باب قديم ...في... ماضينا العريق

[الشوق]

http://aljafari.jeeran.com/dd1/j16.jpg

السلام عليكم ورحمة الله وبركاته ..

حبيت اعرفكم على بيبانا ( أبوابنا ) على ايام قبل ... :fa45:
طبعا انتوا عارفين ماشي بيت من غير باب .. :fa56: الا بيت الشعر هيههيهي
ومثل ماانتوا عارفين انه قبل بيبان اجدادنا ... شكلا وجودة ونوعيه من نوع ثاني .. :woot:
اتحصلون الباب ياي خشــــبي ...
امركبين عليه مــــزلاج خشــــبي ..بدال المفاتيح ..
وهالمزلاج يكون مستطيل بس ينحط بشكل عمودي
يركبونه من الداخل علشان يبندون فيه الباب .. وطبعا الشي الحلو اللي اتحصلونه هو الديزاين ..
رغم ان الابواب خشبيه لكنه ما يخلو من الاشكال الحلوه والرائعه ...يعني اتحصلون الباب محفور ومنحوت من الداخل لاشكال هندسيه او اسلاميه
منوعه ومختلفه .. يعطيك طابع قديم.. وساعات تلقون مثل المسامير السميكه او المثلثه اللي اتكون على واجهة الباب طبعا هاي كلها تستخدم كزينه ...
بس تدرون على الرغم من الاختلاف اللي كنا نشهده في الابواب القديمه اللي انها نوعية الخشب اللي كانوا يستخدمون من النوع القوي اللي يستمر سنين وبنين ( يعني مضمون لسنوات ) :fa42:
وطبعا علشان اتدق الباب فانتم بحاجه الى ( القرقعه ) وهي عباره عن حلقه دائريه اتدخلون فيها اصابعكم علشان تطرقون الباب كبديل للجرس:fa56: اللي عنا في وقتنا الحالي ...
.
.
.
بس تدرون في معتقدات جديمه :- كانت الناس اتصدقها .. ومازال البعض حتى يومنا هذا يؤمن اب هالاشياء ..:) :wacko: تدرون في بعض الناس .. كانوا يكسرون غراش بيبسي ويحطونه على الطوفه اللي فوق الباب .. نصهم يقولون علشان الحسد .. ونصههم يقولون يبعد الشر عن بيتهم ..
يعني معتقدات يصدقونها الناس واتناثروها بين بعضهم البعض .. :fa36:
.
.
.
وقبل ما اختم الموضوع لا تنسون ان الابواب انذكرت في امثال كثيره منها :-
- الباب اللي يجي منه الريح سده واستريح .
- من دق الباب يلقى الجواب.
- باب النجار مخلوع

وسلامتكم :)
اتمنى الموضوع قد نال اعجابكم :look:
لا تنسون حقوق الطبع محفوظه عند الشــوق
وحاليا فقط في واحات بن دبي 22-1-2006
:inlove: :inlove:

الصور القديمه
http://homepage.mac.com/melissaenderle/tunisia/Images/old-door.jpg

[الدلووووعة]

تسلمين اختيه الشوق عالموضوع

ونحن كان عدنا شرات ها الباب اللي وصفتيه بس كان لونه ابيض
والحينه مادري وينه

وصراحة اصلا هب بس باب الاول احلى اصلا بيتهم كله
احلى عن بيوتنا اللي نحن عايشين بها الحينه

وهاي صوره باب من بيبان قبل

http://www.ali4.com/anther/mygallery/data/media/14/door03.jpg


وان شاءالله نشوف مواضيع اكثر في ها الواحة ^_^

[هزاايم]

اسميني ضحكت يوم طريتي القرقعه تذكرت اليده الله يذكرها بالخير يوم تقرى شعر تقول هذا البيت وين قرقعته وخويي الصغيرون يقول يدووه نضحك ولا نصفق تقوله ابغي اعرف إنت وين قرقعتك عسب تصلبك
حليلها يدووه اسميها سوالف

وعن سالفة البيبسي وزجاجه قوم أبويه أحيد يدوه ام الوالد تقول نحطي عسب يبعد الشر>>هي من أهل قطر <<وعسب يعرفون إنه هذا البيت محمي بالرياييل إلي فيه ويشهد إنه ماينخاف عليهم بالمصايب والشدايد:fa42: هذا أنا اوافق عليه لزوم الخقه ترااهم ماينلامون


شكليه طولت عليج
تسلمين يالشيخه عالموضوع ولاهنتي
ترى لازال نمتلك هالبيبان بس مدري وين موقعهم
لو لقيتهم راااح أصورهم

[عنود الريف]

يا هلا ومرحبا اختي الشوق
انا يبت هالصورة ..
وبغيت اضيف ان الباب بعد يسموونه الدروازة وهالدروازة بالضبط هو الباب العود اللي هو الفاصل بين المحيط الخارجي والبيت..
وهاي صورة الباب ..
http://upload.bindubai.com/download/jumaira/bab-amal.jpg

تسلمين اختي الشوق على وجودج الدائم في واحتنا المتميزة

[حلم الطفوله]

طق طق طق

الشوووووووق: من عالباب؟
؟؟؟؟؟؟؟؟؟؟؟؟؟؟: أنا يارتج حلم الطفوله
الشوووووووووق: قربي قربي حياج
حلم الطفوله : افتحي المزلاج (الزلي) عشان أقرب:blush:

موضووووعج وااااايد حلو ...وما شاء الله على خواتي عنود الريف والدلوعه ما قصرن بالصور

يعطيكن العافيه:fa42:

[احلى منصوريه]

موضـــوعج تــرتوب :fa34: وشغــل عـدل يالشوق

تسلم يمنــاج عليه :fa42:

[الشوق]

الدلوووعه .
تسلمين يالغلا ع هالزياارات الجميله منج ..
جان يتي ع بيبان قبل كل اجدادنا كانت عندهم من هالبيبان .. حتى لو اتشوفين من بين الصور راح اتشوفين على الغم من تهتك الجدران الا ان الباب ظال ثابت لا يهزه ريح ولا شياته ..
وخلينا انشوف يديدج وايد غبتي عن الواحه التراثيه
.
.
.
هزايم ..
ترى في معتقدات وايده اتسويها الناس وطالما انها انتثرت قامو يمارسونها حتى لو ماتحققت .. لكن يمارسونها كونها يايه من ترثنا العريق .. واي شي من التراث يصدق الان بين الاجيال
وتسلمين على المشاركه الحلوه
.
.
.
.
عنود الريف ..
مراقبتنا اليديده تسلمين على الاضافه الحلوه .. وصورة الباب الغاوي .. وكلج ذوق على المسة اللي اضفتيها لنا في خلال هالموضوع
ونترقب يديدج
.
.
.
.
خويتكم/ الشوق

[طير الغرام]

http://upload.bindubai.com/download/6eer/nnnn.gif

تسلمين ع الموضوع الحلوو
وأحيييج عليـــــــــه :fa42:

موفقـــــــه دوووم إن شاءالله ^_^

http://upload.bindubai.com/download/6eer/6eerline.gif

[عنود الريف]

نسيت اقوولكم ان في بيت ورانا .. وعايشه فيه وحده عيوز .. والفريج فيه مستأجرين هنود وهالناس ..
وهي حاطه غراش مكسورة دور ما داير على اليدار عشان اي حد يفكر يعفد ينيرح قبل ...
عجيبه هالعيوز ..

[الشوق]

حلم الطفوله
اتفضلي يالغاليه ... اقربي حياج ..
اشكرج يالغاليه على الاضافه الحلوه والصغيرونه والممتعه اب نفس الوقت ..

احلى منصوريه .. تسلمين يالغاليه
على التواجد ..

طير الغرام ..
الله يسلمج يالغاليه اول مره اتشرفينا واحة التراث
ونتمنى مااتكون الاخيره


عنود الريف .. ازيدلج من الشعر بيت في نصهم يحطون دور ما دور اليدار مو بس الباب ..
والله يحفظ اهلنا من شر الحراميه

[دمعة شوق]

وعليـــكم الســلام والـرحمـــه


مـــرحبــــــــــــــــا الســــــاع بـ
الشـوق

،.،

شـو هالـموضوع الـترتـوب ..؟!!
:fa42:
اممم ذكرتيـنـيه بـبـيـتـنا الـجديم جيه كان الدروازه مالته عووده وكشخه
بس للأسـف ما تـمـت
:glare:
،.،

حلــوه سـالـفـة الـغراش بسـير مرره أمزر الحوش غراش بيبسي
:fa56:
عــن الـحرامــيـــــــه

،.،

أشـكرج على هالموضوع الـترتووب
وومثـكووره
،.،

السموحووو

[الشوق]

دمعة الشوق ..
السموحه يالغاليه على التاخير ما شفت ردج
عاد وينج عن المواضيع التراثيه مره غطيتي ولا شفناج من يومها ..
.
.
.
عاد بتحطين الغراش في نص البيت .. عز الله ما تم حد في البيت الا واتعور من الغراش ..
سوي مثل سالفة جدودج على ايام قبل .. على طرف اليدار يحطونهن ..
والله ماشاء الله عليهن ظاهرات اصحاب عقل في التفكير ..
الحرامي قبل ما يفكر ان يعفد البيت بيغير رايه ..
.
.
وتسلمين عزيزتي
وخلينا انشوف يديدج
يا صاحبة الذوق
خويتج/ الشوق

[خيال الحب]

مرحـــبا..


ياسلام ع الموضوع الحلوو..


بس عندي تعليق..
بخصوص الزجاج المكسر..

انا على بالي يحطوونه عسب الحراميه خخخخ طلع عسب جييي..

والله معلومه يديده..

ويامرحبا

[الشوق]

اخوي خيال الحب
الزجاج ينحط علشان العين والحسد وفي نفس الوقت عس بالحراميه ما يطبون البيت ..
يعني 1X2 فلا اتحاتي كثر من هالزجاج على يدار بيتكم ولا حرامي بيفكر يطبه خير شر ..
تسلم ع التواجد ولا هنت
كثر يياتك ع الواحه التراثيه
:a108:

[خيال الحب]

لاتحاتين بيتنا عدال بيت الشيخ خخخخخخخخخخ فما يحتاي زجاج

[فنجان قهوة]

شكرا على الموضوع اللطيف و لا عدمناج

[الحاضر الغايب]

شكرا على الطرح ...

اختير ضمن المواضيع المميزة ...


وبالتوفيق

[الجنيه]

الشوق ...

الابداع منج وفيج تسلمين ع هالطرح المميز وموضوعج استحق اللقب بجداره *_*


الله يسلمكم بالفعل هالزجاج الي ينحط ع اطراف السور للحمايه من العين والحراميه بعد *_* بيتنا الجديم كانن عليه غراش سفن اب خخخ ميروحه منه عشان جذه ما انساه

[بنت النوخذه]

تسلمين على الموضوع

[مخاوية الامل]

الســلاام عليــكمــ ورحمـــة الله وبركــاااتــهـ ..،

ختيه الشوق ..، تعودنـــا ع طرحج المتميــز فديتج ..،
أبدعتــي فموضوعج هذا ..، واختيارج لمضمونــه واايد حلــــــو ..،

ربيه لا هانج لا إنتي ولا خواتيه اللي شاركن فيااج فردودهن ..،

عنود الريف .،
وحياتج يارنا الأولي .. الله يذكــره بالخيــر .. ، الزجااج إذا ماكان موجود ع دور البيت مايرقد .. !

حلو أخذ الحيــطــة ..، :fa32: