~ نــــــــدى ~ .. غيبتـج تهــد الحيييل .. ! *كلماتي و ألم حـروفي* [الأرشيف]

مشاهدة النسخة كاملة : ~ نــــــــدى ~ .. غيبتـج تهــد الحيييل .. ! *كلماتي و ألم حـروفي*

بلوة حلوة

13-02-06 ||, 01:30 AM

~ نــــــــدووويه ~ .. بنـت ماتجـاوزت الـ ست سنوات ..
بس كانت غيـــييير والكل يشهــد .. سوالفهـااا وحركاااتهـا ورمستهــاا
كانت شيطـااانه ..
تحــب المدرسه والدراسـه .. كانت فـ صف أول ابتدائي ..
تستانـس يوم نطلــع .. تتـدلع واايد .. الكل من حوالينــا كانوا يحبـونها ويتخبلون عليهـاا
ربيعاتي دوووم يسألووني عنهـااا .. وترمسهــم مرات ويلعوزونهـااا ..
تخيرها الله من بينــا فـ حادث سير تاريخ 19 - 1 - 2006

فـ نفس يوم الحـادث وقبل لانطلـع .. امها كانت تلبسهـا عشان بنظهـر ..
قالت نـدوي حق امها وبـكل براءه .. * ماما أنـا بلبس فستـان أبيض * ..
وها لبس طيـور الجنه .. :sad: ..

وقبلهـا بـ يومين .. شافتهـا امها تصيح ويوم سألتها بــلااج ؟ .. قالت ماما انا شفـت وحسيت اني بمووت
وعقب سألت أمي .. *يدتها* .. كيف يقصون السياره اذا حـد مات فيها ؟ .. وبالفعل ..
*أبوها* اللي قـص السياره عسب يطلعـها هي واخوهـا .. !
كـانت مبتسـمه .. وابتسامتها منوره .. حتى ويههـا كان * منور * ..

وبنفس اليـوم *ندوي* طول الطريج قبل الحادث كانت صااخه وما رمست أبد ..
مع انه مش من عوايدهـاا .. وعقبهـا الله اختارهـا من بينــا ..

اللي صـار وكلامها قبل الحادث كان يدل انها شايفه كل شي .. وسمعت ان الله سبحانه وتعالى
اذا تخير حـد من عباده .. في منهم يراويهم كيف بيموتون !! ..

الله يرحمج يا نـدوي .. الله يجعلج شفيعه لوالدينج ان شالله ..

هاي الكلمات .. يمكن ماتكون مرتبة .. بس يت فـ بالي وخطيتها بـدون تعديل .. :sad:

~ رحلتــي ~ للأســف أدري .. وغيبتج تهــد الحيل = رحلتي وكل عـرج فـي فوادي يحتضر بسكات
ينادي لج .. يبي يفـديج .. يصـرخ نهااار وليل = رحلتي وعيوني بكــت * دم * يحــرق الوجنـات
بكى كل شي فيني .. ويصرخ كل شي بالويل = رحلتي وكل شي حـولي ونينه يشبه الآهـااات
~ نــــــــدى ~ لحظة .. ضلوعي ودهـا تضمج حيل = ترجـف وله .. على ذكـرى وألم لحظــاات
من يراضيهـا < نورة > لانزلت دمـوعهـا سيل = ومن ينـادي < حمودي > ويمـلا نظرته فـرحاات
أذكر ضحكتج وضمتـج لـصـدر أمج حيل = وأذكر لهفـتج لـ "بابا" .. وكيف كانت البسمات
*عصافيرج* * كتبج* * علوم المدرسه * و *الخيل * = * صدى حسج * و * ضحكاتج * *صراخج و حتى *الدمعات*
*فساتينج * و *ألعابج* ، *ورودج* و حتى هـ*المنديل* = تألمني .. تتعبني .. تخنـق فيني العبرات
تعبت أعـاند ألم يغزيــني نهـااار وليل = عجـزت أتجاهل "قلب" .. تسـارعت فيه الدقات
"قلــب ٍ " بعـد فرقـاج تراولي جنه "جتيل" = "قلــبٍ" مكـانج فيه يملاه صـدى الآهااات
وحتى مكـانج فـ البيت يسألني بحرقة وويل = لحظتهـا اتزاني أفقده وفيني تموت الكلمات
بعدج كل شي ضدى "شوق يجرحني حيل" = " ألم يشعل ضلوعي" و "بكى تسبقه الونات"
كل جزء فيني تألم .. كل جزء أصبــح عليل = تلعثم كل شي عقبج ومغمور بالشقــا بااات
كل شي حولي يتوجـع وللحزن صـار يميل = السكـون اجتاحني والشحوب يملا النظرات
لك ذوق يا مـوت و ~ نــدى ~ كانت الدليل = عجزت أتجـاوز شي أكبر من الصدمات
كنتي غير !! وربي غييير .. اللي مثلــج قليل = كنتي " طفله " بس ورده بين كل البنات
أدري انه مقـدر .. ولا اعتراض .. بس * صبر جميل * = عسى نلتقيها بإذنه فـ أجمل الجنات

\\
\\
\\
\\

ألم جسمي يتعبني ..
رحلتي كييف يا قلبي !
أبى أفهم قصة غيابج ..
قـدرج اي والله أدري
واستغفـره .. لو قلت بـدري !!
،
،

حتى البيت من حزنه
أشوفه بادي يتحـطم
جـدرانه .. أركـانه ..
أسمع صوتهـا تتألم !!

،
،

مكـانج ينشـد ترابٍ
وطت رجلج على دربه ..
ينـادي * وينهـا ندوي * ؟
صـدى ضحكتهـا تو ما غاب !!

،
،

ألم والله .. تعب يذبح !
يراودني الشقا لحظات
تداعبني جـرووح كثااار
ويحتضني .. ذراع يرسم الآهاات

،
،

ياربي وش يصبرني !
ياربي كووون في عوني
ترى والله غيبتهـااا
تهـد الحيل
تهـــد الحيــل ..،

\\

\\

عـزانـا .. انها افتكـت من الدنيا وآثامهـا ..
وخذاها ربي وهـي طير من طيور الجنه ..
عزانـا .. انها تحـظى بـ شي أحسن من الدنيا ..
اللي عند ربنـا أفضـل من اللي بتلقـاه عدنا ..

الله يرحمج يا * نـدوي *

غيبـــتج فاجـعه بالنسبة لـنا ..
كل شي يذكرنـا فيــج ..
عسى نلتقيــج فـ الجنه بإذن الله ..

:sad:
.
.
.
سمحـولي على الإطاله .. !
واسمحـولي *خوزت الصورة* بناء على طلب بعض الاعضـاء ،

ألم ترى

13-02-06 ||, 02:23 AM

بســم اللـــه الرحمــن الرحيـــم ..

لا احتمـــل مــا ارى ولا احتمــل التكمـــله ..

لــي عــودة إن شــاء اللـــه اذا كــنت احتمــل العـــودة :sleepy: ..

رحمهــا اللـــه والهــم اهلهــا الصبــر والســـلوان ..

وعد

13-02-06 ||, 02:34 AM

الله يشملها برحمته
ويصبركم ان شاء الله اختي بلوة حلوه
"تمشي المقادير علي غرز الابر"
ان لله وان الي لراجعون
راحت لمكان احسن الجنه باذن الله

طير الحب

13-02-06 ||, 02:46 AM

الله يصبر أمها...

حبوبه دبي

13-02-06 ||, 03:00 AM

الله يــرحمهــا ويغمد روحهــا الجنه يـــارب ،،

:sad:

عــورتــي قلــوبنــا والله ،،

حــاسه فيــج والله :fa41:

الله يصبـــركم يــارب ،،

والسمــوحه
:sad:

أمرين

13-02-06 ||, 08:47 AM

هذا هو حب العمر وغيره يهوني
والموت هو الخليل اللي خذا خليلي
وخلاني.. وانتظره اليوم ياخذني
أبغي أقر وأهنى بقرب أحبابي
وكم من حبيب من زود عشقه ماتي
وليش المحب يحيا وبقربه ما يكوني

الله يرحمها برحمته ياااارب ..

المقاتل

13-02-06 ||, 10:06 AM

.. الله يرحمهـا برحمتــه ..

قطعـت قلبي

.. الله يكون فـ عونـج يا بلوه حلـوه ويصبرج يالشيخــه ..

قـدر الله وما شاء فعـل .. ولا حول ولا قوة الا باللـــه

.. لم احتمـل التكملـه ..

:: .. المقاتل .. ::

الــــوردة الحمــــرة

13-02-06 ||, 10:09 AM

الله يرحمها ويغمد روحها الجنة

مجموعة إنسان

13-02-06 ||, 10:14 AM

تغيب ندى عن الدنيا ...
وستظل ذكراها ..

الله يرحمها برحمته ...

أمواج

13-02-06 ||, 11:35 AM

http://www.mohammedstar.com/up/uploads/93a6a97ee6.gif

والله عورتي قلبي
الله يعينكم و يصبركم على ما ابتلااكم
....
http://www.mohammedstar.com/up/uploads/93a6a97ee6.gif

كـلـكـلـووش

13-02-06 ||, 12:59 PM

عــــورتــي قـــلـبي والله :sad:

الله يرحمـــها برحمــتــه :sad:

بنوته صغيرونه

13-02-06 ||, 03:15 PM

عـزانـا .. انها افتكـت من الدنيا وآثامهـا ..
وخذاها ربي وهـي طير من طيور الجنه ..
عزانـا .. انها تحـظى بـ شي أحسن من الدنيا ..
اللي عند ربنـا أفضـل من اللي بتلقـاه عدنا ..

الله يصبــــركم ،،

أنشودة المطر

13-02-06 ||, 05:29 PM

الله يرحمها و يصبركم على ما ابتلاكم

و مثل ما قلتي اللي عند ربنـا أفضـل من اللي بتلقـاه عندنا

وحي القلم

13-02-06 ||, 09:11 PM

الله يرحمها ان شا الله

:sad:

فالجنة ان شا الله يا ريماني

حركات

13-02-06 ||, 09:22 PM

الله يرحمها .. :sad:

أتمنى

13-02-06 ||, 11:50 PM

حروف مؤثرة ..

الله يرحمها و يصبركم ....

أصدق تحية

مسافرللجفا

14-02-06 ||, 01:12 AM

والله قلبي تقطع

:sad:

عورتي قلبي .

الله يرحمها ويغمد روحها الجنه يارب و يصبركم و يبشركم بلقاها يوم القيامه

ويجعلها طير من طيور الجنه . .

:sad:

والله ما اقدر اكمل..

الله يعينكم

:sad:

شوق القلوب

14-02-06 ||, 05:16 PM

الســـلام عليكم..

.
.

الجنـــه غاليـــــه.. و طريجــها صعب

و ~ نـــــــــدى ~

طيـــــــــر يسبـــــح في سمـــاها

.
.

لقاكم وياها بإذن الله.. في جنـــة الخـــلود

:)

سفير الخيال

15-02-06 ||, 12:11 PM

الله يرحمها ويغمد روحها الجنه.. :sad:

إن شاء الله طير من طيور الجنه..

والكلمات جدا مؤلمه إختي الكريمه :sad:

وتصعب علينا الكتابة بهذي المواقف

المعذره

طير الغرام

15-02-06 ||, 02:37 PM

الله يرحمها برحمته
وإن شاءالله من طيور الجنه
.
.

الـيـاه

15-02-06 ||, 03:34 PM

الحمدالله على كل حــال
الله يرحمـها برحمتـه ويصبركم ويصبر امها :sad:

طفلة من هذا الزمان

15-02-06 ||, 04:37 PM

لا اعرف كم مرة بالضبط مررت هنــا غير قــادرة على ترك أي حــرف ..

أي حرف قد يرقى لمستوى الموت هنــا ؟!
أي حرف أعـرفه و لا أعـرفه .. لا يفعـــل ..

يا الله يا ندى .. يا قلب أمك و قرة عين والدك و أخيك محمد ،،

عزيزتي ..
تمنيــاتي لك بالشفــاء العـاجل
تمنيــاتي لجارتكم بالشفــاء العــاجل
أتمنى أكثر و أكثر لوالـدي نـدى و جديهــا .. بشفـــاء قلوبهم و التئام حياتهم من جديد ،،

طفلـــة

خيال الروح

15-02-06 ||, 10:14 PM

الله يرحمـها ,,,
ويصبــر أهلـها ,,

:
.
,,,

عيون الوله

15-02-06 ||, 10:35 PM

دمعت عيني لكلامج عنها

الله يرحمها

فديتها قمر

حزينة الشحوح

15-02-06 ||, 11:05 PM

قطعتــــــــــي قلبـــــــــي ..
فديتهااا والله .. كنت والله أحبـــهااا ..
وبالذات يوم تزقرج " الله يرحمهااا "
الحمد لله إنها بتكون طير من طيور الجنه ..
جان إدمع عيـــني ..
مشكورة حبيبتي ..
الله يصبركم ويصبر الجميــــع ..

الشحية

15-02-06 ||, 11:09 PM

الشحية

15-02-06 ||, 11:10 PM

إسمحولي أنا اللي كاتبه الرد اللي فوق ما إنتبهت للإســـــم ..

العجيبة

15-02-06 ||, 11:40 PM

:sad:

عافك الخاطر

15-02-06 ||, 11:52 PM

الله يرحمـها ..
والله يعين امها وابوها :fa41:
فعلاً ..لمّا نوصل لآخر طريج يجمعنا مع شخص كانت له مكانة غالية في قلوبنا ..الطريج اللي تتوقف عنده كل الأحلام...نحس ان لا الدموع ولا الكلمات قادرة تعبر عن شي.. باختصار ..الموت يخرس الحروف كل الحروف ..!

الله يصبركم اختي ..
ويعوض امها وابوها بـ ندى ثانية ..
..
.

هزاايم

16-02-06 ||, 12:05 AM

ذقت إلي ذقتيه
فارقتج ورده من هالورود
وأنا فارقتني نوور الدرووب
المصااب وااحد
من الرب العالم
من هالحوادث حادث
يخطف من العين حوره
فيها خيره للإثنين
حتى لو ذرفنا الدمعتين
هو صحيح إن الموت حق
وعلى الكل ذوقه
لكن يفارقك من ملا لك السنين
مايكون باليد غير الحمدللخالق رب العالمين

إختيه ربي يلهمكم الصبر وكل بأجره
ونعيش على ذكرااهم الطيبه ومال باليد حيله غير الدعااء
وربي يجمعنا معاهم بدااره

خويتج
هزاايم

بلوة حلوة

16-02-06 ||, 03:40 PM

أشكـركم من * كل قلبي * على مـرووركم وردودكم

ويعلكــم ما تفقــدون غالي ..

الله يكتب لنـا ولكم اللقــا فـ الجنه ..

السموحه

:sad:

.
.
.

الغاليه

17-02-06 ||, 05:08 PM

ماقدرت أيود دموعي .. وايد تأثرت,, وماقول غير أحسن الله عزاكم ولو انها متأخره

الله يرحمها ان شاالله ويغمد روحها الجنه ويصبركم ويعوضكم بخير ..

بلوة حلوة

18-02-06 ||, 11:43 PM

الغاليه ..
شكـرا عزيزتي على مرورج ..
الدوام لله
\\

شخابيط

19-02-06 ||, 12:08 AM

رحلتي للاسف صدفه
ولا مانع لما بيصير

شقاوة طفله وعفه
الم خانتني التعبير

الله يجعلها من طيور الجنه ياااااااااااااارب

المزيوونه

19-02-06 ||, 02:50 PM

الله يصبركم على فرقاها .. ويصبر امها وابوها ..

وانشاااالله تكون عصفووره من عصافير الجنه ..

):

الصامت

20-02-06 ||, 07:32 PM

أشوف الموت اختارج ..... يا أغلى طفله في عيوني

أشوفه حيل يغتالج..... وزاد بي همي وجنوني

ياليت الدمعه بس توقف..... على هالخد وما تنزل

وياليت الناس ما تسأل..... عن دارج وعن مثواج

لأن الجنه هي دارج..... ولأجلها ربي اختارج

أنا ادري ان الحزن ثجيل..... وحزن الكون عليج كبير

ومهما هالحزن يكبر..... ترى حزن الأهل أكبر

وأنا ما عندي غير الدمع..... وكلمه بين شفاتي

ندى ياربي ترحمها..... وتغفر عنها الزلاتي

عسى ربي يصبرنا..... يا طفله على فرقاج

وعسى ما يوم يحرمنا..... من طيفج ومن ذكراج

ربي يرحمها ويغفر لها انشالله

خيال الحب

21-02-06 ||, 01:00 AM

خاطره حزينه..

وتدمع لها العين

واخوي الصامت.. ذبحتني بصورتها بتوقيعك

:(
الله يرحمها ويصبر اهلها ان شاء الله

بلوة حلوة

25-02-06 ||, 11:05 PM

شكــرا لكم عـ المرور والمواساه ..

شخابيط والصامت ..
شكـرا على المداخله

حلم الطفوله

27-02-06 ||, 10:56 PM

اللهم لا اعتراض ...وإلي يخفف على النفس إنها بتكون طير من طيور الجنه

الله يرحمها ...والله يصبركم على فراقها

جنون امرأة

05-03-06 ||, 06:46 PM

:(

الله يرحمها .. و يجعلها طير من طيور الجنه ... و يصبركم على فراقها ..
فعلا موقف صعب حيل ..
ترجمتي جزء من مشاعركِ .. ف أبكيتي قلوبنا ..

سمو الامير

17-03-06 ||, 10:11 PM

تسلمين يالشاعره بلوة حلوة صراحه فاجأتينا بكلامج الحلو والمرتب والي صدق خارج من القلب وبصراحه تسلمين عالشعر الجميل المعبر وحياتج الباقيه والبركه فيج ومالكم غير الصبر وتسلمين

إسهر معي ليله

08-04-06 ||, 12:05 AM

الله يرحمها ان شالله

على كثر ما فقدان هـ البنت يعورالقلب ويصيبنا بـ الحزن،، دخولها الجنه يفرحنا،، وان شالله طير من طيور الجنة

ما أقول غير الله يصبركم ان شالله،، ويعوضكم بـ ندى ثانيه :yes:

عظم الله أجركم،، وسلامتكم

المزوحي

08-04-06 ||, 08:19 PM

الله يرحمج يا طفله الله يرحمج ويصبر هلج يارب .. الله يرحمج ...

عيون الليل

08-04-06 ||, 08:59 PM

رحمــة الله عليــج يا " نـــدى" .،.،

والله يصبــر أهلهـــا .،.،

وإن شالله بتكون من طيور الجنـــه

السموحه على التأخير

أسيرة الصمت

10-04-06 ||, 03:33 PM

السلام عليكم

الله يرحمها ويصبركم اختي ريماني ..
كلماتج او بمعنى أصح احساسيج لفقدانها سطرتيه لنا بكلمات من نور .. كلمات أعجز عن مدى الحزن الموجود فيه كل كلمة خطتيها .. بس ما نقدر انقول غير الله يكون في عونكم

والسموحة

بلوة حلوة

10-04-06 ||, 04:06 PM

9 أيـام وبتكمـل 3 شهـوور [ 19-1 \\ 19-4 ].. ولليـوم مب قادره أستوعب غيابها ..

شكـرا على مروركم وردودكم .. ومثل ماقال اسهر معي ليله ..
دخـولها الجنة يخفف الي فـ القلب ..

الله يصبرنـا

الطيف المسافر

10-04-06 ||, 10:39 PM

رحمة الله عليها ان شاءالله

و الله يصبر امها و ابوها ,,, و اهلها جميعا يارب ,,

ترحموا عليها ,,, و الحمدلله في جنة النعيم ان شاءالله ,,

احسن الله عزاج اختي ,,, و لو انها متأخره ,,,
و حمدلله على سلامتج و اجر و عافيه ...