المسلسل الكرتوني (الفريج)..

[شمه]

السلام عليكم..

اكيد كلكم اتعرفون المسلسل الكرتوني الفريج (إلا انا)..

ما ادري اذا كتبوا عنه في هالواحه ولا لاء.. دورت انا في الصفحتين وما حصلت جان استانس..
قلت اوكي يعني انا اللي بكتـــــب..

يقول لكم .. انا كل مــا امر من شـــــارع الشيخ زايــد.. اشـــــوف يـــــــدار و مكتوب عليه بالخــــط العريــــض و باللون الاحمر FREEJ عاد انا ما ادري شو السالفه ... و احط ع الشباب واقول عنهم مستهترين ما يشوفون يدار الا و شخبطوا عليـــــه..

بس الظاهر طلع دعايــــــه..

المهم مسلسل الفريج..
قصــته تتكلم ع 4 سيــــدات (حريم عيايز) من الامارات .. اللي هـــن .. "ام سعيد , ام سلوم , ام علاوي , ام خماس"و يعيــــــشن في فريج جديم في دبي .,.,( يقع بالقرب من مدينة دبي الحديثة (بالتحديد يقع قرب شارع الشيخ زايد)...يعني بعيد عن الازعاج و التلوث..

http://www.lammtown.com/images/freej/phone/freej3d.jpg

اما القصـــه يقول لكم تبـــــــدأ يوم الســـــاحره الشـــــريرة.. تكتشف مكان الخاتم ,, واللي هو في فريجهم المســــالم..
و هالخاتم يقول لكم .. انه خــــــــــاتم الشبــــــاب..يعني يعيد صاحبه الى شبابه و يعطيـــــه قوه خارقه مدمره..

ف تبدا وظيفة العيـــــايز.. يعني لازم يودرون الفريج ويدورون ع الخاتم قبل الساحره .. فاكيد بتواجهم مشاكل في المدينــــــه المزدحمــــه...

برمسكم عن شخصيــات المسلســل (الصور في واحة الكرتون)..

ام سعيـــــد..
بما اني ذكرتها اول شي.. فاكيد هي البــــــــــــوس... و هي اكبرهن سنــاً.. و ارجحهن عقـــلاً..و راعيــــــــة امثــــــــــال..بس المــــــود عندها وايد يجلـــــب.. يعني مزاجيــــه..


ام سلـــــــوم..
عيــــــــوز نسايـــــــه.. تنسى وايد وبسرعه بس وايد طيبـــــــه.. و نقطة ضعفــــها.. الحلوى والهريـــس..

ام علاوي..
عاد هذي المطـــــــوره.. يقولكم متخبله ع شي اسمه كمبيوتر وتكنلوجيـــــا.. عندها ماجستير في اعادة التصنيـــــــــع.. و ترتطـــــن بالانكليزي و الفرنسي.. لكن نقطة ضعفهــا العربي.. يعني وايد اتنقــــــع شلــــــق.. و العاب ناريـــه.. (عيميــــه)..بس غنيــــــه عندها برج في دبي و تتحكم فيه و اديره من بيتــــــها.. (خطيره)..

ام خمـــــاس..
من اسمها باين عليها هالعيوز .. حشره.. و اتحب الهواش و الضرابـــه.. متزوجــــة 4 مرات .. و 3 ميتين في ظروف غامضـــه..و عندها 10 اعيـــال.. وطبعا هي تصرف عليهم.. يقولكم عندها فرقــه شعبيه للاعراس و مطبخ شعبي..


انــــــــــــــزين بعطيكم معلومات عن مؤلف و مصمم هالمسلســـــــــل..
هو شـــاب اماراتي .,. و اسمــه "محمد سعيد حارب" وهو موظف في قسم التسويق في مدينة دبي للأعلام ولقد تخرج من Northeastern University ولقد درس تخصص General Arts & Animation

لقد تم تمويله ب 2 مليون درهم من قبل مؤسسة الشيخ محمد بن راشد لدعم الشباب لكي يستطيع انتاج هذا العمل الفني الذي يتوقع عرضه في شهر رمضان القادم 2006

ويتميز العمل بأنه إنتاج إماراتي خالص يشارك فيه عدد من كبار الفنانين الإماراتيين مثل الفنان الشاعر علي الخوار والملحن الإماراتي المعروف فايز السعيد‚ اللذان تأتي مشاركتهما من خلال ثماني أغنيات يتضمنها المسلسل.

نسيت اقولكم عيبني موقع محمد سعيد حارب.. وايد مرتب و منظم.. واللي حاب يقرا القصه بالانكليزي ما عليه غير انه يضغط هاللينك.. الموسيقــــى عجيبــه في السايت..
http://www.lammtown.com/index1.html

و اذا حابيـــــــــــــن اتعرفون معلومات اضافيـــــــه.. او اتشوفون الفـــــلم .....ما عليكم الا تدخلون واحــة الكرتون والانيمي والالعـــــــــاب..

وهذا هو اللينــــــــك..


http://oasis.bindubai.com/bin/showthread.php?p=352114#post352114

[الحساس]

تسلمين يا شمه على المعلومات ..

وانا من المنتظرين لها المسلسل وخاصه انه من انتاج ايادي اماراتيه..

دمتي بخير وعافيه

[شمه]

الحساس..

الله يسلم غاليك.. تقدر اتشوف مقطع من الفلم افتح لينك واحة الكرتون..

[شهوووودة الأمورة]

تسلمييييييين أختي شمشماني...>>> اسمي اختي الصغنونة جذي..

عاد هم قالوا بعرضونة الرمضان اللي طاف بس ما شفنا شي..

[تحفه]

على فكره محمد مش موضف قسم التسويقات هو مدير قسم التسويقات و *التنظيمات* على ما اعتقد

[تحفه]

ومشكوره على الموضوع والمعلومات الغاليه :inlove:

[حبوبه دبي]

تسلميـــــــــن اختيــه شمـــه ع المعلــومــات :fa42:

نترقبـــــه اكيـــــــــد ،،

[ألم ترى]

بسم الله الرحمن الرحيم ..

يا سلام ودي اشوفه اليوم قبل باجر !

كل الشكر والأمتنان لكي اختي الكريمة عالطرح ..

[الشوق]

كل الشكر لج يالغاليه شمه
واناسمعت عن هالمسلسل الكرتوني ..
عرضو تفاصيله في اخبار الامارات .. وبعض اللقطات المصوره
.. ابصراحه المسلسل ممتع وفي انتظار عرضه ان شاء الله في رمضان ..
اذا الله راد .
.
.
.
وتسلمين يالغاليه على الدعايه الحلوه
عاد لو عرضتيلنا بعض الصور .. يخلق جو اكثر ممتع في تحديد الصوره
وتسلمين يا شمه
اختج/ الشوق

[أمواج]

لووووووووول ..
في إنتظـــــاره ..
تسلمين شمــه

[شمه]

الشوق الصور موجوده في واحة الكرتون .. وحتى مقطع من الفلم..
ليش ما تضغطون ع اللينك هــاه..!!

[المقاتل]

:fa42: جهـــــد يشكر عليــــــــه ،،

يثبـــــت :fa34:

شمـــــــــــه كفيتي ووفيتي .. وان شاء الله .. نتريا الرسوم في شهر رمضان القادم ^_^ ،،

.. المقاتل ..

[احلى منصوريه]

تسلم يمناج اختيه شمه .. قد مر على مواضيع واايد عن هالفلم

بس اسلبج عيبني .. مشكوره على الرابط .. ونااااسه

[طير الحب]

انا شفته في أخبار الإمارات قبل رمضان وكنت اتحرى بيحطونه في رمضان الي طاف...وتميت ادور على قناة دبي...عقب قالولي بيحطونه رمضان الياي ....شكله حلوو...بيكسر قطعه 13 في زمانها

[قلوب دبي]

عليكم السلام

الصراحه متشوق اني اشوفه هالرسووووم ...
شكلي بيمع الصغاريه و بيلس وياهم اجابل هالرسوم خخخخ
لالا صدق خاطري اشوفه من متى
طانكيو شمه

قلوب دبي

[الـيـاه]

واايــد حلووو !!
هههه كنت حاطه حق يوم اييني مسج ام سعيد يوم تقول مرررررحبا ملايين :woot:


يالله نتريا العرض
:fa35:
واتمنى له النجاح


واللي يبا يعرف الديتيلز يدخل الموقع الخاص بـ محمد

http://www.lammtown.com/index1.html

واتمناله التوفييييج
ماشاء الله عليه :fa42:

وتسلمييين يا عسل :fa41: على هالموضوع الحوو والمرتب

.
.
.

[رحيل]

يالله مليييييييييت وانا أتريااااااااه ...