المسافر راح..

[فركوشه]

السلام عليكم ..

اشحالكم..

لا للدنمارك

حبيت اودعكم واقول لكم مع السلامه.. صراحتن التوقيف كان لمصلحتي خلاني اخلص ما بقول نص ..ربع شغلي اللي مكود عـ راسي.. فقلت خل اودعكم ..

اولا بنبدا بـ بن دبي..بابا عوود

اشحالك الشيخ سوري عـ الازعاج.. هيه نسيت متى بيرد احلى منصوري..؟؟:rock:

عايش وهم..شاروخان

مشكور عالتوقيف.. الصراحه لو ما وقفتني ما كنت بخلص ربع شغل الكليه.. استاهل والله..:fa56:

الحاضر الغايب.. يالـ بروفيشينال ..

مره اختييه نقعت ان اتسمييك الظاهر الباطن.. يوم تبا تاخذ دورة تصوير خذ كاميرا ديجيتال مب كاميرا بو فلم..:vampire:

الشوق..التراثيه

سوري اختييه عاللي سويته.. بس تدرين لحتى الحين ردج مب مقنع..:nerd:

سفير الخيال..سفرفر

وهههههههههه اول مره اعرف انه في شحي وشاعر ما يستوي..(زين والله حصلنا حد يرفع راسنا):fa42:

قلوب دبي..المصمم المبدع

اسفه لعوزتك كل ما اغير النك اطلب منك اتسويلي توقيع..:wacko:

دموع قلم.. الكاتبه المبدعه

اتصدقين اول ما سجلت فالواحات اقوول الله كشخه هالبنيه ردودها وااايد روعه.. اخر شي اكتشفت انج اصغر عنيي..:fa56:

طير الغرام..الفنانه

الصراحه تصاميمج واايد روعه.. خلج جي:fa42:

ذنيني.. عاشق السيارات

اتصدق اول مره اشوف واااحد ما يحب الكوووره.. ويمووت فشي اسمه سياره.. ابا لومينا اس اس :fa46:

كلكلووش.. الكابتن

وخخخخخخخخ من يوم حطوك مراقب قمت اتدافع عن الاداره.. ولايهمك كلامك عالعين والراس..:nerd:

محب الشيخين..المكي

احسك انه لك هيبه ما ادري ليش..:crosseyed

المحاق المشتعل..الرسام

اول مره احصل ريال يحب الرسم.. احيد الرياييل ما همهم الا الطلعات وبطنهم.. بس رسوماتك رووووعه:fa34:

المقاتل.. الاسترالي

وين المسلسل اللي قلتوا بتسوونه فـ ارمضان..:wacko:

رومانسي الاطباع..

الصراحه صورة البنوتات واايد حلوه ممكن اصرقها..؟؟:ohboy:

المزيوونه..

المره اليايه لما تتلاقون خبروني.. بس يكون فالشارجه او عيمان ما اروم انقع العين..:wow:

ولد حكومة عيمان..

وينك ووين اخبارك ما قمنا نشوفها.. ابا واسطه فالحكومه بتساعدني ولا..؟؟:fa32:

المتفيزره عالعرقوب..

لحتى الحين ما اعرف شو معني نكج.. وعـ فكره استويتي واايد هاديه.. واتصدقين احس ان ما ادانيني ما اعرف ليش..:fa43:

شمه..

العكس تماما قمتي تستوين واايد حماسيه.. يمكن تبين تحركين واحه الالعاب..:fa42:


مسافر للجفا..

تدري اول ما سلت اشقايل اقرا نكك.. كنت اقراه مسافر للجافا.. حليلي والله ذكريات..:fa46:

الباز..

اشعارك وااايد حلوه وصرقت وحده.. كلما ادش موضوع اقوول اكيد نبراس رد عت هالموضوع..:vampire:

خطاب..

ما قمنا نشوفك فواحة الالعاب.. وصدق ليكون بعدك زعلان من ذيج السالفه.. اشك الصراحه..:oh:

خيال الحب.. المجرمه

من كثرة الاجرام اللي نشرته فالواحات.. كسرت الشاشه اللي فكلاسنا..:sad:

الحساس.. دكتورنا

ليش اخترت انك اتكوون دكتور.. احس الشغله مب شي..:fa46:

لماح.. المنحوس

الصراحه تصويرك روووعه وفنان.. بس شكلك مال اول..:fa56:

بحر الموده.. بحر بن دبي

انت المفروض يحطزنك مراقب واحه الاصدقاء.. دوم امطيح اهناك..:nerd:

المزوحي..

انا شفت كندورة عميي وعيبتني ويوم سألته وين خيطه.. قال فـ خياط وردان فالفلاح..:nerd:

الملهم..

بعدك امزجم ولا.. انت جي :fa42: لانك وحداوي..

بيور وامرين..

ما يحتاي اشوفكم فالمسن..:devil:

ونتو يا اعضاء واحات بن دبي.. مع السلامه..

اللمهم ..

بنفارجكم.. من دون اي مناقشات..

وانقول لكم كل عام وانتو بخير..

ولا للمخدرات..

تم وداع هذه العضويه .. في 20/2/2006

الوقت8:56 مساءا..

http://song4.6arab.com/rashed_al-mesafer(stereo).ram

[تحفه]

حصل إيه ؟ :nerd:

[تحفه]

انا انسانه متحمسه .. معنّه فيّه رقاااااااد :fa48:


على فكره انا قمت اشك ان الموضوع * صادوه*

[أمواج]

http://www.mohammedstar.com/up/uploads/93a6a97ee6.gif
وعليــــكم الســـــلام و الرحمه ..
مودي مب بس انتي الشغل مكود فوق راسج
كلنــــا مشغولين وعدنا اشياء مزر الدنيا فوق روسنا
بس مافكرنا انودع الواحات . . اسمحيلي سببـ(ج) مب مقنع
انا اتمنى انــج اتفكرين عدل في هالشي .. ولاتحطين في خاطرج عشان سالفة التوقيف ..
يامــا أعضـــاء اتوقفوا .. بس صدقيني مافكروا يودروون الواحات . .
واذا الشغل وايــد .. خلصي اللي عليــج وبعديــن رجعي للواحـــات . . .
بس إنج اتودعيني على طول ؟ ؟. . هذا اللي ما ارضــاه . .
غنــاتيه راجعــي نفس عدل وفكــري . . تبين الصراحــه يهمني و يسعدني إتكونين موجوده إمبينا
وبـــس . .
http://www.mohammedstar.com/up/uploads/93a6a97ee6.gif
ادري استويت هاديه وااايد لاسباب خاصه . . وحرام عليج لاتقولين اني ما ادانيج . .بالعكس انتي غالــيه علي

[بيور]

لــــــــــــــــــــــــ ـــــــــــــيش ,, !!

[مسافرللجفا]

في أيــه ؟ في بــي ؟ في ســي ؟؟ :shocked:


هـدي اعصـابج

قطعتي الاعضاء :fa46:

[دانة حتا]

شو الســــــــــــالفه وين بتسيرين الغاليه؟؟


شـــــــــــــو سويتوا فيها...:fa43: :fa43:

[لمّــاح]

مرحبا ..
كلامي من كلام الاخت المتفيزره عالعرقوب ..

و صدق مسافر للجفا، قطعتي الاعضاء واحد ورا الثاني !! :fa46:

و (( انته مال أول )) مب غريبه عليّــه :shocked:

[ألم ترى]

بسم الله الرحمن الرحيم ..

ما ادري وين اودي هالموضوع !! ..

حشى فيه مداح وفيه غلط ! ..

احيد اللي بيروح يخلي انطباع زين مب جي عاد ..

بخصوص شخص محب الشيخين فلكـ شكري وامتناني ..

ما اعتقد رحيليك هو الحل المناسب ومن الأخير ربي يسعدك فـ الدارين ..

[خيال الحب]

خيال الحب.. المجرمه

من كثرة الاجرام اللي نشرته فالواحات.. كسرت الشاشه اللي فكلاسنا..


خخخخخ ويا هالراس بعدج تتذكرين لوووووووووول


يالله عسب عطوج كرت احمر خخخخ ياما لاعبين كبار عطوهم كروت حمرر وخلاف ردو يلعبون مره ثانيه

عاادي تيك ات ايزي مافيها شي خخخخ


اتمنى انج تفكرين مره ثانيه

واذا انتي زعلانه مناااااا.. فانحصج تاخذين فتره نقاهه من الواحات

وادري انج بتردين 100%

بالتوفيق ان شاء الله

[سبانش مان]

وين اسمي

[صدى جوفي]

من سميتي عمرج مودي قمت تعايشين الاسم :rock:

يازينج وأنتي نملة الواحات -لا تكشين ولا تنشين-:huh:

[العجيبة]

قطعتي الاعضاء :fa46:

ههههه وسويتي سلطة بعـد من كثر الاعضاء اللي قطعتيهم ، ما شاء الله بالجمله شغلج :vampire:

ويعني تقوليلي ان التوقيف مفيد ؟
شكله أنا بعـد يبالي :devil:


الله يوفقـج ..

[حبوبه دبي]

الله يهديــج بـــس :Oo:

مــانسيــتي شــي بعد !!
:fa46:

[الهيثــم]

نملـــــــة الواحــــات . . .

عــذرج مب مقبــــــول . . :fa43:
ونتمنـــى عودتـــج لــنا :devil:

وصدق الي قال ( قطعتيـــــنا ) :nerd:

[بحر الموده]

مرحبا والله

صدق حطووو علينا حط خخخخخخخخخخخخخخخ

وحليلنا والله ... نملة الواحات مانبيج تودرينا نتمنى تواجدج بين اخوانج واخواتج الطيبيين هنه

والى اللقاء

[نبراس الليل]

وجودك طيب ورحيلك نتمنى ان يكون لفترة قصيرة

شكرا على الإطراء الطيب والجميل

ننتظر العودة بفارغ الصبر

حفظك الرحمن أين ماكنتي

[أمرين]

مودي

فديت قلبج .. اونه أمرين ما يحتاج أشوفها عالمسن ..
يوم دشيت ترمسني اختج .. ووووو انتي ما احصلج ..؟؟!!
وبعدين ليش ما تردين على تلفوناااتي ومسجاااتي ..
ليييييييش لييييييييش لييييييييش لييييييش ؟

[الثعلب الرمادي]

ليش كل هالكلام مب لازم نعرف إنج بتتركين المنتدى لأن هذا شي يخصج و ما يخص أي أحد ثاني

بس موضوعج مسلي و حتى اللي ما يعرفج و لا سمع عنج أبدا في هذا المنتدى مثلي طبعا :)

يقدر يعرف شخصيتج بدقة أكثر من هذا الموضوع

سيري ذاكري أحسن :)