حســافة .. كان لي بينكم أحلـى الذكريات..!!

[صمت الدموع]

السلام عليكم ورحمة الله وبركاته

مادري كيف أبــدي ..؟!!

على ما اعتقد ..

كل انسان يمر بظروف تجبره انه يتغير ..

وكــل منا يمر باوقات ضيج وحزن .. يتعب فيها

تبــون الصدق والله مادري شو اقول ..؟!!

مضــايجه وواصلــه حــدي من الضــيج

صــح اصلي .. وادعــي .. فوق هذا بعد ضاايج .. :(

لا تســألوني ليش ؟ لاني بروحي مادري شوبلاني ..؟!!

احس ان مضايجه وايد على الرغم من كل اللي حولي ..

أحـــس ان نفسيتي وايد تعبانه وايـــــــــــــــــد .. أثرت فكل شي حياتي ..

صح اوقات الناس تتقرب مني تبي تعرف اللي فيني ؟؟؟

بس انا احاول اقولهم .. بس ماقدر والله مادري ليش ..؟!

ودي اعرف ليش ماقدر.. ؟ احاول .. بس مايظهر شي

اترجم معاناتي واحاسيسي ومشاعري

على شكل اشعاار وخواطر .. ورسومات وشخابيط ..

من سنين وانا كاتمة همومي فقلبي .. ابي اقول

بس ماقدر.. اقول الناس بروحها مهمومة ..

فليش ازيدها هم على همها ... واسكت واكتمه فقلبي

مادري ليش ..؟ ودي اعرف بلاني ..؟!

نفسيتي وايــد تعبانه .. :( وايـــــــد تعبانه

مهمـــومه .. تعبانه نفسيا .. مضايجه .. عايفه حياتي ..

اسمحولــــي على هالفضفضه اللي تعتب منها

أختكم ،، ..
صمت الدموع:(

[بنوته صغيرونه]

صح اوقات الناس تتقرب مني تبي تعرف اللي فيني ؟؟؟
بس انا احاول اقولهم .. بس ماقدر والله مادري ليش ..؟!

أحســـن لاتقولين حق الناس لانه نادر ماتحصلين حد يساعدج بتلقين نظرات شفقه ف عيونهم اذا وايد اتأثروا بكلامج لكن ماعتقد انهم يساعدونج ،، واذا ساعدوج فبيساعدونج بالكلام و بس مابتشوفين فعل ،،

الحين اكيد بتقولين لي انه ماعليه حتى لو مابيساعدوني المهم احصل حد افضفض له و برتاح ،،
طيــب ليش ماتفضفضين لربج و اتناجينه و تدعينه يخفف عليج و يهون عليج مصيبتج اي ثنك محد يستاهل غيره و مثل مايقولون الشكوى لغير الله مذله ،،

و محد بيروم يساعدج غيره بس خلي ايمانج بالله قوي

[بنت العامري]

أختي صمت الدموع ....

الدنيا مليانه هموم ومشاكل ولو كل واحد استسلم لها كان عاش طول حياته أسير لها .... حاولي تنفسين عن نفسك وتشيلين هالهموم الثقيله عن صدرج ...

كيف؟
إشكي همومك لأقرب إنسانه بالنسبه لك ممكن تكون أمك أو أختك أو أعز صديقاتج ولا شحقه صديقات لأن الصديق الحقيقي هو الي يكون موجود وقت الضيق وإلا شو فايدة الصداقة!!!!!!!!!!!!!!!

أتمنى إني قدرت أخفف ولو جزء بسيط من ضيقتج وإذا ما لقيتي إنسان تشكين له همومج أنا موجود وكلي أذان صاغية لأن كلنا أعضاء في الواحات وإحنا حسبت عائله وحده ولا شو فايدتنا إذا ما ساعدنا وساندنا بعض......

[إسهر معي ليله]

صمت الدموع

اذا انتي متضايجه من شي حاولي تعرفين شو هوه

واذا عرفتي شو ،، فكري فيه عدل،، وصدقيني يمكن تلقين اشياء ما تستاهل انج تضايقتي عشانها

واذا ماشي فايده،، لازم تكلمين شخص،، طلعي له اللي فقلبج واهم شي يكون شخص فاهم وانتي متأكده انه بيواسيج وبيطمنج،، لأنج لو خليتي اللي فقلبج لقلبج ما بترتااحين،، طلعي اللي في فـ خاطرج وان شالله تحصلين اللي يعطيج حل يريحج من هـ الهموم كلها

واحنا موجودين هني عشان نسمعج،، اذا حبيتي :yes:

// والسموحه

[عفاريتووو]

عليكم السلام

ليس كل هالحزن :no0: !!
حاولي تطلعين ,, تروحين اي مكان تحبينه ,, الروتين بروحه يسبب الضيق
و حاولي ما تفكرين واييد بهمومج تراه يزيد همج هم
و الله يسعدج و يبعد عنج الهم يارب

[قرموشة]

اتعرفي .. من فتره أقل من اسبوعـين .. والله مريت بها الحاله .. عفت الدنيــا وأهلها .. كنت أبـا أموت من الغيظ والقهر اللي فيه .. أرقد بصياح وأنش بصياح ..
وما حبيت أبين للنـاس اني مهمـومه .. حتى أقرب النــاس لي .. ما درى بحالي ..
وآخرتــها شو سويت .. كتمت ,, وكتمت .. الين ما بروحهـا الرمسه طلعت .. ومن رايي انج تفضفضين ..
والله غير هـ الفضفضه والصياح ما بيفيدج .. عبري عن شعورج ولا تكتمين .. لانج بتتعبين ..
والسمــوحة .. أدري تفلسفت وايد .. بس حبيتج تعرفين ..

كل الود ,,
قرمــوشه

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

حالات الإكتئاب قد تكون مزمنة .. و تبث البؤس عند كل البشر و ان حاولنا سترها بشتى الطرق لكنها ستظهر مع الأيام .. و هكذا ..

أحيانا لا نحب ان نبث همومنا لأحد .. و ان كنت امتلك بمثل عقلية صاحبة المشكلة .. اي ما عند الناس يكفيهم .. و اتذكر مقولة قرأتها " إن كان قلب صاحب السر ضيق .. فكيف بقلب من يأتمن سرك" .. ؟؟ و هو الواقع .. لهذا قد نتراجع او نحسب مليون حساب قبل ان نبث شكوانا لأحد ..

فنرسمها على هئية خواطر .. مبهمة للغير و واضحة لنا .. و اعتقد -رأي شخصي - ان مثل هذا التفكير سليم لا علة فيه ... و لكن كتمان كل ذلك الغيض او الأحاسيس المزعجة تصعب على الإنسان المضي قدما للحياة .. يعكر صفو حياته و نفسه ..

لا ادري .. ارى ان تفضفض لإنسان تثقين في وجهة نظره ولا ان يحكم عليك ظلما و عدوانا .. في اغلب الأحيان و هي تجربتي الشخصية .. اجد صعوبة بالغة في عملية الفضفضة الذاتية ... ألجأ للرسم كثيرا جدا .. و الهدوء المزعج .. فيذهب هذا الإحساس فترة و لكنه يرجع .. اجد صعوبة كبيرة في ان افتح عقلي او قلبي لأي انسان كان ..

و لكن الجميل .. عندما تسمع مصائب الناس تهون عليك مصيبتك ... و الحمدلله رب العالمين .. اجد قلوب كثيرة تلجأ إلي في حالة مصابها و بكائها على حالها .. اخفف عنها .. و تخفيف عنهم اخفف بذلك عن نفسي .. فأرجع على حالي السابق .. و هكذا ..

لربما لم افدكم بشيء .. لكي ان تكتبي ما في قلبك على ورق .. او ترسمي او تغيري الروتين .. و التغيير يكون اما التغيير بالشكل او طريقة التفكير او حتى اتصال بصديقة لم تحدثيها منذ زمن بعيد .. ك تغيير للجو المعتاد ..

اراكم في الجنة

[وحي القلم]

السلام عليكم و رحمة الله و بركاته

صمت الدموع :sad4:

أعرف هالشعور.. و صدقيني ما بترتاحين منه إلا إذا كنتي مقتنعه بانج تقدرين اتغيرينه

لانه محد بيقدر ينفعج إن ما كنتي مقتنعه

و مثل ما قال اسهر ليله حاولي اتعرفين السبب عشان توصلين لحل قبل ما تشكين لحد

و بعدين شوفي أقرب الناس لج و ابتدي وياهم شوي شوي

يعني قوليلهم بالى اتحسين به و انج ما ترومين ترمسين و أكيد هم بيساعدونج

ولا إذا ما تقدرين.. راويهم هالموضوع

حاولي :yes:

..
و السموحه
وحي القلم

[محـــــــارة]

هلا اختي انا بقولج كلمتين وما بطول في الرمسة لأن الي انتي اتمرين فية تقريباً نصنا يمر فيه بس عشان تتخلصين من الي انتي فيه لازم اتعرفين السبب وبعدين إذا ما تبين تشكين لحد كبير مب مشكلة خذي حد من اليهال الي عندكم وسولفي وياه صح انه ما بيفهم انتي شو قلتي بس اكيد انج بترتاحين واااااايد انج طلعتي شي من قلبج كان يكتم عليج .... وإن شاء الله أزمه وتعدي..