المساعد الشخصي الرقمي

مشاهدة النسخة كاملة : صــوتوا لي باقتنائي سيارة يديدة ..


المزوحي
18-01-06 ||, 11:58 PM
آخــر فــرصة لــي يــوم الــسبت وأنا عطيــتها نــفسي ... بــخصوص شــراء ســيارة يــديدة بــعد
مــابعــت مــوتري مــن مـده .. والحــين أقــول عــزمت على مــتسوبيشي بـاجيرو اللي الـكثير نـصحوني
مــا اشـتريها بــسبب قــطع غــيار الــسيارة الـمرتفع ســعرا ..

وإذا سـألت وايــد بــحتار والاستــخارة زيـــنه .. ومــع هــذا بـاخــذ رايــكم للدور النــهائي :ohboy:
صوتوا لي نــعم أو لا
واللي عنده إضافة يتفضل يــقول ..

مــلاحظة: اتقبل وجهة نظركم
المزوحي
19-01-06 ||, 12:06 AM
http://www.tails.nl/4x4site/wallpaper/pajero.jpg
مزن هتان
19-01-06 ||, 12:21 AM
هلا اخوي المزوحي
تسمح لي ابدي رايي :fa46:

امممم اللي اعرفه عن المتسوبيشي باجيرو ان التكييف مو ذاك الزود وانت كيفك:fa52:


اذا عن الفورويل شرايك بالنيسان او الـ تويوتا استيشن

واذا الصالون هوندا اكورد الجديده او التيما الصراحه وايد عمليه وحليوه

ولاتنسى الكامري :fa51:

ومقدما الله يجزيك خيرها ويكفيك شرها
ذنـيـنـي
19-01-06 ||, 01:02 AM
انصحك بالبرادو باب واحد و يفضل لو يكون 6 سلندر

و الباجيرو بعد ما عليه كلام :)

لكنها مب مثل البرادو
شرجاوي
19-01-06 ||, 01:37 AM
خذلك تاهو .... قطع الغيار ارخص من البرادو و النيسان و الاستيشن و اقوى عنهم .... و صرفية البترول وايد اوكي
حبوبه دبي
19-01-06 ||, 01:50 AM
مــاعليــها كلااام ،،

بــس اشــوف البــرادو حلــوه بعد :fa51:
المزوحي
19-01-06 ||, 09:34 AM
أولا أشكر كل من رد على الموضوع .. وأنا اتقبل رايكم وابداء رايكم حتى لو كانت السيارة خربة
أو عارفين عنها بزيادة تفضلوا قولوا :)

عن برادو عندنا 6 سلندر 123 ألف أحس السعر مبالغ حتى لو المكينة 4000 سي سي
الشي الثاني أنا اتردد وايد إني امتلك امريكي وخاصة قبل عندنا شفر ويمكن حاليا افضل مادري
كنت باخذ انفوي ..
دهن العود
19-01-06 ||, 12:21 PM
.:المـزوحـي:.

والله انا ماشوف انه الميتسوبيشي فيهـا شي

شكلهـا حلـوو ومقبــوول وعقب يالمزووحـي

شوف اللي فـ خااطرك وعقـب قـرر..


اتمنـى لك التوفيـق فـ الاختيـار ومقدمـا

اللـه يجزيـك خيرهـا ويكفيـك شـرهاا..



السمووحـه
شرجاوي
19-01-06 ||, 12:55 PM
اذا انته راعي بر خذلك نيسان كوبي و دزله مكينة فتك او ارمادا او خذلك تاهو او يوكون .... و الله يوفقك حبوبي
بحر الموده
19-01-06 ||, 01:23 PM
مرحبا والله

ماشىء غير النيسان الكوبى وعلى كلام اخوى شرجاوى تحط فى بطنها من هاى المكاين الفل كشخه

ربى يوفقك
المزوحي
19-01-06 ||, 01:25 PM
دهن العود .. وايدين يقولون متسوبيشي مب شي وخربة وماتيب سعر عند البيع ومن هالكلام ...
المزوحي
19-01-06 ||, 01:28 PM
شرجاوي - بحرالموده .. أنا مب راعي برور لكن أحب الفورييل بشكل عام ... مع إني فكرت بهوندا أكورد وعلى طاري المواتر اليوم سرت مع واحد يشوف طوارق وبالصدفة شفت راف 2006
من بعيد .. قلت له خلنا ندخل نشوفها .. سعرها 93 مبالغ الصراحة ...
ذنـيـنـي
19-01-06 ||, 01:51 PM
خيييييييييييييييييييييييي ييييييييييييييبه

راف 4 بـ 93 الف

وين عايشين نحن


شوف التريل بليزر ,, شكله وايد احلى من الأنفوي
المزوحي
19-01-06 ||, 02:01 PM
هيه نعم ذنيني 93 ألف ..
أما تريل بليزر أنواع ماعرفهن !
وكم اسعارهم تقريبا
شرجاوي
19-01-06 ||, 02:26 PM
ال crv تعيبني اكثر من الراف .. و اقوى عنها بعد .... مكينتها 4 سلندر 2.4 فيتيك ( مكينة الاكورد ) و اقتصاديه جدا في استهلاك البترول ,... و اوسع من الراف ... بس يعيبها الشكل شوي
المزوحي
19-01-06 ||, 02:50 PM
تونا على الغداء اتناقش مع اخويه .. واقترح عليّه اللي تطريها .. قلت له شكلها مربع مافيها ديكور بالمره و 4 سلندر مابيكون فيها عزم .. لكن راف اليديدة 2.4
نبراس الليل
19-01-06 ||, 02:54 PM
ارمادا وايد حلوة

انصحك فيها وايد تعيبني لكن سعر السيارات مرتفعة بشكل كبير وانصحك تاخذلك من الحين سيارة لان في ارتفاع آخر في قطاع السيارات

وانصحك بارمادا الغالي حلوة حيل وعملية

وعن ميتسوبيشي حلوة وزينة ماعليها قصور

ربيعي عنده وحدة ماشاءالله للحين مامقصرة وياه ومستانس ابها مع انها كملت اربع سنين

وان شاءالله توصل للقرار النهائي ونستانس بوناستك عزيزي

بالتوفيق
شرجاوي
19-01-06 ||, 03:02 PM
2.4 مكينة الكامري ... و معروف ان الاكورد اقوى من الكامري بوايد .... لعلمك جربنا crv مالت واحد من الربع ويا فتك 2005 تيبترونيك .... تقريبا لين ال 120 ال crv جدام .... الفرق بينهم 110 احصنه ( الفتك اقوى بالاحصنه ) ... و انت اللي يريحك خذه
المزوحي
19-01-06 ||, 03:24 PM
نبراس الليل ... أونه شو متسوبيشي تخرب .. مب مشكلة بتكد 5 سنوات وببيعها ( إن الله أحيانا )
أرمادا قوية لكن ماريد سيارة بهالحجم ...

شرجاوي نعم الفتك تعطي قوة لأنه أكورد 4 سلندر زينة أشوفها .. وسعرها 79 ألف بالنسبة لرقم 2
بس تعاااااااال معقوله سي ار في .. جيه ؟؟
كلام كبير
شرجاوي
19-01-06 ||, 03:29 PM
و ليش لا ؟؟؟
المزوحي
19-01-06 ||, 03:47 PM
:shutup:
دهن العود
19-01-06 ||, 06:11 PM
.:المـزوحـي:.

اسأل نــااس عندهـم خبـره اكثـر فـ هالسواالـف
وسيـر المعـاارض وشــووف وعنـدك هنيه ما
شاء الله خوااانـي مب مقصـريـن ويــااك ولا
تااخـذ شـي عقـب تنـدم عليــه وتسـبب لك الخسـااير
وعقـب كـل هـذا استخـر ربـك وتوووكـل ..:)


لـــــــــــي عــووده

السمـوحه..
المزوحي
19-01-06 ||, 11:46 PM
دهن العود شكرا على التواصل .. وصح الواحد يسأل أهل الخيرة، لكن كل واحد له وجهة نظر ..
ومع هذا أنا أسأل ..
حتى لو السيارة اللي كنت بشتريها في حدود 250 ألف كذلك بحتار شو آخذ ..

الجماعة ماقصروا ينصحوني ... وكل واحد أكيد إذا مايملك هالسيارة، تلقين حد من ربعه من هله عنده أو يسمع عنها من برع !

وأنا في انتظار الرد ليوم الجمعة في الليل ... لأنه الصبح بسير الوكالة
الدمعة الحزينه
20-01-06 ||, 07:56 PM
خذ نيسان بس مب ارمادا

او

برادو اوكي بعد

ويلا بالتوفيق اخوويه
المزوحي
20-01-06 ||, 08:45 PM
برادو زينة وقوية للبر لكن ماحبها لأنها مرتفعة وايد
الحساس
20-01-06 ||, 09:11 PM
المزوحي..

مافكرت تاخذ مستعمل بس نظيف؟؟

قبل كنت اقول ان المستعمل مووول مب شي اكيد فيها عوق ولا وصخه..

لكن سير معارض دبي للسيارات المستعمله وشوف المواتر الي عندهم .. غاويه حيل وطبعا فينهن الي ماشيات وايد والي ماشيات شويه..

خذ لك مثلا شي موديل 2005 او 2006

والموتر الي انت حاط عينك عليه بتحصله ارخص هناك.. وانصحك تاخذ الموتر من المحل التابع لاي وكاله مثلا..

النابوذه عندهم هناك معرض فيه مواترهم روووعه سير وشوف وخذ فكره ومابتخسر شي..

بالتوفيق
شرجاوي
20-01-06 ||, 09:22 PM
سيارات معارض دبي و الوكالات وااااااايد غاليه .. و اذا حصلت موتر ( بالسعر المتوقع و المعروف ) لازم يكون فيه شي ( ضربة شاصي او المكينه و الجير فيهم شي الخ .... ) ...

اذا تبا موتر مستعمل .. عندك جريدة الخليج او من الربع او الاهل
المزوحي
20-01-06 ||, 09:23 PM
مشكور لك الحساس على المشاركة والنصيحة ... أنا فكرت آخذ مستعمل وفكرت وفكرت ...
بس محد مقتنع بإني اشتري موتر مستعمل ... ( بتقول كل واحد يسوي اللي يريحه )
كنت باخذ أكس فايف ... كنت بشتري لكزس .. وكل مره شي ... ومره قلت بشوف رنج جديم .. يعني موديل 99 مثلا ... وأخيرا قلت بشوف لكزس ال اس 400 وارد على 80 ألف تحصلهن ..

قالوا المزوحي خذ لك كورولا من الوكالة ولاتاخذ أكس فايف مستعمل ...
وفي نفس الوقت أخويه اشترى لكزس ال اس 430 مستعمل طشونه ماكمل سنه وماشاء الله كأنه من
الوكالة سعره 215 ألف

لكن أنا على أساس لي ميزانية معينة ... فمثلا شو في بالك اشتري في هالرينج
المزوحي
20-01-06 ||, 09:26 PM
شرجاوي معارض العوير ( مع إن بلدية دبي ) أونه لكن مانصحوني بهن .. وأنا شفت بنفسي مواتر يديدة على الزيرو أرخص من الوكالة بتسع آلاف درهم لكن قال راعي المعرض ما انصحك تشتري
الوكيل أفضل ... وحتى مسوؤلنا مره قال المزوحي اتحمل تاخذ مستعمل أكيد بيكون مضروب ..

هو صح بيكون شي نظيف لكن نادر ومابتقدر تميز عدل ( يعني أغلب الظن ) بتنقش !
وفي مواتر عندهم أغلى من الوكالة خاصة يوم ينزل عندهم قبل .. أمثال الرنج ..
المزوحي
21-01-06 ||, 08:50 PM
خـــلاص أنا حــجزت الــموتر اللي أباه :fa42:
دانة حتا
21-01-06 ||, 11:23 PM
شكلـها حلو بس انا ما افهم في السيارات
الله يوفقك
الحساس
22-01-06 ||, 05:06 PM
ها بشر شو حجزت ؟
شرجاوي
22-01-06 ||, 05:24 PM
crx ...
المزوحي
22-01-06 ||, 05:24 PM
لالا .. الحــساس مابـقول شــو حــجزت .. بـعد هالــسيارة يــبالها حــجز ... لــيش هـي بــتوصل بــعد
شــهرين .. تـــراها مــوجودة وراء الــوكالة .. يــعني يــومين وبــستلمها بإذن الله ..

ومــن طـريقـــتك يــوم تــقول بـــشّر .. حـــسيت بإني بحــجز الحــوت وإلا رنـــج ســبورت ... :vampire:


صــح أنا في خــاطري لــكزس ... لــكن ســير بــعيد عـــسب ماتــنصدم مــني بالـموتر اللي اخـترته :look:

حــمم .. الصــراحة مــتسوبيشي .. هالوكــالة اللي الكــثير يــتجنبون يــشترون من عــندهم وأولـهم
أنا :laugh:

من ســنتين وأنا أدور ومـن كــثر مــا أدور .. مــاحصلت غـــير بــاجيرو .. الــسيارات في غــلاء ..

هااااااا شــو رايــك الــحين بــعد ما قـلت لك إني بـاخذ بــاجيرو :fa56: قــوووول الـــصدق :wacko:
شرجاوي
22-01-06 ||, 05:29 PM
مبرووووك اخوي ... الله يعطيك خيرها و يكفيك شرها ....

الباجيرو حلوه و يعيبها غلاء قطع الغيار .... و اللي يقولون المتسوبيشي تخترب هذيله ما يهتمون بالموتر ... طلعوا الموتر من الوكاله و عيب الموتر يشوف الوكاله مره ثانيه ... اهم شي الصيانه و الاستخدام الجيد و مبرووك مره ثانيه عزيزي
الحساس
22-01-06 ||, 05:34 PM
اليوم وانا راد من الحلاق شفت باجيرو .. بس ام 4 ابواب بس صغيره..

دخلت بخاطري وتذكرتك.. وعسب جي سالتك شو سويت..

انزين عطني سعر نسبي للموتر..

مبروك على ماخترت... حلوه والله ..
المزوحي
22-01-06 ||, 05:36 PM
الله يبارك فيك شرجاوي ...

مب عسب شي ... لكن عسب إني أوضح بخصوص قطع غيارها .. صح نسبيا هي أغلى عن تويوتا
ونيسان إذا بتقارن ... لكن الناس يوم بتاخذ مرسيدس أو بي أم يشوفون هالمواتر يستاهل الواحد يدفع لها بس لأنا مواتر ألمانية ...

صدق الفترة الأخيرة تمسكت بالباجيرو لانه وايدين كانوا يذمونها لي .. قلت في خاطري يعني شو الموتر اللي باخذه موووول مابيصير به شي !!

وثانيا إن شاء الله أنا بحافظ على الموتر ... أعرف واحد أبوه عنده ايسوزو موديل 96 شو بهدلين موتر أبوهم .. يشاوحون به .. وزين إنه الموتر كد وعايش ..

مب كأني أرمس واااااااااااايد .. ههههه

ربيعي عنده مرسيدس اي 240 ويشتكي منه ... عندك مورانو مادخلت خاطري ... مب قضية بادي وخلااااااااص ...

وأدري السعر عند البيع ينزل مقارنة بالخوات ... لكن ما اشحت مواتر وأسير بالتكاسي ... :fa43:
الحساس
22-01-06 ||, 05:38 PM
كلام شرجاوي صحيح.. اذا استعمالك اوكي مابتاخذ قطع غيار ان شاءالله..

والصراحه استغرب وايد يوم الواحد بيشتري موتر ويوقول بس ياخي قطع غيارها غاليه حيل!! الحبيب ساير يشتري موتر ولا موتر بقطع غيار؟؟

اقل شي 5 سننوات الموتر مابيصييح من شي اذا انت استخدمتها صح.. وبعدين بيعها قبل لا تبجي عليك P:

دمتم
المزوحي
22-01-06 ||, 05:43 PM
الحساس ... كل واحد له وجهة نظر ...

يعني في واحد يقولك والله آخذ أودي اي6 بـــ 160 ألف واقسط ويتبهدل .. يقول لأنه الباجيرو سمانه غالي ....

تراك دفعت هالمبلغ ... لاااااااااا خصوصا يوم يكون اقساط ( مع فوائد ) :look:

أنا عندي باجيرو آيو الصغيرونه .. بعتها لانه عزمها ضعيييييييييييف جدا ... يعني 1600 سي سي
تمت ويايه 6 سنوات وبعتها قبل شهر تقريبا ...

هممم قالوا خذ تويوتا ومابتندم .. سرت أشوف الراف 93 ألف :glare:
المزوحي
22-01-06 ||, 05:45 PM
الحساس الله يبارك فيك وفي احتمال الشكل يتغير ومايهمني الصراحة ..يرقدون وينشون يغيرون شكل الموتر ... تعبنا !!!

وسعر الموتر 82 ألف ... باب واحد ، رقم 2 و 3000 سي سي
حبوبه دبي
22-01-06 ||, 06:18 PM
مــاعليــك من رمســة النـــاس :glare:

كــل يــوم بيطلعــولك شــي يديــد !!!

اتــوكل ع الله وفكـ عمـــرك ،،

مبـــرووك وتستــاهل كـل خيــر يالمــزوحـــي ،،

:woot:
المزوحي
22-01-06 ||, 06:22 PM
عيل شو أسوي، كل واحد يقول شي، أنا بعد ما اقتنع في السيارات الامريكية لكن في ناس تموت عليها
وهم بكيفهم لو يقتنونها سواء لعشقهم او حتى الميزانية اللي يقدرون عليها :ohboy:

الله يبارك فيج :inlove:
شرجاوي
22-01-06 ||, 06:55 PM
المواتر الالمانيه خرطي والله ( ما عدا الاوبل ) خخخخخ ... يا ريال سعر ال sl55 فالوكاله 590 الف تقريبا و الحين بتحصل موديل 2003 ب 290 الف ... يعني خسرت 300 الف ... قطع غيار النيسان ناااااااااااااااااار ... و ارخص قطع غيار الشفروليه ( طلعت برع الموضوع )

المزوحي نبا نتعشى ولا شو رايك يالحساس .. و حبوبة دبي هاتلها كاكاو معصار
المزوحي
22-01-06 ||, 07:53 PM
فخامة وخسارة ... والأوبل ماعليه كلام :fa46: فكرت آخذها بس مب اللي تطريها دوووم ..
في وحدة صغيرونة .. باب واحد وهاتش باك ............ شفت السوداء حلوة :fa42:
النيسان القطع غالية والبتروووول ينفذ :shutup:
اما شفرولية حتى في البقالة تحصل قطع الغيار .. :look:

وعلى العشى نسير وافي ( المطعم الايطالي ) :fa37: وحبوبة دبي حم حم .. نوتلا :fa56:
شرجاوي
22-01-06 ||, 07:59 PM
ما احب اسير سناتر .... ابا اضرب عيش خخخخخخخخخخخخخخ

الهاتشباك اللي تتكلم عنها اعتقد كورسا او استرا و فعلا فخامه و خساره ...
المزوحي
22-01-06 ||, 08:12 PM
تــبى المــندي وإلا مطــبخ مــن الـمـطابخ الــشعبية :vampire:
ذنـيـنـي
22-01-06 ||, 10:24 PM
أحم اشوف السالفه فيها عيش و لحم و ذبايح و مطعم ايطالي ومندي بالسباجيتي

و مرقة سوشي


نحن عندنا باجيرو من سنه 98 و الين يومك عايش و ما جد اخترب علينا

بس مره وحده جيمت المروحة و بدلناها,,
طبعا هالكلام كان السنه الي طافت يعني عقب 7 سنين من الاستخدام الشاق,,

يعني ما شاء الله ما جد استخدمنا سيارة كرفت ويانا اكثر من الباجيرو

و مبروك عليك الموتر اليديد و الله يعطيك خيره و يكفيك شره
الحساس
22-01-06 ||, 11:07 PM
خلاص يالمزوحي.. مابنخيب املك وبنيي عزيمتك..

...

تدري شكلي تذكرت ان الموتر الي شفته شرات مواترك باب واحد هب بابين..

صدق حلوة..

ربي يعطيك خيرها ان شاءالله ويكفيك شرا..

بس سعرها هب غالي؟؟ ( تراني غتيم بالمواتر والاسعار اسمحلي)

لو انا بدالك ماباخذ من الوكاله باخر موديل 2005 وبنفس القيمه بس بو 4 ابواب (ماعرف شو اسمها) واظن اني شفتهن في موقع سوق دبي للسيارات المستعمله..

واذا بعتها.. مابخسر وايد شرا الي ياخذ من الوكاله.. وهذا رايي طبعا..

بس شوف.. ترا العزيمه نباها.. وجانك مابتعزم بنعزمك ولا يهمك..
المزوحي
23-01-06 ||, 12:22 AM
ذنيني ... حم حم منو قدي ... حصلت واحد يمدح الباجيرو .. ياسلااااااااام على المزوحي
خل عنك الاكس فايف والرنج والطوارق وخذ أميرة الصحراء باجيرو :woot:
الله يبارك فيك أخونا :fa35:
ذنـيـنـي
23-01-06 ||, 12:25 AM
على فكرة يا المزوحي

بن سليم عنده باجيرو مزوده

و يقول انها اكثر سيارة ممتعة له في السواقه بين كل سياييره

و على كلامه,, يقول انه يعشقها بدرجه مب طبيعيه ;)
المزوحي
23-01-06 ||, 12:30 AM
إذا قارنيتها بأي جيب سعرها معقول طال عمرك ... حتى لو قالوا تويوتا ..بيقولون تويوتا لأنه شركتها أفضل من جيه أغلى حتى لو كانت 4 سلندر الشيخ ..

موتري اللي بعته هذا

http://www.japancar.ru/data/images/_catcolor/2001/1091.jpg

وحاليا بيكون هذا ( إن شاء الله )

http://www.tails.nl/4x4site/wallpaper/pajero.jpg
المزوحي
23-01-06 ||, 12:32 AM
ذنــينــي ســيارات الـرالـي أغــــلبها بــاجـــيرو :vampire:
شرجاوي
23-01-06 ||, 01:08 PM
سعرها وااااايد اوكي بالنسبه لباقي المواتر .. النيسان الكوبي رقم 2 ب 112 االف و البرادو ب 115 الف تقريبا
المزوحي
23-01-06 ||, 03:58 PM
هي من شهرين كانت أغلى يوم سمتها ... والحمدلله ... لكن الصراحة من قلت باجيرو شفت إنها منتشرة وااااااااااااااااااايد سواء باب واحد أو حتى بابين
نبراس الليل
24-01-06 ||, 01:31 AM
بشرنا وش هو الموتر

مبروك مقدما تشوف خيره ويكفيك شره
حبوبه دبي
24-01-06 ||, 01:59 AM
كـاكــاو معصــار !! نــوتلاا !!

شــرجــاوي والمــزوحــي شــو بــراسكــم !! :fa38:

اصــلاً مــاعــزمكــم انــتووو :fa56:

مــال غصـــب شــووو خخخخ :tounge:

بيحــوطكم فالمــوتر

وكــرك بنـص ربيه هــو خبـــرنـــي :fa56:
المزوحي
24-01-06 ||, 03:06 PM
نبراس الليل خلاااص اشتريت باجيرو وتسلم ... :ohboy:

حبوبة دبي وقهتيني :fa52:
شرجاوي
24-01-06 ||, 07:28 PM
اهم شي بنحصل شي مال بلاش خخخخخخخخخخخ
المزوحي
24-01-06 ||, 10:41 PM
هههه :)
الهيثــم
26-01-06 ||, 01:36 AM
مبـــروك عليــــك يـ الطيـــب ...

عـــاد نبــاك اتصــور لنــا الموتــر نبــا نشــوف شكـــله ...
وشو اللـــــون الي خـــذته ! ..

ومبــروك عليك مرة ثـــانية
والله يعطيــك خيــرها ويكفيـــك شــرهــــا ...
المزوحي
28-01-06 ||, 12:29 AM
مــشكور .. الله يــسلمك الــخطاب ...
وإن شاء الله بصور الموتر
الهيثــم
29-01-06 ||, 11:36 PM
يالله اتـــرياك بن عمــــي ... ^__^
المزوحي
02-02-06 ||, 07:12 PM
http://www.hdashti.net/upload/free17/DSC01192.JPG
المزوحي
02-02-06 ||, 07:14 PM
http://www.hdashti.net/upload/free17/DSC01193.JPG
المزوحي
02-02-06 ||, 07:16 PM
http://www.hdashti.net/upload/free17/DSC01194.JPG
ذنـيـنـي
03-02-06 ||, 05:21 AM
ما شاء الله

الله يعطيك خيره و يكفيك شره


و اللون الي اخترته وايد حلو




ملاحظة
ممكن شوي تصغر الصور
المزوحي
03-02-06 ||, 10:29 PM
ذنيني أنا من متى ابغي احط لكم الصور .. ومايستوي لا من الواحات ولا حتى من المواقع الثانية
كله يكتب حجم الصوره كبير
وآخر شي دخلت هالموقع قبل .. استانست ...
بس ظهرت الصورة عودة ............ ماعرف كيف يصغرونها للأسف