اففف اففف ريــحه..

[الحساس]

:

:


:

[شوق القلوب]

الســـلام عليـــكم...


تســـــــــــــــلم ايدك يا دكتـــور على هالموضـــوع .
ويــاك حق في كل كلمه.. و هالظــاهره منتشره للاسف عند بناتنا..
مرات أتمر عليك الوحده عطرها يشل الدنيا.. و اقول في خاطري " اذا انا بنيه و جيه لفتني عطرها.. عيل شو حال الرياييل !! "
.
.

اللي ما يعرفونه البنات.. انه اذا ريال شم عطرهم تعتبر زاااااااااااااااااااانـــ ــــــيه .. و اتعرفون شو معنى زااااانيـــــه.. وواجب عليها عشان تنقبل صلاتها انها تغتســـل عقب عطرها هذا !! وطبعا صلاتها ما بتكون مقبوله دامها متعطره و يشمها الرياييل.. !! يعني.. كل صلوات مب مقبوله ..
.
.
والله قلبي يحرقني عليهم.. صح العطر يعتبر من مظاهر اهتمام الانسان بنفسه ، بس بعد يكفي للوحده اللي عارفه انها بتجابل رياييل يكون مظهرها مرتب وتهتم بنفسها وبدون عطور .

.
.

ولا تنسون.. ترا الدريوليه.. ريـــاييــــل !!
و اتحملوا ..!

[لمّــاح]

مرحبا ..

هالشي منتشر، و احس انه عادي عند بعض البـنات !!

مثلا في الدوام قبل لاتضهر من المكتب، بخت كمن بخه، و اول ماترد تتعطر بعد مره ... على هالحالة لين نهاية الدوام ... عشان الريحة ماتخوز و اتم بريحتها الحلوة ..!

[أمواج]

:mar7aba:
.
.
.
مســاك الله بالنــور والســرور دكتــورنا . . .
هالشــي وايد يصيــر عدنــا . . خاصــه في الكليــات و الجامعــات . .
البنت إتــي الجامعه و العطر و الدهن العوود من على بعــد كيلو . . عنبووه حاسبي شوي . . اللي بتسيرين عنــده ريــال . . مب حرمــه عشان تتسبحين بالعطــر . . .
والله ماقــص عليــكم . . قبل ما اطــلع من الكليــه . . مرت عدالي وحـده . .
حشــى مب عطــر صابتنه عليــها . . قولوا دراام عطــر p: والله ماقص عليــكم
انا برووحي قاعده اقوول لنفســي هذي وين سايره . . .؟! بتجــابل دكــاتره . . والهنـود اللي يشتغـلون . .
وكــله محســوب لهــا بالزنـــا . . اسغفــر الله . . ياكبـرها عن ربي . .
الله يرحمنــا برحمــته . .
أنــا أعــرف بنــات ماشالله عليــهن . . والله اذا اللي بيدرســهم ريــال مايتعطروون . . طبعــا العطر في الشنطــه واذا يسيرون عند حريم عادي يتعطروون . . .
شو بنقــول بس . .
الله يهديــهن ويصــلح أمــورهن . .
.
.
.

:bye2:

[الـيـاه]

سلااام

مشكور اخويـه على هالموضوع المهم ..


صارت عاده ان الواحد يوم بي يظهر بيتعطر
بكل صراحه انا اتعطر بس مب لدرجة اني اتسبح بالعطر :nono: ومب لدرجة انه بينروح من بعيد

لان اصلن عطوري دومها هاديه وما اكثـّر من التعطير
ألا جان عزيمة وألا شي :kkk: بس اذا مكان عام يكون شي بسيط


والسموحـه

بس مادري معقوله في حد اقصد بنات ماتعطرن مول برع البيت ؟
مع اني دوم اشوف شنط البنات لازم يكون فيها عطر :doh:


.
.
.

[كشره]

اشكرك يالحساس على التذكير لان الذكرى تنفع المؤمنين ..

هي لحظات تمر على كل ريال وتنتهي لكنها اتم في سجل اعمالها الي بتتحاسب عليها في قبرها ....... والله مايسوى عالبنات هالمكياج والتبرج الي يقطع القلب ...............
ماهو الا جهل.. وهالاحاديث مامرت عليهن لان كل الي يعرفونه .. الميدان واليوله والسينما وستار اكاديمي ونجوم الخليج ...............

لكن تعال واسال وحدة عن سيرة الرسول صلى الله عليه وسلم مابتعرف اتجاوبك

[ذنـيـنـي]

اشكرك يالحساس على التذكير لان الذكرى تنفع المؤمنين ..

هي لحظات تمر على كل ريال وتنتهي لكنها اتم في سجل اعمالها الي بتتحاسب عليها في قبرها ....... والله مايسوى عالبنات هالمكياج والتبرج الي يقطع القلب ...............
ماهو الا جهل.. وهالاحاديث مامرت عليهن لان كل الي يعرفونه .. الميدان واليوله والسينما وستار اكاديمي ونجوم الخليج ...............

لكن تعال واسال وحدة عن سيرة الرسول صلى الله عليه وسلم مابتعرف اتجاوبك

للأسف هذا حال اكثر من ثلاث ارباع البنات :no0:

[نبراس الليل]

الســـلام عليـــكم...


.

اللي ما يعرفونه البنات.. انه اذا ريال شم عطرهم تعتبر زاااااااااااااااااااانـــ ــــــيه .. و اتعرفون شو معنى زااااانيـــــه.. وواجب عليها عشان تنقبل صلاتها انها تغتســـل عقب عطرها هذا !! وطبعا صلاتها ما بتكون مقبوله دامها متعطره و يشمها الرياييل.. !! يعني.. كل صلوات مب مقبوله ..

و اتحملوا ..!




ولما من الواجب أن تغتسل من عطرها قبل الصلاة ....؟؟؟؟؟

وهل رائحة العطر تطرد الملائكة أم إن المرأة تعتبر نجاسة إن تعطرت

ماأعرفه إنه لايجوز الصلاة في المسجد للمرأة وهي متعطرة ومتطيبة وليس الصلاة في البيت

فقط للتنويه وأشكرك على حرصك وأشكرك الأخ الحساس على الموضوع الطيب

[الحساس]

في راي وسط..

البنت الي تبغي تتعطر. خلها تتعطر لنفسها... يعني..

تتعطى تحت العباة هب من برع!! وبالتالي نحدن بيشم ريحة العطر غيرها هذا في حال اذا البنت ظهرت برع بيتها..

لكن اذا كانت في مجتمع انثوي مافي اي اشكال انها تتعطر شرا ماتبى...

[شوق القلوب]

السلام عليكم..


طارق.. انا ماقلت انها اذا اتعطرت لازم تغتسل..!!

اللي قصدته انها اذا اتعطرت و شمها ريال محرم عليها وبحديث الرسول تعتبر زانيه و العياذ بالله ..

وواجب عليها وقتها انها تغتسل لانها دخلت في حكم الزنا ووجب عليها الطهاره..

.
.

هذا ما فهمته و عرفته.. و اذا انا غلطانه.. صححولي..

[دانة حتا]

الصراحه الموضوع رائع
ومعاك حق في اللي قلته الحساس
ومب بس الرياييل اللي يتخدرون من الريحه
انا وحده كذا مره الصراحه امشي ورابنت بمسافة كيلو
بس ريحة عطرهااا تفر راااسي من قوتها
عيل الاساتذه شو بيسوون مســــــــــــاكين

الله يهديهم ان شاء الله
وتســـــــــــلم على الموضوع

[تحفه]

إمممم .. ليش الرياييل عادي يتعطرون؟!؟
ترا البنت شرات الولد روحهم وحده صح ولا غلط؟؟

يعني مب بس الريّال يوم يروح ريحه حلوه يقول ألله هاي ريحتها حلوه .. حتا البنات يوم يروحون ريحه حلوه ( سواء ريال ولا حرمه ) يقولون ألله ريحته/ تـها حلوه

so المفروض الواحد يوم يبا يتعطر يتعطر بعطر خفيف اذا كان بيسير وبيتعامل وي ناس ( اتكلم in general ) بمختلف الاجناس إلا اذا كان ساير عرس ولا شي جيه

حبيت بس اقول وجهة نظري ومب معناته اني ضد الحديث الي قلتوه فوق

[قلوب دبي]

مساك الله بالنور يا دكتور ..
مساكم الله بالخير اخواني ..

النفس وايد ضعيفه ، و الانسان لابد من ان يتحمل على عمره ، يا جماعه ما منعوا العطر و لكن مب معناته انهن يبالغن ، الصراحه انا ما احبذ البنت انها اتكون متعطره و مخلصه العطور ، و تظهر تمر عالعرب في كل وادي ، بنظري انه البنت لي يت تريد تتعطر تعطرت لعمرها و ما اتبالغ ..
بعكس يوم تخطف وحده ما تروح منها ريحه عطر وغير يوم تمر وحده ثانيه الريحه تقول يا فلان شوفني ..
وكل بنت تريد الحشمه لعمرها ، وما ترضى انه حد ينظر لها ..
نسألك اللهم ان تحفظنا يا رب ..

مشكور يا دكتور ..

قلوب دبي

[قرموشة]

في الجامــعه عدنا .. حدث ولا حرج ..
ريحتها تنشم وهي على بعــد ميييل ..

انا البنت .. وتغريني الريــحه ويكون في خــاطري أروحــها مره ثانـيه !!!! .. فما بالك بالريال لما يروحــها ؟؟ !!

بس ما أقول غــير الله يهديهن ..
وهذا مب معنـــــــاته اني مووول ما أتعــطر .. أتعــطر .. بس في مكــان معين .. ومب صوب الريــاييل ..

[هزاايم]

أويييييه رااحل بالي ابعيد يوم قريت افف ريحه:doh:
اول حاجه السلام عليكم والرحمه الله
وبعدها لا اعتراااض بهذا الأمر
صحيح إلي قلته يعني عن نفسي يوم نساافر تشووف إلي ماينشااف يعني بنت العرب إهنااك تنعرف بريحة عطرهاا سوى كنا مخلط ودهن عود ولاعطر فرنسي قولي ليش
ماشاء الله ظني نص الغرشه متسبحه بها:nono: قبل لاتظهر
يعني حراام عليكم هذا إلي تسوونها صابتنيه حساسيه من قوة الريحه أصلا هم مهتمين بهالشي:ice: المهم احيد موقف صاار لوحده اعرفها تقول ليه وحده سألتنيه نوع المخلط إلي استخدمه وقالت لها إنها هي إلي مسوتنه ومش مصدقه ربيعتيه تمت تقول هذا مع هذا وهالكثر حطي وكذى ويوم خلصت تقول لها الحرمه يابنت خافي ربج:puppyeyes: ومن ذااك اليوم ربيعتنا لكالحمد ربي صاارت شرااتنا عطورنا معانا ما نتعطر بها إلا لو كنا جمعت بناات ومن يومها كل منظهر تقعد تروحنا إذ نرووح طيب ولا تقول لولا الحرمه لكنت غافله
فالزبده شو رااح يكوون حالنا لو ظهرت لنا جماعة الأمر بالعرووف والنهي عن منكر لكن بدوون العصي والتعصب بالكلمه الطيبه ولسان الحلو رااح يفيدوونا ولا...
الله يهدي الجميع

[لبن مثلج]

د. حساس

البنت الي تتعطر مب بنت عز .. بنت جاهلة بامور دينها ... :no0:

ونقدر انقول عنها بنت عز يوم بتكون غنية بالامور الفقهية الي بتمنعها من المحرمات ...

نسال لهن الهداية... امين

تحياتي المنعشة للجميع :ice: