قصر كبير في فيلا صغيره

[قلوب دبي]

السلام عليكم ورحمه الله ..


اخواني الكرام ..


ان الله راد على بدايه شهر 6 أو 7 ببدأ في بناء بيتي وان شاء الله
الله يوفقني و اخلصه ..
لكن اخواني بغيت منكم صور لبيوت حلوه و زوينه
ما اريد صور مبالغ فيها و لا اريد شيء بسيط وايد
اللي اريده شيء وسط ^_^
قصر كبير في فيلا صغيره:kcl:
اشواقي انثرها و احلامي ارسمها
قصري الصغير:fa35:



الارض بشكل مستطيل


اهني باب البيت
--------====--------
l l
l حديقه l
l l
l l
l ---------- l
l l الفيلا l l
l ---------- l
l l
-----------------------


ان شاء الله ما اتقصرون معايه ..


قلوب دبي

[الهيثــم]

الله يوفقــك يــا خـوي ..
ونتـــرك التصــاميم لـ أخواتنــا فـ هم لهم ذوق أحلى في هالمجال ..

والله يســهل عليــك ان شاء الله ...

[قلوب دبي]

يزاك الله خير يا خويه ..
يمكن اتشوف اهني والا اهناك فكره اتمنى اتراويني .. ^_^

[طير الحب]

نحن إن شاء الله بعد بنبدأ ....بس لازم تسير ترسم مخطط للبيت مع الإستشاري...ولو الأرض مب وايد عودة سوى الفيلا طابقين ولا تنسى الكراج والحديقة وحوض سباحه أحلى شيء..

[قلوب دبي]

ام عبدالله ان شاء الله الامور برتبها مع الاستشاري و المقاول و غيرها من الامور ..
و لكن اريد اخذ افكار و تصورات ..
صح هم بيعطونا صور و كذا بس بعد انضيف افكارنا شيء طيب ..

الارض زوينه ومساحتها تقريبا 22 الف قدم ..
اريد اسوي طابقين ، كراج ، حديقه ، بدون حوض لانه من الكماليات اقدر اسويه عقب ..
اهم شي اشكال الفلل ..
يعطيج العافيه ختيه ..

[طير الحب]

أنا أحب الإستايل الأوربي في المنزل والحياة...

تعرف اخوي مساحة غرفة النوم خلها كبيرة(master room( وفيها dressing room بين الغرفة والحمام وحاول تخلي النافذة فيها شرفة مطلةعلى الحديقة او حوض السباحه...ومساحه الغرفة تتسع للأثاث وجلسة رومانسية مكونة من طاولة صغيرة وكرسيين ...يعني إن شاء الله يوم بتكون لك عايلة تكون لك خصوصية في الغرفة بعيد عن دوشة اليهال.


مثلا هالصورة ممكن تاخذ منها فكرة النوافذ على هالزواية وايد حلوة
http://www.deroyan.com/images/maisons/rambouillet/lecture_large.jpg


فكرة الدرج حلوة...
http://www.l22l.com/l22l-up-1/299674dc0a.jpg

لي عودة

[طير الحب]

حبيت تصميم هالفيلا...وشكلها صغيرة..

http://www.toddjohnstonhomes.com/images/models/wilshire/wilshire_exterior_frt_700.jpg

http://www.toddjohnstonhomes.com/images/models/wilshire/wilshire_flrpln_700.jpg


هالباب فضيييع

http://www.toddjohnstonhomes.com/images/models/wilshire/wilshire_gate_wine_700.jpg

[قلوب دبي]

ام عبدالله ..

الصوره الاولى يتني فكره حلوه من الحديقه بالشير ذكرتني
بغابات فرنسا و اليلسات الخشبيه تحت الشير ..
الصوره الثانيه يلستها هاديه وايد عيبتني ..
الدوار عجيب بس شو رايج لو ايكون ع صعده بسيطه ..
الباب والالوان المحيطه فيه وايد حلوه ..
يا في بالي اغير في حجرتي الحاليه و ارتب بعض الامور
يتني فكره من الصوره الاخيره ..
ما عليج زود ختيه ..

[طير الحب]

والله أني سالفة الصعده وايد حابتنها واقول حق ريلي سوها عند المدخل أحلى عن الدري صار جديم شكله وايد راقي شكل الصعده انصحك بها واحلى للسياير توصل عند المدخل

[نجمة دبي]

وعليكم السلام والرحمه ..

حبيت اضيف بعض هالتصاميم .. وان شاء الله تنال اعجابك .. :ttmasha:


http://www.3dshop.com/Gallery/Interior/784I.jpg

http://www.3dshop.com/Gallery/Interior/40I.jpg

شوف اليدار اللي عند الشبريه .
http://www.3dshop.com/Gallery/Interior/734I.jpg

لاحظ السقف.
http://albeet.com/image/data/299.jpg

شو رايك في الارضيه؟
http://albeet.com/image/data/444.jpg

شوف القطعه الزجازيه اللي فوق الباب.
http://albeet.com/image/data/309.jpg




لي عوده بتصاميم اخرى :fa35:



نجـــــــــ دبي ـــــــــــمة

[طير الحب]

حلو تصاميم السلالم...الي حطتنهم نجمة دبي أنصحك ان شكل السلالم يكون حلو مش عادي وحجم غرفة النوم وتوزيع الشغلات فيها حلو بس انا ممكن اغير نوع الكنبات ومكانهم...بس نحن بعدنا على ديكورات البيت هذا بروحه يباله ميزانية

[لبن مثلج]

قلوب دبي :: شو ذوقك كلاسيك ولا مودرن؟؟؟

[راعي الزعـامه]

.: قلوب دبي :.
.
الله يوفقك اخوي في بناء منزل الاحلام
والاخوات هني ما قصروا وياك ..
وان شاء الله تعيش وتتهنى فيه

تحياتي ،،
.
.
:mar7aba:

[شوق البدو]

اتمنى انه يعجبك
http://www.7wy.com/uploads/331b9a3f61.jpg


http://www.7wy.com/uploads/9a0d588a6d.jpg

[صريح]

قلـــوب

بالتوفيـــج ان شــاء الله
:yes:

[خيال الروح]

حلو تصاميم السلالم...الي حطتنهم نجمة دبي أنصحك ان شكل السلالم يكون حلو مش عادي

عندي مداخله بالنسـبه للسـلالم ,,
السلالم الى في الصـوره حلوه وما فيـها شي
بس متعبه ,, خــاصه في الصعده :nono:
تختلف عن السلالم العـاديـه

:

[لمّــاح]

السلام عليكم ..

شوق البدو، تقريبا البيت الي في الصورة يشبه البيت الي حطته طير الحب لكن بدون الدوار، و على اكبر ..
احس شكله حلو ..

قلوب دبي، انا من النوع الي احب التصاميم البسيطة جدا، و ايضا الستايل الاوروبي ..

لـي عودة ان شاءالله ^_^

[طير الحب]

شوف هالفيلا تصميمها حلووو

http://www.boyattgalleryofhomes.net/template/bigpics/345_front.jpg

http://www.boyattgalleryofhomes.net/template/bigpics/345FP.jpg

http://balibali.jeeran.com/Picture1.jpg

http://balibali.jeeran.com/Picture2.jpg

http://balibali.jeeran.com/Picture3.jpg

[خيال الحب]

ماشاء الله..


بالبركه اخوي قلوب دبي..

وان شاء الله لو حصلت لك صووور بيوت بنزل لك اياهن :)

[خيال الحب]

وهذا موقع حصلته توه


واتمنى انك تستفيد منــه:cop:


http://www.mzunh.com/home/home_plans.htm

[قلوب دبي]

ام عبدالله ..
فكره الصعده داشه خاطريه و ان شاء الله ان الله راد بسويها ..

نجمه دبي ..
الصوره الاولى : الجبس و الديكور مال الصقف غاوي ، والمكيف اشوفه مركزي ، بس
افكر اني اخلي المكيفات اسبيلوينيت احسن ..
الصوره الثانيه : الارضيه زينه رخام ، عندي فكره الدري اني اخليه على مرحلتين
المرحله الاولى و عقب مساحه بسيطه فيها صاله مصغره و عقب الطابق الثاني ..
الصوره الثالثه : هاديه وايد و كشخه والايدار مافهمت شو زخرفتها ..
الصوره الرابعه :ممم الصاله اللي فوق اريدها شوي مرتفعه ..
الصوره الخامسه : شو رايج لو ايكون لون الارضيه ابيض ..
الصوره الاخيره : عيبتني الزجاجه اللي فوق ..
تسلمين و ما عليج زود اتريا الصور والاشيا الثانيه ..

لبن مثلج ..
ذوقي يجمع بين كل الاشياء و لكن ما اريد شي من اتشوفينه
تملينه او انه يكون بسيط و عادي ..

عاشق القلم ..
ويوفقك شيخي و عقبالك ان شاء الله ..
ربي يسلمك من كل شر..
و ما عليك زود ..

شوق البدو ..
وايد عيبتني الاضاءه مال الفيلا و الطريج المايل غاوي بعد ..
تسلمين وما قصرتي ..

صريح ..
ربي يوفقك ان شاء الله عزيزي ..
و عقبال ما نشوف بيتك و نفرح بك ..

[قلوب دبي]

خيال الروح ..
تسلمين عالمداخله الطيبه و شراتما قلت قبل خاطري بصاله صغيره معلقه
مممم انزين جان عندج فكره خبرينا بها ..

لماح ..
الاستايل البسيط و الاوروبي حلو ..
والاحلى انك اتيمع من كل صوب اشياء ..
و اتحاول تدمجها بافكار مطوره ..
اترياك و اتريا صورك عزيزي ..

ام عبدالله ..
البيت الاولي زوين و الثاني هل هو تركيب ؟؟

خيال الحب ..
الله يبارك فيك شيخي ..
ما عليك زود شيخي شفت الموضع فيه تفاصيل حلوه عن
توزيعات الحجر وجي يبالي اطلع عليه اكثر ..
تسلم يا خويه و ما قصرت ..

[أمواج]

http://www.mrstair.com/photos/curved/sullivan1.jpg

هالدري وايد عيبني . .
ذكرني ببيـت إخوي

[طير الحب]

لا الله يسلمك هاي مخططات لقيتها على النت وشاركت في المنتدى عشان أنقلها لك اذا تحب تشوفهم في المنتدى بخبرك شو هو هو مختص بالديكورات

[لبن مثلج]

هاي الواجهة الخارجية للبيت

[لبن مثلج]

بما اني ماعرف اكبر الصورة بعطيك رابطين حلوين

http://www.getdecorating.com

http://www.floridadesign.com

[مايهزك ريح]

اخوي قلوب دبي خذ لك لفة في المنارة .. والبرشاء ..وايد فلل للبيع .. ادخل خذلك افكار منهن ..
وعندك كمن كاتالوج من لمسات يعطيك افكار ..
وفي شي الصبغ الداخلي وايد يعطي شكل للفيلا وفخامة ..
انا تعاملت مع استشاري اسمه بيت الخبرة .. وكان ممتاز .. وياخذ 3 % من المجموع الكلي.. مكانه ورا وكالة رنج اللي في القرهود ..
وايد عندي اشياء اقولهن لك .. بس يبالي اكتب لك ملف .. عشان انا خذت خبره من البناء :ice:
واذا تبا معلومات .. بتراسل وياك على الخاص .. :sad4:

[لمّــاح]

مرحبا ..

بيت الخبرة شركة ممتازة جدا ..
و اذا بغيتني ارتبلك ويا شركة مقاولات اقدر، بكلمك شركة الممزر للمقاولات ..
و اقدر حتى ارتبلك كل شي للمطابخ، و السيراميك و المكيفات .. الخ من لوازم البيت ..
المكيفات مثلا من شركة wires ..

[شوق القلوب]

السلام عليكم..

لمـــاح..! شو هالعروض المغريه..!

احنا بعد نبني.. تقريباً خالص بس الحين دور السيراميك و هالسوالف.. و تعبنا و احنا انلف.. واللي يعيبنا كللللله امخلص ..!

وبعد.. سالفه المطابخ.. دورنا و بعده البحث جاري..
.
.

لو عندك خبره.. أفيدوونااا .. ^_^

[لمّــاح]

شــوق القــلوب . .

انتي حددي بالضبط شو تبين و بشوفلج ..
أو تقدرين اطرشيلي رسالة خاصة بكل الي تبونه و برد عليج في اقرب وقت ..

[ذنـيـنـي]

هذا البيت اخويه شكله ناوي يسوي شراته,, لأنه طلعتله منحة الاسكان الشهر الي طاف :harhar1:

طبعا بيعدل شوي على التصميم الداخلي,, لكنه متخبل على الدزاين الخارجي , و كذلك انا عايبني
ان شاء الله بسوي شرات هذا الدزاين بس مع تخطيط مختلف نوعا ما بالنسبة لداخل المنزل

http://www.eplans.com/content-images/common/plans/images/DSA0/DSA348/DSA348-0000-FPCR-LG.JPG

http://www.eplans.com/content-images/common/plans/images/DSA0/DSA348/DSA348-0000-F1-LG.GIF

[خيال الروح]

حــلو شــكله البيت راقـي
مـثل ما قلت يبـاله تعديـل وتغـير المخطط ,,

:

[شمعة أمل]

الله يعينك .. اخس شي يوم تبني بيت هو تصميم البيت
نحن من شهر 8 لين الحين يالسين نصمم البيت وماخلصنا .. اتوقع شهر ولا شهرين زياده وبنخلص

اول شي لازم تختار الثيم الى تباه .. يكون عربي ولا مغربي ولا فرنسي ولا اوروبي ولا امريكي

الصور الى شفت الاعضاء حاطينها اكثرها تشبه البيوت في امريكا .. يكون اثاث البيت *بيتوتي* بس في نفس الوقت فخم لكم مب فخم فخم .. اذا انت ساير في هالطريقه كأنك تبا تشتري اثاث من محلات اثاث عاديه شارت هوم سنتر وهالسوالف
وبعد من ناحية الاثاث تقدر تكون فخم فخم والاثاث يكون من ايطاليا بس بحذرك انه وايد غالي .. ولا تروح للmodern همم تقدر تاخذ فكرة الدزاين من محل id design في امارات مول


المهم
من ناحية البيت
اذا انت معرس لازم تيلس ويا حرمتك وتكتبون كل الاشيا الى تحتاجونها للبيت وتفكرون في المستقبل .. مثلا تكثرون من عدد زيادة الغرف ولا ماتبني في مساحة الارض كلها تخلي مكان في الارض for future expansion
واذا مب معرس .. لازم تيلس ويا امك ولا اذا عندك اخوان معرسين وتسألهم شو الاشيا الاساسيه الى تحتاجها للبيت

وشي وايد بيفيد .. توها من ساعه روحت المصممه من بيتنا وسوينا هالشي .. خل المصمم ولا المصممه تي بيتك الى تعيش فيه حاليا .. و تقايس مساحة غرف البيت .. تقدر تاخذ فكره عن المساحات .. مثلا انا شو سوت .. خذت مساحة غرفتي الحينه .. وقلتلها ابا اكبر ف راوتني ب كم متر بتكبره وكيف بيكون شكله .. ومثلا خذت مساحة المطبخ الى داخل البيت وقالتلنا المطبخ الى بيكون داخل البيت في البيت اليديد بيكون اكبر بس ب كذا متر ويراونك كيف .. ف تكون عندك صوره في مخك شو كبر الغرف


وبعععععد همممممممم
هيه
اذا تبا هالبيت يكون اول واخر بيت تبينه .. حق اليهال لاااااااااااااازم تحط dressing room < هالشي اساسي ... صدقني بس كبتات في الحجر ماتكفي! لازم غرفة خاصه:fa35:



ادري اني ماحطيت صور لكن ها كله مجرد نصايح لانه مرينا ب 3 مادري كثر مصممين وجفنا انه هالشركه احسن شي ووايد بروفشنل وهالاشيا الى سووها ويانا:fa35:

عنا وايد مجلات مال اثاث وبيوت ومطابخ .. بحاول اصور احلى شي منهم وبحطه هني

[ولد الحكومة]

وعليكم السلام

الله يوفقك ان شاء الله ، وان شاء الله تلقى التصميم الي يناسبك

[الشوق]

اتروم اتحط هالاشكال في الميلس ...
http://www.arabiyat.com/magazine/uploads/bordoux.jpg

ولا تنسى اذا لك وقت فراغ اتقضي وقت مع الاسناك اتروم اتخلي حوض الاسماك نوع من انواع الديكور ايضا
http://www.arabiyat.com/magazine/uploads/aq.jpg

اتروم اتحط هذا في غرفة الاستقبال ..جدام المدخل
http://www.alnilin.com/women/image/istgbal2.jpg

.
.
والله يسهل عليك ويوم بتبني البت لا تنسى اتراوينا شو سويت في فيلتك الصغيره
:kcl:

[الشوق]

اخوي قلوب دبي
الحينه الناس قامت تستخدم الرسومات على جدرانها .. تعطيك اشكال حلوه حاول تستخدم رسومات خاصه بالطبيعه او اشياء بسيطه وابتعد عن رسوم التماثيل او الانسان او اي شي فيه روح
.
واتفضل الامثله
في غرفة النوم
http://www.madstencilist.com/Sheri_rooms/bedroom.jpg
.
.
في غرفة الطعام
http://www.madstencilist.com/images/TMS%20042199%20KITCHEN%2002.jpg

.
.
مدخل الحمام
http://www.madstencilist.com/images/701_2bath.jpg
.
.
http://www.madstencilist.com/Sheri_rooms/101_201fullroom.jpg
.
.
الارضيه اذا كانت خشب او سيراميك ممكن ايضا اتقوم بعمل اللازم في التزيين
http://www.madstencilist.com/Sheri_rooms/302_floor.jpg
.
.
http://www.madstencilist.com/Sheri_rooms/rosevine_room.jpg
.
.
تابعو المزيد قريبا
:mar7aba:

[الشوق]

عندك مطابخ ..
اخوي قلوب دبي ..
وانت رايح على شارع الوحده في الشارجه بتحصل محل يسووون مطابخ خاصه
عندهم تصاميم حلوه وراقيه بتعيبك ..
وخذ اشويه افكار اذا حاب مثل هالتصاميم اللي شفتها
http://www.wellmann.de/x_media/md//w5_317_806.jpg
.
.
.http://www.wellmann.de/x_media/md//w5_310_299.jpg
.
.
http://www.wellmann.de/x_media/md//w4_301_314.jpg
.
.
http://www.wellmann.de/x_media/md//w5_430_596.jpg
لي عوده لاشياء ثانيه

[الشوق]

أشكال لكراسي ممكن تستعينها في ارجاء بيتك ... وتعطي رونق وشكل حلو
http://www.horchow.com/products/mp/HC-3370_mp.jpg
.
.
في حديقة المنزل
http://www.horchow.com/products/mp/HCG0463_mp.jpg

[عيون الدخيل]

مرحبا :mar7aba:
مثلي مثلك يا قلوووووووووووب دبي
اجهز للبناء وادور تصاميم
وديكوررررررررات وواجهات
لكن مالقيت احلى من منتديات شبكة المهندس
صراحة في هالمنتدى تصاميم واشياء عجيبة ورهيبة خدمتني واااااااااايد
سجل فيها وما بتندم
وبعدين خبرني شو صار معاك
ربي يوفق الجميع:sad4:

[انامل]

وعليكم السلام ورحمة الله وبركاته
مساء الوفاء
قلوب
الله يجعله منزل مبارك يارب
ما اجمل ان يكون للطير عش دافئ خاص به
وللروح جسد لا يتخلى عنه وان افترقت عنه
وللانسان مسكن يؤويه
لك مني دعوة ان يمن الله عليك بالسكينه
ويصبح منزلك جنة لك مع من تحب
فالدار بساكنيها
هالله هالله بدارك
عساه منزل السعادة يارب

مشاركات الاخوان مذهلة ورائعة
كلي ود اخي
:kcl:

[تحفه]

طابق واااااحد !!!!! شو تصميم بيوت ايجارات ولاشوه؟

احس البيوت العائليه اكسن تكون كمن طابق .. طابقين عملي

شوفو هذا احلى بيت شفته على النت :ice:

محد يقلدني .. هذا بيتي :harhar1:

هالفليل + فيه حوض

http://upload.bindubai.com/download/oasis/front.jpg

الحوي + البيت

http://upload.bindubai.com/download/oasis/jacuzzi1.jpg

الصبح جي شكله

http://upload.bindubai.com/download/oasis/front2.jpg

الصاله

http://upload.bindubai.com/download/oasis/lv1.jpg

الغرفه الصبح

http://upload.bindubai.com/download/oasis/bed1pillows.jpg

الفليل

http://upload.bindubai.com/download/oasis/bedroom1blue.jpg

المدخل

http://upload.bindubai.com/download/oasis/entry.jpg


حلو لاه؟ :ice:

[تحفه]

بس الغرفه عنقاش .. اكره هالاستايل

[تحفه]

بس احس ما ينفع حق اليهال .. بيطيحون وبيموتون على طوووول .. لأنه كله مفتوح على بعضه .. لازم يحبسونهم في غرفه ولا يحطونهم في جناح مصكر

[ذنـيـنـي]

طابق واااااحد !!!!! شو تصميم بيوت ايجارات ولاشوه؟

احس البيوت العائليه اكسن تكون كمن طابق .. طابقين عملي



ما يخصه !!!

بالعكس انا ملاحظ انه الناس الي ساكنين في بيوت اكثر من طابقين تكون علاقاتهم العائلية مب شرات الي ساكنين في بيت من طابق واحد

لأنه كل واحد منعزل في عالمه و ما يشوفون بعض الا وقت الغداء
بعكس الي ساكنين في بيت من طابق واحد,, على الاقل الاهل يشوفون عيالهم متى طلعوا و متى ردوا و اذا يذاكرون ولا يلعبون

نحن يوم انتقلنا بيتنا الي الحين عايشين فيه كان كل واحد منا منعزل في مكان,, و ما قمنا نشوف بعض,, الين ما عرس اخويه و خذا الطابق الي فوق

الحين الوضع تغير,, اغلب الوقت انكون يالسين ويا بعض و ما عندنا سالفة انه حد بينخش في غرفته و بيقفل على عمره و لا انه الواحد بيتأخر الين انصاف الليالي لأنه المكان يساعد على انه الاهل يشوفون عيالهم

اذا عايلة كبيرة طبعا الطابقين احسن لكن في الاحوال العادية افضل انه يكون البيت طابق واحد

طبعا وجهة نظر :yes:

[تحفه]

ما يخصه !!!

بالعكس انا ملاحظ انه الناس الي ساكنين في بيوت اكثر من طابقين تكون علاقاتهم العائلية مب شرات الي ساكنين في بيت من طابق واحد

لأنه كل واحد منعزل في عالمه و ما يشوفون بعض الا وقت الغداء
بعكس الي ساكنين في بيت من طابق واحد,, على الاقل الاهل يشوفون عيالهم متى طلعوا و متى ردوا و اذا يذاكرون ولا يلعبون

نحن يوم انتقلنا بيتنا الي الحين عايشين فيه كان كل واحد كان منعزل في مكان,, و ما قمنا نشوف بعض,, الين ما عرس اخويه و خذا الطابق الي فوق

الحين الوضع تغير,, اغلب الوقت انكون يالسين ويا بعض و ما عندنا سالفة انه حد بينخش في غرفته و بيقفل على عمره و لا انه الواحد بيتأخر الين انصاف الليالي لأنه المكان يساعد على انه الاهل يشوفون عيالهم

اذا عايلة كبيرة طبعا الطابقين احسن لكن في الاحوال العادية افضل انه يكون البيت طابق واحد

طبعا وجهة نظر :yes:


صح كلامك ..:yes:
بس انا كنت ارمس عن نظرتي الخاصه .. اكرررررررررره اليهال واحب الهدوء so يعني .. اكيد بيكون في اختلاف في تخطيط و ديكوريشن البيوت ..

ما تصدق كيف اكتأب يوم العايله بكبرها تيمع .. وكل اليهال يكونون موجودين .. واخيس شي يوم ياهل يصيح .. وااااااااااييييي اكره عمري حزتهااااااا
* على فكره انا يوم اتقزز او اكره شي بفرّق صبوع يديني و ريولي . . مادري يوم تخيلت الموقف تفرقن الكترونيا لووول*

والله ما تصدقون كيف احب الهدوء واكره الحشره


سوري ذنيني اذا ردي كان بايخ .. ما ادري ليش دايما يوم حد يطري طابق واحد اتخيل بيت ضيّج .. بس حلو البيت يوم اذا كان بو طابق يكون وسييييييييعععععععع * توني تخيّلت هالنوع لول*

[عيون الدخيل]

:yes: ارجو الضغط على هذا الرابط لمشاهدة الصور
هذي اولى محاولاتي
اتمنى الاستفادة منها:yes:

http://www.9q9q.org/index.php?image=9OUa73ppLHC

http://www.9q9q.org/index.php?image=crxwUSHHe5Y

[الشوق]

قلوب شو صار في موضوع قصرك الكبير .. في فلتك الصغيره ..
على العموم ما زلنا مستمرين ..
هالكراسي ينفعن حق الحديقة ...
http://www.horchow.com/products/mp/HCF5282_mp.jpg
http://www.horchow.com/products/mp/HC-4748_mp.jpg
http://www.horchow.com/products/mp/HC-4741_mp.jpg
http://www.horchow.com/products/mp/HC-5922_mp.jpg
http://www.horchow.com/products/mp/HC-4774_mp.jpg
http://www.horchow.com/products/mp/HC-4746_mp.jpg
.
.عاد انت خبرنا شو صار في فلتك ..
عسب نعرف شو اللي ناقص
:fa35: :fa35:

[بن شداد]

السلام عليك اخوي قلوب دبي /
( الهم اجعل بيته عامرا بالامن والايمان )

[قلوب دبي]

http://www.teamimg.com/Images/products/VL_34533.jpg


اخواني وخواتي الكرام
مشكورين والله على تفاعلكم الطيب
وان شاء الله راح اضيف لمسات من عروضكم في البيت ان شاء الله
ووقت الجد بدأ الحينه خلال الشهرين اليايات ببدأ بإذن الله
واللي يشوف شيء غاوي و خاصه للشكل الخارجي للفيلا
او ديزاينات غاويه يعرضها بيسوي خير
و نفس الشيء بخصوص الدري
ولكم الشكر موصول

قلوب دبي

[تحفه]

قلوب حط شرات كراسي تاج محل .. وايد حلوات .. بس مادري وين تروم تحصلهم .. صبر بدور صور وبحطهم

[المزوحي]

الله يوفقك قلوب دبي ..


وانا أنصحك تسأل وااايد ... يعني عقب مايخلص البيت بإذن الله ... بحيث تكون عارف انته شو تبغي وبيسهل عليك الشي ..

من حيث تفصيل الكبتات للحجر .. تركيب الحمامات والمطبخ ... والأرضية تكون سيراميك .. جرانيت .. رخام ..

بالنسبة لبيت نسيبي بيحط رخام على الفيلا

وطبعا مب كل حد يحب هالشي بغض النظر عن السعر ..

أرضية خارج الفيلا في انواع ثانية غير الانتر لوك ..

[شمعة أمل]

من ناحية الشكل الخارجي للفيلا .. المفروض المصمم يعطييك ديزاينـات..
تصميم بيتنا اليديد الخارجي طالع وايد حلو *الأماكن الى عدال البيت يعني مب الحوي كله* .. والى مصممين البيت هم الى مسووينه .. بس ماقـدر اراويكم ..

أسأل الشركه الى مصممتلك البيت تعطيك alternatives حق اشيا تقدر تسويها برع البيت .. وألوان .. والأرضيـه وجي .. وأجّر شركـه تسويـلك الحوي .. بس خلهم يعطونك على قل 3 ديزاينات واختار واحد منهم .. لازم بيتك يكون شكله أنيـق من برع .. استخدم انواع شـير مختلفه .. لاتخل حوييك وايد عربييييي >_< قم بو نخل وشي لوز بس ولا هالأورود الى برتقالي فاقع.. شي وايد شير حلوه.. لخبطهم ويا النخل وبيكون حوييك جميييييييييييييييييييييييييييل ..

كـ نصـيحه ..كل ويك أند خذ كيمرتك وصور الفاندق .. ولا بيوت يعيبك شكلها الخارجي في دبي.. وادمجهم كلهم ويا بعض وبتحصـل ستايل يعيبك ..

[قلوب دبي]

تحفة
المزوحي
شمعه امل

تسلمون وما قصرتوا ^_^

انزين بخبركم شو سويت الحينه ..

عند الاستشاري حاليا و يالس اعدل معاه الدزاين للفيلا و جي ما ادري شو اقول فيلا والا قصر صغير خخخخ

المهم اللي توصلت له حاليا انه اسوي :
الطابق اللي فوق ....
- غرفه رئيسية و ياها صاله صغيرونه و غرفه ملابس شويه عوده و حمام ( عزكم الله ) ..
- 3 غرف نوم مع غرف تبديل الملابس و الحمامات ..
- مكتب بدون اي ملحقات ..
- ميني بار ..
- صاله عوده ..

تحت ....
- صاله عووووده في الواجهه ..
عاليسار
- ميلس حريم
- غرفة طعام
- مطبخ تحضيري بشكل شبه دائري
عاليمين
- صاله ثانيه افكر اخلي فيها يلستين ..
- غرفة عوده للنوم .

في الواجهة دري يودي فوق
وعدال الدري باب يظهر ورى الفيلا

طبعا ورا ملاحق : المطبخ و غرفه الخدامه و مخزن و غرفة غسيل الملابس

الديكورات بتعافقد مع مصممه لبنانية اسميها اتسوي تصاميم اكسكلوزف ..
والحوي في شركات Landscape

وجي ..
بس بعدني محتار بين التوزيع الداخلي و الشكل الخاري ..

هيه صح الغرف الرئيسية اللي فوق بتكون مشكله مظله لمرور سياره تحتها على ارتفاع معين ..

اريد ملاحظاتكم و افكاركم ..
الله يسلمكم ..

[حلم الطفوله]

السلام عليكم

توزيعك للغرف وااايد حلو .... مثل بيت أخوي بالضبط

بس الظاهر إنك نسيت ميلس الرياييل وإلا أنا غلطانه !

الله يوفقك وتتهنى بقصرك اليديد

[تحفه]

هذا وب سايت مصمم ديكور فنانhttp://www.provasi.com/english/home_english.htm


بييبلك ان شاء الله اسامي مصممين يمكن تحتايهم

[طير الحب]

قلوب يوم بتسوي الميني بار صوره لي انا ورياي نفكر نسوي ميني بار في بيتنا اذا الله راد

[ذنـيـنـي]

كـ فكره للواجهة

ممكن انك تسويها واجهة زجاجية بالكامل، بحيث انه الصالة اتطل على حديقة البيت
مثل بيتنا الحالي، بتحس انه الصاله وااااااااااااااااايد شرحه

حتى في بيتنا اليديد العيوز اول شي اشترطته هو انه نكثر من الزجاج عسب يكون البيت شرح
هيه صح، في شي يمكن مب وايدين يهتمون فيه بس بالنسبة لي اعتبرها غرفة مهمه جدا بالنسبة لي و هي غرفة النترتينمنت و فيها ممكن تسويلك هوم ثرييتر صغير و في نفس الوقت تحط فيها مكتبتك،،
يعني بالمختصر بتكون غرفه لك وحدك و لراحتك الشخصية بعيد عن " صدعة الحريم " و اليهال

[ملاك الروووح]

::

ياهلا قلوب دبـــــــــي

ألف مبروك عالقصر والفيلا والبيت ..

:a049:


:

اتخيلت شكل البيت ..

أحس حلو بيطــــلع ..

توزيع الغرف وايد حلو ..

وأنا رايي من راي ذنيني .. ف انك اتسوي الانترتيمنت روم ..

لأنه بيفكك من حشرة الصغاريه .. وأحس بيكون فيه مكان ييلسون فيه دوم ..

ويلعبون فيه وياخذون راحتهم .. بدل ما يوصخون لك الصاله :k_harhar1:

:

هيه صح الغرف الرئيسية اللي فوق بتكون مشكله مظله لمرور سياره تحتها على ارتفاع معين ..

كيف يعني ما فهمت !! :fa54:



يعني الغرف اللي فوق .. تحتها بيكون شي مساحه مش مبنايه .. تسد حق السياره ..!

ولا كيف ؟! :m_afaker:

:

بالنسبه للدري .. أحيد شمعة كانت حاطه صورة دري عجيب في الرويال سويت ف برج العرب ..

يعني هللي اييك في النص .. وعقب تصعد منه يمين ويسار .. احسه يعطي البيت فخامه ..

شغل عدل والله ..


ربيعتي مسوين حركه ف بيتهم .. وايد عيبتني ..

ف نص الصاله جيه .. شرات النخله طالعه لين فوق .. والدور الثاني .. جنه زجاج الأطراف ..

ومن فوق السقف مكشوف .. يعني الظهر .. البيت يكون نوره طبيعي من الشمس هع هع

أحس لو أييب لك الصور أحسن عشان تعرف بالضبط أنا شو يالسه أقول وشو أقصد لوووووول


بتصل بها وبقولها اتصور لي الحركه ..

::

كان عندي ايميل فيه صور اتينن حق الغرف .. وديكوراتها وجيه ..

بدور لك عليه وبييبه ان شاءالله ..! :thumbup1:

وعندي رقم مصمم فلبيني فنان .. دوم نتعامل معاه .. إذا حاب بعطيك رقمه ..

وشوف شغله .. وان شاءالله يعيبك .. :thumbup1:

وممكن يتعامل مع اللبنانيه ويسوون لك شي حلو لووووول

:

[ملاك الروووح]

::

بااااااااااااااك

:a049:

:

هلا أخوي قلوب ..

من فتــــره كنا رايحين بيت عمـــي عسب نشوف البنيان .. وشو سووا عالبيت ..

وهم ييرانهم .. قوم الفردان .. :a049: .. وشفناهم اييبون الأثاث وجيه ..

قلت لهم يبي لنا نروح نشوف بيتهم .. عاد تعرف الفضول بعد هع هع :k_harhar1:

المهم رحنا .. وماشاءالله البيت روووووووووووووووووعه .. وايد عيبني ..

ديزاين البيت حلو من برع .. ومن داخل الديكور و الوول بيبر اينن ..

عاد انا ما كنت شاله الكيمره فصورت بتيلفوني .. كمن صوره ..

على أساس انه استفيد منه حق بيتي :k_harhar1: لووووول

::

بحطهم لك .. وان شاءالله يعيبك شي منهم .. :thumbup1:

:

هنيه المغاســـــل ..

http://www.9q9q.org/index.php?image=ix5gIfeA8bD8JG

الأدراج شكلها روعـــه .. نوع الخشب ولونه عيبني وايد .. :thumbup1:

والمغسله روحها عليها رسم .. حلـــــو ..

:

ومن زاويه ثانيه .. المرايات ظاهره هنيه .. :a049:

عجيبه !

http://www.9q9q.org/index.php?image=FU0Ad9C85wYu92

:

وهالثريا في سقف الصاله .. وطبعاً اللي عالسقف كله رسم .. :thumbup1:

http://www.9q9q.org/index.php?image=xGMkMjmIh5303Y

http://www.9q9q.org/index.php?image=wFLaC8KhF6511w

:

وهنيه ف صاله ثانيه ..

http://www.9q9q.org/index.php?image=4msDgCB63zyWmi

http://www.9q9q.org/index.php?image=kz9GjFfBagFDe9

على أصغر :k_harhar1:

:

وهاي الحركه عيبتني وايد .. على طول الممر .. الثريا نازله من السقف ..

أحسها معطيه البيت فخامه .. وصج طالع قصــــــر :thumbup1:

http://www.9q9q.org/index.php?image=ix5QtPC85AA6tO

:

غرفة الطعــــام ..

ماشاءالله جنه قصر شاه ايران هع هع :k_harhar1:

http://www.9q9q.org/index.php?image=tCIOrNVsQPPnzu

:

وهنيه جزء من الصاله .. :thumbup1:

مفتوحه عالصاله الثانيه .. يعني شرات اللي انت حاطنه ف بالك أحس ..!

http://www.9q9q.org/index.php?image=o5DFiEsOnZ0xnK

http://www.9q9q.org/index.php?image=6ntoQnjFewxT3z

:

وبس هاللي صورته .. :fa54:

مالفينا البيت كله .. ما كان شي وقت ..!

:

ان شاءالله بصور لك البيت من برع بعد .. ديزاينه حلوووو :thumbup1:

[روضه]

السلام عليكم ...انشالله خلص بيتكم يا قلوب دبي؟؟؟
اكيد وااايد حلووو..
متاخره واايد ..قلت امر اشوف الديزاينات المعروضه ...
ماشالله عليها :-
طير الحب ..
ونجمة دبي..
شوق البدو..
الشوق..
تحفه..
في قمة الروعه...
(( الكل ذوقهم حلو...))
اتمنى انشوف اكثر ...وتجددون الصور...
عسب الكل يستفيد...

[روضه]

ملاك الروووح...ذوقج وااايد حلوووه...
روعه الثريات احب الملونه...الحين هذا الدارج في الفلل..والقصور...!!
خلينا انشوف اشكال ثانيه ختيه..
الله ع الرسومات اتخبل...
صدق راعي هالبيت ذويق ...ومبدع ...

[ملاك الروووح]

:

هلا وغلا رويــــــــض

عيونج الحلوه حبيبتي

:a010:

فعلاً هالثريات الملونه هي اللي دارجه الحين ..

وايد تعيبنـــــي .. :fa42:

والرسومات صج خبــــــــــال .. راسمينها بدقه ..

وأنا سمعت انها شغل ايد يعني .. ف أكيد انها بتكلف وايد :vertag:

وماشاءالله عليه راعي البيت .. مب بس ذويق .. وايد طيب ومحترم بعد ..:m_bye:

حبــــــيت بيتهم وايد .. :a049:

:

ان شاءالله فديتج بدور شرات هالرسومات وبحطها لج ..

كم روضــــــــه عندنا نحن .. :a010:

[روضه]

هلا والله ملاك...تسلمين ياراعية الذوق الرفيع...
يطووول عمرج ملاك ماتقصرين...
كل فتره جددي الصور والديكورات...
كم ملاكككككككككككككككككككككك عندنا نحن .........
(( اقتباس))..........

[قلوب دبي]

السلام عليكم اخواني

صدق اني مطفرنكم ويايه وبتقولون مب بيت هالقلوب اللي يبا ايسويه ..
بس شو انسوي عاد لابد من ان نتعب عشان نطلع بنتيجه مقبوله ...

الله يطول بعماركم جان حد بيفازعني و بيدور معايه صور لـــ

ديزاينات للدري الدائري في الفيلا ...
الجبس وديكورات السقف ...
ديكورات الجدران من جبس و خشب و لمسات ...
الرخام و الجيرانيت ..
الصبغ ..
الدرايش ..
طبعا اريد اشوف ذوقكم وافكاركم و بحاول التمس افكار من الموجود والمعروض ..
من غير المجلات والبيوت اللي قيد التشطيب ..

وتسلمون .. :k_blush-anim-cl:

http://www.parsmoulding.com/gallery/gal/All%20Products_gallery/DSC_2339.jpg

http://www.sptechs.com/emarket/thumbs/pics/item3937.gif


http://www.intersourceco.com/sitebuildercontent/sitebuilderpictures/Interact.jpg


http://forum.hawaaworld.com/files/23509/2513.jpg

http://forum.hawaaworld.com/files/23509/fairviewliving.jpg

http://forum.hawaaworld.com/files/23509/bedrooms_03.jpg

http://forum.hawaaworld.com/files/23509/bed06_jpg.jpg

http://forum.hawaaworld.com/files/23509/classical_g2.jpg

http://forum.hawaaworld.com/files/23509/masterbedroomi.jpg

http://forum.hawaaworld.com/files/23509/KITCHEN2.jpg

http://forum.hawaaworld.com/files/23509/img9.jpg


http://forum.hawaaworld.com/files/23509/Projects_Residential_030Villa-5.jpg


http://forum.hawaaworld.com/files/23509/bhalqngl.jpg

[عفاريتووو]

انصحك بــ مجلة florida design

الله يوفقك ..

[شمعة أمل]

مانصحك تسوي الحركه الى في الصوره الثالثه
هالمربعات الى في السقف
لانه جي صالة بيت ربيعتي ومب شي ومع الوقت يغبّر من الخاطر =)

[قلوب دبي]

عفاريتوووو ان شاء الله بشوفها المجله وانا دايما اخذ مجلة insid out

شمعه امل مشكوره عالملاحظه

------

[وعد]

مرحبا اخوي قلوب دبي
انا هالايام كنت ادور بالنت عشان بيتي بعد وحصلت موقوع وايد فادني الصراحه
http://www.seedecor.com
فيه افكار للاثاث والديكور وكل شئ يخطر ببالك

ان شاء الله تستفيد منه :)

[قلوب دبي]

تسلمين يا وعد عالموقع الحلو ..
الصراحه فيه اشياء حلوه ..

الله يسهل انا ورايه درب والله يبعد عندي الصدعه ..
ما صدقت افتكيت من الاستشاري الحينه ويا المقاول ..
ان شاء الله الاساس بينتهي هالاسبوع ..

[حلم الطفوله]

إن شاء الله تتهنى بقصرك وترتاح فيه :)

[قلوب دبي]

تسلمين يا حلم ..
اخواني الله يسلمكم اريد مساعده يالي يعرف وين بحصل هالشيء ,,
اريد احط ليتات حق دري الفيلا الداخلي ..
محتار بين امرين
يا اركب ها بس الليت اريده خفيف على كل خطوه
http://www.fiberopticlight.com/showcase/images/stair-lights-lecture-theatr.jpg
او هااا بحطه يمين ويسار على طول الدري الين فوق
http://www.deckmagazine.com/images/articles/2008/0801/pdb0108_prfig4.jpg

المهم ممكن اتخبروني وين بقدر احصل الاولي ..
السوق الصيني حصلت منه بس متريين ايي وما ينفع وياييه ..
لانة طول الدري متر و عشرين.

ساعدوني بعزمكم عقب :fa37: من اتخلص الفيلا وبطرش الكم من ذبيحه :h_6abakhah:

[تحفه]

انا وايد احب الصقوف المرسومه :heart: http://oasis.bindubai.com/bin/uploaded/3281_11225381003.jpg (http://oasis.bindubai.com/bin)

[قلوب دبي]

عالعموم شكرا تحفه ما قصرتي..

والبقيه شكلهم ما أظن يعرفون محلات تبيع هالنوع من الصور..

[شوق القلوب]

هلا قلوب..

صدقك و الله .. ما اعرف وين يبيعون مثل هالسوالف..

بس مب السبوت لايت بيكون أحلى..؟؟ خصه اذا قدرت تتحكم بدرجه الاضاءه.. يعني تقدر اتخليه وااااااااايد خافت.. و بيطلع وااااااااااااااايد حلو..

او اتحط من السبوت لايت الصغااار.. بيطلع شي رووعه

[قلوب دبي]

واخيرا خلصنا قصرنا الكبير في فلتنا الصغيره
الحمد لله بس باجي الزراعه والديكور

اخاف ناس يحولون قصري ويودونه السطوه والا يمكن المرخانيه
هههههههههه


شوق القلوب
انا سويت حركه الليتات ويعني بنيت القصر علي قوله المصاروه طوبه طوبه
بس ان شا الله ايكون اوكيه

[فرفوش]

ساعدوني بعزمكم عقب :fa37: من اتخلص الفيلا وبطرش الكم من ذبيحه :h_6abakhah:

مرحبا أخوي - بالنسبه للمقاول أو الأستشاري - الأهم التركيز على أختيار الأستشاري حتى ولو كان المقاول جيد - يمكن ييت متأخر بس ان شاء الله نستفيد - وترااني أتريأ العزيمه - ربي يعطيك على قدر جهدك ونيتك^_^

[العجيبة]

بالبركة ياخوووي


لو تقدر خلنا نشووف ...

[مناير]

واخيرا خلصنا قصرنا الكبير في فلتنا الصغيره
الحمد لله بس باجي الزراعه والديكور

اخاف ناس يحولون قصري ويودونه السطوه والا يمكن المرخانيه
هههههههههه


شوق القلوب
انا سويت حركه الليتات ويعني بنيت القصر علي قوله المصاروه طوبه طوبه
بس ان شا الله ايكون اوكيه




احم احم جني الا شايفه حد يبي يطريني فالموضوع
خل السطوه والمرخانيه حقك انت مصر اتسوي دعايه للمكان اللي ترتاح فيه لووول
لا تنسى السيكل اللي دوم تحوط فيه في الفريج مال السطوه والمرخانيه والاسم اللي دايما يزقرونك به ( قلوب سياكل ) خخخخخخ

مبرووووك الله يعطيك خيره ويكفيك شره

[ذنـيـنـي]

الله يجعله منزل مبارك
نحن بعد تقريبا خلص بيتنا اليديد,,
بس باقي شيئين تكرم تركيب المغاسل و المراحيض فالحمامات
و توصيل الكهرباء

بس بنوقف لين عقب الصيف,, بنرجع من السفر و بنتفيج للبيت لأن التأثيث يباله بارظ و حد متفيّج

[شوق القلوب]

نسيت اباركلك بالبيت يا بو غنيم... عساه بيت عامر بالسعاده ... :)