k_no: > نحاسة
بس حلو المسلسل الصراحة..عيبني ..

وامس ف السينما شفتThe illusionist
الفلم روعة روعة الصراحة ..
جريمة على لغز على رومانس...
و Edward norton كان الدور واايد مناسب له ..والقصة هي عن ساحر مشهور في فيينا على ايام الـ 1800 ..والفلم يبين كيف ان الناس ساعات يصدقون كل شي ..
بس صدق حبيت الفلم
وعطيته 7.5
:14:
..
.

تحفه

19-01-07 ||, 03:44 PM

منو شاف Deja Vu؟ ..حلو؟

تحفه

22-01-07 ||, 07:17 PM

بلاها الواحه هاي ميته ..

انزين Babel حلو؟

بوسلطان

22-01-07 ||, 09:37 PM

Deja Vu هالـ الفلم خيـــــالي وما انصح احد يطالعه..

ولـكـن فيلـم ( Blood Diamond ) >> فــيلم الصراحه فنــان إبداع..

شمعة أمل

22-01-07 ||, 10:46 PM

بلاها الواحه هاي ميته ..

انزين Babel حلو؟

نزل في السينمائي .. وقالو انه ماصخ درجه أولى ..
لكن الى نزل في السينمات غيـر .. مخلين كمن مقطع ماصخ .. بس قطعو باقي الأشياء

هاللي سمعته..

شمعة أمل

22-01-07 ||, 10:48 PM

Glamour Girls
حلوو

Just my luck
حلوو

The illusionist
روعه

Scoop
حلووو

The persuit of happYness
روعه

تحفه

23-01-07 ||, 04:32 AM

شفت the persuit of happyness وعيبني .. ماما عيبها بعد

كان خاطري اسير Babel لاني شفت مشروع تخرج واحد يجربلنا يدرس هندسه مستوحي فكرة المستشفى الي مخططنه من هالفلك وفكره الدزاين اتجنن .. بس شكلي مابسيره .. بس أبيييي ..

تحفه

23-01-07 ||, 04:35 AM

Deja Vu هالـ الفلم خيـــــالي وما انصح احد يطالعه..

ولـكـن فيلـم ( Blood Diamond ) >> فــيلم الصراحه فنــان إبداع..

شفته بس ما ركزت كنت مصدعه .. بس الشي الي ما انساه انا طلعنا من الفلم نتضارب .. حد حب الفلك وحد كرهاه :Oo: ..

شمعة أمل

23-01-07 ||, 07:28 PM

اختي وامي شافو the presteige البارحه .. يقولون غريب بس حلوو

قرموشة

23-01-07 ||, 08:46 PM

بوسلطان

23-01-07 ||, 09:50 PM

شفته بس ما ركزت كنت مصدعه .. بس الشي الي ما انساه انا طلعنا من الفلم نتضارب .. حد حب الفلك وحد كرهاه :Oo: ..

هههههههههههه.. يمكن مـتأثرين بالفيلم .. لانه كله قتل و ضرب..

:fa46:

بوسلطان

23-01-07 ||, 09:54 PM

Night at the museum
ههههه ماعرف كيف أوصفه ! بس حـلوو وعيبنـي

Materiat girls
حلوو فاشن وسواااالف عيبنــييي

Step up
واايـد عيبنـي رقص وهيب هوب ووواايـد حـلوو الممثل هو نفسه اللي يمـثل في She is the man بس ماعرف شو اسمه

Night at the museum .

شفته وحلو كان .. يعني لا بأس ..

Step up .

فيلم فنان .. حلو .. شفتـه 6 مــرات .. وما طفشت منه .. :icon_rr:

تحفه

31-01-07 ||, 06:38 PM

يباااااااااااااااااااااااااالكم اتشوفووووون last king of scotland

تحفه

31-01-07 ||, 06:39 PM

مادري ليش مول ماحبيت She is the man .. من وجهة نظري انه أكرهه فلم شفته هالسنه

شمعة أمل

02-02-07 ||, 04:10 PM

jhon tucker must die عبيط على يضحك

عافك الخاطر

04-02-07 ||, 12:47 AM

فلم The Prestige
وايد وايد روعة .. فيه تشويق والقصة اللي يعرف نهايتها .. ف خاطره يصفع عمره :Oo:
وايد احب االافلام اللي قصصها مـن الـ القرن التاسع عشر .. الثامن عشر ..
واعطيه 8 من 10
:14:

شمعة أمل

12-02-07 ||, 03:26 PM

بلوود دااايمند .. رووووووووعه!

بنت ناس و عرب

12-02-07 ||, 06:10 PM

The Pursuit of Happyness اوكيه
last king of scotland اوكيه
blood diamond ٥٠\٥٠
Perfume نهايته عبط و كنت الوحيده فالسينما اجوفه محد فالصاله فرقدت نص الفلم
Charlotte’s Web عبط صدق سخيف ... عنكبوبت و خنزير و ماعرف ليش جفته بعد

بنت ناس و عرب

19-02-07 ||, 11:25 AM

the dream girls
ghost rider

تحفه

19-02-07 ||, 10:53 PM

الله ياخذ بليسكم بلاك دايمند ايفطس من الصياح ..

ابي اطلع برع الغرفه الحين ,, وعطشانه استحي اطلع وعيوني امورمه لووووووووول

شمعة أمل

19-02-07 ||, 11:31 PM

^
لول
وايد روعه 3>

بوسلطان

20-02-07 ||, 12:47 AM

أحلــى واحد بلاااااد ديموند..

والصراحه انا شفت dream girls.. وماكان حلو يعني .. صدعـت وراسي انفجـر .. كله صراااااخ ..

لكن أغانيه حلوه ..

ghost rider كان حلو ولكن خيال واااااايد .. اللي عيبـني الاكشن مال الدباب .. ^__^

فــــي احــد شاف Norbit "؟؟ وشو رايك ؟؟

الملهم

20-02-07 ||, 07:17 PM

ghost rider ..

اكشن على ضحك ..
بس احس ان الرومانسية خربت الفلم .. ^__^

قرموشة

24-02-07 ||, 10:57 PM

شو آخـر الافلام اللي نزلت هـ الاسبووع !

تحفه

25-02-07 ||, 12:17 AM

دريم قيرزل من كثر ما سوو عليه حشره انصدمت يوم شفته .. عبالي بشوف شي واو .. بس كان مب واو .. وبقوله نايس عسب التصوير و عسب بيونسيه

حبيت John Tucker Must Die

تحفه

26-02-07 ||, 12:14 AM

شفت فلم the holiday

مادري ليش صحت :S

طير الحب

26-02-07 ||, 06:15 PM

بوظبي the holiday مال كوين لطيفة

تحفه

26-02-07 ||, 07:44 PM

لا لا .. مال كيت وكامرن دياز

الـيـاه

27-02-07 ||, 12:26 PM

The pursuit of happyness
بلود دايمند

قرموشة

27-02-07 ||, 06:39 PM

th last holiday
كوين لطيفه
حلوو عيبنـي

شفت بـلود دايموند
أكوامارييين
متيريل جيررلز
step up

سوو نااايس

شمعة أمل

05-03-07 ||, 11:15 PM

لازم تشوفون the phantom of the opera .. رووووووووووووووووووعه!

تحفه

28-03-07 ||, 04:34 PM

The Queen
fast and the furious واخيييييييييييييييييييييي ييييررررررررررررررررررننن واللللللللللله من متااااااا في خاطرييييييي اشوووووووووفه كامل نفس الناس و الأوادم لول
the illusionist عيييييييبننننننننيييييييي حبيت الكاتب .. اول الفلم وع نصه كنت مكتئبه من الاحداث .. بس في المقطع الاخير فرررحنييي ........ مخرج شاطر

شمعة أمل

31-03-07 ||, 09:22 PM

سيرو جوفو
freedom writers...

raw3a!

بنت ناس و عرب

05-04-07 ||, 01:15 PM

freedom writers

300

hanibal rising

and next week inshallah Mr.bean holiday

الـيـاه

06-04-07 ||, 03:25 PM

Wild Hogs يضضضضضضضححححححححححححك :fa56: لول انتو تخيلو جون ترافولتا + تيم آلين + مارتن لورنس في فلم وااحد D=

ذا مسنجر :alien:

وخاطري اجوف Mr.bean's holiday

عافك الخاطر

06-04-07 ||, 10:48 PM

وايد حلو .. Mr.bean's holiday
يضحـك من الخاطر ..
.
.

تحفه

06-04-07 ||, 10:51 PM

^اليوم ربيعتي تخبرني عنه

الـيـاه

13-04-07 ||, 05:14 PM

أمس جفت Mr.bean's holiday اسسسسسسسسخخخخخخفففففففففف فلم جفته في حياتي

الملهم

13-04-07 ||, 06:26 PM

توني شفت فلم the ant bully ..
فلم حلو .. تعلمت منه وايد اشياء .. ^__^

بوسلطان

13-04-07 ||, 11:17 PM

shooter.. حلو واكشن .. بس يجيب النعاس احيانا ..

ألم ترى

14-04-07 ||, 09:42 PM

shooter
هالفلم غاوي ولكنه طويل !
:m_afaker:

بسيطة

14-04-07 ||, 10:20 PM

Music & lyrics

تحفه

16-04-07 ||, 07:13 PM

^اسميني انحبطت منه

----

اخر فلم شفته كان The Painted Veil
عيبني

الهيثــم

17-04-07 ||, 12:13 AM

Hannibal Rising حلـــو ..

بوسلطان

17-04-07 ||, 02:11 PM

Hannibal .. حـــــــــــــلـــــــــو .. يســتـاهل

بنت ناس و عرب

02-05-07 ||, 03:44 PM

disturbia

بنت الدلع

02-05-07 ||, 04:45 PM

Gone with the wind
فلج جدييييم جدا
عن قصة حب وعن الحرب العالميه الاولى
فلم وايد حلو
اول شي قريت القصه
وبعدين شفت الموفي

يبين لنا اطراف الحب
والي يشوفه يقدر معنى الحب والتضحيه

جنون امرأة

03-05-07 ||, 01:19 AM

http://movies.apple.com/trailers/wb/troy/trailer/images/indeximage1.gif

أحلى فيلم ..

بنت الدلع

03-05-07 ||, 10:24 AM

I couldn't agree more

الزرعوني

06-05-07 ||, 12:20 AM

are we done yet ?

شي جذه اسمه

يمثله مغني الراب Ice Cube

عائلي + كوميدي و عجبني ^.-

قرموشة

12-05-07 ||, 07:50 AM

spiderman 3
نوت باد .. زوييين

وحي القلم

18-05-07 ||, 11:20 PM

اخر فلم شفته كان The Painted Veil
عيبني

تحفه.. هالفلم ما رمت أكمله

وصلت الين ما حطوا اللى فيهم المرض و زغت :fa46: سيده بندته

و الله تميت طول اليوم >>:frown:

.
.

عافك الخاطر

19-05-07 ||, 01:38 AM

The Painted Veil
كان فـ خاطري اشوفه ..وايد يعيبني البطل ..
بس ما كانوا عارضينه حزتها ..
و ما اتفيجت انزله ..
بس الحين بنزله وبشوفه>شو ورانا :redface2:

..
.
شفت Flyboys
حلو وعيبني .. بس غمضني..آخر شي ما حصلها :frown:
قصته حلوة .. تعيبني الأفلام الـ based on true story

وحي القلم

24-05-07 ||, 04:08 PM

meet the robinsons

تحفه

25-05-07 ||, 02:48 AM

The Painted Veil .. فلم غير نظرتي لوايد اشيا ... استانست يوم حضرته حسيت اني دافعه على شي يستاهل بيزاتي ووقتي جان تبون الصراحه

احب القصص الواقعيه على دراما

بنت الدلع : gone with the wind is my time all favorite

تحفه

26-05-07 ||, 12:35 PM

last year at marienbad :love2:
Pulp Fiction :fa32:

عديم الشوق

31-05-07 ||, 04:57 PM

the pirates اليدييد

في السينمه

^___^

تحفه

01-06-07 ||, 07:46 PM

آخر شي شفته في السنما كان سوبر مان < ماكان افودي .... بس اختي كانت تبي تدخله وجان ندخله .... قصه سخيفه ع العموم

ماكنت مندمجه

مجموعة إنسان

03-06-07 ||, 03:42 PM

Pulp Fiction

شي عجييييييييييييييييييييييي ييييييييييب الصراااااحة
ذاك اليوم اشوف برنامج على E
يقولون ان هذا الفلم غير تاريخ الأفلام في امريكا

تحفه

03-06-07 ||, 09:11 PM

^ هي انا بعد عيبني

بنت الدلع

06-06-07 ||, 06:44 PM

انا اتريااااا
Oceans Thirteen

متى بينزل =(

حشى شهر وانا اتريااااااااااااااااااه

الهيثــم

07-06-07 ||, 02:26 AM

نـــزل اليــــوم

عافك الخاطر

07-06-07 ||, 02:48 AM

ها الفلم ميمعين فيه كل الممثلين ..جورج كلوني وبراد بيت ومات وآل بتشينو . .يعني شي شي
يبالنا نشوفه ..
..
.

قرموشة

07-06-07 ||, 01:05 PM

هيه فنـــان .. والـ 12 كـان شي بعـد

الهيثــم

08-06-07 ||, 03:20 AM

والله انه عجييب هالفلم

شفته اليوم .. .اوشن 13

لا اتفوتووونه ....

مزن هتان

08-06-07 ||, 12:01 PM

Blood & chocolate

البارحه شفته
كنا محتارين بينه وبين Ocean 13
اخر شي شفنا blood :glare:

الهيثــم

24-06-07 ||, 12:19 PM

عليـــكم بـ الـ NEXT

قرموشة

24-06-07 ||, 02:29 PM

Blood & chocolate

شفتـه بس ماعرف .. :S هـو حـلو ومـب حـلو
بس للي يحـبون السوالف الخياليه ينفـع ..

اوشـن 13
عجيـب بصــراااحــه

والحـين أسوي داون لود لـfantastic 4 الجزء الثانـي
شفت الاول وحبيته .. والثاني شكله حلو بعــد ..

دمعة شوق

02-07-07 ||, 03:39 AM

من وين تسوين داون لود ؟
اهي اهي ابا اسير السينما :(

مزن هتان

03-07-07 ||, 11:56 PM

البارحه شفت
Die Hard 4.0
:police:
صج صج كشخه

الهيثــم

04-07-07 ||, 01:26 AM

للحيــن ما شفت هالفلــم ..
فـ خاطري اشووفــه ..
لازم اشوفه باجر ان شاء الله

ذنـيـنـي

04-07-07 ||, 01:59 AM

اليوم دخلنا فلم رسوم من انتاج ديزني
دخلته ويا كلكلوووش و الزرعوني

حتى في البداية حطولنا حلقة ميكي و دونالد دك و هاك الاهبل نسيت شو اسمه

احلى شي في الفلم انه كل الي كانوا في القاعة 11 شخص لول !!

شوق القلوب

04-07-07 ||, 03:50 AM

عيـــل مره داخليــن السينمــا.. فاااااضيه.. بس احنا ... ^_^

قــبقــوبـه

04-07-07 ||, 08:38 AM

Brave heart

i always cry when i watch this movie , i think this is my tenth time !!
i love how Mel Gibson played the role of Bros, incredibly fabulous

ايه احبك

04-07-07 ||, 11:57 AM

اخر فلم شفته فلته والا هو برموشن اموووت على ساندرا بولوك

شمعة أمل

05-07-07 ||, 08:27 PM

Die Hard
وايد حلو .. صدق حبيته

premonition
على قولة أبويـه "الى كتب القصه يا شخص صدق ذكــــــــــي ولا messed up!"
ماعيبني لكن في نفس الوقت عيبني
المشكله كله يلفون ويدورون >_< راسي عورني!

------------
من ناحية التلفزيون
البـارحه شفت فلم على هولمارك اسمه for the love of a child .. وااااايد حلوو ويصيح ;_; والقصه حقيقيه.. عن يهال أهاليهم يضربونهم ولا واحد اهله دفنوه في الحوي وهو حيي والأم تحط صلب في حلج ولدها عشان يتنفس! .. بعدين يودون هاليـهال قريـه ويعيشون هناك.. قصه طويله .. لازم تشوفونه!

الثعلب الرمادي

05-07-07 ||, 10:02 PM

أحسن الأفلام اللي شفتها و لو أقدر أشوفها مرة ثانية ما بندم أبدا ...

Brother

http://ec1.images-amazon.com/images/I/514W46YSBRL._SS500_.jpg

Metropolis

http://ec1.images-amazon.com/images/I/516TT2THPXL._SS500_.jpg

Akira

http://ec1.images-amazon.com/images/I/51MP8TKAFVL._SS500_.jpg

Darkside Blues

http://ec1.images-amazon.com/images/I/51YNKY6002L._SS500_.jpg

أجمل و أروع مسلسل شفته في حياتي و عندي النسخة الأصلية منه مع الدبلجة باللغة الانجليزية و لو قدرتوا تشوفونه فصدقوني ما بتندمون ابدا بس تكون الدبلجة باللغة الانجليزية و اسمه Getter Robo

http://ec1.images-amazon.com/images/I/51BCP0WPQXL._SS500_.jpg

Love Story

http://ec1.images-amazon.com/images/I/51XTE4Q3F4L._SS500_.jpg

Vampire Hunter D - Bloodlust فلم رائعة جدا من ناحية القصة و الرسوم و الشخصيات

http://ec1.images-amazon.com/images/I/41FGA3AXRJL._SS500_.jpg

Sin City الفلم المقتبس من القصص المصورة تحفة فنية رائعة جدا

http://g-ec2.images-amazon.com/images/I/51NX87AG89L._SS500_.jpg

Hellboy ببساطة فلم في غاية الروعة

http://ec1.images-amazon.com/images/I/51KZJWFFPVL._SS500_.jpg

8 Man After - OVA Perfect Collection بصراحة ما شفت هذا المسلسل لكن أحس انه واحد من المسلسلا الغاية في الروعة:fa46:

http://ec1.images-amazon.com/images/I/51A6MW79MAL._SS500_.jpg

March of the Penguins فلم في غاية الروعة:tounge:

http://ec1.images-amazon.com/images/I/513I6vkHZ%2BL._SS500_.jpg

Dreamcatcher فلم أسطوري بكل ما تحمل الكلمة من معنى يكفي تشوفه مرة و بس:icon_rr:

http://ec1.images-amazon.com/images/I/51QDHCEC5BL._SS500_.jpg

و شي وااايد أفلام الصراحة:tounge:

شمعة أمل

05-07-07 ||, 10:28 PM

^
دريم كاتشر يخووووووووووف >.<

ايه احبك

05-07-07 ||, 11:35 PM

شو قصته

قرموشة

06-07-07 ||, 02:49 AM

في خـاطريـه أشـوف فلــم داي هارد 4
بحـطـه في اللستـه ان شاء الله ..

مجموعة إنسان

06-07-07 ||, 03:17 AM

hitch
حلو

وو

قبل شوي شفت فلم نسيت اسمه
بس اخر شي سيليفين
(هذا اللي يذبحون ابو عسب سباق خيول ومادري كيف عقب هو انتقم منهم )
احلى افلام اللي ماتعرف قصته وماتتوقع نهاياتها

شمعة أمل

07-07-07 ||, 09:46 PM

اليوم شفت transformers ويا ربيعاتي الشرجاويات
فنااااااااااااااااااااان ويضحك ... صدق روعـه واكشن بس طويـل

قرموشة

07-07-07 ||, 09:59 PM

Music And Lyrics

حلووو وعييبنـي ..
رومااانتك ..

شمعة أمل

07-07-07 ||, 10:27 PM

^
تصدقيين .. كنت dissapointed ويا هالفلم .. ماعيبني وايد .. توقعته بيكون احسن

قرموشة

07-07-07 ||, 11:10 PM

ممممممم هو مـب اكسلنت .. توقعتـه بهـ الممثلين يكون أحـسن ..
بس حـلووه قصتــه وعيبتنـي .. ههه الا شي واحد ( سالفه الهنود لول )

شمعة أمل

07-07-07 ||, 11:14 PM

لول

او صح
ذكرتيني
ترا اذا حد بيشوف ترانسفورمرز في مقطع وين هم في قطـر .. بتنقعون من الضحك لو دريتوو كييييييييف مخلين قطر .. تقولون قطر قبل 300 سنه ... وحليله الولد شو ملبسينه لول!

الهيثــم

07-07-07 ||, 11:14 PM

بصراااااحة من اروع الافلام الي شفتها

دااااااي هااارد ما عليييييييه كلاام .. والي ما شافه انصحه يشووفه
فلم ولا ارووع

قرموشة

08-07-07 ||, 12:24 AM

شمـعــه أمــل ..
تراانسفوومرز - مـن كـثر مـا مدح لي اياه ولـد خـالي قلــت الا انزلــه D=

حــاليـــاااا أنزل حـول الـ 10 أفلام حـق الصيــف P=
عندكم أفلام حلوه خبرونـا لول

الملهم

11-07-07 ||, 07:08 PM

كشخة ترانسفورمرز ..
عيبني مرررره ..

هاري بوتر بينزل الاسبوع الياي ..
19/7 .. لازم اشوفه اول ما ينزل .. ^__^

شمعة أمل

13-07-07 ||, 01:56 AM

^
لااااااااااااااااااااا خلهم ينزلوونه عقب شهر p= مابا اشوفه هني سينماتهم كحياانه

المهم

شفت
because i said so
&
in the land of women
عـ الطيـاره .. حلوييين
الفلم الأول يضحك على رومانس على دراما على كيوووت
الفلم الثاني حلوو لكن ماله قصه لول .. يعني مادري كيف اشرحلكم .. بس قصته مب قصه .. بس جي فلم p= لكن حلو!

قرموشة

13-07-07 ||, 07:03 PM

في فلـم تمثـل فيـه أشووريا ماعرف شو اسمـه .. فلم أمريكـي
اللي يعرف يخـبرنـي

وآخـر فلم شفـته the perfect man هو واايد جدييييم لول بس مااشفته من قبل
وشفـت فلـم داي هاااررد .. بصـراحـه فن

بوسلطان

13-07-07 ||, 08:27 PM

ترنســـــــفوورمر.. مره رهيـــــــــــــــــب.. نفسي اشوفه مره ثانيه..

والفلم الباااااايخ دااااااي هارد.. مره سخيــــف.. خيااااااالي.. وتمثيل البطل مافيه حمااااس خلاص الرجاااال شيـــــب.. حتى الحرمه كفـــختـــه.. كلام فاااضي.. بالعربي لاحد يدخلـــه..

بس ماعرف شو الافلام اليديده.. امتحااااناااات.. * دعواتكم*

مزن هتان

14-07-07 ||, 01:01 AM

قرموشه
الفلم اللي تسألي عنه هو
The Last Lagoon

بو سلطان
داي هارد بايخ !!

ذنـيـنـي

14-07-07 ||, 03:19 AM

مزن لول

لا مب جي اسمه
اذا جي اسمه بتطلع ترجمة الاسم البحيره الاخيره P=

اسمه The last Legion

http://movies.theemiratesnetwork.com/synopses.php?mv=1314

وايد حلوو، شفته في عرضه الاول و وايد عيبني

مزن هتان

14-07-07 ||, 03:39 AM

هههههه :hysterical:
هذا هو :fa46:

عافك الخاطر

20-07-07 ||, 04:22 AM

شفت The last legion
زوين يعني ..ما عيبني واايد ..
و اشواريا ..ما ادري ليش ما استسغتها وايد فـ الفلم !
.
بس حبيت اللقطات اللي تضحك ..
و التاثيرات و التصوير ما عليهم كلام
بس تمثيل بعض الممثلين و القصه .. ما عجبونيش اوي ..
..
.
.

دمعة شوق

21-07-07 ||, 07:02 PM

أمـسات شـايفـه فـلم Rise

اععععع مش حلـو يعني جـدا ً بســيط ومافيه شـي يـذكـر
الا البطلـه راحت تجتـل الـشرير وخلـص الفـلم
يعنـي جـدا ً عـادي
نفس افـلام mbc2
،،

خـاطـريه اشـوف فـلم عجيـب
:14:

خيال الروح

21-07-07 ||, 09:05 PM

Die Hard 4
احب تمثيل Bruce Willis :thumbup1:

تحفه

28-07-07 ||, 10:55 PM

حيّكم تسيرون السنما .. انا السنما بالنسبالي العيد .. اييبونلنا الافلام ونادر ما انسير :<

مجموعة إنسان

28-07-07 ||, 11:08 PM

seryana

جورج كلوني
وايد حلو
( سياسي درجة اولى ,, واكثر شي مصورينه في دبي

مزن هتان

28-07-07 ||, 11:38 PM

حيّكم تسيرون السنما .. انا السنما بالنسبالي العيد .. اييبونلنا الافلام ونادر ما انسير :<

شردات كل سيراتي الها :vampire:
الا مع عمي او خالاتي و الا بنات خالتي :14:

تحفه

28-07-07 ||, 11:54 PM

^كشخه اصلا احلى الطلعات ويا الاهل في حاله وحده ( اذا كانو كوول لول )

مجموعة إنسان

30-07-07 ||, 02:20 PM

نحن مرتاحين في البيت ,,
اخوي كل اسبوع اييب 10 افلام نشوفها
وكله افلام يديدةيعني مرتاح لا سينما ولا حاجه

المنصوريه

07-08-07 ||, 12:16 AM

انا عيبني فلم هندي يديد اسمه
فانه

قرموشة

07-08-07 ||, 02:55 AM

اليوم سرت وشفت هاااااااااااااااااااااااا اااااااري بووووووووووتر 5
طـر بس النهايه تقهــرر

الهيثــم

07-08-07 ||, 03:13 AM

ROB B Hood جاكي شان ..

روووووووووووووووووووووووو وووووووووووووعه ..
صدق عجيييب

قرموشة

09-08-07 ||, 03:29 PM

^
اليـوم بسيــر أشوووووفــه D=
مدحوا لي اياه وايـد

الهيثــم

09-08-07 ||, 03:35 PM

VACANCY عجيييب الفلم ...
بس محدوود المكاان والزماان والممثلييين

بس حلووو

ألم ترى

16-08-07 ||, 08:10 PM

انا عيبني فلم هندي يديد اسمه
فانه

اختي هالفلم جديم واحيد شفته وصح الصراحه
قصته بين الجيش الهندي و البكستاني وخلافهم لجل كشمير !
اسمه فنا ويمكن اللي تقصدينه انتي واحد ثاني

قــبقــوبـه

16-08-07 ||, 10:17 PM

The Land of Women
حــلوو بس غـرريب شــووي !!

الهيثــم

17-08-07 ||, 12:38 AM

BOO يباالكم تشووفونــه .. رهيــب

ألم ترى

17-08-07 ||, 03:33 AM

بسم الله الرحمن الرحيم ..

يبالكم تشوفون عندليب الدقي ! ..

الصراحه انا اعطيه 7 % 10 ..

احلى شيء يوم يرمس خليجي لووول ..

إيش هااادا هههه ..

ذنـيـنـي

17-08-07 ||, 10:41 AM

يمكن تضحكون على الفلم الي دخلته امس بس جد كان فلم رهيييييييييب
و يستحق 10/10 بكل جداره

الفلم هو

http://movies.theemiratesnetwork.com/images/movies/00000012/0000001279_pos.jpg

:tounge:

صدق ما يتفوت :a034:

ألم ترى

17-08-07 ||, 01:41 PM

انزين تنصحني اخسر 30 ربيه عليه ولا مايستاهل !
اخاف ذوقك غير ذنوني
:birgits_giggle:

ذنـيـنـي

17-08-07 ||, 01:57 PM

في ناس ما يتقبلون انهم يشوفون رسوم و يقولون انه هذه سوالف صغارية و يتمون طول الوقت جي :m_afaker:
اذا ما كنت من هالنوع انصحك تسيرله :a074:

قــبقــوبـه

17-08-07 ||, 03:09 PM

ذنيـنـي ..
الفـيلـم شكـله واااايييـد حــلوو وFunny يبــالـي أشــووفه ..

شمعة أمل

18-08-07 ||, 01:29 AM

جفت هاري بوتر في لندن .. مب لهناك
جفت becoming jane في الرده عالطياره .. يجننننننننننننننن عن الكاتبه جين أوستن
جفت licence to wed من كم يوم .. حلو ويضحك بس مب وااو

تحفه

18-08-07 ||, 04:35 AM

انا بعد شفت لايسنز تو ود - منزمان ماشفت موفي جيه .. احس ثلاثترباع الافلام هالايام مب شي .. اغلب الموفي ضحك

مخاوية الامل

18-08-07 ||, 08:36 AM

http://adorocinema.cidadeinternet.com.br/filmes/terror-em-silent-hill/terror-em-silent-hill-poster01.jpg

Silent Hill
لوعــة جبــد أكثــر من إنه رعــب .. !

قرموشة

18-08-07 ||, 04:40 PM

شفـــت .. RATATOUILLE

هههههههه حلووووووووووووووووووووو واايـد Kawaii

قصايد غلا

18-08-07 ||, 06:13 PM

السينما محرّمة عليّــه :fa36:
ذنيني صح كلامك الفلم واااااايــــــــد حلو ، جفته في البيت من كمّن يوم ويا عيال بنت عمّوه :4:
الصغاريه من زود ما عيبهم ماخذين شنط المدرسة ماله و الألعاب مالته...

الهيثــم

18-08-07 ||, 06:24 PM

اليــوم ان شاء الله بسير اشووف عندليب الدقى ...

يمدحوووونه ..

حبوبه دبي

19-08-07 ||, 01:39 AM

اتــريا هالفيلميــن من متــى !!

RATATOUILLE

Chak De India << فلــم هندي مـال شــارووخ .. شكــله حلــوو :icecream:

بــس مــزاااجي أرررف هـاليوميــن

:fa44:

.
.

شفــت من فتــرة فلـم جـاكي شـان .. عجيييييب الصــراحه :k_harhar1:

.
.

الهيثــم

19-08-07 ||, 02:02 AM

والله فلم عندليب الدقي روووووووووووووووووووووووو ووعه ...

يااا رب يتحقق هالشي ..

ألم ترى

20-08-07 ||, 12:09 AM

احلى شي
يوم يتكلم خليجي !
:birgits_giggle:

الهيثــم

20-08-07 ||, 01:18 AM

هههههههههههههههههه ..
أحلى شي .. يوم دخل دااود حسين علييهم

وتم يرمس

فاااااااااااااااااااااااا ااايز ... وكمل رمسته بالهندي ..

شرات الافلام الهندية لووول

ايه احبك

20-08-07 ||, 10:42 AM

ويـــــه انتا مال أول الناس أطورات وقامت اطالع أفلام كورية ويابانيه وتايوانيه وانتو بعدكم على الأفلام العربية والأجنبيه صدق غبار XD

الهيثــم

20-08-07 ||, 10:23 PM

هههههههههههههههههههه .. مرتاحين جي لول

صريح

24-08-07 ||, 01:53 AM

هالفلميــن طررر طررر و ما يتفوتون

http://us.movies1.yimg.com/movies.yahoo.com/images/hv/photo/movie_pix/new_line_cinema/rush_hour_3/_group_photos/jackie_chan6.jpg

احلى واحد من بين الثلاث اجزاء ..
ضحك من اول دقييقه لين اخر دقيقه

فجّي عورني من كثر الضحك هههه
:4:

-----

http://us.movies1.yimg.com/movies.yahoo.com/images/hv/photo/movie_pix/lions_gate_films/the_condemned/thecondemned_posterbig.jpg

هالفلم واااايد عيبني
اكشن من الخاطر ..

Steve Austin بطل الفلم "معااذ لازم يشوفه"
:m_9afgah:

ذنـيـنـي

24-08-07 ||, 01:59 AM

Whats your name
yu
NO whats your name
yo
whats his name
me

لوول

هلكني هالمقطع خخخخخخخ

========

فلم ستيف اوستن باجر بدشه ان شاء الله

صريح

24-08-07 ||, 02:09 AM

ههههههههههههه والله هالمقطع هلكنا من الضحك

احنا كنا 12 واحد ... فريق كره و مدرب خخخخ
كل واحد يصد ع الثاني وينطر من الضحك

شمعة أمل

24-08-07 ||, 02:10 AM

جفت فلم نانسي درو شي جي

في كمن لقطه تضحك .. هو حلو ومب حلو يعني مب واو .. طلعت من الفلم بدون اي مشاعر تجاه الفلم p=
مب لين هناك لول

ألم ترى

27-08-07 ||, 08:01 AM

الصراحه فلم اوستن مب لين هناك !

.
.

شفت فلم جديم ولكن روعه
a man apart
والبطل vin diesel

ألم ترى

27-08-07 ||, 08:15 AM

http://us.movies1.yimg.com/movies.yahoo.com/images/hv/photo/movie_pix/lions_gate_films/the_condemned/thecondemned_posterbig.jpg

هالفلم واااايد عيبني
اكشن من الخاطر ..

Steve Austin بطل الفلم "معااذ لازم يشوفه"
:m_9afgah:

توني اشوف ردك !
معاذ ها ما عليه هالهس لووول
صروحكا هالفلم انا اعطيه 60%
مب لين هناك الصراحه ويمكن شركة المصارعه بعدها ف الطريج
يعني يبالها وقت لين ما تنافس مع إن احلى فلم نزلوه عن كن وكان رعب
:whistling:
يلا اخلني اخذ كم لفه قبل الرقاد

الهيثــم

27-08-07 ||, 08:00 PM

أفــا ما عيبك الفلــم معاذ

اسميييـــه عجييييييييييييييييييييييي ب .. وستيييف أستن كااان صح الصرااحة
أكششن من الخـــاطر ..

وهالفلم الي تطريـه لازم نشوووفه داام فان ديزل موجود ..

ألم ترى

27-08-07 ||, 11:44 PM

ما ادري ليش هالفلم ما عيبني مع إن اوستن وااااايد يعيبني !
:smile2:
المهم عن الفلم اللي اتكلم عن تراه غاوي
قصته عن المخدارت وال FBI وكيف مهماتهم داخل وخارج امريكا
مع المجرمين الكبار واللي مسقط رأسهم مكسيكو
شوفه وعطني رايك
:fa46:

الهيثــم

28-08-07 ||, 02:30 PM

تم ... بشوفه وبقولك راايي
وهالنوعية من الافلام تكون احلى الافلام عندي

بنت الدلع

29-08-07 ||, 11:17 PM

هالفلميــن طررر طررر و ما يتفوتون

http://us.movies1.yimg.com/movies.yahoo.com/images/hv/photo/movie_pix/new_line_cinema/rush_hour_3/_group_photos/jackie_chan6.jpg

احلى واحد من بين الثلاث اجزاء ..
ضحك من اول دقييقه لين اخر دقيقه

فجّي عورني من كثر الضحك هههه
:4:

i strongly agree

ماعليه غبار الصراحه

كله ولا يوم يقوول
cheeeeeeeeeeeeeese
lol bedal freeeeze

امسات شفت فلم نازل من فتره يمكن من شهر
stomp the yard
كله رقققققــص
لول
بس وناسه
u get excited when u c it

الـيـاه

31-08-07 ||, 04:10 PM

توني راده من السنما جفت Rush hour 3 لول يجتل من الضحك

الهيثــم

31-08-07 ||, 04:43 PM

Rogue الي يمثل فيه JET LEE وبطل فلم Transporter & Crank

بصرااااحة ولا أروووع ..

شمعة أمل

10-09-07 ||, 09:22 PM

جفت..
no reservations .. شفته ويا امي وخواتي .. وااايد حلووو لكن يصيح بس يوّدت عمري لانه اختي الصغيره يالسه عدالي وبتضحك علييه لو شافتني ادمع p=

rush hour 3 شفته ويا ربيعاتي الشرجاويات في الويك اند .. يضحك وايد ..

وان شاء الله بشوف i pronnounce you chuck and larry

الزرعوني

11-09-07 ||, 02:59 AM

i pronnounce you chuck and larry

ما انصحج تدخلينه :biggrin:

مب لازم اتعرفين ليش :whistling:

الهيثــم

12-09-07 ||, 12:26 AM

لييش ياا خي !!

ألم ترى

12-09-07 ||, 05:53 AM

http://img168.imageshack.us/img168/1236/00c9470d90ze9.jpg

مافيه حيله الصراحه !
:birgits_giggle:

الاسطوري

12-09-07 ||, 12:07 PM

لييش ياا خي !!

:fa52:

الملهم

12-09-07 ||, 08:19 PM

لالا انصحكم تدخلون ها الفلم .. ^___^

مرررررررة غااااوي ..
اول مرة اضحك جيه على فلم ..

لالا صدق يستاهل ...
بس لا تلوموني عقب ما اتشوفون الفلم ^__^

الهيثــم

13-09-07 ||, 11:43 PM

حااااااااااااااه ... شو السالفة !

حد يقولي شو فيه هالفلم !

ملاك الروووح

14-09-07 ||, 12:26 AM

::

خطاب

تصدق اني شفت عندليب الدقي 3 مرات !! لوووول

:14:

أول مره مع أخوي وحرمته ..

وكان توه نازل وزحمه .. ف ما قدرت آخذ راحتي في الضحك ..

وحشرت خواتي عسب نروح مره ثانيه ..

ورحنا سيني ستار عيمان .. ما كان فيه حد ..

ونقعت من الضحك صج .. رووووووووووووعه الفلم !

أول مره ادخل موفي عربي .. ف أحس مش متعوده بدون ترجمه :14:

بس أحلى شي يوم الموسيقى الهنديه .. يوم يحضنون بعض ..

ويوم السكسوكه .. والزرع اللي كان يسقيه لووووول

أسميه هنيدي تحفه !

:

ومن يومين شفت مطب صناعي ..

لووووووووووووول

وايد يضحك !

أحلى مشهد يوم يعلم البنت جدول الضرب ..

وتطلع الدف مالها واتيبب .. مت مت مت هنيه من الضحك

:a068::hysterical::a068::hysterical::a068:

البنت عسووووووووووووووووووووووو ووله

وفيه حركه ثانيه تضحك بعد .. بس ما بقولها هنيه ..!

اللي شاف الفلم بيعرف شو أطري !

:

i pronnounce you chuck and larry

بطولة منو الموفي ؟ اسمه مش غريب علي !

:fa46:

كـلـكـلـووش

14-09-07 ||, 02:53 PM

وااااااايد افلام فايتتني .. !!

الزرعوني

15-09-07 ||, 03:18 AM

i pronnounce you chuck and larry

بطولة منو الموفي ؟ اسمه مش غريب علي !

:fa46:

الابطال

Adam Sandler, Kevin James, Jessica Biel

و البطل الحقيقي

Adam Sandler

http://images.art.com/images/products/regular/11804000/11804894.jpg

افلامه تجتل من الضحك :4:

الملهم

19-09-07 ||, 04:23 PM

شفت فلم .. Rogue Assassin

اللي يمثل فيه Jason Statham و jet li ..

فلم حلو والفكرة حلوة .. بس اخره مب شيء مووووول ..

الهيثــم

21-09-07 ||, 05:38 PM

i pronnounce you chuck and larry

سخييف وما عيبني بالمررة .. ما دري ليش مدحووه وقالوا انه حلوو ..

----------------------

Rogue Assassin

فظيييييييييييييييع ..

شمعة أمل

13-10-07 ||, 08:52 PM

the kingdom
يجنن ..لأول مره أدش فلم ومحد فييه يرمس.. ولاااا تليفوون يرننن .. كلحد مندمج

مجموعة إنسان

19-10-07 ||, 05:06 AM

^^

وااايد حلوو
صدق والله
الكل يندمج في الفلم !!

التصوير اكثر شي في بوظبي ..

وأول فلم يتكلم عن الإرهاب بدون ما يحط على العرب !!

لا يفوتكم

ألم ترى

19-10-07 ||, 06:31 AM

هالفلم روعه

http://thecia.com.au/reviews/k/images/kingdom-poster-0.jpg

تم تصويره ف ولاية اريزونا الامريكيه ومشاهد ف الامارات !
واللي يخليك تستغرب اكثر بأن ولا جزء من الفلم تم تصويره ف السعودية
يعني ارقام السيارات و اسماء المدن والبدل العسكريه وحتى مكان التفجير !
ع فكره هالتفجير حقيقي ولكن في اشياء مش موجوده
يعني التفجير كان بالسيارات الملغومه وكان نوع السيارات بو شنب
وكانت ارقام السيارات بتواريخ هجرية وكان يوم التفجير يصادف غزوة بدر !
واعتقد بأن هالفلم بيثير جدل ف الشرق الاوسط وخاصه
واللي يضحك اكثر ف الفلم اونه يمنيين مسوين عمارهم سعوديين
كلهم بصوب وابو عبدالملك بورحه بصوب ههههه

شمعة أمل

19-10-07 ||, 12:42 PM

^
ماعتقد انه هالديتيلز مهمه وايد من ناحية الفلم .. ماشوف انه هالديتيلز بيغيرون شي في الفلم او الرساله الى يحاولون يوصلوونها للمشاهدين
انا أشوف انهم أبدعو في هالفلم.. كفايه انهم حطو عرب كـ عرب .. عكس الأفلام الثانيه يبون واحد اسباني ويخلونه يرمس عربي وهو اصلن مايعرف ولا كلمه ف الى يقوله ماينفهم .. وبعد استخدمو أرقام سعوديه..

أتوقع هم ماصوروو الفلم في السعوديه لانه ممنوع .. غير انه كيف بتقدر جنفر قارنر تصور هالفلم في السعوديه بدون ماتلبس عباه؟؟

بس كـ فلم .. مثل ما قال مجموعة انسان انه أول فلم يتكلم عن الإرهاب بدون ما يحط على العرب .. وانه مب كل اصابع ايدك سوااا < اظني المثل جيp=