ساعدونــــي ف الاختيــار

[عيون الليل]

مرحبــــا .،.،.،

اندش ف الموضوع ع طوول شو رايكم :fa47:

بعد الحادث الي صار لي وسيارتي اتكنسلت للابد للابد للابد :sad: ( انا وايد زعلانه)
لكــن الحمدلله على كــل حال

الحيــن ببدأ البحث عن سيارة يديده .،.، ناويه آخذ سياره تحت المواصفات التاليـه .،.، واتكون يا كوبيه أو فورويل ( مابا صالون)

أبا سياره شكلها ما يتغيـر خلال السنتين الي ياياااات
أبا سياره لها أسمها وهيبتها وقوتها
أبا سياره حــلوه وعلى ذوقكم :fa51:
:fa39:

وإذا حد عنده راي ف الصالون ف خله يخبرنــــا بنفكر فيـــها .،.،.، بصراحه مع كثرة هالسيايير بعد الموضوع إيحيــــر وايـد

أنتوا ذويقيـــن أعرفكم وأنا في إنتظار آراءكم .،.، بس لا تبطون عليــــه

والســموحه

[قرموشة]

1_ مورااااانووو

2_ انفنتي coOol


وبسسس ..

[مجموعة إنسان]

اول شي الحمد لله على السلامة ..
والله اليوم اكلم ربيعي يقولي انه اخته ماخذه اوبل يديدة ( بس مب كوبيه ) صالون
يقوللي حلوة وايد مواصفاتها very nice ..

[ذنـيـنـي]

أولا الحمدلله على سلامتج و ما تشوفين شر و الله يبعد عندج و عنا شر الحوادث

قبل ما نعطيج اقتراحاتنا ابغيج تقولين لنا كم الميزانيه,, يعني كم بتدفعين كـ حد أقصى ؟؟

بحيث انه ما نطلع فوق هذا السعر في اقتراحاتنا

[ألم ترى]

بسم الله الرحمن الرحيم
الله يعوض عليج
انا اشوف المورانو صح ويباله نظره من شخصك الكريم
:fa46:
ربي يحفظك

[عيون الليل]

همممم مشكوريــــن جميعاً على الردود .،.،.، لــكن أبا سيــايير وخيارات أكثر
والميزانيـة مفتوحه يعني حدي 300 وشوي واعتقد انه مبلغ كافي

في إنتظار ردودكم الكريمه بعد تحديد الميزانية

[مجموعة إنسان]

شوفي ال بي أم الكوبيه ... بصراااحة ولا احلى ..
وتناسب المالية ...

[مجموعة إنسان]

شوفي ال بي أم الكوبيه ... بصراااحة ولا احلى ..
وتناسب المالية ...

[عيون الليل]

هواجيس مشتاق .،.، قصدك الفئه السادسه؟
طيب السؤال أخاف يتغيـر شكلها بعد فتره .. يعني خلال السنتين !

[ذنـيـنـي]

الـ BMW الفئة السادسة سعرها اكثر من 300

همممممممممم

ليش ما تاخذين رنج,, شكله تغير جزئيا هالسنه و ما بيتغير الين 3-4 سنوات على الأقل

و عندج المرسيدس ML بعد حلوه و سعرها على ما اذكر 250 الف

و عندج الـ انفينيتي fx45 بعد حلوة و مميزة

و عندج BMW الفئة السابعه

و عندج الأودي A8 وايد فخمة و مميزه

و بالنسبة للكوبي عندج CLK من مرسيدس

و انفينيتي الكوبيه بعد حلوة و سعرها مب وايد غالي

و عندج الجاغوار اليديده XK وااايد حلوة بس مب متأكد من سعرها

يعني ميزانيتج تعتبر اكثر من ممتازه و تقدرين تختارين من بين تشكيلة كبيره من السيارات

و اذا تبغين اختياري انا لو كان عندي هالمبلغ

همممممممممممم

لو انا مكانج بختار الأنفينيتي FX35 او FX 45

عقبهم على طول بروح للـ بي أم و بالتحديد الفئة الخامسة 530 او 545 على حسب المحرك الي تبغينه

او باخذ رنج طبعا HSE سواء سبورت او عادي لأنه الـ Super Charged وايد غالي و ما يستاهل

[ذنـيـنـي]

الفئة السادسة بيسوون لها عملية تجميل قريبا و بعدلون فيها كذا شي
و اهم شي المحركات بتتغير

[ألم ترى]

300 وشوي ! ..

الله يزيدكم من كرمه وهالله هالله بالأصراف ..

[مجموعة إنسان]

اذا تبغينموتر شكله ما يتغير خذي مثل موتري .. كل قرن يتغير شكله .





كورولا ..

[قرموشة]

من رايي .. الـ انفينيتي fx45

[قرموشة]

اذا تبغينموتر شكله ما يتغير خذي مثل موتري .. كل قرن يتغير شكله .





كورولا ..


:fa51:

[عيون الليل]

ذنيني .،.،
ف بالي الرنج السبورت بس ما أدري شو رايك ؟

محب الشيخين .،.،
لا اتحاتي الحمدلله نحن مش من الناس الي انحط ديون عشان نركب أحسن السيارات وف النهايه ما عندنا حق بترول .،.، والخير موجود ف ليش نبخل على انفسنا
ومادام الخير موجود .،.، خلاص .،.، ولا انته شو رايك يا اخويه :)

هواجيس مشتاق .،.،
لا مانبا كورولا إذا جي سالفتها لول

قرموشـــه .،.،
فكرتج تحت التجربه والتفكير .،.،.،

وما زلت أنتظر لو حد عنده آراء أخرى

والسموحه

[راعي الزعـامه]

الرنج مب نسائية
يعني شكلها مب حلو للبنات

انصحج بالمرسيدس .. واختاري هناك اكثر من سيارة مرسيدس حلوه
ونسائية .. وفخمه ولها هيبتها وشخصيتها مهما مر الزمان

[الاسطوري]

السلام عليكم ..

الـ FX 45 حلوه بس أحسها سبورت وشبابيه
وفي إحتمال تتغير خلال الفترة
اليايه والرنج بصراحه
مايسوى
:fa36:

إذا عادي عندج تصبرين أنصحج بالـ LS 460 يمكن أتطول
شويه بس تستاهل على المواصفات اللي
فيها وانتي شوفي وقارني
واختاري
:fa38:

وهاي صورها 1 (http://oasis.bindubai.com/bin/showthread.php?t=29231) ، 2 (http://oasis.bindubai.com/bin/showthread.php?t=28168)

هذا من رايي الشخصي
والسموحه

الاســـطـــوري
أخوكم

[المزوحي]

بالنسبة للوكبية شي مرسيدس سي ال كي .. وشي اس ال لكن الثانية طبعا أغلى .. أما الياباني أنفنيتي
كوبية ..
أما بالنسبة للبي أم .. أكس فايف جميلة لكن ماظن تقتنعين بها كونها ( جديمة ) على راي وااايد من الناس لكن أفضل عن الرنج والبوورش ..
وفكرت لج بلكزس جي اس لكن ماتبين صالون ( 4أبواب ) بعد فنانه ..

[الحساس]

الشباب ماقصروا حطولج بعض اسماء المواتر..

عليج الحين تزورين المعارض وتطلعنين على المواتر هاي عن قرب حدريها وشوفي الي يناسبج

....

لا تاخذين موتر صالون الي حجمه عود شرات المرسيدس s لان هالموتر بالذات عوود وماييصلح للسواقه .. الا بالدرويل!!
وجان بتفكرين بالمرسيدس عليج بال CLS شكلها فريد وغاويه وتصلح للبنات..

....

ومثل ماتفضلوا الي قبلي ... الانفنيتي والمورانوا حلوة.. اما الرنج من وجهة نظري شبابيه اكثر ..

وعند الكايين حلوة بعد...

.....

ومبروك مقدما ... :)

[العجيبة]

البي أم الفئة السابعـة فظييييييعــــة

تخبـل بـي هاااي ، خاصة يوم كانوا يحطون إعلانها كل أسبوع في ملحق السياييـر ..

الحمدلله على سلامتـج .. ما تشوفين شـر..

[الرحيل]

ماتشوفين شر يالغاليه وحمد الله ع السلامه

اممم انا اشوف انه البي ام330 الكوبي بيكون لايق عليج

بس هذا سعره مابيعدي 200

ومش لازم تكون السياره بحدود ال 300

في سيارات احلى تكون بحدود 150 الين 250

او لكزس اليديد بس رنج مانصحج فيه

والسموحه

[بحر الموده]

سلام عليكم
الحمدلله على السلامه خيتووو والله يكفى الجميع من شر الحوادث ومعوضه ان شاء الله

انا اشوف الانفينتى fx 45 fx35 والمورانووو وايد حلووووين تناسبج

واذا فكرتى بالصالوون انتظرى انفينتى الاميره وايد حلووو شكلها M45

والسموووحه

[عيون الليل]

:mar7aba: " يديد هالـ emoticon ف حبيت أستخدمه عيبني لـول

عاشق القلم

المرسدس هممم ما ادري بسير بشوفها .،.،.، مشكور اخويه على ردك الكريم

الاسطوري

لا اللكزس لا .،.،بقولك ليش .،.، لانه انا الي سمعته انه ما فيها ثبات على الشارع .،.، وبعدين عوده عليه احسبها :kkk: .،.،.، والانفنتي ما ادري الكل يقولي شوفيه .،.،.، شكراً اخويه على إضافتك الكريمه

المزوحي

أنفينتي الكوبيـه هممم .،.، حلوه هي بس واحد من اهلنا هاذوه بيبيعها مع انه توه شارنها ! ما ادري ليش بسأله .،.،.، والاس أل شبابيه وايد وايد وعندنا وحده ف البيت واسوقها وعجيبه وايد بس شكلها شبابي ويوم آخذها مع انها مخفي .،.، الكل عافدلي ف ويهي .،.، ف بلادنا ماشي الوحده تاخذ شويه راحتها .،.، يعني في شباب يصنفون البنت على حسب السياره !! وهذا أكبر غلط .،.، الله يهديهم إن شالله .،.،.، وشكراً على ردك يا اخويه

الحساس

بالفعل ما قصروا .،.،.، ونخدمهم إن شالله .،.،.،
أما عن الـ CLS ف زوجي قالي عنها وخبروني انها وايد ضيقه من داخل .،.،.، يبالنا انسيـر انشوفها
مشكور دكتورنا على إضافتك

العجيبة
الله يسلمج عزيزتـي .،.،.، والشـر ما أييج إن شالله
والبي أم الفئه السابعه هممم ما اتشوفينها عوده شويه ! أحس أبها انه من الافضل أنه يسوقها دريول أو أتكون الحرمه أكبر سنن منـي .،.، هذا رايي وهذا رأيج وتشكريـن عليــــه وما قصرتي يا الغاليه على الاضافه الكريمه .،.،.، ولا تتخبليـــن :harhar1:

الرحيــل

الله يسلمك أخويه .،.، بالفعل فيه سيارات اتكون أقل من الـ 200 وحلوه وانا ما عندي خلاف إني آخذ من هالسيايير بس يوم بحصل المناسب .،.،.، وانا حطيت هالسعر"300 وشوي" بس عشـان أحصل آراء واختيارات أكبر وأختار المناسب .،.،.، البي أم الي خبرتني عنها خاطري فيها لكن ما ادري من عقب ما غيروا الشكل ما حبيتها .،.، لـكن ولا يهمك بسير وبشوفها .،.،.، وشكراً على ردك الكريم

بحر الموده

الله يســلمك يا اخويـــه .،.، والحمدلله يوم أني سلمت وما ياني شي .،.، كل من شاف صور الحادث أستغرب .،.،.، الحمدلله على كل شي .،.، درس واتعلمناااه .،.، أنه السـرعه ما تيب غير المصايب والبلاوي
رايك بآخذه وبدرسه .،.،.، وبسير بشوف هالسياره .،.،.، وشكراً على ردك الطيب


مشكوريـــــــــــن جميعاً وما قصرتوا .،.،.، ونخدمكم إن شالله ف أي وقت .،.،.، الحيـــن أنا بسير بآخذ جولــه ميدانيـــة .،.،.، على خياراتكم .،.، وأدعوا لي بالتوفيج وأن الله يسهل الامور وما أحتار وايــد .،.،.،

السموحـــــه منكم

[كـلـكـلـووش]

مـــبـــروك عــليج المـــوتــر مقـــدما . . .

تشـــوفيــن خـــيــره و يكـــفيج شــرهــا . . .

و عــن الســـرعــة .. ^_^ ..

[الاسطوري]

لو اللكزس مافيها ثبات جان ماكنت موجود
وياكم اليوم وأشارك
:ice:

[عيون الليل]

خـــلاص .،.،.،

وأخيرا قررت ورحت وطلبت السياره الي أباها
وإن شالله بتوصل قريب

السيــاره هي رنج سبورت الـ HSE شفتها بناتيه أكثر من السوبر جارج .،.، من ناحية القزوز ونوعية جلد السيتات .،.،.، يعني بختصار تصلح لي أكثر من السوبرجارج .،.،.، وسواقتها حلوه جداً .،.، ما تحتلف عن الرنج السوبرجارج بأي شي .،.، ماعدا بعض الاشياء الي ذكرتها

وكل الشكر لكل من عطاني راييه .،.،.، ما قصرتوا والله

[شوق القلوب]

الســـلام عليـــكم...

مبـــــــــــــــــرووووو ووك عليــــج السيـــاره... مقدماً...

وربي يعطيـــج خيرها و يكفيـــج شرها ان شــاء الله ...

.
.

:fa35:

[ذنـيـنـي]

الف مبروك اختيه

الله يعطيج خيرها و يكفيج شرها

و نتريا الـ باتشي :harhar1:

[حبوبه دبي]

مبـــروووك :fa35:

وربي يعطيـــج خيرها و يكفيـــج شرها ان شــاء الله

والــرنج حلــــووه :yes:

[عيون الليل]

شوق القلوب

ذنيني

حبوبه دبي

مشــكوريــــن على هالردود الحلوه .،.، والله يبارك فيــكم .،.،.،
واتريوا الباتشي بطرشه مع ذنيني " بوهقك " :harhar1: عاد إذا ما عطاكم اتصرفوا ويــاه

[كـلـكـلـووش]

بالــبـــركـــه . . ^_^ . .

تشوفيــن خــيرها و يكفــيج شــرها ..

ذنـنيني وين الـبــاتشي ؟

[مسافرللجفا]

اول شي
الحمد لله على سلامتج اختي

ومبروك ع الموتر مقدما وتتهنين فيه ان شاء الله

×
×

http://images.abunawaf.com/2005/11/1573.jpg

رنج سبورت

:fa35:

يا سلااام
هاي الناس الي تفهم في اصل المواتر و لهم ذوق راقي

حلو اختيارج والله يوفقج !


بس بعد عندج لكزس Gs عجيبه وايد واحسها بناتيه بعد


اختيار موفق والله يهنيج ويكفيج شرها :smartass:


السموحة !

[عيون الليل]

كـلـكـلـووش.،.،

الله يبـارك فيـك .،.، مشكور وما اتقصــر بردك الكريم
ذنيني أحم شكلي وهقتك صدق :puppyeyes:

مسافر للجفا .،.،

الله يسلمك يا أخويه ،.، والله يبارك فيـك ومشكور على الكلام الطيب

أما عن السياره ف هي تختلف عن الصوره بشي بسيط لانه هاي الي انته حاطنها هي السوبرجارج
والي أنا طلبتها هي الـHSE وتختلف بالرنجات والقزوز والشبك الي جدام يكون رصاصي مب فضي مثل الي ف السوبرجارج .،.، يعني تغيرات بسيطه لكنها مناسبه أكثر للبنت .،.،

وشكراً مره ثانيه :) .،.، وبالتوفيق لك أيضاً

[كـلـكـلـووش]

:narr: ذنــينــي . . ابــى البـــاتــشـــي !

[ذنـيـنـي]

ياخي بعدها ما عطتني اياه,, :fa36:

ما فيك صبر انته :3:

[رحيل]

يا سلام عالذوق الغاوي..الله يكفيج شرها أختي..

[عيون الليل]

كلكـلووش .،.، ذنيـني :boxed:


رحيـــل

مشكوره الغاليـه على كلامج الحلو .،.، وإضافتج الاحـــلى
آميـــن يا رب

[الهيثــم]

مـــا شــاء الله
مــبروك مقـــدمــــا ً

والله يعطــيج خــيرها ويـــكفيـج شـــرها ...

^__^

[مسافرللجفا]

ايه كلكلوش و ذنـيـنـي..

انتوا مراقبين بذمتكم ، يالسين تسولفون في الموضوع ، :narr:

انتوا الي تمنعون الدردشة وتردون ادردشون :harhar1: ، اتريوا علي لاخبر عليكم البوس العود عايش وهم ،

:cop: طاااطيييط طاااطييطووووووووووووو.... ططططززززسس.....( خلصت البطاريه :no0: )، ،

كل واحد بتوصله حلاوة الباتشي من عايش ( ولو تبون حلاوة رابتر بعد :harhar1: )

لـــــــــــول ، ،


عيون الليل .

صح كلامج ، السوبر جارج ما ايطح ع البنات وايد ،

بس انا حطيت هاي الصورة لانها صورة الحب :fa35:

م م م م
انا اجوف لون النحاسي ( البرتقالي ) وايد مناسب لج ، احسه بناتيه اكثر من الاسود

الله يسهل عليج

والسموحة !!

[إسهر معي ليله]

ما قصروا الشباب

ومبروك عليج السيارة مقدماً،، بس اشوف الشبك الفضي اللي في السوبر جارج احلى من الشبك الرصاصي،، فـ لو طلبيتها بـ شبك السوبرجارج وايد احلى،، والرنقات بعد

واحسن ما في الرنج الوكالة،، لا تنسين تسوين Service Contract،، وايد بينفعج

والسموحه

[عيون الليل]

خطـّـاب

الله يبـارك فيـك يا اخويــه .،.، تسـلم وما اتقصـر :yes:

مسـافر للجفـا

اللون البرتقالي مب موجود .،.، وتبا الصراحه مب عايبني وايد لكن أنا ف البداية أخترت اللون الاخضر الفستقي الي سيمونه الفورست ميتاليك لكن الكثير نصحوني إني أغير اللون لانه في حالة لا سمح الله اي خدش ف السياره ف هاللون من الصعب انه ينضبط ومستقبلا في حالة البيع المشتري بيلاحظ التغير ف اللون وبينقص وايد من قيمتها .،.،
http://www.landrover.com/meast/en/Vehicles/Range_Rover_Sport/Exterior/colours.htm
شوف اللون ف الرابط الي حطيته
والحين غيرت على اللون الابيض ومن داخل أسود وإن شالله خيـر
:smile2:

أسهر معـي ليلـة

الله يبارك فيـك .،.،
الشبك هممم ما غيرته خليته مثل ما هو ما أبا أغير وايد ف السياره .،.، لكن فيه احتمال أني أغير الرنقات واحط رنقات السوبرجارج .،.، قلت أول خله توصل واشوفها وعقب بحدد .،.، وانته اتعرف التغيير وايد ف السياره .،.، مب شي .،.، اتحسبها مصخره لول .،.، يعني الي بيشوف بيقول حاطه وحاطه وقاصه ع عمرها تتحراها سوبر جارج لول
والكل يوصيني على السيرفر كونتراكت .،.، ف لا اتحاتي ^_^

شكراً على مروركم الطيب