{ أحــب الـبر و المزيـــون }

[صريح]

مرحبـــا الســـاع


شحالكم كلن بحاله ؟ ...

هاا اول موضوع لي في واحة التصوير و إن شاء الله يعجبكم :fa44: ...

سلمكم الله تفقنا في يوم من الايام انه نسيير انخيم في البر و بعد مناقشات حاده اتفقنا على ان لا نتفق هههه "سوالف" .... فرتبنا كل شي و تيمعنا عن نقطة الانطلاق شرات ما نسوي قبل اي رحله "انيوك المزهر" و الرحله كانت لمده يومين :fa51:

سمينا بسم الله و توكلنا ...


و نبدأ بالصور:

http://upload.bindubai.com/download/e7saas/1.jpg

هاي الصوره من تصوير و تصميم المبدع احمد بلهول :fa47:

...

http://upload.bindubai.com/download/e7saas/2.jpg

وعلى انغام ابو بكر سالم بدينا المسير "قال بو محضار قلبي من قديم الوقت سالي" :fa35:

...

http://upload.bindubai.com/download/e7saas/3.jpg

في هاي الصور حاولت اصور كل المواتر بس موتر واحد ما طلع :fa55:

...

http://upload.bindubai.com/download/e7saas/4.jpg

و طبعن طوول الدرب و حنا طاوين العداد ... شو رايكم ببوست التيربو ؟ :fa52:

...

http://upload.bindubai.com/download/e7saas/5.jpg

و احنا فالدرب طلعولنا "صلوح و صويلح" المساكين بغونا نوصلهم العزبه بس ما كان عدنا مكان :fa46:

...

http://upload.bindubai.com/download/e7saas/6.jpg

Pose الزمول فيه دلع و عنفوان .... بختصار غييير :fa41: !!

...

http://upload.bindubai.com/download/e7saas/7.jpg

بعد تقريبن نص ساعة وصلنا قريب الفايه و بدينا نربخ (نفّسد) ع التواير

...

http://upload.bindubai.com/download/e7saas/8.jpg

و انا ما صدقت وقفنا و بديت اصور :fa34:

...

http://upload.bindubai.com/download/e7saas/9.jpg

صوروني وانا يالس اصورهم " صادوه" .... ههههه :fa56:

...

http://upload.bindubai.com/download/e7saas/10.jpg

و بدا الحماس و التقطيع :fa32:

...

http://upload.bindubai.com/download/e7saas/11.jpg

وصلنا البقعه اللي بنخيم فيها واسمها سيح العقارب (بين الفايه و البداير) :fa38:

...

http://upload.bindubai.com/download/e7saas/12.jpg

الفتك و بـــــس :fa47:

...

http://upload.bindubai.com/download/e7saas/13.jpg

نويت مرباع الغضي سيد الاحباب .. قصدي يزول الجرح زاد التهابه
جيت وبقايا نارهم حول الاطناب .. وبيت الشعر مطوي وباقي زهابه

...

يـتـبـــع

[صريح]

http://upload.bindubai.com/download/e7saas/14.jpg

دعاية حق قاهر الصحراء و البراري برادو بو محمد .... خخخخ

...

http://upload.bindubai.com/download/e7saas/15.jpg

نزلنا السامان من المواتر و الشباب نزلو فالهور يلعبون :inlove:

...

http://upload.bindubai.com/download/e7saas/16.jpg

وانتو نشوفون هاي الصوره فيه سؤال يطرح نفسه اي واحد من النياسين مال لمــاح ؟ .... :vampire: لوول

...

http://upload.bindubai.com/download/e7saas/17.jpg

وبعد ما خلصوا لعب ريحنا شوي و صلينا المغرب وانا رجعت اصور طبعن ..

...

http://upload.bindubai.com/download/e7saas/18.jpg

صوب دار الخل انويت السفـر .. القلب مشتاق واحـث المسيـر
بتبعه لو فـي مهاليـك الخطـر .. والسبب ما بي من الشوق المثير
هام قلبي في هواكـم وانجبـر .. صدقوني كيف اسلا ما يصيـر
يا حبيبي من مصابي في خطـر .. وارحم اللي صار في حبك أسير

...

http://upload.bindubai.com/download/e7saas/19.jpg

الغــــــروب :fa35:

...

http://upload.bindubai.com/download/e7saas/20.jpg

محــــاوله فنيه

...

http://upload.bindubai.com/download/e7saas/21.jpg

محــاوله لكسر المألوف فالتصوير

...

http://upload.bindubai.com/download/e7saas/22.jpg

بت نار الشوق تلعب بي .. ساهرٍ والنـاس هيعيـه
بان مابي لوبها غبـي .. بينـت لعيـون ما بيـه
افضحتني واكشفت نبي .. والله يعلم مقصد النيـة
من سبايب ذاك لمحبـي .. حط لي في القلب ماريه

...

http://upload.bindubai.com/download/e7saas/23.jpg

Macro 1

...

http://upload.bindubai.com/download/e7saas/24.jpg

Macro 2

...

http://upload.bindubai.com/download/e7saas/25.jpg

هاي الصوره اخر صوره صورتها قبل ما نرد لبلاد ..كانت الساعه 5 الفير و لو تلاحظون بعض الشباب بعدهم رقود .. خخخ
للاسف خلص جرج الكيمره و ما صورة شي في اليوم الثاني


حقوق النشر محفوطه لــ صريح و واحات بن دبي فقط !!


و السمــوحه ع القصــــور
صــــــــــريــــــــــــ ـــــــــــــــــــح

[العجيبة]

يا ريت دعاية حق الفتك وبس ! .. سويت دعايه حق مييحــد ، سرت أدور أغنية بت نار الشوق .. خخ

ما شاء الله ، رحلة جميييييله ، اهم شي استانستـو ..

الصورة اللي سألت عن سيارة لماح فيهـا ، أكييد اللي فيها مخفي ..

وتسلم يدينـك يا اخوي ـ تصويرك حلـو ..

[المقاتل]

:fa43: :fa47: :fa34: يــــــــا ســــــــلام :fa34: :fa47: :fa34:

من قــــــــدكـ عاش راعي النيسان

و تصويركـ ماشاء الله رائــــــع

.. اتمنى منكـ الاستمرار في عرض صوركـ ..

:: .. المقاتل .. ::

[بحر الموده]

مرحبتين...*_*

صريح تسلم والدوووم اخوى على هذا التصوير الجميل

والصراحه الصور وايد حلووه مدام الفتكات فيها لووووووول

امممم عن السؤال احتمال يكون لى ماشىء مخفى عليه مال لماح

وان شاء الله دوم نشوف المزيد والمزيد من الصور والرحلات ويعطيك العافيه

اخوكم/ بحر الموده

[بيور]

يااااااااااااااااااي كششششششششخة ,,

عاااد سيره البر بعد ما يبالها كلااااام ,,

والتصووويير فن×فن ,, وعيبتني الصورة رقم 16 17 والاخيرة حسيتها غريبه ,, بس حلوة

شكرااا صريح ,, ولا تحرمنا من يديدك ,,

والسموحة بيور ,,

[صدى جوفي]

تسلم عدسة المصور :fa46:

:: الـــبــ:fa35:ـــــر ::

والتعليقات :fa42:مــــا عليها كلام

حركـــــات بعد صالح وصويلح :laugh:

تعيش وتسير البر..

وتصور..

[بنت ناس و عرب]

ياحلاة البر ..
حلوه التصوير و الله يخليكم

[طير الغرام]

http://upload.bindubai.com/download/6eer_aam/6eer-salam-oasis.gif

يا حافظ ع البـــــــــــر
جو عجيــــــــــــــــــــب
وتصـــــــــــوير ما عليــه كلام

ربي يحفظـكــــــــــــم ^_^

http://upload.bindubai.com/download/6eer_aam/6eer-line-oasis.gif

[الاسطوري]

السلام عليكم ..

ماشاء الله رحله حلوه والتصوير أحلى وفيه
جمال فني ولا تحرمنا
من يديدك
:fa47:

يثبت

الاســـطـــوري
أخوكم

[أمواج]

:fa41: :fa41: يـــيتو على العووووق والله . .
انا من متى اصيح على اهليه إنسيــر البر . . .
ياســلام عليكم والله . . .
التصويــر إزقرت . .
والبر ماعليه كلاااام والله
والنياسين للبيع ولا ؟؟:fa46: :fa46:
بس احلى شي عيبني . . التخميس في الهووور أمووت على الويلات . .
تسلموون على الصور . .

[شمه]

التصوير ما عليه كلام..

والرحله شكلها اتجنن..

وعن سؤالك.. اي نيســــان مال لمـــاح.. لو في جايــــــزه بجاوب لو ما شي ما بتعب عمري.. :)

[لمّــاح]

الــــسلام عـــليكم ...

ايــه انتــه ايـــه !! :fa46:

انا الا من اســـبوع أو اكثر بشويه عرفت انك واحد من الشــلة الـــفـــاسده، للـــعلم يــاجمــاعه تـــرا هـــالــبــني آدم يعـــرف انــي انا هــو لمّـــاح اربيــعــه، من سنتــين أو أكــــثر ، و مــــا خــبرني أنـــا بروحي جـــكيته، أحـــيده كــــتـــب شــي فــــي الــواحات مــــره و ســـألت غـــرشــوب منــو فلان الي في الواحات كاتبلك كذا كذا ؟؟ قــــال لــــي اربـــيعنــــا فـــــلان !!! و انــــا جـــيه اســتــويت :shocked:
لــو كــنت اعرف ماكنت بـــطلع الفــضايح جــدامك ... :fa46:

هـــالــرحـــلة عــــجيــــبة كــــانت :fa46: وايد مواقف استـــوت ..
أخـــــس مـــوقف يــــوم ضــــعت وغـــرزت بــــروحي فليــــل ومـــاكان شـــي ارســــال و تـــميت ادور و امشي لين مالقطت نقــطة ارسال فـــوق الــعرقـــوب اتصـــلتبكم عشـــان تدوروني :fa46:
و قـــبلها بـــعد كنا ســـايرين اندور بو محمد مضيـــع اضـــني و الي ويايه كان يتفلسف اونه يدل و قال لي خلــني اســـوق، ضــــعنا بـــعد و طــــحنا فـهــــور خـــــايس مـــارمنا نطــلع منه اتريــيـــناكم لــين مايــيــتو و قــلصــتونا !!

البـــقعه زيــــنه لكنها صـــعبه و مســتحيل حد يدلـــها بروحه لازم يكون عنده جي بي اس عشــــان يدلهــا لأنها داخــــل في البر ..

و تـــعال، اشــوفك مـــركز عليـّـــه و على موتريه في الصـــور تقــــريبا معظم الصــــور النيـــسان مالي ضاهر فيــهن، و عـــن ســؤالك يمكن نيــــساني الي عـــليه مـــخفــــي ؟؟ :fa55:

تـــسلم عالموضوع و اتريا ردك يـــالــصــريح ... :fa51:

[لمّــاح]

هالرد بالغلط نزل ..

[لمّــاح]

شــي صــوره تــضحكنــي، رقــم 21 الي كاتب تحتها محـــاولة لكــسر المـــألــوف في التصــوير، هـــذا الي لابس فـــانيله داخلية و شــورت طالع في الصــورة زقــرتي كل ما اشوفه اضـــحك :fa56:

إهــــداء ..

http://5aleej.6arab.com/mee7ad..wail-galbi.ram


و بقـــولك شــي، حط جـــايزه حق الي بيجاوب صح على ســؤالك، شمـــه تـــبغي :fa44:
بنســـوي ســـحب على فــــتك 2006 كلنا بنتشــــارك بنحط 10 بنـــاخذ من كــل واحد عشـــان نشــتري الجـــايزة :fa46:

[تحفه]

دعاية سيارات حلوه :fa47:

عيبني رفلكشن السما على جامة السياره في هالصوره
http://upload.bindubai.com/download/e7saas/1.jpg

[شمه]

لمـاح..
كم 10 بتجمعــــون؟؟ اخاف تشترون نموذج ..؟!!

[حبوبه دبي]

رحلـــــه غــاويه اكيـــــــــددددد :fa34:

داااام الفتك مــوجــود ،،

يا سلااااااااااااام عليــكم ،،

كــان الجــو رهيــب الصــراحه :fa35:

مــاشالله عليــك صـــور ازقرررت الصــراحه ومــاعليهاااا كلااااام ،،

نتــرقب المــزيد مــن هالرحلاااات

:fa32:

والسمــوحه

[قلوب دبي]

:)

ماشاء الله عليكم يا صريح
اولا تصوير وايد حلو ..
ابداع و اتقان ..
رحلتكم حلوه و طلعه غاويه ..
يطولي بعمرك اتحملوا على اعماركم من السرعه ..
والله يوفقكم

قلوب دبي

[صريح]

العجيبه

الله يسلمج اختي و الحمد لله الرحله كانت اخر وناسه :fa42:

..

المقاتل

مشكور اخويه و انا صح راعي نيسان بس التيما 3.5 مب بترول .. هههه :fa51:

..

بحر الموده

تسلم اخويه ع الرد و ان شاء الله بتشوفون كل يديد في الرحلات اليايه

..

بيور

تسلمين اختي ع الرد
بس شو الغريب فالصوره الاخيره ؟ ...

..

صدى جوفي

تصقين وحشني صويلح من زمان ما شفته ههه
تسلمين ع الرد اختي

..

بنت ناس و عرب

مشكوره اختي و الله يخلي اليميع

..

طير الغرام

ما فيه شي احلى عن البر :fa35:
تسلمين اختي

..

[صريح]

الاســـطـــوري

تسلم الشيخ و مشكور ع التثبيت

..

المتفيزره عالعرقووب

مشكوره اختي
و النياسين اكيد مب للبيع هههه ... و عن التخميس ع القاار احلى "دخان" :devil:

..

شمه

تسلمين اختي و عن الجايزه اتفاهمي ويا لماح .. :fa56:

..

لماح

شحالك انته ؟؟ ... خخخخخ :fa51:
انا كنت اتحراك تعرف اني فالواحات من اول ما عرفتك فالكليه و ما توقعت انه لين احيين ما كنت تعرف لول
يوم غرزت .. ههه خلنا ساكتيين بس عدت ع خير
وعلى طاري الجي بي اس ...
ما شاء الله عندك بو محمد و يوسف رواحم جي بي اس الخبره تلعب دور
و عن الجايزه .. اللي بيجاوب بنعطيه نيسانك ليش نشتري واحد يديد

و تسلم ع الاهداء الغاوي عرفت تختار :fa42:

..

ام خدود

مشكوره ع الرد
و الصوره الاول من تصوير ربيعي

..

حبوبه دبي

تسلمين اختي و الجو كان اكثر من رهيب بعد

..

قلوب دبي

تسلم الشيخ و ان شاء الله ما بنسرع

..


و السموحه ع القصــــور

[ذنـيـنـي]

يا سلام عليكم

بصراحة تغطيتك للرحلة ولا اروع , , ,

الله يحفظكم,, و قول حق راعي الـ G انه هالموتر ما يوقفون عليه, :fa52:
خله يوقف اي واحد من بني نيسان و يوقف على موتره و يشوف الي يبغيه و ينزل :tounge:

[الـيـاه]

سلااام

اللـــــــــــــه :blush: دام السالفه فيها بررر وخبااال اكيد بتكـون الرحله حلـواااااه ..

حبيت الصــور :fa41:
وحبيت آخر الصور بعد .. وشي صورة أم نيسان اسود وقت لغروب وايد حلوه


ثاانكس ع الصور الفنتك
وتسلملنا عدستك برووو ^_^


.
.
.

[عنود الريف]

صور في غايه الروعه
ما شاء الله عليك ..
صور رهيبه
ووناسه البر ..
وخصه هذيج المنطقة
تسلم اخويه على الصور
والسمووحة

[صريح]

تسلموون ع الردود
:fa35:


اليـاه: النيسان كحلي مب اسود :harhar1: ..



و السمـوحه

[بلوة حلوة]

يااي وناااسـه .. :ice: دام السالفه فيها برررر و لعبااان :harhar1:

هالسنة راحت علي عوافي يوم راحوا الاهل :bye2: عشااان ريلي مكسوره :sadwalk:

شـ سمممه .. ايه هااا ليش راكب على الـ جي .. مش عيب عليه :boxed:

كيكيكي .. خل يركب عـ نسيااان لمـاااحووه :harhar1:


تصدق من فتـرة جريبه بس حبيت النيسان ولا قبل مايعيبني ماعرف ليش :bow:

صـوور جمييله بس ثاني مره اعزمني :narr:

[أسيرة الصمت]

السلام عليكم

ماشاء الله تصوير اكثر من فنان
والرحلة من الصور تبين انها اكثر من وناااااااااااسة
يعطيك العافية عالصور

[فركوشه]

الصور وايد روعه..

اشك ان اللي لابس فانيله داخليه لمااااااااااااحوه..brgll:

يسلمووو عالصور..

[مزن هتان]

ونااااسه

ماقدر ع الـ vTc :fa34:

بغيت واحد من هالنياسين :kcl:

توني اشوف الموضوع

[أليمه]

ياااااااااااااااااااااااا ااااااااااااااااااا ويييييييل حالي ع الفتك.. والله اني أتينن ع الفتك..
الصراااااااااااااااااااحة تسلمون عالصور الأكثر من غاوية(:

[صريح]

بلوة حلوة

الجي يستحمل :hist:
و راعي الجي اللي واقف عليه .. ما نروم تقوله شي حلاله و كيفه :harhar1: .. هههه


أسيرة الصمت

تسلميــن ع الرد
اختــــــــي


حليلي ياهل

ههههههه ... حرام علييج .. اكييد مب لمااح :hist:
و تسلميـن ع المرور


مزن هتان

انا ما يخصني .. انتي تفاهمي وياهم يمكن يعطونج واحد :negab:


أليمه

تسلميـــن اختـــــي علــى
الــــرد

[لمّــاح]

والله اليوم طرت الرحلة هاذي على بالي و قلت الا ادش الواحات و ادور الموضوع :harhar1:

أسميها أيام ... :kcl:

[صريح]

هيه والله

الايــام الخــوالـــي
:kcl:

[تنينه]

هييه والله أيام :harhar1:

[بنت الدلع]

سلامي

ماشالله رحتلكم غااويه
والتصوير ماعليه كلام

الصور حلوة وواضحه

الله يخليكم لبعض انشالله

عيبتني صورة محاولة لكسر المألوف
اللون الازرق عاطنها نايس لوك

ثانكس لماح عالإهداء الغاوي