هـموم.. [الأرشيف] - -:: واحات بن دبي ::-

مشاهدة النسخة كاملة : هـموم..

مــهــابه

23-01-06 ||, 01:51 AM

:fa43:
السـلام عليـكم..

شحـالكم..

الله يسـلمكــم.. انـا خلاص.. تعـبت والله تـعبت:fa43:
مـتضايجـه وايـــــــــد.. ليش ؟؟ مـادري:fa36:
احـس بـهم ع قـلبي.. خـاطري اشكـي.. خـاطري ابكــي..
احس انـي بنفـجر.. والله انـي مااروم ع الدنيـا وبلاويـها..
هـالسنه مـامرت علـي بسـلاام .. اشيـا وايـد صارت لـي..
وخلـت حياتي تتـغير بأكملـها.. صبـرت.. ويا حلاه الصـبر..
كـتمت.. انـزين لي مــتى ؟ شـو اللي تـم ومـاصار لـي ابا افـهم؟؟
كـل شي احبـه ضـاع مـني.. كل شـي اتمـناه مـا احصـل..عـادي
انـا مابا شي .. قـنوعه.. لكـن ليش؟؟
لـيش جيـه؟؟ :look:
مـاصرت احـس بطعم الحيـاه.. احس يـومي شرات امـسي..
لاجـديد فيـه.. إلا الاحـزان بس تـزيد.. بس اقـول الحمدلله ع كل حال
( ان الله لو حب عبده ابـتلاه) بس انا انسـانه
لي طـاقه.. اصـبر.. لـكن يا اليـوم اللي ضـعفـت فيه.. وانهـزمت..
اعـترف بالهـزيمه..
انـا تعبـت.. والله تـعبت..

ماروم اكمل.. اسمحوا لي..اخاف اصييح..

هـموم

وعد

23-01-06 ||, 02:03 AM

تصدقين اختي توني ابي اطلع من المنتدي لاني باجر دوام والحين السعه 1 وللحين ما نمت :oh:
بس حبيت اشارك علي موضوعج اختي هموم
شوفي اختي اول شئ حطيه ببالج اي شئ ضاع منج تري فيه صلاح لج لانه رب العباد ما يكتب شئ للعبد الا فيه صلاح له, فلا تحزنين علي شئ فات فالي فات مضي والي مضي انقضي يعني ما في فايده من التحسف والزعل ......................
" لن يصيبنا الا ما كتبه الله لنا" تخيل بعيد باجر بتموتين , لج طولة العمر ان شاء الله ليش تعيش هالدقايق بحزن؟؟؟؟؟؟؟؟؟؟؟؟؟؟؟
وعلي قولة الشاعر" تمشي المقادير علي غرز الابر"
وعلي فكره حياتنا من صنع افكارانا يعتي لو قلت انج مهمومه مثلا خلاص عقلج الباطني يهئ لج ان الدنيا سوده لانج انت لمحتي لعقلج بهالشئ لكن لم تحطين بدخلج انا سعيده من هاللحظه بكون اكبر من احزاني راحت تشوفين الدنيا شئ ثاني
ويا اختي الضربه الي ما تذبحج تقويج صح

تصبحين علي خير وسعاده امين يا ربي

هزاايم

23-01-06 ||, 02:09 AM

بيته أنبه إن الهم والغم عندج مختلط
ربيه يبعد عنج إثنينااتهم يارب

وإختيه ماشاء الله عليج عارفه إن الرب إذ اصاب العبد دليل على حبه ورغبته بتعرف عالصبر
لاتملين من الصبر ولاتخلين الصبر يتركج
خلج قدها وقدود:fa38: حاولي كثر ماتقدرين إنج ترقعين حياتج بصبغاات حلوه
يعني لاتطري الهم على لسانج>>المشكله إسمج هموم الحب<<طلبي تغيره>>بن دبي بيفلعني:tounge: <<وادعي كثر ماتقدرين عند الضجر والهم
وربيه يفرج عليج
ولاتطرين الهزيمه ترااج إنت الغانمه بكل حال

خويتج
هزاايم الله يحفظها

عزيزه النفس

23-01-06 ||, 02:40 AM

السلام عليكم والرحمه ..
الصراحه عالمسن ماقدرت ارمسج
كل شوي وتقوليلي اسكتي لانج مضاايجه بس عاذرتنج .
حبيبي شوفي .. مافي شي فهالدنيا يكدر الانسان لدرجة انه ينهززززم اوكي ..
ومافي حد فهالدنيا ما يعاني من الهموم .. كل حد يمر بهالشي ويضايج وتصيبه هموم ..
لكن اصبري وانشالله الله بيفرج همج ..
وانتي تعرفين انه الله ما يبلي عبده مني والدرب ..
حبيبي والله لا تكدرين في خاطرج وما في شي يسوى بهالدنيا
اذكري ربج وادعي انه الله يفرج عنج هالهم كله ! و دعوواتي لج والله !

بس لا تحطين في بالج انج مهمومه ولا متكدره لانج بتضاجين زياده !
انسسسسسسسسسسسسي الهموم وعيشي حياتج !
شو دراج لي متى بتعيشين .. وبتمين جي عالهم والغم !! ؟
والله ادعي ربج انه يفرج عنج همج والله يووفقج في حياتج
والله مافي شي يسووووووى يالغلا ..

والله يوفقج حبيبتي .. لا تزعلين ولا تضايجين عقوولتج ( طنش تعش ) << ولا بس كلااااام
طنشي حبيبتي :P
يالله ما بطووول عليج الغلا .. بس اهم شي تدعين ربج وانشالله بندعيلج .. ولا تتكدرين من شي تراها الدنيا ما تسسسسسسسسسسسسوى ..

سلاااااااااااام

عافك الخاطر

23-01-06 ||, 02:46 AM

وعـليكم السلام

بخير الحمدلله :)

عزيزتي :
لا تتريين شي في حياتج ..خليها ماشية بحزنها وفرحها .. اتقبلي لحظات الحزن مثل ما تتقبلين لحظات الفرح .. وكوني راضية عن الحالتين .. ويوم تضايجين فكري بطريقة ما تخلين اليأس يسيطر عليج.. لا اتمين قاعدة بضيقتج .. اتحركي.. سوي اي شي تحبينه .. ارسمي..لوني..اكتبي ..الخ
والحياة مالها طعم اذا كانت كلها لحظات سعيدة ..
لازم نحزن عشان انحس بقيمة السعادة والعكس صحيح ..
ولا تقولين انج ما تقدرين تتحملين بلاوي الدنيا.. بالعكس حاولي تشجعين نفسج بكلام ايجابي.. قولي انا اقدر اتغلب على مشاكلي..اقدر احلها ولا اخليها سبب في تعاستي..
بارادتنا نقدر نسوي المستحيل ..

والله يوفقج عزيزتي ..
:)

مــهــابه

23-01-06 ||, 02:36 PM

اخـتي وعـد:
اولا مشـكوره ع الاهـتمام، والسمـوحه خـذنــا من وقــتج،
وبـعدين ونـعم بالله ، انـا مـاقلــت شي، صـدقيـني انـا عمري مـا بيـنت لأحـد انـي متضايجـه او زعـلانه
بالعكـس، يـعني اضحكـ شوي واسـولف ، وحـتى لو ماضحكـت اسكــت ، واحاول ألهي عمـري بأشيا
يـعني في اشيـا مـاكنت احـب اسويـها، لكـن رغبه مـني في الهروب من الهم اللـى انا فيـه..
انـا ايمـاني كبيـر بالله والحمـدلله..
لكـن الانسـان بحـد ذاتـه ضـعيف.. وفي لـحظة ضـعف فـجرت انـا لكـم هالبركـان وكـتبت اللي كـتبته

وعـد:
اشكـرج مـن كل قـلبي..

تحيـاتي لج:
هـموم

وعد

23-01-06 ||, 11:59 PM

المزوحي

24-01-06 ||, 12:28 AM

هموم الحب

أنا أنت هي .. !!! نمر بحالات ضيج وكآبه وأنا من يومين كتبت موضوع ( فضفضة ) والله ماكنت أبالغ
لكن أحس بعمري بختنق ... طلعت سرت ييت نفس الشي ... أرقد أنش نفس الشي .. شي كاتم على أنفاسي ... أمس الكل واساني في همي في ضيجي ... واليوم أنا أواسيج في الضيج اللي تعيشينه ..
وقلت لنفسي ليش ليش أضيع وقت في هالأموووور .. بس إن شاء الله يفرج همج وضيجتج ..

شي مضايجنج بوحي لأقرب شخص لج ... شاركي همج ..

تحفه

24-01-06 ||, 12:50 AM

:fa43:
ماروم اكمل.. اسمحوا لي..اخاف اصييح..

[/CENTER]

لا تتصرفين بهباله .. صيحي روحج شو بيستوي بج .. ولا كيفج بتييج جلطه
انتي بعدج ياهل على شو متضايجه ؟؟
قومي سوي شي يكسر روتينج .. مصيبتنا ما نعرف انظم وقتنا .. لازم ايعلمونا كيف نتصرف بوقت فراغنا

سوي شي انتي مش متعوده عليه .. بس ضمن الشريعه الاسلاميه طبعا :fa46:
اكسري نمط حياتج ولو بتغيير بسيط .. اشتركي بنادي .. غصبي اهلج .. وقوليلهم انج متضايجه

حلم الطفوله

24-01-06 ||, 01:03 AM

عزيزتي هموم الحب

اولا : غيري اسمج عشان الهموم تشرد بلا رجعه:fa51:
ثانيا: كلام ام خدود% هو عين العقل ..هالانسانه واقعيه ونصايحها عبقريه ...الله يحفظها
ثالثا : توكلي على ربج وحطي ببالج ....ما ضاقت إلا فرجت

ناصر الخالدي

24-01-06 ||, 03:35 PM

في البداية اوجه تحية حب لكل من ترك رسالة مواساة للغالية هموم الحب التي شعرت بالضيقه فجاءت هنا تسطر ضيقتيها بين اخوانها واخواتها في هذه الواحة ...............

سيدتي وعزيزتي وغاليتي هموم الحب لا ادري ماذا اقول ولكن انتي تعلمين بما لكِ من محبة وتقدير في نفسي لذلك احبب عبر هذه المشاركة المتواضعه ان اهديكِ لقب واتمنى ان تأخذيه عمــًا بأن هذا اللقب سيعطيك بريق من الامل (( صــــــــــــاحبة الســـــــــــــــمو العـــــــاطفي ))

وفي الختام اقول لكِ :fa34: ا ب ت س م و لا ت ح ز ن ي لا ت ك و ن ا ل ح ي ا ة ا ج م ل

مــهــابه

24-01-06 ||, 05:01 PM

اخـتي وعـد شكـراً مره ثـانيه..

الـمزوحــي:
اخـوي كـل منا يمـر في حـاله تجعـله يـيأس من الحيـاه، وتجـعله مـهموم وحـزين.. وفي هـالوقـت
يـتمنـى انـه يشكـي لشخـص يرتـاح لـه ، لكـن اذا الشخـص مب مـوجود؟ في اعـتقادكـ شو راح يصـير
غيـر انه يتضـايـج اكثـر الـمزوحي: احـب اشكـركـ من كـل قـلبي ع هـالوقـفه.. وهـالرد اللي يخليـنا نقول
بـعدها الدنيـــا بخــير

مــهــابه

24-01-06 ||, 05:06 PM

هـزايم:
افـا عليـج ولايـهمج بطـلب تغيـر النكـ نيم بس المصيبـه انه هالاسـم اخترتـه بـدون قصـد إلا جيـه يعني..ومشكـوره ع الكلمـات اللـي فـعلاً تخليـنا نبتـسم في وقـت نـكون نحـن للبكـاء اقــرب..

عـزيزه النفس:
السمـوحه والله لأني كـنت فعلاًُ مـتضايجه ومـا اقـدر اكـلم احـد ، اخـتي الصغيـره اليـوم تنصحـني
وهـذا احـلى مافي الحيـاه ، انـ هنـاكـ ناس تهمهم سـعادج ، نـاس وقـت الضيج يواسـونج..
عزيـزه ، كلامج صحيح ومـاعليه غبـار ، وانـا بعدني عـند كلمـتي (طنـش تعش) بـس بـعد .. الواحـد
يضـعف.. ويـتضايج..

تحيـاتي لج ..

هـموم

مــهــابه

24-01-06 ||, 05:50 PM

عـافكـ الخـاطر:
فـعلاً حيـاتنا من صـنع افكــارنـا، ونحـن نقـدر نغيـر مافيـها ، لـكن صدقيـني في احيـان كل شي يـتحول ضدج، سبحان الله ( دوام الحـال من المحـال) لـذلكـ ..نتضايـج ونحـزن.. والغـريب كـل اللي قلـتيه انـا سويـته ، ارسم وانا نسيـت الفرشـاه كيف يمسكـونها.. لكـن رغبتي في الهروب من الحـزن جعـلتني اسـوي هالشي.. واشيـا كثيره.. اسـويها.. لأهـرب من واقـع الحيـاه الصعب..

كـلامتج اشـعلت في فـوادي نـور الأمـل..

تحيـاتي لـج ..

هـموم

مــهــابه

24-01-06 ||, 05:57 PM

ام خـدود:
تـدرين ، من مـده احاول اكـتم في قـلبي ، لأنهم قـاموا يزقـروني في البيـت يا ( الصيـاحه)
فصـرت مـا احب اصييح ، ولأني مـا اصييح ، صـار الهم فيـني يـزيد ، وإذا عن الجلطه( فال الله ولافـالج)
وبـعدين اخـتيه ام خدود ، الهم مـايبيلـه كبير ولا صـغير ، ياما نـاس اصـغر عني وعنج لـكن مرت عليهم اشيـا مامرت عليـنا ..
وإذا عن الروتـين ..
اذا كـنتي مـتعوده من 4 او خـمس سنين تقريبـاً وضمـن جدولـج اليـومي.. تقـعدين مع نـاس وتكلميـن ناس.. وبين ليله وضحاهـا.. اختفوا.. في اعـتقادج أي نادي راح يعوض مكـانهم؟ واي شي راح يسـد الفراغ اللـي هم خلـوه..

ام خـدود:
المشكـله تبدأ من غيـــاب اشخاص كانوا هم الحيـاه بالنسبه لـي، راحـوا وخلـوا الفراغ اللي حـاولت اسده بأشيا لو اقـولكـم لها والله بتضحـكون.. لـكن عشره 5 سنين.. صـعب تمحيه في يــوم

حـلم الطفوله:
هالطـلب وايد تكرر ، يـعني مصرين اني اغـير اسمي ، افا عليكم ولايـهمكم..
وانـا بنـتظار الفرج من الله،

تحيـاتي لج

هـموم

مــهــابه

25-01-06 ||, 06:10 PM

نـاصر الخـالدي:
شكـراً عـزيزي ع الـرد الكـريم ، واللـقب اللـي عطيـتني لــه ع عيني وراسي.

وشكـراً مره ثـانيه للنـصيحه..

وتـقبل تـحياتي..

هـموم

المفتاح

28-01-06 ||, 12:05 AM

بسم الله الرحمن الرحيم
اللهم صل على محمد واله وسلم
السلام عليكم ورحمة الله وبركاته

اختى الكريمة :

الانسان لا بعرف قيمة الفرح والسعادة الا بعد المرور عليه الحزن والهم والغم وغيرها من الامور التى تعكر المزاج.....ولكن لا نستسلم ابدا لها .....واعجبنى شي جميل فيك الا وهو قمتى وفضفضتى
ما فى قلبك من ضيق على الورق وهذا من الاساليب العلمية التى تخفف على الانسان ما فى قلبه.

واستعينوا بالصبر والصلاة ... ذكر الله سبحانه وتعالى والاكثار من الصلاة على النبي محمد صل الله عليه واله وسلم هذه الاشياء تخفف الضيق على الانسان ....طبعا كما تفضلتى بأن كل انسان لهه طاقة معينة.....صحيح ولكن عليك ايضا الصبر ومحاولة ايجاد المشكلة الحقيقية لهذا الضيق.

وعندى حكمة جميلة ما مضمونها (اتقو معاصى الله فى الخلوات ...فإن الشاهد هو الحاكم)
قد يكون سبب الحزن والضيق هو معصيتنا لله سبحانه وتعالى ونحن لا ندري طبعا لا اقصدك انت
بالتحديد انما الكلام لى وللاخوة والاخوات ....فأذا حاولى ان تكتشفى المشكلة التى جاءت بالضيق
ويتم حلها تدريجيا انشا ءالله تعالى.
السموحة على الكلام الطويل والعريض(جريدة البيان الامارتية)

فرج الله عنك كل هم وضيق وحزن امين يارب العالمين

والله الموفق
اخوك المفتاح