زيارة خاصة لـ نويّر !

[ألم ترى]

بسم الله الرحمن الرحيم
اخواني فـ الله
.
.
الكل عارف اللي صار لأختنا نوير بسبب الحادث وهي متنومه فـ المستشفى فيت عـ بالي فكره انه نحن واقصد البنات
ليش ما تروحون تزورونها هناك منها تطمنون عليها وتطمنونا مثل الأخت مناير الله يبارك فـ حياتها مب مقصر فينا
ومنها تتواصلون وياها فـ هاي المحنه وكم الواحد يستانس يوم يشوف اخوانه وخلانه من حواليه
ونحن ماننسى او نتناسى جمايلها علينا وعلى الأعضاء ولو بمرور كريم بس يكفي مرورها فكيف اذا كانت ردودها
:fa36:
يمكن كلامي مايوصل وله اثر لكن قلبي يأنبني اذا يا على بالي شيء فيه اجر وما اقوله
وكيف اذا كان هذا الشيء عن اختنا الغالية نوير
حديث قدسي
يا بن آدم مرضت فلم تعدني ، قال : يا رب كيف أعودك وأنت رب العالمين ؟ قال :
أما علمت أن عبدي فلان مريض فلو كنت عدته لوجدتني عنده
يقول الرسول عليه الصلاة والسلام :
ألا أخبركم برجالكم في الجنة ؟ قالوا : بلى يا رسول الله ، فقال :
النبي في الجنة ، والصديق في الجنة ، والرجل يزور أخاه في ناحية المصر ، لا يزوره إلا لله في الجنة
.
.
عذرآ عـ الأطاله ولكن هذا ما املاه قلبي وهذا ما خطاه قلمي
:sleepy:

[أمطار]

كنت عازمه على زيارتها والشكر لمن شجـّعني ودخـّل الفكرة في بالي..
والله يتممها على خير. . .!

جزيت خيراً أخي الكريم مكـّي ..

[الشوق]

فكره جميله ورائعه منك يااخوي محب الشيخين ..
وفعلا ........اختنا نوير تستحق كل خير ...
والله يقومها بالسلامه ان شاء الله ويشفيها ...
.
.
.
كانت عندي فكره غير عن الزياره وما ودي اخربها ..
بس ان شاء الله للي حاب يسترسل مع فكرة الزياره ..
راح انحدد موعد للبنات لتلك الزياره ..
وان شاء الله خير
اختكم/ الشوق

[نور الإيمان]

بادرة جدا طيبة منكم اخي محب الشيخين .. :)

لربما كنت تقرأ افكاري :)

ان سهل الله علينا الأمور و كان المكان قريبا .. بإذنه تعالى سأزورها ...

و الحمدلله رب العالمين على كل حال ...

جزيتم خيراً

[ولد الحكومة]

:bye0: فكره حلوووة الصراحه البنات ايروحون ايزورنهااا في المستشفى !!!

تسلم اخوي محب الشيخين ويزاك الله خير ، وخيرك سابق ان شاءالله

ولد حكومتك :bow:

[الجديدة]

تسلم أخوي محب الشيخين على هذه الفكرة
إذا المستشفى قريب مني راح ازورها انشاء الله

بس انشاء الله تكون بخير و صحه الاخت نوير
جزاك الله ألف خير

[شوق القلوب]

السلام عليكم..

وياكم حبايبي.. اذا كان المكان اقدر اوصله..

بس وافونا بالتفاصيل اذا عزمتوا..

[مسافرللجفا]

فكره ممتازة
وبتستانس وايد يوم بتجوف بنات الواحات موجودات عندها ويزورونها .

الله يوفقكم

ولا تنسون تسلمون عليها

الله يعافيها يارب
وتقوم بالسلامه وترجع لنا شرات قبل واحسن .

[صدى جوفي]

فــكرة طيبــة منــك أخــوي محــب الشيخــين

بــــــس عــنـي مـــــا أقــدر أزورهــــــا :sadwalk: ظــروفي مــا تســمح

اللــي بيســيرن وصــلولهــا ســــلامنــا

ودعــــــواتنــــا لــهــا أنــهــا تقـــوم بالســلامــة وترد بيتهــا عافيــة متعــافية

[بحر الموده]

سلام عليكم ورحمة الله وبركاته

اشكرك جزيل الشكر اخوى على الموضوع والمبادره والفكره الجميله

ان شاء الله بنات الواحات يوصلون قربها ولهم اجر من رب العالمين

يعطيك العافيه وماقصرت

[مملوح الوصايف]

فكرة حلوة الصراحة
بس في أي مستشفى الأخت نوير ؟؟
جان بتخبريني في أي مستشفى إو تعطوني كامل التفاصيل بسير ويا الوالدة

جزاك الله أخوي محب الشيخين على هالبادرة الطيبة
في ميزان حسناتك أخوي :)

[مزن هتان]

بنات أنا معاكم
وافوني بالتفاصيل :kcl:
كل الشكر أخي الطارح وجزيت خيراً

[عهد الوداع]

الله يعطيك العافيه اخوي على هاي الفكره الحلوه ,.,.,

وصولواااا حقها سلامي ما راح اقدر ازورها ...للأسف ...

[بلوة حلوة]

يعـتمد على المكـان الي هي فيه ..
وان شالله اذا ظروفي تسمـح راااح أزورها ..
هممم بغيت اعرف هي فـ أي مستشفى ؟
اتريا التفاصيل على الرسايل الخاصه ..
واذا ماقـدرت بلغوها سلااامي واستسمحـولي منها ..

[مناير]

السلام عليكم

يزاك الله كل خير اخويه محب الشيخين على الفكرة الطيبة ويارب في ميزان حسناتك
واشكر كل خواتي واخواني اللي شاركونا في هالمحنة ان شالله تزول جريب يارب

بما انه نحن هنيه والكل مستعد للزيارة تسلمون ياربيه
نويّر تسلم عليكم كلكم يمكن شفتوه السلام في الموضوع الثاني بس ع فكرة والله يمنعون اي حد يدخل
عندها باستثناء ابويه واماية وواحد من اخوانها لانه لدكتور قال ما يستوى لها كثرة الكلام
والزحمة في الغرفة

تدرون شو صاير البارحة 25 مدرسة من مدرستها والمديرة عراسهم والله ماطاع الدكتور يدخل ولا
وحدة اونه راسها ما يستحمل التركيز هالفترة ابدا وثانيا يبون اونه ع قولته الغرفة فيها التنفس مناسب
لها لانهم ظهروا عنها التنفس الصناعي والله افتشلنا البارحة من المدرسات ابويه حاول وقال المسؤولية مسؤوليتي بس والله ماشي فايدة
ع العموم خواتي واخواني انا بحاول اليوم وبرد عليكم باجر اذا ظهرت من العناية برمسها اليوم
عن السالفة

يزاكم الله كل خير

منايــر

[ألم ترى]

بسم الله الرحمن الرحيم
وعليكم السلام ورحمة الله وبركاته
.
.
اخواني فـ الله

اشكر كل من وافق وسمحت له الظورف او ماسمحت اشكر كل من شارك وزار الطرح يكفي والله يكفي تكاتفكم
إن شاء الله بتكون كل التفاصيل موجوده عن الأخت مناير والأخت الشوق واللي حاب يراسلهم يتفضل
أختي الغالية مناير
كلام الدكتور صح اذا كانت اختي نوير تعبانه شوي ولكن من تخف إن شاء الله خبرينا عشان الأخوات يقومون بالواجب وانا بأذن الله بزهب لها هديه او ورد بأسم الواحات واعضائها ومراقبينها
وبطرشهم عند اختي اذا سنحت لها الفرصه انها تزورها هناك بالمستشفى واذا كل اللي حبينا نسويه تلاشى او بالأحرى ماسنحت لنا الظروف فجي واجب علينا واقصد البنات انهم يزورونها فالبيت
طبعآ الشور عدكم ونحن فـ انتظار ردك إن شاء الله
.
.
بحفظ الرحمن

[أمطار]

اللــه يقومها بالســلامة ،،
وبإذن الله بنحاول نقوم بالواجب ولو بعد حين . . .!

[العجيبة]

لو قـررتـوا تسيـرون خبـروني ، إن شاء الله بكـون وياكـم ..

[قلوب دبي]

:)

الله يبارك فيكم ..
خواتي بلغوها السلام ..
و الله يشفيها ان شاء الله ..

[شهوووودة الأمورة]

يزاك الله خير محب الشيخيين ع الموضوع ..

بنات ان قررتن تروحن خبروني.. والله يشافيها يارب .. وان شاء الله ترد شرات قبل وأحسن..

[طير الحب]

الله يعافيها يارب

[كـلـكـلـووش]

الله يوفــقكم

ان رحتو لا تنــسون توصــلون ســلامــي

والله يعــافيــها ان شــاء الله

[الشحية]

مسكيـــنه .. والله ما تستاهل !!
الله يعينهااا ويصبر أهلـــها ..

[الشوق]

مناير .. تراني اتريا ردها خبريها
وردي علينا .. ما بنطول عشر دقايق بنيلس عندها عسب ما نزعجها
وعقب نعزم بنات الواحه على كوفي في المشتشفى ههيهيه :) شو رايكم يا بنات

[حبوبه دبي]

الله يــقـومهــا بالسلاامــه ان شالله ،،

وانــا ان ارمــت تــرى بكــون ويــاكم ان شالله ،،

تسلــم يــاخــويه ع البــادره الطيبــه ،،

[طير الحب]

إن شاء الله ...بحاول أزورها بس انتظر رأي الأطباء

[مناير]

اتـــريوا باجر مفاجــأه حلوة للكــل

عقب لكم الحكم

[مزن هتان]

ليش باجر تكفين اليوم :sadwalk:

[دمعة شوق]

إذا قررتوا تسيرون صوبها
خبرونا بأذن الله بنخاويكم
’’
وإن شاءالله تقوم بالسلامه

[ألم ترى]

بسم الله الرحمن الرحيم
إن شاء الله تكون اخبار طيبة وكلنا متلهفين لها
:fa35:
ربي يحفظكم ويصونكم

[ألم ترى]

مسكيـــنه .. والله ما تستاهل !!
الله يعينهااا ويصبر أهلـــها ..

مايجوز انى نحن نقول ماتستاهل واللي قدر هذا الشيء امره بين الكاف والنون
وهو ادرى بعباده وهو من يبتلي وهو من يحتسب الاجر
لمن يصبر ويحتسب السراء والضراء له سبحانه وما نحن اللى له وراجعين له
فكيف نرد القضاء بقولنا " ما تستاهل " ؟

[لبن مثلج]

:fa42: المكي :: اتعيبني ملاحاظاتك الدقيقة .. وكلامك في محله ,, وشكرا على التنبيه

ياجماعة اذا الزيارة اتشكل خطورة عليها فالافضل انكم ماتسيرون :kkk:

بس بغيت اعرف في اي مستشفى (عشان اطرشلها باقة ورد) مثل ماقال المكي :yes:

[دانة حتا]

انا ما اعرف هي وين واذا اقدر اروح
ان شاء الله اروح
مشكوور محب الشيخين على الفكرة
يزاك الله الف خير

[شوق القلوب]

نتريا المفاجأه الحلوه...

عســـاها خيــــــــــــر ..^_^

[مناير]

اخواني وخواتي كل الشكر لمشاعركم ووقفتكم معانا خلال هالمدة الله لا يحرمنا من وجودكم وطيبتكم

المفاجأة هي:
















نويّــر اليوم الساعة 3 ردت البيت والله اول نتيجة سووتها يوم دخلت عقب الحادث ع طول كانت غلط
من يومين اشعة وتحاليل والنتيجة اخواني مجرد كدمات بدون وجود لاي كسر والله
لانه طلبوا دكتور مهتم في هالحالات قال نفسيتها اللي مخربة عليها خلاها تنش بروحها من الشبرية ومشاها
في المستشفى يومين كاملين والله اليوم الفرحة كبيرة
واتريوا مفاجاه عودتها قريبا ان شالله يعني اسبوع لانه لازم اتريح راسها
لا وهي عاده متلهفه وايد على دخول الواحات وتدرون شو بعد اونها اشتقت حق مدرستيه وطالباتي

والحين انا اقولكم خلصت فترة وجودي لانه عندي امتحانات ثانوية عامة وللحين دراستي مب شي والله
لانه انشغلنا ويا نوير بس اذا ربي كتبلنا عمر برد في هالمكان الراقي بوجود كل اعضاءه الراقيين
ولا تنسوني من دعواتكم
شكرا لكل من كتب دعاء او سأل او أرسل رسالة خاصة
شكرا لكم
شكرا لكم
ربي يوفقكم كلكم

منايــر

[كـلـكـلـووش]

الحمـــــــــــــــــــــ ـــــــــدللله عـــ ســــــــــــلاااامــتـــ ــــهاااااااااااااااااااا ااا

[كـلـكـلـووش]

ســـــلـــمــي عـــليها واااااااااااااايد

و و اتحمـــديلها بالســلامــه . .

و انتي شـــدي حيــلج في امتحــانــاتــج . .

^_^ الحمدلله

[العجيبة]

الحمـــــــدلله ..


الله يوفقــج يا اختي ، ما قصــرتي ..


نتريــا أبـله نويـــر على أحــر من الجمــر ..

[خيال الحب]

الحمدلله ع سلامتهــا..

وسلمي عليهااا وايييييييييييييييييد.. وقوليلها نحن بانتظارج يا ابلـــه..


وشدي حيلج اختي بالامتحانات ..

والله يوفقج يارب :) وتفرحين بالنسبه العاليه

[حبوبه دبي]

الحمدللـــــه ع السلااامــــه

سلمــي عليــهاااا وااااايد :fa35:

يالله نتــريــاهــااا اتــرد لنــااا

:sad4:

[حركات]

يحليلها...

الحمدلله ع سلامتها .

[منــاوي]

الحمدالله ع سلامتها ...

والله يوفقج اختي ويسهل عليج ....

[وحي القلم]

الحمدلله عالسلامه نوير :12:

نتريا ردتج للواحات :fa35:

..

[الجديدة]

الحمـــــــــــــــــــــ ـــــــــدللله عـــلى ســــــــــــلامة نوير
الله يوفقج في الامتحانات و تحصلي على نتيجة عالية

[صدى جوفي]

الــــحمــدللــه رب العـــالمــين

:fa35:

تستــــــاهلـــــون ســلامتهـــــــا

^_^

[بلوة حلوة]

الحمدلله عـ سلاااامتها ..
وزين انها يت على جـي بس ..
بلغيهـا سلاااامي ..
انا مثلج ورااي امتحانات ههه بس ماخذه بريك هاليوميـن .. (=

[صريح]

الحمد لله
و تستاهلون سلامتهــــا
:yes:

[أمواج]

الحمــدلله عــسلامتها . . .
وســلمي عليــها واايد . .
وترانا نتريــاها . .

[مسافرللجفا]

الحمد لله على سلامتها ، والله فرحتينا بالخبر الحلو . ان شاء الله بترجع احسن عن قبل

اتحمديلها بالسلامه :smartass:



السموحة

[ألم ترى]

بسم الله الرحمن الرحيم ..

الحمدلله رب العالمين ..

فـ انتظارها إن شاء الله ..

[أكسجين]

الحمد لله على سلامتها ,, وبـ انتظار عودتها للواحات ,,
.
.
مناير

شدي حيلج عزيزتي ,, و بالتوفيق ان شاء الله ,,

:fa35:

[الــــوردة الحمــــرة]

الحمدلله على سلامتها

ان شاء الله تردلنا بالسلامة

[حلم الطفوله]

الحمد لله على سلامتها ....والله فرحتلها ...عسى ربي يعافيها ويوفقها بحياتها

[تحفه]

حمدلله .. إن شاء الله تصير احسن واحسن عن قبل

[المزوحي]

ماتشوف شر وترد بالسلامة ربي يعافيها

[بنت الدلع]

الحمدالله على سلامتها

[ألم ترى]

اخواتي العضوات
محد منكم يعرف شيء عن اعلومها ؟
:fa36:
باشرونا بأخبارها بارك الله فيكم