سالفــة نمبــر 1,2,3,4,5,6

[قرموشة]

مرحــــــباالسااااااع .. :mar7aba:


امممم .. نبــدا في السوااااالف دااايركت .. ..


+. . . + . . .+ . . .+


ســالفــه نمبــر 1


المجــتمــع الخـليجي .. يفرض عــلينا لــبس العــبايه ..
والعــباه غايــتهــا الحــشمــه والــوقار .. بس للأســف هـ الزمــان .. قمــنا نشــوف العــجب .. !!
من العــباه اللي فوق الراس .. الى العــباه اللي على الجتف .. ومن العــباه الاسلامــيه .. الى العــباه
المخــصــرة .. ومنــها ..العباه المفتــوحــه .. وعباه باتمــان .. وسبايدر مان ومــا اعرف بالضبــط بعد الاســامي .. :negab:
يعنــي المغــزى .. العباه بعــد ما كانت عبــاده وحــشمــه .. صارت موضــه وألوان وموديــلات .. !!
واللــي ناقــصنــا ألحــينه بــس .. لبـس العبايــه المطرطــرة .. وفي النــهايــهــ فصــخهــا نهــائيــها!!


+. . . + . . . + . . . +


سالفـــــه نمبر 2


بستــعين بالحــروف بدل من الاســامي ..
(ن ) البطــرانـه.. تتمــشى في صحــارى .. واللـــبس المخــصر .. والقمــيص الفوووشي .. اللي يلفـــت النظــر
والوقــايه اللي الــين النـــص .. والكــشه الحمــرا :qor9anah: (صابـغه شعــرهــا ) .. وأكـــيد ما أنــسى التــيلفــون موتووروولا الفــوشي .. هــيه لازمــ .. المفــروض كــل شــي يكــون عــلى الموضــه ..
وأكــيد أربــع وعــشريــن ساعــه وهــي تقرقــع فــيه ..
والابــتــسامــه شاقــه الحلج .. والــعيــون تدــور صـــيد:boxed: .. والدلــع والغنج في كــل حــرف تلــفظــه ..
ولمــا تــحصــل واحــد من الشبــاب وراهــا .. قامت وعطــته هــزبــه محترمــه !!
انت ليــش تلحـــق البنت المحتــرمــه !!!
امــحق محــترمــه !!



+. . . + . . .+ . . .+



سالـــــــــفه نمبــر 3


(ع) و(م) يشــتغلـــن في مكــان حــكومــي . . ما يدخــلن الشــغل الا والعــباه ساترتنــهم
ومـــن دخــلوا القـــسم .. دقااايق بس .. كــشفوا " المستخــبي "
في جمــيع أرجــاء القـــسم ..
وأكـــيد .. يامــا تحــت العبـــاه بلاوي !!


+. . . + . . .+ . . .+


ســالفــه نمــبر 4


(ب) الحـــلوة .. في بــالهــا سؤال وذابحــنها .. الا تبــا تعــرف الاجــابــه .. !!:ice:
لــيش الشبــاب يلحقــونــها من مكـــان لــثاني وهــي محــتشــمه ومتــغــشيــه !!
لكــن الشاطــرة نســت .. أو بالاحــرى تنــاست ان العــباه مرصصــه .. وغــرشــه الــعطر مــتسبــحه بــها سبــوح ..
ودهــن العــود ينــشم من عــلى بعــد مــــيل !!! لا وأزيــدكم من الشــعر بيــت .. ما تتــمشى الا جــدام السينــما وستــار بكس ..
وتــبا الاجــابه بعد .. !!!
الله يهديــج ...


+. . . + . . .+ . . .+


سالفــه نمــبر 5


(ش) وخ) و(ع) بنــات عــرب وأصــول .. وماعليــهن زود .. مســتورات والحمــدلله ..
والنــقاب ما ينــرفــع الا لمــا يكــونن في القــسم لوحــدهن ..و لو دخــل " ابوبكــر " عــادي
برايــه الفقــير ما يــسوي شي .. الا هــو هنــدي ويايب لـهم الجــاهي والنسكــافيــه ..
بــس لو خطــف علاوي الغــاوي:kcl:من جــدام المكــتب ... ياويــل وييـــلهــن .. تنزل الغــشوه في لمــح البصــر .. !!
جييييـه " علاوي الغاوي" ريال ..و " أبوبكــر " البتاني مب ريــال !!! :kkk:


+. . . + . . .+ . . .+


ســالفه نمــبر 6


(ل) بنت بو عـبدالله .. طـــالبه جـــامعــيه .. ومــاعلــيها زود ..
بس .. تستــحي من شي واحــد .. أبوهــا الشيــبــه !! لــيش ؟
لانــه يبيــها الجــامــعه بالكلوزر قــبل لايســير العــزبــه .. وأكــيد الكلــوزر محــمل فيــه سبــوس حــق الدياي . وخــضرة حــق العنــز والبوش ..:cop:
انـــزين يا (ل) نسيتــي انه الشيـــبه اللــي تستحــين من تصــرفــاته
هو اللي ربـــاج وكــبرج وصــرف عــليج ليــن ما قال بــس.. عشــان تدخــلين الجــامعه !!


+. . . + . . .+ . . .+



وجـــــــــان يخــلصــن الســوالف .. هيهيهييي ما بغــيت أخــلص .. :ttmasha:


المهـــمـ ..


أعضـــــــــــــاء بــن دبي .. شــو رايكــم في اللــي انكــتب فوووق !!!
هــل بالغــت في اللــي كتــبته ؟
وهــل شفــتوا شي من اللــي كتــبته!!
وإذا عــدكم موقف .. أو شفتــوا شي حطــوه .. وخــلونــا نتناقش فيــه .. :yes:


:fa35:
كــل الود
قرمـــــــــوشــه 09:10 pm
يوم الاحــد ..

[أمواج]

:mar7aba:
. .
قرمــوشه بنت قريميش المقرمش . . .
احس وايد حاطــة عالبنــات . .

-1-
(م) بنيــه طالــعة من بيتهــم بسيارتهــا . . . طبعــا المــوتر مب مــلون . .
والاغـــاني شــاله الشــارع شــل . . . ماشالله إستديو . . الدريشــه منزلــة . .
والسمــاعه في الاذن . . .
ولمــا الشبــاب يــلاحقــونها . . .
تقــول شبــاب مب شايفيــن خيــر . . وهــم اللي بدوا وتحرشــوا فيني . . .
مب من شي متحرشيــن فيج . . . من اللي مسوتنــه . .
الله المستـعان بس . .


- 2 -
(س) طــالبه جامعيــه في جامعــة الامارات . . . من فــتره مفصــوله . .
والكــل معصــب من الفصــل . . والمشــكله البنت في أخر كوورس لهــا يعني كوورس التخــرج . .
كــلنا مستغربين من هالقــرار . . ومضايــقين
بس ماعرفــوا إنه هالبنــه مسويه سواد الويــه. . ومهربه تلفــون بو كاميــرا . . .
وقاعدة تصــور بنات الناس . .
الله يســتر عليــنا . .


لي عوده .

[دمعة شوق]

ســالفه نمــبر 6

(ل) بنت بو عـبدالله .. طـــالبه جـــامعــيه .. ومــاعلــيها زود ..
بس .. تستــحي من شي واحــد .. أبوهــا الشيــبــه !! لــيش ؟
لانــه يبيــها الجــامــعه بالكلوزر قــبل لايســير العــزبــه .. وأكــيد الكلــوزر محــبل فيــه سبــوس حــق الدياي . وخــضرة حــق العنــز والبوش ..:cop:
انـــزين يا (ل) نسيتــي انه اللي الشيـــبه اللــي تستحــين من تصــرفــاته
هو اللي ربـــاج وكــبرج وصــرف عــليج ليــن ما قال بــس.. عشــان تدخــلين الجــامعه !!

+. . . + . . .+ . . .+




:boxed:
والله حـالـه
البنت تتمنى لو شيبتها يوديها أي مكان
والله أنا عادي عنديه المحـنـه من العرب
شو يعني لو شيبتيه مودنيه في كروزر
’’
وعن سالفة العبي وما عبي وباتمان وحالتهم
هاي سالفتهم سالفه
:fa36:
الله يستر عليهن بـس
’’
موضوعج فنتك أنتي ونبراتج
:harhar1:
’’
السموحوو
ويامرحبـانـي

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

اولا اود ان اشيد على مدى اعجابي بأسلوب الطرح اولا و ايضا العنوان .. شدني كثيرا .. فهي سياسة الكاتب الناجح في لفت الإنتباه إلى موضوعه .. ف أحسنتم اختي قرموشة ..

من ناحية القصص المذكورة ف حدث ولا حرج و الله المستعان ..

لكن هنالك موقف من المواقف اتعايش معها يوميا في مقر عملي ... القصة -الله يسلمكم - انني اعمل في مجال مختلط .. من مدير ايراني ( كندي ) إلى هنود و فلبيني و كلهم رجال إلا امرأة واحدة هندية و نحن الفتيات الثلاث ... و الحمدلله رب العالمين ..

لدي زميلتي في العمل .. تزكي نفسها كثيرا من ناحية الورع و التدين وا لثقة .. و الحمدلله رب العالمين .. تقول انها تلبس عباءة الرأس ( البوشية ) عند الظهور إلى الأسواق .. و هذا لا خلاف فيه .. و لكن ما ان تطأ قدماها ارض العمل ( مقر العمل ) إلا و ازاحت النقاب عن وجهها!!! سبحانك و كأن الموجودين ليسوا برجال اجانب عنها :boxed: ...

و الآن و بعد وجود شاغر لدينا يمكن بذلك شاب مواطن ان يأخذ المكان و بجدارة .. بدأت ب - التحرطم - و انها لا تريد لأن ذلك يجبرها على التعامل معه ( و كأن الذين تتعامل معهم ليسوا ذكورا!!!) و الأدهى انها قالت " الهنود غير ما يبحلقون .. اما المواطنين تشوفينهم يطالعون وايد!" سبحانك ...

اتعجب من تلك الأفكار!! ان كنت و من الأساس تعلمين تماما ان المكان مختلط .. فلما التحجج بوجود مواطن!!

الله المستعان ..

سلمت اناملك اختي الغالية ..
جزيتم خيراً

[لبن مثلج]

قرموشة اللذيذة::

نمبر 1 ونمبر 2 :look:

احس العباه المزركشة والمفركشة والمكشكشة تبالها عباه ثانية فوقها عشان تسترها :doh:

[صريح]

قرموشة

شــو هالابـداع
:kcl:

كل الســوالف اللي طريتيها شفناهـا و دوم انشوفهـا و ما ابالغ اذا قلت نشوفهـا كــل يــوم ...

والله الواحد تعب من كثر ما يرمس و يكتب و يدور حلــول و يحاول يصلح الوضع
بس الوضع في تدهور مستمر و شكله ما بيتصلح ابـد ..
:no0:


و عن ســالفه نمــبر 6 :

هـاي البنت ما فيهـا ذرة احترام لشيبتهــا
مب ناقص الا تتبرا منه .. اذا تستحي منه !! ... ان شـاء الله يوديهــا الجامعه على حمـار "عزكم الله" خصبن عنها لازم تفخر به و تحبه ع راسه ..
هاي يبـالهـا حد يمرغهــا بالخيزرانه عسب تحترم ابـوهــا ..


و لــي عوده
بمواقف عن الشبـاب و البنـات

[الملهم]

موضوع جميل ولي عودة ..

بس ليش اخترتي اسم " ابوبكر " بالذات ؟؟

[مجموعة إنسان]

1
طالب في جامعة الأمارات يخرج في صباح يوم السبت الساعة 8 صباحا من بيته في مدينة ابوظبي ..
ليصل الى محاضرة الcalculus في الوقت المناسب .. يدخل مسرعا الى قاعة المحاضرة ولكن للأسف .. لقد أعتذر الأستاذ من الحضور اليوم لضرف خاص !!!

سؤاااااااال توقعوا شو الظرف الخاص ؟؟!!

الأستاذ الله يطولي بعماركم كان في سوق الأسهم وماقد يترك فلووسه ويحضر الجامعة ,, والنتييجة من ذلك من 11 طال في الفصل 3 ناجحييين ..


2
ونفس هذا الأستاذ اذا كان السوق مرتفع تكون الدراسة زينة بس اذا كان السوووق داااق ونازل هذا يعني ان اليووم الأستاذ معصب وكلمة زايدة = امتحاان من 15 درجة واصعب من الصعب ..

[قرموشة]

:mar7aba:
مــــــــرحبا الساااع .. ويه وييه .. العرب متيمعيين هنه ..
يااحــيكم واللــه ..


انــزين ..

المتفيزة عـ العرقوب .. يطولي بعــمرررج .. البنات هـ الزمــان قاهــرين بي ..
وما انتبهــت ان الموضوع بكــبره عـن البنــات .. :puppyeyes:

وعــن السالفــه اللي حطــيتــيها ..

1 .. .. تعرفين .. تعالي صوب الجــامعه
.. وشوفي العــجب .. البنات لا حشمــه ولا شي.. ولكفايــه انها فالــه الشعــر .. :nono:
وترقــص في الموتــر .. وربعــها حــذالها ومرتبشين ..
عنبووه ما تخافين ربــج .. ممكن يي أي شخــص ويدعمج وتروحــين انتي واللي وياج الى مكان
ما يعلمـه غير رب العالمين .. :bye2:

2 .. اذا عــدكم انــتو تيلفون بوكــيمــرة .. نحن ييبون عدنــا كيمرات ديجيتال ومحد يقولهــم شي !!
سواء كانوا في السكــن أو غــيره .. والتصــوير ماشي سوقــه وبنات الخــلق صورهن عند كــل حــد !!!
:no0:

"الــلــه يعين "



دمــعه شــوق ..

ياحــيج والله .. البنت تحــمد ربهــا دام انه شيبتــها مودنــها الجامــعه ..
وما خلاها شروات باقي الناس تسير بباص والا مع دريول ..
خــايف عليــها .. وهي مستحــيه من تصرفــاته ..:narr: !! والله دنـــيا ..
وأشكــرج عـ الاطراء .. :kcl:

[قرموشة]

:mar7aba:


مررحبا السااااااااااع again




اللؤلؤ المكــنون ..


في البدايــه أحــب أشكــرج على الاطراء .. صدق كلامــج فرحـنــي .. :kcl:
وثانـــيا .. عــن العــباه والغشوه اللي تنعــق جدام الريايل " غير المواطنين " ا
تعــرفين .. صح اني ما أتغشى . ولا أتنقــب .. بس لو فكــرت .. بتغشى جدام كــل الرياييل " الا المحارم طبعا " دون استثنــاء .. مش جدام ناس هييه .. وغيرهم لا .. :qor9anah:
وما دمت انا اللي قررت هـ الشي .. فلازم أحترم قراري هذا .. مش أخون الكــلمه أنا حطيتــها لنفسي ..


وأنا بعــطيج بعــد سالفــه ..



ســــالفــة نمبــر 7 ..


(هــ) .. بنت خــلوقــه .. ومــؤدبــه .. والعباه والغشــوة ما يفارقنــها .. من توصــل الجامعــه
عقت الغشــوة أو النقاب بحــكم ان اللي وياها في الكلاس بنــات .. بس ماحسبت حساب لهــذا الامريكــي اللي
اللــي يدرســها؟؟ تراه هــذا بعــد ريال ..
ولمــا تنسأل عــن السبب .. تكــون الاجــابــه .. " تراه مدرس وانا طالبــه " يعني عادي !!
ياسلااام .. جــنه المدرس ألحين موول عمــي والا ما عنده عيون و ما بيشوفهــا .. :boxed:




لبن مثلج .." المنعشة " :fa35:


يااختيييه .. اللــي أشوفــه في الجــامعه صدق ما يجــي عـ البال ..
تعــرفين . نزلت موضــه يديده .. قطــعه العباه نفــسها تكــون ملونــه .. بخــطوط حمرا وصفــرا ودوايــر ومربعــات زرقــه وبرتقاليــه ..
ولما تنلبس ما تقولين عــباه .. لا .. جنــها " مخــورة " يعني صدق يبالــها عباه ثانــيه فوقــهــا ..

وعلى طــاري العباه " باتمــان " أنا أبا أفهــم الغرض من القــطــعه الزايده عـ الطرف !! شو الخانــه
منهــا !! .. زياده القطــع في المحــلات ويبون الفكــه منهن !:gof:

أخاف يي يوم ويستــوي العكــس .و يظهــرولنــا موضــة عباه بو نص كــم .. :boxed: من نقــص القطــع اللي في السوق

[المقاتل]

:smartass: :: .. موضــــوع جميـــــل وطـــرح موفـــــق .. ::

:bow: ( وسوالفـــج ما عليهــــا زود ) ماذا عسانـــا ان نقـول غيــر الله يهدي شبابنــا وبنـاتنــا يا ربـ العالميـــن ،،

والاخوان ما قصّروا في الردود

اخوكـم

:: " " .. المقاتل .. " " ::

[عهد الوداع]

كل النمبرات اختي قرموشه صح وشي واقعي الصراحه انشوفه جدام عينا وخصوصا هاي المواقف شفتها لما رحت مركز صحارى ..والله استغربت ما ادري ليش ..


وسالفة نمير 6 ..حتى في الكليه انشوف هالشي ,,,,تخلي ربيعاتها يروحون ومسكين ابوها ناقع برع يترياها ..وهي ياليه تسولف لين ما روحواااااااا كل ربيعاتها ...

مشكوره اختي على الموضووع الرائع ...

تسلمييييييييييييييييييين

[ولد الحكومة]

شو مسويه أختي قرموووشه ،،،
شو هالموضوع الخطيييير :narr:

عالعموم لي عوده ان شاء الله .

[قرموشة]

مرررحبا الساااااااااع .. :mar7aba:


بوزايــد ..
شكــرا أخــويه عـ التواجــد .. :yes:



صــريح ..

حيالله من يـــانااا ..
احــم احــم .. بعد .. >> وجــان أخق .. ههه

أعــــرف .. ترانــي شراتــك .. كــل يوم هـ السوالــف تمــر عــلي في الجــامــعه .. والا جان بظــهر
مع الأهــل في السنــاتــر ..
يعــني ما شي مفــر .. وين ما انــسير لازم نــشوف هـ المــنكــر .. ومــا باليــد حــيلــه .. :no0:
ولو بس رمــسنــا يدامــهم .. نشــوف الكــل فــز عــلينــا " هــاي حــريــه شخــصيــه " وانتــي شو حــارنــج ؟؟ كــيف بعــد شو حــارني !! بنــات بلادي وكــل هــذا يظــهر منهــن !! أستغــفر الله .. :nono:


المــلهم ..
مــرور أجمــل وفي انــتظــار عودتــك .. وعن الاســم .. مب من شــي .. مجــر اسم وخــطر على
بالي في تلك اللحــظه .. وأكــيد ما أعنــي فيه حــد .. :yes:




ســــــالــفه نمـــبر 8

خــارج عـن نطــاق الجــامــعه ..

الدكــتور (م) مــاشاء اللــه عــليه .. دكــتور ولا كــل الدكــاتــره .. المرضــى مــا يتــعالجــون الا عنــده ..
بس ويــن ؟؟ في العــياده الخــاصــه .. وأكــيد عنده دوام صبـــاحــي في مستــشفى حكــومــي ..
الســاعه 9 الصبــح .. دكــتورنــا (م) متفيــزر عـ المكــتب .. ومــجابلــتنه الممــرضــه " سوسن " "تأبــر ألبي شو لزيزة " :ice: وأكــــيد ما أنســى التركــش كوفي .. ودق سـوالف .. وضــحك واصــل
لين نهــايه الممــر .. وحــليلــه المــريض .. واصــل المستشــفى عـ الساعــه 8 الصــبح بس عــشان يكــون أول واحــد .. :no0:
بس الأخ ( م ) لــين ما يشبــع من الممـرضــه " سوسن " بيفتــكــر في المــريض !!!

[ولد الحكومة]

وعليكم السلام ورحمة الله وبركاته

وووووصل محدثكم ولد الحكومة ،،، :ice:

الصراحه كلامج مثل ما يقولون اخوانا سمن على عسل :daleel: .

موضوعج يا اختي قرموووشه يناقش قضايا وحاصله في مجتمعناااا وخاصه في الامارات ، عن العبايات وعن الاحتشام وعن المغازل (المعكاسات ) وعن الكشخه وخاصه كشخه السيارات والله يرحم ايام قبل ايدودناااا كانوا يركبووون عزكم الله حمير brgll: والحمدالله مشووو امورهم عاده انا قاهرني شيء واحد الا وهو عن العبايات ، الصراحه خربوا شيء اسمه عباه ، والله اذكر مرة شفت وحده في مركز صحارى لابسه عباه وكاتبه وراء " عيناوي " هاي وين تتحرى عمرهاااا في استاد القطارة ولا ..... :hist: اصدقين يا قرموووشه موضوعج يباله شرح كبير ومفصل اممممم :ice: يعني يبالي لين باجر. :doh: بالغت وايد صح.

ع العموم تشكرين واااايد على هالموضوع الطيب .

وداعه الله

ولد حكومتج :bow:

[نور الإيمان]

بسم الله الرحمن الرحيم ...

السلام عليكم و رحمة الله و بركاته اما بعد ...

عزيزتي قرموشة لم اكتب سوى الحق عن طرحكم المميز جدا ما شاء الله .. :)


ســــالفــة نمبــر 7 ..

(هــ) .. بنت خــلوقــه .. ومــؤدبــه .. والعباه والغشــوة ما يفارقنــها .. من توصــل الجامعــه
عقت الغشــوة أو النقاب بحــكم ان اللي وياها في الكلاس بنــات .. بس ماحسبت حساب لهــذا الامريكــي اللي
اللــي يدرســها؟؟ تراه هــذا بعــد ريال ..
ولمــا تنسأل عــن السبب .. تكــون الاجــابــه .. " تراه مدرس وانا طالبــه " يعني عادي !!
ياسلااام .. جــنه المدرس ألحين موول عمــي والا ما عنده عيون و ما بيشوفهــا ..

brgll: سبحانك ...

اليوم تحدثت معها .. قلت لها " هل ستوافقين في ان يكون المكان الشاغر لدينا يحكمه ابن مواطن بدلا من مواطنة؟"

اجابتني " لا طبعا .. مستحيل لن اوافق" .. قلت لها " أليس هو رجلا مثل بقية الرجال الذين يعملون في قسمنا ؟؟" قالت " بلى لكن - هذا مواطن - غير صدقيني " brgll: ..

استغرب من هذه الأفكار .. يعني الوظيفة تصلح لمواطن او مواطنة .. الكل متقبل الموضوع إلا هي .. و السبب " يبحلق وايد " و ايضا "ما ابا زوجي يظهرني من الشغل ان عرف انه مواطن يشتغل ويانا" :doh:

امممم ... :nono:

ستكون لي عودة ان شاء الله

[خيال الروح]

(ل) بنت بو عـبدالله .. طـــالبه جـــامعــيه .. ومــاعلــيها زود ..
بس .. تستــحي من شي واحــد .. أبوهــا الشيــبــه !! لــيش ؟
لانــه يبيــها الجــامــعه بالكلوزر قــبل لايســير العــزبــه .. وأكــيد الكلــوزر محــبل فيــه سبــوس حــق الدياي . وخــضرة حــق العنــز والبوش ..
انـــزين يا (ل) نسيتــي انه اللي الشيـــبه اللــي تستحــين من تصــرفــاته
هو اللي ربـــاج وكــبرج وصــرف عــليج ليــن ما قال بــس.. عشــان تدخــلين الجــامعه

صــارلي نـفس المـوقف ,,
مــره تفـاجئة يـوم طـلعت من المــدرسـه ( من سنتين تقريبـا)
أنــه عمي يـايني بالكلوزر :nono: ,, أول ما شفت السـياره عرفتـها بـس ما كنت
اتـوقع انـه بيوني بهـالسـياره ( لانـها مخلايـه حق البـحر )
بس حسيت بـونـاسه لاتفشـلت ولا شـي
حـتى اذكـر اني خليته يوديني الدكــان قبـل لا اروح البـيت

brgll:

مشـكوره قرمـوشـة على المـوضوع ,,

:

[لمّــاح]

الــسلام عـليكم . .


اجابتني " لا طبعا .. مستحيل لن اوافق" .. قلت لها " أليس هو رجلا مثل بقية الرجال الذين يعملون في قسمنا ؟؟" قالت " بلى لكن - هذا مواطن - غير صدقيني " ..

استغرب من هذه الأفكار .. يعني الوظيفة تصلح لمواطن او مواطنة .. الكل متقبل الموضوع إلا هي .. و السبب " يبحلق وايد " و ايضا "ما ابا زوجي يظهرني من الشغل ان عرف انه مواطن يشتغل ويانا

صــدق انهن نـــاقــصــات عــقل . . !

أذكر مره بنت مواطنه لف عليها واحد وافد ( على ما اضن من الجاليات العربية ) ، جان يوقفها في نص الشارع و يفتح عليها باب السيارة و يصفعها كــف !!
شباب البلاد ماقصرو، الي كانو متواجدين في هاك المكان، وقفوه عند حده و طلبوله الشرطة ..
الكثير من البنات حتى الي يداومن، يتمنون لو مديرهن يكون مواطن .. الحمدلله الشباب تفكيرهم تغير و صارت عندهم احلام و طموحات يسعولها .. الكثير منهم اهتمامه الأول هو مستقبلة و حياته ..
الشــاب المواطن مهما يكون، بيتم قلبه على بنت بلاده اكثر من الاجنبي، بيساعدها و بيدربها و بيتساهل وياها ..

أنا حتى شفت من هالأشــكال، يوم داومت أذكر بعض البنات أول مايداومن اين الدوام بالنقاب .. و أول مايحدرن المكتب يعقونه لين آخر الدوام !! :boxed:

حتى في المحلات يوم احدر، اذكر مره وحده كانت عاقه الشيله و أول ماحدرت ردتها ع راسها (( أونه، ويه ويه ويه، مـواطن )) :puppyeyes:

و عــن ســالفة الـكلوزر :boxed: أنا مثلا أســوق نــيسان .. ماحيد النيسان موتر عزب ولا موتر برور .. الشيخ مجتوم بن راشد الله يرحمه كان يسوق النيسان الذهبي ماله ..
والله الي تفكيرها جذه ، ماقول غير الله يعينها على عمرها .. هاي انسانه متعقده و صعب تقتنع بالي موجود !:gof:

أدري ردي والله انه، على الله تفهمونه :nono:
بس هالبنات الي تكلمتي عنهن في الموضوع فيهن نقص في الشخصية و يحاولن يثبتن وجودهن بطريقة غلط .. لو فيها ذرة مخ جان اثبتت للناس وجودها بعلمها و حشتمها و أخلاقها و خلت عمرها قدوة لغيرها من البنات عشان يقتدن بها .. بعض البنات الي يرخصن عمارهن ، ارخاص عند الشباب حتى لو سوولهن سالفه أول بادي، حزة الحزة و وقت الزواج، الولد مابيدور غير الي اثبتت وجودها بحشمتها و عقلها و رزانتها .. :fa35:


(هــ) .. بنت خــلوقــه .. ومــؤدبــه .. والعباه والغشــوة ما يفارقنــها .. من توصــل الجامعــه
عقت الغشــوة أو النقاب بحــكم ان اللي وياها في الكلاس بنــات .. بس ماحسبت حساب لهــذا الامريكــي اللي
اللــي يدرســها؟؟ تراه هــذا بعــد ريال ..
ولمــا تنسأل عــن السبب .. تكــون الاجــابــه .. " تراه مدرس وانا طالبــه " يعني عادي !!
ياسلااام .. جــنه المدرس ألحين موول عمــي والا ما عنده عيون و ما بيشوفهــا ..


يــــــــــا كــثــرهــن !!

[نور الإيمان]

صــدق انهن نـــاقــصــات عــقل . . !

السلام عليكم و رحمة الله و بركاته :ttmasha:

لربما ازعجتني تلك الجملة و بسببها ينتقصنا الكثير من الناس .. ناقصات عقل و دين .. و لربما على ما اظن انكم تعرفون المعنى الحقيقي من ذلك .. و لكن تآلفت هذه الجملة مع موقف الزميلة التي معي في العمل .. :)


أذكر مره بنت مواطنه لف عليها واحد وافد ( على ما اضن من الجاليات العربية ) ، جان يوقفها في نص الشارع و يفتح عليها باب السيارة و يصفعها كــف !!
شباب البلاد ماقصرو، الي كانو متواجدين في هاك المكان، وقفوه عند حده و طلبوله الشرطة ..
الكثير من البنات حتى الي يداومن، يتمنون لو مديرهن يكون مواطن .. الحمدلله الشباب تفكيرهم تغير و صارت عندهم احلام و طموحات يسعولها .. الكثير منهم اهتمامه الأول هو مستقبلة و حياته ..
الشــاب المواطن مهما يكون، بيتم قلبه على بنت بلاده اكثر من الاجنبي، بيساعدها و بيدربها و بيتساهل وياها ..

لا انكر ان وجود مواطن في اجواء العمل و في هذه الأوقات يعتبر كنز .. لسبب بسيط تكاتف القلوب ضد الوافدين و الأجانب الذين استولوا على كل شيء تقريبا!!! و بالنسبة لتفكيرها .. فهو تفكير اغلب البنات .. نراهن يضحكن مع الأجنبي سواء مع ( بابو ) او ( مازن ) .. لكن ان كان ( محمد ) او ( علي ) نراهن يلتزمن بالصمت و ما إلى ذلك ...

المغزى اننا لا نريد فسخ الحياء مع الكل و نضحك مع فلان و علان و فتح احاديث جانبية .. و لكن في ان نعتبر هذا رجل و ذاك لا اعتقد انها مسألة خاطئة تماما !! الكل رجال و الكل يجب ان نعاملهم بنفس المستوى .. و هكذا ..


أنا حتى شفت من هالأشــكال، يوم داومت أذكر بعض البنات أول مايداومن اين الدوام بالنقاب .. و أول مايحدرن المكتب يعقونه لين آخر الدوام !! :boxed:

بالنسبة لي كانت المرة الأولى ... و اتعجب من تهاونها من هذه الناحية .. و تناقض كلامها مع سلوكها :puppyeyes:


حتى في المحلات يوم احدر، اذكر مره وحده كانت عاقه الشيله و أول ماحدرت ردتها ع راسها (( أونه، ويه ويه ويه، مـواطن )) :puppyeyes:

brgll:



أدري ردي والله انه، على الله تفهمونه :nono:
بس هالبنات الي تكلمتي عنهن في الموضوع فيهن نقص في الشخصية و يحاولن يثبتن وجودهن بطريقة غلط .. لو فيها ذرة مخ جان اثبتت للناس وجودها بعلمها و حشتمها و أخلاقها و خلت عمرها قدوة لغيرها من البنات عشان يقتدن بها .. بعض البنات الي يرخصن عمارهن ، ارخاص عند الشباب حتى لو سوولهن سالفه أول بادي، حزة الحزة و وقت الزواج، الولد مابيدور غير الي اثبتت وجودها بحشمتها و عقلها و رزانتها .. :fa35:

بالنسبة لي شخصيا .. ارى ردك طبيعيا جدا .. و ليس فيه ادنى خلل :sad4: ... ولا غبار عليه ..


يــــــــــا كــثــرهــن !!

نعم كثيرات جدا :cop:

جزيتم خيراً

[ولد الشحوح]

.... للأسف شبابنا من الجنسين في حالة ضياع ....

[صدى جوفي]

ســـــالفة نمــبر7زميـــلتـــنا فالكـــلاس تحــش بفــلانــة مظهــرة هـــا وهـــا والسـير يــطــالع - أنا معــاهم فالكلاس بس أمانة ما شفت من فـلانــة شي - لكـــــن فــرمضـــان!! زمــيلتنــا لابســة الجلابيــة المصــرية، والقــصات من تحت .. الخ لا و خلاخـــال ذهب - زيادة مجــانية عليه -:fa36: شفته بعيني ما سمعت من حد

ســالفــة نــمـبــر 8فأحـــد أعـــراسنـــا قــامت قيـامة بــعــض - الأخوات - رقص، ودنيــا وحـالة - وأشكرة ... - والمعــرس مــوجــود!! وأحــنة على رؤوسنــا الطــير:narr: - المــعرس قريبنــا وهــذيلا من وين ظهروا:kkk: - إن لم تستح فـــاصنـع ما شــئت

مـــــا ظنتــي هالســـوالف بتخــلص :no0: وبـــعــدنا نــرمس لكـــن لا حيــــاة لمــن تنـــادي..


تــــسلمـــين عالـــطــرح حبــــوبة (:
نتــــرية كـــــل يديد وغــــاوي منج قـــرموشتـــنا
كـــــ الود & الورد ــــــل .. صـــدى جوفي

[شهوووودة الأمورة]

احم احم سلام عليكم..

موضوعج يا أختي قرموووشة.. عجيب شرات هذا:thumbup1:

سالفة نمبر 9...
طالبة جامعية.. تلبس نقاب..:negab: بس ما شاء الله العباة مفتوحة.. واللبس اللي تحت العباه مرصص.. والجسم محدد.. وما شاء الله عليج راسمة العيون عدللللل.. وريحة العطر تفوووووووووح..
ولاا كيف تمشي.. تكسر بيض.. ( حتى السلحفاة أسرع منها :harhar1: ) ...

لاا الجامعه ما فيها رياييل كلنا بنات.. محد بيشوفني؟؟:boxed: عيل يا بنت الناس ليش متنقبة؟؟
مجرد شكل خارجي .. مب لله متنقبة..:boxed:

الله يهدي البنات ..

سالفة نمبر 10...

طالبة جامعية..ياية الكلاس متأخرة.. وما شاء الله ميك آب فلللل ..:kkk:
وتقول: دكتوووور الله يخليك (بكل دلع ومياعة) شيل الآبسن عني واعية متأخرة.. (وتيلس تحن ع الدكتور) ..
( واعية متأخرة والميك آب فلل:ttmasha: ) الله يهديج..

والسمووحة منكم..:fa35:
مب جني وايد حطيت ع بنات الجامعه؟؟ بس والله هاي الحقيقة.. وما بييب شي من عندي..:puppyeyes:

[إسهر معي ليله]

مشكورة عـ الموضوع المميز

وأشكر الأعضاء عالإضافات،،، وماعندي شي ازيده غير "مستخفات" شو بنقول

لا حول ولا حيله لووول

الله يحفظكم

[قرموشة]

ســــــالــفه نمـــبر 11


خــارج عـن نطــاق الجــامــعه ..


الدكــتور (م) مــاشاء اللــه عــليه .. دكــتور ولا كــل الدكــاتــره .. المرضــى مــا يتــعالجــون الا عنــده ..
بس ويــن ؟؟ في العــياده الخــاصــه .. وأكــيد عنده دوام صبـــاحــي في مستــشفى حكــومــي ..
الســاعه 9 الصبــح .. دكــتورنــا (م) متفيــزر عـ المكــتب .. ومــجابلــتنه الممــرضــه " سوسن " "تأبــر ألبي شو لزيزة " :ice: وأكــــيد ما أنســى التركــش كوفي .. ودق سـوالف .. وضــحك واصــل
لين نهــايه الممــر .. وحــليلــه المــريض .. واصــل المستشــفى عـ الساعــه 8 الصــبح بس عــشان يكــون أول واحــد ..
بس الأخ ( م ) لــين ما يشبــع من الممـرضــه " سوسن " بيفتــكــر في المــريض !!! :no0:





هــواجــيس مشــتاق ..

الصــراحــه اللــه يعيــنكم .. هـ الاستــاذ فيــه شي .. مايخــاف ربــه !!
ألحــينه البيزات اهــم عنده من الطــلاب اللي يشقــحون طول الفــصل عشــان الدرجــات ..
وبالتــالي حــالــته ومــوده متعــلقين بســوق الاســهم .. !!!:boxed:
سبــحان الله ..



المــقاتــل ..


وجــودك في موضــوعــي يشرفــني .. :yes:



ضحـــيه أمــس ..


تعــرفيــن .. عدنــا بــنيات في الجــامــعه من هـ النمونــه
صــدق والله .. يقهـرن بالواحــد .. حليله ابوج أو حليلــها أمــج متعنيــه تيبج وتوديــج الجــامعه ..
وانتي مــتى ما تفيجتــي بتسيرين السياره !!!
والله دنــيا .. :fa36:



ولد حــكومــتي ..
حيالله الشيــخ ..
أشكــرك عـ المثــال اللي طــرحـته .. عن سالفــه العباه .. وأنا عنــدي تقــريبــا سالفــه مشــابــهه ..
وبحـطهــا .. :yes:

[منــاوي]

تسلمين اختي قرموشة عالمواضيع اللي طرحتيها ...

وصدقج والله هالايام انشوووف مثل هالسوالف والعن بس شووو بنقووول " القول الضايع " ...

والله يهدي شبابنا وبناتنا ان شاء الله ...

[قرموشة]

والله الي تفكيرها جذه ، ماقول غير الله يعينها على عمرها .. هاي انسانه متعقده و صعب تقتنع بالي موجود !:gof:


صـــح .. 100% بــس .. أعــقــد كلمــه " سطــحيه " بتكــون أدق .. لأنــها أول شي افتكــرت بالمظــاهــر ..

[العجيبة]

السلام عليكــم ورحمة الله وبركـاته ..


اسمحـولي بخلي رد الاخت صدى جوفي يساعـدني في التعقـيب ..




مـــــا ظنتــي هالســـوالف بتخــلص :no0: وبـــعــدنا نــرمس لكـــن لا حيــــاة لمــن تنـــادي..





هالسـوالف حقيقـة واقعـة في مجتمعـنـا ، إن لم نكـن أبطـالها فنحـن جماهيـرها نتفـرج عليها

وبالفعـل " ما بتخـلص " لأنه محيـط مجتمعنـا وإن كـان محافظـا إلا أنه يتأثـر بالعوامـل المحيطة به


وأهم سـبب اللي هـو الاختـلاط بالثقـافـات الثانـيـة ..
فنحـن شعـب ما نعتـرف بالثقـافـة من وسـائل الاعلام وبس ..
ثقـافتنـا امتـدت لأن نجلبهـا لأرض الوطـن من خلال هالمهـرجـانات ، نسـوي دعايا للتجـار ينمـون تجـارتهم في بلادنـا ، هالشـي تأثيــره كبيــر ، الاختلاط منـح فـرصة للنـاس لتجـديد عاداتهم أو تبديلها بالأسـوأ ، نسـوا المنقـود ، والعيـب .. بحجـة التطـور والـرقي اللي اتوقعـوا إنه في تغيير تصرفاتهم وعاداتهم ومبادئهم ..


حاليـا أكيـد بتكـون لا حيـاة لمن تنـادون وتنتقـدون ، ففئـة النـاس اللي بدلت طبايعـهـا كبيــرة جـدا ، وبدل ما تنقص وتتقلص هي في ازديــاد مستمــر ..


وبتستمـر المقـولة " لا حياة لمـن ننـادي " لأننـا أصلا ما نـادينـا ..
تكلمـنـا عنهم بس ، وغيـرنـا بعـد يتكلمـون ، يمكن البعض وصل للجـرايـد ..
وايــديييــن تكلمـوا ولو كـانوا ينـادون الجـدران لتهالكـت وسقطـت من كثر النداءات !!


قد يؤمن البعض بأنه يمكـنـه أن يغيـر بالكتـابة ما يـريد ..
ولكـن الكتـابة ليسـت الحـل الوحيـد ، الموضوع محتـاج لوقـفـة جـديـة ..
تبـدأ من الاسـرة نفسهـا اللي تحتـاج لإعلام محتـرم ، فتكـون النهاية في الجيل الواعي والمهتم بأصالته وثقافتـه الاسلامية والعـربية ..



كل اللي قلته مستحيـل يستـوي ، إلا إذا كـان بمعجـزة ..
بتستوي هالمعجـزة واللي هي تخليص الناس من تصرفاتهم ومبادئهم السيئة إذا تصـدى لهالظواهـر إنسـان لا يعـرف المستحيـل يستطيـع أن يشكـل ما حوله كيفمـا يـريد .. بس ويينــه ؟ :boxed:



لفتت انتبـاهي السالفة رقم 6 ، قـرأتها أكثـر من مـرة
دخلـت الموضوع اكثـر من مـرة بس أقـراهـا :no0: بعـدني ما استوعبـت الموقف :nono:





(ل) بنت بو عـبدالله .. طـــالبه جـــامعــيه .. ومــاعلــيها زود ..
بس .. تستــحي من شي واحــد .. أبوهــا الشيــبــه !! لــيش ؟
لانــه يبيــها الجــامــعه بالكلوزر قــبل لايســير العــزبــه .. وأكــيد الكلــوزر محــمل فيــه سبــوس حــق الدياي . وخــضرة حــق العنــز والبوش ..:cop:
انـــزين يا (ل) نسيتــي انه الشيـــبه اللــي تستحــين من تصــرفــاته
هو اللي ربـــاج وكــبرج وصــرف عــليج ليــن ما قال بــس.. عشــان تدخــلين الجــامعه !!



فاقــد الشـي هو اللي يحــس بس :fa36:




.....



وشكــرا لج يا أختـي قـرمـوشة ع الموضوع الجميــل ..
واسمحيلنـا طولنـا ..

[قرموشة]

ســالفــة نــمـبــر 8فأحـــد أعـــراسنـــا قــامت قيـامة بــعــض - الأخوات - رقص، ودنيــا وحـالة - وأشكرة ... - والمعــرس مــوجــود!! وأحــنة على رؤوسنــا الطــير:narr: - المــعرس قريبنــا وهــذيلا من وين ظهروا:kkk: - إن لم تستح فـــاصنـع ما شــئت



:kkk: تعــرفيــن ..
عــادي .. حــتى نحــن .. ما أعرف من ويــن يظــهرون .. !!
من يــوصل المعــرس نقــزوا عـ الكــوشــه وترقــصوا ..
يعــني لو من الاهــل بنقــول يمكـن المعرس من محــارمهن ..
ولكـــن موول ما يخــصهم فيــنا !!:boxed:
الله المستعــان ..

[قرموشة]

سالفة نمبر 10...


طالبة جامعية..ياية الكلاس متأخرة.. وما شاء الله ميك آب فلللل ..:kkk:
وتقول: دكتوووور الله يخليك (بكل دلع ومياعة) شيل الآبسن عني واعية متأخرة.. (وتيلس تحن ع الدكتور) ..
( واعية متأخرة والميك آب فلل:ttmasha: ) الله يهديج..


والسمووحة منكم..:fa35:

مب جني وايد حطيت ع بنات الجامعه؟؟ بس والله هاي الحقيقة.. وما بييب شي من عندي..:puppyeyes:


وعليج السلام ..
سلمــ من قال ..
امممممم .. عدنــا بالضــبط .. مــثال للسالفه اللي حطــيتــيهــا .. تتأخـر عن الكلاس ..
والميك أب فــل أوبشن ..
أنا أبا أعرف متى ينشـون الصــبح ويسوون كــل هذا !! ويلخطون ويهم بــهــ الالوان ؟؟:qor9anah:

لا ما حـطيتي عليهن وايــد .. وانا في الجــامعه وأشوف هـ الاشكــال كــل يوم ..
ومسموحــه بالحــل .. :yes:

[الجديدة]

لا تعليق لدي في كل ما كتبته
لاني معاج في كل الكلام
أنا شفت مثل هذه المواقف كثير
بس ما أقول غير الله يهدي الجميع

[قرموشة]

شكـرا عـ التواجد .. ^__^

[طير الحب]

السلام عليكم....

أولا وأخيرا...كل هالفئات أهلهم وين...أساس التربية ينبع من البيت والله انا وزجي كنا نتاقش على مدى اكثر من ساعتين عن الي قاعد يصير بالبلاد والكلام الي قاله حلوو...وقلت له بحطه بالمنتدى...بس انشغلت وطارت رؤوس الأقلام.

المهم أنا جدا مستغربة موقف الأهالي ... يعني وين الغيرة على العرض...لا والقهر أشوف ريال ماشيء مع زوجته وإلا أخته وهي مش محتشمه بلبسها جنها سايره عرس...انا ضد انه الوحده تنتقب أو تتغشى لقناعات غيرها ...البنت يوم بتفكر بالنقاب لازم يكون نابع من ذاتها .

[الشوق]

مشهد من المشاهد ...
.
.
تزوجته .. واحبته ...
من اجل ان ترضيه تنقبت ..
من اجل راحته شرته .. ولم تبعه ..
في النهايه ..
بعد 17 سنه زواج واطفال
تزوج غيرها ..
لفتاة في عمر اولاده ..
.
.
.
صدمت ابعد تلك العشره
يبيعها من اجل نشوته ..
وملذاته ..
.
.
.
طير ذكرتيني بقضيت المتنقبه ..
انها اللي سوته كان نابع من اجل ارضاء زوجها
وعندما علمت بزواجه اكتفت بالحجاب دون النقاب ..
.
.
.
وسلمتوا
اختكم/ الشوق

[وعد]

حلو غناتي بس وايد حاطه علي البنات :fa36: لماذ؟؟؟؟؟؟؟؟؟؟؟؟؟

[ديج الفريج]

اكيد لي رجعه باذن الله
لأنه كمبيوتري بينصك افويهي brgll: :unlock:
ما في جارج :doh:

[ديج الفريج]

اسهر معي ليله ... :sad4:
قل " لا حول ولا قوة الا بالله "
لأن جملة لا حول ولا حيله أو لا قوة
تنفي الحول والقوة من الله سبحانه وتعالى
والله منزه عن ذلك
أرجو السموحه :yes:

[مخاوية الامل]

الســلام عليكم ورحمــة الله وبركــاته ،
:mar7aba:
كيفــــــكووون ، إن شــاء الله الكل أوكيـــك ،

قرموشة ، شحـــاالج .. ؟ :fa38:
اممم ، موضوعج واايـــــــــد واقعــي لأبعــد الحدوود ..
لأنه فعــلا كل الظواهر اللي قلتيها موجودة .. وعينـــــــــي عيـنك بعـــــد ،

عادي خيــتو ، نحن ف قــرن 20 ع قولة أبويه بيشيــب الراس هالقــرن !

يلا .. الله يعين ويستـر علينــا إن شــاء الله ..

مشـــكورة ع موضوعج ، والله فنتيكة .. :) ..

والسمــوحة ،
مخاوية الامل

[قرموشة]

أولا وأخيرا...كل هالفئات أهلهم وين...أساس التربية ينبع من البيت


أوافــقج الراي .. العــيال من دون تربــيه .. شي أكــيد انهــم بيضـيعون .. :no0:




تزوجته .. واحبته ...




من اجل ان ترضيه تنقبت ..

من اجل راحته شرته .. ولم تبعه ..
في النهايه ..
بعد 17 سنه زواج واطفال
تزوج غيرها ..
لفتاة في عمر اولاده ..





لا تسـتغربي .. وايد اللي أعـرفهــم وتقــريبــا بنفس هـ الحــاله .. بعــد عـشره سنيـــن ياخــذ

عليــها ريلــهــا وحــده ثانــيه .. وكــل هــذا لاشبــأع رغبــته ..
الشــوق .. تواجــدج صدق فرحــني تسلمــين ..:kcl:



ديج الفريــج ..




نترقــب عودتــكــ ..


وعـــد ..
لا تــزعــلين .. انا بس بغــيت أحط سوالف وهــذا اللي طرا على بالي ..
بس بعــدين اكــشفت انهــا عــن البنــات :)



عادي خيــتو ، نحن ف قــرن 20 ع قولة أبويه بيشيــب الراس هالقــرن !


brgll: صدقــه ..
شكــرا على المــرور .. :fa35:

[ديج الفريج]

عباية سبايدر مان .. يسمونها الشباب " اللخمة "
تذكرين يا لبن امثلج يوم شفنا اللخمة وانت " اتغوصين " في بحر المالديف
نفس العباة :negab:

ما أقول غير الله يهدي بناتنا ويستر عليهن
وعليكم يا ناس بالدعاء
ترى كلن له اخت أو بنت أوخاله أو عمة

مشكوووووره اختي على أطروحتج الجميله وأسلوبج الرائع
وبالفعل هي قضية اجتماعيه

لكن لي استفساااااار ......

وين الرياااااااييل ؟؟؟؟؟؟ :narr:

[قرموشة]

عباية سبايدر مان .. يسمونها الشباب " اللخمة "


brgll: صح تشبه اللخــمه ..

الله المستعــان على هـ الاشكــال ..

اممم .. وين الرياييل ؟؟ ! سؤال وجـــيه .. وأنتظــر الاجــابه منهم .. !! :bye2:

ديج الفريج .. شكرا عـ التواجــد :)