خربوه

[الحساس]

:

:


:

[ا ل غ ل ا]

الله يهدي الناس اللي تسوي جيه ،،

الله يستر من الزمن القادم ..


تسلم أخوي
ا ل غ ل ا

[ولد الحكومة]

:doh: لازم يتعدلن ويتكشخن ويتعطرن ... ولا كيف بيشغلونهم

مشكور دكتورنا عالموضوع

[أمرين]

الله يهدي الجميييع ...

............. الكــل يعااانـــي .. هذا مرض لم يعثر له على علاااج في الوقت الحاضر

[ولد الحكومة]

فعلا أختي أمرين الله يهديهم ويستر عليهم

[أمواج]

:mar7aba:
.
.
.
فعـلا هذا اللي صــاير الحين . . .
من فتره في الجامعه سووا معرض التوظيف والتدريب مثل هالمعرض اللي تقصــده يا دكتورنا . . .
الله لايراويــكم شكثــر البنات اللي حظــروا . . . ماراح أقــول الكــل. . . بس فئــة كبيــره من البنــات يايين يتمشــون اظن . . .مادري يتحــرون موول ولا مادري شو . . .
الله يســتر عليــهن دنيا وآخره . . .
بالنسبــه للمعرض . . . تبــون الصــراحه ماشــوف له فايــده . . . صح كل قســم يشرح الوظايف اللي عنده ويوزعوون كتيبات ومادري شو . . ونحن مثل المخبــل اي مكاان سجلنــا اسامينا عنده . . سواء كان للشغل عقب التخرج او تدريب صيفي . . . بس عمري ماسمعــت حد اعرفه توظف عندهم . . . مب أنهم مايوظفــون بس هاللي نكتبه عندهم و استمارات نمليـها احس ماله فايــده . . . يعني لازم نتواجد عندهم في مكــان الشغــل. . . عشان نسجــل عندهم . . .
يالله عســى الكل يشتــغل على ايد هالمعــرض . . p:
.
.
.
لي عودة .
:bye2:

[الحساس]

دامج فتحتي يالمتفييرزه هالموضوه بنخلي الباب مفتوح..

شخص اعرفه... قدم اوراقه قبل كم اسبوع وانقبل قبل كم اليوم (مع الغلم بالواسطه)

الغريب في الموضوع هو

ان نفس الدايره نزلت اعلانات بالجرياد تبغي موظفين بنفس مواصفات (شغل ربيعي)


معناه شي واحد

اما ان هالدايره خربطان في خربطان يزظفون الناس وبعد ما يخلصون يعلنون عن الوظيفه عسب محدن يقول ترا وظفوا بالخش تراهم اعلنوا

او

ان لنفس الوظيفه يبغون اكثر من واحد

وبرايي ان التوقع الاول هو الصح ..

واتمنى اكون غلطان عسب مانواجه الحقيقه المؤلمه اذا كانت صدق واقعيه..

[الحساس]

دامج فتحتي يالمتفييرزه هالموضوه بنخلي الباب مفتوح..

شخص اعرفه... قدم اوراقه قبل كم اسبوع وانقبل قبل كم اليوم (مع الغلم بالواسطه)

الغريب في الموضوع هو

ان نفس الدايره نزلت اعلانات بالجرياد تبغي موظفين بنفس مواصفات (شغل ربيعي)


معناه شي واحد

اما ان هالدايره خربطان في خربطان يزظفون الناس وبعد ما يخلصون يعلنون عن الوظيفه عسب محدن يقول ترا وظفوا بالخش تراهم اعلنوا

او

ان لنفس الوظيفه يبغون اكثر من واحد

وبرايي ان التوقع الاول هو الصح ..

واتمنى اكون غلطان عسب مانواجه الحقيقه المؤلمه اذا كانت صدق واقعيه..

[صريح]

اي معرض الله يخليــك ...


الربع من البــارحه متزهـبيــن حق المعرض عسب "يجحلــون عيونهم و يترزقــون" شراا ما يسون كل سنه ... لول

الصــراحه انا بعد كنت بسيــر بس كـان عندي شغل و العصر عندي كليه .. يوم بفضى بسيــر ان شـاء الله ...
يمكن نحصل مزاين و لا شي .. هيههيهي "اسولف :harhar1: "

ان اقــول لو يطولون مده المعرض وافي و جراند و الممزر بيكــونون فــاضين "قويه صح ههه :hist: " ...

الواحد مل من كثر مـا يرمس عن هالســوالف .. لـلاســف اقـولهـا بكل صراحه مـاشي فــايده من الرمسه ... البنت اللي امبونهم محترمه هي اللي بتحشم عمرهــا لو شو صـار ..
و نفس الكلام موجه للولد
لا تقـولون المشكله من الاهل و ماشي رقـابه ... حتى بالرقابه و الشد عليهن ماشي فايده

اللي حـاط فبـاله شي يسويه ما بيهمه اي شي !!
و اللي عنده رقـابه على نفسه و عنده ضميــر حــي هو اللي بيحتشم و بيخــاف ربه

الواحد مــا يقــول الا الله يستر عليهن و يحديهن

الحــل الوحيــد لهــاي المشكله انهم يسوون معرضيـن منفصلين واحد للشبـاب و واحد للبنــات او يحددون اوقـات للبنــات و اوقــات للشبــاب ..

والله يعيــن اليميـــع

السمــوحه
صـــريـــــــــــح

[هزاايم]

اللي حـاط فبـاله شي يسويه ما بيهمه اي شي !!
و اللي عنده رقـابه على نفسه و عنده ضميــر حــي هو اللي بيحتشم و بيخــاف ربه


^^هذا هو الكلام الصحيح
الدنيا عليها السلام
الكل باايع نفسه ويااا مكثر من بااع نفسه حتى غدى تحت شعاار انا تحت التنزيلات والمميزاات
يعني هالبناات سايراات يستعرضن:narr:
ولا ياااريت يسجلن أوووف ترى بقول الصرااحه مش قبل فتره كان شي معرض للجامعاات و درسات والبعثاات كان الوالد موافق ارووح مع إختيه العوده لكن خويي منعناا قال إلي تبينه بييب لج ولا تروحين إهنااك...واتااري إن هذي المنااظر متوااجده كل مكاان و فهمت قصده

مااقول غير لاحول ولاقوه إلا بالله
وربي يهدي الجميع ويصلح باالهم

[الحساس]

الصريح..
بدايه تسلم على المداخله الي نورتنا..

من جملك .. (انهم يسوون معرضيـن منفصلين واحد للشبـاب و واحد للبنــات او يحددون اوقـات للبنــات و اوقــات للشبــاب )


فعل سواا لان من باجر الصبح بس للحريم وعقب باجر الصبح بس للحريم بعد .. انا العصر مكس..

[دانة حتا]

مشــــــــــــــــينهن من بنات
شو ها اللغ يغشهن انا ما احب اطالع هالاشكال
الله يعينكم اللي بتسيرون
والله يهديـــــــــهن ان شاء الله

[أمواج]

:mar7aba:
.
.
.
دكــتور الحســاس . . .
انا ماقــلت إنه مايوظفــون . . . انا اللي قصــدته على كثر الطلبــات اللي توصلهم من عدنــا . .
ولا وحده اشتغلت عندهــم . . .
راح أقولك سالفة إستوت وياااي . .
في المعرض اللي صار عدنا . . تكلمت ويا وحده تبع شركــة أدنوك و قلتلها عن تخصصــي وللعـلم تخصصي يقبــلونه عندهم . . وسألتها إذا اقدر احصــل وظــايف عندهم بعد التخريــج . . .
تعرف شو قــالت لي . قالت لي إنه الاولويــه يوظفــون عيال الموظفين اللي عندهم وانا :boxed: :boxed: :boxed:
وبعد شو قالت لي . . جان تقول بعد الاولويه لســكان بوظبي وبعدين ايي دوور الامارات الثانيــة . . .
يعني شو المغــزى من هالحركــة . . اونه يوظفون عيال الموظفين اول وعيال بوظبي قبل الامارات الثانيــة . . .
الله يســتر اخاف من عقب مانتخرج نحرس بيوتنا عقب . . .
.
.
:bye2:

[الحساس]

البنت مالها خص كانت ترمس عن واقع يصير .. واظن مايابت شي من مخباها !!

اما عن كلامج ان كثر الطلبات ولا وصلكم شي تقريبا المعنى هذا اليوم قريته بالجريده وحده من الكاتبات المواطنات معلقه على هذا المعرض وتقول نتمنى ونتامل نشوف فعل هب بس عرض..

مداخلتج فتحت عيونا على اشياء واقعيه يسلموو

[تنينه]

ما شاء الله لحقت تكتب عن المعرض واحداثه ’’ انا توني راده منه ,, الصراحه المعرض وايد كبير وجميل ,, وشهدنا حضور الشيخ محمد بن راشد وافتتاحه للمعرض ,, انا أقول انه كان زحمه لانه نص بنات الجامعه مودينهن المعرض ووايد بنات من تقنية الشارجه ودبي ,, يعني شرات الرحله وكان عليه أبسنت ,, فيعني غصبا عن سرنا عسب جي يمكن جفت البنات أكثر واذا عالمغازل ترى الشباب ,, ما يقصروون دومهم مبيضين الويه ,, يالله الله يهدي الجميع من male وfemale ,,

[مزن هتان]

:mar7aba:
كنت موجود بالمعرض حزت الضحى

يالطيف شلون الزحمه
والبنات حدث ولا حرج ظنيت اني داخل حفله<<< ميك اب

طالبات زايد والتقنيه كانوا موجودات

ويتمخطرن ع راحتهن
بس في منهن الحمدلله حاشمات عمارهن
مو البنات بس حتى بعض الشباب منهم اشكره يرقمون

أنا كنت مع ربيعاتي وخوالي اثنين كانوا موجودين

قدمت على كذا دايره وان شاء الله خير

[خيال الروح]

الســلام عليــكم ,,

يــاخـوي هالفئه من البنــات متـواجديـن في كــل مكـان , في الجـامـعه في الســوق

الحشـيم حشــيم ويـن ما راح ,,

والله يـهديهن ويصلحهن ,

:)
:

[تحفه]

انتوا وين شفتوا كل هاذا .. انا اليوم سرتله .. كان عادي!!!
بالعكس اتفاالت بأنه ماصدر شي بايخ منهم !!

انا مشيت واتحوطت وكلشي .. وبالرغم من ان في بعض الاشكال الي تحسونها مب راكبه .. بس ماسمعت لا ضحكه تهز الالباب ولا مغازل و مواعد!!

[الحساس]

تنينه..

شيخ محمد بن راشد الي افتتح المعرض؟؟


غريبه اليوم الساعه 6 ونص كنت موجود والشيخ محمد بن راشد موجود بعد يتفقد المعرض..

ماشاءالله عليه وايد مهتم بهالمعرض بالذات..

[تحفه]

حسااااااااااااااااسسسس بعدك تدخل وتحط على عمرك مخفي :negab:

[قرموشة]

مــا أدري باللــي شفـــتوه .. بس عـــادي .. والصــراحـه النوع من التخـلف موجــود في كــل مــكان ..
بس البنت الحشــيم .. تراهـا حشيم وين ما كــانت . . .
واللــه يستــر علــى بنــاتــنا ..

[تنينه]

هييييييييييه هو اللي افتتح المعرض وقالوا عقب انه بيي ع المغرب ^^

صدقج ام خدوود انا بعد ما جفت هاك الشي يعني ,,

[لمّــاح]

الــسلام عليكم ..

انا حتى سرت المعرض تقريبا من الساعة وحده اليــن الساعة هنتين و نص .. المعرض مرتب وايد و هالمرة بالذات أحس انهم مهتمين بالتوضيف و شكلهم صارفين عليه أكثر عن قبل ..
بخصوص البـنات، والله شو اقولك، انا شفت هالأشكال الي رمست عنها والله يهديهن ..
بس كلمة الحق تنقال، المعرض وايد فادني :)

اختي المتفيزره ..

بخصوص الاوراق الي تملينها، اصلا يقولج الموظف اذا مايبتي ال CV ملي الورقة الي عندهم و طرشيلهم ال CV مالج عقب لأن الورقة بس للتعريف مب اكثر !!
ثـانيا، من كثر الطلبات الي اتيهم شي طبيعي انهم مايتصلون و يوظفون كل الشباب.. بس الشي الحلو في المعرض انه يجمع بين تقريبا كل الشركات الي في البلاد و يخليهم في مكان واحد .. بهالطريقة بيسهلون عليج عملية البحث عن مكان تشتغلين فيه بدال ماتتصليبهم او اتسيرين المقر الرئيسي لكل شركة و بيحطلج خيارات اكثر يمكن ماكانت تطري ع بالج .. كلهم في مكان واحد يعني تقدرين تزورينهم و تسئلينهم عن كل الي تبينه و تقدمين اوراقج عند الي تبينه (( عقب المعرض )) ..

[إسهر معي ليله]

الله يهدي الجميع،،

بس سالفة انه وايد بنات،، تراهم لازم يحضرون وبعضهم ينظمون فالمعرض

والمغازل لازم يكون موجود اذا بنت بتسوي بعمرها جيه،، بس اللي حاشمه عمرها محد بيي صوبها

عالعموم كل واحد ونيته،، لو نيتك بس تقدم على وظيفه بتطنش كل هالأشياء لأنك مشغول تعبي الفورمات خخخخ

مشكور عالموضوع،، وهالشي سنوياً يحصل،، الزين موجود والشين موجود،، وانته وميول قلبك

[الحساس]

للامانه...

انا قدمت على وظيفه :P في بنك

حبيت من ها الشي اشوف الية التعين عندهم.. وهل بيتصلون او لا..

اول شي سالوني انتي خريج شو.. رديت عليهم وقلت ثانويه عامه ..

كم عمرك قتلهم عمري كذا

ليش وين كنت كل هالمده.. قتلهم كنت اشتغل مع الوالد بتجارته ماسك حساباته:P

حسيتهم مهتمين يشرحون عن الوظيفه وطبيعتها بس مايهتمون بالي يقدم فيهم

مثال

دايره دبي الطبيه .. سرتلهم اونه بقدم عندهم قالولي ماعنا تقديم هني عنا موقع ع النت سير قدم عليه..
عيل انتي شو يابكم هني دام بتقولون هالرمسه.. قتلهم مب مشكله اوصفولي الوظايف الي عندكم قالوا نحن مانعرف رجع الاداره..

قهر ليش ياين يعني؟؟ عسب تصوير وشهاده حضور؟

[لمّــاح]

الـحساس .. هاذيلا مايعرفون الله وين حاطنهم !!
عندك هيئة الطرق و المواصلات بعد ، هاييلا مايعرفون الفرق بين الشهادات حتى ( البكالوريوس و الدبلوم العالي )..

[تنينه]

حتى بنك دبي الوطني و HSBC نفس الشي قالوا لي اوونه دخلي الموقع وبتحصلين كل شي وسوي sumbit للسيفي مالج ,, عيل انتوا ليش واقفين عيل من الصبح .. بس بشكل عااام خذت فكرره عامه عن الوظايف والشركات في البلاد وشو بتخصص عقب ^^

[تحفه]

تينينه اتعرفيني :boxed: ؟؟

[تنينه]

:leia: هييه اكيييد وهل يخفى القمر :tounge:

[الحساس]

خيييبه..

تنينه انتي ترمسين عن البنت الي كانت تصور بالمعرض امس؟؟

انا شفت وحده ليكون ام خدود..

واخيرا شفناها ام خدود..:D

[تنينه]

لاااااء اخوي الحسااس هب في المعرض كنت اقصد عن تصويرها في الجامعه قبل ما نظهر مب في المعرض ,, :yes:

[ولد الحكومة]

على الله بس ايحصلووون المواطنين وظائف .... والله يكون في عونهم.

[تحفه]

كل ابنيه اتشل كيمره هي ام خدود :harhar1: .. انا فنانه أشوف العالم بألفين عين مب بس بعينين :kcl:

[قلوب دبي]

مسا الخير ..

اوني بسير معرض الوظايف اليوم و اطالع شو عندهم من وظايف
لاني افكر اغير مجال وظيفتي ههههه
شكلي بسير و برجع بخفي حنين ..
لا و حاط طموحات ادور شاغر رئيس قسم P:

بخبركم بشوه شفت عندهم ..
و برد للموضوع خلاف ..
بس من الحينه بخبركم اللي بشوفه من البنات لاني متعود احضر مؤتمرات و معارض ..
عطر حدث ولا حرج ، مصاقع ، العبي الوان و اشكال و خفاش و تمساح و ما ادري شوه ..
ممم الباجي يوم برد ..
اشوفكم ع خير

فمان الله

[تحفه]

هههههههههههههععع .. حلوه خفاش وتمساح

[الملهم]

انا سرت المعرض عشان الاستاذ معطنا اسايمنت ولازم انسويه
واذا ما سرنا بيعطونا ابسنت .. لازم نسال الشركات عن التوظيف وشو الوظايف
الشاغرة وعدد المجالات .. وكل ما نسال ريال يقولنا انا ما اعرف اصبر وحده بتجاوب عليك
ولا ريال جاوب على اسئلتنا كلهن حريم .. وهيه صح ما قدمنا على اي وظيفة صيفية .. لان حنا كنا مهتمين بالاسايمنت .. واليوم الاساتذة قالونا ان الافضل ان نقدم على وظيفة " تو الناس "

وسالفة البنات حتى عندي حد من الربع اتخبل ويقول كل يوم يبا يسير ها المعرض ^__^ ..
وفي واحد من ربعي ياي يواعد .. والبنات بعد يعني صدق الواحد غصبا عنه يطالع .. حتى المطاوعة في الكلية قاموا يطالعون ^__^ ..

الله يعين بس ..

[الحساس]

ياعيني ياعيني.. كل هذا صار شفتوا..

شي واحد عيبني صج بهالمعرض وهو..

99% من الموجودين مواطنين يااااه واخيرا حسيت اني بدوله الامارات العربيه المتحدة
وين ماسير اشوف المكس الا هذا المعرض شفت مواطنين وبس

قلوب دبي صدق ترا شي وظايف يبون رئساء اقسام وشفت الاعلانات بنفسي بالجرايد خلال هاليومين بس مادري جان انها في مجالك!!
بس تعال شو هالخفاش احيدها الفراشه .. مسرعهم غيروا اسمها!!

[قلوب دبي]

:mar7ba:

و سرنا المعرض ..

يا سلام عجيب اول ما وقفت السياره عدال وينج الشرطه :cop:
مستغرب الصراحه اقول بلاهن المواقف فاضيه ؟؟
سؤال تم محيرني وا ناساير بأتجاه القاعه رقم 6
لانه ر اعي الوينج الهندي قالي اهناك معرض الوظائف ( و نعم المعرف )
:rr:
المهم تميت امشي و اشوف عالم يايين في ويهي ..
وانا امشي و امشي و هم ضدي
قلت ما شاء الله
كل هاييله يايين حق الوظايف ..

المهم وصلت قاعه 6 و جان استانس بحوط لي طشونه
عل و عسى القى وظيفه ..

اول ما دخلت قالي أشوف العالم اتحوط و الاستيجات فاضيه :boxed:
سألت السيكوريتي قالي (خلاص في بند)
اوكي شكرا و ظهرت ..

:harhar1:

بس على السيره هاي و اليييه
انتقاداتي بتبدأ ..:santa:

---
ام خدود ياخي والله ما ادري شو اسم العباه بس جني
شفت صوره خفاش في الجريده مال كاركتير العبي
من جيه قلت خفاش هههه :laugh:

---
الحساس ان شاء الله باجر بسير و ان شاء الله القى اللي يناسبني يا خوووك
خبره سنوات شكثرهن في مجالي الوظيفي و شهادات مكوده و لكن مافي تقدير للموظف
القطاع الخاص يمدحونه ما ريد مكان حكومي :smartass:

---

عندي ملاحظه ليش البنات قامن يلبسن بشوت :kkk:

ياخي عباه والا بشت ما اتفرقون ..
مخططه عالبرد بلون ذهبي شرات البشت خخخخbrgll:
يبالي واحد يديد حق الرسميات :thumbup1:

وعباه عليها عشرين الف لون ...:fa52:

الشيله طايحه و العباه مفتوحه ..:fa32:

عباه عليها ديناصورات خخخخ ما ادري سله فواكه والا قلوب ..
قلوب مب انا يعني بس هالشكل >>:fa41: :fa41: :fa41:


الشيطان اسميه يلعب في الراس و الحشيم يا خواني بيتم حشيم
محافظ ع أهله و عمره ومستقبله ..

يا بنت خافي ربج تراج مستويه رمسه القيل و القال
بس منو بيسمع تحرطيمنا ..
خلني اتحرطم بروحي ..

الله كريم

باجر الصبح بسير بعيد عن الزحمه ..
اخر يوم وا كيد المسا Full

أدعولي
:yes:

[الحساس]

نصيحه يا قلوب دبي..
اذا سرت مكان وشفت العارضين فيه من الجنسين.. بليا تفكير سير عند البنات..
الشباب مابيفيدون بالمره!! كل شي طايح على راس البنت الي موجوده بقسمها.. (لين الحين اقول ان البنت تنتج اكثر عن الريال ببلادنا اذا قارنا بين الريال والبنت بوظيفه او مجال معين)

على اي حال ربي يوفقك وتحصل مرادك.. ويبعد عنك الخفافيش وراعيات البشوت ورسوم الكاريكاتير..

[قلوب دبي]

يزاك الله خير يا دكتورنا ..
الله يكون في عونا يا خويه ..
يطولي بعمرك باخذ بنصيحتك و بسير اطالع وظيفه شاغره في معرض الوظائف ..
و بعيد عن الاشباح .. P:

[أمطار]

السلام عليكم ،،

ســرنا المعرض اليوم ،،
كان حلو ومرتب وكله بنات ولله الحمد.. الله سترنا ويينا الصبح وقت الحريم ..
ولا جان قطـّعونا الدكتور وقلوب بتعليقاتهم >.< .. أســولف لا تصدقون إني من هاييلاك البنات!

عن البنات والعبي هالأيام!
السموحة بنات بس أعرف ذوقي واللي أعرفه أنه عباة الخفاش والفراشة والسنجاب الطاير قمة السخافة ،، لا هي حشمة ولا هي موضه يتقبـّلها عقل يفهم في الذوق الرفيع ..
باللــه عليكم ،، كيف هالبنات راضيين عن هالعبيّ مع أنه يبين من أسمائهن أنهن سخيفاات ومال مصخرة!
ولا يوم ترفع ايدينها .. ما جنـّها إلا هذا السنجاب الطاير وهو يستعد للإقلاع من شيرة لثانية!!
ما قصر غير عباة الجنز والسبورت ((عباة بنطلون)) =S

العباة نحيدها للستر!
أستوت لـ لفت الأنظار!
اللــه يستر من هالزمــن .. والله يهدينا أجمعين ..

والسموحة. . .

[لمّــاح]

مرحبا ..

الحساس، تصدق اني يوم سرت تقريبا ولا بنيه فادتني ؟؟

الشباب ماقصرو، خصوصا شباب طيران الامارات و مصرف الامارات الاسلامي و دبي القابضه و السوق المالي و النيابة .. !
اما البنات، اووه حدث ولا حرج .. بس طبعا شي بنات ماعليهن كلام كفوو و وفو ..

[الغاليه]

هههههه أمطار ضحكتيني brgll: .. صدقج ماعرف كيف يلبسنها وشكلها لين احينه مب داخل مزاجي ( احس شكلها مبهدل ) .... :kkk: بس مثل مايقولوون لولا الاذواق لبارت السلع

ولين احينه بعدني ماقدر اميز بين الخفاش والتمساح والسنجاب والفراشة والبشت !!! ...

ومنكم نستفيد اسامي يديدة في عالم الموضه ...

لكن في شي حلو في هالعبي.. احسهن استر عن العبايات المخصرة والملونة .. لانهن وسييعاااات وســـع غير طبيعي .. وجنهن تصميم عباس بن فرناس !!


مممم ويعني جيييييه السالفه .. معرضكم امسوي ضجه ... يوم يابوا التقرير في التلفزيون تميت بس اطالع البنات ( نجمات الحدث ) :ice: ..

[الحساس]

رب ضره نافعه بالضبط مثل ماذكرت الغاليه

رغم ان العبي واسعات ال انها تستر رغم ان بعضهن عليهن شخابيط وسالف الا انهن ساترات!!

احيانا الموضه تييبن تيجه ايجابيه بطريقه غير مباشره

[قلوب دبي]

تعالوا بتخبركم :doh:
و جيه ما اتقولي انه الصبح حق الحريم .. :narr:
خخخخ زين ما اتقفطت باجر .. brgll:
أعتقد انه من 10 الين 1 للحريم و عقب مختلط الين 8 المسا
زين زين شو بنسوي لا جول ولا قوه بنسير الظهر .. :yes:

[الحساس]

تحريتك تدري!!

الصبح بس للحريم والعصر للشباب!!

[قلوب دبي]

لووووووول
يحليلي والله ما كنت ادري خخخخخخ P:

[حبوبه دبي]

مــــــاشالله ..!!

ســوالف وعلـــوووم اهنـــه :puppyeyes:

الله يهديــهن بـــس ،،

فـ كــل مكـــان صــاروو .. شـو بنقــول بــس وكم بنتحــرطم .. !!

يالله ان شالله اتحصـلــون الـوظــايف اللي تبــونهاا :fa35:

قلبـــون : لـــووول ســرت ورديت ع الفــاضي هاا !!

قــالـوله خلاااص بند :harhar1:

مسكيــن زيــن مــاسرت الصبح بعد وخخخ

يالله خبــرنــا شــو بيصيــر لك من سـوالف ،،

تسلــم دكتــوورنــا ع المــوضــوع :yes:

وربــي يــوفجكم ان شالله

..

[كشره]

السلام عليكم..

اخبركم .. الواحد يخاف على عمره من البنات :nono: ،،، معرض الفاتنات 2006 :qor9anah:

على طاري العباه اليديدة ،، احس بها لخمة ،،، نفس الشكل :hist:

وان شاء الله اتحصلون الوظايف الي تستاهلونها ياعيال زايد الله يرحمه ،، ونفتك من الاجانب والوافدين :doh:

مع السلامه

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

المعرض .. اتوقع انه امر طيب ... ذهبت إلى المعرض بالأمس مع اخي .. :12: ...

الذي رأيته هذا و الله اعلم ... ان الشباب الذين اتوا للمعرض الأغلبية العظمى منهم اتوا من اجل الوظيفة .. و هنالك الكثير من البنات من اتين من اجل التسكع و العياذ بالله ..

لكن في كل الأحوال كنت اخجل ان اراهم !! لست اعلم لما ينتابني الخجل او الحياء الشديد عند رؤيت فتيات متبرجات و بشكل صارخ !! .. لربما انني لا احب ان يراهم الرجال هكذا و تتفتح اعينهم عليهن :nono: ... و بالأخص لا احب ان يرى اخوتي مثل تلك البنات اللي يستر عليهن ! ..

و اتذكر اخي كان يقول عندما نشاهد فتيات متبرجات على الstages " ذولي فتنة!" ... و كان الأمر صحيحا .. لكثرة المكياج و الدلع .. سبحان الله ..

على كل حال قدمنا في اماكن كثيرة .. و اتأمل خيرا من المعرض .. :ttmasha: ..

جزيتم خيراً

[قلوب دبي]

:d
حبوبه دبي مارديت عالفاضي رديت بخفي حنين ههههه:fa34:
الحينه بسير عقب صلاه العصر و بنشوف المعرض ..
بس الحينه ( مافي بند في بطل ) :harhar1:

[قلوب دبي]

مساكم الله بالخير ..

ردينا من المعرض
و اخيرا سرناله ..:kkk:

المعرض ماشاء الله عليه من حيث التنظيم جدا ممتاز و الديكورات غاويه ..:thumbup1:
الجهات المشاركه و العارضين اهناك الصراحه ، منهم اللي يحب الشغل و بالفعل
نشوف له دور في الترويج الجهة اللي يشتغل فيها ومن ناحيه المعلومات عنده كافيه
ووافيه في حين البعض الاخر محطايين بس شكل و زينه و الكلام ع كلا الجنسين ...
شي بنات ما شاء الله عليهن يعرفن يجاوبن و يعطنك المعلومات الوافيه و شيء من
الشباب نفس الشيء ما عليهم زود ما قصروا في الشرح ..:yes:
والا البعض الثاني ما ادري على اي اساس مرشحينهم و حاطينهن في المعرض للاسف
اييب هندي و احطه اخير من ايلس هالاشكال ..:narr:
نسأله يا خويه نريد نعرف الشاغر اللي عندكم ، قال ما اعرف انته عطنا cv و بنشوف
والا يوم استفسرت من احد الشركات اتوجهت للريال و قلت له كذا كذا و اريد اعرف كذا
قالي والله ما شيء بس ( بواسطه ) كل شيء ممكن ، قلت كيف و جي تميت استفسر ، قالي
لحظه ، و سار و زقر البنت و البنت اسمعها اتقوله قوله اي شيء اي شيء ، وجان ارد عليها
وقلت انا ما اريد اي شيء الصراحه يرفعون الضغط ، كل ما اسألها شيء قالت لي انزين
بعطيك انا البروشور و المعلومات فيه كل شيء و عطتني جيسه و مشيت ع اساس القى شيء
يلست في الكوفي و فتحت اريد اقرى الكتيت لا ظهر كتب و لا شيء قلم و قلاص و ما ادري شوه ..:fa51:

مواقف وايده صارت ..

عيبوني مال دائره الصحه و مال سوق دبي المالي و دايره السياحه
( يستاهلون احلى كاس ):winn:
الموظفين اللي اهناك ما قصروا شرحولي و اسلوبهم كان جدا حلو ..:9afgah:

هذا المعرض بأختصار ..

طلعت و استنتجت شيء الصراحه اذا فكرت انتقل من مكان الى مكان ثاني
ما انتقل الا وانا داز الواسطه قبلي عشان اضمن المكان اللي بروحله
مب اطيح في متاهات و ما بخلص منها ..
عرفت انه المواطن اللي بلا ظهر متلعوز و اللي عنده النعمه يحمد ربه مليون مره
لانه غيره يتمنى انه يحصل وظيفه يترزق من وراها ..:no0:

يغمضوني اللي يدورون وظايف و يقهروني اللي يتكلمون بنفس خايسه ..
اما اصحاب الخفافيش و البشوت شفناهم و نفس الوقت شفنا المحتشمات ..
الله يستر ع بلادنا الصراحه ما اريد اتكلم وايد بخصوص العيوب اللي ريتها
لانه الشيء يضايج ..
و لقينا شباب ياي يدور شغل و رينا اللي ياي بس يتحوط لا اكثر ..


في النهايه

اللهم لك الحمد ..

[لمّــاح]

عيبوني مال دائره الصحه و مال سوق دبي المالي و دايره السياحه
( يستاهلون احلى كاس )

عــاش سـوق دبـي المــالي، عــاش :fa34:
قــلوب دبي تعجبني انته، بس تعرف، انا نفس الشي هالدواير الي ذكرتها انته ممتازة بالاضافة الى:
طـيران الامارات - ابدو اهتمام كبـير و تمو يشرحولنا وايد و عطونا وايد من وقتهم، ..
دبـي القابضة - ماقصرو ويانا، شرحولنا كـــل شي ..
النيابة، كنا نمشي جان يوقفنا واحد يشتغل في النيابة، اسلوبه جدا كان حلو ويانا و تم يشرحلنا وايد مسكين ..

و في بعض الاماكن بعد الموظفين الي فيها زينين، لكن الي ذكرتهم فوق اعطيهم 10 على 10 في الترويج مع مرتبة الشرف حتى !!

و الي اعطيهم 0-10 .. أتعس مكان في بالي، هيئة الطرق و المواصلات، مايعرفون الله وين حاطنهم، شو شغلهم و شو الشواغر و شو الي الهم و الي عليهم .. :boxed:

[كشره]

وشو عن البلدية ؟؟؟ زينين ولا نص كم

وشحال الفراشات ؟؟؟

[بلوة حلوة]

اختي هالاسبوع كانت فـ دبي
فـ من يومين سارت المعرض
بالصدفه انا داقتلها وانا اقرى موضوعك سألتها انتي وين ؟
قالت فـ المعرض .. قلتلها أوّييييه كاتبين عنج فـ النت فضحتينا خخخ
عقب خبرتهـا السالفه
عـاااد هي ماصدقت .. تمت تتحرطم وطلعت كل الي فـ خاطرها والي شافته من البنات
لول .. قلتلها يالله وحده منهن تسمعج وتهد علييج ربعهااا يطيحن بج ظرررررررررررب !!
خخخ ..
حــَوَش !! \\ لوث في رواية أخرى \\
الي ساير يقـدم وظيفه .. بتتغير نيته يوم بيطاااع هالاشكال
بس يالله [ انما الأعمال بالنيات ] .. كيكيكي ..
وعقب يقولوون شبابنا مغازلجيه .!
يا عمّي هاييلا مب جايفين خيـييير عافان الله كل موقع عمل جلبوه مغااازل ..
نـرووح مؤتمراات أو اجتماعات أو شغلات ويا المدرسه وتكون مكـس
تلاقي كل وحده يايه كاشخه وويهها ودفتر الفنيه واحد ..
انزين احنا سايرين بـ حكم "الشغل" .. كاشخه ليش ؟! الجوااب باين على كيلو الطحين الي فـ ويهج !
جني طلعت من الموضوع لول .. بس يعني بغيت أبين ان النيه وحده
يعني يجلبون مكان الشغل لـ مغااازل .. تبين تغازلين روحي حق الاماكن المخصصه لول أقصد يعني
وايد سنااتر فـ البلااااد وفيها شباااب حق جـييي ..
بس هاييلا اللي يايين يشحتون وظايف أقصد يطلبون وظايف خليهم فـ حالهم ..
ناس يايه تترزق وظايف:vertag: وناس يايه تترزق شباب :12: ..
:3:

[سبيجة]

السلام عليكم

الموضوع يستاهل انه يوصل اربع صفحات وأكثر بعد,,,, والنقاش وايد حلو ..بس اتمنى لو نتكلم بواقعيه اكثر...ونتكلم عن شخصياتنا الحقيقية ,,,مب مجرد إثارة إعجاب الآخرين..(اتمنى محد يزعل من رمستي)...:smartass:


شخصياً,,,معرض الوظائف 2006 من أنجح المعارض التي شاركت فيها,, حيث إني من المشاركات في جميع المعارض التي تقام في المركز التجاري,,, وحتى لم ارشح من قبل دائرتي أحب أن ازور المعرض,,وألتقي بالزوار,,,لأستفيد ,, وقد استفدت كثيراً من العمل في المعارض ..

بالنسبة لنجاح معرض الوظائف 2006 يعود لتوقيع 590 إتفاقية من قبل هيئة التنمية وبعض الدوائر الحكومية والخاصة,,,حيث تأكدت شخصياً من صحة هذا الخبر..بعد أن تحدثت مع أحد المسئولين في تنمية... مما يثلج الصدر.. :yes: كما أن نجاح المعرض يعود لوجود المواطنين من الجنسين.. سواء في المشاركة وتمثيل جهات عملهم,,,أو من زوار المعرض...حقيقة سعادة لا توصف لرؤية كل هؤلاء الشباب والشابات,,,المواطنين ,,,سواء طلاب أو خريجين.... حتى وإن كانت هناك بعض التصرفات التي ذكرتوها..يبقى المعرض للمواطنين...

سأذكر بعض المواقف التي تعرضت لها مع زوار المعرض...

جاءت إحدى الأخوات من دولة عربية...تسأل..(والنبي مفيش وظيفة عندكم؟).. بدون تفكير جاءها الرد:المعرض للمواطنين فقط............................................ ..!!
(طب انا هسيب السي في بتاعي عندك...وحأدم الطلب....)
الرد للمرة الثانية:أعتذر ولكن المعرض خاص بالموطنين.. (وبعد خلت السي في على الطاوله سارت..وزميلتي ...تقولي صدق ويهج لووووح ....جان خذتي عنها على الأقل...وخلاف عقيه في الزباله)..رديت طبعاً ما بفوت.... هي إلا ويهها لووووح...مب انا ..يعني ها المكان الوحيد اللي استوى للمواطنين... بعد يبون شاركونا..!!


موقف آخر...مع أحد زملاء العمل... دخلت إحدى الفراشات (سنجاب_خفاش_لخمة) المهم عباتها تطير وراها...والشعر مسشور,,ومفتوح...والنظارة الشميسه على الراس,,والشيله في صوب... ولابسه جينز يمكن مال اختها الصغيره,,,والريل خاري......:nono: طبعاً حبت ترمس زميلي في العمل,,ولبستني بما إني بنت... :negab: في المنصة مالنا في يلسه داخل ...يلست ويا الريال يمكن عشر دقايق.. وانا اراقب..ما كان عندي شيء اسويه..والجو تقريبا هادي...المهم اسمعها تسأله كيف تعبي النموذج الوظيفي...وكانت تسأل عن كلمه اسم بالانجليزي...تقولها شو احط اهنيه .....انا ما تحملت كنت بدحها وبفرها خاري...بس خفت الريال يصدق عمره ويقول اني اغار عليه ,,,, :fa36: ظهرت برع ,,, لأنه دمها وايد ثجيل ,,,ما رمت اتحملها.... المهم بعد اشويه ظهرت ...وتأشرله بيديها,,,,(قلت في خاطري ما ألومه...يشوف كل هالدلع..والله يعلم الفقيره حرمته شو مسويبها العيال في البيت)... على طول ياني ...
قالي شفتيها....(وين ما شفت ها كله)..رديت هيه شو هاي خريجه ؟؟عندها خبره؟؟؟ راواني النموذج الوظيفي ...... وكانت صدق صدمة ,,, بس كاتبه في فئة وحده.....اللي هيه رقم الهاتف:::::narr: يبالها عصى محنايه... صدق إنها ما تستحي ,,,الريال ويهه معورنه ومحمر ...وانا صدق تلومت ,,,وهو يقولي هالرمسه.....:sadwalk:


بالنسبة لمكان عملي...كنا نستقبل السيرة الذاتية أو تعبأة النموذج للعمل الدائم أو الصيفي أو للمتدربين من الكليات والجامعات.... يومياً نستقبل 800 طلب... وبعد المعرض تم تصنيفهم... وكما تم مقابلة أكثر من 4 أشخاص في نفس الوقت.. وتحديد مقابلة يوم الأربعاء الماضي لمقابلة في الدائرة :fa34: (وحيث إني لا أعمل في إدارة الموارد البشرية أو التوظيف )لذا لا اعلم بالضبط بالأجراءات التي سيتم اتخاذها فيما بعد.. ولكن قبل المعرض تم تزويدنا بالمعلومات كاملة ليتسنى لنا الإجابة على استفسارات الزوار.... وليت كل من يتواجد في منصة عرض أي دائرة أن يراعي بأنه يعرض سمعة جهة عملة...

وما شهدته بأن أغلب المواطنين والمواطنات اثبتوا جدارتهم في هذا المجال...الذي لا يخلو من بعض الفئات...:kcl:


شخصياً..زرت منصة عرض الاتصالات المتكاملة du لا طمعاً في وظيفة جديدة.. بل لإشباع فضولي في اكتشاف هذا الصرح الجديد..والذي اتوقع له النجاح الكبير في الأشهر القادمة... (ومن كثر ما سألت ...وصلت لين مسؤول التوظيف...وطلب السيرة الذاتية الخاصة فيه..وقالي إني اجتزت المقابلة بنجاح..:shock: وأنا ابداً ما كنت حاطه في بالي.. اشتغل عندهم..كوني أخاف من الأماكن اليديده.. اللي دايما فيها قرارات تتغير باستمرار..بس وعدته اطرش له السيرة على البريد توني ذكرت هالشي)

بالنسبة لهيئة الطرق والمواصلات... لم أزر المنصة الخاصة بهم..بل قبل فترة زرت الهيئة..مع إحدى الزميلات الراغبة في تقديم أورقها... بصراحة انصدمت كثيراً كون أغلب الموظفين غير مطلعين على اساسيات الهيئة ولم تكن لهم إجابة على أبسط التساؤلات..!!! لست هنا لأقيم الهيئة أو غيرها ..ولكن شيء بالفعل يحرج ..!! بداية بموظفة الاستقبال التي كانت على وشك تلقي (طراق عسم) :negab: لوقوفنا أمامها لمدة 6 دقائق حتى تنهي مكالمه شخصية!!!! قد تكون الهيئة لا تزال في بداية الطريق..ولا يمكننا الحكم من الآن عليها...

كلام كثير أود أن أطرحة...لضيق الوقت اكتفي بما ذكرت...



السموحه

[شوق القلوب]

السلام عليكم..

بصراحه انا كنت متابعه لهالموضوع من بداية طرحه ، و كان و دي اشارككم في هالحدث من حيث السلبيات و الايجابيات..

بس للاسف.. ما سنحت لي الفرصه بزيارته ! و جداً ندمانه.. تعبنا من اليلسه البطاليه في البيت :(

.
.

سبيجه.. ما بتقبلون الـ CV مالي :sad4:

[الجديدة]

شكرا دكتور على الموضوع
الصراحه اليوم بس قرأت الموضوع
بس الصراحه كان خاطري أحضره بس ما حصلت حد يوديني
بس أخوي كان وايد متحمس لهذ الموضوع عشان أقدم أوراقي في مكان
المهم أخوي اتصل على ربيعه اللي في دبي و سأله عن رأيه في المعرض
كان يقول هذا معرض لمعارض أخرى مش للتوظيف

يعني في كلام صحيح و في كلام خريط
يعني البعض خرب على الباقيين

المهم زين خبرتني عن المعرض لاني ما رحت و حبيت اعرف شو صار فيه
خيرها في غيرها مع تنظيم أفضل في مرات الجاية

تسلم على الموضوع