كفاله اليتيم

[الحساس]

:

:


:

[شوق القلوب]

السلام عليكم..

أسهل طريقه اعرفها ، اذا كان عندك حساب في بنك دبي الاسلامي ، اتسير لهم و اتقولهم ابا اكفل يتيم ، بيعطونك فورمات لصور اليتامى و معلومات عنهم.. فتختار اي واحد فيهم.

كل شهر بيخصمون منك 100 درهم أو 150 - على حسب المؤسسه اللي ترعى اليتيم -.. واتوقع عليه و بس..!

.
.

بصراحه كفاله اليتيم من أروع الاشياء اللي يقدر يسويه الانســـان.. سبحان الله امور الواحد تتيسر بطريقه عجيبه..! في وحده اعرفها في نفس اليوم اللي اكفلت فيه يتيم وفي ذيج الليله اتحقق لها أروع و أكبر أحلامها.. انا ما اقول هالشي انه لازم يصير شي.. بس سبحان الله .. يمكن انت بهالـ 100 و الـ200 - اللي ما تسوى شي عدنا - اتكون فرج كبيــــــــــــــــــــــ ــــــــر لهاليتيم... وفرج لك بعد ..

يكفي انه كافل اليتيم مع الرسول في الجنه ..

..

بارك الله فيك يا دكتور..
أتمنى من الكل يكفل يتيم.. ترى والله هالفلوس احنا نصرفها في أشياء تافهه و غيرنا محتاجين لها..

ولا تنسى النيه يا دكتور و انت تكتب البيانات.. انوي انه هالصدقه اتكون لامواتك ولوالدينك.. ولكل شخص عزيز عليك.. وهذا ما بينقص من اجرك .. :)

[حبوبه دبي]

بـارك الله فيــك دكتــورنــاا

هممم

الطــريقـه اللــي قــالتهـا اختيـه شـوٌااقــي اللـي اعـرفهــا بــس وشــرات مـاقـالت اسهـل طـريقـه :yes:

واهــم شــي النيــه ،،

والله الـواحد يـوم يعطـي فقيــر اي شــي ويشـوف الابتسـامه فـ ويهــه كيـف اتكــون الفـرحـه فـ قلبــه ،،

كيـف يـوم انـه يكــفل يتيــم .. !!

وكفـايه حديـث الرســول عليـه الصلاة والسلام ،،

الله يجعلــه من ميــزان حسنــاتك يـارب ،،

والسمــوحه

[المزوحي]

بارك الله فيك
فضل كافل اليتيم

قال النبي صلى الله عليه وسلم ( أنا وكافل اليتيم في الجنة هكذا وأشار بالسبابة والوسطى وفرج بينهما ) رواه البخاري

(فأما اليتيم فلا تقهر ) سورة الضحى الآية 9
( كلا بل لاتكرمون اليتيم ) سورة الفجر الآيه 7
(ويطعمون الطعام على حبه مسكينا ويتيما وأسيرا ) سورة الإنسان الآية 8
روى الإمام أحمد عن النبي صلى الله عليه وسلم أنه قال ( من وضع يده على رأس يتيم رحمة ، كتب الله له بكل شعرة مدت على يده حسنة )

[لمّــاح]

السلام عليكم ..

نفس ماقالت الاخت شوق القلوب، بنك دبي الاسلامي يسهل العملية اذا حسابك عندهم ..
و تقدر حتى تسير عند اي كشك تابع لأي جمعية خيرية ( لكني افضل الجمعيات الكبيرة مثل الهلال الاحمر و هيئة الاعمال الخيرية ) و تكلم الريال و تطلب منه يراويك الفورمات اذا عنده، او هو بيخبرك شو الي لازم اتسويه ..
الله ايوفقك ياخويه :)

[طير الحب]

ما ادري ليش مالي ثقة بالهيئات الخيرية...بس لو اكون متتبعه أخبار هاليتم وايد بيرتاح قلبي...يعني حبيت أسلوب بنك دبي الإسلامي

[لمّــاح]

طير الحب ..
بنك دبي الاسلامي تقريبا بشكل دوري يطرش رسايل فيها صور يديده للولد المكفول و رسالة مكتوبه بخط ايده ..
و الهلال الاحمر ايضا هيئة ممتازة مدعومة و مراقبة من قبل الحكومة ..

اما باجي الجمعيات فانا ما اتعامل وياهم، ماعدا هيئة الاعمال الخيرية كون اني اعرفهم ..

[نجمة دبي]

واللي ماعنده حساب في بنك دبي الاسلامي .. شو يسوي؟

واللي ماعنده حساب في بنك بشكل عام .. شو يسوي ؟


اتريا الرد ..


شكرا اخويه الحساس عالموضوع القيم .. وشكرا لك لانك سمحت لي المجال ..



نجــــــ دبي ـــــــمة

[لمّــاح]

أتوقع بعد عادي لأن الفكرة هي انهم يخصمون 150 درهم بشكل اوتماتيكي من حسابج كل شهر و الفورم الي بيعطونج اياه هو عشان اتوافقين على خصم المبلغ من حسابج ..
و اذا ماعندج حساب، مب لازم تسيرين عند دبي الاسلامي، تقدرين تكلمين الهلال الاحمر او اي جمعية خيرية ثانية .. بتحصلين اكشاكهم في الجمعيات و المراكز ..

[ذنـيـنـي]

نجمة دبي

عندج هيئة الاعمال الخيرية و انا اظمنلج اياهم

اعرف واحد كان كافل يتيم من يوم كان عمره 8 سنوات

و يرسلون له صوره و رسايل منه و الحين ما شاء الله خلص دراسته الثانوية و بيدخل الجامعه

طبعا الولد انتهت النفقة اللازمه عليه لأنه بلغ سن العمل لكنه ما نسى هذا الجميل
شهريا يطرش رساله حق الشخص و يقوله عن دراسته و عن الاشياء الي تستويله

على قولة الريال,, هذا ولدي الي ما شفته ولا شافني

تقدرين تتصلين بهيئة الاعمال الخيرية و ان شاء الله ما بيقصرون معاج ولا انتي بتقصرين وياهم

[شوق القلوب]

السلام عليكم..

ماشاء الله .. التواصل شي حلو.. على الاقل ما اتكون علاقه تبرع.. اتكون علاقه محبه.. و رد جميل..

يعني حتى اليتيم نفسه بترتفع معنوياته يوم يشوف انه في شخص مهتم فيه.. و يراعيه..

ماشاء الله .. :)

[كشره]

اخوي الحساس .. عندك جمعية دار البر .. ممتازين

والله يوفقك

[نجمة دبي]

اخواني .. لماح وذنيني ..

مشكوووورين الصراحه عالمساعده الطيبه ..
وانا افكر في هالموضوع من كم يوم ..

وان شاء الله خير .. :)



نجــــــــ دبي ــــــــمة

[ولد الحكومة]

ما ادري ليش مالي ثقة بالهيئات الخيرية...بس لو اكون متتبعه أخبار هاليتم وايد بيرتاح قلبي...يعني حبيت أسلوب بنك دبي الإسلامي

اختي طير الحب ، مش سالفة ماشي ثقه بالهيئات الخيرية بالعكس والله عدنا في الدولة هيئات متابعه من قبل الحكومة ومعروفه على الصعيد العربي والعالمي ، انتي عليج جذه بريتي نفسج وهم بيتحاسبون عند رب العالمين.

والسمووحه عالمشاركه.

[ولد الحكومة]

مرااااحب

ورجعناااا لموضوع الحساس :ice:

اخوي مثل ما قالولك الشباب عندك هيئة الاعمال الخيرية ، وفيهاااا موظفين مواطنين وتقدر اتروح هناك وانته مطمن.

والسموووحه

[خيال الحب]

السلام عليكم


ماعندي تعليق اكثر من الي قالوه الاخوان..

[قلوب دبي]

السلام عليكم

ماشاء الله عليهم الاخوان ما قصروا في التعقيب ..
بس حبيت اقولك انه تقدر اتسير جمعيه دار البر و مكانها ورا مركز الخليج ..
و اتعبي الفورم و اتوقع و تعطيهم رقم حسابك ..
اذا كنت تريد تكفل يتم داخل الدوله 300 درهم شهريا يخصم من حسابك .
اذا كنت تريد تكفل يتيم خارج الدوله 150 درهم شهريا يخصم من حسابك .
و يطرشولك مراسلات و اخبار عن اليتيم و ايضا صور اليتيم و رسائل بخط اليتيم ( الطفل او الطفله )

شرات ما قالوا اخواني اي جمعيه خيريه تقدر اتسوي لك بدون ما اتروح البنك و لا شيء ..


و صدقوني يا اخواني انه 300 او 150 لا شيء من مصروفنا اليومي ..
لانه يلسه الكوفي عندنا ندفع فيها 100 اقل شيء و السينما 100 الى 150
و طالعوا مصاريف اليوم وين تسير ..
يزاك الله خير يا اخويه و الله يوفق الجميع

[ذنـيـنـي]

و صدقوني يا اخواني انه 300 او 150 لا شيء من مصروفنا اليومي ..
لانه يلسه الكوفي عندنا ندفع فيها 100 اقل شيء و السينما 100 الى 150
و طالعوا مصاريف اليوم وين تسير ..


فعلا,, الـ 150 او 300 شهريا تعتبر مبلغ بسسييييط جداَ بالنسبة للغالبية

لكنها بتشفع لنا باذن الله في يوم القيامه و بنحصل من وراها اجر عظيم

و كفاية انه كافل اليتيم بيكون مع سيدنا محمد عليه الصلاة و السلام في الجنة
فـ لا تستهينون بالي تسويه هذه الـ 150 او 300 درهم
تراها بتعلم اليتيم و بتأكل اليتيم و بتلبس اليتيم و بتوفرله حياة كريمة :sad4:

[الحساس]

تسلمون .. والله يكتب الي فيه الخير...

[راعي الزعـامه]

مثل ما قالوا الاخوان
واختار الطريقة اللي تناسبك
والله يوفقك ولك الاجر ان شاء الله

تحياتي ، ،

[الشوق]

الاخوان ما قصرو
عليك بالجمعيات الخيريه
وهم راح يعطونك الصور وانت تختار
وبين فترة وفترة راح يرسلولك معلومات عن الكفيل
واتروم في المناسبات او في اي مناسبه
ترسله غير المبلغ اللي تتكفل فيه
اتروم مثلا ترسله ملابس او شياته
تراهم ما راح يقصرون ..
.
.
وترى بتحصل الاجر من كفالتك له اذا كانت الكفاله غير معلنه ..
يعني ما يحتاي انك اتخبر احد انك كافل حد ..
والله يسهل عليك يااخوي
خويتك/ الشوق

[ألم ترى]

بسم الله لرحمن الرحيم ..

دكتورنا ..

الصراحه انته تسآل عن غرضك ولكنك كبرت بعيوني ! ..

انا افضل التعامل مع بنك دبي الاسلامي كونه مضمون وبخصوص الجمعيات فالله اعلم ..

إن شاء الله من باجر بروح بنك دبي الاسلاميي وبسوي اللي ربك بيسره لي ..

بحفظ الرحمن ..

[طير الحب]

الهلال الحمر هيئة كبيرة اثق فيها اخوي لماح كنت أقصد باقي الهيئات ما أتعامل معاهم