عموووووووه تعاااالي!

[حلم الطفوله]

السلام عليكم ورحمة الله وبركاته


جلست بين الحضور .... أتفحص تلك الصور بالنقال.... معضمها لها إن لم يكن أغلبها!

الوقت يمر ببطء شديد ... والقاعه تكاد تكون فارغه ...آه انا التي جئت مبكره !:doh:

شريط ذكريات كامل مر أمامي ... كنت طفلة تحمل طفله بأيامها الأولى ...
لالا ما أعرف بطيح عني ! شلوها !:no0:

كبرت الطفله وازداد تعلقي فيها ... آخر العنقود مع أول حفيدات العائله ... لعبه من لحم وشحم ...!
تصدقون احلى من باربي! طاح سوقج يالباربي خلاصbrgll:

كبرت الطفله وكبرت معها ... وازداد تعلق كلانا بالاخرى ...فوجودها الشبه دائم معي فرض بيننا تقاربا شديدا

عموووووووووه ! هالكلمه صح تكبرني وااااااااااايد ! بس منها اتقبلها ! حلاتها يوم تقولها !:fa35:

عشت معها كل لحظات حياتها ... أول يوم بالروضه ...أول آيه حفظتها إياها مع دعاء النوم...
أول كلمه كتبتها كانت اسمي! لانه اسمهااااااااااااااااااااا ااااااااااااااا !:kcl:

اخي كان وما زال يعاملنا كاطفال !
بس لحظه أنا أكبر منها ! لا تحاولين بعدج بنظر الكل الإخت والعمه لصغيره! :kkk:

انشغلت بدراستي عنها .... بعد أن بدأت مرحلتها الابتدائيه العليا ...لأفاجئ بان نهاية الأسبوع تجمعني بها

ليش ؟ وكيف ؟ ومتى ؟ وووو وقائمة تحوي كل أدوات الاستفهام تطرحها علي وأجيبها بكل صدر رحب!

أسافر فاكتشف بان الكرسي المجاور لي هو كرسيها الدائم على الرغم من عدم وجود امها ! شكلي ماما

وللحين لضرابه المعهوده ؟ من بييلس حذال الدريشه ! :boxed:

ابتعدت عنها ........... دراستي أجبرتني ...فوجدتني أشتاق لها ! واجمع لها الألعاب والحلوى

لأفاجئ بوجودها مع أخي بآخر الأسبوع تستقبلني .... وتمر الأيااااااااااااااااااااا ااااااااااااااااااااااام

كبرت وأصبح لها صديقات بعمرها ... كانت تسرد لي يومياتها بالتفصيل بدون أن أسألها ...

هذه السنه بالذات ابتعدت عنها ........... ادركت أن من حقها أن تثبت شخصيتها بدوني ..فمثلها وبأخلاقها قليل

كنت انتقد بعض تصرفاتها ... لم تكن تغضب لانها تدرك بأني لا أتحدث بهذا الأسلوب معها إلا عندما تخطئ

ابتعدت عنها ... شعرت بانها تغيرت ....لم تعد تلك التي أعهدها ...لقد كبرت ...وأنا كبرت عنهااااا !

عموووووووووووه تعالي ...مالي خص ...أباج موجوده بهاليوم! :sadwalk: أكييييد بسير!

اليووووووووووووووووم ...وعلى هذا المسرح ستقف صغيرتي ...ستكرم ...ستثبت بأنها تستحق التكريم:smartass:

صغيرتي .... ستظلين تلك الصغيره ...التي لطالما أحببتها وحملتها ... ستظلين شيئا مميزا بحياتي ...

أجلس اليوم على هذا الكرسي ....أرفع يدي بدون أن أهتم للكم الهائل من الحضور حولي ...هنا تقف صغيرتي:fa34:

ها هي تبحث ....لقد نظرت إلي ... جاءت عيني بعينها ...لم هذه الدمووووع يا حلم؟! صدقوني لا أدري!

كل ما أعرفه .... أنني كالأم بهذه اللحظه ...فصغيرتي هنا ... والدمع زاد فرحتي برؤيتها ! :bye2:

عين الله تحفظج وترعاج يالغاليه:yes:

[العجيبة]

الله يخليكم لبعـض عمــوووه ..

[حلم الطفوله]

ويخليج لنا يا أغلى عجيبه ......... :yes:

مشكوووووووووووره يدووووه :doh:

[قرموشة]

اللــه يحــفظــها ويخليها لكــم ..
فــعلا كنتــي نعــم العمــه ..
والله يوفقهــا ..

[حلم الطفوله]

السلااااااااااااااااااااا ام عليكم

الله يخليج إختيه قرموشه ويحفظ لج كل أحبابج :fa35:


ربما لم تتضح الرؤيه بعد من فضفضتي هذه:kkk: ....

فمن خلال هذه الحقيقة أحببت أن أستمع لأفكاركم وتجاربكم وفضفضتكم ...

أردت ان أستمع لتجارب من جرب احساس العم والعمه والخال والخاله :sad4: ....

أردت ان تخطوا بحروفكم ما تشعرون به تجاه هؤلاء الصغار ...

من جرب يعطيني رايه وعسى إلي ما جرب هالرابط العجيب يجربه بيوم من الأيام

[تحفه]

الله يخليكم حق بعض :fa35:

[المزوحي]

حلم الطفولة جان إنت عموه ترانب أنا بعد عم ... وربيعي دووم يقول ماحب حد يتعلق بي .. يقصد
لو حد من هله .. مثل عيال الاخ او الأخت .. وأنا بقول .. إنه أخويه الله يخليه يارب .. عنده ولد ماشاء الله في المرحلة الاعدادية .. ودوم يكون مع عمته وهي تحس كأنه هي أمه .. هو وايد متعلق بها ..
حتى من أيام أقوله لازم تتغير .. لأنه كله ماتسير مكان يكون وياها .. هو يتصل بها .. هو اللي يخطط للطلعات .. وفوق هذا كله .. يقول شو تبين عشاء يطلب مثلها ولو قالت مابغي يقول خلااص حتى أنا ..
فنبهته إنه لازم تكون له شخصيته ... تمام عموووه ؟

[قلوب دبي]

عليكم السلام و رحمه الله

عمووووووه حلم ..
المشاعر راقيه المعاني
و العواطف كامنه في القلوب
احببنا صداقه أكثر من قرابه
صلات شديده بقوتها
حنو ، عطف ، حب ، صداقه ، قرابه
احاسيس عجيبه
ملامح جميله
في بساطتها عميقه
وفي معانيها كبيره
اليوم صغيرتي كبرت
اليوم فرحت لفرحتي
و ذرفت لحلوتي
انها انا وانا هي
مشاعر لا توصف
وقد يعجز القلم عن التعبير
كما قد نقف مبتسمين
ندعوا لكم بالتوفيق
وان الله يجمع بينكم دائما بالخير
عموووه حلم ..
و حلم الصغيره ..


قلوب دبي

[شوق القلوب]

السلام عليكم..


احم.. خــــاااالوووووووه شواقه وصلت !!
.
.

والله يا حلمي للحين ما جربت اكون عموه.. بس فديــــــــــــــت من خلاني خالوه..:fa35:

.
.

أطفال كبروا جدامج.. حبيتيهم بكل معنى الكلمه..

.
.

في تاريخ 4 \ 5 \ 1993
يوم ما انساه.. ولا بنساه ان شاء الله
وبالضبط كانت الساعه 12:04 الظهر..

في هاليوم.. وصل عمري .. كان صغيروووون.. امشرمخ يبتهه بظفوره الصغيروووونه..

كنت في صف سادس وفي حزة امتحانات اخر السنه..يعني بعدي صغيره.. اول ما وصل البيت.. اشتغلت الطواري عدنا .. و طبعا يا شواااقه.. خليج بعيد.. و ادرسي لامتحاناتج..

في البدايه .. قمت انقهر و اغااااااااااااااار.. خاصه اني كملت 12 سنه دلوعه البيت.. :kcl: ومحد اصغر عني..
.
.

بس مع الايام.. كبرت.. و كبر الغالي.. فديت روحه.. ومستاااانسه عليه.. ماشاء الله استوى بطولي :fa34:

.
.

حبي له و لاخوانه.. شي ما اقدر اوصفه بكلمات...
هم عيالي.. حبايب قلبي.. ما اقدر ارد لهم طلب..

لعبت وياهم.. وشاركتهم في كل شي.. لدرجه انهم يقولولي.. خالووه تمي صغيره لا تكبرين :boxed: " لا تكبرين عاد هاي كيف اترجمها "

.
.

ربي يحفظهم فديت روحهم..

و يحفظلج عيال اخوانج.. ويسعدهم..

:fa35:

[بلوة حلوة]

لم أجرب يومـا أن أكون " العمه " ..
ولكنـي وقبل أن أولد .. " خالوه " ..!
عندمـا كنت صغيره .. كان الغضب يجتاحني كلما نادوني "خالوه "..
خاصه وانهم أكبر عني .. فـ كنت أجري خلفهم إلى أن اتمكن من أخذ حقي !!
واليـوم .. حتى أبنـاء أو بنات اخوتي مازالوا ينـادوني بـ "اسمي" .!!
هممم يحلـولي ذلك ! لا بأس :ice:
حتى أن مرة ناداني احدهم بـ خالوه فـ لم ألتفت أو لم أعرف أنه يناديني
الا بعـد ان تلفـظ باسمي .. :fa36:


.
.

تصدقين اليوم يالسة احاول ويا بنت اختي تزقرني خالوه
يلست تتحرطم اونه انتي صغيره كيف ازقرج خالوه !!
ههه بحكم اني اصغر خواتي وييت فـ الوقت الضايع ^.^"
محد محترمني خخخ مـهزئيني:harhar1: ههه
يمكن الله حرمنـي من خوات أو اخوان قـدي ..:sadwalk:
بس عوضني بـ عيااال خواتي:smartass: بحكم ان اعمارهم جريبه تقريبـا من عمري


.
.

الله يخليكم لـ بعض .. شعـووور جدا رائع !

[حلم الطفوله]

السلام عليكم


أم غزووووووز :kcl:

الله يخليج لأهلج ولأحبابج في واحات بن دبي

المزوحي

أكيييييييييد بتكون له شخصيته ....بس علاقة الولد بعمته علاقه من نوع خااااااص ...هالعمه تشوف بهالولد أخوهاااا أبوهااااا ولدهااااا .... وهو أكيييد ما بيحس بهالشعور صوبها إلا لو لمس حنانها وحبها له ....
فيه نقطه مهمه تأكدت منها من تجربتي ويا عيال أخوي:yes: ....
الياهل مستحيل تخدعه ...بروحه يفرق بين إلي يحبه ويركض له وإلي يشرد عنهbrgll:

شاكره لكم مروركم

[حلم الطفوله]

السلاااااااااااااام عليكم

أخوووي قلوب :yes: ....

هؤلاء الأطفال الصغار .... بابتسامتهم العفويه لك ...تشعر بأنك ملكت الدنيا وما فيها ...

بمناداتهم وقربهم منك دون سواااك ...تتأكد بأن محبتك استقرت بقلوبهم وترجمتها أحاسيسهم لك

عسى الله يحفظهم لك دووووم يا عمي ما أدري خااااالي قلوووووووب:yes:

شووووووووووق حلم الطفوله :sad4:

أحاسيسنا ومشاعرنا لهؤلاء الصغار تكاد تكون متشابهه ....
باعتبارنا آخر العنقود وتخلينا عن الدلع كله لهم وتقبلنا لهذا الواقع بروووح رياضيه:fa38:

مواقفهم ...أشكالهم ...ضحكاتهم ...شقاوتهم ...وحتى ( حشرتهم وزعيجهم وخبالهم بنص الليل) ما يتعوض
يكبرون ونكبر وياهم ... تلمحين حبهم لج بعيونهم ... تشعرين بقربهم منج لما يشتكولج حتى من أمهم وأبوهم:doh: ...

الله يحفظهم لنا يا شووووق وحلم لصغيرونه تسلم عليييييييييييج ومفتقده وجودج حولهاbrgll:

[هزاايم]

اختيه حلم الطفووله
انا من الناس إلي يشتااقون لكمله عمووه>>تركب على اسميه اكثر من خالوه
يقول ان التاريخ يحمل معه فرحة الحياة
بالتاريخ 13-11-2001
صرت خاله لأول حفيد:fa35: لا ينسى ذاك الشعوور
فاارس هو لي خلاني خاله لكن مع خبره قدوومه وصل لنا خبر قدووم منافس له وهي شمااس
يعني هالإثنين هم شعله البيت تشوفين هذا يواجع هذي وهذي تقوم تصرق لعووبه هذا يمط شعرها وهذي تصيح وهذا يشوف حصانه حد راكبنه ويقوم ويتعصب ويتحرطم...:nono: يعني مستحيل الجو يهدى من بينهم

لكن يوم لاينسى بنسبه ليه بتااريخ 6-6-2004
وصلت لنا احلى بنووته يعني الصرااحه احسها المنقذ ليه ولي هي فطاامي يعني هلي غيرت مجرى حياااتي وتأثيرها كبير علي بدرجه إنيه بدييت ابديييها على كل شي فطاامي صاارت جزء من حياتي مااتخيل يوم يمر علي وانا مش سامعه حسها..فطاامي هلي بعدتني وكانت سبب غيره إختي الأكبر منها:no0: لأن هي بالثنويه وانا كنت مخلصه وانتلقت عند ام فطامي عسب الجو يصفى لراعية الثنويه ولمده طويله ماشفته فكل مااشووفها اقول فطامي كذى سوت وكذى سويينا لها.....
وهذي فطاامي رااح تحضر حفله خالتها:smartass: ورااح وتقوم وتقول:تاتي تاتي فطامي حياتي تاتي تاتي فطامي نوتيbrgll: والله يعطينا العمر نشووفها متخرجه


اتخيل نفسي مكاانج بس اريد احضر يوم تخرج فاارس قلبه الكبير ودي اشووف كيف رااح يكون رددت فعله

عشقت الفضفضه والسبب هالحشااكل
وربي يحفظكم ياارب
ويجعله جمعكم بالدنيا وبالآخره بالجنه ان شاء الله قرب الحبيب المصطفى-عليه الصلاة والسلام-

[قلوب دبي]

عليكم السلام عموووه حلم ..

انا من انولدت و انا العم قلوب
و في سنه 96 استويت الخال قلوب

لعبت و ضحكت و صحت
مع اعيال اخواني
كبري و اكبر مني

صح اني اصغر واحد
اوونه الدلوووع بس شكلي ما شفت الدلع
اونه عاد اقول حق ام سعيد ..
مول ما دلعتوني
ما يمديلي اكمل كلامي
اتيني الحروب الاهليه:qor9anah: من الاخوات الكريمات
انته وانته
ههههههه:kcl:
حليلي والله

اعيال اخويه يزقروني عمي قلوب و مرات بأسمي
لاني صغير .. و شي منهم صغار عادي عمي قلوب
انا عيال خواتي خالي قلوب ..

العب وياهم واركظ و اتمصخر و احوطهم ..
حبي اليهال ..

طفولتي شقاوه و مشاكل
اول واحد من العايله مودينه لندن اتخقق عليهم
كان عمريه سنه عشان ايسولي عمليه
اقول الهم انا انجليزي
خخخخخخ

أحبهم كلهم والله
واحد من عيال اخويه كبري
ويوم عرس اسميني سويتله سوالف
لاني احبه اكثر واحد ، كان اربيعي اكثر من عم ولد اخوه ..

و جي

:fa35:

[حلم الطفوله]

السلام عليكم

مرحبااااااااااااا السااااااااااااع بأحلى ريماني وأغلى بلوه بحياتي وأصغر خاله بالوجود الكوني:kcl:

شفتي يا بلوه حد منهم يكبرنا وحد منهم يصغرنا ؟ مب حاله وياهم :doh:

ذكرتيني بنفسي وانا أقنع حلموووه لصغيره بإنها تزقرني حلم بدون عموه ...حاولت وياها بشتى الطرق لا خليت كاكاو ولا ألعاب ...بعد ما تاخذ إلي تباه ولا إراديا هاه عمووووه تبين تاكلين كاكاو:boxed:

صدقيني ما شيء أروع من هاللحظات ...وإن شاء الله تكونين عمه بالقريب العاجل وتحسين باحساس العمات

الله يحفظج وين ما تكونين يالغاليه:yes:

[عمة العيم]

اتحرا تزقرونـــي brgll:

الله يحفظكم و يخليكم لبعض حلوومه

خدافس
:negab:

[حلم الطفوله]

عزيزتي هزاااااااايم

الله يحفظهم لج ويخليهم لأهلهم وتفرحين بتخرجهم وعرسهم :smartass: :yes:

فطامي وشماسي وفروسي أكيييد كلمة خالووووووووه منهم محلاتها ؟؟ :ttmasha:

شوفتهم تسوى الدنيا وما فيها ورميساتهم ما شيء أحلااااااااا منها ...خصوصا بكلماتهم الأولى :doh:

شاكره لج مرورج

[حلم الطفوله]

اووووووووووووف يا عمييييييييي قلووووب ...طلعت شيبه brgll:

حسيت بفرحه كبيره وأنا أقرأ ردك .... حسيت بفرحتك وإنته تتكلم عنهم ...حسيت بمحبتكم لبعض

الله يحفظهم ويخليهم لك وعقبال ما يفرحووووووون فيك يارب :yes:

عمة العيم

شكلللللللللللله نداااااااء العمات وصلج يا عمووووه

مرحبا فيج ونورتي الموضوع بوجودج

[عذبة الروح]

عليكم السلام والرحمه

تصدقين لو قلت لج ..
اني اتمنى اعيش حياتج
ولو لـ يوم واحد
او حتى ساعه

اسمحيلي يا الغلا
ما عرفت كيف ارد
واكتفيت بـ ذكر احساسي اللي تمنيته
تسلم يمناج غناتي
وربي يحفظها لكم .. ويبعد عنها الاذيه والمضره
وتفرحون بها الفرحه الكبيره
والسموحه منج مره ثانيه
ويسلمووونيشن حلمنا

اختج
عـذ الـروح بـة

[ظبية]

ما شا ء الله عليج يا حلم الطفوله أسلووووووووووووبج في الكتاااااااااااااابه عجييييييييييييييييييييييي ييييب :yes:



الله يخليييييييييييييييييكم لبعض وعقبااااااااااااااااااااا اال ما تشوفينها عروووووووووووووووووس :fa35:

[صدى جوفي]

حــلم الـطفولة .. دومــج راقيــة بطــرحج ومــواضيعج (:
اللــــه يخليكم لبعــض ..
.. عــني فــأنا لا عمة ولا خــالة ..
-اليــهــال أحــلى ما في الدنــيا واتخبل عليهم-
اللــــه يحفظهم ويــرعــاهم

[حلم الطفوله]

اختيه عذبة الروووووووح:fa35:

احساسج وصلني ...وإن شاء الله تحسين هالإحساس مع عيالج مستقبلا يارب :yes:

يسلمونيشن عذبتنا ....حلوه يسلمونيشن هاي brgll:

إختيه ظبيه

نورتينا بالموضوع ... وأسلوبج الأروع الغاليه

بس تعااالي شو عرووس وما عروس:doh: بعدها صغيره ...:ttmasha:

وعقبالج يارب

صدى جوفي

أنا موتي وحياتي اليهال ...أحبهم شراتج ...الله يخليلج كل أحبابج يا رب

الله يحفظج يالغاليه:sad4:

[شمه]

الله يحفظهم لكم..

عاد انا اكبر وحده.. فلا عمــه ولا خاله.. ولا يده..
حتــى عافانا الله ماعندي لا بنات خاله ولا خال ولا عم ولا عمــه في سنــي ..كلهم اولاد..

وحتــى لين استوي عمه امم يبــالـه وقـــــــــــــــــــــــ ــــــــــــــــــــــــت .. يعني اقل تقدير 10 سنين .. فديته الله يحفظ لي اخويه الوحيد .. ولا يحرمني منــه .. احسه وايد متعلق فيني ..
لان يدري اني ما اروم ارفض له اي طلب فديـته .. الله يحفظــه لي ..ولــ امي وابوي..




ع فكــره انا ما احب اليهال وايد.. يعني حدي ساعــه وياهم.. عقب اتملل .. و اصيحــهم.. لازم اصيحهم.. لو ما صاحوا انا مب شمــه .. لوول يشكون في هالشــي..يعني مطفره خلق الله

[حلم الطفوله]

إختيه شمه

الله يحفظلج كل أحبابج:yes:

شما مستويه مجرمه ويا اليهال:kkk: لا تصيحينهم عاد ...شو بيفججهم عقب :bye2:

الله يرزقج إن شاء الله وبنشوف من بيصيح الثاني عقبهاbrgll:

[طير الحب]

كنت أمارس دور الخالة أو العمة مع أبناء خالتي والحين ما شاء الله صاروا رياييل ويستحون منا...أصدق أنواع الحب حب الطفل قبل لا أتزوج كانت اختي الصغيرة متعلقه فيني وااايد فحاولت ابعدها عشان ما تفتقد وجودي يوم بطلع من البيت فتعلقت باختي الي تصغرني بعامين وامس كاتبه لها كلام وايد حلووو اونه شعر...وهي في الصف الثالث كتبت كلام حسيته اكبر من عمرها...حتى أقول لأختي لو انها كاتبه لي هالكلام بتخبل احب مشاعر الطفل وااايد..فأختي ردت علي قالت لي يوم قالت لي الشعر حسيت أنه حد قالي أحبج.
وصرت عموه من سنه وشوي بس بعده فديته صغيرون يدوووب توه يقول عموه ويستانس على شطانتي يوم الحقه ويحب يتحرش فينا عشان اطلع له الخبال وعبادي يشوفنا ومستغرب لنه هو اكبر من عبادي بعشر شهور...فديتهم ربي يحفظهم لنا