هل تقبل؟هل تقبلين؟؟؟؟؟؟؟؟؟؟؟؟؟؟؟ [الأرشيف]

وعد

09-02-06 ||, 10:59 PM

السلام عليكم
حابه اتعرف علي ارائكم جميعا ويا ريت تفاعل
عزيزي هلي تقبل الزواج بفتاة اعلي منك بالمستوي التعليمي:ohboy: ؟؟؟؟؟؟
عزيزتي هل تقبيلين الزواج بشاب اقل منك بالمستوي التعليمي:ohboy: ؟؟؟؟؟؟؟

بانتظاركم:fa42: :fa38:

تحفه

09-02-06 ||, 11:06 PM

مُـسـتـحـيـل :oh:

تحفه

09-02-06 ||, 11:08 PM

تخيلي .. وحده بتزوج إنسان وطوووووووووول حياتها بتعيش وياه .. وما عنده على الاقل بكلريووس ولا شي !!

مـــــــب شي - BiG Time :fa55:

خيال الروح

09-02-06 ||, 11:19 PM

نعم ,, أقبل
مب مهم الشهاده ,,
أهم شي عندي شخصية ,, وياما ناس عندهم شهادات
بس ما يعرفون يرمسون كلمتين على بعض
وما تقدرين تقيصين الشخص بعدد شهاداته ومستواه العلمي ,,

: )

:
.
,,

قلوب دبي

09-02-06 ||, 11:27 PM

عليكم السلام و رحمه الله

اتزوج من فتاه تعلو عني في مستواها التعليمي الموضوع اشوفه صعب ، ي
عني ايكون مستواها التعليمي اقل مني او معادل لي فما عندي مانع بذلك .. :nerd:

قلوب دبي

الثعلب الرمادي

09-02-06 ||, 11:28 PM

لو بتزوج ما بتزوج وحدة تشتغل لأني أبغي وحدة تعتني بالبيت و بالأولاد قبل أي شي ثاني الشهادة و المستوى العلمي بالنسبة لي شي تافه أهم شي تكون البنت إلي فبالي فشكلها و شخصيتها و أخلاقها قبل أي شي ثاني :)

وعد

10-02-06 ||, 12:30 AM

تسلمون خواتي واخواني
لكن ليش معظم شبابنا ما يفضلون انه شريكاتهم بالحياه اعلي منهم بالمستوي التعليمي
هل يعتبر هالشئ تهديد لموقعهم بالاسره؟؟؟؟؟؟؟
انا اشوف الموضوع عادي
اهم شئ انهم متفاهمين وبينهم ارضيه مشتركه
اكيد يفضل ان الزوج والزوجه من نفس المستوي
لكن اختلاف المستوي التعليمي ليس بالضروره
سبب لفشل الحياة الزوجيه
في شغله ثانيه
اختلاف المستوي الي اقصده هو الشئ المعقول
يعني مثلا الشاب خريج دبلوم والبنت خريجة بكالوريس اوكيه
بس بنت خريجة اعدادي وشاب خريج ماجستير احسها زحمه
نتمني نشوف المزيد من الاراء

تحياتي

وعد

ناصر الخالدي

10-02-06 ||, 12:41 AM

أختي العزيزة وعد موضوع جميل ورائع....

لو فكرت بالزواج لن أمانع من الزواج بامرأة مستواها التعليمي أعلى من مستواي وهذا يشرفني لأني ابحث عن امرأة متفتحة كأوراق الزهور أمرأة تقدر طموحاتي اريد امرأة لا اريد شهادة.......

( الزواج في زمن الإزدواج )

نجمة دبي

10-02-06 ||, 12:53 AM

سواء كان اعلى مستوى او اقل مستوى ..
بنظري انا نفس الشي ..
اهم شي الاخلاق . والشخصيه .. ويكون قد المسؤوليه .. ويعرف يتصرف في المواقف الصعبه ..
وطبعا الاحترام قبل كل شي ..

ومشكوووره الغاليه عالموضوع ..

ولي عوده بعد رد باقي الاعضاء :)

نجـــــــ دبي ـــــــــمة

دانة حتا

10-02-06 ||, 12:54 AM

اقبل ليش لا
في رياييل مب دارسبن لكن عندهم ثقافه
وبعد شخصيتهم احسن عن مليون مثقف
الشهاده ورقه يمكن يكون متخرج بمقبول (بالدز يعني)
وانا اتخرج بامتياز مثلا بس بعدني اعلى عنه والا
في النهايه الشهاده مب مهمه الاخلاق والشخصيه

بنوته صغيرونه

10-02-06 ||, 12:55 AM

أفضــل اني اتزوج واحد اقل من مستواي التعليمي و اذا كان أعلى مب مشكله كله واحد
أهم شي الشخصيه و الأخلاق و الديــن

راعي الزعـامه

10-02-06 ||, 12:57 AM

أم خدود متحمسه :fa42:

حقيقة لا مانع ابدا اذا كانت اعلى مني في المستوى التعليمي
والمهم انها تكون بنت اخلاقها عالية وتعرف تهتم في بيتها واللي فيه
والمستوى التعليمي غير مهم ابدا سواء كان اعلى او ادني مني

تحياتي ،،

المزوحي

10-02-06 ||, 01:01 AM

أقبل إذا كانت الزوجة الحنونة والزوجة المتفهمة والعاجل .... لأنه هذا كله مابــيــبين دام إنها
لها أسلوبها ... وتعاملني بإحترام ( أهم شي عند الخلافات ماتحسس الزوج بأنها أعلى عنه من هالناحية )

وعد

10-02-06 ||, 01:05 AM

تفاعل جميل منكم يا احلي الاعضاء
طيب خلنا انشوف الاحصائيه

بالنسبة للبنات
الرافضين للزواج بشاب اقل منهم بالمستوي التعليمي
ام خدود

الي ما يعارضون انه شركائهم بالحياة اقل منهم بالمستوي التعليمي

خيال الروح
نجمة دبي
دانة حتا
بنوته صغيرونه

بالنسبه للشباب

الرافضين للزواج بشابه اعلي منهم بالمستوي التعليمي
قلوب دبي

الي ما يعارضون انه شريكاتهم بالحياة اعلي منهم بالمستوي التعليمي

ناصر الخالدي
عاشق القلم
المزوحي

الثعلب الرمادي ما عرفت احطك ياي مجموعه:fa43:

وعد

10-02-06 ||, 01:16 AM

بالنسبه لي اقبل بس بشرط:glare:
انه يكون انسان ناضج واعي
يحب يطور من نفسه
نظرتة للحياة متفتحه:fa34:
لانه مو كل دارس ناجح بحياته ولا كل ما خلص تعليمه فاشل بحياته:fa46:

تحياتي للجميع

جنون امرأة

10-02-06 ||, 03:04 AM

ما أقيم الانسان بشهاداته .. يمكن يكون مثقف بس ما عنده شهاده !!!!!!!!

ريم العين

10-02-06 ||, 10:45 AM

انا عن نفسي ما تهمني الشهاده المهم انه الريال فاهمني ويحس ويعرف يتصرف

نور الإيمان

10-02-06 ||, 12:47 PM

بسم الله الرحمن الرحيم

الموضوع شيق جدا ..

ستكون لي عودة

طير الحب

10-02-06 ||, 02:27 PM

أهم شيء شخصية الرجل...هناك الكثير من المتعلمين لا يتقنون فن التعامل مع الناس...يعني مب كل من حمل شهادة في انسان فاهم وراقي في التعامل

تحفه

10-02-06 ||, 11:07 PM

وياكم ما اختلفنا .. الشهاده مش معيار للاخلاق ..
لـــــــــــــــــــكن

شباب هالزمن .. الشباب الي ودرو دراساتهم يعني .. أكثر عرضه للـ جنوح من غيرهم !

صدى جوفي

11-02-06 ||, 09:09 PM

اما عني فأنــا أشوف أن المستوى الدراسي مب وايد مهــم

في نــاس عقلهــا صغير ولو أنهم ماخذين شهادات عالية

وأهم شي في الريــال أخــلاقه، ثقــافته وعقليــته..

والحيــاة تعــلم أكثر مــن الشهــادة..

وعد

11-02-06 ||, 09:19 PM

وياكم ما اختلفنا .. الشهاده مش معيار للاخلاق ..
لـــــــــــــــــــكن

شباب هالزمن .. الشباب الي ودرو دراساتهم يعني .. أكثر عرضه للـ جنوح من غيرهم !
اشكر كل واحد فيكم ابدئ رايه:fa42:
لا الصراحه لازم انتوا تشكروني لاني ساعدتكم تخبرونا عن ارائكم ههههههه سوالف:fa56:
يلا معلينا:wacko:

ام خدود يا ريت تشرحين اكثر عن سالفة الجنوح:fa54:

تحفه

11-02-06 ||, 09:24 PM

سمو الامير

11-02-06 ||, 09:39 PM

نعم أقبل بها ولو حتى ميح هب متعلمه عشان المهم جدا هوه الاستقرار والراحه والحب والسرور ومافي مشكله وبعد لو انها عالمه ودكتوره وأكثر ترى هب مشكله أبدا المهم الراحه وبس
شكرا لكاتبة الموضوع شكرا ياوعـــــــــــــــــــــ ـــــــــــــــــــــــــ ـــــــــــــــــــــــــ ــــــــــد .

وعد

11-02-06 ||, 09:59 PM

لأن مغريات العصر صارت كثيره ، صاروا الشباب اكثر عرضه من غيرهم في الجنوح

-خاصه انهم يحتكون مع العالم الخارجي اكثر من البنات
-الشباب اكثر تهور من البنات ( يحبون يجربون ) تحسونهم متحمسين ما يترددون

وفي وايد اسباب ثانيه .. بس مالي خلق جان تبين الصراحه اني اكتب
اوكيه ام خدود
بس يمكن بعد الشاب الي ترك الدراسه ما يلس بالبيت
لا راح واشتغل
وبحكم هالشئ يمكن وانه عنده فلوس راح يحصن نفسه اكثر
ويكون قادر علي الزواج وبسن صغير
صح والا لا
يعني الي يبي يلعب او يجنح علي قولتج
مو شرط التارك لدراسته
يمكن الشاب الي يالس يدرس بالخارج يالس يلعب علي كيفه صح والا لا

مجرد راي غناتي

وعد

11-02-06 ||, 10:01 PM

تحفه

11-02-06 ||, 10:38 PM

في وجهة نظري و بصراحه صريحه .. الولد الي ما يعرف مصلحته وظهر من الدراسه علشان ( سبب من الاسباب = مثل يحتاج بيزات زياده ولاشي من هالقبيل - إلا اذا كان فعلا مضطر - ) بينجرف بسهوله للخراب ..

وبنفس الوقت الشباب الي يكملون دراستهم برع مب شرط يكونون نحصنين مثل ما نقول من الانحراف

so السالفه تعتمد على قوة الشخصيه عسب ما تتاثر ..

وعد

12-02-06 ||, 12:22 AM

وبنفس الوقت الشباب الي يكملون دراستهم برع مب شرط يكونون نحصنين مثل ما نقول من الانحراف

so السالفه تعتمد على قوة الشخصيه عسب ما تتاثر ..

اذن اتفقنا
الانحراف ماله علاقه بان الانسان عنده شهادة او لا
تعتمد علي قوة الشخصية مثل ما قلتي
او بلاحري التزامه من الناحيه الدينية

تحياتي لج

سمو الامير

16-02-06 ||, 10:11 PM

شكرا وعد وبصراحه أنتي طلتج لي روعه والمواضيع لي تكتبينها وتناقشينها أروع بس0000000000000000000000000000000000000000000000 00000
00000000000000000000000000000000000000000000000000 000
هذا رايئي وكل حر برايه وشكرا وزيدينا من نقاشاتج الحلوة 00000000000000000