مشاهدة النسخة كاملة : ممكن مساعده ياخوان
المرعب
20-01-06 ||, 01:30 AM
السلام عليكم
ممكن مساعده ياخوان
حد اعرف عياده اتسوي علج طبيعي
في الشارجه او دبي
ماخليت مستشفى ماسرت كلهم يقولون لازم علج
طبيعي بس في فترة الصباح عدهم وانا ماروم اسير الصبح
لاني في دوره شهرين مارو بقي شهر حرام الظهر احينه منها
اذا احد اعرف عياده اتسوي علج طبيعي العصر بكون شكر له:fa43:
الشوق
20-01-06 ||, 09:57 AM
اخوي المرعب تقصد علاج طبيعي ... .
حلم الطفوله
20-01-06 ||, 12:14 PM
أخوي حدد بالضبط شو تبا؟؟
الله يعافيك ويشافيك
لمّــاح
20-01-06 ||, 02:20 PM
مرحبا ..
بغيت علاج طبيعي يعني مثل العلاج الصيني ؟؟
مساج و غيره ؟
ألم ترى
20-01-06 ||, 02:36 PM
بسم الله الرحمن الرحيم ..
وعليكم السلام والرحمة ..
هلا بـ المرعب ..
ذكريتني بـ الصحاف لما يقول " علج " !!
اذا كنت تقصد العلاج الطبيعي فالأخوه مابيقصرون والنعم فيهم ..
بالتوفيق عزيزي ..
الشوق
20-01-06 ||, 07:36 PM
اخوي اذا بغيت اماكن حق العلاج الطبيعي
اتصل على الرقم 181 وقولهم تبي اسماء لبعض الاماكن الخاصه بالعلاج الطبيعي
وما راح يقصرون البداله
.
.
.
اما اذا تقصد شي ثاني فيرجى ابلاغنا بالفور
العجيبة
20-01-06 ||, 07:42 PM
ما تبغي في بوظبي ؟ الا هي كم كيلو عن دبي
تعااال في مستشفى المفرق في بني ياس ، قسم أو عيادة أو شو بالضبط ما ادري
المهم انها تختص بالعلاج الطبيعي > مشهووورة حتى في كتاب الانجليزي يايبيين طاريها هالعيادة !
وفي دكتـور يعرفونه الاهـل في بوظبي > لو عندك نية اتيي بوظبي قـول وبسأل عن اسم عيادته هالدكتور!
والله يشفيك ويعافيك ان شاء الله ..
الحساس
20-01-06 ||, 08:33 PM
اكيد شي.. لكن ماعرف والله اماكن
بس اول مااوصل البلاد عقب باجر بخبرك..
وانصح تفتح هالجرايط شرات الوسيط بتحصل فيهن حيد شفت كم موقع عندهم علاج طبيعي
وسلمت من الشر
حبوبه دبي
21-01-06 ||, 02:18 AM
الله يعــافيك ان شالله اخــويه ،،
اتــصـل البداله ومـابيقصــرون ،،
والسمــوحه
ذنـيـنـي
21-01-06 ||, 03:34 AM
الي اعرفه هو مركز (( علاج )) الي في دبي
بصراحة علاجهم ما عليه كلام
نحن نعالج يدي عنده,, (( بفضل الله ثم بفضلهم)) قدر يمشي من عقب ما كان مقعد
و فوق هذا يقدر يسوق سيارته
و يسير عند ربعه و يسير سوق السمج كل يوم P=
تقدر تتصل فيهم و تستفسر عن الاسعار
بنت الدلع
23-01-06 ||, 05:56 PM
شي عندك عياده في جميرا نسيت اسمها
و مستشفى جي ام سي اللي في عيمان بعد واايد اوكي
ألم ترى
23-01-06 ||, 08:05 PM
بعد فضل الله و فضلهم قدر يمشي من عقب ما كان مقعد
غناتي الأولى والأوجب عليك انك تقول بفضل الله ثم بفضلهم ..
لئن في هذا الكلام انته تجمع الطرفين يعني الله وخلقه والأوجب انك تبتدي بـ الله وبعدين تحطي ثم بـ خلقه ..
كنت بخبرك عـ الخاص فقلت خل الغير يستفيد اذا كان يبي يستفيد ..
عـ فكره عجبني توقيعك يـ البوس :fa42:
ذنـيـنـي
24-01-06 ||, 02:49 PM
جزاك الله خيرعلى التنبيه
عدلتها :)
المرعب
25-01-06 ||, 09:10 PM
السلام عليكم
مشكورين ياخوان وجزاكم الله الف خير
وحصلت عياده في الشارجه من اميل على الخاص وانا احينه اتعالج عدهم والله يعطيكم الصحه والعافيه يارب اخوكم المرعب
محـــــــارة
27-01-06 ||, 09:34 PM
السلام عليكم
الحمد الله على السلامه أخوي المرعب
عيادة الدكتور كامكار للعلاج الطبيعي في الحمرية عندهم علاج طبيعي العصرواتقوم بالسلامة إن شاء الله ودعواتنا معاك...