مشاهدة النسخة كاملة : الإسعاف.. ممكن الدخول والمساعدة
اخت اختي
23-01-06 ||, 01:23 AM
السلام عليكم ورحمة الله وبركاته،
أنا حابة أشتغل في الإسعاف.. شو رايكم؟
لأنن أحس إنها وظيفة إنسانية :fa41:
حابة مساعدتكم، إللي يعرف أي شيء عن الإسعاف رجاء يتفضل ويخبرني.. يعني مثل ساعات العمل، الشهادات المطلوبة، جامعات وكليات التمريض، المعاش،... إلخ.
أتمنى مساعدتكم، :fa45:
شكرا والسموحة عالإطالة
لمّــاح
23-01-06 ||, 01:31 AM
مــرحبا ..
الي اعرفه انهم يسوون دورات للإسـعاف، عشان تستوين مسعفة ..
و هالدورات يعلنون عنها في الجامعات و الكليات، مادري اذا شي برع، لكن لازم تسئلين ..
و الشهادة المطلوبة على حسب معلوماتي، هي شهادة الثانوية العامة ..
اتصلي باجر بالشرطة و اسئليهم، احسن شي ..
اخت اختي
23-01-06 ||, 01:37 AM
مشكور اخويه
ألم ترى
23-01-06 ||, 01:41 AM
بسم الله الرحمن الرحيم
وعليكم السلام والرحمة اختي الكريمة
انا كملت ولله الحمد 9 سنوات فـ الأسعافات واهوالها ووالله انها شغله تريح البال ولو فيها متاعب فـ البدايه وخاصه ان القلب يكون شبه ميت وأسئلي د. الحساس وهو اعلم منا بهاي المواضيع هذا من باب المتعه فـ هذا العمل الأنساني
ولكن بخصوص الدورات والشهادات فمالي علم لئني مسعف عسكري ولي من الدورات 4 ولكن الجرأه هي اللي تحدد مش الفكره وعلى قولتهم فـ الأسعافات
انظر فكر اعمل
بكون متواصل وياج فـ الموضوع اذا شيء احد من الأخوه بيساعدنا لئني محتاج دورات فـ الخارج وياريت تكون فـ مصر او دول عربية
ربي يوفقك عـ ماتحبه وترضاه
شوق القلوب
23-01-06 ||, 01:52 AM
السلام عليكم..
الله يعيــــــــــنك يالمكــــي على ما اتشوف..
.
.
.
أخت اختج..
أحييـــج على هذي الروح الانسانيه.. عسى ربي يزيدج من فضله :)
هزاايم
23-01-06 ||, 01:58 AM
السلام عليكم والرحمه
ماشاء الله عليج خويتي أحييج من كل قلبي على هذي الصفه الحلوه إلي ندرت بهذي الأياام >>الأغلبيه اللهم نفسي<<عنيه انا ادري عن التمريض لكن في مداارس شراات أكاديمية زايد تعتبر مااده وتدرس وطبعا هي إختياريه ومش إجباريه وأظني البتقنيه موجوده على ماأظن
ربيه يوفقج فيما فيه الخير لج وللجميع
سلامي عليج
خويتج
هزاايم
ألم ترى
23-01-06 ||, 02:02 AM
شواقي صح المعين الله بكل الأحوال لكن هالشغله يبيلها قلب من ناحية انج تشتغلين عـ راحتج والأهم انج تكونين مخلصه ف سوالف عدم كشف العوره ومن هاي المواضيع
وصدقيني عندي سوالف ما تخلص عن الأنقاذ والأسعافات الأولية
بس احب انوه واردد بأنها شغله اتريح قلب المسعف اذا قام فيه بأكمل وجه
شوق القلوب
23-01-06 ||, 02:05 AM
هلا بالمكي..
صح كلامك.. هالشغله يبالها انسان أمين.. وماشاء الله انت قدها..
ربـــــــي ان شاء الله يعينك.. و يجزيــــــــك كل الخير.. :)
وعســـاك اتكون مثال لكل اللي حواليـــك.
اخت اختي
23-01-06 ||, 02:10 AM
مشكورة اختي يشوق القلوب
هزاايم
23-01-06 ||, 02:10 AM
ماشاء الله عليك شيخي
مسعف ربيه يوفقك ويقدرك ويجزيك عالفعل الخير
اخت اختي
23-01-06 ||, 02:11 AM
مشكور اخويه محب الشيخين ما قصرت، ممكن اتخبرني عن أصعب موقف واجهته؟
اخت اختي
23-01-06 ||, 02:11 AM
مشكورة اختي هزايم :)
ألم ترى
23-01-06 ||, 02:18 AM
شواقي : امين وانتي بعد إن شاء الله لج نصيب من دعائك ..
ألم ترى
23-01-06 ||, 02:21 AM
مشكور اخويه محب الشيخين ما قصرت، ممكن اتخبرني عن أصعب موقف واجهته؟
وايد بس بذكرلك ان اصعب المواقف اللي تمر علي اذا كان المصاب محصور فـ السياره وخاصه اذا كان يعاني من صعوبه فـ التنفس يليه النزيف ومن ثم الكسور بأنواعها الثلاث ..
اخت اختي
23-01-06 ||, 02:51 AM
مشكور اخويه ما قصرت
اخت اختي
23-01-06 ||, 02:52 AM
"والأهم انج تكونين مخلصه ف سوالف عدم كشف العوره ومن هاي المواضيع"..
اخويه ما فهمت هالمقطع؟
ألم ترى
23-01-06 ||, 03:18 AM
بسم الله الرحمن الرحيم
انا فـ الخدمة اختي الكريمة
اقصد يعني في من الناس تخلي المصاب او المريض مكشوف العوره والناس ماعندهم شغل غير التصوير والبلوتوث صح ولا لأ ؟ فأنا اول ما اروح الحادث ومزهب عمري لكل اصغير وكبيره وبحدود معرفتي استر المصاب سواء كان حي او ميت يعني الميت له حرمة والكل يعرفها ومادام الرسول عليه الصلاة والسلام بمعنى كلامه انه يقول انى نغمض عين الميت وما اعرف صحة هالحديث فما بالج اذا كان مكشوف العوره
ما ادري اذا فهمتي عليه او لا لئن التعبير ساعات يسوي عمره مايعرفني
:fa46:
يقولج حادث حصلي وبأختصار لئن بحاول هاليومين اني ارتب موضوع خاص عن الاسعافات الاولية وفي كل فقره بحطي قصه عشتها المهم شليت ميت فحادث دراجه وهو جدامي قلت خلني افتح عينه واشوفها وبالفعل فتحت عينه وشفتها وبعدين سكريتها ووديناه المستشفى وردينا للدوام ويوم يا الليل نمت والا الساعه 3 قايم ارتجف وخايف من شو ؟! ترى الميت الله يرحمه ياني بالمنام ونحن كنا نصلي صلاة العصر فقام سلم ع المصلين كلهم الا انا وهو يطاعني بعينه ويقولي ليش تفتح عيني ؟! شو انته تتحرى الله بيخليك جي تتطنز ع الأموات ؟! ليش انته تتحرى الميت ماله حرمة ولا هاي الامانه لعبه عندك ؟! وانا ساكت وطاعه وكنت ماد ايدي فما رد علي السلام
قمت وذكرت الله واستغفرت وقلت اذا ياني ف المنام مره ثانيه بروح اعتمر عنه
ووالله اني ما اقصد شيء بهذا الفعل ولكن شيء قالي سوه فسويته
فتخيلي كيف كان الموقف وهذا كان نقطه في بحر من اللي شفته سواء كان بالمنام او فالحوادث
:sad:
السموحه ع الأطاله
اخت اختي
23-01-06 ||, 03:40 AM
موقف صعب جدا" ويخوف.. أنا بانتظار الموضوع إللي بتطرحه..
مشكور
ألم ترى
23-01-06 ||, 04:18 AM
إن شاء الله بحاول باجر إني انزله ..
والله الموفق ..
طفلة من هذا الزمان
23-01-06 ||, 10:57 AM
مرحبــا أختي ..
اخواني ما قصروا في الردود .. خصوصا اخويه محب الشيخين ،، عطاج من خبرته في المجـال و كفى ووفى،، و نحن بانتظار الموضوع المفصل بكل تأكيد
بخصوص وين تقدرين أو كيف تدرسينه ...
إذا حابه المجـال كمعرفـة و خبرة شخصية .. الدورات المطروحة بهالمجال كثيرة .. منها اللي يسوونها المناطق الطبية في الدولة عند الطلب .. إذا كنتي تنتمين لكلية معينة او جامعة تقدرين ترتبينها بالتعاون مع قسم شؤون الطالبات عندكم و تكونين كسبتي أجر الاستفادة .. بالتعاون مع المنطقة الطبية في امارتكم (إذا كنتي من راس الخيمة او دبي بقدر اعطيج ارقام الأشخاص المسؤولين عن هالدورات)
إما اذا كنتي حابة المجـال كمعرفة و مهنة كذلك .. فالتخصص مطروح في كلية دبي للطالبات (اعتقد انه الوحيد في الدولة) بحيث يدرس للطلاب و الطالبات معا في كلية دبي للطالبات ..
تمنياتي لج بالتوفيق أختي الكريمة ،،
طفلـــــــة //
اخت اختي
23-01-06 ||, 03:37 PM
مشكورة الطفلة..
أنا في دبي ممكن تعطيني أرقام المسؤولين؟؟
طفلة من هذا الزمان
24-01-06 ||, 09:30 AM
واصـــل ع الخــاص
بس ممكن تخبريني لأي كلية أو جامعة تنتمين ؟
موفقـــة ان شاء الله