ماهو سبب بقاءك في منتدى واحات بن دبي ؟؟؟

[ولد الحكومة]

السلام عليكم ورحمة الله وبركاته

ياترى ماهي الأسباب الحقيقية وراء بقاءك أيها العضو أو العضوة في هذا المنتدى ؟؟

هل هناك أسباب خاصة مثلا أم أسباب عامة ؟

هل هو ارتباط قديم بهذا المنتدى أم ماذا بالضبط ؟
عني انا حبيت المنتدى والاعضاء الي فيه وكذلك المواضيع المتميزة التي تطرح من قبل اعضاء المنتدى ...وخلاص ما اقدر اترك هالمنتدى لاني أتأقلمت فيه وعشت في 3 سنوات . وهو أول منتدى اشتركت فيه بصراحه

وتقبلوا مني أرق تحية وتقدير

أخوكم / ولد حكومتكم :

[قرموشة]

مرحبااااااا الساااااع :mar7aba:


اممممم .. الصراحــه الصرااااحــه ..
منتدى بن دبي .. أول منتدى أشارك فيــه بحــياتــي ..
من سنــه 2001 أو 2002 .. ما أذكــر بالضبط ..
بس أذكــر بعـض الاعــضاء فيــه .. واللي الين الحينه موجــوديـن ..
بس يتــني للأسف فتــره انقطــعت عنــها .. ونسيــت الباس وورد طبــعا .. :doh:
بس ردني الشــوق لهــا من أول ويديد .. :kcl:


والســبب اللي خلانــي أبقــى هو الأعــضاء المتميزين .. والمنتدى المتميز بنفــسه ..
وخــاصه اني تعرفت على بعــض الموجودين هنــه وتعــلقت بهــم حــيل .. والصراحــه ما أتخــيل اني
أفــارقــهمــ .. وهـ المنتدى غــير عن باقــي المنتديات .. ما أدري .. يعني من شهــوربس أنا مشتــركــه فيه ..
بس أحس اني أعرفــكم واحد واحــد .. وحــاســه انه واحات بن دبي هــي بيتي الثــاني .. وما أقدر اني أستغنــي عنــها .. :fa35:


ولــد الحــومــه أشكــرك على طرح الموضـوع ..
كــل الود .. قرمــوشــة ..


على فكــره اسمــي على ايام 2002 كــان " راعــيه السوبرا " >>> أدري انه مااااايخــصه .. بس كنت متولعــه بالسوووبرا هيهيهيهيبييي:harhar1:

[الملهم]

سبب بقائي في الواحات لوجودك انت ^__^ ..

امممممممممممم ..
لوجود اعضاء مبدعين راقين في اساليبهم .. متميزين في اقلامهم ..
ولا اظن انني استطيع ان اتركها .. فالواحات نفسها لا تعمل شيئا ..
ولكن الاعضاء هم المحتوى .. هم الذين يرفعون اسم الواحات ..

لكم الشكر والامتنان ..

[طير الحب]

السلام عليكم

ارتباط قديم...وانا من عادتي احس بحنين للأشياء والأماكن والأشخاص...ومكان احس انه بيتي...وما أقدر ما اخذ لفة في الواحات بين الحين والآخر وأتمنى عودة جميع الغائبين...وللواحات مفعول السحر في حياتنا...عن نفسي تعلمت اكثر درووس الحياة من خلال الواحات ...ولازلنا نتعلم...والسبب الآخر الأخوة والأخوات الأعضاء في منهم احس بتقارب فكري وأحب أتناقش معاهم.

قرموووشة...مع انه السوبرا الحين وايد حلوة

[صريح]

اممم ..
يمكن الانــه اول منتـــدى اشترك فيــه
و اعرف وايــد نـــاس "هووون :harhar1: "
و تعودت ع جــو الــواحـــات

فديــت الواحــات واللي
فيــهـــا
:fa35:

[العجيبة]

يمكن لان لونهـا حلـو ..

[أمطار]

أحبهاا بكل ما فيهاا . . .!
^_^

[صدى جوفي]

وعليكم السلام ورحمة الله وبركــاته

:: واحـــات بن دبــي ::

أول منتــدى أشــارك به .. عــاد متى على آخر شهر لي بدراستي الجــامعيــة ، النــاس تقول سنة مصــيرية وأنــا تونــي أدخل عالم المنتديــات :boxed:

بــصــراحة حبيت الــواحــات وأهلهــا .. واستفــدت واايد منهم ويــا ريت كنــت مشــاركة فيــه قبل مع أن مــوقع بن دبي من المواقع اللي دوم اتصفحــها قبل لكــني ما كنت مقتنعــة بفكــرة المنتديات وقتهــا

اعــتبر الواحــات مكــاني الثــاني- ولي فيــها أهــل وأصــحاب -علاقة كمبيوترية - حيــاة ثــانيــة فيها من كل شي فرح حزن صداقة عتاب .. الخ

الواحــات عــجيبة الصــراحة :fa35:
ربنـــا يديمهــا
تسلــم ولد حكــومتنــا ع المــوضوع

[بحر الموده]

وعليكم السلام ورحمة الله وبركاته

** واحااااااااااااات بن دبى الحبيبه **

انا اول ماعرفت النت والمنتديات كنت دوووم ادش الواحات وقلت بشارك فيها وهيه ذكريات بكبرها صراحه من سنة 2002 ولين اليوم ماشفت منها الا الاعضاء والادارين والمراقبين كلهم طيبيين واحباب فيه منهم بقووو وفيه منهم رحلووااا وكلهم محفوظين فى القلب الواااحات مانصبر عنها وين مارحنا .. المواضيع الاسلوووب الاحترام المتبادل كله متواجد وهذا لى خلانى ابقى فى بيتى الثانى

وربى يدووم الاعضاء ويخليهم ان شاء الله واقوول للواحات الى الامااااااااام نحو التقدم والازدهار الطيب

.. ولد الحكومه اشكرك اخوى على الموضوع الحلوو وربى يخليك وماقصرت

عاشق الواحات / بحر الموده

[ولد الحكومة]

وعليكم السلام ورحمة الله وبركــاته ،،


قرموشة ،،
:fa36: اصدقين توني ادري انج " راعــيه السوبرا " صدق طووولتي الغيبه ، بس عودة حميده ونورتي واحتج من يديد.
كل الشكر والتقدير لج ومشكووورة عالمشاركه.

الملهم ،،
:bow: عشاني أنا ؟؟؟ على رأسي اخوي مشكووور وماقصرت وهذا من طيب اصلك ..
بالفعل هالواحات فيهااا ناس طيبين وحبوبين وناس ماقصروا اعطوا كل ماعندهم في خدمه الواحه.
أشكرا طووويل العمر عالرد وع المشاركه الحلوة منك ..:yes:

طير الحب ،،
هي والله اختي صدقتي في كلامج الواحد ايحس انه عايش في بيته ، وامبين اخوانه وأشقائه والكل يتمنى عودة الغايبين !!! وانا عن نفسي اتعلمت أشياء كثيرة من هالمنتدى.
مشكورة طير الحب عالرد والله يعطيج العافيه :cop:

[الشوق]

ولد الحكومه
اشكرك يااخوي ..
(( مردك لي .. مردك لي يطول الوقت او يقصر )) .. الواحات مردنا لها .. خاصة لواتعلقنا فيها اسنين وبنين ..
الواحات بالنسبه لي ثاني منتدى احدره .. لكن صرت مااروم اتخلى عنه ... حتى لو كابرت في يوم مااروووم ..
مااقدر انسى اللحظات اللي عشت فيها .. الصداقات اللي اكتسبتها .. الاخوان اللي حصلت من ورى هالواحات .. الوقفات الجميله اللي عشتها مع الاعضاء والعضوات ..
الواحات علمتني اشياء اكثيره ..
علمتني ... كيف اكثر من القراءه
علمتني كيفية تطوير كتابتي ..
علمتني افيد واستفيد ..
وهالشي ما اكتسبته الا بوجودكم انتوا يالاعضاء

[دانة حتا]

عني انا هذا اول منتدى اشوفه واشترك فيه
انا اعرف بن دبي من زمان بس كنت مشتركه باسم اصغر الورود اوني
وما كنت اعرف له ذاك الزود وقطعت ويم اتفيجت على طول قلت ما شي الا بن دبي
سوالفهم حلوه ومواضيعهم احلى وكنت احس انه الاعضاء في بينهم رواابط وايد
ومع الايام اتعلقت فيه اكثر واكثر..صح اقطعه فتره بس لازم اشوف ع الاقل الصفحه الرئيسيه
ههههههه ادمان عليه والله
وجذا بس

[دموع قلم]

وعليـكم السـلام ورحمـة الله وبـركـاته


كـنت من الأعضـاء الـذين يتـواجـدون في الـواحات بشكـل مستمـر, ولكـن الآن ظـروف الحيـاة لا
تسمـحنـي بـذلك, وكثـرت أعمـالي, وزادت مسـؤوليـاتي.. ولكـن بالرغم مـن هــذا الانشغـــال, لـم
أستـطيع أن أهجـر الـواحـات.. وذلك لعـدة أسبـاب.. منهـا..

- أعطتنـي الكثيـر والكثيـر من الأمور التـي أفـادتنـي في حيـاتـي
- دفعـتنـي لاكتشـاف هـوايـاتـي وإبـداعـاتـي
- وجـود عضـوات لهـن مكـانة خـاصة بقلبـي


أشكـرك أخـي ولد الحكـومة.. ربـي يعـطيـك العـافيـة

:)

[لبن مثلج]

:kkk: سؤال مهم :kkk:

اعتبر الواحات فريج جديم بالنسبة لي وانتوا عيال الفريج :3:

يعني ساعات اتصفح المنتديات الثانية ،، بس ماحس بالالفة والوناسة :no0:

ببساطة ،، انتوا دمكم شربات ... ومرحين .. واحبكم :heart:

واتعرفوني واعرفكم ... ناخذ نعطي ويا بعض من دون زعل .... وسلامتكم :yes:

[ولد الحكومة]

صباحكم سكر ،، :2:
وعليـكم السـلام ورحمـة الله وبـركـاته :bye0:

صريح

العجيبة

أمطار

صدى جوفي

بحر الموده
:3: مشكورين كلكم ويعطيكم ألف عافيه على هاي الردود الحلوة وإن شاء الله يظل هالمنتدى ويظل الاخوان والاخوات على إييد وقلب واحد. آمين يارب

مع تحياتي :
طفلكم المدلل : ولد الحكووووومة :bow:

[مجموعة إنسان]

بصراااحة انا اتعااايز اشاارك في منتدياات ثانية .. وهذا اول منتدى اشاارك فييه ..
ومالقييت منكم اللا كل خير من اعضاء ومراقبين وفرييق الادارة
وما أفكر اتخلى عن الواحات لأن فيها اشووف راحتي

[ولد الحكومة]

وعليـكم السـلام ورحمـة الله وبـركـاته

الشوق ( غبت عني والشوووق جابك .... عمري يالغالي .........) :doh:

دانة حتا

دموع قلم

لبن مثلج

هواجيس مشتاق
مشكـــــــــــــــــورين كلكـــــــــــــــــم على هالردود ،،،
واشكركم جزيل الشكر .... والاحترام والتقدير

تحياتي :
اخووووكم / ولد الحكومة :puppyeyes:

[أمواج]

:mar7aba:
.
.
.

يكــفي لقيــت راحتي فيـه . .
.
.
:bye2:

[ولد الحكومة]

:yes: المتفيزره عالعرقووب ،،
كفايه الواحد يوم يدخل المنتدى ويشوووف هالناس الطيبين الموجودين فيه ، يستانس وااايد وخاصه يوم اقطع فتره طووويلة عن المنتدى احصل فيه ناس يسئلووون عني :fa34: ويطرشولي رسايل.

الله يديم المحبه بين الاعضاء ... :cop:

[جنون امرأة]

.. مممم هذا مب أول منتدى أشترك فيه .. لكن أكثر منتدى استمتعت فيه و استمريت ..

و مالي غيره ..

من 3 سنوات .. انا فالواحات ,, هاي السنة الرابعه !!!

:)

[ديج الفريج]

السلام عليكم ....

أنا ارتباطي ابها المنتدى تقريبا من نشاته
أيام المصخره والفوضى :harhar1:
ما أدري كم سنه
ياترى كم سنه يا بن دبي ؟؟؟ :kkk:
ما أدري 6 ، 7 ، 8 ... سنوات
يعني من عمر عيالي
ولا انت شو رايك ابن الخطاب ؟؟؟ :fa39:
وربعنا الاوليين اللي غيروا نكاتهم واللي تامين على نكاتهم
ثم اني تعودت على الواحات وين ما أسير أردلها
يعني شرات الادمان :fa56:
وبعدين طيب ناسها
والمهم .. ان صاحب المنتدى عنصر محايد :bye0:
وما يحب يظلم حد خاصة أنا " العضوية الله يخليك "

[ولد الحكومة]

وعليكم السلام ورحمة الله وبركاته

كيفكم شباب :fa34: .

جنون إمرأة :
ماشاء الله اختي ان شاء الله اتمين فالهمنتدى للابد ... brgll:
وتسلمين عالمشاركه

ديج الفريج :
انته من المحاربين القدامى .. ( مابحسدك بس انته قديم :bow: ) العمر كله ان شاءالله....
ومشكور عالمشاركه الطيبه.

تحياتي :
ولد حكومتكم :doh:

[وعد]

ارتاح فيها:kcl:

[ولد الحكومة]

مراااحب

:: وعد ::
ان شاء الله دووووم اتكونيين مرتاحه :fa35:

[كشره]

لاني ماطوع من شجرة

[ولد الحكومة]

:kkk: انته شو مشكلتك يا خوي كششششششششششششره قصدي كشششششششششششششخه ... brgll:

تحياتي :nono:

[شمه]

بس جي لاني احبهـــــا..

قبل كنت اتصفحها بس ..
بس الله يسامح بن دبي ..قال ما يستوي تتصفحون لازم اتشاركون..لان ما كنا انروم انشوف المواضيع (مب مسجلين في الواحات)..

يعني من يوم اخترعوا شي اسمه واحات وانا موجوده..وعقب شفت انجود اشتركت جان اشترك..


وعقب حبيتـــكم.. و ما اروم افارقكــم..

امم ولاني بعد اعرفكم كلكــم تقريبــــــا..يعني عشرة عمر ..5 سنين ..

[قرموشة]

السلام عليكم
قرموووشة...مع انه السوبرا الحين وايد حلوة

هــيه أعرررف .. وأنــا لين ألحــينه أحبهــا .. تنفــع حــق الريس :daleel:

[شوق القلوب]

السلام عليكم...

كيف ما اتم في الواحات و هي أول منتدى اماراتي ادخله ..!!

كيف أطلع منه وفيها :

- بن دبي اللي ما يقصر في الاعضاء وفي تطويره للمنتدى ة اهتمامه فيه.

- عايش وهم ، أخونا الكبير و سند هذا المنتدى.. بشخصيته و اسلوبه وادارته.

- الحاضر الغايب .. ولد عمي ، ريحة زمان الصمت ربيعتي ، والغاليه ع القلب حلم الطفوله .. والعزيزه أمطار..

- قلوب دبي.. لماح .. المقاتل .. الفارس2000 بطيبه قلوبهم و اخلاقهم..

- خواطر بروعه كتابة متفائل في زمن اليأس.. وأشعار سفير الخيال.

- ناس عســـووووله مثل ام اخدوود و بلوه حلوه و العجيبه..

- أشخاص نادرين مثل خنفرووووش.. بسوالفهم و ثقافتهم.

- رســـامين بروعه المحاق المشتعل و قطره ندى.

- بنات يشرفني اني اعرفهم مثل طير الغرام و حبوبه دبي و طفله من هذا الزمان و نوير و عيون الليل و فراشه ود

- حكم من صدى الونه.!

- ربع مثل كلكلوش و ذنيني.. شمه و نجود ..

- متميزين امثال أتمنى و سبيجه بنت امبيريج و طير الحب.

- اخوان مثل محب الشيخين و الحساس و عاشق قلم و هواجيس مشتاق و نبراس الليل و خيال الحب و مسافر و خطاب و صريح..

- و ابن الخطاب و ديج الفريج و لبن مثلج و المزوحي و المتفيزره ع العرقوب و الشوق و مايهزك ريح و بحر الموده و الياه و شمعه امل ..

و غيرهم و غيرهم.. من ناس عشت وياهم من سنه 2000 !.
.


كيف أطلع.. و اترك هالعشره الحلوه.. :)
.
.

تسلم يا ولد الحكومه.. لانك ويانا..
و خليتنا انعبر عن فخرنا بواجدنا في هالواحات الطيبه.. و بين هالناس الطيبه..

عشنا هنيه.. كل المشاعر من فرح و حزن.. مرح و ضيج..
كانت الواحات من أقرب ما اتكون في لحظاتنا الخاصه..
قربتنا من ناس .. و علمتنا دروس..
و جمعتنا فيها أغلى الصدف..

لها كل حبي..
و امتناني..
و سعادتي..
:)
.
.

[ديج الفريج]

تسلمين ياشوق

[كشره]

ولد الحكومة: مشكلتي صعبه :bye2:

اناماطوع من شجرة (مثل مصري) يعني ماعندي حد :sad4:

خلك كشششششششششششششششخه :yes:

[ولد الحكومة]

وعليكم السلام ورحمة الله وبركاااته


شمه :
.. :fa34: ماشاءالله عليج والعمر كله .. وان شاء الله اتميين في الواحه للابد واتقدمين كل ماعندج للواحه المتميزه.. مشكورة وايد عالمشاركه الطيبه منج ولج مني ارق تحيه :yes:
.
.
.

قرموشة :
ايوه انتي يا راعية الريس ... :hist:
شكرا للمشاركه للمرة الثانيه .. ويعطيج الف عافيه !!!
.
.
.

تحياتي : :bow:

[ولد الحكومة]

.. وعليكم السلام ورحمة الله وبركااااااته

.. :ice: شوق القلوب :

هذا الكلام الحلو لي انااااا ... مب مصدق الصراحه brgll: .... ؟؟؟

الاخت شوووق القلوووب اول شيء حبيت اشكرج على هالكلام الحلو ...
.
.
الصراحه الواحه فيهااا ناس طيبين ويستاهلووون كل الخير ومثل ما ذكرتيهم يا اختي شوق وفي بعد ناس بس ماعرف وينهم موجودين ولا ظهروا ... :no0: الله واعلم. امثال القلب الطفولي ، وبنت الحكومة ، ومنصوري الدولة ، واحلى منصوري ، والمقاتل ، شارد من السجن ....... :sadwalk: .

كل الشكر والتقدير للاخت شوووق القلووووب على المشاركه الحلوة.

تحياتي :
ولد الحكوومة

[انامل]

ولد الحكومة مساء الخير اخي
سؤال جميل
توقفت عنده لحظات
تبسمت
في اسباب لا تعد ولا تحصى بالنسبة لي
منها
لاني لقيت من يقراني
واهمها
لاني تعرفت على ارواح يمكن ما تلاقت نظراتنا ولا تصافحنا
ولكن الارواح تلاقت في مكان ما
يا كثر ما اغترب وانقطع
ولكن مالي بد عنها
فعلا اسم على مسمى
"واحة"
فيها النفس والروح وأنامل ترتاح

شكرا على هذا السؤال
الله يديم الواحة ومحبة الأعضاء يارب
مساء الوفاء

[ولد الحكومة]

وعليكم السلام والرحمة

هلا بآنامل .. وين هالغيبه الطوووويلة :yes:

تسليمن أختي الفاضلة على الرد .. وفعلا اسم على مسمى "واحة"

مشكورة ولج مني أرق تحية ..

ولد حكومتج

[محب الحسين]

اللهم صل على محمد وال محمد

بعد طول غيبة ..
السلام عليكم ورحمة الله وبركاته..


انت كريم ،وانا أستاهل

واحة بن دبي كريمة بعطاءها ،كريمة بجمعتها بالطيبون.

لذا ليس بغريب الحنين والشوق لها.

تحياتي للجميع ..سيما القائمين على الواحة..،


محبكم في الله
محب الحسين..،

[ولد الحكومة]

وعليكم السلام

محب الحسين
مشكور الطيب عالمشاركه .. ولك مني جزيل الشكر
.
.
.
ولد الحكومة

[الجديدة]

و عليكم السلام و رحمه الله و بركاته
سؤال جاء في وقته بالنسبة لي
هناك الكثير من الأسباب لبقائي هنا في المنتدى
و أولها أنه أول منتدى أشارك به
ثانيا أعتبر المنتدى بيتي الثاني الذي استريح به من عناء التعب و الارهاق
الذي يصيبني بين فترة و أخرى، فأجدد نفسي هنا و اروح عن نفسي بما أكتبه هنا
ثالثا و هو المهم لوجود أعضاء مميزين في المنتدى و لاأعتقد بأني سأجد مثلهم في منتدى ثاني لانه من الصعب الجمع بين كل هؤلاء الأدباء و الأعضاء المميزين
ايضا لوجود الاحترام و الأخلاق العالية بين الاعضاء التي لم أجدها في بعض المنتديات
و اخيرا لانه منتدى يكتب في مواضيع مميزة تستحق بأن يكون الفرد جزء من هذا المكان

هناك الكثير في بالي و لكن هذه الأمور أهم شي عندي
و شكرا يا ولد الحكومه على هذا السؤال.

[ولد الحكومة]

سلام عليكم
.. أختي الفاضلة " الجديدة"
أشكرج جداً عالمشاركه وان شاء الله يستمر بقاءج في المنتدى طووول العمر ...
لج مني أرق تحية

تحياتي :yes:

[حلم الطفوله]

وجود شوق القلوب فيها:bye2:

[ولد الحكومة]

بس عشااان وجود شوووق القلووووب :sadwalk: وليش الباقين مالهم رب ؟؟؟ :hist:
حلم الطفوله .. مشكورة عالرد واشكرج

[حلم الطفوله]

اكييييييييييد الكل له دور ببقائي بالواحات ....يعني مستحيل هالشخصيات تتعوض ولو شو ما استوى

يعني انامل وأتمنى وزمان الصمت وشموخ وشوق القلوب والعجيبه وأمطار وبلوه ...وين بحصل مثلهم !

وأستاذي خنفروش وصدى الونه وقلوب دبي وأحلى منصوري والحاضر الغايب والفارس وعايش وهم ...وين بلاقي بأخلاقهم وإبداعاتهم ؟

والشهاده لله إنه حتى بن دبي ما يتعوض وكافي إنه يرد علينا حتى ولو كان مشغول:yes:

كل انسان دخل وكتب ولو كلمه أو سطر أثرت فيني اكيد بذكره فما بالكم بهالسنين إلي قضيتها وياهم

وأكيد الويوه اليديده لها مكانه خاصه ولو ذكرت أسامي ما بقدر أوفيهم حقهم ...يستاهلون كل خير والله

بس شوووق القلوب ...هالإنسانه بالذات ما أعتقد إني بقدر أكمل بالواحات بدونها :bye2:

[ولد الحكومة]

وعليكم السلام ورحمة الله وبركاااته
.. والنعم فيج وفي بن دبي وكل الاعضاء ...
تسلمين اختي عالمشاركة للمرة الثانية ويعطيج العافيه وان شاء الله تتواصلين ويانا في الواحه.
.
.
.
لج مني احلى وأرق تحية
قــــايد الريــــــم :nono:

[الماتادور]

هيييييييييي يابن دبي

انا اول منتدا ادخله و حبيته

و اذكر في فتره من الفترات

كنت انام 8 ساعات و ايلس على المنتدا 16 ساعه

لين الحين احس بكتفاء للنت

بس اذا فكرت احدر

لازم احدر بن دبي

اجيك على ربعي القداما

و السموحه

[ولد الحكومة]

وعليكم السلام ورحمة الله وبركاااته
الماتادور ،،
تسلم الغالي عالمشاركه ... بس الله يعينك يوم :fa36: تقعد عالنت 16 ساعه ... صحتك أهم ... عقب عينك بتستوي شرات صاحبناااا :boxed: . لا تزعل امزح معااااك
brgll: اتمنى لك دوام الصحه والعافيه.

تحياتي
اخوك/ قايد الريم
وولد الحكومة سابقاً :yes:

[المنصوري]

حـــكـــم الــــقـــــدر :bash: ,,

[الرحيل]

الصراحه احس اني بين اهلي..وثاني شي انه هذا اول منتدى ب حياتي اشترك فيه..

[شتشووته]

لانه فعلا الواحات من احلى المنتديات ..

اانا اول منتدى اشتركت به الواحات ولا اشتركت بغيره ..

مع اني من النوع الي مايحب النت وايد

لكن اذا فتحته افتح الواحات اخذ لفه :)

[خنفروش]

:a046:
:fa56:
:fa36:
:whistling:
:a074:

[طعون القلب]

انا عضوه جديمه سنه 2000 وكان اول منتدى أشارك فيه ... وأذكر اسماء الاعضاء القدامى لكن انقطعت عن المنتدى بعد التغيرات والتجديدات اللي على اثرها انحذفت المشاركات واسماء الاعضاء.. فتركت المنتدى وعدت له من فتره قريبه لكن طبعا الحين غير قبل ايام الحماس الحين اخذ لفه إذا اتفيجت وسجلت باسم ثاني.. لكن اظل احب منتدى بن دبي يمكن يذكرني بايام الطفوله خخخخخخخخخخخخخ :) ... ومن اجمل التواقيع اللي كانت تلفت نظري ( أيام قبل ) . توقيع الماتادور دووم كان يكتب (( انا الملك رغم انف الجميع ..... كفايه خداع))..
اتمنى التوفيق لجميع القائمين عليه :)

[فارس بن دبي]

بــ صــراحـــةََ ... هــوَ أولـِـِِـِ منـتـــدى أشــــ فــيـــه ـــارٍكـِِ
كــانََ الــمــنــتـــدى مــنـــور بــشــعـــلةََ مــن الأعــضـــاء الـمــتـمـــيــزيــنِِ
وكــانََ فــيــهِِ نــشــاط غــيــرِِ طــبــيـعــــي ِِ
وصــارتــ ِِ عــنـــديـ بـعـــض الــظــروفــِِ و الــحـــيــن صــار لــي فـتــرة أتــأاإآبــع الـنــتــدى
وهــذا كــلـُُ شــيءِِ~
وبــعــديــن عــيــزتـ مــنََ الــكــتــابــةِِ~ّ
خخخخخ
والـــســمــــوؤؤؤؤوحــةٌ

[فارس بن دبي]

نسيت أضيف شي بسيط ...

سبب رجوعي هو بصراحة ... إني أشتقت لأيام اول ...

كنت يااااااااااااااااهل ... 2003 ... والحين نحن فــ 2009 وداخلين عــ 2010 ...

يعني 6 سنوات لي فهالمنتدى ...

بصراحة يوم رجعت وكتبت هذا النك ... ما توقعت إني احصل مكاني ... لأني إنقطعت قريب السنة ونص ...

بس الحمد لله ... لقيت مكاني موجود بعده ...

[تحفه]

هالمنتدى الي يدشه ما يطلع! تقول مسوين سحر هاها

[ألم ترى]

بسم الله الرحمن الرحيم ..

إن سألت هالسؤال قبل 4 او 6 شهور لـ قلت لك لا استطيع ترك هذا المنتدى ولو دقيقه ! ..

انا اتكلم عن اعضاء جدآ جدآ محترمين وعن مواضيع هادفه ومميزه ..

اما الأن فزياراتي له جدآ محدوده واعترف بتقصيري تجاه الاعضاء والمهام اللتي بعاتقي ..

فـ شكرآ لمن اخذ مكاني وها انا ابتسم له واصفق لـ انجازاته مشكورآ لما قام به ..

فالله وحده يعلم بالحال اللي انا فيه وبعونه وحده إن كان هناك مخزون سأفرغه هنا وهناك ! ..

ولكـــــــــن متى ؟ ..

المعذره ..

[الشوق]

يوم اقولكم مالنا مرد غير الواحات
غياب تقريبا دام ست اشهر كانه دهر بالنسبه لي
.
.
.
بس راجعه الملم شتات افكاري ان شاء الله

[بنت الدلع]

احبها :inlove:

[فرفوش]

(\__/)
(='.'=)
(")_(")

إذا كنت تبحث عن الافضل . . . . فبحث عن ولد الحكومة


مرحبااا حباااايبي أخواني وأخواتي وخلوني أختصر - تراااا فضولي ملعوزني ويبا يعرف - وما يصير ما اقول وأريح خاطره بس كله بالتقسيط هههه أنزين كم تعطوني إذا خبرتكم خخخخخخ - أدخل بالموضوع فرفوووش - الصراحه وراحه أني كنت متابع المنتدى 2000 - 2001 وفجــــــــــــــــــــــ ــــــــــــــــــــأه أنقطع المنتدى لأن وما أذكره عندهم صار في الموقع تبديل سيرفر وفي نفس الوقت أضطريت أسافر أو أهاجر وسفري أضطراري - أنزين وين أخوي زهقاااان وأيام زهقان فديت روحه وألا بس هو معرفني على المنتدى - تراه لازم يتواجد عشان المصداقية وبالأول والأخير أقول فيد وأستفيد وأتبادل المعلومات المفيده - أنزين وين المتواجدين هنا البعض ما اشوفهم يبالهم رجعه - والسموحه

[عهد الوداع]

فرفوش انت ولد الحكومه


هالواحه غيييييييير صراااااحه ما اقدر افارقهاااااااا عشرة عمر .... ^^
بس بييي يوووووووم ومصيري ابتعد عنهاااااااا

[أمطار]

هالمنتدى الي يدشه ما يطلع! تقول مسوين سحر هاها

تبين الصدق؟!

بديت أشكـ . . .
:look:

كنت ولازلت وسـ أبقى . . .
أحبـ الواحات بكل ما "ومن" فيها :inlove:~

[دمعة شوق]

آلـوآحـآت غـير :fa41: ~

[حلم الطفوله]

نلف وندور ونغيب .... ونرجع ونشارك ونتحرطم

مكان يستوعب حروفنا .... ولمه ترسم على ويوهنا بسمه

حضور وغياب ...شوق وأحلام ... طفوله وتفاؤل ... هواجيس وتحف

الواحات ...عمر !!! كبرنا فيها

الواحات ... راحه !! نتنفس فيها

الواحات ربع ... نتونس فيهم

الواحات عقده ما تنحل :)

[فرفوش]

صدقج الواحات عقد ما تنحل بس عن اكون انا واحد من العقد هههههه
والواحات بالنسبالي مدرسه وميلس وجو اقدر اغير نفسي واتنفس فيها بسلام

وعطاري العمر انتي كم عمرج لالالالالا اسولف عن تضربيني بملاس حلموه والله يعطيج طولة العمر

[حلم الطفوله]

طاح فيها فرفووووووووووش


انا محد يقولي حلموووه غير شخص وااااحد


عرفتك خلاص :)

[فرفوش]

اوبس اسف اختي حلم الطفوله حفظك الله ورعاك
ما اتصدقين اتزخين عليه شيء ^_^
والله الواحات بسوالفكم يتفاعل الاعضاء و ان شاء الله دايمه

[طير الغرام]

http://oasis.bindubai.com/bin/uploaded/1184_01253720525.gif

بـ اختصــار [ الواحـات عمــر ]
وأرتاحلهـا وايــد :thumbup1:


http://oasis.bindubai.com/bin/uploaded/1184_11253720525.gif

[خنفروش]

ماهو سبب بقاءك في منتدى واحات بن دبي ؟؟؟

لا ماشي .. بس اطالب .. مجموعة انسان .. و انامل قلب .. فلوس

[عهد الوداع]

ماهو سبب بقاءك في منتدى واحات بن دبي ؟؟؟
لا ماشي .. بس اطالب .. مجموعة انسان .. و انامل قلب .. فلوس







سبب مقــــــــــــنع :woot::woot:
هههههههههههههه

[الشوق]

نبض القلب ...واحاتي
وهي دايما اتقول مردك لي مردك لي يطول الوقت او يقصر

[مجموعة إنسان]

ماهو سبب بقاءك في منتدى واحات بن دبي ؟؟؟

لا ماشي .. بس اطالب .. مجموعة انسان .. و انامل قلب .. فلوس


يابو خلف كيف حالك عل حالك تمام
انسى القصيدة وهات علوم اخوي الكبير :m_ma9dom:

الديان لا يموت . هههههه

المشكله اني اطالب انامل ولما ترجع فلوسي بعطيك :m_bye:

[مايهزك ريح]

مرن تقريبا 9 سنين على اشتراكي.. وما اقدر اصبر .. عن هالمكان .. مادري غيير ..

[أنامل قلب]

انزين تبون كاش ولا ؟. >> > عدال :k_special2: !.

[خيال الحب]

انزين ياخنفرووش .. انا بعد اطالبك فلوس خخخخخ

فافضل حل انكم يا مجموعة انسان ويا انامل تعطوني الفلوس انا وخلاف ان زاد شي عطوه لخنفروش

[دموع قلم]

هيه صدقك ,
مرت أكثر من 7 سنوات ولين الحين أدش الواحات ,

سبحان الله !

[الاسطوري]

حبيت أرفع لكم هالموضوع عشان نقراه ونسترجع ذكريات أسباب بقائنا في هالمنتدى ونشوف
الأسماء اللي قالت انها ماتقدر تترك الواحات واختفت ونبدأ نبحث
عنهم لأن الغايب عذره معاه
:k_smile2:

معا إبتعدنا لابد أن نعود للواحات الطيبة

[خيال الحب]

الاسطوري

خيال الحب هنااا

خخخخخ من الصامدون لووول

14 سنه خخخخخخخ يعني لو عندي ولد بيكون الحين ثاني اعدادي خخخخخخخ

[مايهزك ريح]

^
ههههههههه
صدقك والله
انا بعد من 2001

لو معرس ما هذاك اليوم جان عندي اربعه ولا خمسه يتراكضون .. الله كريم

[خيال الحب]

^
ههههههههه
صدقك والله
انا بعد من 2001

لو معرس ما هذاك اليوم جان عندي اربعه ولا خمسه يتراكضون .. الله كريم

2001 هذا يوم سجلنا من اول ويديد خخخخخ

قبل مسجل انا ع سنه 98 خخخخخخخخ

شيبه ادري ادري لووووووووووول

[طير الحب]

ما ادري انا سجلت اول ما فتح المنتدى عمر والله احسه بيتي...واتوله عليه...

[المقاتل]

والله يا جماعه الواحات حلوه وسوالف وحركات وذكريات

انا اذكر ان اختي هيه الي خلتني اشترك بالواحات .. ومن هاك اليوم صرت مدمن عالواحات وعقب استويت مدمن انترنت وعقب استويت مدمن كمبيوتر

الله يسامحكم بس

خخخخخخ جلبت السالفه عليكم

الله يخلي الواحات ان شاء الله .. قولوا امين

[شرجاوي]

اول منتدى اشتركت فيه :)

[حلم الطفوله]

وسنرحل كما رحل الآخرووون !!

[المقاتل]

لا الاخرين شوبوا عسب جيه انقرضوا بي كوول

[طير الحب]

المقاتل...هههههه انا من جيل الي شوبوا...اخبارك احيدك تدرس في استراليا ولا انا غلطانه


حلم الطفوله...سيعودون كما عدنا...الي تربى بهالمكان اكيد بيرجع له بيوم


بسألكم عن


سفير الخيال...عايش وهم...اتمنى...دموع قلم...وينهم


موجودين والا الله يعرفهم يسلم عليهم وااااااااايد



تعرفين حلم في شخصيتين اذا ما خانتني ذاكرتي كانوا فالمنتدى او من روداه واحد صار مذيع...وواحد كمل شاعر وصار مميز...كنت اقرأ دوريات الي تنشر من دائرة الثقافة والاعلام وشفته متواجد بقوة ومصر على حلمه قلت لبوعبدالله انا هالشخص قسيت على قدراته الشعريه بس ما شاء الله كان يعرف شو يبا وصورته اذا ما خاني الشبه تزين احد شوارع احدى امارات الدوله..

[حلم الطفوله]

قصدج هشاااام أكيد ..:)
الله يوفقه إ ن شاء الله