::..اكله لذيذه وسهلـه..::

[شمه]

مرحبا بنات اشحالكـــــــــــن..

المهم هالاكله وايد بسيطه وسهله.. و هي الكوسا بخلطة اللحم والباشاميل..

المقادير..
كوســـــه (العدد حسب الرغبـــــه)..
بطاطس..
فلفل بارد..
ثوم ..
بصل ..
مشروم..
طماطـــم (2 - 3 )..
لحم مفروم.. (او دياي للي ما يحبون اللحم شراتي )..

..
لعمل الباشاميل .. (ربع باكيت زبده و 4 ملاعق اكل طحين.. 3-4 اكواب حليب .. ثم يضاف اليه جبن الكاسات حوالي كاس واحد كبير او نصف كاس حسب الكميه .. ثم الملح و الفلفل الاسود..)

الطريقــــــــه:
_ نفور الكوسا بعد تقطيعها الى قطع مع البطاطس..
_ نحمر البصل ثم الثوم ثم المشروم والفلفل البارد ثم نضيف اللحم الى ان يطبخ قليلا ثم الطماطم المبشوره والبهارات..
_ نصف في صحن بايركس الكوسه و البطاطس ثم خلطة اللحم واخيرا الباشاميل..

____ و بس.. عاد اتريوا لين تحمر الطبقه اللي فوق.. و هني و عافيــــه..
سهــــله صح؟!

[تحفه]

كوسه في البشاميل .. sounds really weird :rock:

[تحفه]

هي صح .. مشكوره وتسلمين على الوصفه الحلوه يا حلوه

[حبوبه دبي]

يــم يــم

:fa37:


شــو هالطبخـــه الحلــوه !! :woot:

تسلميـــــــــن حبــوبه ع الطــريقه ،،

نتــرقب اليديد منــج :fa42:

والسمــوحه

[شمه]

ام خدود.. خلي الشغالات يجربن يسونها لج.. جربيها يمكن تعيبــــج..
وشكرا ع تعقيبج.. الحلو يا حلوو.. :)


حبوبة دبي..
مشكوره الغاليــــــــه..

[أمرين]

تسلمين حبوووبه ..

شكلها يم يم يم يم