مشاهدة النسخة كاملة : عيش ابيض وسمك مشوي
رومانسي الأطباع
19-03-06 ||, 02:47 PM
السلام عليكم ورحمه الله وبركاته
اهلا بكم في مطبخ الشيف رومانسي الأطباع
اليوم عندنا اكله حلوه وهي
عيش ابيض وسمك مشوي
وان شاء الله تعجبكم
اول شي نبدا بالسمك
وطبعا انا اخترت سمك الشعري
المقادير المطلوبه هي
( سمك)
والحشو ( طماط , بصل , فلفل , بقدونس ) طبعا انت وذوقك
بهارات ( ملح , فلفل اسود , كركم , بزار , قرفه )
http://00a00.com/files/257/s1%20002%20%28300%20x%20200%29.jpg
اول شي نقوم بوضع الابهارات على السمك
http://00a00.com/files/257/s1%20003%20%28300%20x%20200%29.jpg
الحين نروح نسوي الحشو
والمقادير بالصوره وطبعا كل واحد وعلى ذوقه
http://00a00.com/files/257/s1%20001%20%28300%20x%20200%29.jpg
نقوم بتقطيع المقادير الى قطع صغيره
http://00a00.com/files/257/s1%20004%20%28300%20x%20200%29.jpg
ونخلط المقادير مع بعض ونحط عليها البهارات
http://00a00.com/files/257/s1%20005%20%28300%20x%20200%29.jpg
والحين نحشي السمج
http://00a00.com/files/257/s1%20006%20%28300%20x%20200%29.jpg
وبعدين انلف السمج بالقصدير
http://00a00.com/files/257/s1%20009%20%28300%20x%20200%29.jpg
والحين نجهز الفحم
http://00a00.com/files/257/s1%20010%20%28300%20x%20200%29.jpg
وبعد ما يستوي الفحم نحط عليه السمج
http://00a00.com/files/257/s1%20018%20%28300%20x%20200%29.jpg
وخلاص انتهينا من السمج عاد لا تنسون اتقلبوه بين فتره وفتره
والحين نروح للارز ( العيش)
يتبع >>>>>
رومانسي الأطباع
19-03-06 ||, 03:30 PM
طبعا نبقى مع المقادير
وهي سهله جدا
(ارز وماء وملح وبصل وزيت )
اول شي نحط الماء بالقدر ويم بيغلى الماء نضيف الارز
http://00a00.com/files/257/s1%20007%20%28300%20x%20200%29.jpg
ويوم يثور العيش نشيله وانحطه في المشخله
http://00a00.com/files/257/s1%20008%20%28300%20x%20200%29.jpg
وبعدها نحط زيت بالقدر وبعدها نضيف البصل وانحركه مع واشويه كركم
http://00a00.com/files/257/s1%20011%20%28300%20x%20200%29.jpg
وبعد ما يحمر البصل نحط العيش وبس
وانقلبه وخلاص
http://00a00.com/files/257/s1%20012%20%28300%20x%20200%29.jpg
عاااد قلت يمكن فيه ناس ما ايحبون العيش الابيض فحبيت اسويلهم شطه طماطم ( ههههه)
وطبعا المقادير
طماط و بهارات وبس
نقطع الطماطم قطع صغيره :cop:
http://00a00.com/files/257/s1%20014%20%28300%20x%20200%29.jpg
ثاني شي شي نحط الزيت
وبعد ما يغلي
نحط الطماطم
http://00a00.com/files/257/s1%20016%20%28300%20x%20200%29.jpg
وبعدها نسكر القدر وانخليه لين ما يذوب الطماط
http://00a00.com/files/257/s1%20017%20%28300%20x%20200%29.jpg
وبعدها بالملعقه نضغط على الطماطم وبعدها نخليه على نار هادئه لمده 5 دقايق وبس
http://00a00.com/files/257/s1%20019%20%28300%20x%20200%29.jpg
واذا ما تبي الشطه
يمكن اسوي سلطه
http://00a00.com/files/257/s1%20020%20%28300%20x%20200%29.jpg
ان شاء الله تعجبكم الاكلات وسامحوني على التقصير وصحتين وعافيه
شوق القلوب
19-03-06 ||, 03:35 PM
الســـلام عليـــكم...
يا عيني عليــــــــــــك... تسلم و الله على هالعيش و السمج..
صح اني توني متغديه .. بس والله في خاطري العيش و السمج و الشطه و السلطه.. والسمن بعد.. :fa37:
.
.
تسلم ايدينــــك.. ^_^
رومانسي الأطباع
19-03-06 ||, 03:40 PM
الله يسلمج اختي
عاد اتاخرتي لو قلتي قبل ساعه كنت طرشت حقج هههههههههه
عاد اخواني خلصوه كله
ما عليه خيرها بغيرها
مشكووره اختي على الرد
قرموشة
19-03-06 ||, 05:41 PM
هييه والله ..
سمج مشوااي .. وعيش أبيض .. وسمن .. يااااااسلاااااااام.. عجييب
مشكوور ويزااك الله ألف خير ..
طير الحب
19-03-06 ||, 05:51 PM
السلام عليكم...
تسلم الأيادي يالشيف...
يبالي اجرب أسوي سمج مشواي...ما جربت للحين:)
رومانسي الأطباع
19-03-06 ||, 06:34 PM
الله يسلمكم
جربوا اتسونها وخبروني النتيجه
وبالعافيه
أمواج
19-03-06 ||, 07:27 PM
وعليـــــــكم الســلام . .
يمــي يمــي . .وااي امووت عالسمج المشوااي . .
حتــى أهليــه يسمووني السمــاجــه . .
تسـلم الايــادي إخويــه . .
مره ثانيـه إعزمنــا . .
:gof: المتفيزره عالعرقووب:gof:
العجيبة
19-03-06 ||, 07:34 PM
يا ســلام .. شكله لذييييذ ..
بس شو السالفة ، كله بصـل !! أنا أول مرة أدري عن الحشوة اللي داخل السمـج ، سمج محشي يعني
ياكلونها هالحشـوة ولا بس نكهه ؟
وتسلـم يدينـك يا أخـوي ..
تحفه
19-03-06 ||, 08:12 PM
أحلى أكله فيها سمج تتكون من ( صالونة عدس + سمج صافي مقلي + عيش ابيض ليّن ) وعليه ليمون .. يم يم .. لذيذ خاصه بعد شوبنغ في الستي وريول متكسره > من زمان ما سويتها .. ومن كثر ما انت يوعان تاكل الاشياء الي ماتحبها ( في حالتي ماداني السمج وايد ) وتطلع من اليوع حلوه :laugh: :laugh: :laugh:
تحفه
19-03-06 ||, 08:13 PM
هي صح .. تسلم على الموضوع وبالعاااااااااافيه
رومانسي الأطباع
19-03-06 ||, 08:26 PM
المتفيزره عالعرقووب
الله يسلمج اختي
وان شاء الله بذكر اسمج على العزيمه اليايه :ice:
العجيبة
هلا فيج اختي
طالع عمرج هذا الحشو يسوي نكهه وتقدرين تاكلينه بعد
ام خدود
ان شاء الله المره اليايه بنسويلج سمج صافي مقلي فالج طيب :mar7aba:
ومشكوره على ردج
والله يعافيج
الشوق
21-03-06 ||, 07:30 AM
العجيبه حلاة السمج خاصة لو كان هالكبار
ويكون محشي وكثري من البهارات
ياااااااااااااي لذيذه ..
ومااتفوتج اعصريه بالييمون وياالاكل والداقووس ..
شو خطيره الاكله
.
.
.
رومانس يالاطباع تسلم يااخوي
قول حق المدام اتساعدك في تحضير الحلويات
حق المره اليايه
.
.
اختك/ الشوق
رومانسي الأطباع
21-03-06 ||, 08:05 AM
الشوق
ان شاء الله
وعاد المره اليايه بنعزمج
بس عاد انتي ييبي السمج وياج ( بخيل )
هههههه
الجديدة
22-03-06 ||, 12:06 AM
شكرا على الأكله اللذيذة
لاني وايد احب السمج
شكرا على الصور المرفقة
رومانسي الأطباع
22-03-06 ||, 07:43 AM
العفو اختي
الـيـاه
25-03-06 ||, 08:35 PM
سلااام
ثااانكس ع الموضوع المتعوب عليه :fa38:
هني وعافيـه يـ رومانسي الاطباع
انا ماداني السمجججججج - استغفر الله - تلوع جبدي من اشوف شكلها :fa36:
والا اروح ريحتهااااااا :no0: يععععععع
لول ع العمووم
ثانكس مره ثانيــه
.
.
.
انامل
04-06-06 ||, 09:54 PM
وعليكم السلام جميعا
ماشاءالله يا أخ رومانسي
والله شي بنات ما يعرفهن يسون العيش الابيض اللي هو اسهل شي
وانته طبخت كل شي بروحك
بصراحه اهنيك واقول ماشاءالله عليك
عليك بالعافيه
بالنسبة لي المشواي والعيش والسمن الطبق المفضل عندي
ومقدر اتناول سمج دون وجود اللومي
في بيتنا الشعري يحتل المركز الثاني عقب سمج الكباب
والسمج عموما مفيد جدا جدا
الله يقويك اخي
ومساء العافيه
انامل:kcl:
بنت الامارات
05-06-06 ||, 02:43 PM
مشكورة على السمج والعيش وااايد حلو واحلى ما في الموضوع السمج:yes: