ممكن أفكار عن ...

[اناستازيا]

السلام عليكم ورحمة الله وبركاته ...

بدخل فالموضوع بدون مقدمات طويله ...

مسوين مسابقة أحسن برزنتيشن ويا الشرح والاداء ...

ولين الحين مب عارفه عن شو اسوي البرزنتيشن ...

اللي عنده افكار ولو فكره صغيره يقولها يمكن تفيدنا ....

والبرزنتيشن مب مشكله إن كان بالعربي وإلا بالانجلش ...

وفكرت إني اسوي عن الشيخ زايد والشيخ مجتوم ...

بس متخزبقه وااايد اشياء عن الشيخ زايد ومب عارفه شو احط وإلا شو اختار ...

والتيجر تبغي شي يديد يعني مرشح للفوز ...

يالله ابهرونا بأفكاركم ...

بانتظار ردودكم ...

[الحساس]

اكتبي عن انفلونزا الطييور

او اكتبي عن شي معاصر توه استوى بعالم..

او عن السير الذاتيه..

او عن سياحه الامارات والمعالم الي فيها...

الله يوفقج..

[أمواج]

http://www.mohammedstar.com/up/uploads/93a6a97ee6.gif

ليش ماتسوين عن الامارات في الماضي و الحاضر احس بتلقين عنه وااايد ..
ولو يكون بالــEnglish احسن
او
ليش ماتسوين عن الشيخ زايد ( الله يرحمه ) وعن حياته و يو م وفاته و
التغيرات اللي صارت من عقبه ..

http://www.mohammedstar.com/up/uploads/93a6a97ee6.gif

[وعد]

انا مع اخوي الحساس
اختاري شئ غناتي شئ يديد هو حديث السعه
او اختاري شئ قديم لكنه متجدد
اذكر مره خيتو سويت موضوع عن مراسيم وعادات الزواج بقرية سوه وهي قريه صغيرة بصعيد مصر
وكان يتكلم عن كل شئ وكيف يستخدمون المرايا علي فستان العروس عشان عين الحسود ترجع عليه هههههه
يعني اذكر خذيت فول مارك

اختاري موضوع مميز غير متكرر
طبعا اكيد موضوع الشيخ زايد او الشيخ مكتوم بيكون جميل
بس اكيد ناس وايد سوه قبلج وبالتالي ماراح تتميزين

مجرد راي

والله يوفقج وتاخذين الفل مارك:fa42:

[صدى جوفي]

أنا من رايي اختاري موضوع غريب .. ما تتوقعين حد بيختاره

حددي موضوع معين ، وطلعي عنه معلومات من كتب، النت، فيديو .. بحث ميداني ..الخ

كل ما زادت المصادر .. كلما زادت قيمة البحث اللي بتقدمينه

بس سؤالي هالبرزنتيشن على مستوى الجامعة؟ .. وشو التقنيات المتوفرة وتقدرين تستخدمينها..

ما ادري لو عرفت فكرة الموضوع والعرض .. يمكن أساعدج بالأفكــار؛

موفقة ان شاء الله..

صدى جوفي

[اناستازيا]

اشكركم كلكم على المرور والاقتراحات ...

انا تقريبا بديت بالبرزنتيشن والموضوع بيكون ماذا تعلمت من مدرسة زايد ومكتوم ...

وبحط نقاط ...

مثلا درس التواضع وبحط قصه او موقف او مقوله عبر فيها الشيخ زايد إو الشيخ مكتوم عن التواضع ..

وثاني درس مثلا عن التسامح وجذه لين ما يستون كمن درس تعلمناهم من مدرسه زايد ومجتوم اللي هم تعلمو هالاشياء من المدرسه الكبيره وهيالدنيا وتجاربها الصعبه...


شو رايكم بالفكره ...؟؟؟؟

[طير الحب]

اكتبي عن دبي كيف كانت وكيف صارت...وبالنسبة لفكرة بو زايد وايد بتكون مؤثرة لو سويتها يعني بتكسبين تعاطف المدرسه مع الموضوع واذا اخرجتيه بأسلوب حلو ممكن تفوزين يلا قرري...

[الشوق]

اناستازيا
اتذكر انا واربيعتي في الجامعه كنا امسوين برزنتيشن عن انفصام الشخصيه باللغه الانجليزيه
وسوينا مثل تمثيليه اصغيرونه بين الدكتوره والمريضه عن انفصام الشخصيه
وكانت التمثيليه عنباره عن الحالات اللي ممكن يمر فيها المريض ..
وطبعا كانت فيها نوع من الحركه والاثاره وجذب الانتباه ..
وعقب اتناولت بعض النصايح او الاقتراحات اللي ممكن اتساعد في الحلول والشفاء
طبعا هي لبست لبس الدكتوره .. وقمت انا ومثلت بعض الانطباعات الشخصيه
يعني الشخصيه المسالمه كيف اتكون والشخصيه الشريره كيف اتكون
.
.
وكانت النتيجه اكثر من ممتازه .. لان خلينا الكل ينتبه لهالقصه
في نفس الوقت اتناولنا جميع النقاط .. واستخدمنا البوربوينت وخلينا فيه بعض النقاط الرئيسيه اللي لازم نتناوله ..
وشرحنا كان ملخص للنقاط الرئيسيه اللي اتناولناه ..
.
.
(( اتمنى اني اكون افدتج ))

[اناستازيا]

انفصام الشخصيه فكره حلوه ...
مشكوره على طرح الفكره ...
بس شو النقاط اللي اقدر احطها وإذا سوينا تمثيليه شو الحوار اللي بيدور بين الشخصيتين ...