الزواج.. شو رايكم؟ [الأرشيف] - -:: واحات بن دبي ::-

مشاهدة النسخة كاملة : الزواج.. شو رايكم؟

اخت اختي

20-01-06 ||, 05:16 PM

السلام عليكم ورحمة الله وبركاته

بغيت آخذ آراءكم.. شو رايكم في الأهل إللي يغصبون البنت عالزواج من ولد عمها أو حد من عايلتها. يعني لازم تتزوج الشخص إللي هم يبونه..:fa36:

وشو رايكم في زواج الحب.. يعني، الولد يعرف البنت ومكلمنها عالتيلفون.. واتقدملها وخطبها.

وشو رايكم في البنت إللي تسكت وما تقول حق أهلها إن هي ما تباه..! :fa44:

وكل واحد يدخل يكتب الطريقة إللي حاب يتزوج فيها: أنا أتمنى ييني واحد محترم، أعرف أخلاقه عن طريق سمعته في المجتمع،، وأم شيء استخارة الله عزوجل.

تحفه

20-01-06 ||, 05:54 PM

أنا سلمج الله ضد الزواج بكل شكل من اشكاله ..
لا تقليدي ولا حب .. كله وي رياييل هالزمن ما ينفع ولا يملا عيونهم مالت عليهم .. ما ادري حزة الحزه شو بسوي في عمري :tounge: :tounge: :tounge:

ونا بعد بيلس اطالع ارارء الاوادم ..

يمكن i'll get excited و بشارك واتفاعل :laugh:

مــهــابه

20-01-06 ||, 06:12 PM

واللـه النـاس اللي يجـبرون بنـاتهن ع الزواج .. من ولـد عمهن بالغـصب ..ا عـتقد ان هـذا حرام شرعـاً..وبعـد حرام أنهم يضيـعون حياه البـنت في شـي هي ماتبـاه..لكـن بشرطـ.. انـه يكون الولـد فيه شي يسـتحق الرفـض.. امـا إذا كـان كـامل والكمال لله ..وهي رفضـته اعـتقد من واجـب الأهل اقـناعها والتحايـل عليـها مب اجبـارهــا..على الزواج منه .. وفي الأخيـر اكيد بترضـا وبإقـتناع وهـذا اهـم شي..

امـا الزواج .. اللـي تقوليـن عنه اخـتي.. زواج الحـب.. اعـتقد انـه موجـود في مجتمعاتنا بس مب وايـد والأغلبيه يفضلـون الزواج التقليدي عليـه.. والزواج مـب مهم كيـف طريقـته المهم نتايج هـذا الزواج..

يـاما نـاس كانوا يحبون بعض وتزوجـوا ..وفي الأخير انفصلـوا.. والعكس كذلكـ صحيح..

امـا الطريقـة اللي حابه اتـزوج فيهـا.. فالصراحـه انـا مابا الزواج.. يعـني هالفكـره مب داخلـه بالي لحـد الحيـن.. ولانـي اعرفـ.. انـي مهمـا رفضــت ومهمـا قلـت في الاخيـر راح انجـرف مع رغبـة اهلي وابـويه بالتحديد.. وراح ارضـا باللي اختـاره لـي.. لأني انـا بنته وأمـانه في رقبـته وواثقه منـه انه مـاراح يختار اللي الإنسـان الصالـح مـثل مـا زوج خواتـي من قبلـي..

وهـذا رايي ..
والسـموحه منكـم..

نور الإيمان

20-01-06 ||, 06:27 PM

بسم الله الرحمن الرحيم

السلام عليكم و رحمة من الله تعالى و بركاته اما بعد ..

حكاية الزواج .. تكون شغل شاغل اغلب البشر .. فهي الفطرة السليمة التي فطرها الله في نفس الإنسان .. و به تسكن نفسه .. و تكون له ذرية صالحة بإذن الله تعالى ..

في كل مشكلات الحياة .. نرى امور قد تعكر مزاجنا و تبعدنا عن نُصب الزواج .. و هذا ما قرأته في رد اختي الكريمة "أم خدود" بارك الله فيكم ..

إن الله سبحانه و تعالى لم يُشرع الزواج .. إلا لأهميته .. و هنا لها مهام عديدة بارك الله فيكم .. فلا يجب على النفس ان تظلم نفسها بسبب مشاكل اناس آخرين قد فشلوا في حياتهم .. و هذه قسمه من الله تعالى و نصيب المسلم في الدنيا .. ولا يبتلي الله عبدا .. إلا و كان قد ظلم نفسه ..

فقد قال رسول الله صلى الله عليه و سلم في الحديث الشريف : " إذا أراد الله بعبده الخير عجّل له العقوبة في الدنيا و إذا أراد الله بعبده الشر أمسك عنه بذنبه حتى يوافي به القيامة"

و قال النبي صلى الله عليه و سلم : إن عظم الجزاء مع عظم البلاء، و إن الله تعالى إذا أحب قوما ابتلاهم، فمن رض فله الرضا، و من سخط فله السخط" رواه الترمذي.

سبب كتابتي للحديثين .. هو اشارة إلى اهمية الصبر على البلاء .. فكلا الجنسين الذكر و الأنثى قد يكون سبب في تعاسة الآخر .. و المطلوب من الزوجة الصالحة في حال نشوز زوجها ان تصبر و تدع الله ان يهديه .. و بذلك قد كسبت اجرا كبيرا بإذنه تعالى .. فلا يبتلي الله مسلم إلا و بإذنه تعالى يغفر بذلك خطيئته .. و الله لا يظلم العباد .. سبحانك ربي .. بل ان الإنسان يظلم نفسه .. لا إله إلا انت سبحانك اني كنت من الظالمين ..

قد تكون هنالك فئة من بنات المجتمع من ترفض الزواج بتشى انواعه .. و يكون هذا التفكير مقتصر من المدى القصير فقط .. و لن ان فكرنا بتعمق اكبر و للمدى البعيد .. فإن الأمور تتغير .. مثلا:

بعد فترة من الزمن .. يتزوج الأخوة الذكور و كل يذهب إلى دنياه .. و ينشغل بأسرته ..
و بعد فترة من الزمن .. يتوفى الوالدان .. و كل يذهب لقبره ...
و تبقى الفتاة وحيدة!! ..

و ان كانت فكرة الوحدة غير مقنعة .. ماذا عن القبر ؟؟؟؟ يبقى الإنسان فيه وحيدا .. اولا يريد الميت في القبر ان يتذكره احد من الأحياء!؟ .. ابن صالح يدعو له .. يتصدق ..

بلى نحتاج .. نحن فقراء .. فقراء في القبر الموحش .. لا انيس ولا ونيس .. ليست لدينا سوى اعمالنا ان صلحت .. او وجود ابن صالح يدعوا لنا بالخير و المغفرة ...

خذوا من هذه الناحية .. فالزواج ليست علة مستديمة .. و الرجل حاله حال المرأة .. العزوف عن الزواج مشكلة للمجتمع و للأمة الإسلامية .. فقد امر الإسلام بحفظ النفس .. و الزواج قد يكون احد اسباب حفظ النفس من الإنحراف الأخلاقي .. و امر آخر .. امر الإسلام ايضا بزيادة في النسل .. كي يعبدوا الله .. و يسبحوا له .. و الله غني حميد .. بارك الله فيكم ...

الحديث غير موجه لفرد معين .. بل لكل من لا يفكر في الزواج .. جزاكم الله خيراً ...

اجتهاد شخصي بارك الله فيكم ..

السلام عليكم

ألم ترى

20-01-06 ||, 08:32 PM

كله وي رياييل هالزمن ما ينفع ولا يملا عيونهم مالت عليهم:laugh:

ليش الجمع ؟! ..

ناصر الخالدي

20-01-06 ||, 09:14 PM

بسم الله الرحمن الرحيم

أختي العزيزة أخت اختي شكرًا على هذا الطرح الجميل

الزواج التقليدي مرفوض لأن شرط من شروط الزواج رضى الطرفين وغير ذلك يجب أن يكون هنا تفاهم .......

الزواج عن طريق الحب : في كثير من الأحيان يكون مغامرة لان هناك اناس لا يعرفون معنى الحب ..........

الطريقة التي اتمنى ان اتزوج بها منذ فترة وانا افكر بالزواج من فتاة خليجية تكون متعلمة ومثقفة وتكون عن طريق قصة حب لان المرأة التي تحب الرجل ستعمل على سعادتها والله كريم .........................

أم خدود والله حرام يعني كل الشباب جذي على العموم :fa42:

تحفه

21-01-06 ||, 12:10 AM

ليش الجمع ؟! ..

لأنه رأيي ..

المزوحي

21-01-06 ||, 12:14 AM

مافي شي بالاكراه ... والوحده لها الحق ترفض ، لكن إذا الولد زين حتى لو ولد عمها توافق عليه لعل تحبه بعد الزواج .. يعني مب شرط الحب قبل الزواج .. لانه ممكن اللي ياخذون بعض عن حب
يبرد هالشي وتصير خلافات ...

الثعلب الرمادي

21-01-06 ||, 04:19 PM

مرحبا ...

الحين الريال اللي عنده فلوس و يقدر يتزوج صار عمله نادرة جدا و حتى اللي يقدر يتزوج بيفكر أكثر من مرة قبل ما يقدم على هاي الفكرة ... إذا كان الريال محترم و اخلاقه ممتازة و قادر على مستلزمات الزواج ليش البنت ترفضه؟ لأن واحد قاص عليها و يقول انه يحبها و بيحاول يتزوجها يوم تكون عنده فلوس و طبعا يوم تكون عنده فلوس بيفكر ببنت أصغر ما جربت الحب أو أي شي من هالسوالف هنيه الأهل من حقهم يجبرون البنت على الزواج لأن مافي سبب مقنع يخليها ترفض و مع الأيام راح تتأقلم مع الوضع.

أتمنى أزوج بنت صغيرة ما تعرفت عليها لا على الموبايل أو غيره تكون هادية و خلوقة و طبعا حلوة و ما تكون من النوع الغبي أو من النوع المزعج حتى ما تييب لي الصداع:fa46: و بعد الزواج كل واحد فينا بيعرف الثاني أكثر بيعرف حدوده و واجباته.

و شكرا على الموضوع الحلو أخت أختي:laugh:

حلم الطفوله

21-01-06 ||, 04:32 PM

شكرا عزيزتي على هالموضوع والأعضاء ما قصروا بردودهم

بس حابه أضيف تعقيب للأخ الثعلب الرمادي:laugh:

مب شرط إنه البنت إذا ما وافقت على ولد عمها تكون لازم تعرف واحد وقاص عليها ..بعدها الدنيا بخير

يمكن فيه طبع أو عاده مب حلوه من وجهة نظرها تخليها تتمسك بقرارها وترفضه ( ما يصلي ،يدخن)
هالأمور تعتقدون إنها عادي بالنسبه لكم بس فيه بنات يتمسكون بهالطلب تحديدا

يمكن هالولد إلي الناس تمدح بأخلاقه البنت ما ترتاحله وتصلي استخاره وما ترتاحله بعد

لا تعمم يا أخوي ... ترفضه الحين أحسن مما تستوي المشاكل عقب العرس وساعتها ما ينفع الندم

وعقبال ما تحصل طلبك وتتوفق بحياتك ياخوي

طبعا اختلاف الرأي لا يفسد للود قضيه

الثعلب الرمادي

21-01-06 ||, 04:57 PM

:laugh: حلم الطفولة:laugh:

(مب شرط إنه البنت إذا ما وافقت على ولد عمها تكون لازم تعرف واحد وقاص عليها ..بعدها الدنيا بخير)

أها طبعا معاج حق ما أقدر أقول العكس لكن أغلب البنات عندهم هالسبب تحديدا اللي أنا ذكرته إنها تحب:fa46:

(يمكن فيه طبع أو عاده مب حلوه من وجهة نظرها تخليها تتمسك بقرارها وترفضه ( ما يصلي ،يدخن)
هالأمور تعتقدون إنها عادي بالنسبه لكم بس فيه بنات يتمسكون بهالطلب تحديدا)

والله هي ما بدخن معاه كل ما يدخن:laugh: يعني ما بموت قبله:fa46: و عن الصلاة فهذا فعلا سبب حقيقي يخليها ترفض بس كيف بتعرف إنه ما يصلي؟ يوم يتقدم لها ليش هي معاه طول الوقت:laugh: أغلب الأسباب اللي ذكرتيها غير منطقية.

(لا تعمم يا أخوي ... ترفضه الحين أحسن مما تستوي المشاكل عقب العرس وساعتها ما ينفع الندم)

أختي أنا ما عممت ذكرت وجهة نظري لا أكثر و لا أقل و ذكرت أهم الأسباب بدون الدخول في تفاصيل مالها داعي يعني لازم أقول لكم إني ما أعمم مع كل رد أكتبه هذا مب كلام:laugh:

(وعقبال ما تحصل طلبك وتتوفق بحياتك ياخوي)

عفوا أنا قلت إني أتمنى ما قلت إني أطلب و الزواج قسمة و نصيب يعني الإنسان ما يحصل إللي يطلبه لكن يمكن يحصل الشي اللي يتمناه و الإنسان يتمنى و يتمنى لكن في النهاية لازم يرضى بنصيبه.

(طبعا اختلاف الرأي لا يفسد للود قضيه)

و هذا رأي أنا بعد:laugh:

دموع قلم

21-01-06 ||, 07:21 PM

وعليـكم السـلام ورحمـة الله وبركـاته

غصـب الفتـاة على الـزواج من ولـد عمهـا عـادة خاطئـة ويجـب على جميـع العـائـلات التخلـي عن هذه
العـادة, وعندمـا يتقـدم الرجـل للزواج من الفتـاة, يجـب على الأهـل يـرون صفـات ذلك الرجـل وشخصيتـه
ومـن ثـم آخـذ رأي الفتـاة بعد إخبـارهـا بصفـات الرجل وتصـلي صـلاة الاستخـارة, وبـهذا يتـم الرفـض أو
القبـول

تحـدث كثيـرا قصـة حـب قبـل الـزواج, وبـرأيي أنـه حـب المـراهقيـن وأغلـب أنـواع قـصص الحـب تكـون
فاشلـة ومبنيـة على أسـس خاطئـة, وحتـى إن استمـرت العـلاقـة لفتـرة طـويلة لن يستمـر الـزواج لمـدة
طـويلة إلا أن يشتعـل نـار الغضـب والكـره بينـهم

بخصـوص طـريقـة الـزواج.. أريـد كـطريقة عـادية, يتقـدم بـي الرجـل ذات صفـات حسنة وخلوق, وشخصيته
راقيـة ....... ويستمـر الزواج بنـجاح

:)

أشكـرك أختـي أخـت أختـي على المووضـوع
وينقـل لـواحـة المـرأة والمجتمـع كونها الأنسـب

حلم الطفوله

21-01-06 ||, 07:40 PM

والله هي ما بدخن معاه كل ما يدخن يعني ما بموت قبله و عن الصلاة فهذا فعلا سبب حقيقي يخليها ترفض بس كيف بتعرف إنه ما يصلي؟ يوم يتقدم لها ليش هي معاه طول الوقت أغلب الأسباب اللي ذكرتيها غير منطقية.

أخوي الثعلب الرمادي ...
أخوي دامه ولد عمها وقريبها أكيد بتعرف ...
والله يا خوي أتمنى إنه الله يرزقك بالزوجه الصالحه ...
ودعواتنا لك

ريم العين

21-01-06 ||, 08:48 PM

وحتـى إن استمـرت العـلاقـة لفتـرة طـويلة لن يستمـر الـزواج لمـدة
طـويلة إلا أن يشتعـل نـار الغضـب والكـره بينـهم

مب شرط

نصهم عايشيين بحناان وحب وما افترقو

يعني في ناس معرسين فالحب وبيعيشو بحب اذا كانو صدق يحبون بعض هب لعب يهال
مجرد رأي
والسموحه

طير الحب

22-01-06 ||, 12:44 AM

حوار جدا راقي لي عودة إن شاء الله

ألم ترى

22-01-06 ||, 08:48 AM

لأنه رأيي ..

ونحن نحترم رأيك لكن بحياديه مب انك تشمل كل الذكور واعتقد اذا كان ردي مماثل فأني ظالم ..

وعد

22-01-06 ||, 12:25 PM

السلام عليكم
انا عضوه يديده وحابه اشارك وياكم بعد اذنكم
الصراحه موضوع الزواج وايد مهم لانه تنبني عليه الاسره الي هي اساس المجتمع
وبالنسبه لطريقة الزواج تعتمد........يعني مثلا ياما ناس تزوجوا عن حب وفشلوا وياما ناس تزوج بالطريقة التقلديه ونجحوا والعكس صحيح.............
بس بالنهاية يبقي موضوع الزواج قسمه ونصيب
سمعت حديث للنبي عليه الصلاة والسلام " الارواح تتلاقي او تتنافر"...........
واتوقع كل واحد فينا يتمني في شريك حياته تلاقي الارواح بغض النظر عن الطريقه صح والا لا :fa41:

الثعلب الرمادي

22-01-06 ||, 10:48 PM

حلم الطفوله ...

تمنياتي إن الله يرزقج بولد الحلال الطيب و شكرا لتعقيبج على ردي :)

طير الحب

25-01-06 ||, 12:43 AM

السلام عليكم ورحمه الله وبركاته...

بالنسبة أن البنت ممكن تنجبر على الزواج...هذا غير جائز شرعا...وثانيا ما اعتقد انه في بنت مل تقدر تقول لا في الوقت الحالي...

وبالنسبة للشق الثاني...كل شخص حسب تفكيره كيف يقوده للزواج في أشخاص يرتاحون للجانب التقليدي...وفي أشخاص لازم ينعرفون على الطرف الآخر.

في النهاية المهم السعاده الزوجيه...ويكون التفكير متقارب..والاحترام موجود

اخت اختي

25-01-06 ||, 12:47 AM

أم خدود.. ما أدري إنتي ليش ما اتحبين الزواج؟؟

اخت اختي

25-01-06 ||, 12:49 AM

اختي هموم الحب.. أحس الزواج حلو.. وإن شاء الله، الله يرزقج الريال الصالح مثل إللي إنتي تبينه
الله يوفقج :)
اعزمينا على عرسج عاد

اخت اختي

25-01-06 ||, 12:55 AM

مشكورة اختي نور الإيمان عالمرور والمشاركة وإبداؤ رأيج :)

اخت اختي

25-01-06 ||, 12:56 AM

مشكورة اختي طير الحب عالمرور :)

اخت اختي

25-01-06 ||, 12:59 AM

مشكورين عالمرور والمشاركة إخواني : ناصر الخالدي، المزوحي، الثعلب الرمادي

اخت اختي

25-01-06 ||, 01:03 AM

اختي دموع قلم.. الله يرزقج الجل الصالح.. ولا تنسين تعزمينا عالعرس :)

مشكورة اختي ريم العين عالمرور :)

اخت اختي

25-01-06 ||, 01:04 AM

مشكورة عالمرور اختي وعد وحياج الله :)

تحفه

10-04-06 ||, 12:03 PM

شو رايكم انلف إتجاه السفينه .. ونقول : ليش ما تتزوجون بعد ما تعجبون و تحبون بعض ؟!

دمعة شوق

10-04-06 ||, 06:01 PM

:kkk:

لي رجـعـه بأذن الله

ريم العين

10-04-06 ||, 08:26 PM

ام خدود

شوفي يمكن عقب ما حبو بعض وانعجبو ببعض يكون واحد من الجنسين اكتشف شي عن الثانيه

يعني مثلا هي تحبه ومعجبه به ويخططون انهم يعرسون بس فوق كل هذا واحد من يكتشف انه الثاني يخون بنعتبر البنت هي اللي تخون شو واكتشف الحبيب انها تخون وتحبه اكيد ما بيرضا فيها لانها خانته يعني ما ينوثق فيها وبيطنشها وببفر لها كلام والبنت بتتعذب مده وبتكمل علاقتها ويا غيرههذا من ناحيه خيانه البنت توقعاتي انزين واحين بنعتبر الريال اللي يخون واكشفته الحبيبه المخدوعه انه يخون شو بيكون ردت فعلها يا انها ترفض او ترضى لانها ما تبا تخسره بس في يرفضون بنعتبرا وافقت على هذا انزين ليش وافقت يلعب على غيرها وترضى طبعا لو كانت عاقله من البدايه ما بترضى فيه بس الاحب اعلمى والريال معروف باسلوبه ما قلت كل الرياييل قلت الاغلبيه المهم يعني الحرمه بتعيش ويا ريل يرمس غيرها اوكي بتسكت قبل بس عقب الزواج ما بتسكت بتقنعه انه يودرهم عاد احين محد يقدر يحميها لانه ريلها وهو ما يبا يودرهم هو خلاص قرر انه يتم معاهم اتعود عليهم والحرمه في خبر كان
المهم الحرمه خبرت احلى و0...... فالاخير يا انفصال او تراضي

هذا اللي اقدر اكتبه احين لانه ايدي عورتني يعني لاتاخذين الوضع بانه الريايل ما يصلحون لاتجمعين

ترؤا الزواج سنه الحياه ويوم بتكبرين محد بينفعج غير عيالج

الملهم

10-04-06 ||, 08:39 PM

تحفه

11-04-06 ||, 08:42 PM

تحفه

11-04-06 ||, 08:50 PM

اغلب الناس يحبون الجديد ..
يعني اذا واحد تعرف على بنت .. بيعرف كل شيء عنها ..
الزين والشين .. عقب شو اليديد في الزواج .. رمسها وطلع معاها ..
عشان جذه بيمل منها وبيدور على صنف جديد ..

وبالنسبة لي افضل ان اهلي يختارون لي البنت المناسبة لي ..
يعني انا املي الفورم واكتب المواصفات اللي انا بغيتها في البنت ..
وعقب اهلي يدورون على صاحبة المواصفات او على الاقل القريبة من المطلوبة ^__^

اشكرج اختي على الموضوع الشيق ^__^ ..

اغلب الناس تحب التجديد ( صح ما اقول غلط ) بس معقوله حتا في الزواج؟ :kkk:

هذا مش عذر مقنع بصراحه ولا راي انسان واعي و ناضج :nono:

حتا اذا تزوجت و ما كنت تعرف البنيه قبل الزواج .. بتمل منها بعد ما تعرفها وتتعود عليها ( هل من المعقول انك بتدور على غيرها بحجة الملل !!!! :boxed: )

ريم العين

11-04-06 ||, 11:06 PM

:kkk: هممممم في هالحاله انا القي اللوم على طريقة تفكيرهم اثنينتهم .. تدرين ليش؟

ليش......؟؟

الملهم

12-04-06 ||, 12:49 AM

ام خدود ..

هاي عاد بذكاء البنت اي الزوجة انها ما تخلي ريلها يمل منها ..
الريايل يحبون الجديد وهي تبحث عن الجديد ..

وبعد ممكن في الزواج انهم يدورون على الجديد " بعضهم "

تحفه

12-04-06 ||, 04:20 PM

ليش......؟؟

لأن الواحد يوم بيي يتزوج .. وخاصه بعد معرفه سابقه ( سواء حب ولا اعجاب في العمل ولا من سمعتها بين ربيعاتها ولا من .. إلخ ) لازم يحكّم عقله و قلبه ..

إذا كانت بنت ناس محترمين و هو أونه يحبها ( على فكره انا للحين ما أؤمن بالحب :boxed: مادري ليش ) ويشوف انها تناسبه منطقيا و شعوريا .. فـ إماركين عرس الاثنين :yes:

بس إذا حبها بس كان متردد او خايف هني بيفشل و اللوم يقع على تفكيرهم لأنهم ما فكرو بأبعاد فكرة الزواج .. وماكانو واعيين كفايه للمسؤوليه :no0:

فـ يعني مش كل زواج سبقاه حب يفشل ولا كل زواج تقليدي ينجح .. يعتمد على الطرفين

تحفه

12-04-06 ||, 04:27 PM

ام خدود ..

هاي عاد بذكاء البنت اي الزوجة انها ما تخلي ريلها يمل منها ..
الريايل يحبون الجديد وهي تبحث عن الجديد ..

وبعد ممكن في الزواج انهم يدورون على الجديد " بعضهم "

جكينااااااااااااكككك .. النتائج اوضحت انك انته رجل يحب التجديد :daleel:

عموما انا ما اتفق وياك .. لأن سالفة الملل مب بس للـ الاولاد .. عند البنات بعد .. ( جي الرياييل بس الي يحسون بالملل ونا مادري؟!!) ولا السالفه سالفة البنت تروم تتحمل والريال ماعنده صبر؟! شو خانته عيل يوم الله قال الرجال قوامون على النساء؟! .. كلامك متضارب يا اخ العرب .. فكّر اكثر ..

هذا مش عذر بصراحه ..

يمكن واحد يحب بنيه شخصيتها حلوه .. وما يمل منها بعد الزواج ..
ويمكن واحد يتزوج وحده .. شخصيتها ممله .. ( هني لازم يعلمها كيف تستوي ام سوالف لول لأن علاقة الزواج مب بس مسؤولية البنت .. مسؤولية الولد بعد .. ونفس الواجب يتطبق على الحاله الي سبقتها ولازم البنت تاخذ هالدور اذا ريلها كان ممل بعد )

بس شو ناوي ان شاء الله اتسوي؟ .. ليكون تبي تحط كلشي فوق راس حرمتك في المستقبل؟! :nono:

الملهم

13-04-06 ||, 12:27 PM

ام خدود ..

شو معنى الزواج ؟؟
تبادل كل شيء بين الاثنين ..
اذا الريال غير صالح البنت اتصلحه ..
واذا البنت غير صالحة الريال يصلحها ..
وبذلك تكون العائلة المتميزة والرائعة ..

هذا كان رايي من البدالة .. ولكني ما كنت اعرف افهم عدل ^__^
وبعدين اكيد انا احب التجديد .. واحب كل شيء جديد ..
ولكني احب الجديد في امرأتي فقط وليس غيرها ^__^

تحفه

13-04-06 ||, 05:13 PM

ام خدود ..

شو معنى الزواج ؟؟
تبادل كل شيء بين الاثنين ..
اذا الريال غير صالح البنت اتصلحه ..
واذا البنت غير صالحة الريال يصلحها ..
وبذلك تكون العائلة المتميزة والرائعة ..

قصدك بتبادل كلشيء بين الاثنين يعني تبادل الدور ؟ < صح إنزين ما قلت غلط
بس شو يخصه في محور حديثنا عشان تقولي معنى الزواج .. رمسنا عن العلاقه قبل الزواج :nono:

هذا كان رايي من البدالة .. ولكني ما كنت اعرف افهم عدل ^__^

تدري عندي نفس المشكله لول .. احتاج يوم كامل عشان اوصل الي اقصده بالمعنى الي ابيه

وبعدين اكيد انا احب التجديد .. واحب كل شيء جديد ..
ولكني احب الجديد في امرأتي فقط وليس غيرها ^__^

هييييييييي الحين فهمت

فوق تقول عن رايك في الزواج ان الريل بيمل من حرمته لانه شبع منها قبل العرس فاحسن ما يكون بينهم علاقه او حب قبل الزواج .. بعدين قلت " في رياييل اذا ماشافو شي يديد في الزواج يدورون عليه عند وحده ثانيه "

يعني بالمختصر .. اذا اثنينه كانو قوم بوسوالف تزوجو ولو كانو يعرفون بعض قبل الزواج .. زواجهم بيكون ناجح ؟؟

بس ماشاء الله عليك .. مب جنك امبالغ في سالفة الملل؟ لدرجة انك معتبر الملل ركن من اركان الزواج

بس ليش فكرت في هالسبب من بد كل الاسباب ؟؟ اكيد تفكر تاخذ على حرمتك اذا ما ارضت طلباتك :fa36: الله يعينها :cop: لول ( اتغشمر لا تاخذها بحساسيه ماقصد شي )

الملهم

13-04-06 ||, 08:22 PM

ام خدود ..

اغلب الناس يحسون ان الحياة الزوجية كلها ملل .. فعشان جذه كارهين الزواج ..
وانا بغيت اوصل المعلومة بان الزواج حياة سعيدة وراحة تامة .. طبعا اذا الاهل اختاروا البنت المناسبة للرجل والرجل المناسب للفتاة .. بذلك تتحقق الحياة السعيدة ..

هذا رأيي ^__^

تحفه

13-04-06 ||, 08:35 PM

i see

مشاعر دبي

08-07-06 ||, 06:45 PM

اول شي مرحبا
وثاني شي بقولكم تجربتي
انا متزوجه..في فترة الملجة..
اتزوجت عن حب قبل الزواج
والحمد لله حياتي احمد ربي عليها
مرتاحه وايد مع ريلي واحبه ويحبني
وكل منا فاهم الثاني
شو ابغي اكثر من جي
الحمد لله
وعقبال الكل ان شاء الله يتزوجون
وما اتم عانس ولا عازب فالدنيا..خخخخخخ..

..مشاعر دبي..

الحساس

08-07-06 ||, 08:55 PM

الزواج شر لابد منه.. (مقولة الشواب)

والزواج استقرار من جميع النواحي.. اسئل مجرب ولا تسال الخبير

عقبال الجميع

ولد الحكومة

08-07-06 ||, 09:52 PM

وعليكم السلام والرحمة ،،

.. الزواج سنة الحيااااة ، وانا نصيحتي للشباب واقولهم إلي مقتدر يعرس أحسلة.
.
.
.
والسموووحة