مــــــــــــــــاااااا أبــا واحــد مطــوع .. !!!!! [الأرشيف]

قرموشة

23-04-06 ||, 08:25 PM

مــــــــــــــــــــــــ ا أبا مــطوع .. ماااااااااا أبا آخــذ واحــد مطوع ..

مــا أدري جـــان سمعــتوا بهــا العبــارة من قبــل .. بس الصراحــه ..
اليوم شفـــت العجــب !!. :puppyeyes:

فــي الجــامعــة ..

عــاد تعرفــون البنــات وسوالفــهن .. عن زوج المستقــبل ..
والمــواصــفات اللي حــاطتنهــا البنــت .. أو متخــيلتنــها في ريلــها .. :kcl:

المهــم . . وصــل الدور عــند وحـده من البنــات .. وأكــيد صفت المواصفــات اللي تـباها .. وأخيــرا ..
قالت هــاي العــباره .. " بشرط مــايكون مطــوع "

عــاد انا استوى بي جــيه .. :boxed: .. وجــان أقولــها .. ليــش يعــني !! وبلاهــم المطـــاوعــه ؟؟
قالت بمــا معنــاه .. " انــا لو خــذت واحــد مطــوع .. ما بيخــليني عـ راحــتي .. وكــل شي بيكــون عنده لاااا .. وانا أبا واحــد ما يكــون جذه "

وعــني انا ..

الصــراحــه .. أشوف هــاي نعـمــه من رب العالميــن .. وبيخــاف ربــه فيني .. وبيحــطني في عــيونــه .. وأكــيد عيالــي بيتربــون أحســن تربيــه .. وبعدين الرسول عليه الصلاة و السلام قال في حديثه الشريف ( من اتاكم من ترضونه خلقه و دينه فزوجوه )

ووايـــــــدين .. تزوجــوا " مطاوعــه " وعلــى حريتهــم .. وغــيرهم .. خذوا ناس .. متفتحــين .. ولــكن للأسـف ..منــعوا المرأة من أقــل حقوقهــا ..

اممممم .. سؤالــــي .. يا أعضــــــاء بن دبي .. شرايكــم بـ هــالسالفــه ؟:kkk:
ولـــيش يعــني البــنات حــاطين في بالهــم مثل هـ التفكـيـر .. أو ماخذيــن هـ الفكـره عن " المطوع "!!

ملاحــظه .. المطــوع مب إمــام المسيــد .. المــطوع .. يقصــد به الملتزم بديــنه أكثر عــن باقي النــاس ..

موضــوع للنــقاش ..

:fa35:
كــل الود ..
قرمـــــــ ـ ـ ــــوشة
الأحــد 23-ابريل-2006
08:20 pm

دانة حتا

23-04-06 ||, 08:33 PM

اممممم موضوعج عجيب
واتحصلينه عند معضم البنات
ما اعرف شو بلاهم على المطاوعه
انا ما اقول انه لازم يكون الزوج متشدد بس يعني واحد يعرف ربه ويخافه
ع الاقل اامن نفسي عنده واطمن على عيالي ويااه
بس هذيل البنات اللي يريدن واحد خبل شو ضمنج انه ما بيسير يلف ويدور ويغازل
وما اعرف شو من هالاشياء ..
المطوع اللي يرفضنه البنات الوحده تحب ايدها من ورا وجدام عليه
والله يهديهن ان شاء الله

تســـــــــــــــــــــلم ين ع الموضوع الرائع الغاليه

دمعة شوق

23-04-06 ||, 08:38 PM

وعليـكم السـلام والـرحـمـه

بنـت قريـمـيـش

:boxed:
عادي عادي يختي ياما سمعت هالكلمه من البـنـات
أنهـن مايـبـن مـطـاوعـه
مادري شفيهم .؟!!
:kkk:
بالعكس نفس ما أسلفتي عزيزتي بأنهم يدارونهم وبيخافون عليهم أكـثـر
وبيـربـون أبنائهم أحسـن تـربيـة
’’

بــس أنتـي عنـدج مشـكـلة وحـده
وشو دراج أن هذا مـطـوع
ولا مـطـوع بس اسـم وشهـره
:kkk:
’’
لاتقولين ماشي أنا أقولج شي وأعرف ناس كيـه أونهم مطاوعه
بس وين هالمطاوعه ماشي ألا كيه اسـم
وبـعـدهم أخـس عن الشـخـص الـعـادي
’’’
هـذا من رأيي
والسموحوو منج طويلة العمـر
وأشكـرج على موضوعج الـغـاوي
:kcl:
ولـي رجـعـه عـقب

المزوحي

23-04-06 ||, 09:58 PM

يمكن البنات بيجاوبن أكثر عنا نحن .. ومن راي .. إنه المطوع في نظرها شكليا مش مقبول
بسبب طول اللحية وقصر الكندورة والشي الثاني ممكن تقول إنه يكون مكاني في الحجرة وبس ..
وفي شي إنه في من هالمطاوعة يطلعون متوحشين في المعاملة وطبعا مب الكل نفس الشي ...
في منهم ناس أخلاق .. تعامل حسن وغيره .. حتى تستحي منهم ..

ألم ترى

23-04-06 ||, 10:02 PM

بسم الله الرحمن الرحيم ..

دام فيها مطاوعه بحجز لي كرسي لبعدين ! ..

لي عوده بأذن الرحمن ..

شرجاوي

23-04-06 ||, 10:04 PM

والله اللي اشوفه الحين .. بعض المطاوعه اسم و شكل بس .. عسب يقولون هذا مطوع و محد يقول له شي

اما عن سالفتج ... الصراحه هذي البنت ما عندها سالفه ... ما تبا مطوع ...تبا واحد اليوم بيتزوجها و بعد شهر بيتعرف على وحده ثانيه .. ليييش .. لانه مو مطوع

شكراً قراميشو على الموضوع

الهيثــم

23-04-06 ||, 10:23 PM

وعــليـــكـ ـم الــســلاـم

عــاد انتي ســايرة الجــامعة عسب ادوريــن لنــا مواضيــع :harhar1:
يالله تســلمين اختــي عـ الموضـــوع .. وموضوع جمــيل

يطولي بـ عمرج

من معــرفتــي لـ بــعض النــاس
أشــوف إن الحــريم إلي متــزوجات مطــاوعة .. مرتــاحين عـ الآخــر :yes:
ومب قــاصرهن شي .. من كل النــواحي .. يعني ريــال خــايف ربـه .. ويــعرف كيف يتــصرف في المواقف

ومثل ما يقــولج .. الإنســان المدين إذا خــذه وحــده وحبــها فـ بيعززهــا .. وإذا ما كان يحبــها فـ ما بيظلــمها .. لأنه يعرف ربــه وديــنه .

وبـ صرااحــة أعــرف شبــاب مطــاوعــة .. ما شاء الله عليــهم .. تعــاملهم جــدا جميــل مع أهلــهم
وتنحـــسد البـــنية عـ الزوج إلي عنــدهــا :fa39:

بــغض النظــر عن الشبــاب البـاجين .. مب الكل طبــعا :doh:
لكــن البــعض إتشــوفه ما شاء الله واحد أوكي .. ويمدحــون فــيه

وهو متــزوج .. اتزخــه عقب كم يــوم فـ هـ المول ولا هـاك المول يالس يــلاحق وحــده
وأنــا شفــت هـ الشي بعـــيني ... وأعيــد وأقــول مب الكــل جــذه .. :yes:

وأقــول إن البــنية إلي تحط لـ فارس الأحــلام .. أو شريك المستــقبل مواصفـــات وما دري الـ شو ! .. :kcl:
وتقــول إنه تبــا يكــون جي وجي وعنــده هـ الموتر .. وولد العايلــة الفلانية .. ووسيــم .. ومنصبــه جي
وتهــد أهــم شي وهو الديــن والأخــلاق ..

فـ أحب أقوولهــا ما احسنتي الإختــيار يا إختـــي .. واصبــري عـ اللي بييـــج
لأنه هــا أمــر من الرســـول ... وله حكـــمة عظيـــمة ..

فـ الرســول أمــرنا بإختــيار ذات الديـــن
مثــل ما أمــر النســاء بـ عدم رفض من يرضون خلقــه وديــنه

وإللي يخــالف أمــر الرســول .. ما بيتـــوفق .. وها شي معـــرووف ..

وفـ الأخـــير أشكــرج إختـــي عـ الطرح الجميـــل
ولا تحــرميــنا من مواضيــعج الغــاوية :yes:

^__^

. . .

:fa35:

نور الإيمان

23-04-06 ||, 10:31 PM

بسم الله الرحمن الرحيم

السلام عليكم و رحمة الله و بركاته اما بعد ..

معاها حق :ttmasha: ...

هذا رأيها و امر منطقي ان ترفض مثل هذا التعنت !! ليس كل مطوع متدين !! بل صلاح النفس في القلب ..

تغير الحال اليوم .. لا اريد من يدعي الصلاح ظاهريا و ارى لحيته تصل منتصف صدره .. و يلبس - كندورة - قصيرة .. و ارى خبث قلبه و انحطاط مستواه !!

نعم انها مسألة نسبية وجود الصالح فيهم 50 % ووصول الطالح 50 % ... لا يهمني شكله ان كان بلحية طويلة ام لا .. الأفضل تطوع القلب .. و المطوع ... من طوع نفسه لله .. و زهد في الدنيا و ما فيها ..

اما في حالة الفتاة .. نعم لا اريده ان يتحكم فيني و بتعنت !! :nono: في كل الأحوال ... حكايات " لا " و " لا يجوز " او " حرام " يجب ان لا يبدأ فيها حياته و فورا مع فتاة كانت تقوم مثل هذه الأمور .. مثلا مشاهدة التلفاز .. قد يمنع عنها التلفاز من الليلة الأولى من دون ان يفهمها حرمة هذا الشيء في الشرع و يعلمها تعاليم الدين .. بدلا من اعطاء الأوامر و النواهي فورا!!

ان فكرنا بعقلية اكبر .. سنرى مدى عناد الإنسان في حالة ان تم رفض طلبه و بعنف .. و لكن الحل دائما بالصبر و اللطف .. بل ان الإسلام امر بذلك ..

و في كل الأحوال الداعية الصالحة .. يكون انسانا صبورا حليما و حكيما .. و الحكمة لا تأتي ابدا مع العنف بل لم يكن العنف يوما سبيلا لحل اية مشكلة ...

اما حكاية المطاوعة .. اصبح الكثير منهم من يكون تحت قائمة " غرور التدين "!! مصطلح جديد ابتكرته .. لأنني ارى تناقض في سلوكياتهم !! تناقض كبير ..

اتذكر مرة عندما كنت في حفلة - ملجة اخوي - .. كاشفة الوجه .. في اليوم التالي ارى انه قد وصلني شريطا عن الحجاب !!! فقال لي اخي " هذه من نسيبي" !! .. عجبا هو امره ... لربما ترون ان الأسلوب يعتبر طبيعيا .. لكنني ارى التناقض في عدم اعتماد هذا الأسلوب مع اهله اولا .. قبل ان يتدخل في شؤون الآخرين ..

الموقف الآخر .. كان عندما - هو نفسه - يقول حرام و حرام و حرام .. و جميعنا يعرف حرمة تخصيص حفلة عيد الميلاد .. لكنه احتفل بمولد ميلاد ابنه و خصص بوفيه و اورد الطعام .. :boxed: اوليس هذا منكرا ايضا ؟؟

قصة اخرى ... متدين .. يصلح العلاقات الأسرية ... حرام كذا و حرام كذا .. و يفتي .. بعدها اتضح انه يكلم البنات عن امور مخلة للآداب ... له علاقات غير شرعية و العياذ بالله .. لكنه تخفى تحت ستار " الدين"

هكذا الكثيرون في عالمنا .. الكثيرون اللهم اهدنا و اياهم إلى طريق الصواب ... يتخذون الدين لكي يخفوا اعمالهم ... سبحانك .. و هل هانت عليهم الإسلام هكذا ؟؟

نعم متغصصة منهم ان صح التعبير .. و ارى انه معها الحق .. فمن يريد الزواج بفتاة عليه ان يبدأ معها بالطيب و النصح السليم و اهمها تعليم الإسلام .. كي تفهم لما هذا حرام .. و الأصح ان يكون هو القدوة الصالحة لها ولا ان يمنع شيئا و يقوم به !!

لربما ستكون لي عودة ..
جزيتم خيراً

حلم الطفوله

23-04-06 ||, 10:32 PM

والله على حسب:kkk: وجااااااااااااان تتفلسف حلم brgll:

ماشاااااااااااء الله فيه شباب وااااااااايد ملتزمين ( مطاوعه) وماشاء الله حياتهم الزوجيه من أحسن ما يكون ... يراعي الله بحرمته وعياله وأهله ... الوحده شو تبغي أكثر من جيه !

بس؟ هيه بس؟:kkk:

لو استوى مطوع في سالفة تعداد الزوجات وهالشيء وايد منتشر الحين والعذر الوحيد أونهم يساهمون في حل مشكلة العنوسه ... هالطوع الزايد ما أباااه:no0:

الحساس

23-04-06 ||, 11:14 PM

ماجد سمعت بالسالفه .. ولا صادفت واحد مطوع مربي اللحية الطويله.. عسب ارمس معاهع عن حالته الزوجيه..

لكن باعتقادي الحياة بشكل عام عند فئه الي تسمونهم "مطواعه" افضل عن حياة حياة "كل شي فري"

الصراحه من احلى الوجوه الي احب ادقق فيها هو الشخص المطوع ويههم يشع منه النور والوقار..

المطوع ( فعلا هب اسم) افضل مليون مره عن الشخص الفري او مطوع اسم.. بكل بساطه هذا المطوع (فعلا ) يحاول يتجنب قدر المستطاع الاثام كل هذا لان نيته هي الجنه هب الدنيا الفانيه..

البنت الي قالت مواصفات فارس احلامها وكملن وقالت ماابغيه مطوع ... مجرد انها فكرت ماتبغي مطوع اعتبرها معقده مع علامة تعجب...

نور الإيمان

23-04-06 ||, 11:23 PM

بسم الله الرحمن الرحيم

السلام عليكم و رحمة الله و بركاته اما بعد ..

رجعتُ مرة اخرى ...

نعم .. اريد ان اعقب على مقال اخي الحساس .. و هي النقطة الممتازة في الحديث ان اردنا ان نكون اكثر صراحة ..

المطوع ( فعلا هب اسم) افضل مليون مره عن الشخص الفري او مطوع اسم.. بكل بساطه هذا المطوع (فعلا ) يحاول يتجنب قدر المستطاع الاثام كل هذا لان نيته هي الجنه هب الدنيا الفانيه..

منطقي جدا .. المطوع فعلا .. قلبا و قالبا .. من درس الإسلام الصحيح .. و فهم الحق بإذنه تعالى و يعرف كيف يتصرف في حالات مختلفة .. بل من هو العاقل من يرفضه ؟؟

لكن .. انني اوجه كلامي لمن استتر تحت اطار الدين .. و هم جماعات كثيرة جدا ... مهما كان الرجل يصلي فرضه و يصوم .. و مظهره الورع و الدين .. علينا بالسؤال عنه ..

وبالنسبة للحياة الفري ان صح التعبير .. لا احد يطيقها .. لكن هنالك دقائق الأمور .. مثلا حرمة وجود الصور في المنزل .. و غيرها من الأمور قد تكون الزوجة بحد ذاتها لا تفقه في الدين شيئا .. لذا واجب على الزوج تعليمها طالما هي في عهدته و تحت ظله ...

و لكي نكون منصفين اكثر .. نسبة وجود البشر على تلك الشاكلة هذا العلم عند الله .. ووجب التوكل على الله .. و الرزق بيده .. فالصالحون للصالحات و الخبيثون للخبيثات ... و بذل الجهد في تحصيل الخير .. و هو امر طيب ان شاء الله ..

وجهة نظري كانت شمولية اكثر ... بحيث انني دققت على بعض تلك المجموعة ممن يدعون التدين ولا يعرفون من الدين سوى " بسم الله الرحمن الرحيم " ... فالإسلام دين السماحة و الخلق النبيل .. و في وجود هذه المنكرات في الدنيا يرتبط الرجل كثيرا بوجود امرأة متدينة كي تعينه على الدنيا ولا تعين الدنيا عليه .. و سيطرة الرجل اكبر .. فإن وجد رجل يحمل صفات الدين شكليا اما قلبيا فهو غير ذلك .. لربما يجرها على الحرام و العياذ بالله ..

و لكم ان تدعوا من قلوبكم ان يوفقكم الله بزوج صالح ... و ذرية طيبة .. تسبح الله .. و تمجده و هو الغني و نحن الفقراء .. سبحانك ..

هي فقط كلمات كتبتها مما اسمعه و اراه في حياتي الخاصة .. وجود مثل هذا التناقض الذي يجعلني ادقق كثيرا في كيان الرجل .. و الحمدلله على كل حال ..

جزيتم خيراً

لبن مثلج

23-04-06 ||, 11:51 PM

قرموشه ،،، يسعد مساج ومسا المطاوعة :yes:

موضوعج متداول بين فئة البنات ...

والبنت الي ترفض المطوع تراها عقلها علىقدها (نجوم الخليج-الميدان-السينما....) هذا هو همها الاول والخير ..
وعقب ماتعدي هالمرحلة (المراهقة) بتعرف شو يعني هالتفاهات وبتعرف قدر المطوع الي يغير حياتها من الظلام الى النور ...

الصراحة بخبركم عن تجربتي في البيت كاخت ومش كزوجة .. الي صار ان عندي اخو مطوع والحمدلله غير مجرى حياتنا (طبعا بفضل من رب العالمين ومن ثم فضله) وقمنا انعرف شو لنا وشو علينا من حقوق تجاه رب العالمين ... ترا الواحد يكون عايش في غفلة ومايحس بالصح والغلط الي لما يكون في توجيه ديني صحيح وعقيدة سليمة ...

تراها نعمة ...

والانسانه الي تقبل بالزوج الصالح صاحب الدين بترتاح في حياتها لانه بيخاف الله فيها في كل الامور ومن ناحية ثانية بتكون مطمئنة على تربية عيالها التربية الصحيحة (مب مثل عيال هاليومين الشعر ممزور جل وجنهم حاطين فيه شلك :doh: ولا الشعر الطويل - يقولك يبا يقلد برنامج الميدان وهذا غير الي يتكلمون انجليزي ولا مايصلون و.............) يعني بيتربون على المسايد وعلى السنن والفقه وحفظ القران ويالله على اجر هالتربية بالنسبة للوالدين ...

وفي النهايه الله يرزق بنات الواحات (وانا وياكم) بزوج صالح ذو دين وخلق لانها هاي هى الراحة الزوجية :kcl:

وبس تعبت :fa34:

إسهر معي ليله

24-04-06 ||, 12:23 AM

قلة عقل،، عالعموم الإسبوع اللي طاف كانت خطبة الجمعه عن هالموضوع

وقال المطوع،، لما البنت بترفض المتدين والخلوق فـ هاي فتنه،، ويا مكثر الفتن هالأيام

كلها علامات يوم القيامه،، الله يستر

واذا هيه بترفض المطوع تراها هيه الخسرانه،، وفنفس الوقت انقذته منها بدون قصد خخخخ

لمّــاح

24-04-06 ||, 12:50 AM

الـــسـلام عليكم ..

أنا من متى أفكر في هالمواضيع، و لازم بين فترة و فترة نرمس عن هالمواضيع ( مواضيع الزواج يعني ) حتى الوالدة لاعت جبدها مني :puppyeyes:

صدق ناقصات عـقل، ماقول غير الله يهديهن هالبنات ..!

أولا، هالبنت متفائله ان حد بـياخذها ؟؟

نسبة الإناث في البلاد تقريبا 75% ( من ظمنهن البنات و العيايز و الامهات ) و الرياييل 25% ( من ظمنهم الشباب و الشواب ) هذا معناته ان نسبة الشباب المقبلين على الزواج قليلة جدا مقارنة مع البنات ( حطو في حسبتكم ان الشاب بإمكانه انه يتأخر شويه و يعرس وهو كبير اما البنت لأ بتعنس، ثانيا مجموعة كبيرة من الشباب تغير فكرها و مايحبذون فكرة الزواج المبكر و الاسباب كثيرة منها تكملة الدراسات العليا، سوالف البنات الي يسمعونها، غلاء المهور و تكاليف الزواج ..الخ ) أمــا الــبنات فهناك نسبة قالها مره واحد، ان لكل 5 مادري 4 بنات ولد واحد .. !

البنت في وقتنا الحالي تحمد ربها اذا تقدملها واحد ، نعم يمكن يتقدمولها وايدين غيره عقب .. و يمكن لأ !!
هذا واحد، ثــانيا، فما بالكم اذا تقدملها واحد ملتزم .. ؟؟
البنت هاذي مابتوافق عليه أو بترفضه الا عقب ما تسـأل عنه، الزواج مب لعبة خذوه فغلوه ! الآدمي العاقل يوم يخطب بنت من البنات يسأل عنها اهله و اقرب ربعه و هم بالتالي يقومون بدورهم و يسألون اهلهم و ربع البنت و يراقبون البنت من بعيد لبعيد عشان يعرفون شو معدنها و البنت نفس الشي لازم تسأل عن الولد، أما هالفئة من المطاوعة الجمبازية الي تكلمتو عنهم فالغلط من الاهل لأنهم ماسئلو عن الريال عدل .. طبعا في النهاية هذا مجرد قرار يتخذه الانسان و قرارات الانسان دائما ناقصة فالكمال لله وحده، لكن الواحد يسوي الي يقدر عليه و يستخير !

أستغرب من البنات الي انشوفهن، يعني مابنقول مجموعة صغيره من البنات، أنا اتكلم عن مجموعة كبيرة كبيرة كبيرة جدا، يمكن بالمئات، و غيري مرن عليه وايد بنات بعد من هالنوع .. امية من عندي و امية من عند غيري صارت المجموعة أكبر من هالبنات .. معقولة هالبنات مايفكرن في الزواج و عادي عندهن يطلعن شعورهن أأو يكلمن شباب و يكونون فريي وياهم ... الخ من سوالف المغازل ... ؟؟
غريبه والله غريبه.. عندي احساس انه بتمر فترة على الشباب بيكون الاختيار جدا صعب !!
نعم، يمكن يكون اختياره موفق وياخذ بنت زينه، لكن في نفس الوقت يمكن ياخذ وحده مب زينه !!
و مثل ماعندكم شباب مطاوعة، هناك بنات ملتزمات، لكن للأسف بعض البنات شوهن سمعة النقاب و الغشوة و خلن النقاب و الغشوة لأعمال التستر، مثلا تتغشى اذا كانت مواعده، و تتنقب اذا طلعت ويا حد من هلها عسب محد من يعرفها من الشباب .. الخ من هالسوالف .. و نفس الكلام ينطبق على الرياييل، شي مطاوعة زينين و شي عندكم مطاوعة والله انهم !!
بس في النهاية، الرياييل عندهم خيارات لكن البنات خياراتهم محدوده و حتى لو خلصن بنات البلاد بإمكان الولد انه ياخذله أجنبية أما البنت تقريبا شبه مستحيل اهلها يوافقون على واحد أجنبي ..
صح عملية اختيار البنت الصالحة للزواج عملية صعبة جدا، خصوصا مع الاسباب الي ذكرتها و الاشيا الي نشوفها، لكنها مب مستحيله و اذا واحد تقدم لبنيه و انرفض لأنه مطوع أو لأنها تتشرط وايد و الشروط الزايده عن حدها مب متوافره فيه .. ما اقول غير الله يهديها و يكملها بعقلها .. البنت تتمنى الريال الصالح في وقتنا خصوصا مع عدد الشباب القليل .. هذا اذا ماقلو اكثر بسبب موتهم في الحوادث .. :no0:

أمرين

24-04-06 ||, 08:08 AM

خطاب

انا وياك في كل اللي تقوله ..

ويمكن يكون واحد ملتزم اشوي .. بس يسموونه مطوع .. الله يهدي الجميع
أنا اشوووف المطوع مب بلسبه ولحيته ...
أنا يهمني الريال بأسلوووووبه .. وما عليه من مظهره

تسلمين بنت قريميش ع الموضوووع ... اففف يبتيها ع العووق والله.. هههه

شمعة أمل

24-04-06 ||, 09:37 AM

الحياه احلى يوم تاخذين واحد متدين لانه يقدر الحرمه ومابيقصر فيها .. بس مب الى قاص على الناس ومسوله لحيه ومن ورا كلحد يظرب حرمته!!.. لالالا

ريل بنت عمي متدين وهي وايد مرتاحه في زواجها اكثر من اي وحده من خواتها .. الله يحفظهم ويخليهم لبعض .. مع انه متدين بس مايحرمها من اشيا مثلا يخليها تسوق ومن كثر مايخاف عليهم *ماشاءالله* لازم يلبسون الاحزمه ولازم اليهال يلسون ورا ممنوع جدام وحتى مايخليها تحط مخفي عشان تروم تجوف عدل ^_^

عشان جي فكرتي انا لو اخذ واحد متدين بكون مرتاحه:kcl: بس وييييييييييييين وراي عشر سنين لين مافكر اعرس:fa35: بس الشي الوحيد الى يمكن مايعيبني لو خذت وحد متدين مابيخلني اشتغل:sadwalk:

لمّــاح

24-04-06 ||, 10:46 AM

ولد الحكومة

24-04-06 ||, 10:48 AM

وعليـكم السـلام والـرحـمـه
جيف الحال يا شباب الواحه :fa38:

بنـت قرمووووووشة :fa35:
الصراحه لو بشكرج بس بعدني ما بوفي وبعطيج حقج ، والله موضوع مهم وخاصه ان يتكلم عن واقع حقيقي موجود في بلادنااااا ... كل الشكر والتقدير لج يا أختي :fa34:

أحم أحم :doh:

أما بعد ... :ice:

هذا التصور الخاطئ الي تقع فيه بعض البنات وعلى فكرة وايد بنات ما يبووون " مطاوعه " :bye2: (وحليلهم المطاوعه ، فكل شيء يدخلونهم :fa36: ) ،،، ليش ؟

انا بقولكم ليش ، أونه المطوع ما بيخلهاااا تظهر ويا ربعهااا ، ما بيخلهااا اتسير أعراس ، ما بيخلهااا اتروح سناتر ، ما بيخلهاااا اطالع التلفزيون (وخاصه برنامج الميدان :hist: اسولف تراني ، ما بيخلهااا اطالع القنوات الفضائية ......... والله لو برمس من اليوم ولين باجر بعدني ما بخلص :shock:
والله انا اعرف ناس ملتزميين بس مش انه مشددين لا والله بالعكس ملتزم في صلاته صيامه ، دينه ، لبسه ، شكله ، ملتزم في كيفية تعامله مع الناس .......................... الخ ومنوه في هالدنيا ما يحب الستر ...

والسموحه

ولد الحكومة

24-04-06 ||, 10:50 AM

بخصوص الشغل، مب شرط اذا مطوع يعني مابتشتغلين !!

هالشي يعتمد على الريال .. انا عن عمري ما احبذ ان حرمتي تشتغل .. مب حية ان ماشي ثقة لكن احس انها مب محتاجه للشغل .. بس اذا حسيت انها تبغي تشتغل بخليها تشتغل بس بشرط ماتشتغل في الاماكن المختلطة و اذا يابت عيال تودر الشغل و تتفرغ لعيالها ..

صحيح كلامك أخوي لماح ، هاالشيء يعتمد على الريال وفي نفس الوقت ايكون بينهم تفاهم بعد ... وفي مطاوعه بعد حريمهم يشتغلن والحمدالله امورهم طيبه ... :kkk:

والسموحه اخوي ع المداخلة بس ردك عيبني وكان منطقي

تحفه

24-04-06 ||, 11:35 AM

مادري والله ..

بس يوم بفكر اتزوج .. يُفضل يكون واحد مثلي .. يعني حتا يوم اخترش يكون عندي ضمير لول

قرموشة

24-04-06 ||, 01:35 PM

السلام عليــكم والرحمـــه ..

امممم .. شكـــلها سوالف الجــامعه تعيبكــم :fa35:

دانــه حــتا ..
شكــرا عـ الاطــراء ..
وصدقــج .. البنــات هـ الزمــان غــير ..
يعــني المفروض يحمــدن ربهــن على ما ياهــن من نصيــب ..
وشكــرا عـ الرد ..

دمــعه شــوق ..
ياحيــاالله من يانــا :mar7aba:
امممم .. والله قصــدت في موضــوعــي .. المطــوع " الصجــي "
واحتــمال انــه يكــون غير عن الباقــي
بس ما أعتقــد انــه بيحرم حرمتـه من اشياء وايــده . ..
كفايــه انه يخاف ربــه فيها ..
وأنواع المطاوعــه .. " يباله موضوع خاااص " :doh:
^__^

المــزوحــي ..
يمــكن البــنت السطحــيه تهتــم بالمظــهر الخارجــي بشكــل رئيسي ..
لكــن العاقلــه ما أعتقــد انها تفكــر بـ هالاشيــاء .. أو يمكن .. بس بشكــل بسيط
ومثل ما قلــت أنواع المطاوعه يبالهم موضوع بروحــهم .. مسويــن أزمــه:kkk:
شكــرا عـ التواجد أخويــه ..

محــب الشيخــين ..
أنتظــر عودتك .. ^__^
:fa35:

شرجــاوي ..
امممم .. " مطاوعــه غش "
هــاييله صدق يبالهــم موضوع:negab:
وانا وياك أخويــه .. يعني البنت المفروض تحمد ربهــا عــلى هـ النصيب مش ترفضــه ..
بس يمــكن تكون هنــاك أشياء ثانــيه .. تخليها ترفضــه ... أو ما تتقبل مطوع ..
بس المهم م تكون أشياء سطحــيه :yes:
شكــرا عـ التواجــد ..:fa35:

لـــي عــوده .. :kcl:

قرموشة

24-04-06 ||, 02:14 PM

عدنــــــــــــــــــــــ ـــــــــا :kcl:

خــطاب ..

حــياك اللــه ولــد عمــي ..
هههههه .. شفــت عااد .. أصلا ما شي غــير الجــامعه حق هـ السوالفbrgll:

اذا حــبها .. تراه بيعززهــا .. واذا ما حبهــا .. ما بيظلمــها .. 100%
امممممم .. عيبنــي ردك .. منطــقي ..
وأكيد مثــل ما قلــت ان الناس هــب كــلها شرات بعــض .. في منهم الزين والشيــن
وانا مثــلك شايفــه .. يعــني جدام الاهــل شي .. وجدام الربــع شي ثانــي ..
بس اللــي يخــاف ربــه غــير .. تراه يخافــه في كــل مكان ..
وفي النــهايــه تراه مرجــع البنت لنصيبــها .. سواء حــطت المواصفات أولا ..
يعــني خلها تستانس شوي .. ^__^ :harhar1:

وشكــرا على وجــودك خطاب .. صدق أسعدنــي .. :fa35:

اللؤلؤ المكنـــــون ..

اممممم .. يعني أفهــم من كــلامــج انــه المطــاوعــه أنواع ..
والنوع اللذي يحبذ وجــوده هو اللي تقوم تصرفاتــه على الطيب .. ويتمــيز بسهــوله التعامــل ..
مش اللــي يكــون " مطوع " بالاســم .. ولكن في المقابــل صفــاته سيئــة ولا يحسن التعامــل مع النــاس ... وكــل شي
يكــون بالقوة .. بس البنت في كلامــها لي .. او اللي فهمــته .. انهــا تقــصد بشكــل عام .. يعنــي مجرد كــونه مطوع !! وهــذا الشي يعــني فعلا أذهــلني ..
لانــي أعرف شخــص .. " ريل خالتــي " فعــلا نعم الانســان .. والكــل يغبطــها على مثل هـ الزوج ..
أخلاق وتدين .. وكــلمه الحق ما يسكـتت عنها اضافــه اللى الشكــل الخارجي .. ( اللحيه + الكندورة ).. لكــنه مش صــارم .. بالعــكــس .. الكــل يحــبه لانه من النوع اللي يضــحك .. ويرمس .. واذا بغــى ينصــح .. دايمــا تكــون بالكــلمه الطيبه .. وعمــره ما زعـل حد فينــا
شكــرا على تعقيبــج .. يا نور الايمان .. :kcl:

حـــلم الطفولــه ..
خذي رااااااااااحتج .. ^__^
يعني انتي تشوفين تصرف البنت غلــط . ..
وعنــدج اعتــراض على تعــدد الزوجــات .. ( وياااااااااااااااااج ) هيهيهي
تسلمــين يالشيخــه عـ التواجــد .. :thumbup1:

دكــتورنــا .. الحــساس ..
شكــرا على ابداء رايــك ..
وفعــلا في نــاس تحب تشوفهــم .. لانــك تحس بالراحــه معاهم ..
ونحن نفس الشي .. عدنا بنات في الجـامعه .. وفعلا الله يذكــرهن بالخــير .. أتمنى انــي أكون وياهـن 24 ساعــه ..
من الكلام الطيب والاخلاق الحسنــه اللي يتمتعون بهــا .. :blush:
^__^

لبن مثلـــج
امممم .. يمــكن .. بس مش كــل البنات تفكــيرهم سطــحي ..
يعــني ممكن ينرفض المطوع لاسباب ثانيه ..
لكونــه صارم أو شي من هـ القبيل .. .. بس لو كان نعــم الريال في الاخلاق والتدين والسمات ليش ينرفــض ؟:fa55:
انا هــذا اللي مستغــربــه منــه ..
وان شاء الــه .. الله يسمع دعــائج ..
^__^

اسهــر معي ليلــه . .
واذا هيه بترفض المطوع تراها هيه الخسرانه،، وفنفس الوقت انقذته منها بدون قصد خخخخ
ههههههه .. ضحــكتني والله ,,, brgll:
بــس ما تدريبــها .. يمــكن البنت تهتدي ..
والله يعيــنا عـ الفتن هـ الزمــان ..
شكــرا عـ التواجد .. ^__^

لـــــي عــوده لقراءة باقــي الردود

عمة العيم

24-04-06 ||, 03:06 PM

اعتبر هالبنيه تبا ريلها يكون خاتم بيدها

و مثل ما قاالوا ان عقلها على قدها من قوم نوم الخليج و ستار اكاديمي و ستايل و كول و اوه ماي قود و كل صيف بسافر ماروم اموت ماقدر لازم و ......

و انا ارثي لحال هالفئه من البنات...على فكره في شباب جي بعد دوم يقولون ابا بنت كووول فرييييي

حسبي الله و نعم الوكيل

السموحه

خدافس

الغاليه

24-04-06 ||, 04:38 PM

صح كلامج يا قرموشه .. واايد من البنات مايبن المطوع .. او من شروطها مايكون مطوع ..

اعتقد هن يطرن الريال المتشدد اللي بدال مايسعدها بينكد عليها .. واكيد مب قصدهم الريال الملتزم صح بتعاليم ربه وبالتالي بيكون رجل مثالي لها في التعامل وحسن العشرة..

وبالنسبه لي ماعتبر كل مطوع هو الانسان المثالي .. وفي رايي انه مطاوعة هالزمن صاروا اشكال وانواع ... ومنهم وايد مطاوعة ( صورة ) وليس حقيقة .. يعني مجرد شكل خارجي وبعيدين عن اخلاق الاسلام في حسن التعامل مع الناس و في الصفات والأخلاق وحسن الهيئة و طرق النصيحة ...

يعني الواحد من يشوفهم ينفر تلقائيا منهم لانه يشوفهم عابسين دايما وتقاسيم ويوهم مكشرة وتحسهم معصبين من غير سبب .. وغير عن منظرهم الخارجي اللي قد يكون احيانا مش مرتب .. او ابعد للنفس من انها تتقبله .. لني لاحظت وايد منهم يحبون يربون ( كرشة ) مع لحية طويلة جدا .. وكندورة قصيره جدا .. وويه عابس ومكشر .. ( يوحي بالقسوة اكثر من انه يوحي بسماحة الاسلام وهدايته )

مااعمم بس في فئة غير بسيطه منهم جي .. ولحد يزعل مني .. انا اقول شعوري الداخلي اللي احس فيه يوم اجوفهم ..

ومثال لموقف استوالي ..

كنت نازله الحرم .. و بغيت شي من محل عدال الفندق .. وكان اللي يبيع فيه ريال ( اونه مطوع ) ..
حليلي حادره عالسريع .. ودشيت المحل وقلتله ابا ... بعدني ماكملت رمستيه جان ايقولي يافاجره يافاسقة كيف ادشين المحل روحج من غير محرم وهذي خلوة وانامابيع لحد في وضع حرام .... الخ :boxed: .. وانا طبعا اتجمدت الكلمات فلساني وقلبي من خاطري يقوله محد غيرك فاسق جان جي يسهل عليك قذف الناس بهاي الألفاظ ..

ومانكر اني مانجرحت من كلماته .. وحتى لوكان في كلامه نسبة من الصحه وهو اني حدرت المحل من غير حد .. لكن انا حدرت لاقل من 5 دقايق مب اني يايه أعيش في المحل !! .. وبعدين لوبينصح لا ينصح بهاي الطريقه !!!

فها مثال لواحد من المطاوعة ( شكلا ) بس .. وللاسف يعطون نظره مب زينة عن الاسلام والمسلمين والمتدينين بشكل خاص ..

لاتقولونلي ماشي منهم .. شي منهم وايدين ..

لكن اكيد بيكون شي منهم ناس خلوقين بعد ..

فاعتقد من اهم الامور انه يكون هناك توافق فكري بين الطرفين اللي بيتزوجون ..

والرسول في الحديث .. يوم نصح باختيار المرأة قال للريال ( فاظفر بذات الدين تربت يداك )

لانه دايما دين المرأة يؤدي الى حسن خلقها في الغالب ..

لكن الرسول اللهم صل عليه يوم نصح باختيار الرجل قال ( من ترضون دينه وخلقه ) ..

لانه مب دائما الرجل المتدين يكون رجل خلوق .. !! ..

والله أعلم ..

واسمحولي عاد .. هاللي اشوفه من وجهة نظري الشخصية اللي قد تكون خاطئة او قد تكون مصيبة ..

قرموشة

24-04-06 ||, 10:14 PM

لمــــــــــاح ..

ردك ما شاء اللــه ممزور أشيــاء .. ولو انــك طلعت برع السالفـه طشونــه ..
بس كـلامك صــح .. يعني البنت لو رفــضت الريــال .. وتمت ترفــضــه لاسباب معيــنه
بينتهــي وضعهــا بالعنوســه .. لكـتن الريال ما يعيبــه ..
بــس البنت في هـ الحالــه رفضــت انه يكــون مطــوع .. للأسباب اللي ذكــرتــها ..
ومــمكن انـــها ما ترفضــه اذا سألوا عــن الريال قبــل ويعرفــون أطباعــه وتصرفــاته .. مثــل ما قلــت .. وأكيــد هـ الشي ما يكــون بسهــولــه .. والريال نفــس الشي .. يصعب عــليه اختــيار البنت .. المنــاسبــه ..
وفي النــهايــه أفهــم من كلامــك .. انه لو ياهــا شخــص . وعلى خـلق ودين .. ما ترفــضــه .. لانهــا ما بتحــصل شخــص شراتــه ..
شكــرا عـالتعــقيب يا لمــاح ..

أمـــرين ..
صح كلامــج .. مش كـــل من إلتحــى ولبــس كندوره قصيــرة يعني مطوع ..
تسلمين عـ التواجــد يالشيخــة ..

شمــعه أمــل ..
حــلو تفكــيرج ..
والله يحفظ لج بنت عمتــج .. وعقبالج .. ^__^

لمــــــــاح .. في ناس ما ترضى على حريمــها انهـــا ما تشتغــل موول .. وهـ الشي يقــهر ..

ولــد الحــكومــه ..
شكـــرا .. ^__^
ومــعــظم البنــات اللي ما يبون مطــاوعــه يكــون تفكــيرهم في الامور الدنيويــه ..
وصدقــك والله .. منو ما يحــب الستــر ..
تسلم عـ التواجــد ..

أم خــدود ..
يكفي مرورج .. ^_^ :fa37:

عمــه العيــم ..
أشكر مرورج ..
بس اللــي أعرفــه انــه البنت هــي اللي تبا واحــد يمشيهــا على حد شعــرها .
مش الريال اللي يبا وحــده فري ..:shock: . الا اذا كان لغرض غير شرييف ومش على سنــه الله ورسولــه ..

الغاليـــــــــــه ..

هــذا هو تفكــير الاغلبيــه على ما يبدو بعــد ما قريت ردودكم ..
وفــعلا .. في ناس " مطــاوعه " تصرفــاتهم تدل على اللقــب اللي يحمــلونــه ..
وفي ناس .. لا يليق عليهــم اللقب بالمــره .. ومجرد شكــل خارجـتي .. لا أكــثر .. ومثال .. الموقف اللي استوى لج ..
والشخـــص لو بغـــى ينصــح بتكــون النصيحــه بالطيبــه .. هب بالسب .. والقذف ..
وعيبتــني آخــر فقــره ..
حمــكه الرســول لى الله عليــه وسلم,, ان الفتاه اذا كانت ذات دين صــحلت .. ولكن الرجــل يجب أن يجمــع بين الاثنــين ..
الغـــــــــاليــه وجــهه نظــرج .. على العين والراس ..
وشكــرا عـ التواجــد الرائــع ..

كـــــــــــــــــــــل الود ..
قرمـــــــــــــــــــوشـ ـة

فركوشه

24-04-06 ||, 10:46 PM

بالعكس.. احس ان الريال المطوع يقدر حرمته اكثر من اللي مب مطوع.. او فري بمعنى اخر..

وابسط مثال ريل عمتي امطوع( بس مب شرات المتعصبين).. عادي وياه اذا عمتي تشتغل ولا تسوق سياره ولا تسير حق رفيجاتها..

وانا اقول حق هالبنيه.. ما يهم اذا يا واحد مطوع خطبج ولا لا..

اللمهم انه يعرف اللي له واللي عليه..

وعلى فكره مب كل مطوع متعصب..

الجديدة

24-04-06 ||, 11:38 PM

و عليكم السلام و رحمه الله و بركاته

لك شخص وجه نظر في الرجل المطوع
بس اللي انا شايفتنه ان المطوع أفضل عن اي شاب لاسباب مختلفه
أولها أن عارف حق زوجته و بيته و عياله و أهله
الرسول عليه السلام أثنى على الزواج من الرجل صاحب الدين
الشي الثاني اه اللحيه و الملابس القصيرة مش من شيم كل المطاوعه و لا يقاس الرجل بطواعته و التزامه بالدين بطول لحيته
إنما بدينه و علمه و ماله.
بالنسبة لي فأخي مطوع و متزوج من مطوعة بس ما مربي لحية كبيرة و لا يلبس ملابس قصيرة وايد
إنما بالاعتدال و بالعكس ما حد في البيت أحسن منه هو و زوجته( هذا مثال)
المثال الثاني نفس الشي أخوي الكبير متزوج من امرأة عادية بس شو متعصب و ما يحب المرأة تطلع و لا يحب الطلعات كثير بس ما ملتحي كثير و لا يلبس ملابس قصيرة
هذه أختي أمور حسب ما يقولوا فطره في الانسان
لا تتعقدوا من المطوع ترى في ناس طيبين و زينين
و في ناس وايد معقدين

و تسلمين على الموضوع

كشره

25-04-06 ||, 03:06 AM

شوها الي مابا وابا ....

اصلا بنات هاليومين يبالهن واحد يصلبهن :bow: :narr: ها،،،

وبعدين المفروض تحمد ربها اذا ياها ريل .. ترا في هالزمان الريال غالي مب رخيص شرات قبل ... :ice:

والمطوع على العين والراس (ريال والنعم) :yes:

الـيـاه

25-04-06 ||, 05:15 AM

سلااام

أول شـي مشـكــوره على هالمـوضـوع الحلـو

عني أنـا يـوم نيـب طـاري الـعــرس ويـا ربـيـعاتـي دوم اقــولهـم انـا مايهـمنـي الشـكـل
ماشـي إنسـان قبـيـح والله خالـق كـل واحـد فـيـنا بأحـسـن صــوره :fa35:

المهـم | شخصـيـته | وأخـلاقــه | وذرابـتـه
لانهـا هـي اللـي تـدوم وألا الشـكـل والـحـلاه يخـتـفـون مـع مــرور الـوقــت

واشـوف أن الـريـال المتـديـن هــو اللي يقـدر يسـعـد حـرمتـه صـدق لانـه يخـاف ربـه ومـا بيتجـرأ انـه يسـوي شـي يـضـر زوجـتـه !!
وبيـربـي عـيالـه أحـسن تـربـيـة :yes: وإذا سهـت حـرمـتـه عـن شـي ويـا كـثر غـفـلات الـحـريــم
بيـذكرهـا بالله وبيعـودها على اتبـاع سنـة الـرسـول واجتـنـاب المحـرمات وغـيـرها .... etc

<عـكـس الـريـال الغــير متديـن>
اللـي هـو روحـه بيـكـون غافــل عـن ديـنه شـويـه ويجـهـل أمـور كثــيـره :kkk:
طبعـا ً ما اقـلل مـن قيمة اللي مب ملـتزم بالعكس فـي منهـم محترميـن وأحـشام بس ناقصنهـم شي ؟

ومب كل المتدينيين واحـد :boxed: !! يمكن أسبـاب رفـض البنات لهـم هـو سبـب هالفـئه الغـلط منـهـم
اللي يستخـدم الحرمـه وسيـلة لخـدمـتـه كأنهـا عـبـده عـنـده يتأمـر عليهـا على كيـفـه

ومب شـرط إذا كان متديـن يعني هـا متعـصـب ومابيخلي حـرمـته تسـوي شـي
بالعكس
في منهـم وايـد سمحـين وشرحـين يـراعـون متطلبـات الـزوجـه فـي كـل شـي ويوافقـونها فـي رايـهـا
بشرط انـه ما يخالـف شريعـتنا وهـذا فيـه مصلحة لهـا ولبـيتهـا :fa41:!.

والسموحــه

.
.
.

الـيـاه

25-04-06 ||, 05:24 AM

نسيت اتكلم بخصوص الشغل ؟ :daleel:

إذا صار وقالي ماباج تشتغلين .. اصلن انا من البدايه مب مفكره اني اشتغل
لا في قطاع حكومي ولا خاص ..

ابا اكمل درااااستي وبس :smartass: .. وتكون عندي خلفيه تشمل كل شي يخص المجال اللي بتخصصه
عسب عقب أنا أكوّن لي شغل خاص فيني

متى مابا ابا بوقف شغلي وبتفرغ لعيالي مابكون متقيده لا بدوام ولا شي
وأتجنب بعض السوالف اللي تستوي في الدوامات

فـ اظن انه بيوافق !! :fa38:

.
.
.

الحساس

25-04-06 ||, 09:48 AM

ليش البعض ماخذ فكرة ان الريال الملتزم او المطوع يضرب مرته وعياله او انه يمنع حرمته من الشغل؟؟

لكل قاعده شواذ وشي هالنوع وهالنوع .. وبكل بساطه نحن مانسمع ان والله ريال مطوع سمح لمرته انها تشتغل لان الموضوع عادي بس نسمع ان المطوع منع حرمته من الشغل # خبر تلتقطه الاذان بسرعه#

زمن ان الريال يضرب حرمته ولى..# بس ماندثر# زمنا هذا صار فيه تفاهم بالكلام اكثر صار وعي اكثر بالحقوق والواجبات .. الحرمه صارت شخصيتها اقوى..

المطوع ببساطه هب وحش.. لان الي صوره بهالصوره هي المراة الي انظلمت على يد بعض الاستثناءات من هالبشر..

لمّــاح

25-04-06 ||, 10:30 AM

الحـساس .. و العكس ايضا صحيح .. الكثير من الشباب يقولون مانبا وحده مطوعة !! (( هيه نباها ملتزمه اتخاف ربها لكن مب مطوعة )) ..

السبب ؟؟
بعض الشباب خذو هالنوع من البنات و كانت تصرفاتهم غريبه ، بعض البنات منعو التيلفزيون عن الريل و الاطفال، و البعض الآخر اهملو عمارهم من ناحية الملابس و المكياج و غيرها من هالسوالف بحجة ان هالاشيا غلط فأدى هالشي الى نفور الريال منها .. !!
و دايما دايما دايما نسمع من الشباب، مانبا وحده مطوعة، بتنكد علينا حياتنا ماتعرف تسولف و تتعدل حق ريلها، مب شايفه شي من هالدنيا، ماتعرف تتصرف اذا استوا شي .. الخ ( كأنها يايه من كوكب ثاني ) :puppyeyes:

بالمختصر المفيد .. مثل ماهناك شباب من هالفئة هناك أيضا بنات من هالفئة بس المهم ان الواحد يحسن الاختيار و يختار الملتزمة المعتدله ( او البنت تختار الملتزم المعتدل حتى لو كان ملتحي ) .. للعلم الشباب الملتحين هم اكثر ناس يسولفون و عندهم سوالف حلوة و رحلات .. الخ و انا عن عمري وايد ارتاح يوم ايلس ويا هالفئة من الناس (( الفئة المعتدله مب المتشددين )) :)

قــرموشه .. انا اصلا ردي كان كله برع الموضوع و كان طويييييل، عقب مانزلته انتبهت اني كاتب شي مايخصه في الموضوع فمسحت وايد اشيا و عدلت فيه :harhar1:
الله ايوفقكم و يرزقكم الزوج الصالح الي يسعدكم ..

طير الحب

25-04-06 ||, 12:47 PM

السلام عليكم ورحمه الله وبركاته...

أولا بالنسبة لي ما احب الكندورة القصيرة وبالنسبة للحية هذا شيء خاص به سواء يحب يطولها ولا لا (بس انا ما احب اللحية الطويله) والريال يكفي عندي انه بقلبه يكون ملتزم والتزامه هذا بينعكس إيجابيا على الحياة الزوجية يعني بيراعي ربه في كل شيء وما بيحاول يقصر على زوجته والسبب خوفه من الله...وانا أقصد المعتدلين الملتزمين دينيا...وهذا نصحية لكل بنت أهم شيء في الزوج دينه لأنه بينعكس على حياتكم...يعني انا اكره شيء عندي ريال ما يواظب على صلاة الجمعه ولا ينسى يصلي أثناء طلعاته مع ربعه...والله يرزقكم ويسعدكم يارب

نور الإيمان

25-04-06 ||, 12:49 PM

بسم الله الرحمن الرحيم

السلام عليكم و رحمة الله و بركاته اما بعد ..

يبدو ان النقاش قد اشتد نوعا ما .. و اصبح اكثر حماسيا .. و هذا امر طيب في ان نفكر و نحاول فهم الموضوع ... و الأجمل من اشتاق إلى اسمي القديم كما اشتقتُ انا له " نور الإيمان" :)

من ناحية المطاوعة ان صح التعبير .. فإنني اوافق الأخت الغالية " الغالية" :)

نحاول ان نكون متدينين .. و ليس معنى ذلك في ان نخلط الحابل بالنابل .. بل من يفهم الإسلام حقا يعرف ان البشاشة امر مهم .. الصدق مهم .. بذل الحب مهم .. التعاون مهم .. الإيثار .. الأخوة و التآخي .. الإحترام .. احترام الشخص و فكره و مبدئه .. هذا هو الإٍسلام بحق .. و ليس ان نتلاعب به .. كمن يقرأ حرف او حرفان افتى نفسه عالما!! .. كمن تتضارب عنده الأفكار و يشوش ذهنه بطوائف اخرى لا يفرق فيها اين الإسلام الصحيح!! ..

بل انه المسلم صحيح القلب و البدن .. محب للخير .. اما حالات المنع البات و الحرام و الحرام .. يحتاج فيها الإنسان إلى الصبر مع الآخر ..

و اقصد بالصبر .. ان يعلمه و يفقهه في الدين و يفهمه لما هذا الأمر حرام .. مثلا حالة منع التلفاز .. يجب ان تكون هنالك بدائل ... اما العصبية فهو امر مرفوض في كل الأحوال .. و الحوار و الفهم امر مطلوب في كل الأحوال ايضا!!..

المرأة المتدينة .. الرجل المتدين .. لنكن اكثر واقعية .. الإعلام اولا شوه صورة المتدينين .. ثانيا المغترين بالتدين و الصلاح و هم كثر في المجتمع .. و اخيرا لمن لا يفهم دينه و يدعي التطوع!! شوه الدين ايضا ..

لهذا من لا يعرف دينه قد اضاع كل عمره .. و ايضا و الأهم ان نسأل و نتفقه في كل النواحي الحياتية .. الدين معناه اليسر و محاولة امتصاص الإنسان العنيد او الغاضب بصورة ذكية و ليست بالعدوانية القبيحة!!

من منا في واقع الحياة لا يريد من لا تعاونه في الدين؟؟ او لا يعاونه في الدين ؟؟ ... بل ان من تزوجت رجل دين قد فازت .. لكنني في واقع الحياة .. لا اؤمن بمنطلق المظهر الدين يعتبر دين القلب!! .. احيانا حتى و ان كان شكل الشخص عادي جدا .. يلبس ملابس نظيفة مرتبة .. و لحيته لا تصل إلى صدره .. او لا يلبس الملابس القصيرة .. قد نرى فيه الورع اكثر من اي انسان!! ..

و اعرف قصة واقعية .. -بايخة- ان صح التعبير .. رجل يتلذذ بالنساء .. و لا يغض الطرف ابدا .. و يمنع زوجته منعا باتا من استخدام الإنترنت .. و نراه هو مداوم عليه ليل نهار .. الماسنجر لديه مطلي بالبنات ... يحادثهن بالهاتف بحجة " قوارير " يجب الحفاظ عليهن .. و انه حلال بالنسبة لهن في ان يقول المنكر و يفعل ما يشاء .. و ما هو إلا غرور التدين .. و كأن الله لن ينظر إليه او حتى يعاقبه!!

الحق حق ..

الإسلام امر بالنظافة و النقاء .. بل تعتبر المرأة حمقاء - حــــــــمـــــــــقـــــ ـــــــــــــاء - من تهمل نفسها!! و تكون كومة قمامة متنقلة في المنزل !! و هل هذا ما امرنا الإسلام ؟؟ ابدا .. بل الإسلام حرّص أيما حرص على اهمية الزوج .. وان تقنع عينه على جميل .. و ليس على قبيح فيها!! .. بل عليها ان تكون قدوة في النظافة و الجمال ...

لا انكر انني احيانا ارى فتيات يزهدن في الدنيا بشكل مقزز!! استغفر الله العظيم .. ليس إلى هذا الحد .. لا يكفي جمال الروح .. بل الشكل ايضا .. المنظر .. بالنسبة لي شخصيا .. لا افضل رجل دين قذر المنظر!! .. بل عليه ان يكون جميلا لي كما اكون جميلة له .. و نظافة الإنسان امر مشروط في الإسلام ..

اعتقد ان الكثير ممن يرى المتدينة لا تتقن فنون الحياة .. و اقصد بفن الحياة .. تلطيف الجو مع الزوج .. بل من كانت تفقه دينها و تعرف اهمية الزوج و احقيته في الحياة و كيف ان الله امر بطاعته .. تعرف تماما ما عليها من امور ... كما ان يعرف الزوج ما له و ما عليه تماما .. و بذلك لن يظلم احدهم الآخر ..

الله كريم .. و يرزق الله كل واحد على قد نيته :)
و التفاؤل و الثقة بالله .. و الإيمان بالقدر .. يجعل الإنسان قنوعا بحياته .. و الأفضل عدم وضع مواصفات كمالية في الإنسان :) فقط التوكل على الحي القيوم الذي يوفق بين القلوب و يأخذ كل منا صاحبه و الحمدلله رب العالمين ..

جزيتم خيراً
نور الإيمان

شوق القلوب

25-04-06 ||, 01:19 PM

السلام عليكم..

هذا الموضوع.. موضوع جداً حســـاس..

في البدايه ، اذا البنت أتقدم لها شخص وسألوا عنه و قالولها انه مدين ورفضته لهذا السبب بس.. فهي ما تبا غير زينة الحياة الدنيا !!

للاسف.. عقليات البنات هالايام في الطلعات و التعديل بالمكياج و اللبس و الحريه المفرطه.. وطبعا ( هالمدين ) بيحرمها حقوقها البطااااليه.. و ما بتعيش حياتها.

في فئه من البنات يبون شخص فري لمجرد انها تبا تطلع من حكره البيت الى الحياه بكل مباهجها.. والمدّين بيعكر عليها صفوتها..من جيه ما تباه !!

ما يدرون انه الحياه الزوجيه راحه و طمأنينه مب في الطلعات و الحواطه.. الحياه الزوجيه في حسن التعامل داخل البيت ، حسن التربيه و التوجيه ، الاحترام و التفاهم ، وهالامور مب الكل يتقنها سواء متدين او شخص عادي..

الدين الصح و الاخلاق هي مقياس توجه الانسان ، والتدين مب شرط لحيه و كندوره قصيره.. لالالا.. في ناس نفوسهم و قلوبهم طاهره و أخلاقهم تتكلم عنهم بس مظهرهم جداً عادي.

الشباب و البنات ، كثير منهم طاح في دوامه المغازل و تفاهات هالفتره من العمر ، بالتالي الطرفيين خافوا من بعض عند الارتباط ، الخاطب في راسه مليون وسواس عن هالبنيه من زود ما يسمع من السوالف او حتى من تجاربه الشخصيه ، و البنت نفس الحال . اتخاف يكون الشاب لعااااب وله سوابق لا تحصى من حال هالجيل اليوم.

ومب كل شاب طالح سيء.. في منهم من يهتدي و يتغير بعد الزواج ، لسبب انه كان هايم على ويهه في هالدنيا ، متبع سوالف الشباب و لعبانهم ، فلما لقى انسانه اتحبه و اتقدره و باسلوبها اللبق بتهديه باذن الله وبيكون من أحسن الازواج..

المطلوب في موضوع الزواج.. ان يكون الانسان عاقل ، خلوق ، وعارف حجم المسؤوليه اللي بيقدم عليها.

والله يرزق الشباب بالزوجات الصالحات اللي يسعدونهم في الدنيا و الاخره..

.
.

شكراً قرموشه.. :)

خيال الروح

25-04-06 ||, 02:01 PM

اذا هــذا الشخص المتــدين بسـعدني في حيــاتي
أكيــد بوافق علـيه ,,

وتـسلمين على المـوضوع .

:
.

عمة العيم

25-04-06 ||, 04:18 PM

اختي قرموشه

لا يالغاليه في وايد بنات اعرفهن يقولون ان رياييلهم يبونهم مثلاً مايتحجبون ولا يتسترون

على قولتهم فشلتيني احس جيس زباله حذالي اسمحولي على هالكلمه يعني (معناته الريال هني يشبه لبس الحرمه العبايه والشيله بهالشي !!!!)

هذا واقع وانا ماخترعته من خيالي هااللي اشوفه واسمعه

و في الحقيقه هالنوع من الرياييل لا يعرفون شو الصلاة ولا شو الدين!

السموحه لو ثقلت عليكم

خدافس

قرموشة

25-04-06 ||, 04:42 PM

اخــتيه عمــه العيــم ..
هــاييلــه ما يعتبرون ريــاييل .. جان الواحــد منهم ما يطــلب الستر لحــرمتــه .. ويبا الكــل يــناظــرهــا .. !!.. ودامـــهم لا يعــرفــون الصلاه ولا الديــن في هــاي الحــاله ممــكن انهــم يســون جذه ..
والله دنــيا .. عشنا وشفــنا ...
أشكــرج عـ التوضــيح .. لاني حسبــتهم في البدايــه ناس بأخلاق ..

قرموشة

25-04-06 ||, 04:49 PM

ليش البعض ماخذ فكرة ان الريال الملتزم او المطوع يضرب مرته وعياله او انه يمنع حرمته من الشغل؟؟

الحساس .. امم .. ما أعتــقد انــه حــد قال انــه المطــوع دايمــا يكــون وحشي ويضــرب مرتــه ..
بس ممكــن تصيــر ..
يمـــكن القـــــــصد .. .. انه يمنعــها من بعض الاشيــاء .. كـ الشغـل .. والتبرج .. والخروج للأسواق ..
ويكــون سيء الخــلق .. بس مش لدرجــه انــه يضربــها ويتصرف بوحــشيه .. جييه هب انسان هو ..
وهــذا ما بيسمــونه مطوع .. بيسمــونه " مطوع بالاسمــ " أو " مطــوع غــش "

والسموحــة ..

الملهم

25-04-06 ||, 05:26 PM

السلام عليكم

جئت متأخرا ^__^ ..

افضل ان اقول الزوج الملتزم وليس المطوع ..
فكلمة " مطوع " قد شوهت بالوحشية كما شوهت كلمة " الصوفي " ..

المهم .. لن اطول .. فقد قالوا الاعضاء ووفوا .. ولكن الى الان لا ارى الا القلة القليلة من هم
ملتزمين حقا .. مثلا عندما كنت في كافيتريا الكلية سمعت مجموعة مطاوعة يتكلمون فقلت بالتاكيد
يناقشون في امور الدين .. ولكن بعد قليل سمعتهم يتكلمون عن مواقفهم مع البنات " اونه ابنيه تبا اطوف علي جان ادوس واطوف عليها .. وفي الممزر وحدة تبا تترايس جان اضحك عليها " ماذا تركوا للباقين ؟؟

لذا فكثير من الفتيات لا يحبون المطاوعة .. ولهم الحق في ذلك ..
وانا الحمد لله ارتاح عندما اكون مع شخصا ملتزما وليس مطوعا ..
وهناك الكثير من اهلنا والحمد لله ملتزمين ولكن ليس بالثوب القصير ولا اللحية التي
تصل الى الصدر متزوجين مرتاحين الى ابعد الحدود " ربي يحفظهم " ..

اشكركِ على الموضوع ^__^

نور الإيمان

25-04-06 ||, 05:28 PM

بسم الله الرحمن الرحيم

السلام عليكم و رحمة الله و بركاته اما بعد ..

:kcl: اعتذر مسبقا لكثرة تردادي هنا اختي قرموشة ... لكن ما قالته عمة العيم لم تخترعه من الواقع ..

على قولتهم فشلتيني احس جيس زباله حذالي اسمحولي على هالكلمه يعني (معناته الريال هني يشبه لبس الحرمه العبايه والشيله بهالشي !!!!)

خيمة ! هكذا قالت لي المعلمة اكثر من مرة ..
زبالة ! سمعتها من اخوتي و ابي !! .. رغم انهم يصلون خمسهم و يصومون شهرهم .. ولا اخفيكم ان والدي مؤذن! سبحانك ..

و كان ذلك من المقربين لي :no0: .. سبحانك ..

الله كريم على كل حال ..
جزيتم خيراً

قرموشة

25-04-06 ||, 05:41 PM

:kcl: اعتذر مسبقا لكثرة تردادي هنا اختي قرموشة ... لكن ما قالته عمة العيم لم تخترعه من الواقع ..

خــذي راحـــتج .. بالعــكس أصلا .. انا يشــرفنــي وجــودج في موضــوعــي .. وهذا دليل على اهتمــامج .. ومتابعــتج للموضوع ..
لج جزيل الشكــر ..

وعــن اللي يقــولون انــه العباه " زبــاله " الصــراحــه .. ما أعرف كــيف أرد عليــهم ..
بس أقول ..
يعني .. مثلا شو يبــونــاا نسلبس ؟ عباه ملــونه .. ؟؟؟ >>> على فــكرة شفت كذا وحــده منهــا في الجــامعه .. تقول لابسين " مخــورة " هب عباه !!!!

اصايل

25-08-06 ||, 10:23 PM

هلا قرموشة موضوعج عجيييييب الصراحة لانه انا كنت حاطة هالشرط في بالي قبل :kcl:
بس عقب تفكير عمييق و تحليل شفت ان عادي يعني البنات ما يبون مطوعين لانه ممنوع مول ممنوع تظهرين و تروحين على كيفج اي مكان:daleel: ..بس انا اشوووف ان واااايد مطاوعة مع عيالهم وحريمهم في المولات و يتمشون و عادي و مراات اشوفهم في كنتاكي و شيلز انا استغرب ليش ما يقاطعون؟!خخخخخ:doh:
اما عني انا شخصيا اللي اباه منه ان يخليني اشتغل و اسوق سيارة بس اما الباقي فعادي عندي

عيون الدخيل

26-08-06 ||, 02:18 PM

انا راي من راي الياه ..................

واشـوف أن الـريـال المتـديـن هــو اللي يقـدر يسـعـد حـرمتـه صـدق لانـه يخـاف ربـه ومـا بيتجـرأ انـه يسـوي شـي يـضـر زوجـتـه !!
وبيـربـي عـيالـه أحـسن تـربـيـة وإذا سهـت حـرمـتـه عـن شـي ويـا كـثر غـفـلات الـحـريــم
بيـذكرهـا بالله وبيعـودها على اتبـاع سنـة الـرسـول واجتـنـاب المحـرمات وغـيـرها ....

انا معاج يا الياه
ومب شـرط إذا كان متديـن يعني هـا متعـصـب ومابيخلي حـرمـته تسـوي شـي
وبعد انا معاج

وانا اعرف حريم حياتهم عسل ومرتاحين اكثر من غيرهم مع ريايلهم الملتزمين ومش مقصرين معاهن باي شي وكل سنه يروحون رحلات برع البلاد وعيالهم يلبسون ماركات وحريمهم يسوقون سياير وآخر موديلات .......................... انا ما شوف عليهم قصور
الله يخليهم حق حريمهم

تحياتي

@عيون الدخيل @

ألـم

27-08-06 ||, 09:04 PM

قــريــت الموضــوع ..

ولــي عوده أن شاء الله ..

والسموحه منكم

ألـم

28-08-06 ||, 05:18 PM

صــدقـج ياقــرموشــه نحــن من تبـدأ الدوامات أنشـوف العـجب من البــنات ..
هاي اللي ما تبــى مطــوع أنســـانه مزاجــيه كل اللي في راسها تبى أتسـويه لانها هي محطيه فكره في بــالها أنه المطــوع بيتحكم فيها وما بيخليها على مزاجها ..
في بنات محطين فكره في بالهم أنه المطوع ما يخلي حرمته تشتغل ترى هالفكره خاطــئـه مب شـرط أن ما يخليها انا أعرف وايد مطاوعه يخلون حريمهم يـشــتغلــون ويـتشــتغلون عند ريـايـل بعد ..
أصلا يوم بيقولي لا تــشــغليــن بـستانس بريح راسي من العوار ..
ومــنو قص عليهم وقالهم المطوع يظرب حرمته يمكن مرة سمعوا واحد مطوع ضرب حرمته قالوا كل المطاوعه يضربون حريمهم ،، عيل يوم جي السالفه ولا مطوع بيعرس بيكونون عزاب .. لــول
وأنا بـنظري انه الريال المطوع هوه اللي يقدر يــسعد حرمته لانه بترتاح آخر راحه في التربيه و....الخ
أما اللي مش مديــن عادي يروح يــلعب عليها ويــشك فيها ......الخ
وانا عادي أرضى بواحد مدين ان شو ما يكون ..

العتيج

30-08-06 ||, 03:53 AM

السلام عليكم ..

ماعرفنا .. شو معني .. مابيخلني ع راحتي .. شو الراحة إلى تباها يعني ..

سيارة وخليناهن يسوقن .. ولبس وألبسن .. وطلعه واطلعن متى مايبن .. والسينما مزروها .. والأسواق مزروها ..

شو بعد ع راحتي ..

ابن اّدم ما يمزر عيونه إلا تراب .. brgll: ..

فنجان قهوة

09-09-06 ||, 03:59 PM

السلام عليكم و رحمة الله و بركاته

هلا و غلا بالقرموشه

و تسلمين على الطرح

تبين الصدق انا بعد استغرب من هاي العبارة يوم نتقال

و لا شو يقولون ابغي واعد عادي ,,, يعني لا مطوعه و لا مصروع

لما افكر في الموضوع احس ان البنات الي يقولون هاي الرمكسه يشوفون المطاوعه اللي ما يستوولهم

فيتحرون ان المطاوعه مع اهلهم بعد جذه

ع قولت ربيعتي بلاهم المطاوعه ,, المطوع يوصل حرمته وين ما تبا و ما يوصلها مكان الى وهو مطمن عليها

و عن رايي انا المطاوعه في بيتهم غير عن يوم نشوفهم في الاماكن العامه

و الله انا خوالي كلهم مطاوعه يوم يسولفون ويانا و يلعبون ويانا و يطلعون ويانا ما انحس انهم مطاوعه

بس يوم يغارون علينا و يحاتونا نستانس صح لو كانوا فري بيخلونه نطلع كاسيات عاريات بس شونبابه الحمدلله ع نعمة الستر

و الحمدلله ان الوالد و اخواني ملتزمين و ما يرضون علينا

اظن جان اخوي فري بيكون ما عندة غارية علينا ,,, و شوتبا البنت بالديوث

البنات ما يعرفون ان الانسان العادي الي يبونه بيكون عندة وايد اشياء عادي

يعني العادي ما تكون عندة مبادء قويه متمسك فيها

يعني عادي يرقد عن الصلاه

و عادي يتعامل مع البنوك الربويه

و عادي يتدين

و عادي يكون ربيعه فري و يسوي و يسوي ,,, ترى الصاحب ساحب

و مع تحياتي

مرحبا
أم السانين