استشاره طبية مع الحســـــــاس

[العيناويه]

http://mzmz24.jeeran.com/salam.gif

http://www.ashog.com/images/love34.gif

تراودنا في كثير من الاحيان اسئلة شتى ... :nerd: تتراوح بين الغزيرة والمتوسطة ...:fa38:
واستفسارات يطول واحيانا يصعب الاستفسار عنها ... وغالبا يراود البعض الكسل في كشف الحجب عن مثل هذه التساؤلات ... ربما تكون تساؤلات علمية .. ومنها ما يكون اجتماعية ... واغلبها ما يكون طبية ... :fa45:
تختلف هذه الاستفسارات في مدى اهميتها ... وسهولة الحصول عليها ... :rock:
هنا فقط اسهل طريقة للاجابة على استفساراتكم وذلك بتسليط الضوء على طبيب عرف بتميزه في طرح المواضيع واستقبال اي استفسار بصدر رحب وكا ما يتعلق بالصحة وهو الحســــــــــــاس
... معنا نحن فقط في واحة العلوم والمعارف ... :laugh:
تقديم واخراج عيناويوووووووووو طويلة العمر ...

http://members.tripod.com/~linhager/flowers-2/pinkroses_butfly.gif

نتمنى للجميــــــــــــــــــــ ع دوام الصحة والعافية ...
السمووووووووحه
:heart: عيناويوووو طويلة العمر :heart:

[طير الحب]

السلام عليكم ورحمه الله وبركاته...

الصراحه موضوع جدا قيم...ويزاك الله خير اخوي الحساس وجعله الله في ميزان حسناتك.


سؤال هو...

بالنسبة للصداع النصفي ما هي أسبابه...في حالة كثيرا ما تصاب بالصداع لدرجة ان قد لايمر يوم من دون ان تصاب به...وتستخدم البندول وأوقات كثيرة الأبر لا أذكر أسمها...المهم هل لاسمح الله السكوت عن الصداع ممكن يسبب أمراض ...وهل ممكن يكون السبب أوروام أو مشكلة بالأعصاب...؟

[ألم ترى]

بسم الله الرحمن الرحيم
العيناوية
بورك فيك وجزاك الله كل خير ع تلك المقابله التي اتمنى بأن تكون متميزة مع دكتورنا المعطاء
:fa51:
دكتورنا الله يسامحك الصراحه وانا زعلان منك وانته تعرف السبب عالعموم
شو تخصصك بالضبط او انك دكتور عام ؟
:fa46:
ابي اسآل كذا سؤال بعد الرد إن شاء الله
ربي يحفظك ويزدك من العلم

[العيناويه]

يثبت الموضوع ...
ليتسنى للجميع المشاركة وطرح الاسئلة ...

[الحساس]

المسببات

قد يكون سبب الصداع النصفي التمدد المتزايد، أو التورم، أو خفقان شرايين الرأس. وقد تؤدي الأطعمة مثل الشيكولاته، وبعض أنواع الجبن الى حدوث مرض الصداع النصفي لدى بعض الأشخاص ..

الضغط العصبي، ، وبالنسبة للسيدات--> الفترات التي تحدث فيها تقلب في مستوى الهرمون بالجسم وهى فترة الدورة الشهرية.

السكوت عن الصداع النصفي غير مجدي.. لان يفضل اكتشاف السبب الي ربما يكون خبيث او حميد.. ولكل شي اسباب مهما كانت..





==========

اخوي محب الشيخين,, الحين عرفت ليش زعلت مني.. بس الي متاكد منه ان مابينا زعل ان شاءالله والي بخاطرك بيصير.. امر وتدلل..

طال عمرك درت طب عام بعدني ماتخصصت !!

[ألم ترى]

بسم الله الرحمن الرحيم
دكتورنا الحساس
اللي يعرفك ما يزعل منك ولو محطي بخاطر بالبداية لكن يوم شفت ردك كأنه شيء وذاب
:fa35:
دامك دكتور عام وبعدك مش متخصص
الله يوفقك ويسر خطاك ويجعلك ذخر لأهلك وبلدك
بغيت اسآل كذا سؤال منها اتأكد من المعلومات ومنها اتعلم منك ومنها الاعضاء بيتابعونا فيها
:fa38:
ـــــــــــــــــــــــــ ـــــ
1 / اذا كان شخص ينزف من ريله او بالأحرى مبتوره فهل نربط رجله ام ندعها على ما هي عليه ؟
2 / كيف اسعاف كسور العمود الفقرة والحوض ؟
3 / كيف نسعفع المتحترق ؟
ـــــــــــــــــــــــــ ـــــ
لي عودة إن شاء الله

[حلم الطفوله]

دكتور الواحات الحساس:fa39:

عندي استفسار ...بالنسبه لانفلونزا الطيور ؟
أبغي أعرف تفاصيل أكثر عن هالمرض وطريقة انتقاله للانسان ...
خصوصا بإنه هالفتره كثر انتشار هالمرض ووصل لمصر ...؟؟وماتت مصريه بسبته:boxed:

ولك مني كل الشكر

[العجيبة]

حلـو ، هالموضوع كنت أدوره قبل أسبـوع

زين فتحتوا واحـد يديد ، لأن عنـدي سؤال يراودنـي ..

اممم دكتــور .. شو رايــك في مرهم روفينـاك ؟ استخـدامه بكثـرة يأثـر ع الأعصاب ؟؟

وبس ، مشكــورين وما قصـرتـوا ..

[شوق القلوب]

السلام عليكم..

د. الحســـاس.. ربي يعطيك العافيه على التجاوب ويا الموضوع.. :)
ان شاء الله راجعيلك.. بعد ما اتخف الاسئله عليك.. :sad4:

[العيناويه]

كل الشكر للي ساهموا في تفعيل واثراء هذا الموضوع بالنشاط ...
ويعطيكم العافية ...

حتيه حلم الطفولة بخصوص مرض انفلونزا الطيور ...
لقيتلج هالموقع يمكن يفيدج ويثري معلوماتج ... وتتوصلين للي تبينه ...

http://www.birdflue.ps/about.html

والسمووووووووحه
عيناويوووو طويلة العمر

[العيناويه]

اعلاااااااااااااااااااااا اااان هاااااااااااااااااااااااا ااااااااام
سوف يتم حذف اي مشاركة تحتوي على شكر وثناء دون احتواءها على اسئلة ... وهذا للعلم ...
يرجى التقيد بالتعليمات ..

السمووووووووحه
عيناويوووو طويلة العمر

[الــــوردة الحمــــرة]

السلام عليكم

اخوي الحساس كيف الواحد يعرف انه عنده غدة درقية او لا؟ لازم يروح يفحص؟ هل الاشعة بس تكفي ولا لازم اشعة وتحليل دم؟

وشو اعراضه؟

[الحساس]

السمموحه منكم..

راح ارد على الاسئله ان شاءالله اليوم.. ورا ابدا بالسهل على اساس الصعب يبالع بحث ودرايه اكثر..

الورده الحمرة..

الي عنده مرض الغده الدرقيه.. يكشفون عليه ب 3 اشياء...

اول شي الدم ( يشوفون نسبه الهرمونات الي تفرزها هالغده مرتفعه او لا)
ثاني شي عن طريق السكان ( التصوير)
زالشي الثالث (يعتمد على الدكتور وطريقته في الكشف على المرض) ياخذ جزء صغير من الغده ويحللونها..

احيد يوم كنت ادرس باخر سنه ثانويه عامه وبحصة الاحياء خبرنا الدكتور ان الممثله هاله صدقي فيها الغده الدرقيه .. رقبتها من جدتم منتفخه!! :p
وانتفاخ الغده الدرقيه له اسباب كثيره وامراض كثيره عسب جي بالفحوصات الي كتبتها فوق نعرف اي مرض في المريض الي خله الغده تنتفخ او تصغر!!

[الحساس]

العجيبه..

ماعليج امر لو تكتبين اسم المرهم بالانجليزي ..

لان كل الادويه لها اسمين واحينا 3 اسماء..
فالاسم الي عندج اظن اسم تجاري واالاسم العلمي الاطبا يستخدمونه بينهم ..

انتظرج ..

[الحساس]

حلم الطفولة..

الموقع الي يابته الاخت العيناويه وفى ولا تحبيين ازيد ؟

[العجيبة]

اسمـه Rofenac gel

أظن في حبوب لهن نفس الاسم ..

بس أنا أطري المرهـم ..

[الحساس]

كيف تصنف الحروق؟

الحرق هو الإصابة الحرارية للأنسجة مما يؤدي إلى تخثر أو تنخر تلك الأنسجة. وهناك عدة مصادر للحرارة وباختلاف تلك المصادر تختلف التدابير العلاجية لهذه الحروق نذكر من هذه المصادر الآتي:

الحرارة الجافة مثل التعرض المباشر للنار أو للغازات الحارة.

الحرارة الرطبة كالتعرض لبعض السوائل الحارة.

الحرارة الكيماوية كالتعرض لبعض الأحماض مثل حمض الكبريتيك.

حروق الإحتكاك

حرارة الإشعاع كالتعرض لفترة طويلة لأشعة الشمس أو أشعة إكس.

كيف تصنف الحروق؟

وتصنف الحروق على حسب عمق الإصابة في الجلد علماً بأن الجلد يتكون من االبشرةُ Epidermis (الطبقة الخارجية) ومن الأدمة Dermis (ما تحت الجلد) ومن الطبقة الدهنية (ما تحت الأدمة).


وهناك ثلاث درجات للحروق:

الدرجة الأولى حيث تصاب فيها طبقة الأدمة وتتميز هذه الدرجة بوجود احمرار في المنطقة المصابة وشعور المريض بالألم ويحدث الشفاء في خلال 10-14 يوماً وفي الغالب لا يحدث أي تغير فيزيولوجي للجلد.

الدرجة الثانية حيث تصاب فيه طبقة الأدمة مع جزء من طبقة ما تحت الجلد Dermis وتتميز هذه المرحلة بتشكل ما يسمي بالنفاطات (فقاعة أو بقبيقة) Blisters كما يحدث تغيرات فيزيولوجية تؤدي إلى تأخر تكوين الطبقة الجديدة من الجلد ويحدث الشفاء في خلال 25-35 يوماً.

الدرجة الثالثة حيث تصاب فيه جميع طبقات الجلد مع تغيرات فيزيولوجية عميقة كما يتم تخريب لخلايا الدم، ويأخذ الجلد اللون البني القاتم.

كما أن الحروق من الدرجة الثانية بالإضافة إلى حدوث التهاب (عدوى) في المنطقة المصابة تعتبر حروق من الدرجة الثالثة وفي كلتا الحالتين يحتاج المريض إلى زرع جلد ذاتي من أجل الشفاء.


وبصفة عامة يمكن تحديد عمق الحروق باختبار الوخز حيث يوخز المريض فإذا شعر بألم يعتبر من الدرجة الأولى أو الثانية أما إذا لم يشعر بألم فإنه يعتبر من الدرجة الثالثة وذلك لأن نهايات الأعصاب قد تم تخريبها بسبب الحرق.

كما يمكن أيضاً تحديد الدرجة عن طريق نزع الشعر فإذا كان سهلاً وبدون ألم فإن الحرق يعتبر من الدرجة الثالثة وإلا فإنه من الدرجة الأولى أو الثانية.

العلاج

إن علاج الحروق يجب أن يعتمد أساساً على

إعطاء المريض مسكن للألم مثل الباراسيتامول أو في بعض الأحيان الكودايين أو المورفين .

الاعتناء بالحرق والوقاية من حدوث التهابات ميكروبية وعلاجها إن وجدت.

إعطاء المريض بعض السوائل الوريدية وذلك للوقاية من حدوث صدمة الحروق وللوقاية من حدوث نقص كريات الدم الحمراء والتعويض عنها ولعلاج نقص السوائل الناتجة عن الحرق، لإعادة توازن الجسم الكهرليات Electrolyte المضطربة.

نقل الدم للمريض وذلك في حالات الحروق العميقة والتي تزيد نسبتها عن 10%.

علاج حرق الدرجة الأولى والثانية (إذا كانت النسبة المئوية للمنطقة المصابة 15% أو أقل عند الكبار أو 10% أو أقل عند الصغار):

يجب تنظيف المنطقة المصابة بعناية بالصابون والماء

إزالة الأنسجة النتنة وجميع الفقاعات المتكونة

بعد ذلك إما أن تترك المنطقة مفتوحة (خاصةً إذا كان الحرق في منطقة الوجه والرقبة والجذع والأطراف أو منطقة الأعضاء التناسلية) وذلك لسهولة حركة المريض ولترك المنطقة المصابة تجف.أو يمكن أن تغطى بمرهم الفلامازين أو مادة غير لاصقة مثل السفراتول ثم تغطى بطبقة ماصة من الشاش والضماد ويتم التغيير على الحرق كل يوم أو يومين.

علاج حرق الدرجة الثالثة (أو إذا كانت النسبة المئوية للمنطقة المصابة أكثر من 15% عند الكبار أو أكثر من 10% عند الصغار) باستثناء منطقة الوجه واليدين:
يجب استئصال منطقة الحرق وعمل عملية الترقيع وعادةً ما تجرى خلال يومين أو ثلاثة أيام من حدوث الحرق.

هذا بالنسبه للحروق وعلاجها والي يحدد العلاج هو الدكتور ... لكن,, بالنسبه لسؤالك اخوي محب الشيخين كيفية اسعاف الحروق..يعني قبل وصول المريض للمستشفى.. فهذا هو من عمل المسعف او اي شخص قريب من المريض قبل وصوله المستشفى :
وضح قماش نظيف ويفضل لو معقم على المنطقه المحروقه لمنع وصول الجراثيم لها لحين وصول المريض للمستشفى واتخاذ اللازم.. وغير ذالك تمرير الماء البارد على المنطقه المحروقه .

========================

بالنسبه لكيفة اسعاف الفقره او العمود الفقري.. الصراحه ماعندي اي فكره عنها!!!!
لكن دام ان العمود الفقري يحوي على الحبل الشكوي فبديهيا المصاب لازم يكون في الوضع المستلقي على ظهره ويمنع من الحركه لين وصول المسعف المختص..

=======================

الي ينزف من ريله او بالأحرى مبتوره بديهيا لازم تربط ريله فوق منطقه النزيف!!! والا الشخص راح تتدهور صحته بسس نزيفه وبالتالي بتيله حاله shock (يعني قلة الدم في جسمه) والموت يمكن يكون مصيره.. لكن قبل كل شي نحدد و نشوف كمية الدم الي ظهرت منه هل هي كثيره او لا وعلى اساسه نتخذ اللازم..

ماشاءالله اسئلتك كلها اسعااااااااااف... و ماخذ دورة الاسعاف من 7 سنوات :p الله يعين

[العيناويه]

اخويه الحساس ..
عندك فكرة عن نسبة النجاح في عمليات القلب ... اذا كان في القلب انسداد لشريانيين ...
هل العملية خطيرة لحد ما ؟؟؟ وهل لها آثار جانبية عقب ما تنجح ؟؟

السمووووووووحه
عيناويوووو طويلة العمر

[عذبة الروح]

السلام عليكم والرحمه

اول شي ..
اشكر اختيه العيناويه على الموضوع الطيب
وان شا اله نلاقي منه الفايده .. وتعم علينا يميع

ثاني شي ..
اشكر الدكتور الحساس على اجوبته

ثالث شي ..
س .. سؤال
قريت ردك على السؤال الاول اللي يخص الصداع

لكن عندي استفسار .. ذكرت حالتي لاكثر عن شخص ][ مب دكتور ][
وكلهم يستغربون ويقولون .. اول مره نسمع بـ هـ الشي

الله يسلمك ... الحمد الله انه ما اييني الصداع وايد
لكن يوم اييني يستمر بـ الكثير 3 - 5 ايام
الغريب في الموضوع .. يكون في الم بسيط واااااايد ..
لـ درجه اني انسى انه عندي صداع
لكن فجأه .. احس بصوت داخل راسي .. جانه شي كان مسكر .. وانفتح
اللي اعرفه ...
سبب الصداع هي زياده في افرازات السائل الدماغي ][ جي شي ][ :kkk:
لو غلط صحح لي المعلومه
وانا اقول الصوت اللي اسمعه .. انه السائل يكون محصور بـ مكان معيّن
وفجأه يوم تزيد كميته يطلع من المكان ... وهـ الصوت هو لحظه طلوعه
يوم اسمع هـ الصوت بـ لحظتها .. اييني لـ عوار بـ القو ... وما احتمله
ومدة الالم تقريبا ثواني .. مب ازيد عن 10 - 15 ثانيه
ويرد الالم بسيط ... مثل ما كان قبل

ما ادري لو مر عليك هـ الشي قبل
ارد واقول .. انه الكل يستغرب .. وحسيت انه فيني شي
لكن لين الحينه ما استشرت اي دكتور .. لانه فترات طويله تمر لين احس بـ صداع
احيانا توصل تقريبا لـ 6 شهور

وبـ كل الاحوال
اقول .. الله يعطيك الصحه والعافيه
ويسلموووونيشن دكتورنا

اختك
عـذ الـروح بـة

[الحساس]

بالنسبه لسؤال العجيبه عن مرهم... Rofenac gel

يستخدم هذا الجل للاغراض التاليه..

امراض الروماتيزم ، اللتهابات العضلات والاوتاد والاوتار .

اما عن ال side effects يعني المضرات انه :

حساسيه الجلد ، بعض الاشخاص يمكن يتاثر نظرهم.. غير جي ماله اي مضاعفات..

والسموحه

[الحساس]

العيناويه .. عمليات القلب الي تطرينها هي عمليات القلب المفتوح ..

وخلال اشهر من الحين بيفتحون في بوظبي افضل سنتر لعمليات القلب المفتوح في الشرق الاوسط اما بالعين او بوظبي.. ومن بعدها الدوله ماراح اطرش اي مواطن للعلاج بالخارج لانها بتييب افضل الدكاتره..
خطوره العمليه تكمن في حاله المريض قبل العمليه اما بعد العمليه فمضاعفات العمليه نادره لان الشريانات استبدلت والقلب في افضل حال مما كان عليه قبل..
لكن من مضاعفات العمليه هي / اللتهاب الجرح .. عدم فاعلية الشراين الي حطوها .. تسرب الدم من بين الشراين..

قبل شهر حد من العايله سوله عمليه في مستشفى دبي والحمدالله نجحت..

وفي مستشفى خليفه العسكري (اظن جي اسمه ) عندهم دكتور فرنسي يمدحونه حيل ومهتم وابيد وشاطر الف مره عن دخاترنا,, وانصح اي شخص فيه..

والسموحه
القلب المفتوح صارت من الاشياء العاديه.. وهب مخيفه مثل ماكان معتقد لان ماراح يسوي العمليه الا دكتور متمكن..

نسبه نجاح عمليات القلب المفتوح 95 %

[العيناويه]

اخويه الحسااااااااااس ...
ابو ربيعتيه سوا العلمية في مستشفى خليفة العسكري الي تطريه ...
وقالوله خلاص ما فيه اي شي ... وهو بخير الحينه ... بس عقبها بكمن شهر ما حسوا الا وهو في العناية من نفس المرض وبنفس الاعراض يعني ولا جنهم سووا اي شي ... وللحين نفس الحاله ...
ونفس الشي عم ربيعتيه سواها في المانيا وتوفى ... وواحد من نسابنا نفس الشي وتوفى ...

انزين الي قالوله انه نسبة نجاح العملية بــــــــــس 50 % شو تقول ؟؟؟؟؟

السمووووووووووحه
عيناويوووو طويلة العمر

[بنوته صغيرونه]

الحســـاس : هاو ار يو ،، اقولك البارحه جني شفتك ف التلفزيون و الا ها مب انته ؟؟ LOl

المهم انا عندي سؤال عن هاي النقط البيضه اللي تطلع عالأظافر فيه ناس يقولون انه هالشي سببه نقص في الفيتامين صح و الا ؟
متعقده منها قبل كانت عندي ف ظفر واحد و الحين صاروا ثلاث اثنين اكبار وواحد صغنطوط توه مولود

عندك فكره عن هالموضوع ؟؟

[الحساس]

عذبة الروح.. السموحه منج على التاخير!!

نرجع لسؤالج..

بدايه احب انوه ان تشخيص الي فيج مابيي بس عن طريق السؤال والحزاب لان في اشياء لازم نكشف عنها .
- اعراضج هي : صداع
صوت تسمعينه

لازم اول شي نعرف متى ايلج هالصداع باي فترات.. المسا او الصباح ، متى يتوقف هالصداع هل تسوين شي معين عسب يوقف الصداع؟؟ تاخذين اي دوا عسب يوقف الصداع واذا هي هل ينفع انه يوقف الصداع؟

باي منطقع اييلج الصداع مقدمه الراس ولا على الجانب ولا ورا ؟ هل من اعراض اخرى تصاحب الصداع غير الصوت المفاجئ ؟

بالنسبه للصوت تسمعينه باذن وحده ولا الاثنين؟ الصوت يشابه صوت شو؟ شو تسوين عسب تتخلصين من الصوت؟

اسئله اخرى .. نظرج اوكي؟؟ كيف يكون نظرج خلال سمعاج للصوت؟؟ اي ضبايبه خلال سماعج للصوت؟
عندج اي افرازات بـ اذنج؟ عندج مشاكل بالجيوب الانفيه؟
عندج ضغط او سكري او تشكين من اي امراض ثانيه؟ تيلج الحمى خلال الصداع او تحسين بتعب خلالها؟
حد من اهلج قد صار له نفس الي صار لج؟
تاخذين اي ادويه؟
قد سويتي اي عمليات قبل؟
اييلج هالصداع خلال الدور ولا الايام العاديه..؟
هالاسئله كلها تحتاي اجابه..

اشك ان عندج اللتهاب بالاذن ( بالاذن الداخليه)..

وبيبين اكثر عن طريق الفحص وتحليل الدم للهرمونات ..

اما عن شرحج لسبب حدوث الصداع هب دقيق .. لكن الصح هو انقباضات في الاوعيه الي بين الدماغ والي تسبب انتقاخ هذه الاوعيه بالسوئل الموجوده فيها..

[الحساس]

العيناويه الي يقول ان نسبة نجاح العمليه 50 % هذا يعني في عوامل اخرى غير العمليه يمكن تفسد العمليه.. مثل ان الرايل كبير بالسن ومايتحمل فتح الصدر!! الضغط او السكري احد الاسباب..

بشكل عام الي يقلل من نسبة نجاح العمليه يعرف ان في عامل اخر يفسد نجاح العمليه هب العمليه نفسها الي تكون خطره !!

[الحساس]

بتوته

سبب النقط البيضه كثيره ومنها..

انفصـال الأظفر ونقص الكالسيوم و الزنك يؤديـان إلى ظهور نقط بيضاء .


وللزيااده اقري التالي..


شكل و لون اظافرك الطبيعي يشير إلى المرض الذي تعاني منه

- الاظافر الشاحبة أو الباهتة : يكثر فيها البقع البيضاء التي تدل على فقر الدم ( الانيميا ) الناتجة عن نقص الحديد
- الاظافر الزرقاء أو الرمادية : تدل على أن هناك مرض بالقلب أو مرض بالرئة
- الاظافر الخضراء : تشير إلى اصابة بالبكتيريا (عدوى بكتيرية ) أو فطرية
- الاظافر السواداء : تدل على اصابة فطرية، ووجود بقعة سواداء و/أو زرقاء بالقرب من قاعدة الظفر قد تكون كدمة سببها اصابة أو ضغط على الاظفر، إن وجود البرقشة الصغيرة السوداء ذات الحافة الحادة بالاظافر سببها في الغالب اصابة بسيطة وفي حالات نادرة قد يكون سببها اضطرابات في تجلط الدم أو عدوى اصابت صمامات القلب
- الاظافر الصفراء أو البنية : تدل على مرض الثعلبة أو الصدفية أو نقص المواد الزلالية أو اضطراب الكبد أو القلب ، قد تنشأ عن نيكوتين السجائر
- تقعر الاظافر : تشير إلى وجود اضطراب في الدورة الدموية
- الاظافر السميكة : قد يكون سببها مشاكل في الدورة الدموية ، تأتي متزامنة مع تصلب الشرايين
- الاظافر المفلطحة : قد تنبيء عن مرض رينود ، و الاظافر المفلطحة التي تتسم بالرقة وتتخذ شكل الملعقة سببها في بعض الاحيان نقص التغذية مثل نقص الحديد
- الاظافر البارزة : تعبر عن مشكلة تنفسية ، وقد تنشأ عن حالات جلدية مثل الصدفية ، الحزاز ، أو عدوى مزمنة بمنبت الظفر
- الاظافر النبوتية ( الشبيهة بالهراوة ) : تشير إلى وجود عدوى بالرئة ، سرطان الرئة ، أو امراض القلب الخلقية
- التحزيزات المارة عبر الاظافر : تشير إلى وجود مثل البرد
- اظافر القدمين المنحنية و السيمكة : هي نتاج طبيعي للشيخوخة والضغط على القدمين نتيجة ارتداء أحذية ذات مقاسات غير صحيحة
- الاظافر الهشة : قد تكون احداعراض حالة مرضية كامنة مثل العدوى الفطرية أو مشكلة في الغدة الدرقية أو نقص غذائي وبخاصة فيتامين أ ( بيتاكاروتين ) أو البروتين .


للحفاظ على الاظافر يراعى ما يلي :


- عدم قص الاظافر عند الثنيات الجانبية حتى لا تتعرض للالتهابات
- ان استعمال الاسيتون في ازالة طلاء الاظافر يعرضها للجفاف و التشقق ويجب تجنب استخدامه بالتقليل من استخدام المانكير
- في حالة تكون الاظافر ناعمة و مقشرة يتم استخدام الجيلاتين و الفيتامينات و المعادن باستخدام علاجات موضعية تقوي الاظافر
- في حالة وجود اظافر جافة هشة تكون نتيجة للتعرض للماء بكثرة ، وهنا يجب تجفيف اليدين تمامآ بعد ساتخدام الماء مع دهانها بمرطب جيد ويمكن دهانها بطبقة من زيت الخروع
- في حالة ظهور نتوءات حمراء حول منبت الظفر فهذا يدل على وجود حساسية بسبب استخدام دهانات تحوي الفورمالدهيد ويجب الابتعاد عنها
- لحماية اظافرك من التشقق ( نتيجة تعرضها للكيماويات وللمياه اثناء غسيل الاطباق والقيام بالاعمال المنزلية ) ينصح بارتداء قفاز أثناء ذلك
- يراعى عدم الاسراف في استخدام طلاء الاظافر حتى نتجنب استخدام الاسيتون
- يراعى عند استخدام المبرد أن يتم تحريكه على الاظافر في اتجاه واحد وليس ذهابآ وايابآ حتى لا تتعرض الاظارف للتقصف
- لـ علاج الاظافر الهشة تغمس الاظافر في عصير ليمون ( أي عمل حمام لها )
- لـ علاج تشقق الاظافر ضعي حول اظافرك جليسرين ليغذي الجلد حول الاظافر ويمنع التشقق
- لا بد للعناية بصحة الاظافر الاهتمام بالتغذية الجيدة ، لان سوء أو نقص التغذية يؤدي إلى ضعف الصحة العافة الذي سيؤثر على صحة الاظافر ، كما يجب علاج هذا الضعف أو الانيميا بالفيتامينات و المعادن اللازمة ، وأهم معدن هو الحديد ، ويجب ملاحظة أن المرأة تتعرض لانيميا نقص الحديد أكثر من الرجل بكثير بسبب النزيف الشهري المتكرر واعباء الحمل والولادة ، مما يضر بسلامة اظافرها ، ولذا يجب مراعاة هذه الناحية بالاقبلال على تناول المأكولات الغنية بالحديد ، مثل السبانخ والكبدة والبيض والبطاطس والخضراوات واللحوم
- تجنبي تنظيف أو تقليم الاظافر وهي مبللة لأن ذلك يعرضها للتقصف
- لا تبالغي في جعل اظافرك طويلة حتى لاتتعرض للاصابة ولتجنب تجمع الاوساخ اسفلها
- عالجي أي عدوى فطرية تصيب الاظافر في بدايتها ، لأن علاجها يطول ، وعليك استشارة الطبيب متى لاحظتي أن اظافر بعض الاصابع صارت سميكة جافة فاقدة للبريق

[عذبة الروح]

مسموح يا خوي ...
ومشكور لـ تجاوبك مع حالتي

لكن ...
لو جاوبتك على الاسئله ][ عـ الخاص ][ .. تساعد بـ معرفه الحاله ولو بـ شي بسيط

ولو ما تساعد ..
من هو الاستشاري المسؤول عن الصداع؟
وربي يعطيك العافيه
ويعلك ذخر لنا .. ولوطنا
وبارك الله فيك
والسموحه

[الحساس]

هي تساعد..

الشخص الي لازم تروحين له.. طبيب الاماراض الباطنيه!! ولازم بموعد

والموعد تاخذينه بعد ماتدخلين على الطبيب العام( شراتنا )

لان الطيب الباطني بيحدد حالتج هل هي تبع الباطني او اذن وانف وحنجره ؟ يعتمد على نتايج التحليلات..

[المزوحي]

مساء الخير .. الحساس ربي يعافيك .. أنا عندي مشكلة في ركبتي اليمنى .. وصح هو مش تخصصك .. لكن أنا سرت عيادة خاصة عندنا في دبي .. وعملوا تصوير وتحليل دم .. صح مافيه نقرس الحمدلله ..
لكن المشكلة استمرت .. على طرف الركبة اليمنى من الداخل في عظمة شرات الكرة الصغيرة تتحرك ومسويه ألم لي وأحيانا ينتشر الألم من منطقة الركب لين فوووق .. يعني ما اقدر اركب الدري ولا حد من الصغارية يأتشب عليها ... طبعا سرت الهند وبعد الفحوص قال الدكتور بيضربني أبره مؤقته أو بيسوي ليزر عسب يشل شويه من هالكره ... أنا رفضت مابغي اتسرع .. وللحين أعاني .. ومن مده سرت المستشفى الأمريكي وخبرته عن كل شي .. قال سووو علاج طبيعي .. ووصف لي حبوب .. ما اذكر شو اسمها .. وللحين أعاني من الألم ..
هل تنصحني أزور مركز علاج أو شي من هالقبيل ؟؟
السموحة منك

[الحساس]

المزوحي..

في المنطقه الي ذكرتها ماشي عظمة منفصله مكوره صغيره .. الافي حاله وحده وهي ان نادرا يحصل عند بعض الناس ان ينولدون وعندهم عظمه صغيره زياده..

لكن اذا كنت الي تقصده بالعظمه الصغيره على شكل كره.. ( قصدك عظمه الفخذ بس من الطرف) او ( عظمه الريل بس من الطرف) فهاي حاله ثانيه..

على اي حال..

انتشار الالم لين فوق يعني ان المنطقه المكوره تضغط على العرج !!
الحل علاج طبيعي بس ياخذ وقت طويييل

او عن طريق الجراحه وتختلف نوعية الجراحه لاختلاف الحاله ..

انا افضل انك تزول دكتور ثاني سير العياده المتخصصه بالعطام..

اذا ماخاب ظني شي عياده للعظام والعمج الفقري بجميرا.. وهذا طبعا متخصص !! سييرلهم وخذ برايهم وقارن الاراء وبتحس بنفسك منو فيهم الصح..

الله يعينج ويشفيك

[المزوحي]

تسلم الحساس على الرد .. وتراني أنا سرت تخصص عظام في الهند وهنيه بعد .. لكن ماشي فايدة
وبشوف اللي تطريه ...

مع السلامة

[لبن مثلج]

ماشاءالله وتبارك الله ،، الواحات استوت مفيدة باصحابها ،،،

د. شو ناوي تتخصص بعد الامتياز ؟؟

عيناوية ،، ياويلج ان مسحتي ردي :smartass:

تراه هذا سؤال رقم واحد؟!! :terms:

[الملهم]

مرحبا ..

تسلم اخوي الحساس على المجهود ..

سؤالي ..
ايش نصايحك في اللي عنده تساقط في الشعر واللي شعره خفيف ؟؟
شو يستعمل ؟؟

وفي سؤال ثاني بس احس انه غير مناسب اني اكتبه اهنه ..
فعادي اطرش لك رسالة خاصة؟؟

ولكم كل الشكر والتقدير

[لمّــاح]

الـــسـلام عـليكم . .

موضوع غاية في الروعة، بصراحة بيفيدني وايد ..

عــندي مشكلتين في الوقت الحالي و ابغي حل الهن ، أتمنى اني ما اغثك ، و سبب طرحي لهالمشكلة في الواحات هو لأني عيزت من الدخاتره الي عندنا و لأني وايد مشغول و ماعندي وقت حق مراجعة المستشفيات و هالخرابيط ..

1- في فترة من الفترات، كنت احس بتغير في دقات القلب .. ساعات دقات القلب اتخف و ساعات تكون الدقات سريعة وايد و ابتدي اعرق و اناهي ( شرات يوم تتعب عقب الرياضة أو الجري ) هذا غير الويع الي احسبه مثل نغزات في القلب طبعا وايد تعبت و ماشي فايده لين ما الوالده عرفت و ودتني المستشفى غصبا عني، سوولي أشعة حق القلب و قالولي راجعنا عقب اسبوع أضني ..
يومين جان يتصلوبي و قالولي لمّــاح تعال ضروري المستشفى !! زغت انا، سرت دخلوني الغرفة و سحبو مني دم و دخلوني غرفه ثانية عقب عشان يسوولي تخطيط حق القلب أضني اسمه ايكو مادري شي جيه .. تميت فترة في العناية (( يعني نفس اليوم ما بت عندهم )) لين ماضهرت النتيجة قالولي خلاص الحين مافيك شي بس في الاشعة الاولية طلعلنا ان صمام القلب منسد :puppyeyes: لكن في الاشعة الثانية شفنا ان الصمام مابلاه شي لكن عضلات قلبك تعبانه و تمو يخورطون عليه و عطوني ادوية .. المهم اني لبست السالفه و احس عمري احسن لكن ردتلي هالحالة على أخف .. بغيت اعرف من شو ..

2- يتني ضربه على ورجي من سنين، طاولة طاحت عليه، طبعا مارمت امشي حوالي يومين من كثر الويع وطلعلي مثل الورم مكان الضربة و الحمدلله الويع خف و رديت امشي عــادي عقبها .. لكن الورم هذا بعده موجود لين يومك ( السالفه من 7 سنين تقريبا ) و راجعت مره دكتور و قال لي هذا ورم حميد !! :nono: راجعت دكتور ثاني ( احمد بشر اذا اتعرفه ) و قال لي هاذي العضله الي في الورج اتغير شكلها من قوة الضربة الي يتك عشان جيه تحس ان شي ورم في ريلك ..
ف شو رايك، و شو الحل عشان يخوز الورم و كيف اقدر اعرف اذا هذا ورم حميد أو لأ ..
الدكاترة غسلت ايدي منهم و ماعندي وقت حق المراجعة ف قلت بسألك ..

السموحه عالإطالة !!

[الحساس]

لـبن مثلج..

حاليا طبيب عام
بالتحديد مادري اي تخصص باخذ لكن عندي خيارات .. وعقب سنه بحدد اي تخصص بدخل..
وانتظر الاسئله الثانيه ..



===================================


الملهم ..

هذا السؤال لين الحين رغم تقدم العلم ماراموا العلماء يتفقون على نتيجه وحده لان اصلا ماوصلوا للحل الامثل..

على اي حال,,

شي دوا ربيعي استخدمه غالي شوي بس هو شرا الشابوا تغسل راسك به كل يوم.. الدوا هذا نفع مع ربيعي بحيث ان وقف تساقط شعره وعلى كلامه بدء بالمناطق الفارغه يظهر عنده شعر خفيف..

الدوا هذا الصراحه صناعه المانيه لكن تحت التجربه !! يعني مايتحصل باي دوله ومادري جان موجود بالبلاد او لا.. لان اربعي طلبه من اللمانيا تحت اشراف داكتره كانوا عنا بالتشيك.. بس دام السالفه تحت التجربه يعني النتيجه هب اكيده..

باختصار ماعندي لك حل الا نصيحتين..

الاولى لا تغسل شعرك دايما لان الماي والمكونات الي بالماي من شوائب تسبب تساقط الشعر..
ثانيا استشر طبيب جلديه هو المتخصص بهالسوالف.

والسؤال الي تبغي تساله طرشه بالخاص مب مشكله

بالتوفيق

[الحساس]

الـــسـلام عـليكم . .

موضوع غاية في الروعة، بصراحة بيفيدني وايد ..

عــندي مشكلتين في الوقت الحالي و ابغي حل الهن ، أتمنى اني ما اغثك ، و سبب طرحي لهالمشكلة في الواحات هو لأني عيزت من الدخاتره الي عندنا و لأني وايد مشغول و ماعندي وقت حق مراجعة المستشفيات و هالخرابيط ..

1- في فترة من الفترات، كنت احس بتغير في دقات القلب .. ساعات دقات القلب اتخف و ساعات تكون الدقات سريعة وايد و ابتدي اعرق و اناهي ( شرات يوم تتعب عقب الرياضة أو الجري ) هذا غير الويع الي احسبه مثل نغزات في القلب طبعا وايد تعبت و ماشي فايده لين ما الوالده عرفت و ودتني المستشفى غصبا عني، سوولي أشعة حق القلب و قالولي راجعنا عقب اسبوع أضني ..
يومين جان يتصلوبي و قالولي لمّــاح تعال ضروري المستشفى !! زغت انا، سرت دخلوني الغرفة و سحبو مني دم و دخلوني غرفه ثانية عقب عشان يسوولي تخطيط حق القلب أضني اسمه ايكو مادري شي جيه .. تميت فترة في العناية (( يعني نفس اليوم ما بت عندهم )) لين ماضهرت النتيجة قالولي خلاص الحين مافيك شي بس في الاشعة الاولية طلعلنا ان صمام القلب منسد :puppyeyes: لكن في الاشعة الثانية شفنا ان الصمام مابلاه شي لكن عضلات قلبك تعبانه و تمو يخورطون عليه و عطوني ادوية .. المهم اني لبست السالفه و احس عمري احسن لكن ردتلي هالحالة على أخف .. بغيت اعرف من شو ..

2- يتني ضربه على ورجي من سنين، طاولة طاحت عليه، طبعا مارمت امشي حوالي يومين من كثر الويع وطلعلي مثل الورم مكان الضربة و الحمدلله الويع خف و رديت امشي عــادي عقبها .. لكن الورم هذا بعده موجود لين يومك ( السالفه من 7 سنين تقريبا ) و راجعت مره دكتور و قال لي هذا ورم حميد !! :nono: راجعت دكتور ثاني ( احمد بشر اذا اتعرفه ) و قال لي هاذي العضله الي في الورج اتغير شكلها من قوة الضربة الي يتك عشان جيه تحس ان شي ورم في ريلك ..
ف شو رايك، و شو الحل عشان يخوز الورم و كيف اقدر اعرف اذا هذا ورم حميد أو لأ ..
الدكاترة غسلت ايدي منهم و ماعندي وقت حق المراجعة ف قلت بسألك ..

السموحه عالإطالة !!


هلا لماح..

بداية الحمدالله ع السلامة..

بالنسبة للمشكله الاولى .. لكل شي سبب والي فيك له سبب.
دامه المتخصص بالقلب قالك ان عضلات قلبك فيها شي فاكيد اعتمد على النتايج الي كانت بين يديه والادويه الي وصفها لك هي الحل الي هو شافه لمشكلتك. اما انك تلبس السالفه الي قالك عنها الطبيب المختص وتستفسر من طبيب *عام* عن مشكلتك فشي غريب الصراحه..
على اي حال هب كل الامراض نروم نكشفها من الاسئله ومعرفة الاعراض لازم الفحصوات تلازم هذا كله.. فحوصات القلب وايد.. واهمها هي السكان (الايكو) وتخطيط القلب و ال CT-scan وانزيمات القلب والاشعه العاديه والـ angiography وماتحتاييهن كلهن لكن بعضهن بيحدد السبب.

اما عن سرعة وبطء دقات قلبك هذا بدون شك هب من الصمام .. لان اذا صاب الصمام شي لا سمح الله بتكون سرعه القلب وحده اما سريعه او بطيئه. لكن في حالتك عندك الاثين وهذا معناته شي واحد هو ان الجهاز الي يثبت نبضات القلب عندك فيهن شي (وهالجهاز موجود بين عضلات القلب).وهذا الجهاز له ادويه تعيده الي حالته الطبيعيه .
السؤال الي كنت لازم تسال الدكتور وقتها : شو يعني ان عضلات القلب تعبانه.. ومن حققك تعرف كل شي عن حالتك من الطبيب حتى لو اخذت وقته كله..




الساؤل الثاني..

الدكتور اي قالك انه ورم حميد دكتور فاااشل.. شقايل يعرف اذا حميد او لا .. او حتى يعرف انه ورم؟؟؟؟
طريقه وحده بس يروم يعرف فيها ذاا ورم او لا حميد كان او غيره.. وهالطريقه هي اسمها biopsy يعني ياخذ عينه صغيره من المكان الي فيه الورم من الداخل وبعد مايشوفون الخلايا تحت الميكروسكوب بيعرفون اذا ورم او لا!!

اما الدكتور الثاني الي قالك ان العضله تغير شكلها !! والله اول مره اسمع بهالشي ان العضلات يتغير شكلها!!لكن واذا افترضنا ان تغير شكلها هب لازم يعطيك علاج عسب يردها مثل ماكان بغض النظر عن طريقه العلاج!!

ماادري اي لون الشي هذا (بنسيمه الجسم) هل لون الجلد الي فوقه عادي ماتغير؟؟
الجسم هذا يتحرك او ثابت بمكان اذا ضغطنا عليه؟
وهل هو لين او يابس؟
وباي منطقه بالضبط موجوده؟

ماروم اتنبأ بهالشي قبل لا اعرف اجابات الاسئله..


عندك حلين لمشاكلك
الاول لا تعتمد على دكاتره البلاد سافر برع وريح بالك بالي بيقولونه..
الثاني : انك تسير لكثر عن دكتور 3 او 4 او اكثر وبعدين شوف وقارن كلام كل واحد وبعقلك بتحس منو فيهم الصح.. وهذا الاسلوب اتبعه اخوي وبالاخير وارتاح من بعدها..

احسن الداكتره يوم اييله مريض مايقوله والله انتي فيك جي وجي.. لا.. يقوله نحن بنقسم الامراض الي قروبات وبانخذ كل قروب وبنكش عليه لين نظهر الي فيك.. وهالاسلوب انجح اسلوب واتقنه.

الله يوليك العوافي

[وحي القلم]

السلام عليكم و رحمة الله و بركاته

مشكور د. الحساس على الموضوع

و أنا بس أبغي أعرف عن احتقان الجيوب الأنفيه

شو سببه ؟ و ماله علاج ينهيه ؟

لانه استوالي من مده و خذت الأدويه و خاز الحمدلله

بس ألاحظ أنه يوم أوخي لمده طويله (خصوصا وقت المذاكره) و وقت السجود

يرد نفس الصداع و الويع الى كنت أحس به و لو ما كنت مزجومه

..

و السموحه
:)

[لمّــاح]

هلا اخويه الـحساس ..

ياخويه بخصوص القلب أنا لبست الســالفة لسبب ..

أنا اول ماسرتلهم قالولي مافيك شي، من كثر ماتفكر يتعب قلبك، طبعا ما اقتنعت !!
سرتلهم مرة ثانيه قالولي فيك الغدة الدرقية و سوولي تحاليل و طلعت بخير ..
آخر شي استوتلي سـالفة تخطيط القلب و كم مره خططولي القلب و حطوني في العناية و حطولي وايرات على صدري و آخر شي طلع مافيه شي !!
بذمتك تباني أثق فيهم و في ادويتهم ؟ :nono:
لكن بس حبيت اعرف من شو تتعب عضلات القلب ؟؟

و بخصوص الي في ريلي، توني ادري انه لازم يسوي كل هالفحوصات عشان يعرف اذا ورم حميد أو لأ :nono:

بخصوص الاسئلة:


اما الدكتور الثاني الي قالك ان العضله تغير شكلها !! والله اول مره اسمع بهالشي ان العضلات يتغير شكلها!!لكن واذا افترضنا ان تغير شكلها هب لازم يعطيك علاج عسب يردها مثل ماكان بغض النظر عن طريقه العلاج!!

والله هذا الي قال لي اياه !! بلسانه قال لي انته عضلة ورجك من عقب الضربة القوية الي يتها تغير شكلها (( مدعمية سيارة و انا مادري :puppyeyes: )) !!


ماادري اي لون الشي هذا (بنسيمه الجسم) هل لون الجلد الي فوقه عادي ماتغير؟؟

نفسه نفسه، ماشي فرق حتى مايبين ان هناك فرق في اللون ولا هم يحزنون !!


الجسم هذا يتحرك او ثابت بمكان اذا ضغطنا عليه؟

ثـــابت مايتحرك


وهل هو لين او يابس؟
مب يابس و مب لين، يعني نفس ملمس و نفس قوة أي جزء ثاني من جسمي، اللهم ان هالمكان وارم .. يعني اضغط عليه و اضغط على المكان السليم الي عداله، نفس الشي مب أيبس ولا ألين ..


وباي منطقه بالضبط موجوده؟

ورجي ..


شـوف، السالفه اني كنت مسكر الطاولة و أسحبها ( طاولة تيبل تنس ) ، ماوعيت الا بتاير الطاوله انكسر و جان اطيح عليه طبعا من وزنها طحت و طاحت على ريلي، المكان الي ضربني أكثر شي هو حد الطاولة، و الضربة هي الي على ورجي .. أول ما طاحت الطاولة طبعا مارمت ادق مكان الضربة لأنها وايد كانت تعورني و احس ريلي مثل المتخدرة مارمت امشي يومين و عقبها عادي، لكن تعرف انته اي ضربة اتيك لازم يورم المكان المضروب ف تمت وارمة ريلي و تغير لونها الى الازرق و الاسود و رد اللون عادي بس الورم هذا ماخاز، لين اليوم موجود !! كملنا 7 سنين يمكن .. !

بخصوص الدكاتره، صح دكاترة برع احسن لكن ماشي وقت شو أسوي، و ثاني شي بخصوص اني اراجع كذا دكتور .. بصراحه عقب الي سووه فيه ماشي ثقة موولية !

اسمحلي وايد اهذرب ، طولت عليك ..

[حبوبه دبي]

بــس حبيــت اشجعــك واشكــرك

:fa34:

الله يــوفجــك يـــارب

وانــا متــابعتكــم من البداايــه :yes:

والسمــوحه

[لبن مثلج]

د. حساس

ذكرتني بشغلي السابق ... كنت مسؤوله عن القطاع الطبي الخاص (منشات وافراد) وحفظت الشهادات الطبية من كل بلدان العالم ... فلازم اتحط افتوقيعك د.حساس G.P ،،

يعني بترد عقب سنة وبتتخصص في المانيا؟؟؟ وتاخذ الفاخارث؟؟

سؤالي:: هل هناك تحليل خاص لمعرفة جميع انواع الحساسيات الموجودة في الجسم؟؟؟؟

[أمطار]

. . .الســـلام عليــكم ورحمــة الله وبركاتــه. . .

يعطيك العافية دكتورنااا ..
شحالك ؟!
ربك إلا بخيـــر؟!
:fa35:

دكتور بغيت أتخبـّرك عن نوبة صداع غريبة تصيبني للمرة الثانية ..
:no0:

في البداية داومت وأنا احس بكآبة فضيعة ومالي مزاج لأي شي ،،
بس أبا أخلص شغلي وافتك من الهم ..
وأنا أطالع شاشة الكمبيوتر حسيت كأني "عشيانة" شرات لو كنت أطالع في الشمس فترة عقب بحاول أطالع شي ثاني .. اشوفه كأنه بقعة ضوء في المكان اللي احاول اركز فيه ..
أما باقي الأماكن الرؤيا فيها هب واضحة ..
غمضت عيوني فترة .. قلت يمكن من إضاءة شاشة الكمبيوتر ،،
عقب قلت بخلص شغلي على الأوراق قبل وبعدين باشتغل ع الكمبيوتر . .
بس استوا نفس الشي الكلام اللي اركز فيه احس كأنه عليه بقعة ضوء ..
وعيوني تعورني يوم اركز أما الباقي أحسه ضبابي وهب واضح بالمرة . . .!!

حسيت بقـهـــر لأنه وراي شغل وايد وما أقدر اشوف شي عسب أبدا في الشغل!!
وتميت بس جي يالسه وعقبها بفترة ياني صدااع فضييييع ..
قلت يمكن من الضيج والعصبية صدّعت ،،
بس تم فترة طويلة ويوم أحرك راسي أحس انه الصداع يزيد . . .
والأصوات قمت أحس انها داخل راسي وما أتحملهااا ..

من القهر والغيض تميت أباغم مكاني!!
وزجـّمت من الصياح وزاد الصداع مكان الجيوب الأنفية . . .!

وهاي مب أول مرة يستوي عندي جي ..
فـ شو المشكلة دكتور .. هل ممكن تكون أعراض الشقيقة؟!
:bye2:

وبشو تنصحني؟!
بس فحوصات وسيرات المستشفيات ما عندي لها وقت خصوصا ً هالفترة!!
:sadwalk:

كل الـــودّ. . .
أمطار

[لبن مثلج]

د. حساس ،،وينك؟؟؟

عندي اسئلة ثانية