مشاهدة النسخة كاملة : معقـــوله هالشــي في بلادنـــا !!
صريح
21-04-06 ||, 01:39 AM
الســلام علييكـم ..
اربيعي طرش لي لنك فيديو عن ريــال اسمه احمد سليمـان ريـال فالخمسيــن من عمره عـايش فراس الخيمه ..
صدق قلبي عورني !
والله والله قهر ... ويــن عاايشين احنــا ؟؟!! ....حشــا كوبــا مب داار بـو خليفه "الله يرحمه"
نلعــب بالفلــوس و نصرفها على اشيــاء ما تحتاجها و ننســى انه فييه ناس حتى اكل ليومها هب لاقيـــه
ما بهذرب وايد لانه صدق مالي خلق اتكلم عقب ما شفت الفيديو
صدق يوم قـالوا اللي اييده فالضوو هب شرا اللي اييده فالمــاي
:sadwalk:
شوفوا الفيديو و انتوا احكموا :
Click Here (http://majan.net/v2/video/majan-video-ahmadsuleiman-002/majan-video-ahmadsuleiman-002_media/majan-video-ahmadsuleiman-002.wmv)
اللهم لا تبلينـا
و السمــوحه
:fa43:
طير الغرام
21-04-06 ||, 01:45 AM
http://upload.bindubai.com/download/6eer_aam/6eer-salam-oasis.gif
حرام والله
واايد يغمض
.
.
ماقول غير الله يعين ويرحم !
http://upload.bindubai.com/download/6eer_aam/6eer-line-oasis.gif
لمّــاح
21-04-06 ||, 01:50 AM
اربيعي طرش لي لنك فيديو عن ريــال اسمه احمد سليمـان ريـال فالخمسيــن من عمره عـايش فراس الخيمه ..
أذانا غــرشــوب، ماخلا حد ماطرشله لنك هالريال المسكين أضني يحصل كومشن على التبرعات :harhar1: أول مره اشوفه مهتم هالكثر السالفة فيها إن :puppyeyes:
تسلم اخويه صريح على هالموضوع، و انا كذلك وايد اتضايجت يوم شفت الفيديو اتخيلت عمري مكانه، ماقدر ارمس، و امشي بريل وحده و فقير و وحيد .. كيف بكون ؟؟
اللهم لاتبلنا !
قلوب دبي
21-04-06 ||, 02:38 AM
حليله والله يكسر الخاطر ..
معقوله في بلادنا جي .. :(
مشكور عالموضوع ..
الـيـاه
21-04-06 ||, 02:39 AM
اويه حرااااااااااااااام
قلبي عورني والله :no0: , طاع المكان اللي يسكن فيه والله حرااااام
ها وين اهله ووين الدوله عنه حليله !!
احين شو بيرقدني انا :bye2:
.
.
.
لمّــاح
21-04-06 ||, 02:43 AM
لاحضت شي غريب في الفيديو، مادري اذا انتبهتو ولا لأ ..
عزة نفسه منعته من التسول و طرق بيبان الغير و السرقة، إعتمد على عمره في كل شي، حتى في بناء بيته هو الي بناه من مخلفات المدينة، تصليح سياكل الصغارية حتى ببلاش و ماكان ياخذ عنهم بيزات ..
سبحان الله، الله حرمه من بعض النعم لكنه انعم عليه بنعمة الإرادة و الأمل و عزة النفس :)
لبن مثلج
21-04-06 ||, 03:22 AM
ماشفت الفيديو ،،، لاني مابرقد الليلة ...
لكن ليش مانقوم بمبادرة انسانيه ونيمعله بيزات وحد يوصله؟؟
شورايكم؟؟؟
راعي الزعـامه
21-04-06 ||, 03:24 AM
لا حول ولا قوة الا بالله
صدق هالانسان اتحمل اللي مايقدر غيره يتحمله
العيش وحيدا وبساق وحده
الله يعينه
تسلم اخوي عالموضوع
كشره
21-04-06 ||, 04:26 AM
ربي يعينه ... لاحول ولا قوة الابالله
الحمدلله عالنعمة الي نحن فيها
شرجاوي
21-04-06 ||, 09:16 AM
الحكومه اللي تتفاخر ب مشاريعها اللي تتعدى تكاليفها مليارات الدراهم وينها عن هالريال ؟؟؟
الله يعينه
الحساس
21-04-06 ||, 09:25 AM
هذا الريال من المتعففين الي ذكرهم القران..
واظن انه مرتاح بحياته رغم قسوتها عليه..
شمعة أمل
21-04-06 ||, 10:06 AM
شي وايدين عايشين نفسه في اماكن مثل خصب و..الخ .. صح حياتهم نحن نجوفها صعبه لكن هم مرتاحين فيها
بس حليله يكسر الخاطر.. قلبي عورني عليه =(
قرموشة
21-04-06 ||, 11:21 AM
حرااااااااااااااام يا ربي ..
يعني حــكومــه RAK ما تدري بالســالفــه ؟
ما يدرون بحــال الريــال !! وما فكـروا انهم يساعدونــه لو بأقـل الاشيــاء ..
الله يرحـــمك يا بو خــليــفه .. لو دريــت بحــاله جان ما هــديتــه ..
حراااام . . يغمض ..
منــاوي
21-04-06 ||, 11:34 AM
لا حول ولا قوة الا بالله...
حليله والله يغمض :(
تسلم اخويه عالموضوع
حلم الطفوله
21-04-06 ||, 02:41 PM
لا حول ولا قوة إلا بالله
الحمد لله على النعمه إلي عايشين فيها
الله يرحمك يا زايد
إسهر معي ليله
21-04-06 ||, 02:51 PM
ما قول غير الله يعافينا،، والحمد لله على كل حال
و الله يعينه،، ويرزقه كل خير
مشكور اخوي
لو انعرض هالفلم في اخبار الامارات ..على قناة دبي..
جان اتغير الوضع..
الله يعينــــــه... صدق عايشن بنعمـــــه بس محد يشكر..
عهد الوداع
21-04-06 ||, 08:54 PM
هالشي طبيعي وخصوصا في راس الخيمه ..عادي ...
وايدين عايشين ومتكسره بيوتهم...يحليلهم شو بيسون ...وانا شايفه هالشي جدام عيني ...
هزاايم
21-04-06 ||, 09:02 PM
ماشفت الفيديو ،،، لاني مابرقد الليلة ...
لكن ليش مانقوم بمبادرة انسانيه ونيمعله بيزات وحد يوصله؟؟
شورايكم؟؟؟
هزاايم معااج
ولاحول ولاقوه إلا بالله
والحمدلله الذي عافانا:no0:
العجيبة
21-04-06 ||, 09:23 PM
ليش ما بترقـدون ؟ أحسن تشـوفون عشان تحسـون بقيمـة النعمـة اللي عايشين فيها ..
الحمـدلله على كل حـال ،
شكـرا أخـوي صـريح ع الفيـديو
بنت الدلع
21-04-06 ||, 09:51 PM
يحليله الله يعينه
كيف هالشي موجود في بلادنا
معقوله محد يعرف عنه !!
غرشوب
21-04-06 ||, 11:14 PM
لو انعرض هالفلم في اخبار الامارات ..على قناة دبي..
جان اتغير الوضع..
انعرض في مهرجان الإمارات السينمائي وجريدة الخليج رمست عنه ( يعني عندهم خبر عنه ) بس حكومة راس الخيمة الي تكسر اليبال ع حساب مواطنينها وتجني المليارات و كل يوم طالعه بمشروع مستانسه عليه مب مستعده تساعد ريال تعدى الخمسين مايسمع ولا يتكلم وعنده اعاقه !!
خيال الحب
22-04-06 ||, 08:27 PM
لاحول ولا قوة الا بالله..
الله يعـــينه..
ولد الحكومة
22-04-06 ||, 11:17 PM
وعليكم السلام والرحمه
اخوي في ناس حالتهم صعبه وايد ، بس محد يسئل عنهم ... والي غامضني اكثر انهم يالسين في بيوتهم ومحد يعلم بحالهم غير رب العالمين ؟؟؟
حبوبه دبي
23-04-06 ||, 01:18 AM
:sadwalk:
ويــنهم عنــٌه !!!
ألم ترى
23-04-06 ||, 01:24 PM
بسم الله الرحمن الرحيم
لاحول ولاقوة الا بالله
الحمدلله على كل حال
اخواني الاعضاء
يت على بالي فكره وهي اني انسخ هالفلم على سي دي واطرشه لـ الشيخ طالب بن صقر القاسمي
يمكن حد يساعده وانا من اليوم إن شاء الله بحاول اطلع وين بيت هالريال بالضبط عشان عندي كم فكره ابي اسويها إن شاء الله
حبايبي اللي يقدر يساعدني بأي شيء لا يبخل واقصد الافكار
صريح
يزاك الله خير وكل خير انك حطيت لنا هالفلم اللي جدد فينا روح النعم
بحفظ الرحمن
صريح
23-04-06 ||, 02:57 PM
تسلمــون ع الردود
محب الشيخين
بتسوي خيــر لو توصله للشيخ طالب و هو معروف عنه ريـال ذرب و النعم فيه
و تسلم ع هــاي المبـادره الرائــعه
و اذا بغيت مسـاعده خبرنـا على طول و مـا يردك الا لســانك
:yes:
و ان شـاء الله الاعضـاء ما بيقصـرون
دانة حتا
23-04-06 ||, 03:07 PM
حـــــــــــــــــــــــر ااام والله يكسر الخاطر
بس شو انقول واايد منهم هالناس المحتاجين
وين الدوله والناس عنهم
والله عورني قلبي عليه
الله يعين ويرحم