هب قصه بس ابغي تفسيركم..

[الحساس]

:

:


:

[نجمة دبي]

السلام عليكم

قريت السالفه .. وفكرت .. واستنتجت ..

ان ام حمدان تبغي تتقرب من من عايلة بو ساره عسب تخطب ولدها لساره ..

شو رايك ؟



نجـــــــ دبي ــــــــمة

[شوق القلوب]

السلام عليكم..

ممم.. يمكن عايله بو ساره طمعانين في حمدان و خاطرهم يكون لبنتهم هند.. فمن جي بدوا يوطدون العلاقات عشان اتكون البنت في ذهنهم و يمكن عايله بو حمدان يفكرون يخطبونها اذا عزم حمدان ع الزواج..!

.
.

دايما نسمع عن هالتصرفات.. في ناس تشتري الولد.. و خصوصاً اذا كانت له سمعه طيبه.. و الاهل ما يبون الا الزين لبنتهم.. :)

[لمّــاح]

ردي من رد الاخت شوق القلوب، نفس الكلام الي ابا اقوله :)

[شوق القلوب]

صح.. نسيت أقول شي..

مرات الاهل يحسون انه عيب و شي كبير انه بنتهم تفسخ خطوبتها ، و انت أدرى كيف العوايل اتحاتي كلام الناس..! من جيــه يبون يغطون على سالفه الخطوبه الجديمه.. بخطوبه يمكن اتصير لو قربوا حمدان بهند.. من جيه ما خبروا انه هند فسخت الخطوبه و يبون حدث يديد يسكت كلام الناس عن أي تعليق بالموضوع.

[صدى جوفي]

السـلام عليكــم..

؟؟؟؟؟؟؟ ما نضعه تفســيراً لتصرفات أولئك الناس .. ولكــــن الهدف واضح

’’ توطيد العلاقات الأسرية لا غير‘‘ وياحبــذا لو نصــير نســايب (;

منظور آخـــر...

بس ما كانت صاحبة الشأن ’مخطوبة‘ والحمدلله .. ليــش مسابقة الأحداث للبحث عن - معرس يديد-

ومن الأهــل وبطريقة - خبط لزق- .. ؟؟

كل الاحتـــرام .. صـــــدى جوفي‘

[قرموشة]

نــفس الكلام تقريبــا .. أي انه أم البنت .. تبا الولــد لبنتهــا ..

[أمواج]

:mar7aba:
.
.
.
.
يقــولك : إخطــب لبنتــك ولا تخطــب لولدكـ . . .

[حلم الطفوله]

يمكن سمعوا من الناس إنه هند فجت خطبتها ويبون يتأكدون ويعرفون السبب هل من هند أو من خطيبها ولو السالفه ما فيها إن من جدا هند بيتوكلون على الله وبيخطبونها لحمدان إلي من شافها من هاك اليوم إمأذي أمه عشان تخطبها له!

أسميها قصه!

[منــاوي]

مرحبا ...

انا بعد اتوقع انه ام ساره تبا حمدان لبنتها هند

وعادي هاي السالفه اتصير وايد هاي الايام وخاصة ان البنت كانت فاصخه الخطوبه
يعني الاهل يخافووون من الرمسه ويحاولون يلصقوونها في الولد

[الحساس]

اوكي ... بداية شكرا للتعقيبات والاراء..

رغم ان سالفه ( تلصيق البنت في الولد ) هب حلوة مووول وخاصه لو ان كانت مخطوبه..

المهم

السؤال للشباب الحين...


انت يا راعي البر او البحر عرفت السالفه ...
بتقبل انك تاخذ وحده كانت مالجه او مخطوبه لحد غيرك قبل؟؟؟ يعني هذا الريال الي ملج عليها قبل رمسها وشافها!! بتقبل؟؟؟؟؟؟؟؟؟؟؟؟؟؟؟؟؟؟؟؟

[نور الإيمان]

بتقبل انك تاخذ وحده كانت مالجه او مخطوبه لحد غيرك قبل؟؟؟ يعني هذا الريال الي ملج عليها قبل رمسها وشافها!! بتقبل؟؟؟؟؟؟؟؟؟؟؟؟؟؟؟؟؟؟؟؟

:nono: ليش لا؟؟؟

[ذنـيـنـي]

عــادي

هالشي ما اشوف انه فيه عيب او غلط,,

الا هو فسخ خطوبه,,

انا مب ساير اخذ مطلقة و "عاشت في بيت ريلها" و عقب افترقوا

وايد يستوي هالشي انه الشخص يخطب و يملج و تستوي مشكلة بين الشاب و البنت
يمكن بسبب عدم التوافق بينهم, و يمكن بسبب عيب ما في الشاب او البنت

و هالشي ما يعني انه البنت سوت شي غلط و تستاهل انه محد ياخذها لأنها انخطبت من قبل,, بالعكس اشوف الموضوع جداً عادي دام انه البنت "محترمه" و حاشمه عمرها و عارفه ربها.

[نور الإيمان]

انا مب ساير اخذ مطلقة و "عاشت في بيت ريلها" و عقب افترقوا

:nono: و ليش لا !!!!!!!!!!!!!!!!!!!! :nono:

[أمواج]

بتقبل انك تاخذ وحده كانت مالجه او مخطوبه لحد غيرك قبل؟؟؟ يعني هذا الريال الي ملج عليها قبل رمسها وشافها!! بتقبل؟؟؟؟؟؟؟؟؟؟؟؟؟؟؟؟؟؟؟؟


ليش وين الغلط في هالشـــي . . .
اعتقد هالريال اللي تطريه كان حلال كل شي من بينهــم دام مالج عليها يعني ماشافها ولا رمســها بالحرااام . . .

[المزوحي]

أم سارة تبغي تقرب حمدان لبنتها هند .. ممكن هند كانت تتكلم عنه جدام أمها .. وودها إنه يخطبها

[تحفه]

انا اكره هالسوالف ..

مستحيل ارضى بالـ سياسه مهما حييت ..

[تحفه]

ابس اسال سؤال حق الاولاد .. عادي؟

[حبوبه دبي]

تفسيــرهــم فـ محلـــه ،،

وليش لااا !!

بالعكــس :fa35:

كيــف كــانوو والحيــنه كيــف صــاروو ،،

لمــٌو شمـل العــايلــه اذا ارتبطــوا فيهـم اكثــر ،،

:yes:

والسمــوحه

[المزوحي]

تفضلي ام خدود ... ويييييه وين صاحب الموضوع .. مافي اشكال تطرح السؤال ؟

[الحساس]

اكيد الموضوع لليميع الي يبا يسال يسال وحياه الله

ومايحتاي اذن مسبق

[ذنـيـنـي]

:nono: ليش لا؟؟؟

‏حدثنا ‏ ‏آدم ‏ ‏حدثنا ‏ ‏شعبة ‏ ‏حدثنا ‏ ‏محارب ‏ ‏قال سمعت ‏ ‏جابر بن عبد الله ‏ ‏رضي الله عنهما ‏ ‏يقول ‏
‏تزوجت فقال لي رسول الله ‏ ‏صلى الله عليه وسلم ‏ ‏ما تزوجت فقلت تزوجت ‏ ‏ثيبا ‏ ‏فقال ما لك وللعذارى ولعابها


‏حدثنا ‏ ‏إسماعيل بن عبد الله ‏ ‏قال حدثني ‏ ‏أخي ‏ ‏عن ‏ ‏سليمان ‏ ‏عن ‏ ‏هشام بن عروة ‏ ‏عن ‏ ‏أبيه ‏ ‏عن ‏ ‏عائشة ‏ ‏رضي الله عنها ‏ ‏قالت ‏
‏قلت يا رسول الله أرأيت لو نزلت واديا وفيه شجرة قد أكل منها ووجدت شجرا لم يؤكل منها في أيها كنت ترتع بعيرك قال ‏ ‏في الذي لم يرتع منها تعني أن رسول الله ‏ ‏صلى الله عليه وسلم ‏ ‏لم يتزوج بكرا غيرها
فتح الباري بشرح صحيح البخاري



المطلقة ما فيها شي ولا حتى الأرملة,, أهم شي انها تكون حاشمه نفسها و عارفه ربها

[نور الإيمان]

بسم الله الرحمن الرحيم

نعم .. اعرف هذه الأحاديث .. و ايضا ان الرسول صلى الله عليه و سلم تزوج من مطلقات و ارامل!! ..

لفظتكم في الرد كانت استنكارية .. و كأن المطلقة او الأرملة لا يمكن ان تتزوج مرة اخرى!! لهذا استنكرت الحديث كله ..

جزيتم خيراً

[ذنـيـنـي]

صح كلامج اختيه,, لفظي كان استنكاري و مش واضح بما فيه الكفاية

و القصد منه مش انه المطلقة او الارملة لا يمكن انها تتزوج مره ثانية,,

بل القصد منه هو اظهار "وجهة نظري" في "رفضي أنا شخصيا" بالارتباط بامراة مطلقة او ارمله

[نور الإيمان]

يسم الله الرحمن الرحيم

السلام عليكم و رحمة الله و بركاته اما بعد ..

نعم اعلم تماما انها وجهة نظركم الشخصية في الرفض في ارتباط بامرأة مطلقة او ارملة .. و هو واضح انه رأيكم و كان استنكاريا .. لا اقل او اكثر ..

على كل حال .. وجهة نظر مني ايضا .. حول موضوع عدم الرغبة في الزواج بمطلقة او ارملة ..

جزيتم خيراً