المساعد الشخصي الرقمي

مشاهدة النسخة كاملة : الدرس الرابع في التصوير الضوئي ( التعريض الضوئي 1 )


الحاضر الغايب
20-04-06 ||, 06:54 PM
السلام عليكم ورحمة الله وبركاته ..

يالله ما بغيت انزله هالدرس :fa36: ... ان شاء الله بس ما تكونون نسيتوا الدروس اللي قبلها ...

طيب نرجع نذكركم فيها شوي قبل ما ندخل في الموضوع اليديد والحلو ...

الدرس الأول كان عن انواع الكاميرات وطريقة تصنيفها (http://oasis.bindubai.com/bin/showthread.php?t=29309)

والدرس الثاني كان عبارة عن مقارنة واظهار سلبيات وايجابيات كل كاميرا ... (http://oasis.bindubai.com/bin/showthread.php?t=29338)

والدرس الثالث تكلمنا فيه عن طرقة عمل آلة التصوير (http://oasis.bindubai.com/bin/showthread.php?t=29622)

----------

عنوان الدرس : التعريض الضوئي ( سرعة الغالق )

بإختصار جداً شديد نقدر نقول ان الصورة عبارة عن انعكاس الضوء على سطح الفلم

طيب اذا نحن نبا نطلع الصورة اللي نشوفها شو لازم نسوي ...؟؟ طبعا لازم نحدد كمية الإضاءة اللي داخلة للكاميرا ...

هاااا وصلنا .... كيف نقدر نحدد كيمة الإضاءة اللي داخلة للكاميرا ...

ثلاث اشياء اذا قدرنا نتحكم فيهم بالكاميرا نقدر منها نتحكم بالإضاءة اللي داخلة للكاميرا ونطلع احلى صورة

1- سرعة الغالق Shutter speed

2- فتحة العدسة

3- نفاذية الفلم او حساسية الفلم للضوء

----- ======== -----
1- سرعة الغالق

الصورة هذه توضح مكان الغالق وفتحة العدسة

http://upload.bindubai.com/download/shar74/2.jpg

سرعة الغالق هو الوقت اللي يتم فيه الغالق مفتوح ...

وكل ما تم الغالق مفتوح اكثر ... كمية الضوء راح تدخل اكثر

سرعات الغالق محدده من الكاميرا نفسها ... واللي سووا الكاميرا ريحونا من سالفه الارقام وحسبوا متى يلعب فارق الوقت دوره في تغيير كمية الضوء ... واكشتفوا انه اذا خلينا سرعة الغالق اسرع مرتين من اللي قبلها هني كمية الضوء تختلف من صورة لصورة ... وهذه هي سرعات الغالق

http://upload.bindubai.com/download/shar74/1.jpg

وفي الكاميرا ما يكتبون 1000/1 بس يحطون 1000 او 8000 او 8 ... اذا كانت الارقام جي ... هذه الارقام تعني بالالف ....اما الثواني فيحطون على فوق الرقم على اليمين خطين صغار .. يعني بالثانية

طبعا الكاميرات اليديده سرعة الغالق فيها وصل لواحد على 4000 او واحد على 10000
وفي الثواني وصلوا 30 ثانية

وفي الكاميرات اليديده نقدر نغير في هذه القيم ونعطيها الاولوية ونخلي الكاميرا روحها تعدل في فتحة العدسة بإستخدام خاصية الـ Tv واللي هو اختصار لكلمة Time value "قيمة الوقت" ... ما عليكم من هذا عقب بشرحه


اللي لازم نعرفه في سرعة الغالق انه كلما خلينا سرعة الغالق سريعة مثلاً 1000/1 كلما كان الضوء اللي داخل للفلم اقل

واذا خلينا سرعة الغالق بطيئة مثلاً 4 ثواني راح نفتح الغالق لمدة اربع ثواني وهذا اللي بيخلي كمية الضوء اللي داخله اكثر...

راح اوضح في الرد اللي بعده بالصور في حالة تغيير سرعة الغالق والفايده منه ...

---------


ما ابغي اثقل عليكم في المعلومات عسب ما تتخربطون ... لانه هذه الاسياسيات اهم شي ....
الدرس الياي بيكون عن فتحة العدسة وحساسية الفلم ان شاء الله


اتمنى فادكم الدرس ...

... لاتترددون في طرح الاسئلة اذا ما فهمتوا ...

والسموحه ...
الحاضر الغايب
20-04-06 ||, 08:17 PM
http://upload.bindubai.com/download/shar74/3.jpg


لاحظوا وين تفيدنا سرعات غالق سريعة ومتى تفيد سرعات الغالق البطيئة ... وتأثيرها على الحركة

طبعا المادة مثل ما ذكرتها لكم من كتاب التصوير الضوئي التقليدي والرقمي
الاسطوري
20-04-06 ||, 08:25 PM
السلام عليكم ..

اليوم الشمس من وين طالعه ،، ماتوقعت إنك يتنزل الدرس قبل
الصيف ،، معلومات يديده ومفيده وننتظر منك
البقيه يثبت الموضوع
:harhar1:

الاســـطـــوري
أخوكم
الحاضر الغايب
20-04-06 ||, 08:39 PM
هههههه شفت كيف يالاسطوري ....:kcl:

بروستغما :harhar1:
الحاضر الغايب
20-04-06 ||, 11:04 PM
صورة توضيحية ثانية من تصويري ...

على ايام دورة التصوير ... كنا في سوق جميرا ...

http://upload.bindubai.com/download/shar74/Picture1.jpg


كانت الساعة 9 ونص في الليل ...بس من كثر ما خليت سرعة الغالق بطيئة سحب الضوء كله من المكان وخلاه كنه الفجر او على المغرب

سرعة الغالق خليتها 30 ثانية ... ؟؟؟

والسموحه ...
أمواج
21-04-06 ||, 01:20 AM
الحـاضر الغايب
كــان فيني فضـول اعرف عن سرعة الغــالق
وإنت ماشالله ماقصــرت من هالنــاحيه . .
لمّــاح
21-04-06 ||, 01:24 AM
السلام عليكم ..

تسلم يالحاضر الغايب على هالموضوع الحلو، ساعدتني و خففت عليه، يعني فكيتني مابشرح عن سرعة الغالق في الموضوع الياي ..:harhar1:

أسمــيك انته !! مشكلة قوم بو فلم، الناس اطورو و وصلو القمر و في راس الخيمه بيفتحولهم مطار حق الصواريخ و بن سليم دفن البحر و زرعلك نخل و العبار يبني فنادق في السحاب و بعدك انته على كيمرتك ام الفلم !! :fa56:

عشـنا و شفنا :11:

يالله تسلم عالموضوع، و بصراحه وفرت عليه جهد كبير بس كنت اتمنى لو انك تكلمت ايضا عن فتحة العدسة و ال ISO ويا بعض لأن هالاشيا ايضا تتعلق بالشتر سبيد خصوصا اذا كان الشتر عالي و الضوء خفيف ف الحجرة، أو العكس، الشتر بطيئ و الضوء قوي و صاطع على المادة الي تصورها ..
ذنـيـنـي
21-04-06 ||, 01:37 AM
ما شاء الله عليك يا بو شهاب

وايد استفدت من الدرس و حبيت اضيف لكم معلومة صغيرة و الي هي انه في "اغلب الكاميرات",, سرعة الغالق الي اكثر من 4000/1 يعتبر اغلاق رقمي و ليس غلق فعلي الا في ما ندر

اعتقد انه اسرع سرعة لغالق الى الان يعتبر لصالح شركة كونيكا مينولتا و هي لكاميرا فلمية و وصلت الى 12000/1 و هو غلق فعلي و ليس رقمي
لمّــاح
21-04-06 ||, 01:53 AM
مرحبا ..
ردا على كلام الاخ ذنيني، او تكملة للي قاله، محد فينا بيستخدم شتر فوق ال 2000 ، اصلا حتى ال 2000 وايد و باجي الارقام اعتبرها انا مجرد ارقام مانستخدمها ..

حتى الطيارة الحربية عشان تصورها ماتحتاج لأكثر من 1500 .. يعني الثانية الوحدة تقسمها لألف و خمسمية جزء، و الصورة الي بتاخذها من هالجزء الي من ال 1500 !!
قلوب دبي
21-04-06 ||, 02:01 AM
^_^

ماشاء الله عليكم
الدرس وايد حلو و معلوماته مفيده
تسلم لنا يا خويه عالدرس ..
بانتظار الدروس الباجيه ..

قلوب دبي
ذنـيـنـي
21-04-06 ||, 06:13 AM
تعقيبا على كلام بو جاسم

الرصاصة,, الي هي رصاصة تحتاج الى سرعه 2000/1 عشان تقدر تثبتها

و طبعا ما تقدر تستخدم اي عدسة مع هذه السرعات,, العدسة لازم تكون واسعه جدا عسب اتدخل اكبر كمية من الضوء اثناء التصوير السريع جداً
لمّــاح
21-04-06 ||, 03:15 PM
أدري، انا كنت اتكلم عن التصوير العادي ( المألوف ) و الي نقدر نستخدم فيه العدسات العادية :)
العجيبة
21-04-06 ||, 03:24 PM
من وين يطلعون هالارقام في الكيمـرا ؟ خخخ أنا أشك ان كيمـرتي فيها شتـر خخخ
البارحة طول الليل وانا ادور .. ما حصلت شـي ، آخر شي خلصت البطارية !

وشكـرا ع الشـرح أخوي الحاضر الغايب ..
خيال الحب
22-04-06 ||, 08:55 PM
السلام عليكم

ماشاء الله عليك..


اناااا من زمااااان خاطري اتعلم هالشـــي.. من يوم شفت الصورة الي حاطنها اخوي لمااااح خخخ في لندن على ما اعتقد..


وبانتظار درسك اليديد
عفاريتووو
23-04-06 ||, 06:56 PM
عليكم السلام

يطلعلي عــ الشاشة يوم اضغط ع الشتر
1/30
:kkk: وكل شوي يزيد ها هو صح

تسلم اخوي عــ الدرس ,, استفدت منه واييد
خيال الروح
23-04-06 ||, 07:35 PM
الســلام عليــكم

تسـلم أخوي الحـاضر الغـايب على الدرس

بس ما عرفت اطـبقه على كيمرتي :nono:

:
صدى جوفي
24-04-06 ||, 02:25 PM
الدرس وايد مبسط و مفيـــد ..

نتــرقــب جديدك من الدروس ..

الحــاضر الغــايب .. تسلــــــم عالمجهـــود الطيب
تحفه
27-04-06 ||, 10:25 AM
شـاطرين والله ..

حلو والله قمتوا تهتمون في التصوير .. ان شاء الله جي مره وحده انصعق واشوف واصلتني دعوة قالري صورك ..

شدو الحين .. نبي نشوف اكثر :yes:
الاسطوري
02-05-06 ||, 08:26 PM
ينزل من التثبيت
الحاضر الغايب
19-05-06 ||, 08:28 PM
أمواج

العفو اختي ... وشكرا على التواجد

لماح

العفو اخوي ... شفت عاد كيف راعي الفلم شو يسوي
وان شاء الله بكمل الشرح وحط عن كل الاساسيات

ذنيني

الكل ان شاء الله يستفيد ... وتسلم على المعلومة عزيزي

ولي عودة مع باقي الردود

والسموحه ...
الحاضر الغايب
30-06-06 ||, 06:17 PM
العجيبة

الله يسلمج في الكاميرات اليديده او السايبر شوت فيها هذه الخاصية من الـ setting اظني ... او شوفي الدفتر ماله اكيد بتحصلين فيه ...

ومشكوره على تعقيبج ...

والسموحه على التأخير ....


خيال الحب

العفو طويل العمر وان شاء الله الدرس الياي في الدرب :yes:


عفاريتووو

هيه اختي هو هذا سرعة الغالق :smartass:

الله يسلمج اختي ... وشكرا على التواجد ....


خيال الروح

العفو اختي ... وهذا الواجب الله يسلمج
افا ليش ما قدرتي تطبقينه على كيمرتج ... شو نوع كيمرتج ...؟

صدى جوفي

الله يسلمج اختي صدى جوفي ... والف شكرا على التعقيب المشجع :yes:


بوظبي

ان شاء الله اختي اكيد في اكثر :yes:

الاسطوري

ما يستوي مرة ثانية يتثبت انزين :kkk:
مشكور اخوي وفيك الخير brgll:


والدرس الياي جريب ان شاء الله ... وسامحونا على التأخير