الوضوح والامج ردي ! [الأرشيف]

أكسجين

18-02-06 ||, 10:45 PM

السلام عليكم

عندي مشكله صغيره ويَـا الامج ريدي ,,

ولـ أول مره :glare:,,

لمّــا اسوي للتصميم Save Optimized As ..

وايي عشان اشوف الفايل اللي خزنته ,, يكون الوضوح مب شي :fa55:

مع اني لمّا خزنته كان اوكيه ..

http://upload.bindubai.com/download/farasha/fw.gif

ولّما اخزنه من الفوتوشوب نفسه بدون الحركه يكون الوضوح ماله اوكي ,,

http://upload.bindubai.com/download/farasha/Fw2.jpg

ما أدري اذا فهمتوا لي والا لاء ,, امم ما اعرف اشرح !

بس ابى اعرف شو السبب ؟

لأول مره اصير غبيه :fa44: بس صدق تعقدت ,, حاولت بشتى الطرق عشان اعرف ,,

ومـا وصلت لـ نتيجه :fa36:,,

ساعدوني يـا اهل الخبره

:fa39:

.
.

جيز كيك سنيكرز

19-02-06 ||, 02:20 AM

الحين ليل والناس رقود يربي باجر والمخ روحه من التركيز يخرف

وان شاء الله خير وان شاء الله بيساعدونج باجر

والله انا اللي مخرفه:crazy:

أكسجين

19-02-06 ||, 03:20 PM

[ نسيتــ ـكـ ]

من اسبووع وانا اعاني من هـ الشي مب الحينه بس ,,

يعني مخي سليم وصاحي مب مخرف !

المشكله عندي مسابقه الشهر الياي ,, ولازم اخلص شغلي من الحين ,,

شكراً لج/ لك ع التعقيب ,,

تحفه

19-02-06 ||, 05:14 PM

ابصراحه بنزل تعليق مش لاني عندي حل .. يا ريت والله جان ما ترددت وبساعدج

بس عيبني الدزاين وايد .. well done تعيبني اشياءج ماشاء الله عليج

أكسجين

19-02-06 ||, 10:31 PM

[ أم خدود ]

تسلمين حبيبتي ,, و جان استحي :blush:,,

اممم التوقيع مافيه اي شي مجرد صوره وانا اختار زاويه معينه لها ,,

واطبق عليها شوية فلاتر ,, عشان تعطيني تأثير حلوو ..

اغلبية تواقيعي جي .. تعيبني لمّا تكون بسيطه :fa35:,,

انزين بما ان تعيبج اشيائي .. ما تامريني على توقيع :fa51:!

.
.

محد يعرف شو السبب :Oo: !

طير الغرام .. قلوب دبي

احتاجكم أنـ ـا ,, وينكم ؟

العجيبة

19-02-06 ||, 11:21 PM

هلااا

بتفلسف شـوي ..

أتوقــع ان الطبقة - اللي سويتيها فوق التصميم عشان يلامع - سويتي لها فلتر أو تأثير بدون ما تدرين فطلعت موشوشه > وعشان جي طلع التصميم مب واضح

انتي شوفي هالطبقة ، شو مشكلتها ، أو بدليها وشوفي شو بيصيييـر ..

أنا ما ادري اذا كلامي صحيح ولا لا ، مجرد توقع !

وحلوووو توقيعـج ، عامــودي !

جيز كيك سنيكرز

20-02-06 ||, 12:15 PM

كنت اتمنى اقدر اساعدج

بس هذي الاشى انا ميح فيها حالياً بس اللي اتذكره سابقاً جودة الصوره كل ماكانت عاليه كل ما كانت اوضح وصيغت الصوره وقت الحفظ

هذي الحركه شو تسمونها

بدورلج في النت اذا حصلت شى برد عليج

موفقه ان شاء الله

خيال الروح

20-02-06 ||, 03:12 PM

الســلام علـيــكم ,,

على ما اضن انتى ضايفه شي في اللير الى مسويه في الإطار ,,
فعشان ما تتلعوزي سوي الإطار من اول ويديد ,,

؟؟

:)

أكسجين

20-02-06 ||, 03:27 PM

أتوقــع ان الطبقة - اللي سويتيها فوق التصميم عشان يلامع - سويتي لها فلتر أو تأثير بدون ما تدرين فطلعت موشوشه > وعشان جي طلع التصميم مب واضح
انتي شوفي هالطبقة ، شو مشكلتها ، أو بدليها وشوفي شو بيصيييـر ..

[ العجيبة ]

اممم المشكله مب في هـ التوقيع وبس في كل التصاميم اذا بغيت اضيف لهم حركات بـ الامج ردي ,,

يطلع وضوح الصوره مب كامل لمّا احفظه !

وفتحت التصميم عشان أتأكد ما في اي شي يغير وضوحه ,,

اممم توقعج صحيح ممكن يكون هـ الشي سبب لـ عدم وضوح الصوره ..

بس للأسف مب في الحاله اللي اعاني منها الحين !

ع العموم شكراً لج ع التعقيب هُـنا ..

وعيونج الاحلـى

أكسجين

20-02-06 ||, 03:34 PM

[ نسيتـكـ ]

امم صيغة الصوره اللي نحفظها فيها تلعب دور صحيح ,,

بس في الامج ردي الصيغه الوحيده اللي نقدر نحفظ فيها التصميم هي الـ Gif

تسلمين على متابعتج للموضوع ,, و اسمحيلي تعبتج وياي ..

شكراً عزيزتي ,,

أكسجين

20-02-06 ||, 03:41 PM

وعليكم السلام والرحمه

[ خيال الروح ]

عزيزتي فتحت التصميم كذا مره عشان أتأكد ..

الليرين اللي يتغيرون في الحركه ,, الفرق بينهم بس لون الاطار ..

وماشي اضافات ثانيه على اللير ,,

امم حذفت الاطار وسويته مره ثانيه .. والنتيجه وحده !

ومثل ما ذكرت في ردي ع العجيبة ..

المشكله مب في هـ التوقيع بس ,, انا طرحته كـ مثال فقط !

شكراً على اضافتج في الصفحه عزيزتي ..

.
.

لي عودة مع صور توضيحيه أكثر للمشكله :glare:

.
.

عفاريتووو

20-02-06 ||, 05:56 PM

فراشة

اللي لاحظته انه الــ gif يخرب لانه ما يتحمل فلاتر وتدرجات وايدة في التصميم
و في طريقة تعدلينه بانه تروحين save for web
بس ها مب موجود في الاميج ردي
.
امم بس مادري لو في طريقة ثانية
بسأل و برد عليج

أكسجين

20-02-06 ||, 07:59 PM

http://upload.bindubai.com/download/farasha/1.jpg

شوفوا هني لمّا اكون في الامج ردي ..

واختار Original فوق يكون الوضوح اوكي عادي مثل الفوتوشوب ,,

http://upload.bindubai.com/download/farasha/2.jpg

بس هني لـمّا اختار 4_Up

شوفوا كيف في فرق بـ الوضوح بين الاربع خيارات !

وطبيعي ما اقدر اختار اول خيار لانه مب بـ صيغة Gif

فـ وين الخلل فـ هـ الشي حد عنده فكره !

.
.

خيال الروح

20-02-06 ||, 08:06 PM

امم الحيــن فهمت عليــج ,,
على بـالي تسألين عن مشكله الإطـار ,,

بصـراحه انا مــااستـخدم الايمج ردي وايــد ,, :fa51:
اسوي شغلي كله على الفوتوشوب وعقب انقله على الايمـج ردي ,,

وان شاء الله حــد يساعدج ويحللج المشــكـله ,,
والسمـوحـه

:)

:
:

أكسجين

20-02-06 ||, 08:13 PM

[ عفاريتووو ]

صح الـ Gif ما يتحمل واايد ,,

وبـ النسبة لطريقة تعدليه اعرفهـا ,, وانا شخصياً احاول اتجنب اني احفظ التصميم بـ هـ الصيغه ,,

بس الامج ردي ما فيه خيارات لـ حفظ التصميم غير الـ Gif

اللي قاهرني ان اول مره يصير وياي هـ الشي ,,

يعني انا متعوده اشتغل ع الامج بس الوضوح في النهايه يكون اوكي ..

وانا مب النوع اللي ممكن يتعبث بـ خيارات البرنامج ,, اسوي شغلي واطلع !

فـ شو اللي تغير ما أدري ...

ع العموم

شكراً لج عزيزتي و بـ انتظار عودتج ,,

أكسجين

21-02-06 ||, 04:07 PM

[ خيال الروح ]

اممم انا بعد ,, نادراً ما اشتغل عليه ..

اغلبية شغلي على الفوتوشوب وعقب مجرد اضافة الحركات اسويها بـ الامج ردي ,,

مسموحه عزيزتي ,,

شكراً على اضافتج هُنــا .. ومحاولتج في تقديم حل للـ مشكله ,,

.
.

جيز كيك سنيكرز

21-02-06 ||, 04:32 PM

السلام عليكم

ليش ماتغيرين صيغة الصوره الى paint 42-bit Bitmap
قبل الحفظ
في Image Ready استخدمي فلتر sharpen هذا يوضح
لان الحجم كل ماصغر كل ما قلت جودة الصوره

وان شاء الله خير

عفاريتووو

23-02-06 ||, 02:00 PM

فراشة

كان ودي اساعدج ,, بس ما لقيت حل

أكسجين

03-03-06 ||, 02:09 PM

وعليكم السلام والرحمه

[ نسيتــ ـكـ ]

كيف يعني اغيرها لـ paint 42-bit Bitmap

قبل ما احفظها ! ,, من وين اقدر اغير هـ الخيار ,,

بـ النسبة لـ فلتر sharpen ,, ما بيغير شي في المشكله لانه مجرد فلتر ما يسوي شي !

شكراً لج عزيزتي تعبتج وياي

.
.

[ عفاريتووو ]

مسموحه حبيبتي ,,

وتسلمين ع الاهتمام ,, تعبتج وياي :fa35:

.
.
.

الظاهر بـاحفظ تصاميمي بـ هـ الطريقه خلاص !

بس دعواتكم لي بـ التوفيق بـ المسابقه ,,

\
/

شوق القلوب

03-03-06 ||, 02:46 PM

السلام عليكم..

احم.. صح أني آخر وحده تقدر تتكلم في الفوتوشوب.. :fa46:

بس ما جربتي تستخدمين البرنامج على كمبيوتر ثاني..!!

يمكن الخلل في البرنامج عندج.. من جيه قبل كان يستوي والحين لا..!
.
.

جربي... نزلي البرنامج على كمبيوتر حد ثاني و شتغلي عليه.. :fa51:

الحاضر الغايب

03-03-06 ||, 03:15 PM

وانا بعد ما يخصني في الموضوع ... بس بحاول اساعدج .. وان شاء الله يستوي اوكى

http://upload.bindubai.com/download/shr7/Untitled-1.jpg

على اليمين بتحصلين البوكس هذا ... اختاري optimize

وعقب حاولي تغييرين الفورمات او البريست ...

يمكن يفيد وياج

والسموحه ...

طير الغرام

03-03-06 ||, 05:46 PM

http://upload.bindubai.com/download/6eer_aam/6eer-salam-oasis.gif

اسمحيلي ختيه لني ما بفيدج
أنا روحي أعاني من هالمشكله مرات
لنه معروف صيغة الـ gif أقل وضوح من الـ jpg

إذا اكتشفت طريقه بخبرج إن شاءالله ^_^

http://upload.bindubai.com/download/6eer_aam/6eer-line-oasis.gif