منتخبنــا بين اربع جهــات

[شمه]

السلام عليكم والرحمــــه..

عادي انحط شعر عن المنتخب في هالواحه صح؟؟
ترى يحطون عبيدليات في جريدة الخليج الرياضيــــه يعني عادي انحط اهني صح ؟؟ :fa51:


منتخبنا ضاع بين اربــــــــــع جهــات
يا شمال او شرق او غرب او جنوب

ما ابــــــــالغ لــو اقول انهم بــــــنات
منتخب أي منتخــــب دوم مغـــــــلوب

أي مــــــدرب لا هــــــاتو مدربــــــات
يمكن انه قلـــب هالــــــلاعب يــذوب

وقتها بــــيبدع ترى بـــــــــكل الكرات
دام طبعه صــــار في المـــلعب كذوب

متنا ونحن نقـــول ترى فات الي فات
والملامح كلها صـــارت شحـــــــوب

ليـــه نجبر من ولائه فيه مــــــــــات
بالــسلامه ما نبي شخص إمغصوب

من ثمـــان سنين وإحنا في سبـــات
تشرق الدنيا و إحنا فــــي غــــروب

ننهزم دايــــم ومن كل اللــــــــــغات
نخسر إحــــنا دوم إذا هــب الهبوب

ارضنا نسقيها من ماي الفــــــرات
عذب صافي بس ما نلقى الخصوب

الدلـــــــــــــع لي حقق ألهم أمنيات
هو سبب كل هالـــخساير والكروب

وفي سويسرا دوم احـلى معسكرات
أي معسكر والترف في كل صـــوب

أرقى فندق..وأحلى لبس وكله هات
والنتيجه فالـلعب طبعا رســـــــــوب

وللأسف كلهم بعد لمباريــــــــــــات
فالحين بشي واحد واهو الهـــروب

يوم يصفر هالحكم بالصــــــــافرات
قالوا التعويض في باقي الــــدروب

والله لو نمسك لهم إحنا العصـــات
وكل واحد فيهم يكــون إمســــحوب

يمكن نحقق جزء من أمنيـــــــــات
ونرضي هالجمهور ونداوي القلوب

منتخب كوريا وصل سابع سمــــات
وإحنا سابع ارض ترضينا يـا دوب

ما نعرف نمرر أبسط هالكـــــــرات
والحبايب لـــــــــعبهم ع الاب توب

منتخبنا ضم تشكيلة بنــــــــــــــات
منتخب أي منتخب دوم إمــــغلوب

لا طعــم لا لــــون لا شكل وحلات
كنه نور الفوز بالــــدرب محجوب

وبصراحه ضعنا بين اربع هالجهات
مدري شرق شمال أو غرب الجنوب


الشـــــــــــــاعر .. طارق المحيــــــــــــاس..

[بيور]

:fa56:

طااارق المحياااااااااس ,..



وين كلكلوووش :fa46:

[كـلـكـلـووش]

احــــم :glare:

بداها نجم نادي العين وجا التأكيد أهـلاوي .... وعقبه يابها سمعه بعــــد ما خانـــــــه التوفيـــق

وسالم أكد حضوره بقوه ما رجـــع خــــاوي .... وجننهم سعيد الكـــــاس خـــلاهم بلا تعليــــــق !!!

فريقي محترف كله ابد مب مستوى هاوي.... بهـــالـــروح القتاليه يالابــيض واصـــل التحليــــــق

ومني كلمه للمخرج ترى التصوير مأساوي .... يعيد بنص هجمتنا !! دخـــيلك وين تبا يا رفـــيق

الحمـــدلله منـتــخبــنا عــرف جهـــاته .. و عــرف نغــمة الفــوز و نغــمة التسجـــيل ..
و هالابــيــات جــديمه لطــارق المحيــاس ..
ايــام التخــبط الاداري و الفــني لكــرة الامـــارات ..

أمــا الحــين .. فــ الحمــدلله .. نقـــولها بأعــلى صـــوت .. ( مـــنــتـــخــبـــنـــا يـــا الـــغـــالــــي ) :fa34:

أتمــنى ان يــكــتـب شــعــر عن نــجــاحـــات المنــتــخب اللي تـــحقق الحـــين .. مــب بس يـــود الســـلبــيـــات .. خــله يـــدور الايجـــابــيــات ..
تــشــكـــرات يــــا مـــدرب يـــا كــبــيـــر .. يـــا طـــارق يــا محيـــاس :glare:

يــســلمو اخـتـــي شـــمــه ع الطـــرح . . .

ســـلام
كـلـكـلـووش

[العجيبة]

ارضنا نسقيها من ماي الفــــــرات


:look: والخليج العربي وين موقعه من الاعراب ؟!

خخخ توني أدري انهم اييـبون ماي من العراق بس عشان يسقون البلاد !! :laugh:

شكـرا أختي ع القصيــدة .. ده كـان زمـااان ..:sleepy:

[حبوبه دبي]

أمــا الحــين .. فــ الحمــدلله .. نقـــولها بأعــلى صـــوت .. ( مـــنــتـــخــبـــنـــا يـــا الـــغـــالــــي )

:fa34:

كلكــلــــوووشش انته كــده :fa42:

تسلميـــن شـمــوتنــا ع القصيــده ،،

[ألم ترى]

بسم الله الرحمن الرحيم ..

لو المنتخب نزل اسفل السافلين بعدنا نقول يا منتخبنا الغالي :fa42: ..

شكرآ عـ الطرح ..

[بيور]

تــشــكـــرات يــــا مـــدرب يـــا كــبــيـــر .. يـــا طـــارق يــا محيـــاس :glareكـلـكـلـووش



انت جـــــيـــه :fa42: :fa42:





:fa51: بيووووور

[شمه]

افا افا ..

اللي يقول انا اللي كاتبه الكلمات..

انزين هذا يزى اللي يبي يسوي لكم ترفيه في واحتكم .. ما عليه ما عليه..

اكيد المنتخب بيظل عالي لانه يرمز لاحلى دوله ... وهي الامارات..

و القصيده ان كانت جديمه ولا يديده انا حبيت اطرحها وبـــــس..

عيل اقروا عبيدليات في الجريده احسن.. :(

[حبوبه دبي]

بلاااج !!

ويـاراسج بــس كنـّاا انعلــق ع القصيــده مــب اكثــر :fa51:

ومـانبـا نقــراهاا فـ الجريده نبـاها فـ الواحـات :vampire:

[بيور]

له له له له ,, لاااااااتزعليــــــــــــ ــــــــــن ,..

شمه حبووبه ,, كله ولا زعلج ,, اللي تبينه حطييه في الواحااات .. :woot: ونتريا منج المزيد ,, :fa42:

[كـلـكـلـووش]

افا افا ..

اللي يقول انا اللي كاتبه الكلمات..

انزين هذا يزى اللي يبي يسوي لكم ترفيه في واحتكم .. ما عليه ما عليه..

اكيد المنتخب بيظل عالي لانه يرمز لاحلى دوله ... وهي الامارات..

و القصيده ان كانت جديمه ولا يديده انا حبيت اطرحها وبـــــس..

عيل اقروا عبيدليات في الجريده احسن.. :(
مشــكله اللي يــمــدون بوزهــم بسرعــه هههه

يــا خوج محــد علــق عليــج .. كلــنا عــلقــنا ع القصيــده .. و ع كــاتبــهـا ..
نـتــريه منــج جــديد الشــعـر الريــاضي لول ..

و شــكرا ع الموضــوع مــره ثــانيه :fa42:

[العيناويه]

منتخبنا طلع والا نزل بعده يظل عالي وغالي في عيونا وقلوبنا ...
تسلميـــــــــــــــــن شمه ...
بانتظار كل يديد منج يرفع من معنويات المنتخب ...

السمووووووووووحه
عيناويوووووو