مب حرام ؟ مب غصه ؟ .. اخاف اخربها على آخر سنه !

[بلوة حلوة]

هممم ماعرف شـ قوول أو كيف اوضح لكم مشكلتي ..

بس السلااام عليكم والرحمه ..

بس بمـا إني * مقبله * على امتحـانات ثانويه عااامه ..
وهاي المرحلـة الأهم مثل ماتعـرفوون ..

فـ بغيييت منكم الحـل ..


هممم شـوفوا .. مستواي والحمدلله ممتـاز \\ تتففف تفف عن الحسد ههه

بس قمـت انقـص درجـااات بأشيـاء تافهه يعني حرام والله اخسر فيها درجـاات

مثـلا مسألة فيزيـا..اللي ينقصني فيها الناتج .. مسألة رياضيات ..انسى انقل العدد الي قبل
الرمز الفلاني فـ يأثر على الخطوه الأخيره ..
هممم يعني أخسـر درجـاات بأشيـا مايبالها ذكـاااء . .اللهم راحت علي بسبة شي سخيف وعادي
مايخصه فـ المنهج و مايباله تفكييير .. بس جـييي ينغض بصري عنه !
مب غصه .. بالذمه يعني ؟؟
وعقب أتحـسف عليها ..
همممم حاولت أعرف المشكله .. راجعت عمري وايد
فـ اتفاديت السرعه وعدم التركيـز .. وحاولت أركز أكثر وانا أراجـع الورقة ..
خفـت *الحاله* عندي بس بعـد اخاف تأثر على نسبتـي ..
يعني امتحان على امتحان .. درجات على درجـات .. بتزيد نسبة الدرجات الي نقصت
بسبة هالـ شي .. من غير الاخطـاء الي فـ الورقة * الله يبعدها عني * ..
جــييي بتنقص نسبتي وانا مابى أخربها على آخر سنة عشان هالسبب
* علاقة عكسه يعني .. كلما زادت الدرجات الناقصة قلت نسبتي * خخخ مذاكره صح ؟:ice:
.
.
:no0: . حرام والله.:no0:
.
.
الحيـن الي أبيه منـكم .. تخبروني كيف اتفـااادى هالـ أخطااء ؟!
يعني كل المدرسـااات دوم يخبرون اختي .. وحتى اختي *هي فـ مدرستنا تدرس فيزيـا *
دوم يقـولون .. إن * فلانه * الي هي انا يعني ..
فـ الحصه وايد اوكي والواجبـاات وحتى مذاكرتي . بس على اخر خطوه أخربهـااا
يا إما أخربط بـ أشيا حرام وحده شراتي تخربط فيها .. ويا إما اني اشطب الصـح واكتب الغلط !:doh:
فهمتـوووا كيف ؟:sadwalk:
.
باختصااار يا ذكيه قولـي .. :
درجاتي تنقص عشـااان أشيا مانتبـه لها حزة الامتحان ومايبالها ذكاء مجرد رقم أو كلمه
كيف اتجنب هالـ سوالف البطاليه ؟!:fa36:

.
.
أدري واايد رمست وكلامي مش مرتب ويمكن مش مفهوم..
بس اعتبروها فضفضة أكثر من انها طلب مساعده .!
.
.
ســاعدوووني ؟ =(
.
.
كلهـاااا كم يووم ويبـدا الحصـاااار و الاعتكـاااف :bye2:
ادعولي دخيييلكم
:bye2:
.
.
.

[قلوب دبي]

:)

عليكم السلام و رحمه الله

ختيه يطولي بعمرج الامتحانات و مرحلة تحصيل الدرجات امور مهمه
في حياه الطالب ، و ما الومج عاللي اتسويه و خوفج و حرصج
ان شاء الله تظهرين نتيجه طيبه ..
الله يسلمج حاولي وانتي اتراجعين اتركزين طشونه ، و الله بيوفقج و لا تنسين الادعيه ..
و نصيحتي لا تظهرين من الامتحان الين ما ايون و يسحبون الورقه عنج ..
انا جي كنت اسوي و اطلب منهم وقت زياده ها ايام الكليه لانه 3 ساعات
ما اتسدني مره وصلنا 4 ساعات و ما سدنا الوقت و نحن نكتب مش انراجع او انفكر ..

ربي يوفقج و يسهل عليج ..

قلوب دبي

[حلم الطفوله]

السلااااااااااااااااام عليكم


توكلي على الله دووووووووووووووووم وسمي باسم الله واقري المعوذات ....

وشوتي شيطان السرعه وركزي بالحل....

في هالمرحله وخصوصا إنج داشه على ثانويه عامه السنه اليايه إلي يسمونها مرحلة عنق الزجاجه:kkk: أكيييد بتحسين إنه الأيام تركض ...بس هدي وارتاحي ...وتأكدي بإنه الله بيوفقج حزتها

ما عليج يا ريماااااني ...كلنا تعرضنا لهالمشكله ....وهببنا ببعض الاختبارات ...بس مرحله وبتعدي :yes: وابدي الحصار من الحين وكلي الكتب أكل:smartass: ....

وإن شااااااااااااء الله ....نسمع إنج من العشرة الأوائل :fa38:

بالتوفيق الغاليه

[قرموشة]

ويييه ويييه ويييه .. بلااااااااااااااااج ؟؟؟ هدي أعصااابح يا رييمااني ...

ما عليــج .. هذا كــله يسمــونه توتـر ما قبل الامتحــان ..
تعرفين .. انا كنت شراااتج .. ودرجــاتي نقصــن بالهــبل أيام السمستــر يعني تقرييبا فوق 10 درجااات
بس الحمــدلله .. ذاكــرت عــدل .. ويبت نتيــجه حلوة في الثنويه فوق 95 ..

انتي حــطي في بالج انج ترومــين تيبين نسبــه عاااليه والله بيوفقــج .. ان شاء الله ..
وحاولي قــد ما تقدرين انج تكــونين رييلااااااااكــس .. ولا تشغلين نفــسج بشي يخليج مهمووومــه
وتوكــلي على الله ..

[بلوة حلوة]

باجـر برد عليكم واحد واحد
بس مشكورين على الرد السريــييع ..

نسيت اخبركم اني مش من النوع الي وايد يتوتر قبل الامتحـااان ويحااتي ويضغط على عمره ..
بالعكس وايد ريلاكس .. وماذاكر الا عقب ما أريح عمري واحس ان نفسي مفتوحه
يعني افتح نفسيتي قبل لا اذاكر .. ماذاكر جي وانا احس اني مغصووبه وايد ..!


وجـييي ..

[راعي الزعـامه]

صدقيني اللي اتحسين فيه الحين دليل انج اتخافين عدراستج وبتيبين نسبه زينه ان شاء الله

الثانوية مايبالها شي .. شهر وتضحكون على حالكم

عسى الله يوفقكم ان شاء الله .. ومابقى شي عالامتحانات شدوا حيلكم

دعواتنا لكم ان شاء الله بالنجاح والله يسر اموركم ..

تحياتي ،،

[شوق القلوب]

السلام عليكم..

عزيزتي ريماني ..

كلنا مرينا بهالمرحله.. وخصوصاً في مرحلة الثانويه ، الازمه كانت على اصولها.. والخوف من النسبه وفوق التسعين ولا تحت هاي بروحها سالفه.!
.
.

كانت عندي مشكله تقريباً مثل مشكلتج في الرياضات ، و الرياضيات كانت بالنسبالي تحدي لنفسي.. بس في كل امتحان لازم اغلط \ انسى شي تافهه..

واللي حلي هالمشكله في امتحانات الثانويه " طبعا كان اول ماده " اني كنت داخله بهدوووء اعصاب.. طبعا الكتب مفروره في السياره انزل بالمقلمه بس ، وفي وقت الامتحان بالضبط عشان ما اشتت نفسي بالبنات و خبصتهم في المراجعه قبل الامتحان.

الشي المهم.. اني انظم وقت الامتحان و احط لنفسي حد للوقت ، يعني ما اكون بطيئه ولا بسريعه. والاهم اني اخصص وقت للمراجعه.. وقت المراجعه مهم مهم مهم.. اذكر في امتحان الرياضيات في الثانويه.. كنت امسويه بلاوي من اشياء بسيطه.. والحمد الله انه الله يسرلي وقت وراجعت الامتحان و اداركت كل البلاوي اللي كنت امسوتنها !

المراجعه مهمه.. لانه مرات يكون عقل الواحد مضغوط ويفكر بطريقه ضيقه ، اما يوم اتراجعين اولا اتكونين مرتاحه لانج خلصتي الامتحان ثانياً يكون عقلج واثق من نفسه و يفكر بطريقه عمليه اكثر.

انتبهي لامور بسيطه مثل سالفه فك الاقواس و توزيع السالب وتأثيره على المعادله.

وشي ثاني مهم ، امتحانات الثانويه سهله ، بس خلي ايدج تتدرب على الحل ، حلي امتحانات كثر ما تقدرين وخصوصا الرياضيات و خليهم يصلحولج اياها.

باجي المواد مثل العربي و الدين وهالسوالف اسءلتهم جدا عاديه ، بس اللي عليج انج اتكونين امغطيه الماده كلها.

ربي يوفقج و ترفعين راس اهلج بالنسبه اللي تفرحهم. :)

[الاسطوري]

وعليكم السلام ..

يمكن اللي يصير لج بسبب التوتر وضيق الوقت ونصيحتي لج أن الفترة
الباقية هذي تعوضين فيها كل اللي فات وتدرسين من
خاطرج وصدقيني بتحسين أن الأيام
تمر بسرعه وغمضي
عينج
وأفتحيها وانتي مخلصه الثانويه ومرتاحه من الهم الكبير بس أهم
تبذلين جهد شويه عشان تلقين اللي تبينه فالمقابل
وإن شاء الله بتكون الدرجات أحسن
مما تتوقعين بوايد

:sad4:

بالتوفيق

الاســـطـــوري
أخوكم

[الحقيقة المرة]

بلوة حلوة
يحصل لي نفس الشي اذا ما كنت شبعانه ارقاد
يعني التعب والأرق له الدور الأكبر
والمواد العلمية يبالها اتحل حبه حبه :fa38:

الله يوفقج

[شمعة أمل]

انتي الحين تعرفين في شو تتلخبطين ف المفروض ماتكررين الغلط

مثلا انا دوم كنت اقرا السؤال غلط ف الامتحان .. ف استويت في كل امتحان في كــل سؤال احط خط تحت الكلمات الأساسيه عشان ماتلخبط

واذا ابا نقاط مهمه تخص الامتحان كله .. كنت اكتب هالاشيا بالرصاص في بداية الامتحان عشان يوم ارد اراجع اقرا هاالشي واقدر اجوف الاغلاط في اجاباتي

[دانة حتا]

امـــــــــــــــــــــــ ـــــــــــــــــــــــــ ـــــــــــيه امتحانات

وعليكم السلام

حبيبتي الثانويه ارف ورفع ضغط بس سهله وبتعدي على خير ان شاء الله
وانتي دام انج تنسين اشياء تافهه عادي سجلي في نوته صغير شو اللي دوم تنسينه
ويوم الصبح قبل الامتحان طالعي الورقه وقوولي لعمرج بلوووووه الحلوه لازم تتذكرين الاس
والعدد اللي قبل المتغير ورمز السرعه ورمز الحيد وما اعرف شو بعد احيد خرابيط وايد
وشوي شوي على الورقهما يحتاي تشخيطه ونشوف الغبره وراج ..حلي بتتركيز
وان شاء الله تيييبي 99.999999
بالتوفيق الغلا

[ولد الشحوح]

تذكرين النك نيم مالج قبل لا تغيرينه لــ بلوة حلوة
" كبيرة فيعوني " الثقة فالنفس اهم شي ... وركزي ولا تيلسين تحطين فبالج انج بتغلطين فأشياء افهة لان عقلج الباطن بيصدق ودايركت بيغلط ... حاولوا تكونين ايجابية ويا نفسج وتحدي عمرج وصدقيني لكل مجتهد نصيب .... وبالتوفيق

[أنشودة المطر]

بلوة حلوة

طبعا الأعضاء ماشا الله عليهم ما قصروا

بس بما أنه انتي مشكلتج شويه في التركيز أول شي أنصحج به

لا تنسين الدعاء

ادعي أنج تركزين أكثر و ما تنسين العلامات يعني كل اللي يضايقج ادعي رب العالمين أنه يساعدج فيه حتى أبسط الأشياء و صدقيني ترا ينفع

شي ثاني اللي أذكره أنه المدرسات يتعمدون يحطون امتحانات صعبة و طويلة عشان تتعودون أو للاحتياط إذا يا امتحان الشهادة صعب مثلا

بس الصراحة امتحانات الثانوية مب صعبة و خاصة إذا كان مستواج ممتاز ان شا الله أنهن ما بيغلبنج

و ان شاالله أنه هاي الفترة تطوف على خير و تطلعين الأولى مب بس من الأوائل،، (الأولى) :yes:

و الله ييسر لج ان شاالله

[بلوة حلوة]

أشكركم كلكم على الـرد ..
اسمحولي لاني ماقـدر ارد عليكم واحد واحد لـ ضيق الوقت

عن جــد ريحتـوووني من هالناحيه .. ورفعـتوا معنوياااتي وايد ..
كنت متفائلة صح بس كنت احاتي شوي فنفس الوقت .. أشكركم على وقفتكم الطيبه

ها احتمال يكون اخر رد لي .. لين شهر 6 .. عقب الامتحانات ..

إدعولي

:kcl:

[ناصر الخالدي]

في البداية أتمنى لكِ التوفيق .......

والحكاية تحتاج الى قليل من الهدوء والثقة بالنفس والتوكل على الله والمذاكرة بشكل جيد...........

وإذا كنتي تريدين أفضل حل فأنا أنصح بتفجير المدرسة والمدرسات ( اجرامي )

أخاف باجر تروحين وتسوينها أتغشمر مو من صج ....

المهم قلوبنا معكِ وأعتقد أنكِ تسأتين بأفضل نسبة ......