المساعد الشخصي الرقمي

مشاهدة النسخة كاملة : آنسه توتر ...وجيرانها!



حلم الطفوله
15-03-06 ||, 08:21 PM
السلام عليكم ورحمة الله وبركاته

آنسه توتر:Oo:

انسانه شاءت الأقدار والصدف الثجيله إلي يبالها ضرب ساعات ...إنها تجابلني بدوامي دوووم ...
يعني لزقة عنزروت ما تفج ؟؟ مهما حاولت ...نووووووو ويه ...وراي وراي ..ياربي حتى بالبريك وراي
هالآنسه توتر....دوووووووووووم متوتره وتوتر إلي ما يتوتر ......إلا تزيد من توتره
وازيدكم من الشعر بيت لو تبون :fa45:
متشائمه لأبعد الحدود .... انسانه غريبه عجيبه ...تشوفينها تعتقدين إنها العقل كله
تكلمينها ...تزيدج اكتئاب وتوتر وتبتدين ساعتها تشكين بنسبة التشاؤم إلي زادتها بشخصيتج...
تقولي: خاطري أتفاءل مثلج ....اللهم لا حسد ...كنت بقولها دشي الواحات وبتتفائلين؟:laugh:
تدرون ؟؟ قلتلها إياها بويها كم مره ؟؟ إنتي واااااااااايد متشائمه ..طبعا بأسلوب حلو وما يزعل
استانسي... حبي الحياة عشان تحبج ... ركزي بدوامج وانسي توترج إشويه ...بس لا حياة لمن تنادي؟؟
وأخيرا ...واليوم تحديدا ...نطق الحجر ...الحجر طبعا أنا ؟
المهم ...لقيت الحل بس ما بخبركم؟!:tounge:

دريول باشا:unclesam: :fa51:

صدق إنه باشا ...........ومن حقه يرفع راسه وخشمه وراتبه والعلاوات وبدل السكن ويمكن يكون له الحق بالقروض ومنح الإسكان ؟ الله يستر بس
لدريول باشا هو المسؤول الرسمي عن توصيل لعيال لمدارسهم وشيل شنطهم لباب الفصل تحديدا
وهو الراعي الرسمي والشخص المناسب لأخذهم لاماكن الألعاب في المولات ...بالتعاون مع الليدي ميري طبعا
هو المحتكر الرسمي لأسواق الخضره والسمج ويفاصل بالسعر بس الزياده كلها بجيبه
لدريول باشا ...طول لسانه على أربابه ... بس الحاجه بنت حرام ؟؟ بنصبر ...وين بنحصل دريول شراته يعرف البيت أكثر من أصحاب البيت...
وبعدين المثل يقول : اصبر على مينونك لا إييك أين مثله ؟؟ تدرون منطق غريب عجيب:fa36:
صدق إنه باشا والاجر على الله

ثقافة على الدنيا السلام

انتقلنا من ثقافة العقول لثقافة العيون ؟؟ :nerd:
انتقلنا من شمس الأربعاء وانتظار ماجد وموزه ورشود وكسلان وزكيه وشملول ...
لموقع بلي ستيشن وآخر ألعاب دمار العصر ... بس تفق ونط ولف ودور:fa32: ...
وكل هذا وانته يالس بمكانك وبتجيم اللعبة بسرعه:fa51:
ركز ركز ركز ....وأكيد بتلبس نظاره من كثر ما تركز ....لانه النظاره دليل على تميزك باللعبه؟
قصة آخر الليل ودروها .... لأنه سندريلا اعتزلت الفن وصاحبة الرداء الأحمر كلاها الذيب هي ويدتها والكل نساهم ...لأنه يقولون والله أعلم إنه حمارة القايله وهي لعبة بليه ستيشن اليديده ستكتسح الأسواق قريبا:devil:
الموضه الحين ... حط ام بي سي 3 الغير مشفره بس مدمره طشونه وانته والخير رباعه؟؟
رضاء اطفالكم ودمار أخلاقهم هدفنا ...اتصل الآن وانتظر .... لأنه كله بأجره...
ولا تخبرون أهلكم عشان ما ينازعونكم!ويمنعونكم من الاتصال فينا :love: ...

إليسا فاشن

لا تحتارين وادورين على آخر صرعات الموضه لسنة 2007 :fa35: ...
تفضلي وزوري الجناح المصري والسوري بالقرية العالمية ...بتلقين فستان إليسا وجلابية نانسي وبيجامة روبي وزنوبة هيفاء:shutup: ....بس لا تشترين إلا بآخر يوم عشان تضمنين الخصومات النهائية
ولا تنسين تواكبين الفاشن الإماراتي بالعبايه والشيله الوطواطيه أقصد عباية الفراشه:alien
ترى الوارات محدوده والمتر بألف بس ببداية الاكتتاب عقب بينزل لخمسميه كحد أدنى...
حتى الأسهم رابعه ورانا هنا؟ قلبي ويا المساهمين شدو حيلكم ؟ ولا يهزكم نزول الأسهم ...
خلكم رياييل وما تهزكم ريح ..أقصد تسونامي الأسهم:fa51:

إمارات بلا مواطن ؟؟

عموه : ليش ما أشوف مواطنين ببلادنا ؟؟ هالكلام قاله لي بالصيف :fa39:
حلم: أغلبيتهم مسافرين ...صيف وتدري إنه الحريم والرياييل ما يصدقون يشردون من الحر
عموه : تدرين من الصبح وأنا أراقب السيايير وتمنيت مواطن يمر بسيارته :glare: ...مستحيل
حلم : راقدين العصر ....تعبانين من الدوام والشغل ويريحون بالبيت ويا عيالهم ؟ :fa52: صدقوا عاد
عموه: كله سعوديين .... وين الإماراتيين .... شكلها لبلاد ما فيها غيرنا ...
حلم: ... بخاطرها طبعا ...نحن الوافدين ببلادنا :look: ...
قلتلك شغل ودوام وسفر وأسهم وعقارات مشغولين الله وياهم
عموه : يقولج عدد سكان الإمارات --مليون ؟؟
مكتوب بكتابنا لا تعاييني ( شافني أعاييه الظاهر):blush:
وينهم ؟؟ كلهم مسافرين ؟؟
حلم : فديتك الغالي شو بلاك ماكل بعمرك ؟؟ يوم بتكبر اشتغل بالتعداد السكاني واتاكد روحك من عددنا
صدقني بيزيدون عقب أسهم اتصالات كل واحد بيحط أربع ...عشان الاتصالات تكرم ألف عين

تدرون ...شر البلية ما يضحك:laugh: ....هالسوالف ما طلعت إلا من ورى اليلسه مع آنسه توتر ...الله يعين
مواقف شبه يوميه ...شخصيات تمر مرور الكرام ولكنها حتما تترك انطباعا بقلوبنا ...أحداث وقائع حتما استوقفتكم .... موضوع مفتوح ...حط كل إلي بخاطرك بس بلا تحديد وبلا تجريح ...
ونصيحه أخويه ....ابتعدوا عن آنسه توتر وربعها ...ما إيي من وراهم إلا مثل هالمواضيع المتوتره:Oo:

ااا

ريم العين
15-03-06 ||, 09:14 PM
ههههههههههههههههههههههههه ههه
ما اقول غير الله يعينج موضوعج وايد شيق وحلو
لا تخليها تدش الواحات بتشوف الموضوع وبتسويلج سالفه ههههههههههههههههههه

الجنيه
15-03-06 ||, 09:58 PM
حلم الطفوله ...

صياغه رائعه والله يعينج على ما أبتلاج ... الحل الوحيد أنج أتقابلين توترها بتوتر يعني يوم اتشوفينها متوتره وتريها زياده لين اتحس انج أتبالغين والسالفه ما يبالها شي صدقيني بتيوز عنج واسألي مجربه فديتني شريره ..

دمتي بود غناتي

حلم الطفوله
15-03-06 ||, 10:22 PM
ريم العين :laugh:

ما تهون علي الواحات تتوتر ....:tounge: شاكره مرورج عزيزتي

الجنيه :inlove:

وناستي لكبيره رجوعج للواحات وردج على موضوعي ...
وآنسه توتر استخدمت وياها خطه .... نجحت :fa51:

هزاايم
15-03-06 ||, 10:41 PM
حلم الطفووله
أحلى تحيه حلوه شراات راعية إلي قدمتها<<<:glare: كيفي ردي وكيبوردي بمدح نفسي

المهم
والله إنيه حبيت الموضوع و الصرااحه ماعليج زوود صياغته روعه وتجذب بالوااحد
رااح أدخل معااج بالتناتيف إلي حطيتيها إهني

آنسه توتر
تقهرني يوم توصل مع استااذ الرياضيات تقعد تسوولف وماتخليني اركز>>>يابنت الحلال انا ماأقر بالبلاد خلينيه افهم شي من ريااال قبل ماأحصليه هزبه
يدخل بالتكامل والمساحه وجيب الزاويه تكاملها....وهي تسألني ليه اطلعين صوت بقلمج...؟؟تتخقيقن به..؟؟رياال شكله عنده قرطاسيه ف مافي داعي...؟؟تنهدنااا قالت لنا منقوود يطلع حسج تحركنا تقول عيييييييييييب محد يتحرك في كلاس الرياضيات لو تكلمنا مع الأخو تقول وليش ماتخلوون الإستااذ يشاركم بالحدييث

صج إنج متشوطه قصدي متوتره


البااشا إلي عندنا دوومه يتشكى من الأخو
والمشكله إنه قصير والأخو ربي يحفظه....لورمست:fa32: الله معااك
هو شكله بس يتحكم بالسيكاان والدووس والأخو متولي الباقي يحطي له على الإن وال....مااعرف الباجي:fa44:
ولوطلعتي معااهم طلعت رووحج لين مانوصل المكاان..كل وااحد يتفلسف على ثاني
والباشا احيانا يكوون مشتط ويعطي بالويه لكن سرعاان مايتحول إلى:fa52: مره قال للأخو ليه ماإنت تسووق وانا يقعد مكان إنته وطبعا الأخو:glare: مايقصر بنظراات


انا اتحدااج لو بنت إختيه شمااس ماخذت الدكتوراه والماجستير في تسمييع حلقاات ام بي سي 3 حتى عفانا الله قصدي مااشاء الله عليها من كثر ماهي فااالحه تتحدانا إن نقطع الصوت وتسمع الأدواار
وبهذي المناسبه ابارك للخال وللأبو و كل من يعز أخوي وولد الخال إنهم راح يشاركوون بلعيبة المنتخب في الوينغ إليفن فلا داعي للإحترااف الخارجي ولاتحرطم على الحكم ولا غيااب الجمهوور ولا هذا اللعب الأجنبي مش قد المستوى


تريد تشووف عياال البلاد
سجل عندك المكان
كيرومويل-لندن-المملكه المتحده
من بدااايه السنه لنهايتها
تلقااهم وتلقى معاهم طباايعنا
المشااوي والذباايح وكل يووم جمعه تسمع الخطبه والصلاه
وعسى ربي لاإييب مكرووه لشخص
وربي يشفي مرضانا ومرضى المسلمين أجمعيين

ودمتي يالشيخه يالفاضله على الطاعه
والمزيييد من هذي المواضييع الفرفووشيه
والسمووحه عالإطاله
وإذ بدر منا قصووور:tounge:

أمواج
15-03-06 ||, 10:47 PM
آنســـه توتــر . .
الصــراحه كســرت خاطري . . يعني معقـوله تتشائم منيــه والدرب . .
لازم في شي مضايقنــها . .
ممكن توصلين لها كلاام من عندي ؟؟. .
قوليلها تقولج المتفيزره عالعرقووب : محــد يستـــاهل وخليــج كووول . .

دريــول بـاشا . .
عجـــيب هالانســان . . ولا بعد يكــاسر ؟ .. لوول . .
مابيشتغــل عدنا . . .؟!

ثقــافه على الدنيــا الســلام . .
احس اختلط الحابل بـ النابــل . .
ولاتعليــق . .

إليســا فاشــن . .
لازم تشتركين في اللجنــه مال الاعــلانات >> شكلج تنفعين في الاعلانات وخاصه إعلانات
عن القريــه العالميــه . .

إمــارات بلاا مواااطن . .
تصدقين من يوومين اتكلم ويا ربيعتي عن هالازمه اللي ماريــن فيها . .
ياختيــه البلااد لو تسوين إحصائيه عن نسبه المواطنين بتلقين قلييل والباجي هنود ، بنغاليه و مادري شو و زلماات . .
يعني نسبه الموااطنين ضئيــله . ..
اخااف بعديــن يطالبوون بالامارات كوون عدد الوافدين أكثر :look: :look: ( لاسمح الله )

طير الغرام
15-03-06 ||, 11:18 PM
http://upload.bindubai.com/download/6eer_aam/6eer-salam-oasis.gif

تقرير موجز
وماشاءالله عليج

قدرتي اتوصلين الفكره لنا
أسلوب ولا أروع

ويعجز قلمي المتواضع عن الرد بشي يضاهي مستواج

ربي يوفقج ^_^

http://upload.bindubai.com/download/6eer_aam/6eer-line-oasis.gif

دانة حتا
16-03-06 ||, 12:20 AM
انا تحسبت تقصديني
انا متوتره بس مب جيه وبعدين تعلمت اضبط عمري الحمد الله
وجان ع التشاؤم الله يعينج وبعيد عنا ان شاء الله
mbc3 .....حدث ولا حرج ..الا بسالكم هذا حسن شو اصله؟؟

والدريول عاااااااش الصراحه.. لا تعليق

اما يطويلة العمر البلاي ستيشن انا مثاال حي
مدمنه العب حربيه وقتل ورعب ومجيمه فوق العشرين لعبه
مب طول حياتي هذا بس ايام المدارس في الصيف غييير
و حاليا عاااشقت سيارات

والنظااره لازم دليل التفوق
الله يعيني صح

ثانكس ع الموضوع

وعد
16-03-06 ||, 02:07 AM
الله يخليج حبيبتي عطيني الخطة ابي اجربها علي واحد معاي بالدوام :fa39:
وعلي طاري البلاستيشن
احلي شئ يوم اغلب ولد اختي يوم العب معاه
هههههههههههههه عذاب له المسكين:alien:
مو بس هو اي صبي او ريال غلبيهم بلعبة البلاستشن وتعالي شوفي ويهم ههههههه نكته:tounge:

عنود الريف
16-03-06 ||, 12:42 PM
مرحبا بج الغاليه حلم
ويييييييييييييييييييييه ثرج تعانين من ناس كثيرة
الله يعينج عليهم بس
انا اختي انسه توتر يوم تسير السوق
عشر مرات تطالع اللي بتشتريه وقبل ما تظهر من المحل اتقول برده مب عايبني
شو اسوي بها ؟؟:fa38: تنرفز اللي ما يتنرفز ..

اما دريول باشا .. ما يروم يقول شي .. صالبينه اللي عندنا بس مرة قهرني غير الاذاعة على كيفه .. :fa32:

واذا على قناة mbc 3 ما عندنا يهال في البيت . بس نحن ساعات نغدي يهال ونتابع توم وجيري المسا ..
بس عندي اخويه من ربع البلاي ستيشن .. قصري شويه على الصوت .. شوفي شو يستوي به .. تشوفين تنين يطالعج ..
اما المواطنين فحدث ولا حرج ..

تسلمين اختي حلم

العجيبة
16-03-06 ||, 08:13 PM
آنسه توتر:Oo:

إنسانة تزورني بين فترة وثانية ، مرات تحصل ويه مني ، ومرات أحاول ألبسها لكن ما تطلع على مقاسي فاتركها في حال سبيلها إلين ما تولّي عني :fa47:

دريول باشا:unclesam: :fa51:

باشا عند الكثيرين ، لكن عندنا ما يعرف شو يعني باشا ، عالعموم يرحم أياااامــه ..
ما قدر يستحمل العيشة بدون لقب باشا فتركنـا وحمدنا الله إنها يت منه :fa51:

ثقافة على الدنيا السلام

هالثقافــة حاولت إنها تشدني صوبهـا ، وما أخيب ظنها .. نفسي تشدني لها يوم ويومين ، وبعدها أسويلهـا أحلى طااااف .. :nerd:

إليسا فاشن

هههه بعـدني ما شفت بنات الفراشات ، أنا بلبس عباة الوردة عيل ! خخخ عشان أذلهن على الرحيق :fa46: و جلابية نانسي فتنتني خطوطها واشتريتهـا :love: وعاااد عقب يوم تميت ألبسها البعض كان يزقرني نانسي :fa48: فكنت أقولهم ببراءة ما غيرت اسمي !! :look: الين ما شفت نانسي لابسة مثلي !
يعني نانسي اللي لبست جلابية العجيبة مب العجيبة اللي لبست جلابية نانسي :fa44:

إمارات بلا مواطن ؟؟

ههه قولي حق ولد أخـوج ، عادي باجر تشوف إنسان لابس كندورة وغترة وعقال - شي يدل على إنه مواطن - ويقول " وتني أنا ، أنا وتنـي " :tounge: حليلهم المواطنييين يذكروني بعصر الدينصورات اللي انقرض :inlove: كانت أيااام :laugh: وأعتقد سبب انقراض المواطنين فلوسهم الزايدة ، اقصد قروضهم وديونهم الزايدة اللي تخليهم يعيشون في سوق الاسهم وأوروبا .. :glare:


لو أدري إنه هذي نتايج اليلسة عند آنسة توتــر ، ما كنت قريت الفقرة اللي تكلمت عن هالآنسة المحترمة ، وساعتها ما كانت بتأثر علي أنا بعــد :fa54:

حلم الطفولة
سلمي على آنسة توتر كتييـر كتييــر
وقوليلها تسلم يدينــج دامها تخلينـا نستمتع بحلم الطفولة وجديدهــاا :fa35:

حلم الطفوله
16-03-06 ||, 08:32 PM
هزايم

شاكره لج مرورج الممتع مثلج ....شكلها الآنسه توتر وضواحيها ملعوزينج من الخاطر:laugh:

المتفيزره على العرقوب
ممكن توصلين لها كلاام من عندي ؟؟. .
قوليلها تقولج المتفيزره عالعرقووب : محــد يستـــاهل وخليــج كووول . .

حاولت وصبرت ورديت وحاولت واخيرا عيزت ....ماشيء فايده ...توترها توتر دائم:Oo:

وهالدريول مقدم سلفا ما يغلى عليج الغاليه.... بس بدورلج غيره
لانه راعيه متمسك فيه حتى آخر رمق ...
ترى قلتلج استوى من أهل الدار وجيبه وجيب راعي البيت واحد....:fa51:

مرورج بهالموضوع خفف توتره إشوي ....عسى أيامج كلها سعاده ومسرات...ونجاح بالمساقات:tounge:

حلم الطفوله
16-03-06 ||, 08:39 PM
طير الغرام
عزيزتي ... وجودج بحد ذاته وردج على الموضوع بهالعبارات يشرفني ويفرحني بذات الوقت:laugh:

مشكوره يا راعية الذوق والله يوفقج بدراستج وبحياتج:blush:

دانة حتا
تدرين سبب هالتوتر إلي فيج ؟؟ أكييييييييييييد من التركيز بالبليستيشن ...صدقيني لها آثار توتريه قويه
حلوه توتريه هاي:tounge:
المهم ........... خفي إشوي من اللعب ....وأكيد الله يعينج ويوفقج بحياتج عزيزتي

حلم الطفوله
16-03-06 ||, 08:51 PM
إختي وعد
هالخطه إلي استعملتها ما تنفع إلا لها بالذات وعلشان جيه نجحت :nerd:

فكري بخطه ثانيه وأكيد بتنجح ....هاي حالتنا بنتم دوم نخطط...شكلنا توترنا مثلهم:fa51:

شاكره لج مرورج

عنود الريف
تدرين هالشيء ما يعيبني .........الله يعينج على إختج ....
تحسين عمرج ادورين بمكان واحد وآخرتها تطلع وما يعيبها شيء:fa32: ....صدق قهر
مشكوره الغاليه على المرور وتسلمين على المشاركه

صدى جوفي
17-03-06 ||, 01:00 AM
حــــلم الطفــــولة ،، ســــجلي اعجــــــابي بقلمــــج المتميــــز..
ءانســـة توتــر .. انســــــــانة تييب لــي الكــــآبة ، تفقـــدني الثقــة بنفسي ،، وتحرمنــي هنى الراحــــة النفسية اللــي أعيشــــها ،، بـــس تظل مــــلازمتني ؛ وأنــــــا مالـي غنى عنـــــها ،، بعـــد مضفيــــة جــو بها الحياة ،، من غــــيرهــا ما راح أحس بوجــود مقتطفـــــات من السعــــادة في حياتي ..

ثقـــافة وعلى الدنيــا الســــلام .. استحــواذ البلايستيشن وسبيس تون على عقــول الصغــــار
ليستــهويهم العنف والــــوجوه البشعــة والشخصيـــــات المختلفة وكـــلاهمـــا مكمـــلا لبعض فالآخـر
يدعـو إلى الأول ،، والاثنــــان يستوليــان على الفــكــر ،، ليتــــــعود على العــنف، المـجــازفة والخ ،،
والمســـتوى الدراســــي في تدنــي ،، وعن الـقراءة لا تســــألني !!

كـــــم يــؤلم ذلك الحـــال .. وكم سلــبت طــفولة اولئك الأطفــــال

إليســــا فـــاشن .. لمــا لا تـــرضى المرأة بأن تقــــلد أولئك الفنــــانات ،، من الفـــن >> هم الذوق
والفــن <الانحطـاط> ،، جمــــالهن فتــــــان <مرقع> ، هم مروجي الجــمال< الزائف>، الغنج
<القبيح>، والحب <المبتذل> ،،، ليــرضوا بأنفســـهن بتقـليدهن اذن!

امـــارات بلا مواطن ،، فـــقد بـدأت هــــوية المواطــن بالتــــــلاشي مع استقطـــاب الوافــــدين للعمـــل
بشتى المـــجالات،، وبـــــات المــواطن يتــجـرع البطـــالة مع تجــرعه الاغـــتراب في وطنـــه،،
ويكــــــأننــا نخــــاف من الاقتــراب من بعض الأمــــاكن المزدحمـــة بالأجــــانب وكـــأن البـــلاد
بــــــلادهم ،، والقلب يعتصـــره الحسـرة على حـــــال ذاك الوطــن ..

أعــــذريني عالاطــــالة ،،

كـــل التحـــايــــا لشخصك،،

صدى جوفي

حلم الطفوله
17-03-06 ||, 09:15 AM
عثرها طلعت نانسي هيه إلي تقلد العجيبه هاااااااه:laugh: بتحصل دواها مني لا تخافين :fa32:
وآنسه توتر طلعت المستخبي والمستور على قولة إخوانا المصاروه ...الكل يعاني منها :Oo:


بس اليوم تسببتي بكارثه ....من شفت هالملازم الأول ضب عسكري....وأنا خايفه أرد على إضافتج :fa39: وتوتر آنسه توتر انتقل لي شخصيا.... أحسبه بيعفد من الشاشه ...غيريه الغاليه راعي مشاعر الخوافين:fa52:

مشكوره عزيزتي على المرور الخفيف على النفس والقريب للقلب ....ومشكوره على كلامج الحلو:inlove:

المقاتل
17-03-06 ||, 12:04 PM
:inlove: :: .. سجــلي إعجـــابي في الموضوع الرائــــع .. ::

::> آنسه توتر <::

:fa46: الحمــدالله ما جابلت حد مثل الانسه توتر :fa32: و إلي بيغديلي مثل آنسه توتر الله يعينه على إلساني :fa46: يقولون عني بسرعه أعصّــب ، ما اداني :shocked: حد يضبط معنوياتي أو يكون متشائم ( قل خيرا أو اصمت أحسن عباره تنقال كاش ) نياههها .

::> دريول باشا <::

:look: الله يعينهم عليه وعلى بلاويه ، الحمـدالله الله ما بلانا في دريول ، :rock: وابدا لا أفضل دريول يسكن في البيت :fa51: أنا اكون دريول البيت احسن لووول .

::> ثقافة على الدنيا السلام<::

:fa46: احم احم .. << مدمن بلاي ستيشن بس بعـد وسيلة مفيده للقضاء على الوقت .

::>إليسا فاشن<::

:fa52: ما حصلّي الشرف اتعرف عليها هيهيهي .

::>إمارات بلا مواطن ؟؟<::

:shutup: حدث فلا حرج ، احينه لمواطنين انقرضوا هيهيهي ، كانوا في الماضي يعيشون هنـا سكانها الأصلييـــن ( لا سمح الله ) :fa38: .

:inlove: اشكرج على موضوعـج الجميــل ، وإعذريني فـ إضافتي بسيطه امام كتابتج المتميزه .

ولكن أحببت أن اشـارك من باب إن الموضوع عجبني وأيضـا ثبتـّـه من باب التشجيـع والاستمرار في طرح مثل هذه المواضيع يا حلم الطفوله ، لا عدمناكـ ِ .

.. المقاتل ..

الشوق
17-03-06 ||, 09:05 PM
شرطـــــه ولـكن !!!
دايما نسمع المقوله اللي يرددونها
الشرطه في خدمة الشعب ...
نحن ما نستهين بهم يوم هم يسهرون علشان راحتنا
ونحن ما نستهين بهم يوم يمسكون المجرمين
ونحن ما نستهين ابهم يوم يحافظون على الوطن ويرفعون شانه
ونحن ما نستهين ابهم يوم يحافظون على الامن في البلاد
لكـــــــــن !!!
يوم اتشوف الشرطي يستهبل على وحده :waa:
وقفها عسب المخفي او انها كانت تتكلم في التيلفون
او انها اتجازوت السرعه المطلوبه ..
فبدل ما اتحصل مخالفه من قبل الشرطه
اتحصل بطاقة البيزنس:daleel: كارد جاهزه للمزيد من التواصل
يعني عطيني ويه :negab: ( وما يصير خاطرج الا طيب )
.
.
.
تـــوطين والا واجهـــــــه :2:
لما نسمع كلمة توطين .. اتحصل كل المواطنين والمواطنات
شالين قشهم:bow: اووه اقصد اوراقهم علشان الوظيفه ..
شي حلو يوم اتشووف انه دوائرحكوميه امشاركه وياهم
لكن يوم اتشوف ان هالمشاركه هي واجهه علشان تنذكر اسماءهم في الجرايد
يعني منظر فقط .. هاللي ما ادانيه
رغم ان عندهم اكتفاء ذاتي:unlock: .. لكن دايما يعطون الامل للشخص
انه راح يزقرونه ... وانت يا مواطن اترقب هالامل حتى لو طالت المده للمعرض الياي ..
ودواليـــــــــــــك .....
.
.
عزيزتي حلم الطفوله ..
رائعه انتي كما اعتدناك دوما ...
انسة توتر وجيرانها فئه من فئات المجتمع الذين نسمع عنهم ..
والله يستر من الفئات الثانيه ..
خويتج/ الشـــــوق
:fa35: :fa35:

طير الحب
17-03-06 ||, 09:24 PM
السلام عليكم:mar7aba:


الانسة توتر...ذكرتني بشخص موسوس لحد مرضي...ينقل الهم لجميع من حوله ..كل شيء بنظره قوانين يجب اتباعها بدقه والا سيحدث شيء لا سمح الله ...الخروج بعد التاسعه خطر...الذهاب في نزهه خطر...كل ما يخطر على بالكم بنظره خطر:narr:


دريول باشا...الحمدلله بعيد كل البعد عن هذه الفئات لأني لا احبذ وجودها في حياتي.:yes:


إليسا فاشن...الجري ورائهم لن يمنحنا سوى ضياع الهوية الوطنية.:qor9anah:


الصراحه موضوع جميل ويوصل للقلب:fa35:

حلم الطفوله
17-03-06 ||, 10:11 PM
عزيزتي صدى جوفي

كل التحايا لردج إلي أضاف نكهه حلوه للموضوع ....شاكره مرورج :fa35:

المقاتل

وجودك بموضوعي أخوي هو شرف لي وتثبيتك له أشكرك عليه
وإضافتك شردت آنسه توتر ورجعت للبليستيشن معجبينها الوفيين...

شكرا للمرور وعسى ربي يحفظك وين ما تكون:smartass:

حلم الطفوله
18-03-06 ||, 10:44 PM
عزيزتي الشوق
شكلها الآنسه توتر نشرت توترها بربوع الواحات الغناء ...والشوق انصابت بسهم توترها:bow:
هموم يوميه تدفع الإنسان منا للتوقف والتفكير بأشياء لا يمكن تصورها
شرطي ولكن؟؟:cop:
دوره مهم ...وجوده اهم ...ولكن تلك القلة التي تشوه ذلك الواجب ...يبالهم ضرب وهزاب:doh:

توطين وإلا واجهه

تدفع الكل للتصديق بأن المواطن هو صاحب الكرت الرابح ...فأبواب العمل مفتوحه له وحده ..
لانه مواتن:puppyeyes: لكن الخريجه بعدها بالبيت ...وإلي تدرس بهالزمن تتأخر والسبب معروف ؟؟
ما شيء وظايف فليش أسابق الزمن وأتخرج بسرعه:smartass:

هموم الله يبعدها عنا ...شاكره لج مرورج عزيزتي

حلم الطفوله
18-03-06 ||, 10:54 PM
مرحبا ملاااااااايين ولا يسدن:mar7aba: عزيزتي طير الحب

بالنسبه لهالشخص بيكون مصاب والله أعلم بوسواس قهري توتري...الله يجيرنا منه

بس أعتقد إنه أغلب كبار السن عدهم هالوسواس وخصوصا الأمهات ...مهما كبروا وعرسوا لعيال بعدهم يحاتونهم:fa35: ففي هذه الحاله يسمى وسواس محبه قهري:yes:

صراحه ردج ورجوعج للموضوع وصل للقلب

حلم الطفوله
21-03-06 ||, 11:21 PM
بالانتظار اخوي بو مها:fa35:

شاكره لك مرورك الكريم

طفلة من هذا الزمان
22-03-06 ||, 10:12 PM
خفـــة دمج العجيبـة هي ما تعيدني مرارا و تكرارا هنـا عاجزة عن وضع رد ملائم لكثرة ما ضحكت من تشابه الأشخاص و المواقف ....

و دامها يت منج اقتنصها فرصـة تقطيع في البنــات ،، :fa34:

آنســة توتر ..
حظي العـاثر وحده جمعني فيهــا و خلاني انجبر اكون وياها في "قروب وورك" .. و حظي العاثر خلاني اشتغل مصلحة اجتماعية و محللة نفسية لهالانسانــة ...
تشاؤمها ال24/7 حاول يذبحني بكل الطرق و ايجابيتي صارت بالضبط مثل اسهم اغذية اللي من ارتفعت و نزلت ما طاعت ترتفع الا في اليوم الأخير لتسليم لبروجكت .. و الله اني حسيت بالحرية رغم اني خذيت فيه "D" بكل فخر لأني ما قدرت بأي من الطرق اتوالم وياها .. بس كان بالنسبة لي جنه العيد :fa34:

آنســـة I'm always right ..
تحير .. تخلي العقل يفتر من ثقتها الزايدة في عمرهــا .. كل اللي تقوله هي بس صح .. حتى لو خبر جريدة اقراه جدامها تقوولي لااااااا موب جي السالفة .. انزين ها اللي مكتوب انا ما يبت شي من عندي :shock: ... و لازم كل شي يكون حسب طريقتها و إلا بنحط سيده في البلاك ليست لأني بكون تعمدت اغايظها و تعمدت اكون ضدها بس جي مزاج مني :boxed:
عاد المشكله انها ادش الواحات بين فترة و الثانية .. ادعولي ما تقرا هالكلام بس :cop:

آنسـة كل الدنيـــا ضدي ..
تقول انها موب متشائمة .. و انها ترضى بالقسمة و النصيب .. و ان لن يصيبنا إلا ما كتب الله لنــا .. لكن أفعالها عكس تماما كلامهـــا ..
قلتولي كيف؟
مؤمنة جدا انها ما رسبت في الكورس لفلاني الا لأن المدرسة ما ادانيها ..
مؤمنة أكثر انها ما قدرت اتيب درجة احسن لأن ربيعتها يوم جيكت على بروجكتها ما جيكته بضمير
مؤمنة اكثر ان ربيعتها تعمدت تسير تتغدى قبلها عشان ما تسير وياها
اشيا غريبة عجيبة المهم هي مؤمنة فيها بكل انواع الايمان مهما حاولنا نوضح و نبرر و انفند الوقائع و الأحداث :nono:


يا رب ما يغتالوني بس :negab:


أختي حلــم الطفولــة ..
بدعــــــــــتي .. تسلم الأيادي ،،

انامل
22-03-06 ||, 10:37 PM
الله عليج:fa34:
مذهلة
ايوه امال :daleel: هاي المواضيع اللي ترسم البسمة ع الملامح:kcl: وتشيل النكد عن الخاطر
فعلا
لو تفكرنا بالشخصيات اللي تمر بحياتنا جان كتبنا مجلدات
حلم
اعجابي الج باسلوبج المتالق
استمري يا قمر
لايق عليج عزيزتي
اشتقت لج
واستمتعت حيل بقراءة موضوعج والردود

كل الحب يا قمر:kcl:

حلم الطفوله
23-03-06 ||, 02:52 PM
عزيزتي طفله من هذا الزمان

ولو تدرين بمقدار وناستي لما تردين على مواضيعي واحس بالفعل إنج وايه على الخط دوم ..
شو بتقولين ؟:kcl:

آنســـة I'm always right ..
هاي الآنسه صدق تحير ....لأنه حظي العاثر بعد جمعني فيها .... المشكله يا طفله إنها تثير غيظي:narr: دومه كلامها الصح ...لأنها ثقتها بنفسها وبثقافتها الواسعه تخليها تفسر الحقيقه على إنها حقيقه مزيفه ...لأنه هيه تشوف الحقيقه من وجه آخر وهالوجه الآخر هو الحقيقة الأصح ؟؟ يعني هالكاتب بالجريده وايد يبالغ أو ما عرف يوصل إلي يباه صح أو السالفه إلي كتبها غلط ...ولو حاولت آخذ وأعطي وياها بالموضع طبعا بتضيعني .... نوووووووووو ويه:boxed: هذا لو ما اندرج اسمي ساعتها بالقايمه السودااااااا:negab:

آنسـة كل الدنيـــا ضدي ..
هاي هالآنسه ترفع الضغط وتبط الجبد وتاكل بالفواد:nono:
كل الناس ضدها ...وكل الأساتذه ما يدانونها ...وكل البنات يكرهونها ...وحتى إنتي ممكن تكونين ترمسين من وراها ....... وإختها أكيييييييد ما تحبها .......
ودوم تختم كلامها ...خليها على الله .... كل شيء نصيب ... هالدنيا محد مرتاح فيها:boxed:
الله يهديها

طفلة الواحات ...تسلميلي على المرور[/CENTER]

حلم الطفوله
23-03-06 ||, 03:00 PM
]القلب الكبير أنامل:fa35: [/COLOR]

بهالدنيا عشنا وياما حنشوف:yes: ....
ومثل ما قلتي لو تفكر كل واحد فينا بالناس حوله جان كتب مجلدات
والحمد لله قدرت أرسم البسمه على وجوهكم وأدعو ربي إنها ما تفارق محياكم:fa35:

مرورج دائما ينثر عبق الحب والخير والتفاؤل بكل موضوع تدخلينه

شكرا يا قمر الواحات:smartass:

حلم الطفوله
23-03-06 ||, 03:08 PM
أخوي بومها ..عدت والعود أحمد:fa35:

هالسيد متشائم يذكرني بانسان دوم متشائم .... يعني انربط هالاسم فيه ... هو والتشاؤم وااااحد ...الله يرزقه بالتفاؤل والرضا

وهالجالية الإماراتيه روحهاااا سالفه ...ما فيني أرمسbrgll:

شاكره لك رجوعك للواحات وتعقيبك على الموضوع ووصل سلامي لمهايه أغلى طفله بقلوبنا...الله يحفظها

قلوب دبي
23-03-06 ||, 03:33 PM
:waa: :daleel:


:qor9anah: -:gof:


:negab: :6a:



أذا بتكلم عن انسه توتر
بكون ظلمتها حليلها مسكينه :nono:


الانسه تحاول ان تصيغ ظروفها و مشاكلها في صياغه متوتره ، تظهر هذه كلها في الغرفه
الزجاجيه التي تقطن هي بداخلها تحاول ان تكشف و تظهر كل الملفات المكبوته لديها من
منظور متشائم في حين هذه الغرفه بلا باب محاط بها الزجاج من كل جانب ، فمهما قلنا لانسه
توتر بأن الحياه حلوه و بها من الامور التي ترقى بها الشخصيه و بنظره الامل و السعاده فأنها
حين تأتي الى هذه النقطه تصطدم بجدار غرفتها الزجاجي ..


هناك من الاشخاص الذين مهما حاولنا ايصال نظرتنا للحياه بانها مغايره و بعيده عن التشاؤم
والابتعاد حياة النكد فهم سيبقون كذلك لانهم اعتادوا على هذا الامور و لن يأتيهم الفرج الا
حين يقتنعون بذاتهم و تأتيهم موجه ترميهم على شط الامان .


شخصيات متعدده منها الفلاح النشيط و الحارس الكسول ، شرطي المرور و مدير مستور ، الشجاع
من يقدم على عمل و الجبان من يتهرب من المسؤليات ، مدام هاله صاحبه الكوافير وزميلاتها بياعه
القيمات و ام اللسان المشؤم كلهم في متاهه داخل لعبه الدهليز لا يرون الطريق الا بصوره متعرجه ..


صرعات العصر في موجات ، ترتفع تلك الموجه بالرياح و الاعاصير التي تحوم حولها في عام 2007
ترون العجب و العجاب من الخفافيش المخيفه التي يشمئذ الناظر عند رؤيتها ، ودمى الباربي ذوات
الالوان الغجريه المخيفه ، في شخصيات اناس على هذه البسيطه ..


دولتنا الحبيبه - حفظها الله - من كل مكروه ، مواطنون بحاجه الى اقامه شرعيه على هذا الاقليم
في ظل التوترات الحاصله بين تعدد الجنسيات و دخول الالفيه العشرطعشريه ، و بعد المشاورات
التي تناقلتها وكالات الانباء و الصحف اليوميه ، و الحملات التوعيه ، الا اننا ما زلنا على أرض
غرباء في ديارنا ..



اعجبت بما خطته اناملك
حفظ الله قلمك المبدع
الى الامام دائما

قلوب دبي

حلم الطفوله
24-03-06 ||, 09:29 AM
قلوب دبي:fa35:

حديثك عن آنسه توتر وتحليلك لشخصيتها صحيح مليون بالميه ...لا تخاف ما ظلمتها:fa35:

الله يهدي هالآنسات يارب

جميع المتناقضات التي ذكرتها بردك حتما هي واقعا ملموسا بدولتنا ولكن آلمني ما ذكرته اننا غرباء بدولتنا:no0: يالله ....صدق هالاحساس ثجيل على النفس:no0:

شاكره لك مرورك وأبعد الله عنك آنسه توتر وربيعاتها

المقاتل
26-03-06 ||, 06:35 PM
ينزل من التثبيــــــــــــت ،، :)

طفلة من هذا الزمان
10-07-06 ||, 11:49 PM
مــوضوع لطيف جــدا .. حتمــا سنرجع هنا نلتمس بعض الضحكــات

لــذا .. تم نقلــه

الشوق
08-08-06 ||, 08:04 PM
عدنـــــــا :)
انسه توتر .. ويايه في الدوام .. صدق اتوتر اعصاب الواحد
الله يسلمكم يقولكم انسه توتر عندها اربيعه الروح بالروح .. وانا اشك اصلا
اذا كانت الروح بالروح ..
اتروح وياها واترد وياها .. ويسولفون وكل شي
ومن وراها .. تلعن بو خامسها .. اتقطعها تقطيع ..
عاد مااتحصل الا الشوق المستمعه ( تدرين فلانه كانت وسوت وراح ويت .. وخلت )
مااتخلى اي شي عنها حلو والا مر الا وقالته
.
.
صدق انها اتوتر ..
عاد في بالي ( بل يوم هاي اربيعتها على قولتها الروح بالروح ) شو خلت حق الباقين .. صفر ع الشمال ...
.
.
انسه الآنـــــــــــــــا
هذي موب احسن عن انسه توتر ..
ما تعرف كلمة انا .. انا سويت ,, وانا خلصت .. وانا محد سوى شراتي
جنى الناس اللي حواليها بهايم ... وهي الوحيده الفاهمه العالمه
وياريت لو ترسي على الانا بس
المشكله يوم تيلس وتخرط خريط .. وانتي عادي اسمعي وصدقي
.
.
استغفر الله وين عايشين
تبون الصراحه
في الدوام اتحصل العجب العجاب . .
خاصة لو كنت في ميلس اغلبيتهم حريم ..
عاد يبدى التقريض والحش
.
.
الله يعين ويهدي بس
قولو امين .
.
.
حلم ..
اسمحيلي بس احببت ان اخرج ما في جعبتي
مما لمسته من جيران انسه توتر

خويتج/ الشوق

فنجان قهوة
01-12-06 ||, 11:27 PM
هههههههههههههههههههههههه
حبيت الموضع الصؤاحه فنتوك

فرفوش
06-07-09 ||, 02:37 PM
مرحبااااااااا آنسه توتر خخخخ والصراحه يا حظ ألي يمشي معاها كله سوالف وضحك وأسجل مروري و حضوري و قراءتي و استمتاعي (( هل سأعود لا أدري !! ))
سجليني عندج في آخر السطووووووور عااااااصف فرفووووووووووش ... ودام قلمج