مشاهدة النسخة كاملة : كرهتـــهاا .. اتخلص منها . . .؟!
أمطار
05-02-06 ||, 10:08 PM
. . .السلام عليكم ورحمة الله وبركاته. . .
عنديــه لوحـة رسمتها ..
بس لأول مرة في حياتي أحس إني كارهه رسمة من رسوماتي ،،
:fa36:
ربيعتيه حبتها وقالت أنها تبغيها ..
قلتلها بس بكملها ومن صوبج تراهاا . . .!
بس لين الحين ما كملتها لأني مب طايقه أشوفها!
:fa44:
صورتها بالموبايل بس مب طايعه تطلع عدل ،،
حتى في هالشي نحسة ..
يعني لا أقدر اسوي لها سكان بسبب حجمها الكبير ولا الصور تطلع واضحة. . .!!
:fa39:
عموما ً أخليكم ويا الصور ،،
صورتها أكثر من مرة وأظن أوضح صورة بتكون رقم ((3)) . . .!
(1)
http://upload.bindubai.com/download/am6aar/015.jpg
(2)
http://upload.bindubai.com/download/am6aar/016.jpg
(3)
http://upload.bindubai.com/download/am6aar/017.jpg
(4)
http://upload.bindubai.com/download/am6aar/018.jpg
لو حد عنده فكرة غير الفكرة العبيطة اللي في بالي .. ياليت لو تساعدوني ..!!
((فكرتيه أن الأم ماسكه أيد ولدها وهو صغير .. رمز للرعاية والاهتمام .. وفي الشكل البيضاوي اللي ما رسمت فيه شي .. كنت ناوية ارسم كرسي كبير ويالسه عليه عيوز ~ أو بالاحرى .. شبح عيوز وما تبين ملامحها ولا شي .. يعني شبح أسود يالس على كرسي .. دليل على عقوق الوالدين .. انه اللي ربته وراعته وهو صغير .. هجرها في الكبر!))
:fa54:
والسموحـــة ..
دمعه
شوق القلوب
05-02-06 ||, 10:26 PM
السلام عليكم..
غاليـــتي.. أتوقعتها أسوأ من جيــــه بوااااااااااااااااااااااا ااااااااااااااااااااااااا اااايد..!!
بس بصراحه..
الرسمه جــــــــــــــداً حلوه..!
فكـــــرتها ذات معاني كبيره.. وتنفيذها.. ماشاء الله أبدعتي فيه..
خبريني.. شو امكرهنج فيها..؟؟!! :fa32:
أمطار
05-02-06 ||, 10:44 PM
. . .وعليكم السلام والرحمة. . .
شــوّااقـتــي ،،
:sad:
كرهتها من أول ما بديت فيها ..
وما أعرف كيف بخلصها . . .؟!
يمكن عشان النفسية مأثرة على مزاجي هالأيام؟!
بس ما يخصــه .. اللوحة كـ لوحة كرهتهااا. . .
:fa52:
قولج أعطيها اللوحه جي؟!
عمة العيم
05-02-06 ||, 10:50 PM
دمعة العين
رسمه رائعه
انا من شفتها
تخيلت ايد النونو طاعه من البيضه المفقوسه
بس و انتي و خيالج بعد انا تخيلت ارسم صورة العيوز برموز و تتكون البيضه اللي تطلع منها يد النونو
الله يوفقج
خدافس
أمطار
05-02-06 ||, 10:55 PM
عــمـــووه ..
اوويـــه .. ما قد انتبهت للشكل البيضاوي على أساس أنه بيضة!
يا ليت لو تفصـّلين فكرتج. . .!
يمكن أطبـّقهاا ..
فديتج عمـــووه يا أم الأفكـــااار . . .
حبوبه دبي
05-02-06 ||, 11:39 PM
بالعكـــس لــوحه رااائعه :inlove:
حبيــت فكــرتج ،، كمليــهـا :fa51:
شــو مكــرهنج فيهــا !!
يمكــن لانج مــن بديتـي فيهــا مـاكـان لج نفــس ولا مــا حددتــي الفكــره :fa46:
اول حــايه غيـري رايج في الرسمــه وحبـٌيهــا وان شالله اتكمليــنهــا :fa35:
والسمــوحه
نتـرقب التكملــه
:fa51:
صدى جوفي
05-02-06 ||, 11:48 PM
اللوحــــــــة حلوة ..:fa47:
ما تستــــــــــاهل هالكره منج .. غمضتني :sad:
وفكرتهــــــــا وايد نبيلـــــــة :fa46:
حبيتهــــــــا من الخـــاطر:fa35:
أمطار
06-02-06 ||, 12:08 AM
ليش الكل حابّنها وأنا الوحيدة اللي كارهتنهااا ؟!
أحس إني شريرة ..
:'(
عمة العيم
06-02-06 ||, 04:57 PM
دموعه.... اللوحه شو سوت بج حليلها حبيها شوي
فكرتي لو بتطبقينها لازم تعيدين الرسمه يعني ترسمين يد النونو طالعه من البيضه المفقوسه
و فكرة اليدوووه يعني العيوز انتي عاده تشطري ارسمي كرسي العيوز وهي يالسه عليه حذال بعض على شكل بيضه يعني توحي البيضه ان الام يابتها و كبرت و تعبت عشان ولدها اللي ربته من يوم ولادته....مادري كيفج انتي العبي في الرسمه بخيالج عاده
ههههه فديتش والله
خدافس
دموع العاشقين
06-02-06 ||, 05:28 PM
الرسمه واااايد حلوه واتمنى اتكملينها
أتمنى
07-02-06 ||, 06:38 PM
طيب اش رايك اكرهها معك شوي عشان اواسيك ؟ :)
اللوحة رائعه جداً الغلا
و تسلم يديك عليها
..
امممم تخيلت الشكل البيضاوي
معدة حامل و فيها صورة جنين ما اكتمل نموه !
:)
ابهام الطفل يحتاج شوووووية تعديل ..
اشتقنالك وربي يا دمعة .....
المحاق المشتعل
08-02-06 ||, 05:47 AM
السلام عليكم
دائماً متأخر بس ما أحب افوت شي
دمعتنا الفنانة شو هالإبداع كله
كل هذا وكرهتي لوحتج
عيل الخرابيط إلي نحن نرسمها وما إتي شي جدام لوحتج نحن شونقول عنها :Oo:
لا الصراحة لوحتج روعة والدائرة ما ركزت عليها وايد أول ما شفت اللوحة
وانا ما أأيد رسم العيوز إلي تكلمتي عنها لسبب وهذا ما أراه انا
أحس إنج لو رسمتيها ما بتبين عدل أول شي
ثاني شي الغالب على اللوحة السواد
فإذا طلعتي من هالطاق يمكن تنجحين بس بتصعبين الأمور علىنفسج
استخدمي السهولة والمفتاح للوحتج بسيط
أرسمي ظل لشي معين يوحي للعقوق في تلك الدائرة
وحاولي تخلين الدائرة متلاشية الأطراف
هاي مجرد نظرة أنا انظر لها من غير تصعيب :look:
وصدقيني
لوحتج مهما كانت
تراها منج وفيج لو كانت كريهة حتى :laugh:
واشكر لج كل هالإبداع
ربي لا يحرمنا من جمال رسماتج الحلوة
موفقة
محاق
أمطار
17-02-06 ||, 11:35 PM
مشكورين حبايبي ،،
أعذروني اختصر الردود كلها في رد ..
شوّاقه وعموه وحبوبة دبي وصدى جوفي والمنسية وأتمنى وأخيرا ً وليس آخرا ً ،، فناننا المحااق . . .
أشكركم من الأعماق على الدعم النفسي ،،
وبإذن الله إذا كملت اللوحة .. راح أعرضها وأرد على تعليقاتكم..
كل الـــودّ. . .
دمعه
ريم العين
24-02-06 ||, 10:29 AM
كملتيها ولا بعدج؟
بالانتضار
أمطار
24-02-06 ||, 10:32 PM
عزيزتي ريم العين ،،
ما خلصتها لأني مشغولة وايد هالفترة بأمــور ثانية .. لكن بإذن الله بعد ما أخلصها بتعرفون . . .
عزيزتي ..
انتهز هالفرصــة عشان أعتــذر لج من شي .. يمكن أنتي ما تتذكرينه ،،
بس أنا أتذكره عدل .. يمكن لحظتها كرهتيني أو حسيتي بأن دمعه إنسانة مغرورة . . .
بس كانت لي أسبابي ومبرراتي في الموقف اللي صــار .. أتمنى أنج تكونين مسامحة دمعه على كل شي. . .
المعــذرة ،،
دمعه
نبراس الليل
28-02-06 ||, 04:19 AM
أولا الرسمة حلوة
يمكن ماخذتي انطباع حلو عى الرسمة كبداية لذلك كرهتيها
عسى ان تكرهوا شيئا وهو خيرا لكم ....انزين مايخصه
عالعموم حاولت اجييب لك فكرة جديدة مالقيت وإن شاءالله نشوف التكملة وإن شاءالله تطرحيننها وانتي حابتها
والسموحه
طارق
أمطار
02-04-06 ||, 11:25 PM
في البداية أعتذر منكم جميعا ً على هالقطااعة والتأخير في الرد ،،
البــاز .. ما تقصـّر يا طارق المحبة ،،
وجودك يكفيناا . . .
بوزايد ،،
الحمدلله على هالنعمة ..
وربي يسلمك ويسلم غاليك . . .
أتمنى ،،
فكرت واايد أني ارسم شكل جنين في هالشكل البيضاوي ..
يعني صح اني كنت اباها تتكلم عن عقوق الوالدين .. بس ليش ما تكون لوحة توحي بالأمومة؟!
=}
مشكووره يالغلا على رايج الحلو ،،
فنانا محاق ،،
أشكر تواجدك وتعليقك .. رفعت المعنوية !
شوّاقه ..
تسلمين غاليتي .. ما ننحرم يارب!
ريم العين ،،
بإذن الله .. قريب!
صدى جوفي ،،
تحبج العافيه يالغلا .. والحمدلله أنها نالت على اعجابج !
عمـــوه ،،
يسلملي قلبج الطيب .. وربي لا هاانج يالغلا!
المنسيه ،،
الله يحلي أيامج .. وإن شاء الله قريب!
حبـــوبة دبي،،
صاحبة القلب الطيب .. يسعدني وجودج الدائم !
ما ننحرم يارب !
كل الـــودّ. . .
دمعه