حرااااااام عليكــــــــــم

[ولد الحكومة]

بسم الله الرحمن الرحيم

السلام عليكم ورحمة الله وبركااااته

بينما كنت اتصــفح جريدة البيان الصادرة بتاريخ اليوم 1/4/2006 على الانترنــت شدنــي هالخبر :no0: ... الذي لا يسر ولا يفرح القلب www.albayan.ae

أن 60% من المواطنين المتزوجين من أجنبيات طلقوا زوجاتهم المواطنات

اتعليق والرأي :
قد تكون المغالاة في المهور وتكاليف الزواج سببا يوجه الشباب للزواج من اجنبيات دون التفكير في تبعات هذا الامر.. فالاجنبية بعد انقضاء مدة من الزمن تسعى لجلب باقي افراد العائلة الى الوطن الجديد.. كما تسعى للحصول على جواز وجنسية الدولة لتتمتع بكافة الحقوق.

بنتظار ردودكم الكريمــــة ،،،
والسموووحه :nono:

[راعي الزعـامه]

الله يعين
والاسباب كثيرة اللي تدفع الريال لتطليق حرمته
لكن حرام الاجنبية تتمتع بحقوق المواطن والمواطنه محرومه من حقوقها في بعض الاحيان
لكن المشكله هي شو الحلول عشان نحد من هالشي :kkk:
خصوصا مثل ماذكرت ان النسبه ارتفعت وبشكل خطير ..
مانقدر نمنع الريال من الزواج من الاجانب .. كل واحد وحريته :fa36:
لازم يكون هناك في توعية للشباب بخصوص هالامر وعواقبه اللي ممكن اتكلف الدولة الكثير

مشكور عالموضوع ..
تحياتي ،،
:bow:
.
.

[لمّــاح]

أنا مابغي أعلق و اعق اللوم على حد ..

لكن السبب بســيط .. الأجنبـية هاذي عرفت كيف تكسب الريال عكس المواطنه :)

لو المواطنات يعرفن كيف يكسبن الرياييل، جان ماصار كل هذا !!
و الحمدلله انهم كتبو الخبر في الجريدة ..

[قرموشة]

أنا الصراحــه مــع لمــاح في كلامــه ..
كــل وحده وطريقتــها في كــسب ريلــهــا ..
وأكيد .. بديهــا تقدر تخــليه يطــلق الاجنبيــه ..
بس للأسف هي ما عرفت كــيف تتصـرف ..

^_^

[صدى جوفي]

ولد الحكومة .. اللنـك مـــا يشتغــل

اما تعدله أو تحط نص الخبر..

والسموحة منكم
صدى ..

[أمواج]

:mar7aba:
.
.
الحيــن الاجنبيــات يعــرفن يكســّبن الريــاييــل و المواطنــات لا . . هه
الاجنبيــات مستعــدات يخــسرن و يتنــازلن عن حقــوقهن بس عــشان هالريــال . .
وبعــدين الاجنبيــات من غلاتــن يعني . . عشان جيه الريــاييل بدوا ياخذون الاجنبيــات . . ولا ماافيهن ذوود على المــواطنـات . .

[صريح]

لمّــاح

ليــش
هفيـت الكلام اللي كنت بقــوله
:harhar1:

انــا ويــا لمــاحكوو فــي كل كلمه
قــالهـــا
:ice:

و تسلــم
ولد الحكــومة
ع
المــوضــــوع

[لمّــاح]

صــدى جــوفي . .

اللنك شــغال، عالعموم جربي هاللنك (http://www.albayan.ae/servlet/Satellite?c=Article&cid=1146323597137&pagename=Albayan%2FArticle%2FFullDetail)..

و اذا ماشتغل بعد، الموضوع طويل لكن الاخ ولد الحكومة لخصه في هالجملة:


60% من المواطنين المتزوجين من أجنبيات طلقوا زوجاتهم المواطنات

المتفيزره ..
انتي قلتيها، الاجنبية مستعدة تتنازل عشان ريلها، انا ما اقول المواطنة ماتتنازل ( أكبر مثال اهالينا لو ماتنازلو جـان ماعاشو ) لكن هناك نسبة كبيرة من المواطنات من جيلنا هــذا عكس امهاتنا و اهلنا قـبل ..
اربيعي عرس من 6 شهور تقريبا، احيده من فترة كان يسولف ويانا يقول ليتني ماعرست، بلوه ابتليت بها !!
س ســؤال .. هل البنت تعتبر رضا الريال عــيب ولازم تعانده عشان تثبت وجودها و شخصيتها ؟؟

أنا اعرف وايد ناس ماخذين مغربيات و شاميات ( سوريا و هالاماكن ) .. معظمهم مرتاحين ولو ان بعض الاوقات تستوي مشكلة بين الريال و اهله و دوم يحسسونه بأن الي سواه غلط ..
انا مــا أشجع الزواج من الاجنبيات، لكن في النهاية كلمة الحق تنقال .. هناك سلبيات و ايجابيات للزواج من المواطنات و سلبيات و ايجابيات للزواج من الاجنبيات .. و الي يحسن اختياره بيعيش مرتاح ..

[الجديدة]

و عليكم السلام و رحمه الله و بركاته
قريت الخبر اليوم و الصراحه تضايقت منه
ما أعرف شو السبب اللي يخلي هذه النسبة في الارتفاع
بس لو يسوون احصائية لهذا السبب عشان نعرف السبب
و نحاول نصلح من الأمور
و نخلي النساء أكثر مراعاة لبيتهن و أزواجهن من الأجنبيات
أتمنى من النساء إعادة النظر في هذه القضية و وضع الحلول التي تجعل زوجها يتمسك بها و لا يطلقها

انشاء الله الأمور تتعدل
قضية مهمة و تشكر يا ولد الحكومة على طرحها

[أمواج]

المتفيزره ..

انتي قلتيها، الاجنبية مستعدة تتنازل عشان ريلها، انا ما اقول المواطنة ماتتنازل ( أكبر مثال اهالينا لو ماتنازلو جـان ماعاشو ) لكن هناك نسبة كبيرة من المواطنات من جيلنا هــذا عكس امهاتنا و اهلنا قـبل ..



بــروووحك قــلت قبــل يعني مب في وقتنــا الحــالي . . أهلينا قبــل ينتــازلوون عن أشيااء وايده عشان عيشتهم قــبل صعبــة . . . لكــن ماعتقد في أحد الحين مستعــده يتنــازل عن ربــع حقــه . .






س ســؤال .. هل البنت تعتبر رضا الريال عــيب ولازم تعانده عشان تثبت وجودها و شخصيتها ؟؟






لا طبعــا مب عيــب . . .





انا مــا أشجع الزواج من الاجنبيات، لكن في النهاية كلمة الحق تنقال .. هناك سلبيات و ايجابيات للزواج من المواطنات و سلبيات و ايجابيات للزواج من الاجنبيات .. و الي يحسن اختياره بيعيش مرتاح ..






أنــا ويــاك في هالشي . . . بس مب حــرام نسبــة العــوانس تزيــد عدنــا . . . صح كــل واحد يدور راحتــه . . بس مايفكــرون ببنــات بلاادهم . . . لمنــو بيخــلون بنات البــلاد . .؟! للغــرب يعني . . ؟!


والله هــذيل يوم إنه فيــهم هبــّه عالعــرس ياخذوون اللي عدنا ويفكــونا من هالمشــكله . .

[لمّــاح]

عــلى فــكرة، أعــلى نســبة طــلاق عندنا نحن في الامارات !!

[أمواج]

أنــا أستــغرب من شــي واحد بــس . . .
إنه الريــال يو يتزوج وافــده . . مايــلقى نفــس المعــاناة اللي تحصــلها المواطنـة لما تتزوج وافــد . .
أبغــي أعرف ليش التفــرقه . . .
شــاطرين بس يطبــقون قــوانينهم على الحريــم . . اما الريــايل لا . .

[صريح]

اول شــي
اذا بنرمس عن الزواج فأهم شي التوافق الفكري بين الزوجين سواا كانت الزوجه مواطنه و لا اجنبيه ..

ممكن تلقون واحد ارتاح مع مواطنه و غيره ارتاح مع اجنبيه
و التوفيج في هالشي من الله و عقب الاختيار السليم .... "القلــب و مـا يهــوى" مثل ما يقولون ...

و عندي وايد ربع "اغلبيتهم فبوظبي" امهاتهم اجنبيات بس من دول عربيه اكثر شي مصر ..
والله و النعم فيهم دين و اخلاق و مذهب و ذرابه ... ذكرتوني بام ذياب الله يذكرها بالخير الكشري اللي تسويه ما فيه احلى عنه الصراحه :yes:

و ها اقتباس من المقال يختصر كل اللي ابا اقـوله


حيث ذكر ان هناك أبناء أمهاتهم غير مواطنات لكن نجدهم ملتزمين دينياً وأخلاقياً وتربوياً ومتفوقين دراسياً
لذلك يجب عدم إلقاء كل اللوم على الزواج من أجنبيات فلابد أن نبحث عن الأسباب والمسببات
ومنها الاختيار الخاطئ المتمثل في فارق السن وعدم التوافق الفكري بين الزوجين،
فالزواج المتكافئ لا يفرز أية سلبيات إذا كان مدروساً في جميع جوانبه وإن وجدت الرعاية والمتابعة المستمرة للأبناء.

و اذا بتسألوني عن رايي الشخصي
فأكيــد بختــار بنــت لبـــلاد
بس مب معناته اني ضد الزواج من اجنبيات بشرط انهن من دول عربيه و مسلمــات !


و السمــوحه
:fa35:

[خيال الروح]

فالاجنبية بعد انقضاء مدة من الزمن تسعى لجلب باقي افراد العائلة الى الوطن الجديد.. كما تسعى للحصول على جواز وجنسية الدولة لتتمتع بكافة الحقوق.


مـنو قـال انـه الاجـنبيه تتنازل عن حـقوقـها ,,
في بــدايه اكيد بتتنازل
بس بــعدين بتسترد حقـوقـها وزيــاده بعـــد

واذا شفتـوا بـرنـامج " البـرزه "
في حـلقة من الحلقـات رمسـو عن هالمـوضوع ,
وذكروا أمـثله عن الزوجـات الاجنبيات كيـف كـانو يـعاملون ازواجهم
مــعامله مب زيــنه

ومــثل ما فيـه الشين فيــه الزيـن ( ما ادري ليـش وايـد حاطين على المواطنات )

:

[صدى جوفي]

الـسـلام عـلـيكم،

ظـــاهــريــاً:
لـيـش المـواطنـة مب مستـعدة تقـدم تنازلات لريلهـا.. بكــل بســاطــة شــادة الـظـهر بأهـلـهـا .. عـنـدها راتـب وسـيـارة - ولهـا كيـانـهـا - وبالخــط الـعـريض ’عنــدها عــزة نـفس‘ يـعـنـي الطــلاق ما راح يسبب لهـا أزمــة سوى المسـمى - مطلقة -

أمـــا الــوافــدة غــير فهــي مــا تــغـربت عــن أهــلهــا ودارهــا الا لأنهــا محتــاجــة - مب كلهــن طبعاً- فــهــي تحــاول قــدر الامكــان تــكسب - مصــدر رزقــها - والا بينقــطع عنــها..

حقــيــقــةً :
ســواء كانت مــواطنــة أو وافــدة ،، اللـــي معــدنهــا طيب وزوجــها مو مقــصر بهــا ما تفرط فيه

تسلـــم عالموضوع ولــد حكومتــنا وشــكراً عاللنــك لمــاح

كــــل الاحتــرام .. صدى جوفي

[خيال الروح]

’عنــدها عــزة نـفس‘

مـــــا اعتقد انه في شخص ما عنده عزة نفس ,,

:

[الذهــب]

http://www.dlo3y.com/upload/uploads/bd4025f1c1.gif


http://www.dlo3y.com/upload/uploads/f8bc4bb8e9.gif


هلالالالالالالالالا والله
شحالكم عساكم طيبين



اشكرك اخوي على نقلك لنا هذا الخبر


وانا قريت الخبر اليوم .. في الجريدة



في البداية علينا ان نطرح تساؤلات لهؤلاء الازواج ..


1/ سبب اختياره الزوجه الاجنبية وترك الزوجة المواطنه ؟


2/ ما يوجد في الاجنبية غير موجود في المواطنه ؟


3/ بما انك تزوجت مواطنه ورضيت بتكاليف الزواج .. فلماذا بعد ذلك اتجهت للاجنبية ؟



هذه بعض التساؤلات التي يجب ان نعرفنا من قبل الازواج



وابصراحه 60% نسبه كبيره جدا ... اذا كان 60% متزوجين من اجنبيات .. ولدينا نسبة كبيره في الطلاق



فكم نسبة المتزوجين من مواطنات ...1% ؟؟!!



بعض الاحيان لا نلوم الشاب اذا فكر الزواج من اجنبيات .. عندما يفكر بتكاليف العرس ..


ولكن 60% متزوجين من مواطنات ورضوا بتكاليف الزواج .. ثم يتزوجون من اجنبيات .. لماذا ؟




في السابق نقول ان المربيات هم الذين يدمرون ابناءنا .. والآن نأتي بأجنبية لكي تلد هذا الطفل وتعلمه من تقاليدها وسلوكياتها ..




الغريب من الامر .. ان شبابنا والحمدالله كلهم مثقفين ويدركون كل الامور التي حولهم .. ويعرفون اخطار والمشاكل التي سوف يقعون فيها اذا ما تزوج من اجنبية .. ولكن مع ذلك .. يتزوجون من اجنبيات



يعني بكل صراحه صدمه كبيره لما يرى المرء 60% من متزوجين من اجنبيات مطلقين زوجاتهم المواطنات !!


اعتقد سنجد 10% قد يحق لهم الزواج من اجنبيات .. يمكن بسبب معاملة زوجته له او امور زوجية


لكن 60% يعانون مشاكل من زوجاتهم المواطنات ويتزوجون من مطلقات ... لماذا .. شو السبب ؟؟
هذا ما يحيرني .. بكل صراحه




شكرا لك اخوي .. ويعطيك العافيه





O.o الحقوق محفوظه لـ الذهــــب o.O


http://www.dlo3y.com/upload/uploads/2ee63674d3.gif


http://www.dlo3y.com/upload/uploads/877fa05b15.gif

[لبن مثلج]

السلام عليكم

:argue: اعصابكم ،،

فريق الصبايا وفريق الشباب :bash:

انا مع لماح ،، المواطنة في بعض الاحيان ماتعرف تكسب ريلها ( والحريم كيدهن عظيم) ليش ماتستغل هالنقطة واتخليه خاتم في صبعها مثل ماتسويبه الوافدة (مب كل الرياييل) الي شخصيتهم تعبانة وكلمة اتوديهم وكلمة اتيبهم :negab:

وانا مع المتفيزرة: ترا الرياييل من اتزيد بيزاتهم،، يتخبلون :m7tar: ،، على طول ساروا واتزجوا هالوافدة ،، والادهى والامر انهم يعززونها ويكرمونها ويدلعووووونها اخر دلع ، ويستخسرون في المواطنة كل شي (ويقولون ماتراعينا) :narr:

يعني الطرفين غلطانين ..

بس اللوم الاكبر على الرياييل لانه مايعيبهم شي :ice:

[صدى جوفي]

[COLOR="Red"]ظـــاهــريــاً:
لـيـش المـواطنـة مب مستـعدة تقـدم تنازلات لريلهـا.. بكــل بســاطــة شــادة الـظـهر بأهـلـهـا .. عـنـدها راتـب وسـيـارة - ولهـا كيـانـهـا - وبالخــط الـعـريض ’عنــدها عــزة نـفس‘ يـعـنـي الطــلاق ما راح يسبب لهـا أزمــة سوى المسـمى - مطلقة -
القصـــد أنهـــا تكــــابر فماعندها استعداد تقدم تنازلات

أمـــا الــوافــدة غــير فهــي مــا تــغـربت عــن أهــلهــا ودارهــا الا لأنهــا محتــاجــة - مب كلهــن طبعاً- فــهــي تحــاول قــدر الامكــان تــكسب - مصــدر رزقــها - والا بينقــطع عنــها..


^
^
^
هـــذي مجــرد افــتــراضــات


حقــيــقــةً :
ســواء كانت مــواطنــة أو وافــدة ،، اللـــي معــدنهــا طيب وزوجــها مو مقــصر بهــا ما تفرط فيه


^
^
^
وهذا رأيي

[لمّــاح]

عـدنــا . .

اختيه المتفيزره ..


بــروووحك قــلت قبــل يعني مب في وقتنــا الحــالي . . أهلينا قبــل ينتــازلوون عن أشيااء وايده عشان عيشتهم قــبل صعبــة . . . لكــن ماعتقد في أحد الحين مستعــده يتنــازل عن ربــع حقــه . .

اختيه حطي في بالج، مايمر على الانسان زمان الا و فيه مشاكله .. زمان لوّل كانت عندهم ضروفهم غير عن ضروفنا و مايستوي انقيس مشاكل قبل ويا مشاكلنا الحيـن ..
على سبـيل المثـال، بعض الحريم مايتنازلن عن حقهن في الكسب المعيشي (( الشغل )) ..
بعض الحريم، مايتنازلن عن حقهن في مسكن ملائم، بعض الرياييل اتمر عليهم ضروف يضطرون بسببها انهم يتركون بيتهم و يسكنون في شقة صغيره ..
نسبة كبيره من الحريم، مايتنازلن عن الكماليات و يضغطون على الريال بشكل فضيع بس عشان يشتريلهم هالكماليات و السبب هو خوفها من القيـل و القال و فلانه ريلها ماخذالها و اربيعتي دوم اتعايرني و للعلم هالفئة وايد كبيره !! و هي الفئة الي يخاف منها الشاب ..


أنــا ويــاك في هالشي . . . بس مب حــرام نسبــة العــوانس تزيــد عدنــا . . . صح كــل واحد يدور راحتــه . . بس مايفكــرون ببنــات بلاادهم . . . لمنــو بيخــلون بنات البــلاد . .؟! للغــرب يعني . . ؟!
والله هــذيل يوم إنه فيــهم هبــّه عالعــرس ياخذوون اللي عدنا ويفكــونا من هالمشــكله . .

بالمقابل أقولج، مـب حرام الولد يصرف كل هالبيزات على المواطنة و بالمقابل يحصل منها العناد و مايرتاح ... الخ ؟؟
بعض الاوقات، يتمنى الولد انه ياكل من ايد حرمته وبذمتج من بين كل كمن بنت بتحصلين بنت تعرف تطبخ ؟؟
و أقولج بعد، مب حرام الأهل يضغطون على الولد و يطلبون مهر غالي و من هالأشيا .. ؟


أنــا أستــغرب من شــي واحد بــس . . .
إنه الريــال يو يتزوج وافــده . . مايــلقى نفــس المعــاناة اللي تحصــلها المواطنـة لما تتزوج وافــد . .
أبغــي أعرف ليش التفــرقه . . .
شــاطرين بس يطبــقون قــوانينهم على الحريــم . . اما الريــايل لا . .

السـبب بسيط جدا، الحرمة تتبع الولد في الاسم و الاولاد يتبعون الابو في الاسم .. و ثانيا معروف ان البنت تنجر ورا عواطفها و سهل على الريال انه يلعب عليها، فتخيلي يفتحون المجال للوافدين بأنهم اذا خذو مواطنه بيحصلون الجواز و الجنسية .. تتوقعين في بنت بتسلم ؟؟ أكيد لأ !!

اختي صـدى جوفي ..


لـيـش المـواطنـة مب مستـعدة تقـدم تنازلات لريلهـا.. بكــل بســاطــة شــادة الـظـهر بأهـلـهـا .. عـنـدها راتـب وسـيـارة - ولهـا كيـانـهـا - وبالخــط الـعـريض ’عنــدها عــزة نـفس‘ يـعـنـي الطــلاق ما راح يسبب لهـا أزمــة سوى المسـمى - مطلقة -

الي بيجرب الطلاق، بيعرف معنى كلمة مـطلـقة !!
و لعلمج الاهل مابينفعون البنت، هي شاده ضهرها فيهم الحين لكن باجر محد بينفعها غير ريلها، و لعلمج رضا الله من رضا الزوج .. خلها تشد ضهرها في هلها، بينفعونها، غريبه هالانسانه الي تبدي رضا اهلها على رضا الله و الزوج .. !

[شمعة أمل]

مافيها شي غلط ااذا الواحد خذ وحده اجنبيه .. بطريقه ما احسن لانه عياله الحمدالله يكونون بخير ومايبتلون بامراض بسبب التلخبط في الجينات
وتحصلون انه يوم ياخذ اجنبيه تساعده وايد .. مثلا تشتغل ولو ماتشتغل وتكون ربة بيت تهتم باشيا نفس تدفع الفواتير وجي واذا في اشيغال في البنوك والى عند المحاميين تسير عندهم وتحل المشكله .. بس اذا مواطنه ريلها يسوي تقريبا كل شي

وبعدين المواطنه ماتسوي شييييييي عشان تحل المشكله.. محد قالها لاتقبل واحد اجنبي اذا خطبها سواء كان خليجي ولا شامي ولا هندي ولا ايراني ولا امريكي ولا استرالي .. اهم شي دينه وبس>_<

[خيال الروح]

عياله الحمدالله يكونون بخير ومايبتلون بامراض بسبب التلخبط في الجينات

ليـش اذا خذا مواطنه بيبتلي بامراض وغيره ,,
الحـمدلله ما فيــنا شي ,, :nono:


مثلا تشتغل ولو ماتشتغل وتكون ربة بيت تهتم باشيا نفس تدفع الفواتير وجي واذا في اشيغال في البنوك والى عند المحاميين تسير عندهم وتحل المشكله .. بس اذا مواطنه ريلها يسوي تقريبا كل شي


أغلب الريــايل الحـين ما يبون حريمهم يشتغلون,,
المــواطنـه تقدر تشتغل حـالها حال الاجـنبيه ( مـافيـها شي )

وبـعدين الريـاييل عـدنا ما يحـبون حريـمهم يخـالطون الريـاييل ,,
مـثل انـها تروح بروحـها عند محامي ( لانها مب تعوده تروح بروحها بدون محرم)
امــا الاجنبـيه بحـكم طبيـعه معيشتها مـتعوده على هالشـي ,,

:

بــس ليـش حاطين على المواطنــات بهالطريـقه ( صبوع ايدكم مب واحد )
كــانهن مب زينـات
والاجنبيــه هي الافـضل والاحســن

:nono:


:

[شمعة أمل]

ماقصدت انه نحن فينا امراض .. بس عادتاَ ياخذون عيال عم ولا حد يقربلهم من بعيد .. وهذا الى ييب الامراض!


ومب كل الريايل مايبون حريمهم يشتغلون.. الحينه وايدين يبون حريم مثقفين ويشتغلون عشان يساعدونهم في الفواتير لانه كل شي استوى غالي .. ولو لاحظتي وايدين يوم يعرسون يكملون شغلهم بس اول ما يربون ويبون عيال يوقفون شغل لكن يبون بشاكير؟ ليش انزين؟ يا تيبين بشكاره وتشتغلين ولا يا تيلسين في البيت بدون بشكاره



نحن ماعنا شي ضد المواطنات < يعني شو عنا شي ضد عمارنا


بس هالحقيقه بصراحه .. والزواج من اجنبيه less stressful

[صريح]

شمعة أمل


وتحصلون انه يوم ياخذ اجنبيه تساعده وايد .. مثلا تشتغل ولو ماتشتغل وتكون ربة بيت تهتم باشيا نفس تدفع الفواتير وجي واذا في اشيغال في البنوك والى عند المحاميين تسير عندهم وتحل المشكله

هالشـي نشوفه فالافـلام اكثر شي بس فالواقع مب دوم !
:fa36:


محد قالها لاتقبل واحد اجنبي اذا خطبها سواء كان خليجي ولا شامي ولا هندي ولا ايراني ولا امريكي ولا استرالي .. اهم شي دينه وبس>_<

ليــش ما تعرفين انه الحيـن لازم تاخذ اذن من الداخليه "و هل شي يطول" ولا ممكن يسحبون جوازها ..
:boxed:


بس هالحقيقه بصراحه .. والزواج من اجنبيه less stressful

السموحه بـس مـول ما يخصه !
تأكدي الــ stress مابي لانها مواطنه ... الــ stress بيي من تصرفــات و سلوك الحرمه سواء كانت مواطنه ولا اجنبيه

و السمـوحه

[تحفه]

هممم .. ليش التحسيف ؟! كلنا اوادم .. مواطنه هنديه اسبانيه المانيه سويسريه سرلنكيه ولا فلبينيه .. اذا كلنا ناس وعنا مبادئ .. ونستاهل نعيش عيشه حلوه!!

لا تقيمون الناس بمبدأ والله هاي مواطنه يعني تستاهل وهاي وافده ماتستاهل .. فكرو بشخصهم عم نفسهم .. إذا كانو احسن من البنت الاماراتيه .. ليش لأ؟!


حمدلله عمري ما قلت هاذا مواطن وهاذا لأ .. وانا اشوف ان الأوليه للزينين حتا في امور الزواج


وعن مسئلة ان الرياييل خلصو .. مب مشكله .. باجر يوم بقرر اتزوج .. وماحصلنا مواطننين نتزوجهم لأنهم تزوجو اجنبيات بتززوج من برع .. :tounge: ( ويهي استوى لوح )

[خيال الروح]

نحن ماعنا شي ضد المواطنات < يعني شو عنا شي ضد عمارنا


هــذا الشي باين من الرد ,,

:

[سبيجة]

السلام عليكم


النقاش ....وايد محلي الموضوع...وحمسني للرد.....



نبدأ...مصاريف العرس...وايد والمهر مبلغ فيه...والحرمه بطرانه ..وما بتشبع من المشاري واللبس والسوق....والسفر....والصرف...... .:daleel:


سؤال للشباب....؟؟ شو نوع موترك؟؟ وشو السياره اللي تباها؟؟؟ أكيد سعرها ما بيقل عن 100 ألف..رنج سبورت....:fa35: وإلا كايين.....وإلا كورفت ....لا اظني لامبرجيني أحلى..... :fa34:


أقل شيء سيارتك بكم؟؟؟وإذا تبا سياره حلوه وما بتغيرها فترة ....لازم تدفع.... فما بالك في شريكة حياتك.... اللي بتشاركك همومك وأفراحك ...وباجر بتيب ك عيال وبتربيهم...تشوف خساره فيها؟؟؟ يمكن تظهر مب زينه أو طباعها غير عن اطباعك... مب مشكلتها ...مشكلتك انته ...انته اللي اخترتها وطلبتها من بيت ابوها ....كانت يالسه ومرتاحه... :smartass: حتى السياره اللي ماخذنها بالشيء الفلاني ...بتخترب في يوم ...بتخسر عليها...بتدخلها الوكاله ... يعني دفعت أو ما دفعت انته خسران ....بس ليش ما تشوف النواحي الايجابيه ...انك كاشخ فيها...انها سياره قويه ..تتحمل ...بس لازم فيها شيء ...(مب قصدي اشبه الحرمه بالسياره ...بس لأنه الشباب وايد يهتمون في هالموضوع ..ولا تحرجن يا بنات تراني آخذهم على قد عقلهم وعلى الأشياء اللي يحبونها)..:yes:


الاختيار في مسألة الزواج وايد مهم واساسي ...إذا اخترت وحده عسب جمالها وفلوسها ..فلا تتوقع انك ترتاح وياها .... وإذا كانت شريكة حياتك بنت ناس ...وصاحبة أخلاق عالية اكيد بتعيش مرتاح...

وعلى فكرة لكل اللي يقول انه ممكن يعتمد على الحرمه الاجنبيه ....اقوله ترى ما شاء الله عليها بنت البلاد ما تم مجال ما دخلته ...ولا عرفته ....حتى الطب الشرعي..!!:yes: وما في دائرة ما فيها بنات ...وأنا أعرف دائرة من الدوائر الحكومية في دبي ...كانت من اسوأ الدوائر ... بعد تقييم برنامج دبي للآداء الحكومي المتميز ,,, فتم تعيين مواطنات في هالدائرة من سنه تقريبا .... والحين هالدائرة حاصله على الآيزو,,,, وكانت خطوة إيجابية جداً....

والأجنبية ما تبا تشوف اهلها ..تزورهم يزورونها ..ما يباله خسر..؟!! ويزه ومصرف وسكن وتحويط..وبياض ويهه جدام الخلق ...brgll:

ولا تنسون ابتعاد الكثير من الأزواج عن اهاليهم بعد ارتباطهم بأجنبيات ...يعني يسببون تفكك أسري ..ومجتمعي...:yes:


واايد رمسه في خاطري ..بس النوم سلطان مثل ما يقولون....


أكيد للحديث بيقة ..


تصبحون على خير...



السموحه

[سبيجة]

نسيت اذكر شيء وايد مهم...

عمرها المواطنه ما بتتساوى ويا الأجنبيه...

تختلف عاداتنا وتقاليدنا ....إذا كنا في بلاد وحده بس من امارات مختلفه تختلف بعض الأطباع فما بالكم في دوله ثانيه ...!!

أمس اقول حق وحده من إمارة ثانيه غير عن إمارتي عندنا عزيمة في البيت ..مناسبتها نثور بنت اختي ..!! تمت منصدمه ...شو تقولين؟؟ شو يعني ؟؟!! وهي بنت عرب وناس... ما تعرف ولا عمرها حضرت أو شافت نثور ياهل!! فما بالكم في الأجنبيه ...إلا جان ولدنا متعود يحتفل براس السنه ...والكريسمس ..!!


السموحه

[لمّــاح]

الاخت سـبيجة ..

كلامج ماعليه غــبار، و انا عن عمري صح اني تكلمت عن الزواج من الاجنبيات لكن هذا مايعني اني أشجع هذا الزواج، أنا اذا فكرت، اكيد بفكر ارتبط بوحدة مواطنه ..

المشكلة هي في الاشيا الي ذكرتيها فــوق:


فما بالك في شريكة حياتك.... اللي بتشاركك همومك وأفراحك ...وباجر بتيب ك عيال وبتربيهم...تشوف خساره فيها؟؟؟ يمكن تظهر مب زينه أو طباعها غير عن اطباعك... مب مشكلتها ...مشكلتك انته ...انته اللي اخترتها وطلبتها من بيت ابوها ....كانت يالسه ومرتاحه

أذا البنت بهالمواصفات بالاضافة الى انها مستعدة تتنازل عن الكماليات في اوقات الضرورة، و بتحافظ على ريلها و مستعدة تضحي عشانه .. هنيه اوقف و اقولج لكل حادث حديث ..

بس الي نشوفه عكس الرمسه الي انقالت !!

الريال مثل مكينة البيزات، متى مابغت فلوس سارت عنده و خذت بيزات .. حق شو ؟؟ سوالف حريم، ثياب على نعله على مكياج ... الخ (( هالفئة من البنات الي يبذرن فلوسهن وايد شي منهن !! ))

و انتي قلتي، البنت هاذي بتشاركك همومك، صح كلامج !! لكن تخيلي اذا البنت هاذي كانت هم من همومج، منو بيشاركج همومج الحين ؟؟

البنت بعد اتحس ان عندها شخصية و ضهر قوي (( ابوها )) و أي كلمة تطلع أو تصرف يبدر من ريلها مايعيبها ، شلت قشارها و سارت بيت ابوها .. في هالحالة الولد الود وده يطلقها لكن غميضه البيزات الي صرفها عالبنت .. و في نفس الوقت يفكر في حل ثاني عشان يرد اعتباره كريال، مابيروم، لأن ابو البنت بيدخل في المشكلة .. ف عشان يقهرها بتطلع منه تصرفات غلط، و بصراحه محد بيلومه اذا عرس عليها أو هجرها أو تصرف وياها أي تصرف ثاني عشان يسيئ لها ..
هالمواقف لاتقولين انها نادرة الوجود، بالعكس تستوي بشكل يومي !!
يمكن يكون ردكم، مافي بيت مايخلو من المشاكل .. صح هالكلام 100% صح ..
لكن ارد و اقولكم، مب بهالاسلوب الهمجي بتنحل المشـاكل .. هناك اساليب كثيره عشان انحل هالمشاكل، بس المشكلة الاساسية في البنات لأنهن اتعلمو يشلون قشارهم و يردون بيت ابوهم ع بالهم الريال بينكس و بيضعف جدام ابوها .. أكبر غلط ان البنت اتهين أو اتقلل من جيمة ريلها ، و المفروض تحترمة و اتضحي و تتنازل عشانه ..

[لبن مثلج]

الريال مثل مكينة البيزات، متى مابغت فلوس سارت عنده و خذت بيزات ..

حلوه هاي عيبتني :ice:

سؤال::: امنو امعرس من الاعضاء الي مشاركين في الموضوع ،، لانهم هم اصحاب الخبرة والراي :kkk:

[ولد الحكومة]

وعليكم السلام والرحمة الله وبركاااته

شووو السالفه موضوعي سوى زوبعه ويوووووله في المنتدى خخخخ :fa34:

صباح الخير ... كيفكم وشو اخباركم :yes:

الصراحه مب عارف كيف اشكركم ، وماشاءالله على هالردود الحلوووة ... واشكرك كل واحد رد على الموضوع ...

1. لماذا يحق للرجل أن يتزوج من الأجنبية بينما تهدد المرأة المواطنة اذا تزوجت من أجنبي بسحب جنسيتها ويحرم على أبنائها التجنس بجنسيتها؟؟

2. لماذا لا يتم الزام المواطن بقوانين صارمة تردعه من الزواج من أجنبيه؟؟

شورايكم :nono:

[ولد الحكومة]

حلوه هاي عيبتني :ice:

سؤال::: امنو امعرس من الاعضاء الي مشاركين في الموضوع ،، لانهم هم اصحاب الخبرة والراي :kkk:

انااااا عـزابي :nono:

[ولد الحكومة]

ورجعنااااا مرة ثاااانيه :ice:

بس هالمرة يبتلكم خبر حلووووووو :fa38:

اليوم قريت في الجريده ان سمو الشيخ خليفه بن زايد ال نهيان - رئيس الدولة ( حفظه الله ) انه أمر بتسديد المتأخرات لمستحقي منح صندوق الزواج وقد أمر سموه “حفظه الله” بأن تظل قيمة منحة الزواج التي تقدم عن طريق مؤسسة صندوق الزواج 70 ألف درهم وذلك لدعم النسيج الاجتماعي وبناء أسر مستقرة ومتماسكة.
الخبر منقووول من جريدة الخليج الصادرة بتاريخ 2/4/2006. :bow:

الله يطووول بعمره

[أمواج]

1. لماذا يحق للرجل أن يتزوج من الأجنبية بينما تهدد المرأة المواطنة اذا تزوجت من أجنبي بسحب جنسيتها ويحرم على أبنائها التجنس بجنسيتها؟؟
2. لماذا لا يتم الزام المواطن بقوانين صارمة تردعه من الزواج من أجنبيه؟؟

أنــا هاللي قاهرني في هالمـوضووع . . . إنه الريــال مايتحــاسب على زواجه من الوافدات . . .
بس المواطنه لما تتزوج وافد تنسحب عنها الجنسيــه . . وتنحـرم من أي معاونه من الشؤون الاجتماعيه في حالة الطلاق او موت الزوج . . . وغيــر هذا كــله الابنــاء بيحســون بالتفرقــه بينهم وبين الثانيــن . . . يكــفي إنه المواطنــة بتحــس نفســها غريـبه في بــلادها . . .
الصــراحه ماتنــلام لما تتزوج من وافـد . . يوم شبــابنا خــلوا البنــات للغرب واتجهـوا للزيجات الوافدات . . .
انا عن نفســي ما اعارض زواج الوافدات . . . بس لايحاسبوون البنات لما يتزوج الوافدين . . . وبلاش هالقوانين . . .

[ولد الحكومة]

وعليكم السلام ورحمة الله وبركاااته

المتفيزره عالعرقووب :
والله اختي انا اشوووف هالقرار على الاثنين ، يعني المواطن حرمته ما تنعطى جواز ولا جنسيه ... ام المواطنه فانهااا في حالة انهااا تزوج وافد وبدووون موافقة الديوان تسحب عنهااا الجنسيه والجواز وينقطع عنهااا كل شيء اما الابناء فانهم يحصلووون على الجواز بالتبعية. ( مع الام ). بس القرار قاسي على المواطنه اكثر :bye2:.

شو الحل والله اعلم !!! :nono:

شكرا اختي عالمرور

ولد حكومتج :bow:

[لمّــاح]

اخــتــي المتفيزره ..:negab:


بس المواطنه لما تتزوج وافد تنسحب عنها الجنسيــه . . وتنحـرم من أي معاونه من الشؤون الاجتماعيه في حالة الطلاق او موت الزوج

و كذلك الأجنبـية الي بتاخذ مواطن، بينسحب عنها جوازها الأصلي و بتنقطع عنها كل المعونات و الخدمات الحكومية ( في بلادها ) بحكم انها تتبع زوجها الحين في الجواز .. و نحن في الدولة وايد متساهلين ويا المواطنة الي تاخذ وافد، الجواز يتم عندها على ما اضن و ينزللها معاش شهري من الشؤون و عيالها يدرسونهم في المدارس الحكومية و يتعالجون في المستشفيات الحكومية.. لو كنا في دولة ثانية مابنشوف هالشي، الله يرحمك يازايد !!

اوكي خلينا نشوف هالقانون من وجهة نضر ثانية، ليش مانعتبر ان القوانين الصارمة هاذي، على حد تعبيرج، اسلوب ضغط و تنبيه من الحكومة لأولياء الامور عشان تفهمهم و تقولهم يــا ناس يــا أولياء امور هالبنات، بنتكم هاذي محد بياخذها من برع البلاد و مالكم غير ولدكم الي هو ولد بلادكم، لاتضغطون على الولد بهالمصاريف الي مالها داعي، قللو من المهر و الطلبات الزايده ..والله اعرف عوايل، هم الي يخطبون الريال الزين لبنتهم و يساعدون الولد في مصاريف العرس .. أتمنى لو كل العوايل جذه جان ما اتجه تفكير الشباب للزواج من الاجنبيات ..
و بصراحه نحن مب ناقصين خلل في التركيبة السكانية، اتوقع اكبر غلط ان البنت تاخذ اجنبي لأنها بتتبع ريلها في الاسم و الجنسية و هالشي بتترتب عليه نتايج سلبية كثيره ( اكثر عن الريال ) و لاتنسين ان الحريم أساس و رمز الكرامة و الشرف، تخيلي البنت تاخذ وافد مثلا من بعض الدول المسلمة لكن FREE شويه ( مابا اذكر أسامي الدولة عشان محد يزعل ) الحرمة هاذي بتفقد حشمتها و هيبتها بيكون عادي عندهم الاختلاط في بلادهم، شي طبيعي اذا كانت عندهم عزيمه الحريم و الرياييل في نفس الميلس .. و الحرمة عادي اتصافح الريال .. :puppyeyes:
او خليني اضربلج مثال ثاني، مثل مابعض الشباب الله يهديهم ياخذون سيلانيات و هنديات :boxed: تخيلي هالمواطنة تاخذلها سيلاني مثلا، تتوقعين اولا اهلها بيوافقون ؟؟ ثانيا تتوقعين انها بتقدر اتعيش في الهند ولا سرلانكا ؟؟ أكيد لأ :kkk:
و تخيلي تاخذ فلبيني او انجليزي .. نفس الكلام !! :nono:


يكــفي إنه المواطنــة بتحــس نفســها غريـبه في بــلادها

محد قالها تاخذ واحد من برع، مب هي صاحبة القرار ؟؟ خل تتحمل نتايج قراراتها ..


الصــراحه ماتنــلام لما تتزوج من وافـد . . يوم شبــابنا خــلوا البنــات للغرب واتجهـوا للزيجات الوافدات . . .

الصراحة ما الوم الشباب يوم خذو وافدات، الوافدات خصوصا اكثر حرصا على البيزات من المواطنة .. أستغرب من المواطنة كيف ترضى انها تبتدي حياتها الزوجيه مع زوج مديون و السبب هو ( اوامرها و شروطها الزايدة) و كأنها تعتبر الزواج لعبة و فشخرة و خقة ..
المهر حتى لو كان رخيص، لكن هناك أشيا تتبع المهر من زهبة و صالة افراح و و و .. ماعليه، هالأشيا كلها تهون، بس الشي الأكبر الي يأرق الواحد هو المسكن .. اذا عرس وين بيسكن الحرمة ؟؟
الاجارات اتزيد، اسعار البناء زادت في البداية 50% بسبب ارتفاع اسعار السميت، ومع زيادة اسعار الديزل رفعو الاسعار اكثر و اكثر .. انا عندي خلفية جيدة عن المقاولات، على سبيل المثال اذا بنيتو بيت قبل 4 سنين بجيمة 600,000 ، نفس البيت اذا بغيتو تبنونه اليوم ما ابالغ اذا قلتلكم سعره بيكون بين المليون و الامية الى المليون و الميتين ألف .. !
الاجارات اتزيد، و اسعار البنا ترتفع و رواتب الموضفين مثل ماهي عليه الا قبل فترة زادوها 25% ..

نفترض ان الولد قدر يرتب كل هالاشيا .. بيفكر في النقطة الثانية الي هي الطلاق .. في حالة عدم توافق الزوجين او مثلا صارت مشاكل تحتم عليهم الطلاق، بيسأل نفسه، هل بإمكاني اني اطلقها ولا ؟؟
الجواب نعم، اذا كان المؤخر معقول، لكن خسارة البيزات الي دفعتها عالعرس و النقاط الي فوق ..
الولد ايضا يفكر في الوافدة اذا صار شي و تحتم عليهم الطلاق، بيقدر يطلقها لأنه مابيكون مخسر فلوس وايد على العرس ..

اوكي خلونا ننسى الطلاق، نرجع للعرس، و نفترض اني وافقت على كل هالمصاريف بحكم اني اقدر ادفعهن كـــاش و بدون ديون مثلا .. انتهينا من سوالف البيزات، بندخل في سوالف الزواج و الحياة الاجتماعية .. الي أتوقعه اني باخذ حرمة بتسعدني طول حياتي، بتوقف في صفي و بتكون لي سند و ضهر .. مب وحده بتنكد عليه حياتي، دلوعة ابوها و امها من تستوي مشكلة شرت قشارها وسارت بيت ابوها، و من ارفض لها طلب قالت يا تسويلي اياه الحين أو اخبر ابويه و اخواني عليك .. ! :qor9anah:
معـــظم الشباب الي تزوجو في آخر كمن سنة انصدمو من حريمهم، مايعرفون يطبخون، ماعندهم اسلوب جيد في التعامل مع الريال لانها تستحي منه فهالحيا الزايد و المتكرر بيخلي الزوج ينفر من زوجته .. الكثير من المواطنات معروف عنهن حبهن للمضاهر و الشباب يدرون ان البنت تتودد لريلها يوم تحتاي بيزات و ماتتعدل و تتمكيج الا اذا كانت معزومه ولا عندها مناسبة .. !
ويا الايام، يتكون حاجز بين الريال و حرمته و توصل حياتهم لدرجة مايتصورها البعض و تكون كلها رسميات في رسميات..
لو كانت تستاهل، و لو هي ضحت عشانه و عطته من وقتها و اهتمامها، مستحيل يبدي شغله عليها و بيخليها من أولويات حياته .. فتنتهي حياتهم الزوجية بالــطلاق و أكبر دليل ان هالأمثلة الي كتبتها فوق واقعية، هي نسبة الطلاق الخيالية .. !
انا ما اعمم هالكلام على كل البنات، شي وايد بنات الله راضي عليهن، لكن دايما الفئة الشاذة هي الي تنتشر اخبارها و علومها عند الناس فيضن الجميع ان معظم أو كل البنات من نفس طينة هالفئة من البنات .. و أنا عن نفسي ماباخذ او وافدة، بنت بلادي أولى بي .. بس على الله انحصل ( نحن الشباب ) بنت زينه تعرف كل هالاشيا و تقدر الحياة الزوجية و تعتبر الزواج تضحية و علاقة مقدسة، ماتعتبرها مفتاح للحرية الزايفة و ماتعتبر الريال مادة تلعب فيه و تسلبه كل مايملك..

انا عن نفســي ما اعارض زواج الوافدات . . . بس لايحاسبوون البنات لما يتزوج الوافدين . . . وبلاش هالقوانين

نفترض تقدملج مصري، بتوافقين ؟؟
و بحكم القوانين، بينسحب جوازج و بيعطونج جواز مصر و بتتبعينه في الاسم .. و حطي في بالج ان المصرية حتى اذا خذها مواطن بيسحبون عنها جواز مصر بحكم انها تتبع ريلها الحين ..

----

السموحه، ادري ردي طويل لكن كلام في خاطري قلت بكتبه جدامكم ..

[ذنـيـنـي]

لمّاح
كفيت و وفيت :fa34:

و انا بعطيكم مثال على معاناة الشاب في طريقه الى الزواج

لنفرض مثلا انه الزواج بيكلف 250 الف درهم على اقل تقدير

120 الف المهر و ملحقاته
80 الف تكلفة حفلة الفندق
و 50 الف تجهيز السكن >> غرفة نوم, صاله, المطبخ و ادواته, غساله, تلفزيون,,,, الخ

البنت تقدر تختصر في وااااااااااااااااايد اشياء و توفرها على الزوج في مقابل انها تعيش مرتاحه معاه ,,

أولا المهر,,
مب شرط يكون 100 الف,, تقدر البنت تاخذ اشياء بمبالغ اقل, و عقب بتاخذ باقي اغراضها مع الايام,, الي بتاخذه اصلا كله لموسم واحد و ما بتلبسه اكثر من ست شهور او سنه "بالكثير"
انا متأكد انكم تقدرون تقللون من الاشياء الي بتاخذونها و هذا الشي طبعا راجع للبنت

ثانيا حفلة الملجة,,
صح انها فرحة للبنت, لكن ما اعتقد انها ضرووووووورية جدا و العرس ما بيتم بدونها
ممكن انه البنت تسوي الحفلة هذه في بيت ابوها و تعزم ربيعاتها و ربيعات امها و بنات ربيعات امها و خوات ربيعات امها و تسوي بوفيه و يكون من احد الفنادق و ما راح يكلفها 8000 على اقصى تقدير
اخويه يوم ملج سوا بوفيه حق 200 شخص بـ 4000

ثالثا العرس,,
ايييييهيييييييي هذا هو سبب كل المشاكل, الريال يدفع فلوس عشان يقطعونه و يقطعون حرمته
يدفع فلوس عسب ايمع الحريم و يحشون في الخلق
يدفع فلوس عسب يرقصن البنات و الحريم و ياخذ اثم من وراهن
يدفع فلوس حق الاكل عشان ينجب في الزباله و انتوا بكرامه و اخر شي يتحاسب على كل حبة عيش عقها في يوم القيامه

يدفع الفلوس غصبا عن ويهه و ريله فوق راسه

انزين بعد كل هذا, شوي خفوا عليه,, مب شرط يكون العرس في جراند حياة اذا كانت امكانيات الزوج ما تسمح,,

ربيعي ماخذ بنت من عيمان, و هو من عيمان
و اهله كلهم من عيمان, و اهلها كلهم من عيمان

و فوق هذا,, رفضت انها تسوي العرس في جمعية ام المؤمنين او في فندق كمبنسكي "مع انه قاعاتهم حلوة على حسب علمي و على حسب الي اسمعه" و حلفت انها ما تعرس اذا ما كان عرسها في جراند حياة,,,
كل هذا بسبب حب الفشخرة و عسب يقولون انه ريلها سوالها عرس في جراند حياة مع انه بيكون افضل لزوجها و لأهلها و لكل المعزومين لو تمت الحفلة في عيمان

رابعا, التفاهات الي مالها داعي ,,

مثلا البوم الصور الي قيمته 7000 درهم :boxed:

ابغي افهم ليش الزوج يدفع 7000 على البوم صور بيتم معقوق في الكبت و بيخيس من الغبار
في البومات سعرها اقل و ممكن انها تؤدي المطلوب و بدون اي تبذير للأموال على شي تافه

عندكم الكوشة كـ مثال اخر,, ليش البنت تطلب كوشه بـ 15 و 20 الف عسب تسوي شي ما جد استوا من قبل,,
الا هي ساعتين بتيلسين فيها و بتتصورين و خلاص :fa36:

الـ 15 الف هذه بتيب لي غرفة نوم كامله, مع الستاير و السجاد
و بقيمه الالبوم ممكن اني اخذ تجهيزات المطبخ من ثلاجة و خلاطات و توستر و مايكروويف :fa36:

و في النهاية خلونا نحسب لكم التكاليف مثل ما يشوفها الزوج
اذا كان الزوج ايود من راتبه 5000 درهم شهريا على اساس انه متوسط الرواتب يبلغ 10000 درهم للخريجين في اول سنوات توظيفهم
بيمع المبلغ هذا خلال 4 سنوات و شهر اذا قسمنا مبلغ 250 الف على 5000 و وزعناها على 12 شهر سنويا

هذا كله و انا حاط في بالي اقل الاحتمالات,,
الواقع ممكن انه يكون امر من الكلام الي قلته
و مثل ما يقولون, المال عديل الروح و الواحد يتغصص يوم يشوف فلوسه و شقا 4 سنين يطيرن خلال ليله وحده و على اشياء "من الاساس ما لها داعي" :fa36:

و السموحه منكم

[صدى جوفي]

الســــــلام عليكم..

ذنينــي أأيـــدك أن أغــلب مــصــاريف العــرس مالهـــا داعــي .. كــلــهــا مــظــاهــر وخــســاير والــريــال اللــه يعــلــم بحــالــه - مــــــــن المنــطق الــريــال بــيــاخــذ الــمرة وبتعــيش ويــاه طــول عــمرهــا ، لــيــش يبــتدي حــيــاته بــديون مــا لها أول ولا آخــر عســب يــرضي النــاس - اللي على الحبة ينقدون؟؟ - ومــــا يــنــدرى اذا بيــرتــاح مع مــرتــه أو لا والــرســول قـــال: " أقلهــن مهـراً، أكــثرهــن بركــة"

1. لماذا يحق للرجل أن يتزوج من الأجنبية بينما تهدد المرأة المواطنة اذا تزوجت من أجنبي بسحب جنسيتها ويحرم على أبنائها التجنس بجنسيتها؟؟

لأن القــوامة باييد الريــال، وأنـــا أأيــد زواج المــواطنــة من دول الخــليج - لأن هنــاك كثــير من العــوايل الامــاراتيــة لهــا أهــــل فالدول الخليجية، يعــني بتكــون وســط أهــلهــا ونــاسهــا.. ومــا أنــكــر أنهــا راح تــخســر الجــنســية الامــاراتيــة و بعض حقــوقهــا اللي يمكــن ما تــقدر تحصــلها فالدول الثــانية..

2. لماذا لا يتم الزام المواطن بقوانين صارمة تردعه من الزواج من أجنبيه؟؟

الــزواج حــرية شــخصيــة والاســلام حلل للريـــال ياخــذ المسلمــة والمسيحيــة واليهــودية.. فكــيف الدولــة تــمنــع شي حللـــه الاســلام،، بالمــقــابل الدولة ما تقصــر بتــشجيع الزواج من مواطنـــات من صــندوق زواج، عـــرس جمــاعي .. ولكـــن لا تــــزال المشكلة قـــــائمــة..

بــــــاختــصــار المشكــلة مشــكلة فــكر أكــثر من كونهــــا مشــكلة مــادة..

السمــوحة (:

[أمواج]

و نحن في الدولة وايد متساهلين ويا المواطنة الي تاخذ وافد، الجواز يتم عندها على ما اضن و ينزللها معاش شهري من الشؤون و عيالها يدرسونهم في المدارس الحكومية و يتعالجون في المستشفيات الحكومية.. لو كنا في دولة ثانية مابنشوف هالشي،




لكــن اللي صــاير شي ثــاني ومخــالف تماما للي قــلته . . .


بعطيـــك مثــال : ربيعتي أمها مواطنه و أبوها بحريــني . . وعايشه في بوظبي طول حياتها . . .


درســت في جامعــة ا لامارات بواسطـــة . . .ليش ماقبــلوا البنيه بدون واسطــه حالها حالنــا مثل ماقلت إنه تقدر تدرس عادي . . عيل وين المشــكله . . .؟! . . المشــكله إنها وافــدة عشان جيه ماقبــلوها . . . ونفــس الشي في المستشفيــات . . لازم تتدفــع عشان تتعــالج . . .

الكــلام شي و اللي صــاير شي ثــــــــــاني . .

نحــن الحمــدلله عايشــين في دولــة فيها التطــور والتقــدم وصــل لجميــع الاصعدة وفي جميع المجـالات . . فكيــف في هالدولــة تنحرم فيه الحرمــه من إنها تختــار شــريك حياتها بحريــة . . .؟!



اوكي خلينا نشوف هالقانون من وجهة نضر ثانية، ليش مانعتبر ان القوانين الصارمة هاذي، على حد تعبيرج، اسلوب ضغط و تنبيه من الحكومة لأولياء الامور عشان تفهمهم و تقولهم يــا ناس يــا أولياء امور هالبنات، بنتكم هاذي محد بياخذها من برع البلاد و مالكم غير ولدكم الي هو ولد بلادكم، لاتضغطون على الولد بهالمصاريف الي مالها داعي، قللو من المهر و الطلبات الزايده ..والله اعرف عوايل، هم الي يخطبون الريال الزين لبنتهم و يساعدون الولد في مصاريف العرس .. أتمنى لو كل العوايل جذه جان ما اتجه تفكير الشباب للزواج من الاجنبيات ..







كــلام جميــل وأنــا وياك في هالشي . .


بس ليش دايمــا تقــولون إنه الغــلط من الحرمــة مب من الريــال . . .؟!




و بصراحه نحن مب ناقصين خلل في التركيبة السكانية، اتوقع اكبر غلط ان البنت تاخذ اجنبي لأنها بتتبع ريلها في الاسم و الجنسية و هالشي بتترتب عليه نتايج سلبية كثيره ( اكثر عن الريال ) و لاتنسين ان الحريم أساس و رمز الكرامة و الشرف،










أدري إنه زواج المواطنــة من اجنبي تجي بعــده عواقب . . . بس إذا انجبــرت تاخذ وافد . . شو بتســوي . . .؟!


راح أعطيــك قصــة واقعيــة :

عائشة سيدة أربعينية تزوجت بعربي بعد طلاقها من ابن عمها، تقول عائشة: "التقيت به بعد سنة من طلاقي وكنت حينها لا أزال تحت صدمة فشل زواجي الأول، ووجدت فيه النقيض تماماً لطليقي، فهو إنسان متدين وعلى خلق ومتسامح مع الجميع". تضيف: "في البداية قوبل طلبه برفض مبدئي من أهلي لأنه غير إماراتي، حيث كانت لديهم قناعة بأنه زواج مبن على المصلحة ومهدد بالطلاق، ولكن مع إصراري وإلحاحي تم الزواج". وقالت عائشة: "بعد أكثر من ثلاث عشرة سنة من العشرة وأربعة أبناء لا أمانع أن يحمل أبنائي جنسية غير جنسيتي، فالمهم سعادة الأسرة وراحة البال".من موقع العربيه .

هذا مايعنــي إنه كل الزيجـات من وافدين ناجحــة . . بس تستمـــر لسنــوات طويله . .وتكون ناجحه




بيكون عادي عندهم الاختلاط في بلادهم، شي طبيعي اذا كانت عندهم عزيمه الحريم و الرياييل في نفس الميلس .. و الحرمة عادي اتصافح الريال .. :puppyeyes:








عــاد اللي يسمــع الحين ماعدنــا إختــلاط في العزايــم . .


brgll: . . brgll:




او خليني اضربلج مثال ثاني، مثل مابعض الشباب الله يهديهم ياخذون سيلانيات و هنديات :boxed: تخيلي هالمواطنة تاخذلها سيلاني مثلا، تتوقعين اولا اهلها بيوافقون ؟؟ ثانيا تتوقعين انها بتقدر اتعيش في الهند ولا سرلانكا ؟؟ أكيد لأ :kkk:

و تخيلي تاخذ فلبيني او انجليزي .. نفس الكلام !! :nono:










عطني أمثـلة واقعيــة مب هالامثــله brgll: brgll:


. . . ماعتقد في وحده بترضا تاخذ هندي ولا سيـلاني . . .

اذا فكــرت المواطنه تتزوج وافد بتتزوج عربي . .





محد قالها تاخذ واحد من برع، مب هي صاحبة القرار ؟؟ خل تتحمل نتايج قراراتها ..


أكيــد بتتحمــل النتايج برووحها ومحد بيشيــل عنها شي . . .

[سبيجة]

السلام عليكم


عدنا من جديد.. وبدون رقاد هالمره:fa37:

اخويه الكريم...لماح


اصابع ايديك مستحيل تتشابهه ونفس الشيء بالنسبه للبنت ..واللي عايشه في خير ونعمه عمرها ما بتفكر هالتفكير..:smartass: عسب جيه انا قلت وأأكد إنه الاختيار وايد مهم ... لازم تختار وحده .. تباك لشخصك..مب اسمك ولا مخباك...بتقولي ..وينها؟؟؟ مافي بنت تفكر هالتفكير هالأيام ..بقولك مليوووون مره غلطان ...أنا اعرف وايد بنات كانن وايد متبزيات ..ومدلعات في بيوت اهلهن ...والحين راضين براتب الريل...وعايشين حياتهم راضين باللي الله كتبه لهن ...(والله اعرف وحده كانت تخلي بيزات في معظم محلات الماركات ...عسب أول ما ينزل أي شيء يديد تحجزه بالتيلفون..الحين بين كم شهر تاخذ شيء يديد وماركه..لأنه ريلها على قده)..:unlock: وإذا كنت تقول البنت خقاقه ودلوعه ...وعلى أقل شيء بتسير بيت اهلها ....فما بالك ..ببنيه مرتبطه بواحد خقاق ودلوع ...!! لا تقولي ماشيء ...خصوصاً في أيامنا هاي ...شو تسوي ؟؟؟ تتطلق وتاخذ وافد ..!! انا وايد ضد انه الوحده ترتبط بوافد ...حلاة الثوب رقعته منه وفيه :kcl:

واللي تفكر ترتبط بوافد...اعتبرها انانية منها ..انها توصل لسن وتقول لازم اعرس حتى لو وافد ,,,بدون ما تفكر في مصير اهلها ..وسمعتهم بين الناس :gof: :terms: :waa: ...ومصير عيالها ...:narr:

العلاقه بين الريال وحرمته ...شيء صعب انك تحكم عليها من بداية الارتباط ... بس إذا كان في توافق اجتماعي وفكري بينهم ...ممكن انك تتأكد إنه نسبة نجاح العلاقة بتكون مرتفعه ... ولازم الواحد يفكر مليون مره قبل الارتباط.... مب تلاقي أغلب الشباب ...هاتوا صورتها بشوفها قبل ...:negab: ولا فكر يسأل شو خلصت من الشهادات ...وشو اهلها .... :sadwalk: يعني إذا كنت تبا توصل انه البنات تافهات ودلوعات ..وما يفكرن إلا في المظاهر ... فالشباب هم اللي وصلوا هالقناعه للبنيه .... عيل ليش يفكر في سيارته ويهتم فيها ..ويتمشى في أماكن فيها بنات؟؟!!:bow:


اخويه ..ذنيني..

أنا وياك في كل كلمه ... المفروض البنيه تخفف على الريال ..(الحمدلله اني ابنيه ..وما بعطي مهر ولا ورايه بيت).. لأنه في زمنا هذا كل شيء غالي ... ومصاريف العرس مرتفعه..كلامك عين العقل واتمنى لو البنات يفكرن فيه زين ..


في نقطه ..مهمه ..مساعدة الأهل للشاب اللي حاب يرتبط... ويشلون عنه مصاريف العرس كلها ..بدايه من المهر لين البيت ... بحيث انه ما يحس انه خسر ودفع وتعب .. هالشيء يخلي الشاب ما يحس بالمسؤوليه ...وبعد العرس تلقاه بعده يبا يسير ويرد ...و :bow: يعني باختصار هالشيء إذا كان في مصلحة الشاب ...انه اهله يوزونه ..وبدال ما يحمد ربه على النعمه ...يسىء استغلالها ..بحيث يكون هو دلوع ..وحاس انه وراه ظهر ..إذا الحرمه زعلت ...خل تسير بيت اهلها ... في مليون غيرها:ice: يعني مب بس البنيه اللي تحس انها مسنوده على ظهر قوي ...


الحل يا جماعة الخير مب في حرمه اجنبية ..ولا ريال اجنبي ... الحل في راس كل شاب وابنيه ...حابين انهم يعيشون حياتهم براحه ... بس يبونها على الجاهز... الدنيا ما فيها شيء تحصله على الجاهز ..لازم تتعب ولازم تجرب ..عسب تلقى الأحسن ..وتعيش مرتاح .. إذا انته تنازلت اليوم ... هي اكيد بتتنازل باجر ..وبالعشرة كل شيء بيكون واضح بينكم ...عمره العناد والعصبيه ما بنت بيت وحياة مستقره..



مجرد رأي اتمنى ما يزعل حد ..

السموحه

[لمّــاح]

اختي المتفيزره ..

بخصوص الدراسة، ركزي على الي قلته، انا ماقلت جامعات حكومية، قلت مدارس حكوميــة ..
تعالي دبي و تأكدي ...
المستشفيات، كـــانت تقدم لكن الحين لأ ..


فكيــف في هالدولــة تنحرم فيه الحرمــه من إنها تختــار شــريك حياتها بحريــة . . .؟!

محد قــال انها تنحرم، الحكومة ما اتخذت هالقرار منه و الدرب، اتخذته عشان يحافضون على بنات البلاد، بنات زايد الله يرحمه، و يدرون و يعرفون ان البنت راحتها ويا ولد بلادها مب ويا الغريب خصوصا اننا في دولة غنية و وايد ناس يحسدونا على النعمة الي عايشين فيها :)


بس ليش دايمــا تقــولون إنه الغــلط من الحرمــة مب من الريــال . . .؟!

مب منهم بس، من أهلها الي يطلبون طلبات مالها داعي و من الريال الي ساعات يسيئ اختياره او يكون تفكيره غلط و ينضر لكل البنات على انهن من الفئة الشاذة ..


عــاد اللي يسمــع الحين ماعدنــا إختــلاط في العزايــم . .
انا في حياتي مادشيت ميلس مختلط الا اذا كانو من الاهل من الدرجة الاولى !!
و اذا هالشي موجود، اكيد بيكون عند فئة قليلة من العوايل .. ما اتخيل واحد يعزم ربعه و يعرفهم على امه و خواته و اييلسهم ويا بعض في نفس الميلس .. !

و بعدني أشوفج مصرة على زواج المواطنة من أجنبي، و كنت اتمنى اني اعرف رايج اذا هالموقف صادفج أو خلينا انقول صادف أعز وحده ع قلبج، اربيعتج من سنين و اكثر من مجرد اربيعة و اخت، و تقدمولها ثنينه واحد مواطن عادي ( مب ملتزم ) و وافد عربي ملتزم و شاورتج توافق على منو، شو بيكون ردج ؟؟
و خلينا انغير السيناريو و نفترض ان الي تقدملها بس الوافد و اخلاقه جدا عالية و هي بعدها توها مكملة ال 20 سنة ( يعني مب كبيره او فايتنها قطار الزواج ) شو بيكون ردج عليها ؟؟


وأربعة أبناء لا أمانع أن يحمل أبنائي جنسية غير جنسيتي،

تراها ضلمت عيالها !!
تخيلي كيف بيجابلون عيال خالتهم، اذا مثلا قررو يسيرون العمرة في اجازة نهاية الاسبوع .. لازم يقدمون على ويزة و يتريونها لين ماتطلع .. هذا غير اذا اشترط الريال على حرمته انها تسكن وياه في بلاده .. !
---
اختيه سبيجة ..

ردج و رايج صح 100% عيبني وايد ..


.. تباك لشخصك..مب اسمك ولا مخباك...بتقولي ..وينها؟؟؟

موجودات، انا ماقلت كل البنات، قلت نسبة مب صغيره منهن تفكيرهن غلط و المشكلة ان هالفئة من البنات سمعتهن خربت على البنات الزينات !!
و في رايج شو هي الطريقة الانسب عشان الواحد يختار الزوجة الصح ( مب مثل ماقلتي يشوف الصورة و يسأل عن الشهادة ) و نفس الكلام للبنت بعد .. ؟


الحل يا جماعة الخير مب في حرمه اجنبية ..ولا ريال اجنبي ... الحل في راس كل شاب وابنيه ...حابين انهم يعيشون حياتهم براحه ... بس يبونها على الجاهز... الدنيا ما فيها شيء تحصله على الجاهز ..لازم تتعب ولازم تجرب ..عسب تلقى الأحسن ..وتعيش مرتاح .. إذا انته تنازلت اليوم ... هي اكيد بتتنازل باجر ..وبالعشرة كل شيء بيكون واضح بينكم ...عمره العناد والعصبيه ما بنت بيت وحياة مستقره..

عيــن العقل .. :)

شكرا على التعقيب الحلو هذا ..

[حبوبه دبي]

:yes:

متــابعــه من البـداايــه ،،

[ولد الحكومة]

السلام عليكم ورحمة الله وبركاااته

الصراحه كل الشكر والتقدير لأبطال المسلسل brgll: وهم كالتالي : :ice:
لمّــاح
المتفيزره عالعرقووب
سبيجة بنت امبيريج
ذنـيـنـي
صدى جوفي
حبوبه دبي
الصراحه اشكركم من قلبي على ردودكم الحلوة ... يعني لو بتكلم من اليوم ولين باجر بعدني ما بخلص.
تسلموووووون ويعطكم الف عافيه
والسمووحه

ولد حكومتك :nono:

[كشره]

ولد الحكومة:: الله يهداك سويتلنا مشاكل ويا موضوعك :bow:

[ولد الحكومة]

:fa34: بالعكس أخوي كشششششششششششرة ..
الموضوع مثل هذا يحتاج نقاش ويحتاج الى وقفه.

عالعموم مشكور عالمشاركه.


ولد حكومتك :doh:

[وحي القلم]

السلام عليكم و رحمة الله و بركاته

أحط الرد ولا خلاص شطبتوا ؟!!! :fa46:
..

في البدايه الى أبغي أقوله أنه المواطنات يتعرضن لحمله شرسه و لأجهزه الإعلام دور كبير في هذا..
و هالشي واضح لانه الى انشوفه فمجتمعنا أنه نسبه كبيره من المواطنات تلقاهن في بيوت أهلهم
عوانس ولا مطلقات ولا أرامل.!!
و شي أكيد أنه البنيه بتقبل بالزواج بأقل التكاليف إن وصلت لهالحال

و في نفس الوقت انشوف المواطنين ياخذون الوافدات و يرظون بهن و لو كانت أرمله ولا مطلقه ولا أكبر عنه و ما اتصور أنه ياخذها لانها أرخص لكنها اتعرف شقايل تنصب عليه و هي طبعا ما رظت به لانها اتحبه بس لانه نظرتهم للمواطنين أنهم بدو و عندهم بيزات و عقولت وحده من الوافدات الى عايشه اهنيه و تاكل و تشرب فبلادنا (المواطنين تيوس و معهم فلوس) و اسمحولي على هالألفاظ بس هذا الى قالته عنا !!!

و شي أكيد أنه الوافدات و خصوصا الى مب مسلمات ياخذن المواطنين عشان فلوسهم بس !!

و بعدين عندنا شي مهم المفروض أنا ننتبه له ..

منوه الى علمنا انحب أرضنا و بلادنا .. مب المواطنات ؟

شقايل عرفنا أنه المفروض البنيه تلبس العباه و الشيله و الريال كندوره و غتره و عقال ؟

شقايل عرفنا شو الأشياء الى ايكون عيب على الواحد أنه ايسويها ؟

مب المواطنات ؟

يعني الأجنبيه اتهمها عاداتنا؟

بتعلم اعيالها هالأشيا ؟

و بقولكم الكلام الى سمعته من معارفي عن المواطنين الى خذوا وافدات (و في أشيا شفتها جدامي بعد) :

1- مواطن اتزوج وافده أكبر عنه مع أنه صغير تقول أنها حبته لكن عنده سياره جيمتها مب أقل عن الخمسمية ألف تقريبا و أظني أنها حبت سيارته أكثر لأنها يايه من بلادها و هي مب مسلمه و كل سوالفها الحين عن البيزات و فلوس هله.

2- مواطن ماخذ وحده بعد لانها اتحبه مع أنه فقير لكنه عقب ما استغنى و بنى بيته اتغيرت معاملتها وياه و على أقل خلاف امبينهم تتصل بالشرطه و تيبهم لين بيته !! و هذا طبعا جدام اعياله..
و اتدوخ جقاره و ما عليها منه عايبنه ولا مب عايبنه.. كله واحد !!
و آخر شي قررت تروغه من البيت و تيب واحد من طينتها و لولا أنه القانون وياه جان سوت الى تباه.

3- مواطن اتزوج وافده اتقول أنها صغيره بس عندها ثلاث أولاد من ريلها الاولي ودرت ريلها هاك عشان المواطن .!!
قصدي عشان الجواز و الفلوس و البيت العود..
(( بس أبغي أعرف هذا اشقايل رضا بها و هو يدري بالى سوته !!! ))

4- غني ماخذ وافده توفى و البيزات هي الى خذتهن و طبعا اتحولن للخارج.

5- مواطن خذ وافده مب مسلمه يابت منه ولد و ابنيه و توفى و الحينه ما اتخلي عيالها ايسيرون عند يدهم و الظاهر أنها تعلمهم دينها بعد.

هاللى أعرفه و أكيد تستوي أشيا أخس عن جيه

و عن غلاء المهور أتصور أنه هالمشكله امضخمتنها وسائل الإعلام زياده عن اللزوم لانها و ان كانت موجوده فأكيد أنه بعد وايدين من الاهالي ايساعدون الى يتقدمون لبناتهم و هالشي وايد سمعنا عنه و اتصور انه الى عنده خوات عارف هالشي.

و البنات قبل العرس ايسيرن عشان الكوشه و الفستان و غيره ... وشي ناس (تقدرون اتقولون عصابات)
يتعمدون أنهم يصرقون بيزاتهن!!
و منو هم ؟ هاذيلا الى ايقولون تيوس و عندهم فلوس يدخلون في راس البنيه أشيا ما كانت افبالها أصلا يعني..
كيف توقفين على كوشه سعرها أقل من 20000!!
كيف تلبسين فستان أقل من 50000!!
و ينهبون البيزات بهالطريقه

فعشان جيه المفروض أنا نوقف ضد هالعصابات مب المواطنات ..
عن ايي اليوم الى ننقرض فيه و يرمسون على أنه كانو شي مواطنين

و مشكورين

..
السموحه

[ولد الحكومة]

وعليكم السلام ورحمة الله وبركاااته

الصراحه ردك ..دبلوماسي وخطيييييييييييييييير :yes:

...اخوي العزيز وحي القلم ،،

انا تفق معاااك في كلامك على ان المواطنات :fa39: يتعرضن لحمله شرسه و لأجهزه الإعلام دور كبير في هذا الشيء.. ودوووم المواطنه اتكون ( الضحية :no0: ) المسكينه ساتره عمرها وحشامه نفسهااا وتتريا حد ايي يخطبهااا ولكن تتفاجىء ان المواطنيين يتخلووون عن بنات وطنهم ويروحون يتزوجون من اجنبيات :fa36: ... شيء يحزن القلب . وبالتاكيد اتزيد نسبة العنوسة بشكل رهيب.
.
.
.
وأغلب المواطنيين الي يتزوجون من اجنبيات مب مسلمات وبالتالي اضر بعاداتنا وتقاليدنااا :no0:

انا الي قاهرني ان الاجنبيات يلبسن العباه والشيله ... وتتحرى عمرها هي المواطنه. :kkk:

والسمووحه :puppyeyes:

[أمواج]

:mar7aba:
.
.
.
وحــي القــلم :
ينصــر ديــنك . .
:sad4:
وعــلى ســالفة غــلاء المهــور . . .
الواحــد اللي عقــد حــاله يخطــب عند ناس عقــد حــالهم . . . مب يسيــر يخطــب له وحده ضاريه عالعــز من يوم مب هيه في القمــاط . . . يعني كل واحد يمــد ريــوله عقــد لحــافه
.
.
:bye2:

[ولد الحكومة]

المتفيزره عالعرقووب ،،
يعني كل واحد يمــد ريــوله عقــد لحــافه .... :bye2:

[كشره]

انا ضد فكرة الزواج من الاجنبيات .. يعني انا مب امعرس لي الحين بس مافكر اخذ وافدة ... بنت البلاد ماشي احسن عنها ... شيخة الشيوخ :negab:

وضد ان المواطنه تاخذ وافد ،، ماشي تكافؤ ابدا ... مابيصونها غير ولد البلاد :yes:

ولا للوافدين :narr: كششششششششششششششره ة ومب كششششششششششششششخة

[ولد الحكومة]

أخوي العزيز .. كشره .. ولد البلاد عليه ببنت ابلاده ،،، وبنت البلاد عليهااا بولد البلاد

تسلم عالمشاركه اخوي

:hist: بس ليش معصب ...