_-_عباقرة وعلماء_-_

[ريم العين]

[
COLOR="Purple"]السلام عليكم ورحمه الله وبركاته [/COLOR]

فايام الثمانينات كانت الكتب المدرسيه صعبه وكل كتاب اكبر من الثاني وكانت الناس ماعدها
شى غير دراستهم وعقب قامو يسهلون الدراسه حتى ان الغبي لو دخل المدرسه ودرس ساعه وحده
بس نجح والحين قامو يصعبونها اكثر من اللزوم وحطولهم فكتبهم موسوعات وما عرف شو الي
خلص المدرسه ارتاح والي بعدهم يدرسون حاطينهم تحت التجربه يجربون فيهم كل انواع الكتب
وجريب بيخلون العلمي والادبي صف واحد .يعني بالله عليكم شو بيطلعون هاييل عباقره
ولا علماء كل واحد شايل ورا ظهره شنطه كتب والي يشوفه يتحرا حاط فيها حديد
ويدرس ويتعب ولاا وحاطين لكل ماده صعبه فايل يحط فيه اوراق وعليه نص الدرجه يعني لو كانت
المجموع 100 الفايل عليه 50 درجه يعني ليش كل هذا وعقب يوم بيحفظ الكتاب فكبره اتييك الاسأله برع الكتاب
واييلس والف واكتب خرابيط اونه امتحان نختبر فيه عقل الولد امتحان فكري وارسم وماعرف شو
واخرتها رسوب فالماده وويضيع سنه من عمره بسبت اختبار لعقله وعقب ما يصك عمره العشرين خلص الثانويه وبيروح الجامعه وضيع نص عمره دراسه وعقبها داوم هذا اذا حصلت دوام
او يروح يدرس برع ويرد بشهاده ويرفع فيها راسه بس بدون راحه وبيروح يدور واسطه عسب يداوم حتى الشباب قامو يقولون ياليتنا حريم عسب نعرس والريال يصرف علينا بدون تعب ومذله
الحريم بروحهم ميلسن فالبيوت ويقولون ياليتنا رياييل عسب نطلع وندش عكيفنا

شورايكم باللي يستوي؟؟

[اخت اختي]

أنا بكل صراحة،،
أول شيء كنت أفكر نفس التفكير.. بس بعدين، اتغير تفكيري.. أنا في مدرسة وايد صعبة في دبي.. ومستواها التعليمي وايد صعب بس منطقي.. يمكن البعض يواجه الصعوبة بس أنا الحمدلله أحس إن الشخص إذا انتبه في الصف وبذل مجهود طيب لازم بييب نتيجة.. أول كان بودي أطلع من المدرسة بسبب الدراسة الصعبة والمتعبة بس عقب الموقف إللي شفته قلت الحمدلله إني بعدني في هاي المدرسة.. هالموقف هو: كانت وحدة الله يذكرها بالخير في صفي، وعمرها ما نجحت في الرياضيات.. الامتحان من 35 و هي مستحيل اتيب أكثر عن 10.. يعني هي دوم ساقطة!! ف يوم طلعت من مدرستنا وسارت مدرسة الاتحاد يابت 88!!!!!!! هل هذا يعقل.. يعني جوفوا الفرق في المستوى التعليمي (وعلى العلم إن المدرستين خاصة مب حكومية). هل هذا يعقل؟؟؟!!!!

ولي عودة
مشكورة عالموضوع :)

[ريم العين]

اخت اختي....مشكوره عالمرور صح اللي قلتيه بس عالاقل يخففو علينا شويه

والله انا شكلي بطلع بالمستقبل عالمه >>>>الله لا قال

انا وايد خايفه من السنه اليايه يقولون صعب

[الثعلب الرمادي]

والله يا أختي إنتي ماخذة المسألة بشكل جدي و كبير لعلمج المنهاج في دول ثانية مثل اليابان و سنغافورة و كوريا و حتى ألمانيا مستواها أصعب من اللي عندنا و الطلاب هناك صح يواجهون مشاكل لكنهم مع الوقت يتعودون على الوضع و يتغلبون على المصاعب و المناهج عندنا في الإمارات هي الأفضل من جميع النواحي في منطقة الخليج و العالم و طلاب الإمارات معروفين بمستواهم الرفيع في جميع أنحاء العالم ... نصيحة مني ركزي على الدراسة قد ما تقدرين لا تفكرين بالصعوبات و لا تسألين وايد و صدقيني مافي شي صعب إذا درستي كل يوم 12 ساعة متواصلة :)