شو رايكم بالصداقة بين .......

[المزوحي]

شو رايكم بعلاقة تبتدي من الدوام وعقب من الكلية المختلطة ؟؟؟؟
عاادي صح ؟؟؟ همممم الصراحة أنا أخويه يدرس العصر في ............ من دون ذكر أسامي ..
وعنده بروجيكت لازم يخلصه وطبعا أحيانا يكون بين جروب وأحيانا بين شخصين .. ويمكن هالشي حتى يصير ويايه أنا .. بحكم إنه تتصل بي البنت وأنا اتصل نشوف شو سوينا او حتى نكون في الكافتيريا المكتبة مع بعض ...

لكن وحده .. انسانه يشهد الله كيف .. أعرفها من بعيد .. موظفة وتدرس العصر وطبعا المكان اللي تدرس فيه مختلط .. على كثر ماكانت تحط حدود بينها وبين الطلاب ... في واحد تعتبره غير عن الشباب .. مش حب(ن) فيه .. ولكن بحكم إنه كان موظف وياها وقدم استقالته والايام والصدفة يمعتهم هالمكان وصادف إنه كذا مادة يكونون مع بعض في الكلاس وتقدرون تقولون الكلام صار له سنتين لكن من شهرين استوى خلاف من بينهم ماعرف شو المشكلة بالضبط .. خذت منه موقف .. وهو
كذلك تغير .. أنا حسيت به انسان ضعيف الشخصية ... يوم بدأ يهدد بإنه يشتكي عند المدرسين بغش بعض الطلاب والطالبات .... ما انته كنت وياهم ...

البنات مع البنات مشاكل والشباب بعد مع بعض يتضاربون .. يختلفون .. لكن المشكلة الكبيرة يوم يكون هالشي في عناد وتحدي بين بنت وشاب ... الموقف يكون كبير ...
كيف الواحد ممكن يحل هالنوعية من الخلاف ... هممم وخصوصا يوم يدرسون بنفس الصف ...

[كشره]

سالفتكم سالفه ويا هالاختلاط...

انا ماحبذ البنت تشتغل اوتدرس في مكان فيه رياييل
شوقاصرنها ،، عشان اتجابل الرياييل اربعه وعشرين ساعة ،، ترا المشكله فينا نحن يالرياييل اذا خلينا بناتنا يشتغلن ويدرسن وياالاجانب(الرياييل)

[الحساس]

بتغيير في السيناريو شوي بس الفكره تقريبا نفسها.. صارت لي ومن ايام مضت هب اسابيع نفس الشي..
اعامل كل زميلات العمل بمستوى ونظره وحده وهي ان كلهن خوات نشتغل مع بعض عسب نمشي امور العمل
لكن في حالتك تقدمت الاحداث الي سوء فهم ويمكن مشاكل..
بالنسبالي صار سوء فهم (اظن) ومااستبعد ان المشاكل يايه وهذا احساسي اذا استمر الحال على ماهو عليه الحين..

حل الخلاف بسيط جدا...
عامل الكل بنفس الاسلوب ولا ترفع شخص على شخص ، احترم الكل وخل في حدود بالتعامل.. اذا رخيت الحبل مع حد او تساهلت مع حد اكثر عن اللزوم تحمل اي عواقب اتيلك..

بحكم خبرتي القليله بالعمل ما تتعدى الـ 3 شهور وخاصه اني اشتغلت بمكان 99% منه حريم وبنات فكنت ملزوم اعامل الكل (( ســــيم ســــيم )) واخذت قناعه وهي ماارخي الحبل مع اي شخص كان حتى لو كانت (اختي او اخوي من امي وابوي) .

بالشغل انت موظف ، والوظيفه لها قواعد، و الخروج عن القواعد يعطل سير العمل ...( اذا كنت مقتنع فعلا انك تبغي تعمل) اما غير جي (عدم قناعتك بشغلك او طبيعة شغلك) فاكيد بيسبب لك مشاكل.

راجع كل الي صار.. ورد الامر للعقل.. وماظن بيخيب عقلك في الاخذ بالقرار.. ولاتنسى سالفه الـــ
( سيم سيم ;) )

[المزوحي]

الحساس .. الموقف ماصار ويايه أنا .. لكن هذا مايمنع إني اسمع كلامك .. يالطيب ...
لكن مرات نحن نحط على البنات .. ونقول فيهن .. بس أنا استغربت من فئة من الشباب ..
كنت اتوقعهم رياييل الصراحة وبهالعمر .. خيبوا الظن ... بتصرفاتهم ونقلهم الكلام اللي نضرب به المثل على الحريم ..

[شمعة أمل]

الغلط من البنت .. كان المفروض تعامل الريال كأنه اي ريال وبنفس المستوى الى تعامل الريايل الثانين ..
لو خلت علاقه به تكون مجرد زميل عمل مثل اي شاب ثاني في الدوام جان ماصار هالشي .. لازم ما تفضل حد على الثاني
المفروض ماتتأثر من اي شي يقوله لانه هو مجرد "زمـيل عمل" .. ومن حدود الشغل مفروض ولا شي يزعل حد من الثاني لانه كلهم في نفس الخط يشتغلون لنفس الشركه..

[المزوحي]

شمعة أمل ... أكيد غلطت البنت دام إنها ثقت به ثقة عمياء ولكن هيه ماعاملته غيييييييير .. بس
إنه تقول هو مب مثل الشباب وعلى نياته ... ووو مثل اليهال ...
وهو حاليا مب نفس المكان يشغل .. ولكن يدرسون مع بعض ..
وبما إنه رايج لازم ما تتأثر من اي كلام يقوله دام إنه زميل عمل ... من البداية الواحد يحط فاصل

[الرحيل]

لاتــــــــــــــــــــــ علـــــــــــــــــــــــ ــــيــــــــــــــــــــ ق

[لبن مثلج]

المزوحي :: السموحة منك

بس تعليقي على

الرحيل :: عيبني توقيعه !!

[صدى جوفي]

’ عـــلي وعــلى أعــدائي‘

تــــصيــر بعــد اهــتزاز العلاقــات بين كلا الطــرفين كانوا من نفس الجنس أو مختلــفين ..

مـــــع أنــها سوالف يهــال أكــثر من أنهــا سوالف عــقال ، ولكن عقول النــاس؟؟!

ووايــد أأيــد كلام الحساس في معــاملة الــجنس الآخــر كلهم بالــمثل..

كـــل الاحتـــرام .. صدى جوفي

[الرحيل]

شكرا لبن مثلج انت الاحلى

[شاي كرك]

وما نقدر في الوقت نفسه نفرض شروطنا على المعاهد والكليات والمؤسسات ... :unlock: دامنا إحنا عرفنا الوضع ورضينا لازم نتحمل كل الإحتمالات .. :5:

والأجمل إن البنت تكون فاهمة حدود ونطاق حريتها الشخصية وين ما تتواجد وبكل ثقة .. وهذا بالطبع راجع للتربية وفهمها لدينها ومجتمعها .. :ttmasha: :negab:

والأحسن للولد إنه يحترم نفسه على الدوام وما ياخذ المسائل بأنه رجولة ولعب على عقول بنات الناس :bye0: :fa32:

[المزوحي]

شاي كرك ... مابمدحها .. لكن اللي أعرفه إنه الشاب بشكل عام زين ... بس الواحد أحيانا يعطي الانسان الثاني كل الثقة وعقب ينصدم .. مادري على أي أساس ..
فالواحد يقول نحن بس علاقة صداقة نظيفة سلام وسؤال وعفسة امتحان ...
وخلاف يستوي موقف يخليك تفكر ....
هاااي النتيجة ..