حادث على شارع الضيافه!

[الحساس]

:

:

:

:

[شوق القلوب]

السلام عليكم..

ربي يهون ع الفلبيني... و يعين الولد... يحليله.. بيتبهدل وهو مب غلطان..!!
.
.

الموقف اللي مريت فيه صعب.. يباله جرأه.. وفي نفس الوقت عليك مسؤوليه لو صار للجريح شي..
بس ماشاء الله عليك عيال البلاد.. فيكم البركه..

ربي يحفظكم من شرور الحوادث..

[ألم ترى]

بسم الله الرحمن الرحيم ..

الصراحه مليت من هاي المواقف يعني اذا ماحصلت حد يساعدك فالمشكله انه ينتقدك ..

ماشي شغل لااااه لاهو يبي يساعدك ولاهو يبي يصون لسانه من اعراض الناس :fa55: ..

فيك الخير والله ولين الناس كلهم شرات :fa42: ..

اللهم هون عليهم مصائبهم وكن في عونهم ..

عالعموم يزاك الله خير يالحساس وفي موازين حسناتك إن شاء الله ..

[أمواج]

لا حـول ولا قوة إلا بالله . . .

[تحفه]

ماشاء الله عليك :)

الله يحفضنا من الحوادث وشرها

[الحساس]

هي نسيت ..

محب الشيخين .. خبرني شو لازم اسويه انت ادرى بهالمواقف... انا خبرتك بالحاله وبالتفصيل هو:

الريال كان مجلوب على بطنه وماكنت اروم اشوف ويهه لان شعره طويل

يوم قلبته وكشفت عليه شفت اليرح فوق راسه تقريبا طوله 6 او 7 سم

بس ماكان ينزف وايد رغم ان ويهه مغطى بالدم..

شو لازم او المفروض اسويه.. ومنكم نستفيد

[ألم ترى]

فديت خشمك دكتورنا الحساس
القاعده اللي عندي تقول :
انظر .. فكر .. اعمل
شوف غناتي انا واحد مني بجيك عليه اذا كان يتنفس ويتكلم هذا من باب انه يكون في حالة كسور وخاصه فالعمود الفقري وانا ما ادري فأذا كان يرمس بسأله واذا لا طبعآ بنجبر اني اعدله خوف ان التنفس واقف او بيوقف لئن راسه عالأرض وساعتها بجيك عليه فالأولى التنفس ومن بعدها النزيف وعقب الكسر
فاللي انته سويته عالربشه اللي مستويه عند الحادث هاي بروحه شجاعه انك تساعد واحد شبه ميت لئنه في جرح عميق فالرأس واحتمال يكون كسر موجود فيه ومصحوب بالنزيف
فاللي اشوفه انك صح وغلط يعني ارتبشت ويا الحضور ولكن غايتك انقاذ شخص بين الحياه والموت
:fa42:
بقولك سالفه صارت لي :
وصل لنا بلاغ بأن شخص محصور فالسياره والحمدلله مافيه شيء ونحن اول ماوصلنا حاولنا نبطل الباب لكن ماشيء فايده واستخدمنا المعدات اللي عدنا وفتحناه ونقلنا المصاب المستشفى ومن حسن الحظ ان المصاب جاري وهو سوداني ملتزم المهم رحنا عنه واليوم الثانيه سرت له البيت اطمن عليه فيوم شافني باسني وحضني وقالي والله بالحرف الواحد :
انتوا ملائكة الله فالأرض
عاد انته فكر فيها وشوف موقفك يوم وقفت ويا المصاب الفلبيني
:fa42:
اكرر مره ثانيه واقولك يزاك الله خير وليت الناس شراتك فهاي المواقف الصعيبه

[الاهويون]

خوش قصه الله يبعندنا من الحوادث وآلمها

[المزوحي]

الله يساعهم هم بثنينتهم ... وعلى طاري المساعده المعرووف إنك ماتلمس الشخص لعله فيه كسر وتسير إنته تزيده وصح انته دكتور لكن لو كنت كشكل رسمي وهو في المستفىى غير .. يمكن من جيه الشباب اترددو يساعدوون لكن لو وحده مغرزة كلهم بيووون بدون ماتطلب المساعده :)
وبقولك إنه كل الشوارع أصبحت تخوف من طريقة السواقة ومن هل بالسياكل اللي يفروون عمارهم
عيل مافر هندي عمره على واحد نعرفه وعق عمره على الشارع ..الحبيب كان يبغي خرده لأنه يوم قال بوديك المستشفى رفض لكن الطيب أصر وقاله بوديك ويوم وصلوا هناك طلبوا يسوون له اشعه
ماوعى إلا إنه الريااال شارد ... ( أظن ماشي إقامه ) أو شي من الأمووور ..
أنا أنا قمت أخااااف لايطونك درب ولايحترمونك .. وكله عندهم منو بيكون الأووول ..
طبيعي بنخااااف ..

[قرموشة]

لا حول ولا قوه الا بالله ,, اللهم اكفينا شر الحوادث ,,

[إسهر معي ليله]

تعجبني والله،، عيني عليك بارده

الله يشفي الفلبيني ويعين اللي دعمه،، وان شالله السالفه تعدي على خير

والناس احين لو شافت واحد بين الحياه والموت ما بيسووله شي،، يخافون يسووبه شي او يكون مسوي شي ويدخلونهم فالموضوع

يعني ما تدري كيف،، فـ أغلبهم يقولون فيه شرطة واسعاف وهم بيسوون كل شي،، بس اللي سويته شي تشكر عليه ونادر ما تحصل حد يسويه

والله يكفينا شر الحوادث

[كـلـكـلـووش]

مريـــت بهالموقـــف ..

كنت فــ شارع قرقـــاش في الشــارجه ..

كنت انا مع ربيــعــي فـ موتــر و اخــوي بالموتــر الثــاني ..
كــنا رايحــين النـادي الاهــلي .. كــانت مبــاراة الشــارجه و الاهــلي ..

اخــوي كــان مجــدمنا .. و نحن نســولف شـــفت شـــي طااااااار فوووووووق و دق دقه قويـــه في الارض .. يوم نزلنا لقــيت اخوي نازل من الموتر و احس ان مــدوخ و موتره متــكسر .. و جثــه ع الارض ..

شوي و لا اشوف موتــر ايي و يدوس الجثه .. و ايي الثاني و هم بعـد يدوسه ..

اخخخخ .. والله منظر لين الحين ما انســاه .. و مستحيل انســاه .. تقطع قلبي و الريال يتقطع جدامي ..
المــهم .. وقفت في نص الشارع .. ( الشارع 3 سيدات و الجثه طايحه في النص ) و قفت عسب محد بعد يمر و يدوس فوقه و خليت اربيعي يوقف موتره جدام الجثه ..

و نفس الوقت كنت احاتي اخوي .. لأن فيه ضيق تنفس و ربو .. المهم يوم رحت له .. سمعت واحد لبناني قال مات .. و اخوي تم يطالع الجثه و ما قدر يستحمل .. اغمى عليه ..

و طبعا ما عرفنا نسوي شي .. يبنا ماي و رشينا ع ويهه و دخلناه داخل الموتر لين ما وصلو الانجاد و بعدين الاسعاف ..

و الحمدلله يوم سار المستشفى حطو الاكسجين له و ردت عافيته .

انسجن يومين بس لإنه عسكري و طلع ..

و تلعوز واايد فـ المحاكم .. بس اللي ساعده ان مش مسلم .. يعني مش لازم يصوم شهرين ..

الحمدلله ..

و الصراحه اهنيك و اثني عليك على موقفك . .
على الاقل احسن عن غيرك .. فيك الخير ..

سلام
كـلـكـلووش

[مملوح الوصايف]

موقف تحسد عليه
استويت بطل في زمن قل فيه الأبطال
الصراحة نادر ما اتحصل واحد عنده مثل هالجرأة
لأنه احتمال ينقلب الموضوع عليك وإنت بنيتك تساعد وتنقذ هالفلبيني
جزيت خير على هالموقف النبيل والله يكثر من أمثالك دكتورنا

[حبوبه دبي]

فيــك الخيـــر والله ،،

:fa51:

وليتــهم شــرااااتـك بــس !!