مشاهدة النسخة كاملة : معرض الفن التشكيلي بدبي
قلوب دبي
01-02-06 ||, 03:39 PM
السلام عليكم و رحمه الله وبركاته
بأذن الله سيتم افتتاح معرض الفن التشكيلي بدبي
تحت رعايه الشيخه منال بنت محمد بن راشد آل مكتوم في فندق رويال ميراج - دبي
سيكون من الخامس من فبراير و حتى الثالث عشر من الشهر نفسه لسنه 2006
و تبلغ قيمه المعروضات حوالي ثلاثمائة الف دولار ، كما توجد لوحات قديمه تصل لمئات السنين
علما بأن التصوير ممنوع و كذلك الهواتف المزوده بالكاميرات
قلوب دبي
تحفه
01-02-06 ||, 03:47 PM
:fa34: متحمسه
قلوب دبي
01-02-06 ||, 03:55 PM
لووووووووول
هاتي لوحاتج بعد P:
وقولي الهم انها مال ايام الفراعنه ^_^
تحفه
01-02-06 ||, 04:06 PM
تـطـنـز :glare:
الحاضر الغايب
01-02-06 ||, 04:22 PM
السلام عليكم ...
شكرا على الطرح اخي الكريم ...
يثبت الموضوع
والسموحه ...
قلوب دبي
01-02-06 ||, 04:36 PM
ام خدود
سوري:fa52: كنت اسولف
الحاضر الغايب
لا شكر على واجب
وشكرا ع التثبيت ..
قلوب دبي
تحفه
01-02-06 ||, 09:31 PM
ونا بعد كنت اسولف :vampire:
عمة العيم
02-02-06 ||, 11:56 PM
قلوب دبي
تسلم على هالموضوع إلي كنت اترياه من زمااااااااااااااااان
دوم يسوون معارض فنيه لكنهم مايعلنون او نحن مانعرف انهم بيسوون شي اصلاً
انا متحمسه ابا اسير
ممكن تخبرونا من الساعه كم لين كم؟
و ان شاء الله اشوف كل الرسامين المبدعين هناك (^_^)
و هل اي حد يروم يسير؟ ولا لازم في آي بي فقط!
شكراً
خدافس
قلوب دبي
03-02-06 ||, 01:40 AM
أم خدود :vampire:
عمه العيم
الله يسلمج من الشر
الله يسلمج الاعلام هو اللي ما يلفت النظر لمثل هاي الامور
هم اعلنوا في الجرايد الاجنبيه ولكن اعلامنا العربي ما اهتم
لمثل هاي الامور ويمكن بيهتم الها لاحقنا و السبب اعتقد يكمن فيه المنظم ..
قناه ZEE الهنديه نقلت احداث المعرض و لكن بسبب وفاه الشيخ مكتوم بن راشد ال مكتوم
و الذي كان مقرر ان يعقد في قاعه رقم 2 من المركز التجاري من ضمن فعاليات المهرجان
و من ثم تم الغائها و ليعرض الان ..
عالعموم هالمره انا بوافيكم الاخبار اول بأول و طبعا المعرض بيبدأ
من تاريخ 5 /2/2006 و لغايه 10/2/2006
يوم الاحد 5/2/2006 بيكون الافتتاح الساعه السابعه و النصف مساءا
لاصحاب بطاقات الدعوه من المدعوين و اعيان البلاد ..
واما بقيه ايام الاسبوع سيكون من الساعه 10 صباحا و حتى السابعه مساءا
و بعد الساعه 7 مساءا و لغايه الساعه 10 سيكون للاشخاص الذين سيأخذون
موعد لمعاينه بعض اللوحات و لمن يرغب بالشراء ..
توجد من ضمن اللوحات المعروضه لوحات مرسومه في القرن 17 و في القرن 18
و شيء من اللوحات لم تعرض منذ اكثر 100 عام و تعرض لاول مره و شيء من
اللوحات لم تعرض الا مرتين احاهن في واشنطن سنه الف و تسعميه و شيء و عشرين
و المره الثانيه اهني ..
كذلك من ضمن المعروضات سجاده تبلغ قيمتها حوالي 60 مليون دولار تقريبا ..
هيه صح توني وانا اكتب التعقيب هذا قريت فوق و لقيت عمري مغلط في شيء
واللي هو قيمه المعروضات 300 مليون دولار :)
شويه صح :glare:
الاطفال اقل من 10 سنوات يمنع اصحابهم و كذلك حسب ما وردتني من معلومات
يمنع ادخال الكاميرات و الموبايلات الى صاله العرض ، و كما سمعت انه سيتم
مناقشه موضوع التلفونات و بوافيكم بالجديد ..
عندي صور للوحات و بعض المعروضات براويكم عقب ان شاء الله ..
هذا وبوافيكم باليديد ..
قلوب دبي
عمة العيم
03-02-06 ||, 11:50 AM
قلوب دبي اشكرك جزيل الشكر على التوضيح
ان شاء الله في انتظار المزيد
خدافس
(^_^)
أمطار
03-02-06 ||, 07:24 PM
. . .وعليكم السلام ورحمة الله وبركاته. . .
جــزاك اللــه خير أخــوي قلــوب دبي ،،
يــاللـــه ليش ما يســوون هالمعارض والفعاليــات في فترة الإجازات أو الصيف. . .!
:fa43:
خــاطري أحضــر بس للأسف ما أقدر ،،
ومشكـــور ياخـــوي على تغطيــة الحــدث .. أكيــد بنكون بشـــوق لمعرفة معلومات أكثــر عن الحدث. . .
بانتظــار صــور اللوحات والمعروضــات لا هنت..
:fa41:
كل الــــودّ. . .
دمعه
عمة العيم
03-02-06 ||, 11:48 PM
ترا يقولون ممنوع احضار الكيمرات
كيف نروم نراويكم الصور
:(
أمطار
04-02-06 ||, 12:16 AM
غاليتي عمــووه ،،
قلــوب دبــي قال أنه عنده صور بس بيراوينا إياهم عقب ..
عسب جي أنا كتبت أنيه انتظر منه الصور . .
وأنتي بعد نتريا منج تعليق على المعرض . . .
^_^
دمعه
قلوب دبي
04-02-06 ||, 03:57 PM
:)
عمه العيم
لا شكر على واجب
و الصور الله يسلمج اقدر اصور ..
كوني عضو في اللجنه المنظمه و رئيس لجنه فرعيه ..
دمعه العين
لوووول
الله يسلمج المعرض كان مخصص في اجازه الربيع وكان المفترض بايام العيد و في المركز التجاري العالمي في دبي و لكن تأجل بسبب و فاة سمو الشيخ مكتوم بن راشد ال مكتوم الله يرحمه ..
قدر الله وما شاء فعل ..
الصحف المحليه والمواقع الالكترونيه الاجنبيه علمت لقاءات في المعرض و عملت تغطيه اعلاميه جيده و كذلك تلفزيون دبي راح يكون له دور في الموضوع ..
هذا حتى الان ..
قلوب دبي
قلوب دبي
05-02-06 ||, 10:48 AM
:laugh:
اخواني الاعضاء
تعالوا شوفوا الموقع الرسمي للمعرض
الذي تم استحداثه مساء امس :)
فقط لاعطاء نبذه عن المعروضات و لكن في الواقع المعرض احلى
مع الديكور و مع الاضائه و اللوحات بطبيعتها و حجمها الطبيعي ,,
http://themastersuae.com/masterslogo.gif (http://themastersuae.com/dubai_artlist.pdf)
http://themastersuae.com
الافتتاح اليوم سيحضره عدد كبير من المسئولين
و سيفتتحه المر
انتظروا المزيد
أمطار
05-02-06 ||, 10:36 PM
قلـــوووب .. يعني أنته واسطة هنــااك ،،
صــوّر صــوّر ربي لا هاانك ..
نبا صور فرش من المعرض نفسه ((يالطمــع)) .. ولو تصرق لنا لوحة بالمرة !
:vampire:
اللــه .. كشخــة أحـــس ،،
والله يرحم الشيخ مكتوم ويغمد روحه الجنــة . . .
بانتظار أخبار الليلة عن المعـــــرض ..
:inlove:
قلوب دبي
06-02-06 ||, 12:27 PM
ههههههههه
يحليلي يا دمعه انا وين وين الواسطه
ع قد حالي صغيروني .. :tounge:
من المواقف اللي اضحكني كل المدراء يوم ايون
وايقولولي بنسرق اللوحات وانا عاد وما اصدق
اقول الهم يالله النص بالنص ههههههههه :fa56:
لانه بالفعل الاسعار وايد خياليه .. :glare:
المشكله تكمن فرضا سرقناها وين بنبيعها هههههههه :rock: يفكر بعد هههه
محد بيشتريهن لانه بننزخ عطول لوووول :fa44:
على فكره البارحه سمحوا الهم التصوير لانه كان يوم vip و من اليوم عادي مسموح لل
جميع الدخول و لكن التصوير و الكاميرات ممنوعه ..
تبون الصدق المفروض اعرض الكم الصور البارحه و لكن من التعب رديت و رقدت
ما قدرت اضبط و انسق الومضوع و ارفع الصور و اكتب الاسم عليهن وجي ان شاء الله
بحاول اليوم اعرض الكم الصور للمعرض .. :ghostface
محتار وين احطهن في الفن التشكيلي والا في واحه التصوير ..
قلوب دبي
قلوب دبي
06-02-06 ||, 02:51 PM
lo0o0o0o0ol
من اليوم
يسمح للجميع باحضار الكاميرات و التصوير .. :)
بس تعرفون شو اللي ضحكني البارحه يووو ناس اشكالهم عجيبه
اللهم لا شماته بس اتقولون مفجرين فنابل في روسهم الشعر ما ادري كيف ناقز
ههههههه :fa56: يمكن هذا يعتبر فن بعد ...
:woot:
لا تعليق:fa32:
عمة العيم
06-02-06 ||, 04:47 PM
قلوب دبي
سوي لي واسطه انزين بييب كيمرتي
ان شاء الله بعطي عصير حق عيالك بس سو لي واسطه
يعني عمة العيم انا مب حي الله عمة الفنون انا :fa38:
يعني اصدق كلامك و اييب الكيمرا؟
لو قالولي شي بأشر عليك :fa32:
خدافس
:ghostface
قلوب دبي
07-02-06 ||, 09:22 PM
لووووووووول
عمه العيم
خلاص سوينالج واسطه
هاتي الكاميرا و هاتي عيالج و عيال الفريج بعد
سمحوا الهم ^_^
و هاي الوصله في جريده البيان
http://www.albayan.ae/servlet/Satellite?cid=1138359352670&pagename=Albayan%2FArticle%2FFullDetail&c=Article
و هاي وصله جريده الخليج
http://www.alkhaleej.ae/articles/show_article.cfm?val=237050
و معلومات يديده
زارت المعرض وفود من مختلف كليات الدوله
جامعه زايد للطالبات - كليه الفنون اعتقد - ابوظبي
كليه لطيفه - دبي
جامعه الشارقه للطالبات - كليه الفنون الجميله - دبي
و غدا جامعه الامارات
قلوب دبي
10-02-06 ||, 12:01 AM
غدا الفتره الصباحيه هي اخر فتره للزوار حتى الساعه 12.30 ..
^_^
عمة العيم
10-02-06 ||, 11:17 AM
عمة العيم زارت المعرض البارحه
و سحرتها لوحات فان كوخ و ويليام تروست و جان بروقر و روزا
و ايضاً السياده العجيبه (افكر اسوي فساتين نفس الشي يا بنات تبون؟)
لكن الشعووووور كان غييييييير ياناس مب بس مجرد لوح مرسومه لاااا يا جماعه شفت تاريخ شفت لوحات لمناظر قبل 50 سنه قبل 100 سنه قبل 300 سنه نحن ماشفنا هالمناظر غير بالابيض والاسود........لو لا الرسامين جان ماعرفنا شو لونهم يا سلام عليج يالالوان
يعني لو تفكر مكان المعرض حالياً قبل كان صحرا لا مب صحرا يمكن ماكان في شي بعد....سبحان الله
اقول يعني هاللوحات و هالتحف ما يتعوضون بملايين الدنيا يا ناس حافظوا على التحف
بس حبيت انقل اليكم ما شعرت به :blush:
بس صدق احلى شي البنات عالمدخل يطالعون اغراض البنات في الشنط كشخه بشتغل وياهم :fa56:
تفتيش اونه مسكينه البنيه روحها مستحيه تفتح الشنطه :fa52:
خدافس
:ghostface
قلوب دبي
17-02-06 ||, 12:23 AM
ههههههههه
عيل ايقولون يتي و زرتي المعرض ..
زين يوم استانستي فيه..
ينزل من التثبيت لانتهاء الحدث
وشكرا لمشرفي القسم ,,